قصة : { #انحناء_الياسمين } 🌼
الحلقة الأولى { ١ } 👄
*( شهر 9 ، سنة 2018 )*
( جوة مدرسة ثانوي خاصة بنات وولاد ، ف الملعب ، دوشة وزحمة وصريخ ، بنات ماسكين ف خناق بعض ومنهم اتنين مقطعين بعض م الضرب ومحدش عارف يفض الخناقة والطلاب بيتفرجه وبيصوره ، ف فصل فوق ، قاعدين شلة ولاد بيتكلمه ، يدخل شاب مرة واحدة )
الشاب : فهد الحق البنات تحت مقطعين بعض خناق ومن ضمنهم ياسمينا 😮
فهد وهو بيقوم ب خضة : احيه 😳
*( ملحوظة .. فهد شاب وسيم ، بشرته قمحية ، عيونه رمادي ، شعره بني ، طويل وعريض جسمه رياضي متدهوش سنه ، عنده ١٩ سنة ، ف تالتة ثانوي بس عايدها مرة قبل كدة ، من عيلة غنية جداً ومعروفة ، والدته متوفيه وعايش مع بباه ومعندوش اخوات )*
( يجري فهد ع تحت يدخل بين الي واقفين ويشد بنت م الي بيتخانقه )
ياسمينا ب صريخ : سيبناااااااي 😡
*( ملحوظة .. ياسمينا بنت جميلة ب معنى كل حرف م الكلمة من دون مبالغة ، بشرتها بيضة ، عيونها لبني لون السما ، شعرها كستنائي طويل ل اخر ضهرها ، طولها متوسط ، جسمها مظبوط بالملي ، مامتها اصولها م الشيشان وهي شبها جداً وبباها مصري ، عندها ١٨ سنة ، ف تالتة ثانوي ، هي وفهد صحاب جداً ، اهلها اغنية ومنفصلين عن بعض من اربع سنين وهي عايشة مع مامتها وبباها متجوز ، مامتها بتشتغل رقاصة ف الأفراح العالية وعندها night club مشهور ودي عقدة حياة ياسمينا شغل مامتها )*
فهد وهو بيشدها : طب اهدي طيب !
ياسمينا وهي بتعافر : اوعااااا 😡
( تزق فيه وعاوزة ترجع للبنت تاني ، فهد يلاقي مافيش فايدة يشيلها من ضهرها ويطلعها برة المدرسة بالعافية )
ياسمينا ب زعيق : سيبني ي فااااااهد 😡
( يسيبها )
فهد ب انفعال : اهدي بقا يخربيتك 😠
ياسمينا وهي بتحاول تدخل : سيبني اخش اجيبها من شعرهاااا 😡
فهد وهو بيمسك ايدها : اومال الي ف ايدك دة ايه اهدي بقولك هتتفصلي كدة 🤷🏻♂️
ياسمينا : م انت مسمعتهاش قالتلي اييييه 😧
فهد : حصل ايه ل كل دة ؟!
ياسمينا : بتقولي هجيب مامتك ترقص ف فرحي قبل م تتوب ومتقلقيش هندفع كوييييس 😡
فهد : لا والله !
ياسمينا ب غيظ : واللهييييي ، ليا حق اقطعها بقا ولا ﻷ 😡
فهد : بس برة المدرسة مش جوة 👉
ياسمينا ب صريخ : مقدرتش امسك نفسيييي 😡
فهد ب زعيق وهو بيمسك وشها : اهدي قلنا صوتك هيرووووح 😠
ياسمينا ب عياط وهي بتمسك ايده : ل امتى هفضل اتعاير بسببها ، ل امتى هفضل اتهان بسببها ، ل امتى انا تعبت بقا تعبت 😣
فهد وهي بياخد دماغها ف حضنه : بس طيب 😑
ياسمينا ب كسرة : والله تعبت ، تعبت بجد ي فهد 💔
فهد ب حزن : معلش ، حقك عليا انا 😕
ياسمينا وهي بتبصله : حقي عليها هي ، نفسي تحس ب كسرتي دي ، نفسي تحط نفسها مكاني وتشوف انا بحس ب ايه لما اتهان كل شوية بسببها ، هي ليه مش حاسة بيا ليييه 💔
فهد وهو بيمسح دموعها : عشان خاطري طيب اهدى وتعالي اروحك
ياسمينا : مش عاوزة اروح هتخانق معاها 🤦🏻♀️
فهد : طب خلاص مش هروحك تعالي نروح اي حتة دلوقتي تهدي اعصابك اوك
ياسمينا : اوك 😔
( يمسك ايدها ويقرب ع عربيته يفتحلها الباب ، تركب ويركب ويسوق ويمشه ، بعد شوية ، قاعدين ف كافيه )
فهد وهو بيطبطب ع ايدها : روقي بقا بالله عليكي 👋
ياسمينا ب ابتسامة : انا تمام 🙂
فهد : انا عارف إنك مش تمام ، بس انتي لازم تتأقلمي ع الوضع دة
ياسمينا : صعب عليا ي فهد 💔
فهد : عارف
( يرن الفون بتاعها ، تطلعه من جيبها وتقفله )
فهد : هي ؟
ياسمينا ب ضيق : اه 😒
فهد : طب ردي عليها تلاقيها قلقانة عليكي
ياسمينا : لأ مش عاوزة اكلمها بجد هضايق منها اكتر 🤦🏻♀️
فهد : طيب خلاص بلاش
ياسمينا : اطلبلي آيس كريم عشان هكتأب 💔
فهد : هههههه حاضر 😄
( يطلبلها ايس كريم تقعد تاكل فيه وتتكلم معاه وتعيط وهي بتاكل ، ييجي الليل ، تدخل ياسمينا البيت ، تقوم مامتها مخضوضة )
رين : كنتي فين كل دة ؟!
ياسمينا : مع فهد 😒
رين : ايه الي حصل ف المدرسة ، ايه الي خلاكي تضربي البنت دول ودوها المستشفى عملالي فيها بلطجية !!
ياسمينا ب زعيق : بسببك 😡
رين ب استغراب : بسببي انا ؟!
ياسمين : ايوة ، كل كارثة ف حياتي بسببك ، كل مصيبة فيها بسببك ، بسبب إن امي رقاصة ، بسبب إن امي شماااال 😡
رين وهي بتضربها بالقلم : اخرسي ، اخرسي خالص 😧👋
ياسمينا ب زعيق : لاااا مش هخرس ، مش هخرس عشان هما مبيخرسوش عن سيرتك كل شوية 😡
رين : الي انا بعمله دة مش غلط دة شغلي 😟
ياسمينا : بس شغل حرام ومعروف إنه شمال ، حتى لو انتي مشياه صح ف الصح بتاعه غلط ف نظر اي حد 🤷🏻♀️
رين : دي حياتي ومحدش عاوز مني حاجة 😒
ياسمينا ب عياط : انا عاوزة ، عاوزة تفكري فيا شوية ، شوية بس ، انا مفكرني وحشة ل مجرد صورة الرقاصة الي راسمينهالك ف خيالهم ، مفكرني بنت شمال ، عارفة يعني ايه ، عارفة انا بتعرض ل ايه بسببك 😥
( متردش ، تطلع ياسمينا اوضتها ، تترمي ع سريرها وتتفتح ف العياط ، يرن فونها ، تمسكه )
ياسمينا : الو
فهد : ايه عاملة ايه دلوقتي ؟
ياسمينا ب عياط : كويسة 😔
فهد : بتعيطي ليه طيب ، يبقا اتخانقتي معاها
ياسمينا : اكيد
فهد : حصل ايه ؟
ياسمينا : شدينا قصاد بعض 🤦🏻♀️
فهد : معلش ، محدش فينا بيختار امه ولا ابوه
ياسمينا : انا همشي
فهد ب استغراب : تمشي فين ؟!
ياسمينا : هروح عند بابا ، انا اتخنقت من هنا
فهد : بس انتي مبترتاحيش مع مراته ولا ابنها بلاش احسن ي ياسمينا !
ياسمينا : هطنشهم هفكني منهم وإلا همشي بعيد عن الكل ومحدش هيعرفلي طريق والله 😧
فهد : اهدي بس ، شوفي عاوزة تروحي امتى واتصلي بيا اجي اوصلك
ياسمينا : هقوم البس دلوقتي
فهد : اوك خلصي وانا هنزلك دلوقتي
ياسمينا : ماشي
( تقفل ياسمينا وتقوم تحط هدوم ف شنطة صغيرة وتلبس ، تطلع من اوضتها وتبص من فوق متلاقيش مامتها قاعدة تحت ، تاخد شنطتها وتمشي م البيت ، فهد مستنيها قدام الڤيلا ، ينزل يحطلها الشنطة ف العربية ويمشوا )
فهد ب استغراب : سابتك تمشي يعني !!
ياسمينا : مقلتلهاش إني ماشية ، انا مشيت من وراها
فهد : يخربيتك ازاي تمشي من وراها !!
ياسمينا : مش هتحس ب عدم وجودي ، اصلاً شوية وهتمشي تروح شغلها وافتكرها ع بعد الفجر ، هترجع عارفة إني نايمة ف هتخش تنام وتصحى قرب م انا اجي م المدرسة كالعادة 💁🏻♀️
فهد : مسيرها هتعرف
ياسمينا : لما تبقا تعرف بقا 🙄
فهد : نفسي تبطلي جنان والله !
( يوصله عند بيت بباها ، ينزله م العربية ، فهد يديها الشنطة )
ياسمينا وهي بتاخد الشنطة : اشوفك ف المدرسة
فهد : إن شاء الله
( تحضنه )
فهد : خلي بالك من نفسك وكلميني قبل م تنامي
ياسمينا : حاضر
( يمشي فهد ، تقرب ياسمينا ع الباب ترن الجرس ، تفتح الشغالة )
الشغالة : اتفضلي
( تدخل ياسمينا ، مرات ابوها قاعدة هي وابنها )
مصطفى ب فرحة : ياسمينا 😃
الحلقة الثانية { ٢ } 👄
سحر ب ضيق : خير يارب 😒
ياسمينا : فين بابا ؟
سحر : طب ارمي السلام حتى هو انتي داخلة ع كفار !
ياسمينا ب قرف : اهلاً ، فين بابا ؟
سحر : لسة مجاش ي حبيبتي
ياسمينا : طيب
( تطلع اوضتها ، يطلع وراها مصطفى ، يدخلها )
مصطفى : ا ..........
ياسمينا ب نفاذ صبر : بص انا اقسم بالله روحي ف صوباع رجلي الصغير حالياً ، ف فكك مني وامشي من وشي احسنلك 👌
مصطفى : ايه ايه بالراحة ع نفسك ي بيضة ي حلوة مالك !
ياسمينا ب عصبية : الحلوة دي تبقا امك وغور بدل م اقولك البيضة دي تبقا ايه 😠
مصطفى : انتي بت ........
الاب وهو داخل : ياسمينا 😃
ياسمينا : بابا 😧
( تجري عليه تحضنه )
الاب : وحشتيني اوي ❤
ياسمينا ب عياط : وانت كمان 😥
الاب ب قلق : ليه العياط دة مالك ، انتي متخانقة مع امك ؟!
( تشاورله ب اة )
الاب : طب اهدي معلش ، تعالي
( ياخد ايدها ويقعده تحت )
الاب : سحر جهزي اوضة ياسمينا
سحر : مش محتاجة عزومة مهي طلعت وفرشت كمان 😒
( يبصلها ب غيظ ويرجع يكلم ياسمينا )
الاب : احكيلي حصل ايه ؟
( تحكيله الي حصل ، ف ال night club ، قاعدة ام ياسمينا ف اوضتها مع واحدة صاحبتها )
رين : اعمل ايه طيب م انتي عارفة الي فيها مقدرش اصفي شغلي حالياً خالص ، وكمان انا مفهمش ف اي حاجة غير الرقص 🤷🏻♀️
غزل : ع الأقل متدخليش معاها ف نقاش كدة ، هاوديها طمنيها مش تزعقي فيها وتضربيها كمان !
*( ملحوظة .. غزل صاحبة رين جداً من زمان وكانت مدربة الرقص بتاعتها ، عندها ٥١ سنة بس صحتها كويسة 😂💪 )*
رين ب ضيق : هي الي عصبتني ب كلامها ، انا برضو امها مينفعش تكلمني كدة ي غزل 😒
غزل : مهي بصراحة عندها حق ، البت جابت اخرها وكل شوية تتخانق مع حد من زمايلها بسببك ، قوليلي لحد دلوقتي كام مدرسة اتنقلت منها وكام خناقة اتخانقتها ، هتكرهيها فيكي كدة ي رين 🤷🏻♀️
رين ب حزن : لسة ها ، مهي كرهتني خلاص 😕
غزل : لا طبعاً متقوليش كدة انتي امها ، اتصلي بيها اطمني عليها يلا
رين ب تنهيدة : طيب 😑
( عند ياسمينا )
الاب : انا مش عارف هي هتفضل كدة لحد امتى 🤷🏻♂️
ياسمينا : لحد م يجرالي حاجة بسببها 😒
الاب ب عصبية : بعد الشر عليكي دة انا كنت اروح فيها ف داهية 😠
سحر ب تريقة : ربنا يتوب عليها 😏
( تبصلها ياسمينا ب ضيق )
مصطفى : ومالها الست لما ترقص ل جوزها ، ولا هي امك بتحب اللمة ههههههه 😂
ياسمينا : انت .........
الاب ب انفعال : مصطفى احترم نفسك 😠
( يسكت ، يرن فون ياسمينا )
سحر : وهو قال ايه يعني الله 🤷🏻♀️
( تاخد ياسمينا الفون وتبعد شوية )
ياسمينا : الو
رين : ايه ي ياسمينا
ياسمينا : ايه ي ماما
رين ب استغراب : ايه الدوشة الي عندك دي انتي مش ف البيت ؟!
ياسمينا : انا عند بابا
رين ب استغراب : بابا ، ايه الي وداكي هناك ؟!
ياسمينا : مخنوقة 😒
رين ب انفعال : وملقتيش إلا دول الي تفكي خنقتك عندهم 😠
ياسمينا : مش احسن م افضل اتخانق معاكي انتي !
رين : وازاي متقوليش ، روحي البيت حالاً !
ياسمينا : مش عاوزة اروح
رين ب زعيق : بقولك روحي بدل م اجي انا اخدك ي ياسمينااا 😡
( تقفل ياسمينا )
رين ب غيظ : اه ي حيوانة ماشي 😡
( تقوم رين )
غزل : في ايه ؟!
رين ب عصبية : شوفتي راحت عند ابوها من غير م تقولي عشان بتقوليلي اتعامل معاها بالراحة دة انا هروح اجيبها من شعرها حالاً 😡
غزل : اهدي بس و بالراحة برضو !
رين ب انفعال : برضو هتقولي بالراحة 😯
غزل : طب رايحة فين عندك شغل !!
رين : يولع 🤷🏻♀️
( تغير رين هدومها وتمشي ، عند ياسمينا )
سحر ب انفعال : وانت زعلان عليها اوي كدة ليه إن شاء الله 😠
الاب : ولا زعلان ولا زفت بس دي ام بنتي والمفروض تتكلمه عليها احسن من كدة !
سحر ب تريقة : مسم ام بنتك ، اسم الله ع ام بنتك 😏
الاب : اتكلمي كويس ي سحر احسنلك ☝
سحر : وإن متكلمتش كويس يعني هتعمل ايه ؟!
الاب : متستفزيش صبري ي بنت الناس انا ........
( ياسمينا واقفة عمالة تبص لكل واحد شوية ، تتنهد وتغمض عيونها )
سحر : انت بتهددني ي محمد 😠
الاب : انا مبهددكيش انا بقولك اتلمي وخلي الليلة دي تعدي ع خير ☝️
سحر : مش هتعدي ع خير طول م المحروسة جيالنا ب قرفها 🤷🏻♀️
( يضربها بالقلم ، تتخض ياسمينا )
الاب ب زعيق : انتي مش عاوزة اليوم دة يعدي بقااا 😡
سحر : انت بتضربني عشان بنتك 😳
الاب : واكسر دماغك 😡
( تطلع ياسمينا اوضتها ، تقعد ع السرير تحط ايدها ع وشها وتعيط )
ياسمينا : يارب ، مافيش راحة ابداً ف اي مكان 😔💔
مصطفى : ولعتيها وارتحتي 💁🏻♂
( تتخض ياسمينا تلاقيه واقف قصادها )
ياسمينا : ولعتها !!
مصطفى وهو بيقرب عليها : اه ولعتيها 🤷🏻♂
ياسمينا وهي بتقف : انا مش هرد ع واحد شبهك 😐
( تقوم تلم هدومها ف الشنطة تاني )
مصطفى : رايحة فين ؟
ياسمينا : ملكش دعوة
( تقفل الشنطة ، يشدها مصطفى من درعها ويقربها عليه تتخض )
ياسمينا وهي بتزقه : اوعاا 😠
( يحاول يبوسها تصده ، يزقها ع السرير ويقرب عليها )
ياسمينا ب خضة : انت اتجننت بتعمل ايه ، سيبني ، ي بابااااا 😧
( طبعاً محدش سامعها عمالين يزعقه تحت )
ياسمينا ب صريخ وهي بتزق فيه : اوعااااا 😫
( يبوسها غصب عنها ، تخربشه ف عينه )
مصطفى ب وجع : اااااه 😨
( تزقه وتاخدها شنطتها وتجري ع تحت )
سحر : طلقني ي محمد طلقني 😠
الاب : انتي .........
( تقرب ياسمينا ع الباب تفتحه وتمشي ولا حد حاسس بيها ، تطلع م الڤيلا ، تحط شنطتها ف الأرض وتقعد ع الرصيف وتحط ايدها ع وشها وتعيط ، تعدي مامتها ب العربية ، تفتحلها الباب ، تبصلها ياسمينا وبعدين تقوم تركب معاها ويمشوا ، يوصله البيت ، يدخله )
رين : ياسمينا
( متردش وتطلع اوضتها ، تطلع وراها مامتها )
رين : مش بندهك !
ياسمينا وهي بتقعد ع سريرها : سيبيني دلوقتي لو سمحتي ، والنبي 😔
( تتنهد رين وتمشي ، تنام ياسمينا عمالة تعيط ، يرن الفون بتاعها )
ياسمينا : الو
فهد : نمتي ولا ايه ؟
ياسمينا وهي بتمسح دموعها : لا ، لسة 😟
فهد ب استغراب : اومال مال صوتك ؟!
( تعيط ياسمينا )
فهد ب قلق : اهدي وقوليلي مالك ؟!
( تحكيله الي حصل من مصطفى )
فهد ب عصبية : ابن الكلب ومموتيش امه لييييه 😡
ياسمينا : انا مصدقت عرفت ابعده عني وخدت شنطتي وجريت 😥
فهد ب زعيق : انا مش اتنيلت قلتلك م الأول بلاش تروحي 😡
ياسمينا ب عياط : معرفش إن كل دة هيحصل 😣
فهد ب تنهيدة : طيب بطلي عياط طيب 😑
ياسمينا ب عياط : مخنوقة اوي 😫
فهد : اهدي عشان خاطري 😕
( متنسوش اللايك ورأيكم .. ♥️✨ )
#قصة_انحناء_الياسمين_ل_سهيلة_سعيد
#sohila_sa3ed