قصة { #انحناء_الياسمين } 🌼
الحلقة الثالثة عشر { ١٣ } 👄
( تشاورله ب اه ، يلبسلها چاكيت كان جايبه ف ايده وياخد ايدها ويطلعه م النفق ، ف البيت )
ميادة : تمشي فين ، احنا الفجر !!
ريم : هروح البيت
ميادة : اصبري الصبح ي ريم بلاش جنان !
ريم ب انفعال : قلتلك همشي ي ميادة ✋
ميادة : اهدي طيب واقعدي دلوقتي ، اتصلتي ب امك ي عيشة ؟
عائشة : اه بس مردتش 🤷🏻♀️
ميادة : جربي تاني اكيد نايمة
عائشة : حاضر
( تتصل تاني ، ف الشارع ، طارق ماشي وياسمينا ماسكة ف ايده ومدارية فيه )
ياسمينا : طارق
طارق وهو بيبصلها : نعم ؟
ياسمينا : انا اسفة 😔
طارق : ع ايه ؟!
ياسمينا : عملتلك مشكلة بينك وبين خطيبتك ، صدقني مكنتش اقصدلك اي اذى والله 😥
طارق : مفيش اذى ولا حاجة ، هي مبقتش خطيبتي خلاص ، انا سيبتها 😒
ياسمينا ب خضة : احيه ليه كدة !!
طارق : اتخانقنا ، هزقتني وقالت عليا عيل ومش راجل عشان قلتلها إني مش عاوزها
ياسمينا ب حزن : انا بجد اسفة ع كل دة 😟
طارق : انتي معملتيش حاجة اصلاً ، هي الي لسانها طويل
ياسمينا : إن شاء الله كل حاجة ترجع كويسة
طارق : إن شاء الله
( فهد ف عربيته ، يلمح ياسمينا ، يفرمل بسرعة وينزل م العربية يكونوا مشيوا ميشفهمش ، يتنهد فهد ويرجع يركب عربيته ويمشي ، يمسك الفون )
فهد : منطقة **** ف المنصورة ، تفتشوهالي حتة حتة
( ف البيت )
عائشة ب زهق : م تترزعي بقا دة انتي توجعي القلب 😑
ريم ب اصرار : قلتلك ماشية ☝
( يدخل طارق وياسمينا ، يبصلهم )
طارق : في ايه ؟!
ميادة : ريم عاوزة تمشي
طارق وهو بيبص ل ريم : تمشي فين احنا الفجر !!
ريم : محدش ليه دعوة
( تمشي يمسك دراعها )
طارق : انتي اتهبلتي ، ابقي امشي الصبح 👋
ريم : همشي دلوقتي ، سيبني 😒
طارق وهو بيزقها ع جوة : مفيش مشيان
ريم : استغفر الله العظيم ، مش هقعد انا ودي ف بيت واحد ، مهو ي انا امشي ي هي تمشي 🤷🏻♀️
طارق : مافيش حد هيمشي لا انتي ولا هي
ريم ب غيظ : انت ملكش حكم عليا 😐
طارق : لا ليا ، وخلي ليلتك دي تعدي ع خير ي ريم عشان لو رجلك خطت برا البيت السعادي هزعلك ، ف خشي اتخمدي 😠
( تدخل ريم ب نرفزة الأوضة وتقفل الباب عليها )
طارق ل الكل : يلا وانتوا كمان خلوني اناملي ساعتين 👏🏻
( يدخل الكل ينام ، يطلع الصبح ، يخبط الباب ، يقوم يفتح طارق )
الام : سلامو عليكم
طارق ب نعاس : عليكم السلام 🥱
( تدخل الأم تقعد )
الام : ايه مالك ؟!
طارق : حصل حوارات كدة 😐
الام ب قلق : حوارات ايه ؟!
( يحكيلها الي حصل ، يصحى الكل يقعده سوا إلا ياسمينا وطارق )
الام : دلوقتي الي عملتيه دة ميصحش ي ريم
ريم ب انفعال : ي خالتو انتي مشفتيش منظرها كانت قاعدة معاه ازاااي 😧
عائشة : الغلط مني انا ي جماعة ، هي كانت عاوزة بيچامة تنام بيها عشان حرانة وانا الي ادتها دي ، قلت هتنام بيها بس متوقعتش تطلع بيها برة الأوضة 😬
الام : ايوة مهي غلطانة طبعاً ، ازاي تقعد كدة قصاد اخوكي !!
ميادة : ي جماعة لاحظوا إنها باين بنت ناس مرفهين اوڤر يعني 🙄
عائشة : ايوة هي عادي بالنسبالها إنها تقعد كدة وتخرج كدة كمان
الام : ع العموم الموضوع انتهى خلاص
ريم وهي بتضير وشها : بس انا مش غلطانة ي خالتو 😒
الام : بصي ي ريم ، انتي اه بنت اختي وحبيبتي وكل حاجة ، بس دة بيتي ، اظن انا الي من حقي اقول مين يقعد ومين يمشي ، ف مكانش ينفع تطردي بنت زي دي من بيتي الفجر وتخليها تمشي ف الشارع بالمنظر دة ، والله اعلم كان ممكن يجرالها ايه وهي ف عهدتنا لولا طارق جابها ، ومع ذلك مش مغلطاكي ف كدة لإنها مهما كانت غريبة ، بس طلاما عايشة هنا تبقا من مسؤليتنا ، بس الغلط بقا إن يتقال ع ابني إنه عيل ومش راجل ي ريم !!
ريم ب احراج : انا قلت كدة من عصبيتي بس 😐
الام : ميصحش برضو لإن ابني مش عيل ابني راجل وسيد الرجالة كمان ☝
ريم ب ندم : مكنتش اقصد ي خالتو 😔
الام : حوار فسخ الخطوبة دة حصل وقت نرفزة ، ف سيبه الموضوع دة دلوقتي لما تهدوا الأول
ريم وهي بتقوم : ماشي ي خالتو ، انا مروحة ، سلام
( تمشي ريم )
الام ب تنهيدة : لا أله إلا الله ، نادي ياسمينا
( تقوم عائشة تخبط ع اوضة ياسمينا )
عائشة وهي بتخبط : ياسمينا كلمي ماما ✊
ياسمينا من جوة : حاضر جاية
( تطلع ياسمينا )
ياسمينا : نعم ي طنط ؟!
الام : تعالي اقعدي
( تقرب تقعد )
الام : متزعليش م الي قالته ريم
ياسمينا : لأ مش زعلانة
الام : هي بس عصبية حبتين
ياسمينا : هي عندها حق انا طولت عندكم ، بس غصب عني والله 😟
الام : متقوليش كدة انتي زي بناتي ودة زي بيتك
ياسمينا : الله يخليكي ي طنط
الام : بس برضو عشان تقعدي هنا في حاجات لازم تاخدي بالك منها ، يعني مينفعش تقعدي ب هدوم النوم قدام طارق
ياسمينا ب احراج : انا والله مقصدتش ، انا فكرت عادي يعني لإني واثقة ف طارق وعارفة إنه انسان محترم 😕
الام : طبعاً محترم ، انا ابني مربياه احسن تربية ، بس مازال اسمه شاب ف مينفعش تقعدي قدامه كدة تاني ، ماشي ي ياسمينا ؟
ياسمينا : حاضر ي طنط
( عند فهد ، قاعد ف اوتيل ، بيتكلم ف الفون )
فهد ب زعيق : يعني ايه مش لاقيها ، بقولك انا شوفتها ب عيني ، دور تاني وانا جاي ، ايوة متأكد دور تاني 😡
( يقفل فهد ويقعد ع طرف السرير ويغمض عيونه ب تنهيدة ، تعدي الأيام ، يوم عفش عائشة ، ف البيت ، ناس كتير موجودين واغاني شغالة واخر هيصة ، بنت بترقص والكل بيسقفلها )
عائشة : ايه رأيك ف افراحنا ؟
ياسمينا ب فرحة : جميلة اوي 😍
عائشة : لسة هسخنلك فقرة الرقص هقوملك رقاصة العيلة 😉
ياسمينا : هههههه اوك 🤭
عائشة : ميادة ، فين ريم ؟
ميادة : ف المطبخ تقريباً
عائشة : طب اندهيها ترقص بدل فقرة المغص الي شغالة دي 😂
ميادة : هههههه طيب 😂
( تقوم ميادة تدخل المطبخ )
ميادة : ريم ، بتعملي ايه ؟
ريم وهي بتقلب الرز : بعمل الرز ، عاوزة حاجة ؟
ميادة : فكك م الرز وتعالي
ريم : هيعجن !
ميادة : سبيه ماما هتعمله يلا 👋
ريم ب استغراب : طيب في ايه ؟!
ميادة وهي بتشدها من ايدها : في إن تتلحلحي شوية ، في حد يفوت فقرة الرقص 😂
ريم : ههههه لا مش عاوزة ارقص 😄
ميادة : لا هترقصي
ريم : ماليش مزاج والله 😕
ميادة : يلا بس ، يمكن طارق يحن 😉
( تبتسم ريم ب كسوف ، تقعد البنت الي كانت بترقص وتبتدي ريم ترقص ، ينفعله بنات العيلة معاها ويسقفولها ، تبصلها ياسمينا ، يدخله الشباب ومن ضمنهم طارق ، يقفه يتفرجوا من بعيد )
عائشة ل ياسمينا : ايه رأيك ف الرقاصة بتاعتنا 😊
ياسمينا : حلو رقصها ، محتاجة بس تظبط شوية حاجات تتمرن عليها 🤔
عائشة ب ضحك : تتمرن ع ايه ، هي داخلة الالمبيات 😂
ياسمينا : هههههه 😆
( يقربوا الستات )
ام طارق وهي بتسقف ل ريم : يختي خمسة عليها خمسة خمسة 👏
ميادة : م تقومي تورينا المبياتك ي ياسمينا 😂
( تتخض ياسمينا )
ياسمينا : لاااا لأ مش هنفع انا ﻷ 😅
عائشة : لا هتقومي يلا
ياسمينا ب ضحك : ﻷ ابوس ايدك بلاش انا عشان بقالي فترة مرقصتش وهطيح كدة 😂
عائشة : طيحي براحتك ، عاوزين نشوف فيفي عبده 💃🏻
YOU ARE READING
قصة : ( انحناء الياسمين ) الجزء الأول ، ل سهيلة سعيد المنجي ، 2018
Romance_ كلنا ف الحب انانيين ، كلنا عاوزين الي بنحبه يبقا لينا احنا وبس ، ملكنا ، ومحدش يقدر ييجي جنبه غيرنا ، وممكن نعمل المسحيل عشان نحافظ عليه ، ونكره كل الي يحبه .
