#Zawgyi
က်ဳပ္မလုပ္ဘူးဗ်....
ထိုအခ်ိန္တြင္ ဂုဏ္ထူးေဆာင္ အေစာင့္အေရွာက္ အေဆာက္အဦ အျပင္ဘက္မွ ဆူဆူညံညံအသံမ်ား ထြက္ေပၚလာေလသည္။ ပိုင္ေရွာင္ခ်န္းသည္ဇေဝဇဝါျဖစ္သြားကာ တံခါးကိုဖြင့္ၾကည့္လိုက္ရာ မႏၲန္အစီအရင္၏အျပင္ဘက္တြင္ စုေဝးေရာက္ရွိေနၾကေသာ ေျမာက္ပိုင္းဂိုဏ္းသားအစုလိုက္အၿပဳံလိုက္ကို ေတြ႕လိုက္ရသည္။
သူသည္ ေနာက္သို႔ျဖည္းျဖည္းခ်င္းဆုတ္လိုက္ၿပီး ယခုကဲ့သို႔လူမ်ားစုေဝးလာေအာင္ ဘာမ်ားလုပ္မိခဲ့ပါလိမ့္ဟုစဥ္းစားေနမိသည္။ သို႔ေသာ္လည္း သူဘယ္လိုပဲစဥ္းစားစဥ္းစား၊ ေျမာက္ပိုင္းဂိုဏ္းသားမ်ားဘာေၾကာင့္႐ုတ္႐ုတ္သဲသဲျဖစ္ေနၾကသည္ကို သူနားမလည္။
ဘာေတြျဖစ္ေနမွန္းမသိေသာ္ျငားလည္း ထိတ္လန႔္ေၾကာက္႐ြံ႕လာေသာေၾကာင့္ ခ်က္ခ်င္းပင္လွမ္းေမးလိုက္ေလ၏။ " မင္းတို႔ဘာေတြလုပ္ေနၾကတာလဲ"
ခ်က္ခ်င္းပင္ ဂိုဏ္းသားမ်ားသည္ မႏၲန္အစီအရင္၏အျခားတဖက္တြင္ရွိေနေသာသူ႔ကို စူးစိုက္ၾကည့္ေနၾကေလ၏။
"ဂိုဏ္းတူဦးေလးပိုင္... က်ဳပ္တို႔ဝင္လာၿပီးရွာေဖြလို႔ရေအာင္ မႏၲန္အစီအရင္ကိုဖြင့္ေပးပါဗ်..."
"က်ဳပ္တို႔ ဒီေနရာတင္မကဘူး၊ ေျမာက္ပိုင္းဂိုဏ္းတခုလုံးရွာေဖြေနတာပါ..."
"ၿပီးခဲ့တဲ့လအတြင္းမွာ အမ်ိဳးသမီးဂိုဏ္းသားအမ်ားစုရဲ႕ အတြင္းခံအက်ႌေတြေပ်ာက္ဆုံးေနခဲ့ပါတယ္။ တဏွာ႐ူးတေကာင္ရဲ႕လက္ခ်က္ျဖစ္မယ္ထင္ပါတယ္။ ဂိုဏ္းတူဦးေလးပိုင္သာအျပစ္မလုပ္ထားဘူးဆိုရင္ မႏၲန္အစီအရင္ကိုဖြင့္ေပးၿပီး က်ဳပ္တို႔ကိုရွာေဖြခြင့္ေပးပါ..."
"ဟင္း... အတြင္းခံအက်ႌေတြကိုထည့္စရာအိတ္ထဲထည့္ဖြက္ထားရင္ေတာင္မွ က်ဳပ္တို႔မွာရွာေဖြႏိုင္မယ့္နည္းလမ္းရွိပါတယ္..."
ပိုင္ေရွာင္ခ်န္းသည္ စိတ္အနည္းငယ္ေအးသြားၿပီး သက္ျပင္းခ်လိုက္သည္။ တကယ္ေတာ့ သူအနည္းငယ္ပင္ေဒါသထြက္သြားေလ၏။ လက္ႏွစ္ဖက္ကိုေနာက္ပစ္ကာ ေျမာက္ပိုင္းဂိုဏ္းသားမ်ားကိုရပ္ၾကည့္ေနေလ၏။
သူဘာအျပစ္မွလုပ္မထားေၾကာင္းေသခ်ာေနသည့္အတြက္ ေျမာက္ပိုင္းဂိုဏ္းသားမ်ားေတာင္းဆိုသည္ကို အလြယ္တကူခြင့္ျပဳမေပးဖို႔ဆုံးျဖတ္လိုက္သည္။ မဟုတ္မမွန္အစြပ္စြဲခံေနရသျဖင့္ေဒါသထြက္ေနေသာမ်က္ႏွာျဖင့္ သူက "အဓိပၸာယ္မရွိတာေတြေျပာေနတာရပ္လိုက္ၾကစမ္း။ ငါက ဂိုဏ္းေခါင္းေဆာင္ရဲ႕ဂိုဏ္းတူညီေလး၊ ဂုဏ္ထူးေဆာင္ဂိုဏ္းသားတစ္ေယာက္ပဲ။ ဒီလိုလုပ္ရပ္မ်ိဳး ငါ လုပ္စရာအေၾကာင္းမရွိဘူး။"
"ဒီလိုလုပ္ရပ္မ်ိဳးလုပ္မယ့္သူက ေျမာက္ပိုင္းဂိုဏ္းတခုလုံးမွာ ခင္ဗ်ားပဲရွိတာပဲ။ ေသခ်ာေပါက္ ခင္ဗ်ားလုပ္တာပဲျဖစ္ရမယ္။"
"အမွန္ပဲ။ ပိုင္ေရွာင္ခ်န္းက အားလုံးထဲမွာ မသကၤာစရာအေကာင္းဆုံးပဲ။ သက္ေစာင့္အား ထုတ္ယူဖို႔ တျခားဂိုဏ္းသားေတြရဲ႕ တိုက္ပြဲဝင္သားရဲေတြကိုလည္း တိတ္တိတ္ေလးခိုးယူခဲ့ၿပီးၿပီ။ သူဘယ္ေလာက္ကြၽမ္းက်င္မႈရွိလဲ အဲ့ကိစၥကအေကာင္းဆုံးဥပမာပဲ။ ဂိုဏ္းတူအစ္မေတြ၊ ညီမေတြရဲ႕အတြင္းခံအက်ႌေတြက ေျခရာလက္ရာလုံးဝမက်န္ခဲ့ပဲနဲ႔ေပ်ာက္ေပ်ာက္ေနတယ္။"
ဆူညံေအာ္ဟစ္ေနၾကေသာလူအုပ္ႀကီးကိုၾကည့္ကာ ပိုင္ေရွာင္ခ်န္း၏ခနဲ႔တဲ့တဲ့ရယ္လိုက္ၿပီး လက္ကိုေဝွ႔ယမ္းကာ မႏၲန္အစီအရင္ကိုဖြင့္ေပးလိုက္ေလ၏။
"ေကာင္းၿပီေလ... မင္းတို႔ဝင္ၿပီးရွာလိုကရွာႏိုင္တယ္။ လက္ဗလာနဲ႔ျပန္ထြက္လာလို႔ရွိရင္ေတာ့ မင္းတို႔ငါ့ကိုဘယ္လိုျပန္ေလ်ာ္ေပးမလဲၾကည့္ၾကေသးတာေပါ့။" ပိုင္ေရွာင္ခ်န္းသည္ အမွားတစုံတရာလုပ္ထားျခင္းမရွိသျဖင့္ လုံးဝတည္ၿငိမ္ေနသည္။
သူ၏႐ိုးသားအျပစ္ကင္းေသာယုံၾကည္မႈေၾကာင့္ လူအုပ္ထဲမွလူအမ်ားစုကိုပင္ သူတို႔၏သကၤာမကင္းျဖစ္ေနမႈအေပၚသံသယဝင္သြားေစ၏။ သို႔ေသာ္လည္း သူတို႔တြင္သက္ေသျပစရာအေထာက္အထားတစုံတရာမရွိေပ။ ပိုင္ေရွာင္ခ်န္းသည္ မႏၲန္အစီအရင္ကိုဖြင့္ေပးလိုက္ေလသည္။ အစပိုင္းတြင္ လူအုပ္သည္တေယာက္မ်က္ႏွာတေယာက္ၾကည့္ကာ ကသိကေအာက္ျဖစ္ေနၾကေသးသည္။ ထို႔ေနာက္ အတြင္းခံအက်ႌအခိုးခံလိုက္ရေသာအမ်ိဳးသမီးဂိုဏ္းဝင္မ်ားက ဦးေဆာင္ကာ အံကိုတင္း၍ဝင္ေရာက္လိုက္ၾကသည္။ သူတို႔သည္ ပိုင္ေရွာင္ခ်န္းကို လက္ယွက္အ႐ိုအေသေပးလိုက္ၿပီး ရွာေဖြမႈစတင္လိုက္ၾကေလ၏။ အမ်ိဳးသမီးဂိုဏ္းဝင္တေယာက္သည္ သူမ၏သားရဲထည့္သည့္အိတ္အတြင္းမွ ၾကက္ေသြးေရာင္ရွဥ့္တစ္ေကာင္ကိုပင္ ထုတ္ကာရွာေဖြေနေလ၏။
ရွဥ့္ကိုထုတ္လိုက္ေသာအခါ စူးစူးဝါးဝါးတစ္ခ်က္ေအာ္လိုက္ၿပီး အလ်င္အျမန္ရွာေဖြမႈျပဳေလေတာ့သည္။ လူအုပ္ထဲမွလူအားလုံးနီးပါးေနာက္ဆုတ္လိုက္ၾကၿပီး ရွဥ့္ကိုအလုပ္လုပ္ေစသည္။ လြန္ခဲ့ေသာရက္ေပါင္းမ်ားစြာအတြင္း ေပ်ာက္ဆုံးေနေသာအတြင္းခံအက်ႌရွာပုံေတာ္ဖြင့္ရာ၌ သူတို႔သည္ဤထူးဆန္းေသာရွဥ့္ကိုအသုံးျပဳခဲ့ၾကသည္။ ရွဥ့္တြင္အလြန္စူးရွေသာအနံ႔ခံအာ႐ုံရွိၿပီး သူ၏ပစ္မွတ္သည္ထည့္စရာအိတ္ထဲေရာက္ေနပါေစ အနည္းငယ္ေသာအနံ႔အသက္မွ်ကိုပင္ အနံ႔ခံႏိုင္ေလသည္။
ေစာေစာက လူအုပ္ႀကီးသည္ သူတို႔၏ဆုံးျဖတ္ခ်က္အေပၚေဝခြဲမရျဖစ္ေနခဲ့ေသာ္လည္း ယခုအခါတြင္ သူတို႔၏မ်က္လုံးမ်ားျပဴးက်ယ္လာၿပီး မႏၲန္အစီအရင္ႏွင့္ကာကြယ္ထားေသာေနရာအတြင္းသို႔ အေျပးအလႊားဝင္ေရာက္လာၾကသည္။ ပိုင္ေရွာင္ခ်န္းသည္ ဇေဝဇဝါျဖစ္ေနကာ ေၾကာင္စီစီေငးၾကည့္ေနမိသည္။ သူလည္းလူအုပ္ႏွင့္အတူလိုက္လာခဲ့ၿပီး ရွဥ့္သည္ ဂုဏ္ထူးေဆာင္ အေစာင့္အေရွာက္ အေဆာက္အဦ၏အခန္းခြဲတစ္ခုအတြင္းသို႔ဝင္ေရာက္သြားေလသည္။ တံခါးကိုဖြင့္လိုက္ေသာအခါ ေထာင္ခ်ီေသာေရာင္စုံအတြင္းခံအက်ႌမ်ား ေရတံခြန္ကဲ့သို႔ထြက္က်လာေလ၏။
"ပိုင္ေရွာင္ခ်န္း... ရွင္မလုပ္ပါဘူးလို႔ ကြၽန္မတို႔ကိုေျပာဦးမွာလား"
"ဒီေတာ့ ရွင့္လက္ခ်က္ပဲေပါ့..."
"ပိုင္ေရွာင္ခ်န္း... ရွင္... ရွင္ကလုံးဝကိုအရွက္မရွိတာပဲ။"
လူအုပ္ထဲရွိဂိုဏ္းသားမ်ားကမူ အလြန္အမင္းေဒါသထြက္ေနၾကေလသည္။
ပိုင္ေရွာင္ခ်န္းမွာ ပါးစပ္အေဟာင္းသားျဖစ္သြားၿပီး ထိတ္လန႔္တုန္လႈပ္လာေလ၏။
"မျဖစ္ႏိုင္တာ..." သူကစူးစူးဝါးဝါးျငင္းဆန္လိုက္ေလ၏။
ထိုသို႔ေျပာလိုက္ေသာအခါ အမ်ိဳးသမီးဂိုဏ္းဝင္မ်ားသည္ သူ႔ကိုအေသသတ္ေတာ့မတတ္ ဝိုင္းအုံၾကည့္ေနၾကေလ၏။ ပိုင္ေရွာင္ခ်န္းေခါင္းနပန္းမ်ားႀကီးလာၿပီး ခ်က္ခ်င္းပင္ေျဖရွင္းခ်က္ေပးရန္ဟန္ျပင္လိုက္ေလ၏။
"က်ဳပ္တစ္ကယ္မလုပ္ပါဘူးဗ်ာ... ဒီဟာေတြ ဒီကိုဘယ္လိုေရာက္ေနမွန္းကိုမသိတာ။" တခုခုေတာ့အရမ္းကိုမွားေနၿပီဟု ခံစားလိုက္ရေလသည္။ ယခုအေျခအေနကို သူဘယ္လိုေျဖရွင္းရမည္ပင္မသိေတာ့ေပ။ အမ်ိဳးသမီးဂိုဏ္းဝင္မ်ားသည္ ေဒါသအျပည့္ျဖင့္စိန္းစိန္းဝါးဝါးစိုက္ၾကည့္ေနၾကၿပီး အခ်ိဳ႕ဂိုဏ္းသူမ်ားသည္ တိုက္ခိုက္ရန္မႏၲန္လက္ကြက္မ်ားပင္ေဖာ္ေနၾကေလၿပီ။
"ခ်ီးပဲ... ဘာေတြျဖစ္ကုန္တာလဲ။" သူကေတြးလိုက္သည္။ သူသည္ လတ္တေလာတြင္ တစ္ကိုယ္တည္းတရားက်င့္ႀကံျခင္းျဖင့္သာအခ်ိန္ကုန္ေနခဲ့ၿပီး က်င့္ႀကံျခင္းအေပၚလုံးဝအာ႐ုံစိုက္ထားေလသည္။ သူသည္ ဂုဏ္ထူးေဆာင္ အေစာင့္အေရွာက္ အေဆာက္အဦအျပင္သို႔ပင္မထြက္ျဖစ္သလို ေဘးအခန္း၏တံခါးကိုလည္းတခါမွဖြင့္မၾကည့္မိခဲ့။ ထိုအခ်ိန္တြင္ ဘ႐ူဆာ သည္ အနီေရာင္အတြင္းခံအက်ႌတစ္ခုကိုကိုက္ကာ ယစ္မူးေနဟန္ျဖင့္ေျပးလာေနသည္ကိုေတြ႕လိုက္ရေလသည္။
သို႔ေသာ္လည္း ဘ႐ူဆာ သည္ မႏၲန္အစီအရင္သို႔မေရာက္မီပင္ ေျပးေနရာမွ႐ုတ္တရက္ရပ္တန႔္လိုက္သည္။ ဆူပူေသာင္းက်န္းေနၾကေသာလူအုပ္ႀကီးကိုေတြ႕သြားေသာအခါ အနီေရာင္အတြင္းခံအက်ႌကိုအလ်င္အျမန္လႊတ္ခ်လိုက္သည္။
တခ်ိန္တည္းမွာပင္ မေရမတြက္ႏိုင္ေသာမ်က္လုံးအစုံမ်ားသည္ သူရွိရာဘက္သို႔လွည့္ၾကည့္လိုက္ၾကသည္။
ပိုင္ေရွာင္ခ်န္းသည္ ခ်က္ခ်င္းပင္ေခါင္းမ်ားကိုက္လာသလိုခံစားလိုက္ရသည္။ တကယ္တမ္း ပိုင္ေရွာင္ခ်န္းတစ္ကိုယ္တည္းတရားက်င့္ေနစဥ္အေတာအတြင္း အျခားဂိုဏ္းသားမ်ားလဲမႏၲန္အစီအရင္ကိုျဖတ္ေက်ာ္သြားလာျခင္းမျပဳႏိုင္ၾကေပ။
ေခြးနက္ႀကီးပင္ထိုသို႔ျဖတ္သန္းမသြားႏိုင္။ မႏၲန္အစီအရင္ကိုလြတ္လပ္စြာဝင္ထြက္သြားလာႏိုင္သည့္ တစ္ေယာက္တည္းေသာသူမွာ ဘ႐ူဆာ ပင္ျဖစ္ေပသည္။
ဘ႐ူဆာ သည္ စိုးရိမ္ထိတ္လန႔္စျပဳလာေလသည္။ အျခားဂိုဏ္းသားမ်ားေဒါသထြက္ေနသည္ကိုေၾကာက္႐ြံ႕ေန၍မဟုတ္၊ ပိုင္ေရွာင္ခ်န္းစိတ္ဆိုးမွာကိုေၾကာက္၍ျဖစ္သည္။ ဘ႐ူဆာ သည္ငိုမဲ့မဲ့ျဖစ္ေနကာ သူ႔ကိုယ္သူေျမေပၚသို႔လွဲခ်ၿပီး တကြိကြိအသံျပဳေနေလသည္။
ဆူပူေနေသာလူအုပ္ႀကီးထဲရွိဂိုဏ္းသားမ်ား၏မ်က္ႏွာမ်ားမွာထူးဆန္းအံ့ၾသေနၾကေလသည္။ ဂိုဏ္းသူမ်ားဆိုလွ်င္ သူတို႔မ်က္လုံးကိုပင္သူတို႔မယုံႏိုင္ၾကေပ။ ဂုဏ္ထူးေဆာင္ အေစာင့္အေရွာက္ အေဆာက္အဦ၏အတြင္းေရာအျပင္ပါ အပ္က်သံပင္ၾကားရေလာက္ေအာင္တိတ္ဆိတ္ကုန္ၾကသည္။
အခ်ိန္အေတာ္ၾကာတိတ္ဆိတ္ေနၿပီးေနာက္ အမ်ိဳးသမီးဂိုဏ္းဝင္တစ္ေယာက္က ထ၍ေရ႐ြတ္လိုက္သည္ "ဘ႐ူဆာ ကေတာ့ဒီလိုမ်ိဳးမလုပ္ေလာက္ပါဘူး။ သူကသိပ္ခ်စ္စရာေကာင္းတာ။ တစ္ေယာက္ေယာက္ကသူ႔ကိုခိုင္းေနတာပဲျဖစ္ရမယ္။"
ခ်က္ခ်င္းပင္လူမ်ားသည္ သူမ၏စကားကိုေထာက္ခံေနၾကသည္။
"ဟုတ္တယ္... ဘ႐ူဆာ ကအလြန္ႏွစ္လိုဖြယ္ေကာင္းၿပီးအျပစ္ကင္းစင္လြန္းတယ္။ တစ္ေယာက္ေယာက္က မႏၲန္တစ္ခုခုသုံးၿပီး သူ႔ကိုအတင္းအၾကပ္ေစခိုင္းေနတာပဲျဖစ္ရမယ္။"
"သူ႔ကိုခိုင္းေနတာပိုင္ေရွာင္ခ်န္းပဲ။ ပိုင္ေရွာင္ခ်န္းက ဘ႐ူဆာ ရဲ႕သခင္ပဲ"
မၾကာမီပင္အမ်ိဳးသမီးဂိုဏ္းဝင္အားလုံးနီးပါး ထိုသို႔လက္ခံယုံၾကည္သြားၾကၿပီး ပိုင္ေရွာင္ခ်န္းကိုေဒါသတႀကီးစိုက္ၾကည့္ေနၾကေလ၏။ အခ်ိဳ႕လူမ်ားသည္ အျဖစ္မွန္ကိုသိၾကေသာ္လည္း ဘ႐ူဆာ သည္ပုံမွန္အားျဖင့္အလြန္ခ်စ္စရာေကာင္းၿပီး လက္ရွိတြင္အင္မတန္ေၾကာက္႐ြံ႕ေနရွာသည္ျဖစ္ရာ လူအမ်ားသည္ သနားလ်က္အၾကင္နာပိုေနၾကေလ၏။
သို႔ေသာ္လည္း အေျခအေနမွာအေတာ္ပင္ထူးဆန္းေနသည္ျဖစ္ရာ အျဖစ္မွန္သိေသာဂိုဏ္းသားမ်ားသည္ ဆိတ္ဆိတ္ေနၾကေလ၏။ ထပ္မံ၍ျပႆနာရွာျခင္းလည္းမျပဳေတာ့ပဲ ပိုင္ေရွာင္ခ်န္းကိုစိန္းစိန္းဝါးဝါးၾကည့္ကာ ထြက္ခြာသြားၾကေလ၏။
မၾကာမီပင္အေျခအေနမ်ားတည္ၿငိမ္သြားၿပီျဖစ္ေလရာ ပိုင္ေရွာင္ခ်န္းသည္ သက္ျပင္းရွည္ႀကီးကိုခ်လိုက္ၿပီး ငိုမဲ့မဲ့မ်က္ႏွာျဖင့္ေကာင္းကင္သို႔ေမာ့ၾကည့္ေနေလ၏။ ဘ႐ူဆာ သည္ သူ႔သခင္၏မ်က္လုံးအၾကည့္မ်ားမွတဆင့္ သူအမွားလုပ္မိၿပီျဖစ္ေၾကာင္းရိပ္မိလိုက္ေလသည္။ သူသည္ ပိုင္ေရွာင္ခ်န္းဆီသို႔ကုပ္ေခ်ာင္းကုပ္ေခ်ာင္းသြားလိုက္ၿပီး ပိုင္ေရွာင္ခ်န္း၏ေျခေထာက္မ်ားအၾကား ပြတ္သီးပြတ္သပ္လုပ္ေနေလ၏။
ပိုင္ေရွာင္ခ်န္းသည္ သက္ျပင္းခ်လိုက္ကာ ဒူးေထာက္ထိုင္လိုက္ၿပီး သူ၏ေခါင္းကိုပြတ္သပ္ေပးေနသည္။ "ဘ႐ူဆာ... မင္းကသာမန္ဆိုသိပ္ဉာဏ္ေျပးတဲ့ေကာင္ပါ။ ဘာေၾကာင့္အခုတေခါက္က် ဉာဏ္တုံးသြားရတာလဲ။ မင္း... မင္း အတြင္းခံအက်ႌေတြခိုးခ်င္ရင္လဲခိုးေပါ့။ ဒါေပမယ့္ ငါ့ကိုျပႆနာတက္ေအာင္မလုပ္ရဘူးေလ။ ငါ မင္းကိုဖန္တီးခဲ့တာ။ ငါကမင္းအေဖပဲဆိုရင္လဲမမွားဘူး။ မင္းအေဖကို ျပႆနာတက္ေအာင္မလုပ္ရဘူးကြ။"
" ေကာင္းၿပီ... မွတ္ထားေနာ္။ မင္းနဲ႔ရင္းနီးတဲ့လူေတြကို ျပႆနာတက္ေအာင္မလုပ္ရဘူး။ ဒီအတြင္းခံအက်ႌေတြကေတာ့ အဲ့အခန္းထဲမွာဖြက္ထားလို႔အဆင္မေျပဘူးကြ။ ခိုးလာတဲ့ပစၥည္းေတြဆိုတာ အိမ္ထဲမွာမဖြက္ထားရဘူး။ သိပ္မိုက္တဲ့ ဘ႐ူဆာ ပဲ။ မင္းနည္းနည္းဉာဏ္သုံးရလိမ့္မယ္။ ေနာက္ဆိုမခိုးခင္ ေသခ်ာအစီအစဥ္ခ်ၿပီးမွခိုး။ ၿပီးေတာ့ အဖမ္းလဲမခံရေစနဲ႔ဦး။" ဘ႐ူဆာ သည္ေခါင္းကိုငုံ႔ကာ သူ႔အျပစ္ကိုသိသည့္အလား တကြိကြိေအာ္ျမည္ေနေလသည္။
ဘ႐ူဆာ ထိုသို႔ျပဳမူေနသည္ကိုျမင္လိုက္ရေသာအခါ ပိုင္ေရွာင္ခ်န္း၏စိတ္ႏွလုံးေပ်ာ့ေပ်ာင္းသြားကာ ထပ္မံအျပစ္တင္ဆုံးမျခင္းမျပဳရန္ဆုံးျဖတ္လိုက္ေလသည္။ ထို႔ေနာက္ အနည္းငယ္စိတ္ဓာတ္က်ေနလ်က္ ဂုဏ္ထူးေဆာင္ အေစာင့္အေရွာက္ အေဆာက္အဦသို႔ျပန္လာခဲ့ၿပီး တရားက်င့္ျခင္း၊ က်င့္ႀကံျခင္းမ်ားကိုျပဳလုပ္ေနလိုက္သည္။
ၿခံဝန္းအျပင္ဘက္တြင္ ဘ႐ူဆာ သည္ တကြိကြိေအာ္ျမည္ကာလွဲေလ်ာင္းေနသည္။ ထို႔ေနာက္ ရက္စက္ၾကမ္းၾကဳတ္ေသာအၾကည့္မ်ားျဖင့္ ေျမာက္ပိုင္းဂိုဏ္းသားမ်ားရွိရာသို႔ စိန္းစိန္းဝါးဝါးၾကည့္လိုက္ေလသည္။
ညနက္လာေသာအခါ သူသည္ ေျမာက္ပိုင္းဂိုဏ္းဘက္သို႔ တိတ္တဆိတ္ထြက္ခြာသြားေလသည္။
ေနာက္တစ္ေန႔မနက္ခင္းေနေရာင္ျခည္ျဖန႔္က်က္စျပဳခ်ိန္တြင္ ဂိုဏ္းသားတစ္ေယာက္၏ေနအိမ္မွ စိတ္ေသာကေရာက္စြာစူးစူးဝါးဝါးေအာ္ဟစ္သံမ်ား ထြက္ေပၚလာေလသည္။
"ခ်ီးပဲ... ဘယ္သူလဲကြ။ ငါ့ရဲ႕ သားရဲစိတ္စြမ္းအင္ေဆးလုံးကို ဘယ္သူခိုးသြားတာလဲ။ အဲ့ေဆးလုံးရဖို႔ ငါပင္ပင္ပန္းပန္းႀကိဳးစားခဲ့ရတာကြ။ အဲ့ေဆးလုံးကို ငါ့ရဲ႕သားရဲႀကီးအဆင့္ပိုျမင့္လာေအာင္ေကြၽးမလို႔။"
ထိုေအာ္ဟစ္သံမ်ားထြက္ေပၚလာၿပီး အလားတူေအာ္ဟစ္ငိုေႂကြးသံအမ်ားအျပားထြက္ေပၚလာေလ၏။
"အား... က်ဳပ္ရဲ႕ အတုမရွိစိတ္စြမ္းအင္ျမက္ပင္ေတြ။ က်ဳပ္ဒီျမက္ပင္ေတြကို ငါးႏွစ္ေလာက္စိုက္ပ်ိဳးခဲ့ရတာ အခုေတာ့အျမစ္ပဲက်န္ေတာ့တယ္။ ကုန္ၿပီ... အားလုံးကုန္ၿပီ။ တစ္ေယာက္ေယာက္စားပစ္လိုက္ၿပီ။"
"သူခိုးဝင္တယ္။ မယုံႏိုင္စရာပဲ။ က်ဳပ္ရဲ႕အင္ေမာ္တယ္ဂူထဲက တိုက္ပြဲဝင္သားရဲအစာေတြအကုန္ေျပာင္ၿပီ။ သုံးႏွစ္စာ ေကာင္းေကာင္းေကြၽးလို႔ရတဲ့အစာေတြပဲ။"
"ဘုရားေရ... မေန႔ကမွ တတိယေသြးမ်ိဳးဆက္သားရဲအ႐ိုးတစ္ေခ်ာင္း အႀကီးအကဲလီဆီကေနရလာတာ။ အဲ့အ႐ိုးကေနေသြးမ်ိဳးဆက္အစြမ္းေတြထုတ္ယူမလို႔ရွိေသး။ အခုေတာ့ မရွိေတာ့ဘူး... ေပ်ာက္သြားၿပီ။"
အျပင္စည္းဂိုဏ္းမွာသာမက အတြင္းစည္းဂိုဏ္းမွာပါ ေအာ္ဟစ္ငိုေႂကြးသံမ်ားျပည့္ႏွက္ေနသည္။ အဆုံးတြင္ေဒါသတႀကီးေအာ္ဟစ္ငိုေႂကြးေနၾကေသာလူေပါင္း ရာႏွင့္ခ်ီရွိေလသည္။ ႁခြင္းခ်က္မရွိ ထိုလူမ်ားအားလုံးအမ်ိဳးသားမ်ားျဖစ္ၾကကာ လြန္ခဲ့ေသာေန႔က ဂုဏ္ထူးေဆာင္ အေစာင့္အေရွာက္ အေဆာက္အဦသို႔ေရာက္လာဖူးသူမ်ားျဖစ္ၾကသည္။
နာက်င္ေဒါသထြက္လ်က္ငိုေႂကြးေနၾကစဥ္ ေသြးေရာင္လႊမ္းေနေသာအ႐ိုးတစ္ေခ်ာင္းကို အစိတ္စိတ္အႁမႊာႁမႊာျဖစ္ေအာင္ကိုက္ေခ်လ်က္ ေျပးလႊားေနေသာ ဘ႐ူဆာ ကို႐ုတ္တရက္ျမင္ေတြ႕လိုက္ၾကသည္။
ဂိုဏ္းသားတစ္ေယာက္သည္ စိတ္ေသာကေရာက္စြာ စူးစူးဝါးဝါးထေအာ္လိုက္ေလ၏။ ထိုလူ၏ဆံပင္မ်ားသည္ ဖ႐ိုဖရဲျဖစ္ေနကာ မ်က္လုံးတြင္ေသြးပ်က္ေနေသာအမူအရာမ်ားျဖင့္ အ႐ူးတပိုင္းေအာ္ငိုေနေလေတာ့၏။
"မလုပ္နဲ႔... ငါ အဲ့ဒီတတိယေသြးမ်ိဳးဆက္သားရဲအ႐ိုးကို အႀကီးအကဲတစ္ေယာက္ဆီက ငွားလာတာ။ အား... မစားပစ္လိုက္နဲ႔။"
ဂြၽတ္... ဂြၽတ္...
ေခါင္းကိုဂုဏ္ယူစြာေမာ့လ်က္က မည္သူမွမဖမ္းလိုက္ႏိုင္ခင္မွာပင္ ဘ႐ူဆာ သည္အမႈန္အမႊားေလးတစ္ခုအျဖစ္ ထြက္ေျပးေပ်ာက္ကြယ္သြားေလသည္။ အလ်င္အျမန္ထြက္ေျပးေနရင္းက အ႐ိုးကိုကုန္ေအာင္ကိုက္ဝါးလ်က္ရွိသည္။ ဆံပင္ဖ႐ိုဖရဲႏွင့္ဂိုဏ္းသားသည္ အႀကီးအကဲလီ၏အ႐ိုးကိုျပန္မေပးႏိုင္ပါက အႀကီးအကဲလီမည္မွ်ေဒါသထြက္လိမ့္မည္ကိုေတြးမိကာ မ်က္ႏွာတြင္ေသြးမ်ားဆုတ္သြားေလ၏။ ေဒါသတႀကီးေအာ္ဟစ္လ်က္က ဘ႐ူဆာ ၏ေနာက္သို႔ ေျပးလိုက္ေလ၏။
ထိုသို႔ေျပးလိုက္သြားသည္မွာ သူတစ္ေယာက္တည္းမဟုတ္ေပ။ ရာခ်ီေသာဂိုဏ္းသားမ်ားသည္ ဘ႐ူဆာ ၏ေနာက္သို႔ ေဒါသတႀကီးေျပးလိုက္ၾကေသာ္လည္း မီေအာင္ေတာ့မလိုက္ႏိုင္ၾက။ ဘ႐ူဆာ သည္ ယန္ေဝ့ေတာင္ဆီသို႔ ဦးတည္ေျပးသြားသည္ကိုသာ မ်က္လုံးအျပဴးသားႏွင့္သာၾကည့္ေနရေလ၏။ ဘ႐ူဆာ ေနာက္သို႔ဆူညံစြာလိုက္ဖမ္းေနၾကစဥ္ပင္ မိုးၿခိမ္းသံကဲ့သို႔က်ယ္ေလာင္လွေသာ ေခ်ာင္းဟန႔္သံႀကီးကိုၾကားလိုက္ရေလ၏။
ယန္ေဝ့ေတာင္၏ေတာင္ထိပ္သခင္အဘြားႀကီး ေပၚထြက္လာေလသည္။ ရာခ်ီေသာဂိုဏ္းသားမ်ားကို ေအးစက္စက္စိုက္ၾကည့္လိုက္ၿပီးသူမက "ဘယ္လိုထိတ္လန႔္စရာေကာင္းတဲ့အျပဳအမူေတြလဲ။ ၾကည့္စမ္းပါဦး... ဘ႐ူဆာ ေလးကေၾကာက္လြန္းလို႔တုန္ေတာင္တုန္ေနရွာၿပီ။ မင္းတို႔ေတြဒီလိုေလွ်ာက္လိုက္ေနရေအာင္ အားယားေနၾကသလား... ဟမ္"
ဂိုဏ္းသားမ်ားသည္ လန႔္ဖ်တ္သြားၾကၿပီး လက္ကိုယွက္လ်က္အ႐ိုအေသျပဳလိုက္ၾကသည္။ ဘ႐ူဆာ သည္ အဘြားအို၏ေနာက္နားတြင္အၿမီးေလးကုပ္၍ရပ္ေနၿပီး မ်က္လုံးမ်ားကိုျပဴးက်ယ္ထားကာႏွစ္လိုဖြယ္မ်က္ႏွာေပးႏွင့္ အဘြားအို၏ေျခေထာက္မ်ားကိုပြတ္သပ္ေနသည္။
ဂိုဏ္းသားမ်ားသည္ စိတ္ထဲတြင္အလြန္ေဒါသျဖစ္ေနၾကေသာ္လည္း တခြန္းမွမဟရဲၾကေပ။ ဘ႐ူဆာ အေပၚမုန္းတီးမႈမ်ားသည္ တစတစပို၍ႀကီးထြားလာေနေလသည္။
"ပစၥည္းတခ်ိဳ႕ သူေတြ႕လို႔စားပစ္မိတာဘာျဖစ္လဲ..." အဘြာအိုကဆက္၍ "အေရးမပါတာ...။ သူစားပစ္လိုက္တာကို က်ဳပ္ျပန္ေလ်ာ္ေပးမယ္။ ဘ႐ူဆာ ကိုအႏိုင္က်င့္ေနတာကိုရပ္လိုက္ၿပီး အခုထြက္သြားၾကစမ္း။" ဂိုဏ္းသားမ်ားကိုစိန္းစိန္းဝါးဝါးတစ္ခ်က္ၾကည့္လိုက္ၿပီး အဘြားအိုသည္ ဘ႐ူဆာ ၏ေခါင္းကို ၾကင္ၾကင္နာနာပြတ္သပ္ေပးေနသည္။ ဘ႐ူဆာ သည္ ပို၍ႏွစ္လိုဖြယ္ေကာင္းေသာအမူအရာမ်ားျပဳလုပ္ေနေလသည္။ သူမ၏လက္ကို ေခြးတစ္ေကာင္ကဲ့သို႔ လွ်ာေလးႏွင့္ပင္လ်က္လိုက္ေသး၏။
ဂိုဏ္းသားမ်ားသည္ အံကိုသာတင္းတင္းႀကိတ္ေနၾကရေလ၏။ သူတို႔စိတ္ထဲတြင္ သူတို႔က ဘ႐ူဆာ ကိုအႏိုင္က်င့္ေနျခင္းမ်ိဳးမဟုတ္ပဲ ဘ႐ူဆာ ကသူတို႔ကိုအႏိုင္က်င့္ေနသည္ဟုခံစားေနရသည္။
သို႔ေသာ္လည္း ေတာင္ထိပ္သခင္တစ္ေယာက္လုံး သူ႔ဘက္ကရွိေနေသာအခါ သူတို႔လည္းဘာမွမတတ္ႏိုင္ေပ။ သူတို႔၏အမ်က္ေဒါသမ်ားကိုၿမိဳသိပ္ကာ ျပႆနာတစုံတရာထပ္မရွာေတာ့ပဲျပန္ခဲ့ရေလေတာ့သည္။ သူတို႔၏ေဒါသမ်ားကို ပိုင္ေရွာင္ခ်န္းအေပၚသို႔ လႊဲေျပာင္းေပးလိုက္ၾကသည္။
"ဒါေတြအကုန္လုံး ပိုင္ေရွာင္ခ်န္းေၾကာင့္ျဖစ္ရတာ။ သူက ဒီဆိုးသြမ္းတဲ့တိုက္ပြဲဝင္သားရဲကိုဖန္တီးခဲ့တာပဲ။"
"ဒီတိုက္ပြဲဝင္သားရဲဟာ ႐ြံရွာစက္ဆုပ္ဖြယ္ပဲ။ သိပ္ေကာင္းတယ္... အတြင္းခံအက်ႌေတြခိုးလိုက္... အစားအေသာက္ေတြခိုးလိုက္နဲ႔။ အမ်ိဳးသမီးဂိုဏ္းဝင္ေတြ၊ အႀကီးအကဲေတြ၊ ေတာင္ထိပ္သခင္ေတြနဲ႔အတူတူပဲ... အဲ့ေကာင္ကိုဖ်က္ဆီးေနၾကတာ။"
ပိုင္ေရွာင္ခ်န္းသည္ တရားထိုင္ေနရင္း ႐ုတ္တရက္ႏွာေခ်လိုက္ေလသည္။ သူသည္ မ်က္လုံးမ်ားဖြင့္ကာေဘးဘီကို စကၠန႔္အနည္းငယ္မွ်ေဝ့ၾကည့္လိုက္ၿပီး အသက္ရႉထုတ္ေလ့က်င့္ခန္းမ်ားဆက္လက္ျပဳလုပ္ေနေလ၏။ သူ၏က်င့္ႀကံျခင္းအေျခသည္ ခ်ီစုစည္းမႈစြမ္းရည္အဆင့္တစ္ဆယ္၏ မဟာစက္ဝန္းဆီသို႔ တျဖည္းျဖည္းနီးကပ္လာေနၿပီျဖစ္သည္။
#Unicode
ကျုပ်မလုပ်ဘူးဗျ....
ထိုအချိန်တွင် ဂုဏ်ထူးဆောင် အစောင့်အရှောက် အဆောက်အဦ အပြင်ဘက်မှ ဆူဆူညံညံအသံများ ထွက်ပေါ်လာလေသည်။ ပိုင်ရှောင်ချန်းသည်ဇဝေဇဝါဖြစ်သွားကာ တံခါးကိုဖွင့်ကြည့်လိုက်ရာ မန္တန်အစီအရင်၏အပြင်ဘက်တွင် စုဝေးရောက်ရှိနေကြသော မြောက်ပိုင်းဂိုဏ်းသားအစုလိုက်အပြုံလိုက်ကို တွေ့လိုက်ရသည်။
သူသည် နောက်သို့ဖြည်းဖြည်းချင်းဆုတ်လိုက်ပြီး ယခုကဲ့သို့လူများစုဝေးလာအောင် ဘာများလုပ်မိခဲ့ပါလိမ့်ဟုစဉ်းစားနေမိသည်။ သို့သော်လည်း သူဘယ်လိုပဲစဉ်းစားစဉ်းစား၊ မြောက်ပိုင်းဂိုဏ်းသားများဘာကြောင့်ရုတ်ရုတ်သဲသဲဖြစ်နေကြသည်ကို သူနားမလည်။
ဘာတွေဖြစ်နေမှန်းမသိသော်ငြားလည်း ထိတ်လန့်ကြောက်ရွံ့လာသောကြောင့် ချက်ချင်းပင်လှမ်းမေးလိုက်လေ၏။ " မင်းတို့ဘာတွေလုပ်နေကြတာလဲ"
ချက်ချင်းပင် ဂိုဏ်းသားများသည် မန္တန်အစီအရင်၏အခြားတဖက်တွင်ရှိနေသောသူ့ကို စူးစိုက်ကြည့်နေကြလေ၏။
"ဂိုဏ်းတူဦးလေးပိုင်... ကျုပ်တို့ဝင်လာပြီးရှာဖွေလို့ရအောင် မန္တန်အစီအရင်ကိုဖွင့်ပေးပါဗျ..."
"ကျုပ်တို့ ဒီနေရာတင်မကဘူး၊ မြောက်ပိုင်းဂိုဏ်းတခုလုံးရှာဖွေနေတာပါ..."
"ပြီးခဲ့တဲ့လအတွင်းမှာ အမျိုးသမီးဂိုဏ်းသားအများစုရဲ့ အတွင်းခံအင်္ကျီတွေပျောက်ဆုံးနေခဲ့ပါတယ်။ တဏှာရူးတကောင်ရဲ့လက်ချက်ဖြစ်မယ်ထင်ပါတယ်။ ဂိုဏ်းတူဦးလေးပိုင်သာအပြစ်မလုပ်ထားဘူးဆိုရင် မန္တန်အစီအရင်ကိုဖွင့်ပေးပြီး ကျုပ်တို့ကိုရှာဖွေခွင့်ပေးပါ..."
"ဟင်း... အတွင်းခံအင်္ကျီတွေကိုထည့်စရာအိတ်ထဲထည့်ဖွက်ထားရင်တောင်မှ ကျုပ်တို့မှာရှာဖွေနိုင်မယ့်နည်းလမ်းရှိပါတယ်..."
ပိုင်ရှောင်ချန်းသည် စိတ်အနည်းငယ်အေးသွားပြီး သက်ပြင်းချလိုက်သည်။ တကယ်တော့ သူအနည်းငယ်ပင်ဒေါသထွက်သွားလေ၏။ လက်နှစ်ဖက်ကိုနောက်ပစ်ကာ မြောက်ပိုင်းဂိုဏ်းသားများကိုရပ်ကြည့်နေလေ၏။
သူဘာအပြစ်မှလုပ်မထားကြောင်းသေချာနေသည့်အတွက် မြောက်ပိုင်းဂိုဏ်းသားများတောင်းဆိုသည်ကို အလွယ်တကူခွင့်ပြုမပေးဖို့ဆုံးဖြတ်လိုက်သည်။ မဟုတ်မမှန်အစွပ်စွဲခံနေရသဖြင့်ဒေါသထွက်နေသောမျက်နှာဖြင့် သူက "အဓိပ္ပာယ်မရှိတာတွေပြောနေတာရပ်လိုက်ကြစမ်း။ ငါက ဂိုဏ်းခေါင်းဆောင်ရဲ့ဂိုဏ်းတူညီလေး၊ ဂုဏ်ထူးဆောင်ဂိုဏ်းသားတစ်ယောက်ပဲ။ ဒီလိုလုပ်ရပ်မျိုး ငါ လုပ်စရာအကြောင်းမရှိဘူး။"
"ဒီလိုလုပ်ရပ်မျိုးလုပ်မယ့်သူက မြောက်ပိုင်းဂိုဏ်းတခုလုံးမှာ ခင်ဗျားပဲရှိတာပဲ။ သေချာပေါက် ခင်ဗျားလုပ်တာပဲဖြစ်ရမယ်။"
"အမှန်ပဲ။ ပိုင်ရှောင်ချန်းက အားလုံးထဲမှာ မသင်္ကာစရာအကောင်းဆုံးပဲ။ သက်စောင့်အား ထုတ်ယူဖို့ တခြားဂိုဏ်းသားတွေရဲ့ တိုက်ပွဲဝင်သားရဲတွေကိုလည်း တိတ်တိတ်လေးခိုးယူခဲ့ပြီးပြီ။ သူဘယ်လောက်ကျွမ်းကျင်မှုရှိလဲ အဲ့ကိစ္စကအကောင်းဆုံးဥပမာပဲ။ ဂိုဏ်းတူအစ်မတွေ၊ ညီမတွေရဲ့အတွင်းခံအင်္ကျီတွေက ခြေရာလက်ရာလုံးဝမကျန်ခဲ့ပဲနဲ့ပျောက်ပျောက်နေတယ်။"
ဆူညံအော်ဟစ်နေကြသောလူအုပ်ကြီးကိုကြည့်ကာ ပိုင်ရှောင်ချန်း၏ခနဲ့တဲ့တဲ့ရယ်လိုက်ပြီး လက်ကိုဝှေ့ယမ်းကာ မန္တန်အစီအရင်ကိုဖွင့်ပေးလိုက်လေ၏။
"ကောင်းပြီလေ... မင်းတို့ဝင်ပြီးရှာလိုကရှာနိုင်တယ်။ လက်ဗလာနဲ့ပြန်ထွက်လာလို့ရှိရင်တော့ မင်းတို့ငါ့ကိုဘယ်လိုပြန်လျော်ပေးမလဲကြည့်ကြသေးတာပေါ့။" ပိုင်ရှောင်ချန်းသည် အမှားတစုံတရာလုပ်ထားခြင်းမရှိသဖြင့် လုံးဝတည်ငြိမ်နေသည်။
သူ၏ရိုးသားအပြစ်ကင်းသောယုံကြည်မှုကြောင့် လူအုပ်ထဲမှလူအများစုကိုပင် သူတို့၏သင်္ကာမကင်းဖြစ်နေမှုအပေါ်သံသယဝင်သွားစေ၏။ သို့သော်လည်း သူတို့တွင်သက်သေပြစရာအထောက်အထားတစုံတရာမရှိပေ။ ပိုင်ရှောင်ချန်းသည် မန္တန်အစီအရင်ကိုဖွင့်ပေးလိုက်လေသည်။ အစပိုင်းတွင် လူအုပ်သည်တယောက်မျက်နှာတယောက်ကြည့်ကာ ကသိကအောက်ဖြစ်နေကြသေးသည်။ ထို့နောက် အတွင်းခံအင်္ကျီအခိုးခံလိုက်ရသောအမျိုးသမီးဂိုဏ်းဝင်များက ဦးဆောင်ကာ အံကိုတင်း၍ဝင်ရောက်လိုက်ကြသည်။ သူတို့သည် ပိုင်ရှောင်ချန်းကို လက်ယှက်အရိုအသေပေးလိုက်ပြီး ရှာဖွေမှုစတင်လိုက်ကြလေ၏။ အမျိုးသမီးဂိုဏ်းဝင်တယောက်သည် သူမ၏သားရဲထည့်သည့်အိတ်အတွင်းမှ ကြက်သွေးရောင်ရှဉ့်တစ်ကောင်ကိုပင် ထုတ်ကာရှာဖွေနေလေ၏။
ရှဉ့်ကိုထုတ်လိုက်သောအခါ စူးစူးဝါးဝါးတစ်ချက်အော်လိုက်ပြီး အလျင်အမြန်ရှာဖွေမှုပြုလေတော့သည်။ လူအုပ်ထဲမှလူအားလုံးနီးပါးနောက်ဆုတ်လိုက်ကြပြီး ရှဉ့်ကိုအလုပ်လုပ်စေသည်။ လွန်ခဲ့သောရက်ပေါင်းများစွာအတွင်း ပျောက်ဆုံးနေသောအတွင်းခံအင်္ကျီရှာပုံတော်ဖွင့်ရာ၌ သူတို့သည်ဤထူးဆန်းသောရှဉ့်ကိုအသုံးပြုခဲ့ကြသည်။ ရှဉ့်တွင်အလွန်စူးရှသောအနံ့ခံအာရုံရှိပြီး သူ၏ပစ်မှတ်သည်ထည့်စရာအိတ်ထဲရောက်နေပါစေ အနည်းငယ်သောအနံ့အသက်မျှကိုပင် အနံ့ခံနိုင်လေသည်။
စောစောက လူအုပ်ကြီးသည် သူတို့၏ဆုံးဖြတ်ချက်အပေါ်ဝေခွဲမရဖြစ်နေခဲ့သော်လည်း ယခုအခါတွင် သူတို့၏မျက်လုံးများပြူးကျယ်လာပြီး မန္တန်အစီအရင်နှင့်ကာကွယ်ထားသောနေရာအတွင်းသို့ အပြေးအလွှားဝင်ရောက်လာကြသည်။ ပိုင်ရှောင်ချန်းသည် ဇဝေဇဝါဖြစ်နေကာ ကြောင်စီစီငေးကြည့်နေမိသည်။ သူလည်းလူအုပ်နှင့်အတူလိုက်လာခဲ့ပြီး ရှဉ့်သည် ဂုဏ်ထူးဆောင် အစောင့်အရှောက် အဆောက်အဦ၏အခန်းခွဲတစ်ခုအတွင်းသို့ဝင်ရောက်သွားလေသည်။ တံခါးကိုဖွင့်လိုက်သောအခါ ထောင်ချီသောရောင်စုံအတွင်းခံအင်္ကျီများ ရေတံခွန်ကဲ့သို့ထွက်ကျလာလေ၏။
"ပိုင်ရှောင်ချန်း... ရှင်မလုပ်ပါဘူးလို့ ကျွန်မတို့ကိုပြောဦးမှာလား"
"ဒီတော့ ရှင့်လက်ချက်ပဲပေါ့..."
"ပိုင်ရှောင်ချန်း... ရှင်... ရှင်ကလုံးဝကိုအရှက်မရှိတာပဲ။"
လူအုပ်ထဲရှိဂိုဏ်းသားများကမူ အလွန်အမင်းဒေါသထွက်နေကြလေသည်။
ပိုင်ရှောင်ချန်းမှာ ပါးစပ်အဟောင်းသားဖြစ်သွားပြီး ထိတ်လန့်တုန်လှုပ်လာလေ၏။
"မဖြစ်နိုင်တာ..." သူကစူးစူးဝါးဝါးငြင်းဆန်လိုက်လေ၏။
ထိုသို့ပြောလိုက်သောအခါ အမျိုးသမီးဂိုဏ်းဝင်များသည် သူ့ကိုအသေသတ်တော့မတတ် ဝိုင်းအုံကြည့်နေကြလေ၏။ ပိုင်ရှောင်ချန်းခေါင်းနပန်းများကြီးလာပြီး ချက်ချင်းပင်ဖြေရှင်းချက်ပေးရန်ဟန်ပြင်လိုက်လေ၏။
"ကျုပ်တစ်ကယ်မလုပ်ပါဘူးဗျာ... ဒီဟာတွေ ဒီကိုဘယ်လိုရောက်နေမှန်းကိုမသိတာ။" တခုခုတော့အရမ်းကိုမှားနေပြီဟု ခံစားလိုက်ရလေသည်။ ယခုအခြေအနေကို သူဘယ်လိုဖြေရှင်းရမည်ပင်မသိတော့ပေ။ အမျိုးသမီးဂိုဏ်းဝင်များသည် ဒေါသအပြည့်ဖြင့်စိန်းစိန်းဝါးဝါးစိုက်ကြည့်နေကြပြီး အချို့ဂိုဏ်းသူများသည် တိုက်ခိုက်ရန်မန္တန်လက်ကွက်များပင်ဖော်နေကြလေပြီ။
"ချီးပဲ... ဘာတွေဖြစ်ကုန်တာလဲ။" သူကတွေးလိုက်သည်။ သူသည် လတ်တလောတွင် တစ်ကိုယ်တည်းတရားကျင့်ကြံခြင်းဖြင့်သာအချိန်ကုန်နေခဲ့ပြီး ကျင့်ကြံခြင်းအပေါ်လုံးဝအာရုံစိုက်ထားလေသည်။ သူသည် ဂုဏ်ထူးဆောင် အစောင့်အရှောက် အဆောက်အဦအပြင်သို့ပင်မထွက်ဖြစ်သလို ဘေးအခန်း၏တံခါးကိုလည်းတခါမှဖွင့်မကြည့်မိခဲ့။ ထိုအချိန်တွင် ဘရူဆာ သည် အနီရောင်အတွင်းခံအင်္ကျီတစ်ခုကိုကိုက်ကာ ယစ်မူးနေဟန်ဖြင့်ပြေးလာနေသည်ကိုတွေ့လိုက်ရလေသည်။
သို့သော်လည်း ဘရူဆာ သည် မန္တန်အစီအရင်သို့မရောက်မီပင် ပြေးနေရာမှရုတ်တရက်ရပ်တန့်လိုက်သည်။ ဆူပူသောင်းကျန်းနေကြသောလူအုပ်ကြီးကိုတွေ့သွားသောအခါ အနီရောင်အတွင်းခံအင်္ကျီကိုအလျင်အမြန်လွှတ်ချလိုက်သည်။
တချိန်တည်းမှာပင် မရေမတွက်နိုင်သောမျက်လုံးအစုံများသည် သူရှိရာဘက်သို့လှည့်ကြည့်လိုက်ကြသည်။
ပိုင်ရှောင်ချန်းသည် ချက်ချင်းပင်ခေါင်းများကိုက်လာသလိုခံစားလိုက်ရသည်။ တကယ်တမ်း ပိုင်ရှောင်ချန်းတစ်ကိုယ်တည်းတရားကျင့်နေစဉ်အတောအတွင်း အခြားဂိုဏ်းသားများလဲမန္တန်အစီအရင်ကိုဖြတ်ကျော်သွားလာခြင်းမပြုနိုင်ကြပေ။
ခွေးနက်ကြီးပင်ထိုသို့ဖြတ်သန်းမသွားနိုင်။ မန္တန်အစီအရင်ကိုလွတ်လပ်စွာဝင်ထွက်သွားလာနိုင်သည့် တစ်ယောက်တည်းသောသူမှာ ဘရူဆာ ပင်ဖြစ်ပေသည်။
ဘရူဆာ သည် စိုးရိမ်ထိတ်လန့်စပြုလာလေသည်။ အခြားဂိုဏ်းသားများဒေါသထွက်နေသည်ကိုကြောက်ရွံ့နေ၍မဟုတ်၊ ပိုင်ရှောင်ချန်းစိတ်ဆိုးမှာကိုကြောက်၍ဖြစ်သည်။ ဘရူဆာ သည်ငိုမဲ့မဲ့ဖြစ်နေကာ သူ့ကိုယ်သူမြေပေါ်သို့လှဲချပြီး တကွိကွိအသံပြုနေလေသည်။
ဆူပူနေသောလူအုပ်ကြီးထဲရှိဂိုဏ်းသားများ၏မျက်နှာများမှာထူးဆန်းအံ့သြနေကြလေသည်။ ဂိုဏ်းသူများဆိုလျှင် သူတို့မျက်လုံးကိုပင်သူတို့မယုံနိုင်ကြပေ။ ဂုဏ်ထူးဆောင် အစောင့်အရှောက် အဆောက်အဦ၏အတွင်းရောအပြင်ပါ အပ်ကျသံပင်ကြားရလောက်အောင်တိတ်ဆိတ်ကုန်ကြသည်။
အချိန်အတော်ကြာတိတ်ဆိတ်နေပြီးနောက် အမျိုးသမီးဂိုဏ်းဝင်တစ်ယောက်က ထ၍ရေရွတ်လိုက်သည် "ဘရူဆာ ကတော့ဒီလိုမျိုးမလုပ်လောက်ပါဘူး။ သူကသိပ်ချစ်စရာကောင်းတာ။ တစ်ယောက်ယောက်ကသူ့ကိုခိုင်းနေတာပဲဖြစ်ရမယ်။"
ချက်ချင်းပင်လူများသည် သူမ၏စကားကိုထောက်ခံနေကြသည်။
"ဟုတ်တယ်... ဘရူဆာ ကအလွန်နှစ်လိုဖွယ်ကောင်းပြီးအပြစ်ကင်းစင်လွန်းတယ်။ တစ်ယောက်ယောက်က မန္တန်တစ်ခုခုသုံးပြီး သူ့ကိုအတင်းအကြပ်စေခိုင်းနေတာပဲဖြစ်ရမယ်။"
"သူ့ကိုခိုင်းနေတာပိုင်ရှောင်ချန်းပဲ။ ပိုင်ရှောင်ချန်းက ဘရူဆာ ရဲ့သခင်ပဲ"
မကြာမီပင်အမျိုးသမီးဂိုဏ်းဝင်အားလုံးနီးပါး ထိုသို့လက်ခံယုံကြည်သွားကြပြီး ပိုင်ရှောင်ချန်းကိုဒေါသတကြီးစိုက်ကြည့်နေကြလေ၏။ အချို့လူများသည် အဖြစ်မှန်ကိုသိကြသော်လည်း ဘရူဆာ သည်ပုံမှန်အားဖြင့်အလွန်ချစ်စရာကောင်းပြီး လက်ရှိတွင်အင်မတန်ကြောက်ရွံ့နေရှာသည်ဖြစ်ရာ လူအများသည် သနားလျက်အကြင်နာပိုနေကြလေ၏။
သို့သော်လည်း အခြေအနေမှာအတော်ပင်ထူးဆန်းနေသည်ဖြစ်ရာ အဖြစ်မှန်သိသောဂိုဏ်းသားများသည် ဆိတ်ဆိတ်နေကြလေ၏။ ထပ်မံ၍ပြဿနာရှာခြင်းလည်းမပြုတော့ပဲ ပိုင်ရှောင်ချန်းကိုစိန်းစိန်းဝါးဝါးကြည့်ကာ ထွက်ခွာသွားကြလေ၏။
မကြာမီပင်အခြေအနေများတည်ငြိမ်သွားပြီဖြစ်လေရာ ပိုင်ရှောင်ချန်းသည် သက်ပြင်းရှည်ကြီးကိုချလိုက်ပြီး ငိုမဲ့မဲ့မျက်နှာဖြင့်ကောင်းကင်သို့မော့ကြည့်နေလေ၏။ ဘရူဆာ သည် သူ့သခင်၏မျက်လုံးအကြည့်များမှတဆင့် သူအမှားလုပ်မိပြီဖြစ်ကြောင်းရိပ်မိလိုက်လေသည်။ သူသည် ပိုင်ရှောင်ချန်းဆီသို့ကုပ်ချောင်းကုပ်ချောင်းသွားလိုက်ပြီး ပိုင်ရှောင်ချန်း၏ခြေထောက်များအကြား ပွတ်သီးပွတ်သပ်လုပ်နေလေ၏။
ပိုင်ရှောင်ချန်းသည် သက်ပြင်းချလိုက်ကာ ဒူးထောက်ထိုင်လိုက်ပြီး သူ၏ခေါင်းကိုပွတ်သပ်ပေးနေသည်။ "ဘရူဆာ... မင်းကသာမန်ဆိုသိပ်ဉာဏ်ပြေးတဲ့ကောင်ပါ။ ဘာကြောင့်အခုတခေါက်ကျ ဉာဏ်တုံးသွားရတာလဲ။ မင်း... မင်း အတွင်းခံအင်္ကျီတွေခိုးချင်ရင်လဲခိုးပေါ့။ ဒါပေမယ့် ငါ့ကိုပြဿနာတက်အောင်မလုပ်ရဘူးလေ။ ငါ မင်းကိုဖန်တီးခဲ့တာ။ ငါကမင်းအဖေပဲဆိုရင်လဲမမှားဘူး။ မင်းအဖေကို ပြဿနာတက်အောင်မလုပ်ရဘူးကွ။"
" ကောင်းပြီ... မှတ်ထားနော်။ မင်းနဲ့ရင်းနီးတဲ့လူတွေကို ပြဿနာတက်အောင်မလုပ်ရဘူး။ ဒီအတွင်းခံအင်္ကျီတွေကတော့ အဲ့အခန်းထဲမှာဖွက်ထားလို့အဆင်မပြေဘူးကွ။ ခိုးလာတဲ့ပစ္စည်းတွေဆိုတာ အိမ်ထဲမှာမဖွက်ထားရဘူး။ သိပ်မိုက်တဲ့ ဘရူဆာ ပဲ။ မင်းနည်းနည်းဉာဏ်သုံးရလိမ့်မယ်။ နောက်ဆိုမခိုးခင် သေချာအစီအစဉ်ချပြီးမှခိုး။ ပြီးတော့ အဖမ်းလဲမခံရစေနဲ့ဦး။" ဘရူဆာ သည်ခေါင်းကိုငုံ့ကာ သူ့အပြစ်ကိုသိသည့်အလား တကွိကွိအော်မြည်နေလေသည်။
ဘရူဆာ ထိုသို့ပြုမူနေသည်ကိုမြင်လိုက်ရသောအခါ ပိုင်ရှောင်ချန်း၏စိတ်နှလုံးပျော့ပျောင်းသွားကာ ထပ်မံအပြစ်တင်ဆုံးမခြင်းမပြုရန်ဆုံးဖြတ်လိုက်လေသည်။ ထို့နောက် အနည်းငယ်စိတ်ဓာတ်ကျနေလျက် ဂုဏ်ထူးဆောင် အစောင့်အရှောက် အဆောက်အဦသို့ပြန်လာခဲ့ပြီး တရားကျင့်ခြင်း၊ ကျင့်ကြံခြင်းများကိုပြုလုပ်နေလိုက်သည်။
ခြံဝန်းအပြင်ဘက်တွင် ဘရူဆာ သည် တကွိကွိအော်မြည်ကာလှဲလျောင်းနေသည်။ ထို့နောက် ရက်စက်ကြမ်းကြုတ်သောအကြည့်များဖြင့် မြောက်ပိုင်းဂိုဏ်းသားများရှိရာသို့ စိန်းစိန်းဝါးဝါးကြည့်လိုက်လေသည်။
ညနက်လာသောအခါ သူသည် မြောက်ပိုင်းဂိုဏ်းဘက်သို့ တိတ်တဆိတ်ထွက်ခွာသွားလေသည်။
နောက်တစ်နေ့မနက်ခင်းနေရောင်ခြည်ဖြန့်ကျက်စပြုချိန်တွင် ဂိုဏ်းသားတစ်ယောက်၏နေအိမ်မှ စိတ်သောကရောက်စွာစူးစူးဝါးဝါးအော်ဟစ်သံများ ထွက်ပေါ်လာလေသည်။
"ချီးပဲ... ဘယ်သူလဲကွ။ ငါ့ရဲ့ သားရဲစိတ်စွမ်းအင်ဆေးလုံးကို ဘယ်သူခိုးသွားတာလဲ။ အဲ့ဆေးလုံးရဖို့ ငါပင်ပင်ပန်းပန်းကြိုးစားခဲ့ရတာကွ။ အဲ့ဆေးလုံးကို ငါ့ရဲ့သားရဲကြီးအဆင့်ပိုမြင့်လာအောင်ကျွေးမလို့။"
ထိုအော်ဟစ်သံများထွက်ပေါ်လာပြီး အလားတူအော်ဟစ်ငိုကြွေးသံအများအပြားထွက်ပေါ်လာလေ၏။
"အား... ကျုပ်ရဲ့ အတုမရှိစိတ်စွမ်းအင်မြက်ပင်တွေ။ ကျုပ်ဒီမြက်ပင်တွေကို ငါးနှစ်လောက်စိုက်ပျိုးခဲ့ရတာ အခုတော့အမြစ်ပဲကျန်တော့တယ်။ ကုန်ပြီ... အားလုံးကုန်ပြီ။ တစ်ယောက်ယောက်စားပစ်လိုက်ပြီ။"
"သူခိုးဝင်တယ်။ မယုံနိုင်စရာပဲ။ ကျုပ်ရဲ့အင်မော်တယ်ဂူထဲက တိုက်ပွဲဝင်သားရဲအစာတွေအကုန်ပြောင်ပြီ။ သုံးနှစ်စာ ကောင်းကောင်းကျွေးလို့ရတဲ့အစာတွေပဲ။"
"ဘုရားရေ... မနေ့ကမှ တတိယသွေးမျိုးဆက်သားရဲအရိုးတစ်ချောင်း အကြီးအကဲလီဆီကနေရလာတာ။ အဲ့အရိုးကနေသွေးမျိုးဆက်အစွမ်းတွေထုတ်ယူမလို့ရှိသေး။ အခုတော့ မရှိတော့ဘူး... ပျောက်သွားပြီ။"
အပြင်စည်းဂိုဏ်းမှာသာမက အတွင်းစည်းဂိုဏ်းမှာပါ အော်ဟစ်ငိုကြွေးသံများပြည့်နှက်နေသည်။ အဆုံးတွင်ဒေါသတကြီးအော်ဟစ်ငိုကြွေးနေကြသောလူပေါင်း ရာနှင့်ချီရှိလေသည်။ ခြွင်းချက်မရှိ ထိုလူများအားလုံးအမျိုးသားများဖြစ်ကြကာ လွန်ခဲ့သောနေ့က ဂုဏ်ထူးဆောင် အစောင့်အရှောက် အဆောက်အဦသို့ရောက်လာဖူးသူများဖြစ်ကြသည်။
နာကျင်ဒေါသထွက်လျက်ငိုကြွေးနေကြစဉ် သွေးရောင်လွှမ်းနေသောအရိုးတစ်ချောင်းကို အစိတ်စိတ်အမြွှာမြွှာဖြစ်အောင်ကိုက်ချေလျက် ပြေးလွှားနေသော ဘရူဆာ ကိုရုတ်တရက်မြင်တွေ့လိုက်ကြသည်။
ဂိုဏ်းသားတစ်ယောက်သည် စိတ်သောကရောက်စွာ စူးစူးဝါးဝါးထအော်လိုက်လေ၏။ ထိုလူ၏ဆံပင်များသည် ဖရိုဖရဲဖြစ်နေကာ မျက်လုံးတွင်သွေးပျက်နေသောအမူအရာများဖြင့် အရူးတပိုင်းအော်ငိုနေလေတော့၏။
"မလုပ်နဲ့... ငါ အဲ့ဒီတတိယသွေးမျိုးဆက်သားရဲအရိုးကို အကြီးအကဲတစ်ယောက်ဆီက ငှားလာတာ။ အား... မစားပစ်လိုက်နဲ့။"
ဂျွတ်... ဂျွတ်...
ခေါင်းကိုဂုဏ်ယူစွာမော့လျက်က မည်သူမှမဖမ်းလိုက်နိုင်ခင်မှာပင် ဘရူဆာ သည်အမှုန်အမွှားလေးတစ်ခုအဖြစ် ထွက်ပြေးပျောက်ကွယ်သွားလေသည်။ အလျင်အမြန်ထွက်ပြေးနေရင်းက အရိုးကိုကုန်အောင်ကိုက်ဝါးလျက်ရှိသည်။ ဆံပင်ဖရိုဖရဲနှင့်ဂိုဏ်းသားသည် အကြီးအကဲလီ၏အရိုးကိုပြန်မပေးနိုင်ပါက အကြီးအကဲလီမည်မျှဒေါသထွက်လိမ့်မည်ကိုတွေးမိကာ မျက်နှာတွင်သွေးများဆုတ်သွားလေ၏။ ဒေါသတကြီးအော်ဟစ်လျက်က ဘရူဆာ ၏နောက်သို့ ပြေးလိုက်လေ၏။
ထိုသို့ပြေးလိုက်သွားသည်မှာ သူတစ်ယောက်တည်းမဟုတ်ပေ။ ရာချီသောဂိုဏ်းသားများသည် ဘရူဆာ ၏နောက်သို့ ဒေါသတကြီးပြေးလိုက်ကြသော်လည်း မီအောင်တော့မလိုက်နိုင်ကြ။ ဘရူဆာ သည် ယန်ဝေ့တောင်ဆီသို့ ဦးတည်ပြေးသွားသည်ကိုသာ မျက်လုံးအပြူးသားနှင့်သာကြည့်နေရလေ၏။ ဘရူဆာ နောက်သို့ဆူညံစွာလိုက်ဖမ်းနေကြစဉ်ပင် မိုးခြိမ်းသံကဲ့သို့ကျယ်လောင်လှသော ချောင်းဟန့်သံကြီးကိုကြားလိုက်ရလေ၏။
ယန်ဝေ့တောင်၏တောင်ထိပ်သခင်အဘွားကြီး ပေါ်ထွက်လာလေသည်။ ရာချီသောဂိုဏ်းသားများကို အေးစက်စက်စိုက်ကြည့်လိုက်ပြီးသူမက "ဘယ်လိုထိတ်လန့်စရာကောင်းတဲ့အပြုအမူတွေလဲ။ ကြည့်စမ်းပါဦး... ဘရူဆာ လေးကကြောက်လွန်းလို့တုန်တောင်တုန်နေရှာပြီ။ မင်းတို့တွေဒီလိုလျှောက်လိုက်နေရအောင် အားယားနေကြသလား... ဟမ်"
ဂိုဏ်းသားများသည် လန့်ဖျတ်သွားကြပြီး လက်ကိုယှက်လျက်အရိုအသေပြုလိုက်ကြသည်။ ဘရူဆာ သည် အဘွားအို၏နောက်နားတွင်အမြီးလေးကုပ်၍ရပ်နေပြီး မျက်လုံးများကိုပြူးကျယ်ထားကာနှစ်လိုဖွယ်မျက်နှာပေးနှင့် အဘွားအို၏ခြေထောက်များကိုပွတ်သပ်နေသည်။
ဂိုဏ်းသားများသည် စိတ်ထဲတွင်အလွန်ဒေါသဖြစ်နေကြသော်လည်း တခွန်းမှမဟရဲကြပေ။ ဘရူဆာ အပေါ်မုန်းတီးမှုများသည် တစတစပို၍ကြီးထွားလာနေလေသည်။
"ပစ္စည်းတချို့ သူတွေ့လို့စားပစ်မိတာဘာဖြစ်လဲ..." အဘွာအိုကဆက်၍ "အရေးမပါတာ...။ သူစားပစ်လိုက်တာကို ကျုပ်ပြန်လျော်ပေးမယ်။ ဘရူဆာ ကိုအနိုင်ကျင့်နေတာကိုရပ်လိုက်ပြီး အခုထွက်သွားကြစမ်း။" ဂိုဏ်းသားများကိုစိန်းစိန်းဝါးဝါးတစ်ချက်ကြည့်လိုက်ပြီး အဘွားအိုသည် ဘရူဆာ ၏ခေါင်းကို ကြင်ကြင်နာနာပွတ်သပ်ပေးနေသည်။ ဘရူဆာ သည် ပို၍နှစ်လိုဖွယ်ကောင်းသောအမူအရာများပြုလုပ်နေလေသည်။ သူမ၏လက်ကို ခွေးတစ်ကောင်ကဲ့သို့ လျှာလေးနှင့်ပင်လျက်လိုက်သေး၏။
ဂိုဏ်းသားများသည် အံကိုသာတင်းတင်းကြိတ်နေကြရလေ၏။ သူတို့စိတ်ထဲတွင် သူတို့က ဘရူဆာ ကိုအနိုင်ကျင့်နေခြင်းမျိုးမဟုတ်ပဲ ဘရူဆာ ကသူတို့ကိုအနိုင်ကျင့်နေသည်ဟုခံစားနေရသည်။
သို့သော်လည်း တောင်ထိပ်သခင်တစ်ယောက်လုံး သူ့ဘက်ကရှိနေသောအခါ သူတို့လည်းဘာမှမတတ်နိုင်ပေ။ သူတို့၏အမျက်ဒေါသများကိုမြိုသိပ်ကာ ပြဿနာတစုံတရာထပ်မရှာတော့ပဲပြန်ခဲ့ရလေတော့သည်။ သူတို့၏ဒေါသများကို ပိုင်ရှောင်ချန်းအပေါ်သို့ လွှဲပြောင်းပေးလိုက်ကြသည်။
"ဒါတွေအကုန်လုံး ပိုင်ရှောင်ချန်းကြောင့်ဖြစ်ရတာ။ သူက ဒီဆိုးသွမ်းတဲ့တိုက်ပွဲဝင်သားရဲကိုဖန်တီးခဲ့တာပဲ။"
"ဒီတိုက်ပွဲဝင်သားရဲဟာ ရွံရှာစက်ဆုပ်ဖွယ်ပဲ။ သိပ်ကောင်းတယ်... အတွင်းခံအင်္ကျီတွေခိုးလိုက်... အစားအသောက်တွေခိုးလိုက်နဲ့။ အမျိုးသမီးဂိုဏ်းဝင်တွေ၊ အကြီးအကဲတွေ၊ တောင်ထိပ်သခင်တွေနဲ့အတူတူပဲ... အဲ့ကောင်ကိုဖျက်ဆီးနေကြတာ။"
ပိုင်ရှောင်ချန်းသည် တရားထိုင်နေရင်း ရုတ်တရက်နှာချေလိုက်လေသည်။ သူသည် မျက်လုံးများဖွင့်ကာဘေးဘီကို စက္ကန့်အနည်းငယ်မျှဝေ့ကြည့်လိုက်ပြီး အသက်ရှူထုတ်လေ့ကျင့်ခန်းများဆက်လက်ပြုလုပ်နေလေ၏။ သူ၏ကျင့်ကြံခြင်းအခြေသည် ချီစုစည်းမှုစွမ်းရည်အဆင့်တစ်ဆယ်၏ မဟာစက်ဝန်းဆီသို့ တဖြည်းဖြည်းနီးကပ်လာနေပြီဖြစ်သည်။