*بسم الله *
.
.
.
.
.
.
.
.
.
«اسراء»
قعدنا ngsro انا ومنال ..اما اكرم ونصرو يلعبو فلپلاي
منال: كيفاه مع قرايتک
اسراء: مليحة آكي تعرفي مكاش كامل لوقت نريح
منال: ونتي علاه روحتي ميدسين
اسراء: mon rêve psk
منال: مالا غمي متقوليش لقراية بزاف
اسراء: امشي نروحو لتحت
نضنا جزت على ميار هبطت معانا ورحنا لصالون لقينا نصهم لثم حتى سارة غير شافتها ميار تقرمدت حكمتها من يدها وقتلها في وذنها
اسراء: صايي ميار تريحي تضاربي هكا
ميار: مالا نخرج خير
اسراء: علاه تبينيلها هكا خليک منها
ميار: اففف كون مشي عرس ومنحبش ليپروبلام نوريلها آسمها
حكمنا پلاصة وريحنا ngsro حتى عيطتلي خالتو نصيرة ورحت ليها
نصيرة: بنتي اسراء تعيشي شفتي لخياطة تع لحومة راني مخليا عندها لبدرون روحي جيبيهولي لا ماعليش
اسراء: وي خالتو ضوک نجيبهولک
دورت راسي لميار دارتلي براسها وين قتلها ضوک نولي ياخاه على لاشارات
عدلت خيماري ولبست عباية ملفوق تع تمتم ونولي باسكو كنت لابسة جبة مالغري مستورة مي مجياش نخرج بيها
هبطت لحومة درتها حتى شفت حانوتها دخلت
اسراء: السلام عليكم
حنان: عسلامة شكون نتي
اسراء: بعتتني خالتو نصيرة نجيبلها لبدرون
حنان: آآآ دقيقة بنتي راهو واجد نجيبو ونجي
هي راحت دخلت فوحد لباب وانا ريحت على لكورسي نسنا
جابتهولي ديتو من عندها وخرجت
كنت نمشي غايسة حتى خرجلي ايهاب
اسراء: يارهج تفوو خلعتني
ايهاب: نتي عندک خلعة قديمة واش نديرلک
اسراء: تديني تقطعهالي مالا
ايهاب : واه نديک.. مي واش راكي ديري هنا
رفدت صاشي وريتهولو منبعد هز راسو تع آه ؤؤک
قعدين نمشو ونضحكو
اسراء: كيفها ايمان
ايهاب: حمدلله..برک راهي مريضة عندها مدة تقولي راسي
اسراء: بلاک ضربها ريح
ايهاب: والله معلبالي كل منقوللها روحي لطبيبة ولا متحبش
اسراء: لا لازم تروح لطبيبة باش تشوفها مي يوجعها غير راسها
ايهاب: ديفوا تتقيا حاشاک وعندها دوخة
كي قالي واش يصرالها طلع في راسي مرض وقاعدة ندعي مشي هو
اسراء: دبر راسک لازم دير ليزاناليز وشوف منين يجيها هاد لوجع ايذا محبتش مدلي نهدر معاها
جبد تيليفونو.. فورميت نيميروها عندي قلت منبعد نهدر معاها
محسيناش بطريق طلعت راسي لقيت بلي وصلنا لدار
ايهاب: آيا طيري ضوک
اسراء: بايوش
درت طالعة لفوق طاحت عيني في عين اكرم كان باين مقلق باسكو كان كابس على يدو وعينيه حمورة
جيت طالعة متخطياتو مي حط يدو على لحيط وغلقلي طريق
اسراء: اييه وسمک بعد خليني نجوز بركا متمسخير
اكرم: عندک زوج دقايق نلقا جدک فسطح نهدر مع قسامک
اسراء: وانا منيش حابة نهدر معاک
اكرم: مجيش والله ندخل نجيبک بدرااع
دار وراح طالع.. استغفرت ودخلت لدار مديت لخالتو صوالحها
وعاودت طلعت على سعدي لمكبوب
فتحت لباب تع سطح لقيتو حط يد في جيبو ولوخرة يتكيف بيها
غير سمع لباب دار ورما l garou
اسراء: خير علاش نهدرو
اكرم: زعما معلبالكش
اسراء: منضربش لكارطة باش نعرف
اكرم: واش موقفک مع ايهااب ولا جاية معاه وتتبادلو نيميروات وضحک واااااش
فلخرة عيط وضرب يدو على لباروداج تع سطح
اسراء: ونتا واش دخلک ؟ نضحک معامن نحب ونهدر معامن نحب تاني
اكرم: زيدي حلي فمک شوفي ايذا مكسرتهولكش
دنا لعندي وهو ميبشرش بلخير
اكرم: والله يا اسراء نزيد نشوفک مع كاش واحد تهدري والله فمک نريبهولک
اسراء: عندي خويا يحكم فيا ومشي كي نتا صاحبو جي تتفلسف عليا
اكرم: نتفلسف كيما نحب مشي فرخة تعلملي نهدر وكي خت صاحبي باينة ندخل روحي وضوک جيبي تيليفون
حطيتو مور ضهري كي لاح يدو يديه خزر فيا.. شدني من يدي وجبدني ولوخرة راحت مور يدي قعدت نزغد باش ماينحيهوليش
آحاي كرازاني سيد كي رهج.. مي قلبي قريب حبس جامي دنا ليا شميت ريحتو لي كانت مخلطة بدوخان مفقتش كيفاه رخفت يدي ونحاهولي
شعلو لقا فيه mot passe دورو لوجهي
اكرم: واش دايرة ازربي
اسراء: منقولش
اكرم: متقوليش
اسراء: ايه
حطو في جيبو وجا رايح منيتو يديه معاه جريت موراه وحكمتو
اسراء: آآآآي سي محمد وين بيها
حبس في پلاصتو وخزر فيا
اكرم: نديه مدام محبيتيش تفتحيه
اسراء: خلاص جيبو ضوک نفتحو
اكرم: شايفتني طنه قولي mot passe
اسراء: ايه خلاص اكتب
مليتلو نيميرو.. فتحو وقعد يطلع ويهبط وانا حاكمة روحي على شعرة والله مليحة هاذي لحمار حماري ومنركبش عليه
شفتو حل عينيه وخزر فيا دور تيليفون لقيت ميساجات مع ايهاب مالغري مافيهم والو غير صافا صافا ونهار بعتلو ميساج باش نتلاقاو لتحت مي باينة فهمها كاش حاجة اووف
اكرم: واش هاذ زبل آآ تتلقاو لتحت
اسراء: اعرف واش راک تهدر
اكرم: علبالييي واش راني نهدر..
اسراء: افهم كيما تحب مي هاذو والله فريتلو شغل وكانت معايا ميار
اكرم: شوفيني ذراري منفهمش راكي كاتبتلو نتلاقااو لتحت ايهاب وين لعادة تسما مالفة تتلقاو اييه ولا لالااااا
اسراء: وكي نتلاقاه نتا واش دخلک فهمنيي
رمالي تيليفون تكسر ولا فتات قعدت نخزر فيه
اسراء: نتاا مهبول علااه درتلو هكاک
اكرم: باش تتعلمي تزيجي تعيطي وترفدي صوتک
رحت نلم في واش بقا فيه ونسب فيه ملتحت لتحت
حكمني من يدي ونوضني
اكرم: ياربي برک نزيد نشوفک معاه اقسم بالله غير نمساكريكم لزوج
اسراء: علااش راسک مغلوق والله مابيناتنا والو وزيد راح يخطب.. انا واش دخلني فلوسط وزيد تكسرلي في جد تيليفون
اكرم: اهبطي
رفدت واش بقا وزدت لاپيس وهبطت لتحت.. شافتني ميار جات
ميار: بقرة وين كنتي مصباح وانا نسنا فيک
اسراء: شوفي تيليفوني كيفاه ولا
ميار: آياه كيفاه كسرتيه
اسراء: علاه انا.. هذا اكرم رماه مخلا فيه والو
حكمتني من يدي كلعني فدروج وتهدر
ميار: موراها حكاية وضوک تحكيهالي لفوق
دخلتني للبيت وغلقت لباب وريحت ديرلي بيدها اقعدي قدامي
رميت شابشاقة هذيک ورميت روحي قدامها وحكيتلها واش صرا
ميار: آممممممممم صار هكا
اسراء: خراا ضوک كيفاه نشري واحد
ميار: قولي لاكرم يشريلک
اسراء: وقت تمسخير.. شوفي وليدي كيفاه ولا
ميار: ايه خلاص يتعوض صح كي ماكسركش نتي سيد مغيار نتي ثاني
اسراء: نتي تتمسخري بيا وانا مريحة كي لهايشة نحكي معاک
ميار: صايي ماقلنا والو
اسراء: نروح نقول لجواد يروح يشريلي واحد غدوة لعرس مكاش كيفاه منتصورش
ميار: يروحي قوليلو شوفي شحال راهي ساعة حتى يغلقو
خرجت رايحة لبيتو طبطبت كي مفتحش فتحت انا ملقيتوش زدت روحت لصالون مكاشو ايبان باينة راهو برا تسما في طريقو
وليت للبيت شافتني ميار وليت تمتم
ميار: پييييي سيرفيس راپيد تمتم وليتي
اسراء: لالا آراي تيليفونک نعيطلو باسكو مكاشو
ميار: مي معنديش نيميروه
اسراء: حافظاتو كي آسمي جيبي برک
مدتهولي فورميت نيميروه صونا مع لول ماريپونداش زدت عاودت رفد
جواد: آنعم شكون
اسراء: هاذي انا اسراء
جواد: منين جايبة هاذ نيميرو وزيد واش تسحقي
اسراء: هاذ نيميرو تع ميار وانا تكسرلي تيليفوني كون تشريلي واحد في طريقک دير فيا مزية
جواد: كيفاه كسرتي تيليفونک
اسراء: كنت رافداتو وطاحلي تكسر وخلاص
جواد: صايي كوپي منبعد نجيبلک واحد
كوبيت عليه وعطيتلها تيليفون
ميار: نوغمالمون سي خونا هو لي يشريلک باسكو كسرو
اسراء: نوغمالمون
هبطنا لصالون وقاتلنا طاطا زهية كاين سهرة فليل وكذا
بعدما تعشينا طلعنا لفوق اصلا كان كلش واجد درنا غنا
وخرجنا فوادنا بشطيح ليوم مشي كل يوم
حسيت واحد جبدني من يدي لقيتها ميار
ميار: امشي راهو يعيط خوک
اسراء: قوليلو نزيدو شويا ونهبطو
ميار: ماموقبيل وانا نقولو نزيدو شويا وتعرفيه رهج
اسراء: ايه خلاص
عيطت لمنال.. وهبطنا مع دخلة لقانا جواد شاف في ساعتو وطلع راسو لينا
جواد: لالا كون زدتو مطولتوش كامل
منال: معليش جوزها جواد
جواد: رهي 2 تع ليل كون معيطتش متهبطوش تريحو لصبح
منال: وضوک هبطنا وزيد كنا غير بنات نجوزو فلوقت
ميار: محضر في كل دخلة وخرجة
خي طرازان
بطبيعة الحال قالتهالي في وذني وانا ستوعبت تقول على جواد طرازان بديت نضحک بلعقل باش maymrgch
دخلت لبيتي.. نحيت خيماري جبدت روپة تع رقاد لبستها وتكيت دورت آكوتي حتى نشوف باطة
رفدتها وفتحتها لقيتها تيليفون جديد ومعاها ورقة مكتوب «سمحيلي اسراء»
عرفتها بلي اكرم وزيد قلت لجواد هو يشريلي لاعلينا اصلا عجبني
حطيتو ورقدت
¤¤¤¤¤¤¤¤¤¤¤¤¤¤¤¤¤¤¤¤¤¤¤
¤¤¤¤¤¤¤¤¤¤¤¤¤¤¤
¤¤¤¤¤¤¤¤¤
« ميار »
نضت صباح على صوت زغاريت قريب طبل طرطق بنعمييي
دخلت دوشت ولبست سروال جين مع تريكو موف وبليغة اصلا لحفافة ونولو
خرجت لبيت اسراء نوضتها باش نروحو خليتها توجد روحها
دخلت لكوزينة لقيت منال وخالتو رحمة قاعدين صبحت عليهم وقعدت سكبتلي خالتو قهوة قالتلنا خالتو بلي راهي رايحة مع طاطا زهية لصالة باش يوجدو وخرجت موراها جات اسراء قعدنا نسناو ينوب ربي علينا يدونا لحفافة
دخل اكرم وقالنا
اكرم: ايذا راكم واجدين امشو نديكم
منال: ايه رانا جايين
هبط هو لول وحنا موراه واسراء تاكل في روحها دار وخزر فينا منبعد فيها
اكرم: واش كاين
ميار: هاا والو والو
دار وكمل هبط.. طبعتها باش تركب قدامو وهي تزغد وحدها
اكرم: كي تكملو قلولي
دخلتها بدراع وانا قعدت ملور قدام منال
وصلنا لحفافة غير هبطت حسيت قرصة في يدي
اسراء: نتي مشي بنادم مريحتني معاه حسيت روحي قاعدة فوق شوک
ميار: نوغمالمون تشكريني يارهج امشي آي منال دخلت وخلاتنا
دخلنا ومنحكييش صهد لي ضرب وجهي ياخاه قريب ضاق فيا نفس مسخانة ومنحكيش على لحس
حكمنا پلايص بسيف باسكو لغاشي قعدنا نسناو بدالة
" مور 3 سوايع "
مكملناش حتى متنا يعني لغاشي وسخانة
شفت تيليفوني لقيتها 11 پيييي لازم نروحو نوجدو روحنا للكورتاج
خلصنا لخفافة وخرجنا.. لقينا جواد يسنا فينا برا
مزيا كنت جبت معايا شال غطيت بيه سيليما سروال ملتحت وعرس في وجهي ملفوق جريت لطونوبيل ركبت وغلقت لباب واسراء قعدت قدامو
غير وصلنا هبطت ودخلت لبيتي جبدت قفطاني وعدلت كامل لحوايج فالفاليزة لي نديها معايا لصالة
لبست وعدلت روحي جبدت طالون لوما لواحد يطوال آسيدي
لبست هكا

دوشت شويا بريحة وحطيتها فصاكي دخلت عندي اسراء واجدة وكانت لابسة قفطان وزادتلو خيمار ملفوق
سكرت لافاليز وهبطتها للرض باسكو عيطتنا ايناس نهبطو راح نروحو
لاعلينا.. شفت منال خارجة من بيتها وجات لينا
منال: معامن نروحو
اسراء: باينة مع جواد
منال: وين راه
اسراء: وقيل في بيتو ولا لتحت نهبطو ونسناوه
منال: روحو نتوما ضوک نجي
هبطنا وخليناها.. مجينا نكملو دروج قريب تكركبنا ومع انا حابة نطوال بسلامتي شارية قوجا طالون
لقينا دنيا طونوبيلات مستفين حوسنا على جواد مكاشو مالا مزالو لفوق
جا لينا اكرم
اكرم: مزال مداكمش
ميار: مزالو لفوق
اكرم: اييه امشو انا نديكم
خزرنا انا واسراء في بعضانا منبعد تفكرنا منال
اسراء: ومنال
اكرم: يجيبها جواد امشو اطلعو
رفد علينا ليفاليز وركبنا بيان سور اسراء ملقدام بعد تطباع عظيم
ميار: اسمع ديرنا شويا غنا مشي رايحين لجنازة
اكرم: هههه نصرو يمشي ويوصي باش منبهدلوهش
جيت نهدر حتى وصلني ميساج رفدت تيليفوني لقيتو جواد
" وين راكم نريح نحوس ضوک "
"ركبنا مع اكرم صايي"
"وعلاش مسنيتوش"
"طولت باسكو.. نتا مريح لفوق شغول عريس وتقول علاه مسنيتوش"
"خلاص "
مريبونديتلوش ..دورت راسي لقيت طونوبيل ديالو وراكبة منال ملقدام
مليييح
المهم قلعنا وطريق كومپلي اسراء واكرم يضاربو على لغنا
ميار: راح نوصلو لدار لعروسة ومزال مخيرتوناش غنيا بففف تعيو لزوج
اسراء: حاب يدير شعبي صافا هكا
اكرم: لالا ديري راي خير.. امشي ضوک نفسدلک وجهک
اسراء: قالک ارواح وفسد لوجوه
اكرم: اصلا فسدتيه بهاذ طابلو لي فيه
ميار: آيااا سكتونا.. ودير واش نقولک
مديتلو آسم لغنيا.. وبعد عناء دارتها اسراء
هي غير دارتها وحنا وصلنا لدار لعروسة مستمتعناش كامل فتحت لباب وهبطت واسراء جات معايا
دخلنا شفنا لعروسة هي تهبل الله يبارک
خرجت تحت دراع باباها.. كي شفتهم هكاک تمنيت يكون عندي بابا ونجوز تحت جناحو
مدولنا لورد ورمينا عليهم كي حكمها نصرو لي كان ميت مسعادة
دورت راسي ملقيتش اسراء حوست عليها بين لغاشي عييت ملقيتها روحت مولية لطونوبيل تع اكرم
حتى حسيت يدي رايحة جيها خلاف وانا تبعتها
خرجني ملغاشي لي كان حتى وصلنا لطونوبيل ديالو باش طلقني سكانيتو بعينيا ياربي قريب تغاشيت من المنظر الطبيعي الخلاب
كان مطراسي لحية لي زداتو نص ومطلع شعرو للفوق وريحتو اومايغود
وكان لابس كوستيم نوااغ
فتح لباب لي ملقدام ودخلني وخبط لباب نشالله على راسو
ركب وخزر فيا
جواد: مقدرتييش تسناي 5 دقايق نهبط
ميار: يااک وصلنا لدارهم وصايي ونتا جيت مع منال ضوک وراه لپروبلام
جواد: وحنا وااش كنا معوليين جي معايا ولا لالا
ميار: وجابنا اكرم طاحت سما
جواد: وينها اسراء
ميار: معلباليش بلاک ولات لطونوبيل تع اكرم
جواد: مليييح
ديمارا وانا حالة فمي
ميار: آآو خليني نهبط نروح لپلاصتي وزيد مشي تدي منال
جواد: معلييش تبلعي.. وزيد دوري نشوف وجهک
ميار: ومنبعد كي شوفني
جواد: دوري
دورت وجهي.. قعد يخزر منبعد دور راسو لطريق تنهدت
زهري مكحووس مقبيل مدرناش غنا وضوک جاية مع سماطة اونپيرسون
ميار: جواد
جواد: آممم
ميار: رانا في عرس كون دير غنا باسكو قلبي تنفخ
جواد: مكانش
ميار: اللهم الصبر والسلوان..والله ندير يا انا يا نتا
رفدت تيليفوني لقيت ميساج من عند اسراء نسيتها كامل
" ويين راكي يا بقرة مصباح وانا نحوس عليک "
"راني مع خوک "
"متعرفيش تهدري وزيد منال جات ركبت معانا باسكو ملقاتوش"
"اييه صايي "
درت غنيا سكارة فيه وعليتلها صوت خزر فيا منبعد دور راسو يأس مني
كي شافني راح نبدا نشطح غلقلي لكارو حتى تغميت
ميار: افتح على جدي وزيد فومي
جواد: بااش يشوفووک.. ياتريحي يا والله نحي جد لغنا راسي بدا يوجع
نحالي نيا كامل.. مي ومع ذلک درت حالة بشطيح شويا تلحت عليه باش نصوني
جواد: ياربي صبرني
ميار: صوني هذااا عرس
جواد: مزيا قلتيلي
صونيت بيدي ونحاهالي.. رفدت تيليفوني وتصورت درت ليه
ميار: جواد نتصورو
جواد: خلاصو لوجوه جايا ليا
ميار: ؤؤک هبطني نتصور مع كاش واحد
خزر فيا ودور راسو
جواد: ؤؤک خفي
تصورنا زوج بسيييف.. رمالي تيليفونو
جواد: صوري بهذا
زدت تصورنا بتيليفونو وحطيتو في جيب لافاست
وصلنا لاصال هبطنا.. ودنيا تخلطت قاعدة نشوف غير فدخان تع ليفيميجان
هبطو نصرو ولعروسة ودارو لبارود وكذا وشطحو شويا جيت نروح مي عندي تابعة
جواد: ازغدي شوفي رجليک كيفاه يتنحاو
ميار: روح تشطح معاهم
جواد: مدبريش عليا
ميار: آواه نتا قالها مخک وقيل في عرسک جوزها هكا بفف
جواد: كي تحضريه اومبعد اهدري
ميار: نندب عليک
قعد يتبسم دورت راسي ونخزر وين دايرين لهول هذاک وانا منيش لثم
جا عدنا اكرم وجابلي لافاليز
رفدتها ودخلنا مور لعروسة ماعدا رجال طبعاً.. قابلتها طاطا زهية
شربتها لحليب ومدتلها تمر وحنا حكمتنا خالتو مدتنا نشربو ملحليب هذاک باش نتزوجو
وراتلنا لبيت لي يبدلو فيها حطينا ليفاليز اسراء ومنال نحاو لخيمار وعدلو شعرهم وخرجنا حكمنا طابلة
دنات منال ليا
منال: جابک جواد
ميار: ايه علاه
منال: باسكو هو جابني ..حوست عليه وملقيتوش
مفهمتش كي قاتلي انا واش راح نديرلها المهم جوزنا عرس فشباب كلينا وشطحنا ودرنا حالة بتصاور باسكو علبالي يقوعدو غير ليسوفونير
اما على تبدال زدنا لبسنا جبة قبايل وفي لخر لبست انا روپ سواري
ج
ايا سانتري
دخل نصرو ودار لخاتم لمرتو وقسمو لاپياس مونتي
كلينا حتى شبعنا.. شويا هكا عيطتلنا خالتو نروحو
انا ريحت هكاك غير اسراء لبست عبايا ومنال ثاني
رفدنا ليفاليز وخرجنا لقيناه متكي على طونوبيل غير شافنا ناض ورفد ليفاليز وصل ليا طلع حاجبو وهدر بلعقل
جواد: خارجة هكا معليش لهدرة اومبعد
معلقتش عليه روحت ركبت بعد معانات باسكو لاغوپ سانتري مسكينة انا مي ليحب شباح ميقولش آح
عم صمت حتى نطقت خالتو.. وكون غير مهدرتش
رحمة: ميار بنتي شفتي خت يمات هاجر(لعروسة)
ميار: شكون لي سلمنا عليها
رحمة: وي هذيک حبت تخطبک لوليدها
اسراء: متزيدوليش... ههههه آه يا ميار واقيل راح تريحي هنا
رحمة: مالين هاجر حبو بسيف يدوک مع لول مانها وضوک خالتها
اسراء: صايي اقبلي وتهناي متكسار راس
قالتها وغمزتلي.. ودارتلي براسها قولي ايه
ميار: اييه خلاص نشوفو قبل اومبعد نديسيدي آسكو نقبل
شفت فلمراية تع طونوبيل لقيتو يخزر فيا ومطلع حاجبو
جواد: ميعرفوهاش بيان كون ميخموش حتى يخزرو فيها
ميار: واش قصدک.. خالتو شوفي وليدک
رحمة: معندک مخصک
جواد: صاييي اهبطو
هبطو وانا بسيف باش هبطت وطالون قتلني جات اسراء قدام وذني
وقاتلي
اسراء: حاسة جواد راهو مقلق انا نخليک
ميار: ريحيي وين
غمزتلي راحت دات فاليزتها وطلعت مور منال.. تنهدت وروحت نرفد فاليزتي
جواد: فرحانة لي يجي يخطب فيک
ميار: عندک پروبلام
جواد: وي عندي
**********
- إنتهاء البارت
- رايكم؟؟
- توقعاتكم في لحلقات لجاية
- إلى الملتقى... ♡