طريقنا صعب

البارت ١٩

يگوللها :-
عيونچ هِلالين وگمر
كُل ليلة حِسنچ يزداد
خَدچ مثل مَي وشكَر
ومحَلي دمَچ ال عناد ...🖤.

*****..*****..*****..*****..*****..*****..*****

رزان : كعدت الصبح على هوسة هبة ..

صحت ... كافي كافي هبة اريد انام

هبة:ووجع لج الساعة ٦ تاخذيلج ساعة كاملة علما تخلصين يجي الخط ونخلي ينتظر متبطلين طبعج ..

رزان: لالا مااتأخر هسة شوية واكوم ..

هبة: سامعتها هوايةة

رزان: اوهو عاد والله اكوم بس ٥ دقايق ..

هبة: بكيفج ..

رزان : رجعت نمت .. دك المنبه مرا ثانية ..

فتحت عيوني باوعت للتليفون .. الساعة ٦:٤٠

بساع كمت غسلت وجهي ..

بدلت ملابسي مثل كُل يوم واخذت جنطتي ونزلت ..

شفت الساعة ب ٧وثلث ..

يبوو تأخرت ..

دخلت للمطبخ محد موجود ..

معقولة طلعوا ؟

فتحت الثلاجة اخذت تفاحة ..

متوترة بس لاصدك راحوا .. صحت هبة

هاي وينها !!

بساع دخل قسورة للمطبخ ..

قسورة: خلصتي ؟

رزان:اا قسورا ماشفت هبة ؟ تأخر الخط علية

قسورة:اني كتلهم يرحون

رزان: شنو

قسورة: اجة الخط قبل ربع ساعة وكلت ل هبة انة اوصلها روحي انتي ..

رزان: خو ماكو شي ؟

قسورة: بكيفج ضلي رايح انة ..

رزان:لزمت ايدة .. لالا تعال شنو لوتي انتَ عود ؟

قسورة:هههه هم گالت لوتي .. بابا لاتكليلي هيج شنو لوتي ؟

رزان: والله اذا ماعجبك ماعلية .. شنو تخلي الخط يروح ؟ احد اخذ رأيك ؟

قسورة: لاتسوي خير شر مايجيك ..

رزان: زين هسة شلون ؟

قسورة: ابوية جاي اكلج انة اوصلج شبيج ؟

رزان: اي ليش كلتلهم يرحون هسة هاي سالفة سالفتك بالله ؟

گلت هيج وضل يضحك ..!

قسورة: هههههه ولج شو انتي ميعجبج العجب

رزان: لايعجبني يعجبني ..

قسورة: انة كلتلها روحي انة اجيبها ..لان اريد اصبح بوجهج الحلو مايصير ؟

رزان: جنت منطلقة واريد اتعارك من الصبح .. هوَ گلي هيج وصفنت ..

كتلة ..

رزان: ها

قسورة: توقعتها لل ها مالتج هاي

رزان: شنو

قسورة: ههههه ماكو شي نطلع هسة لو شلون ؟

رزان: ها اي اي ..

طلعت قبلة بساع .. فتحت الباب الورا سمعتة يكول ..

قسورة: ها ها وين

رزان: ابتسمت وكعدت ليكدام ..

اجة صعد بالسيارة وطلعنا ..

رزان : صافنة وتذكرت البارحة باسني !! مااعرف شلون نسيييت !!! ولافتحت هذا الموضوع ولاسألتة ! غلست لان صدك استحي اكلة عود خلي يسويها مرا ثانية واني اعرف شحاجيه ..

قسورة: اي شكو ماكو ..

رزان: ماكو شي .. اجاوبة واني اباوع دايرة وجهي .. ماانتبه اله ...

قسورة: ضايجة من شي ؟

رزان:لا

قسورة: ليش متباعين لوجهي ؟

رزان: درت وجهي الة وكتلة ..

ها يلا باوعتلك ..

قسورة: ضايجة على سالفة البارحة ؟

رزان: گلي هيج واني سكتت ! ماتحركت ولا حركة ..هسة الا تفتحة للموضوع ماتسكت !

قسورة: جاي احجي وياااج!

رزان: درت وجهي وكتلة ..

ها لا بس هيج عندي امتحان داافكر الة ..

قسورة: ماشي ..

رزان: ردت اغير المووضوع كتلة ..

يمتى ترحون ؟

قسورة: تردينا نروح ؟

رزان: لامقصدي هيج .. بس اسأل يعني ..

قسورة: باجر رايحين ..

رزان: اوكي .. سكتت

وصلنا للمدرسة ب ٨ ضبط بساع نزلت اركض ..من السيارة  ..

قسورة: على كيفج لتكعين

رزان: لا عادي .. شكرا عود ..

سديت باب السيارة ومشيت خطوتين ..

رجعت كتلة ..

رزان: لا مو شكرا لان لو انت كايلي انو الخط اجة مجان راحوا وعافوني ..

قسورة: هههه صبرك ياربي .. اي وهسة شتردين ؟

رزان: مو شكرا

قسورة: على كولتج اوكي ههههه

رزان: ههه ضحكتني ..درت وجهي ودخلت للمدرسة ...باوعت لوراي .. لكيت سيارتة موجودة وبعدة ديباوعلي ...

بتسمت ودخلت بسرعة ...

بساع رحت للادارة وكلت للمديرة انو تأخرت وراح علية الخط وجابني واحد من عائلتي  ...

المُديرة: اخر مرة هاي رزان .. لو مثل العام خلصتيها ابوج يجيبج والخط يجي بس البيتكم يسير عليكم ويروح ..

رزان: هههه لاولله ست راح اكعد من وكت بعد

المُديرة : اي اي نشوف ..

رزان: بساع رحت و وصلت لصفي وبدأ الدرس ..

*****..*****..*****..*****..*****..*****..*****

هبة: اريد احجي لرزان على سالفة علي بس خاف تفهم غلط .. خاف اصلاً اني فاهمة غلط ..

مااعرف مااعرف .. دااحاول ماافكر ابد لأن سادس ولازم يضل كُل تفكيري بالمواد وخلص .

هبة: خلص الدوام طبيعي ورحت للسيارة ومنتظرين ست رزان هيَ وهند ماهنَ !

*****..*****..*****..*****..*****..*****..*****

رزان: خلصنا كُل الدروس ونريد نطلع وگالت هند ..

هند: اكو مكتبة هنا تخبل تجين وياية ؟

رزان: لا يمعودة هسة هبة ترزلني اذا اتأخر اعرفها اني ..خليها غير مرة

هند: ولج بصف المدرسة كُلش ..

رزان: اي مو خلصنا وهسة راح تجي هبة ونطلع شبيج

هند: لا متجي تتأخر هي .. هسة تجين لو اروح لوحدي ؟

رزان: امشي يلا ..

رحنا وصدك حيل قريبة على المدرسة .. اول مادخلنا هند راحت شترت كم شغلة .. واني ضليت اباوع ..عجبني دفتر شكلة غريب .. واقلام رسم مرات ارسم اني احب الرسم .. اخذت اشياء بسيطة .. ودفعنا الحساب وطلعنا ..

اول ماوصلنا لباب المدرسة لاكتني هبة !!

هبة: ولج وينج فرينا المدرسة كلها تخبلت ماهيَ انتييي ؟!! وييين وليتي

رزان: شبيج هبة على كيفج ولله رحت للمكتبة

هبة: يامكتبة ياطياح حظ امشي صعدي بساع اروح اكول ل بابا اني ...

رزان: شبيج انتي كتلج للمكتبة رحت ويا هند وهذيج ياها المكتبة .. اشرت عليها لان حيل قريبة !

هبة: ميخالف يارزان غير تجين تكوليلي شلون بالله ؟ تضلين بتصرفاتج الغبية و رعونيتج هاي ؟

رزان: يابة اسفة شبييج لتكبرين الموضوع ..

هبة : صعدي للسيارة بساع ..

رزان: صعدنا للسيارة كلنا وطلعنا ..

هند: اسفة ماعبالي ماتقبل ..

رزان: لالاعادي بس لان ماكتلها وتأخرنا شوي ..

وصلنا للبيت ودخلنا ..

هبة صعدت فوك واني وراها ..

ريمة: شبيها اختج ولج ؟

رزان: مابيها شي 
صعدت بساع ودخلت لغرفتي .. لكيت نرجس ..

نرجس: ها شلونج ..

رزان:زينة .. شمرت الجنطة ورحت طلعت ملابسي ورحت للحمام سبحت وطلعت ...

لكيت هبة ونرجس بغرفتي ..

هبة: رزان متعيديها بعد هاي السالفة فهمتي لو لا ؟

رزان: يابة والله فهمت شبيج ..

هبة: انتي غير تكليلي يعني اني وصديقاتي ضلينا ندور عليج وخبصنا المدرسة يعني لو متأخرة شوية جان المديرة درت وراحت سوتلج مشكلة

رزان: عليمن تسوي مشكلة ..

هبة: حبيبتي هاي مسؤولية بالله صارلج شي وانتي بمدرستهم شيكولون ل اهلنا ؟

هيج يفكرون المدرسين ترا !

رزان: اوكي اوكي كلامج صحيح ووياج حق وبعد ماعيدها يلا ..

ضليت امشط بشعري ..  كملت ..

تعطرت وشمرت الشال ..البنات طلعن قبلي .. اني اخذت التليفون وفتحتة ..

لكيت مسج من قسورا !

فتحتة لكيت .. دازلي ...

"‏الیشوفک بالصبح ینترس "
باله الحان
ترا کَل الخلگ
عاگول بس انتَ
"الصدگ ریحان .."

شفت المسج دازة الصبح ...

ضل وجهي مُبتسم بسبب هلمسج ..

سديت التليفون ونزلت وراهن ..

دخلنا للمطبخ ماما وبيبي يحضرن الغدة ...

رزان: نتبهت لبيبي مُسالمة من بناتها مو وياها الظاهر هنَ ساس البلة ..

صبينا الاكل وكعدنا على الطاولة ..

بدينا ناكل ..

رزان:جنت ميتة جوع اكلت كم لكمة ورفعت راسي قسورا مموجود ؟ وينة

ضليت احوس ! وين راح ؟

اسأل منو عنة هسة ؟

تقربت مني نرجس وكالت بصوت ناصي ..

نرجس: لتفكرين هواية طالع يم صديقة يتغدة ..

رزان: لا لج شعلية بقسورا

نرجس : اني مكلت قسورة انتي كلتي

رزان: شوف شوف شكد لوتية

نرجس: هههههه

رزان: يعني هسة انت جاي النا تروح لصديقك شكو ؟

كملنا ونرجس وهبة ضلن يغسلن بالمواعين .. وانا صعدت ليفوك ..

دخلت لغرفتي ... كعدت على جربايتي .

فتحت التليفون وداكلب بي ..

تذكرت قسورا .. اراسلة لو لا ؟

ضليت دقايق افكر ادز مسج لو لا ؟

بلأخير دزيتلة .. هلاو شلونك ؟

وصلت المسج بس مارد لان ماشافها .. نتظرت كم دقيقة ماكو .. طفيت التليفون وكمت ..

اريد اطلع دخلن البنات ..

هبة:تعاي عفية خلي نسوي مكياج لنرجس ..

رزان: ليش ؟

هبة: ضوجة وبعد شوي راح ابدي اقرا اني .. ف خلي نشخبط شوي هسة ..

رزان: يلا مدام هيج تعالي ..

طلعت هبة كٌل المكياج الي نحتاجة وكعدنا ..

هبة: بس سويلها مكياج خفيف هيج .. مو مال اعراس ...

رزان : هاي منو  تحجي !!!

هبة: ههههه ديلا يلا ..

رزان: بديت اسويلها مكياج وشغلنا اغاني .. ومندمجين ...

شوي ودك تليفوني اخذت التليفون وفتحتة !

قسورا !

هبة:ماتردين

رزان: لا خليها هاي نوران بعدين احاجيها ..

نرجس تباوعلي وتبتسم ..

طفيت التليفون وكملت ..

دك مرة ثانية ! يبوو شلون سالفة هاي .. قبل شوي مترد هسة تتصل ؟

اخذت التليفون وطفيتة ..

وكملنا مكياج ..

هبة: ملامحج تخبل نرجس
المكياج هذا حيل يلوكلج ..

نرجس:غصباً عليج مو بكيفج ..

هبة:ههههه لج هاي شنو تعلمتي من رزان ؟

رزان:عفية عفية ببنيتي تعلمي مني ..

هبة: اي اي شلون تعلوم طايح حظة ..

رزان: ضلينا نسولف شوي .. واسمع قسورا  !!!

هبة: كومي ديصيحلج اخوج ..

نرجس :لج ومكياجي هذا

رزان: اي واذا قابل عدنا ولد احنة ؟

نرجس : لا لج مو هيج بس هو ميقبل ..

رزان: اي مو بكيفة ميقبل .. كومي هسة تكومين كدامي ..

نرجس: لا صدكيني مااروح روحي انتي كليلة نرجس نايمة ..

رزان : صبريلي اني نازلة الة ..

نزلت بساع لكيتة يم الدرج ..

باوعت اهلي مموجودين ..

اول ماشافني ابتسم ..

قسورة: ها ست رزان تدزيلي مسج واخابرج متردين ؟

رزان:استاذ غثة البنات يمي شلون ارد ..

قسورة:اي عادي كليلهن زوجي المستقبلي جاي يخابرني مايصير ؟

رزان: هو گالي هيج وفتحت عيوني على كبرهن !!!!
كتلة ..

رزان: خو مااكو شيييي

قسورة:اي ليش لا

رزان: لا عيني مو بكيفك ...ماشاء الله ع الثقة العندك

قسورة:اي ليش اكو سبب حتى متقبلين ؟

رزان: ترا اعرف دتشاقة وهسة خلي اكلك شغلة ..

قسورة: كولي

رزان: كاعدين لمة بنات ودانسوي مكياج واحنة مطالعين من البيت ... عندك اعتراض شي ؟

قسورة: مافهمت ليش تكليلي هذا الحجي

رزان: انت مخوف البنية تكول ميقبل وهاي

قسورة: نرجس عاقلة حيل وانة اعرفها .. ومن اكللها لتخلين مكياج لان هناك ولد عمامي وعمامي ..

هسة ماكو احد عادي ..

رزان: اي عبالي تكول لا علمود اتعارك وياك ..

قسورة : بنتي انتي شبيج تحفرين الكاع علمود المشاكل شكو !

رزان: لا بس تصرفاتك تغثني ..

قسورة: اها هنا الحجي

رزان: اي طبعا ً هنا الحجي ..

قسورة : حتى البوسة غثتج ؟

رزان : كال هيج وغمز الي !!!

متت من الخجل ..هذا صدك يحجي ؟!!

كتلة بساع ..

رزان: اكلك اني ناسية هذا الموضوع وانت ذكرتني .. اياك وبالك تعيدها بعد اوكي ؟ لان البارحة ماكدرت ارد عليك انتَ رحت بساع ..

قسورة: اي وحتى لو رديتي شتكدرين تسوين ؟

رزان: صفنت ..

كتلة ..

رزان: ها

قسورة: اي هو هذا التكدرين تسوينة .. ها ..

رزان: باوعتلة بطرف عيني وصعدت ..

صاح وراي ..

قسورة:تعاااي

رزان:خييير

شمر بأيدي شي .. فتحت لكيت انواع الحلويات .. ابتسمت ..

رزان:اي عود شكراً ..

قسورة: بس شكراً !!

رزان: اي لعد شكُلك ..

قسورة: على بالي احصل فد شغلة حلوة ..

رزان: والله تحلم وعود عيد هاي السوالف وشوف شسوي ..

قسورة: هسة بس حجي اسوي واسوي .. وجذب متسوين .. شتكدرين تسوين ؟

رزان:معليك لكل حادثٍ حديثٌ
كلت هيج وضحك !

قسورة: ايباااااخ هههههههه

رزان : ضليت اضحك .. صعدت الدرج بسرعة ..

احس صار وجهي احمر ماعرف شسالفة .. بساع باوعت للمراية .. اي والله صاير طماطة ..  ضليت اصفن .. ننزتني نرجس بصوتها ..

نرجس : ها لج شكال ؟

رزان: ها اا كال عادي هناك مااقبل تتمكيج لان ولد اكو .. هنا ماكو

نرجس : صدك والله ..

رزان : اي والله عادي ..

هبة:هاي شنو البيدج

رزان:كالت هيج وجرتها من ايدي ..

هبة: هلووو شنو هاي الحلويات ..

رزان: اي جابها النة كعدن اكلن ..

هبة: طبعا نكعد ناكل قبل متكولين ..

*****..*****..*****..*****..*****..*****..*****

وصار الليل ....

هبة: لج عفية ضلوا بعد كم يوم

نرجس:والله مااكدر قسورة عندة دوام هوَ وعلي بلكوة كدروا يجون ترة !

هبة: عفت كلشي وركزت ب علي ! صدك شو ماشفتة !!شعجب

رزان: اني محجيت اي َ شي .. يعني راح يروح وارجع كم شهر اني مراح اشوفة !!!

ختنكت .. لذلك مااريد يجي ولا اريد نروح لان يخلصن ال كم يوم وبعد كل واحد يروح بطريقة شهور منلتقي .. !!

ضليت ساكتة ومبينة اني ضايجة ...

هبة: ضلت نرجس تحضر ملابسها ورزان طلعت للحديقة ...

اخذت التليفون خابرت صديقاتي شوي ..

كمت وسديتة .. طلعت من الغرفة ونزلت ..

رحت للمطبخ وشفت من الشباك رزان كاعدة برا .. مبينة ضايجة .. احس بينها وبين قسورة شي بس متحجيلي صايرة .. !

عفتها ..

درت وجهي ...

لكيت علي ببراي ..

هبة :بتعدت بساع من يمة .. وكتلة ..

هبة: صدك جذب والله نززتني ..

علي :انة اسف

هبة : اي اوكي .. درت وجهي وداطلع ..

علي: باجر راح اروح ..

هبة: توصلون بالسلامة ..

علي :بس هيج ؟

هبة: مافهمت ! شتريد اكول غير هيج يعني ؟

كلت هيج وصدمني بكلامة !!

علي : اكلج من الاخير انة رايدج

هبة:  شنو ؟

علي : اريد اخطبج بس تخلصين سادس .. مااكدر اسكت اكثر ..

هبة: سكتت بساع ودرت وجهي .. وطلعت ..  خربط كل احوالي بهاي الجملة !! منين طلعتلي انت َ !

اريد اصعد الدرج واجة وراي ..

علي : ترة ماجاي اتشاقة .. لو اريد اجيب رقمج ونضل نحجي بس ماحب هاي السوالف .. تخلصين سادس انة واهلي ببيتكم ..

هبة: واني ماقبل شكرا .

علي : شنو كلتي ؟

هبة :مااقبل يعني غصب هيَ السالفة شنو ؟

علي : ليش متقبلين ناقصني شي ؟

هبة:لا مناقصك شي والف بنية تتمناك بس اني لا اريد اهتم لدراستي وبعيدة عن هاي الاشياء ..

علي : الله كريم عود .

هبة: شنو الله كريم اعرف الله كريم ..
بس شنو قصدك؟

علي : اي ماشي هاي هيَ فهمت .

هبة: دار وجهة وطلع .. !

معقولة تسرعت بجوابي !!

لا لاتسرعت ولا شي اني اريد اطلع طب يفيدني الحب والبطيخ شنو !

عفت السالفة وبعد مافكرت بيها ...

*****..*****..*****..*****..*****..*****..*****

رزان : كاعدة برا بالحديقة واخذت تليفوني وياي .. عود اكلب بي بس جذب ..

صافنة واحس عيوني دمعت !!!

بساع تلمستهن ! اي والله راح ابجي !!

بساع مسحت عيوني ..

هاي شديصير بية ! معقولة داابجي علي !!

صافنة وافكر ب الي راح يصير وسمعت صوتة .. !

قسورة : هاي منو الي كاعدة هنا

رزان: باوعتلة بطرف عيني وكتلة ..

انتَ شنو دتراقبني .. وين مااروح تجي وراي ؟

قسورة :اي مااكدر بدونج اي حركة تسويها انة اعرف بيها ..

رزان :هههه دمك خفيف

قسورة: اي والله ماجاي اتشاقة ..

رزان : بس ردت اسد الموضوع.. كتلة ..

اي اي اوكي

كتلة هيج واجة كعد يمي ..

قسورة : شبيج احسج ضايجة !

رزان :بتعدت شوي وكتلة ..

رزان : لا مابية شي ..

قسورة : خاف علية ضايجة ؟

رزان :هوَ كال هيج  .. وبساع التفتت الة ..

كتلة ...
رزان : لا عيني شنو عليك.. شعليك انت حتى اضوج عليك ..

قسورة : مااعرف يمكن لان رايح باجر ..

رزان : لا مو عليك ..

قسورة :اي ماشي فهمت .

رزان ضلينا ساكتين .. شوي وكال ..

قسورة : تذكرين كعدتنة بالسطح ؟

رزان : ضحكت وكتلة ..

رزان : ههههه اي

قسورة : شنو هلضحكة الحلوة هاي ؟

رزان : بساع باوعتلة من گالي هيج !

كتلة ..

رزان : شكراً ..

قسورة : ماعندج غير الشكراً !

رزان : لاماكو

قسورة : شو دوري منا منا .. ماكو ابد ؟

رزان: ابد صدكني ..

قسورة : ههههه اي عود بعدين يصير اكو صدكيني ..

رزان : ها

قسورة : لو مكايلتلي هاي ال ها الغبية مالتج جان ستغربت ..

رزان : هههههه

ضلينا نسولف شوي ودخلنا ...

رجعت لغرفتي وخليت راسي على مخدتي وضليت افكر بي !

يمي هوَ واني دااشتاقلة شلون من يروح !

طلعت تليفوني وضليت اكلب بالفيس مالتة ..

اعيد نفس الصور تقريباً كُل يوم وما أمل ..

ابتسم واني اباوع لصورة ..

رزان : شدعوة منطيه هلكد حلاوة يربي ..

اكثر صِوّرة ياخذهن بالزي العسكري مالتة ..

اوف اوف هذا الزي مبهذل حالي تبهذل من اشوفة لابسة !

أكلب بالصور ووصلني مسج منة ..

أبتسمت وفتحت المسج ..

يگلي : ‏أحط راسي على المخدة و تجيني                        ملامح وجهك عفواً النية ننام ؟!

رزان : شفت المسج وطكيته بضحكة ههههههههههه

المفروض اني ادزلة هيج مو هوَ ...

اني الي داافكر بي ببالي اكثر مما اظهر هذا الشي بالكلام ..

رديت علي ..

رزان : هههه صاير اشعار وكذا ..

قسورة : احبة للشعر حيل .. واحس ذني لايكات علية ..

رزان : اها اي اي ...تتهنى الي ببالك كتلة هيج وكلي..

قسورة : ههههههه انتي الي ببالي .. ماكو غيرج صدكي ..

رزان : دزلي هذا المسج وضليت صافنة بي .. احلى مسج شافتة عيوني ...

مارديت علي .. سديت التليفون ونمت فرحااانة حيل ..

يتبع .... !

لتنسون اللايك🖤.