زينب: رحت الاهلي دخلت تلكتني امي سلمت عليهة شوي ونزل حسين اجه عليه كبل
حسين: هلا بهل كمر اجيت حضنتهة بس هي ماحضنتني
بستهة
زينب: باسني وحضني سلمت ودرت وجهي
ام حسين: يمه علي وحده بالصاله
زينب: رايحه يمه ماما
حسين: لا خليج يم امي انه رايح يمه واحنه متفقين نطلع
زينب: مجاوبته
بقيت يم امي
علي: طلعنه اني وحسين الصاحبنه بالشارع وشفت حنين بت عمي ويمه شاب يمشون ويحجون وهي وبنيه هم اني تخبلت
حسين: هاي مو بت عمك
علي: كبل نزلت طبكت لزمتهة من شالهة وصعدتهة السياره
ولزمت الولد كطعته اتكطع
حسين: ردت افارغهم ماكدرت العلي
بقيت بينهم الحد ما الناس كلهة دخلت
علي: لزمته وصعد عليه
علي: وييييين بيييتكم شسمك لك سكط
الولد حجاله بس يريد يفرغ روحه
علي: جرني حسين وضربني
حسين: ضربته ياله سكت
لك اثول فضحت عرضك بشارع بالبيت حاسب مو هنا
علي: شوي هديت
صعدت واشوفهة تبجي جبتهة براشدي كتلهة نفس واحد انهيج
رحت البيت عمي ابو حسين
علي: صيحلي زيييينب بسرعه
حسين: عوفهة اني اجيبه
علي: حسين رحمه الوالديك صيحهة
زينب: دخل حسين كال رجلج يكول يله
كمت سلمت ع امي وماشفت ابويه حرامات
فطلعت شفته عصبي وحنين بسياره
زينب: هلاووو
علي: سديييي البببباب
زينب: بسم الله شبيه
صعدت بالصدر
شلونج حنين ليش تبجين صاير شيء
علي: زينب حرف واحد اكتلج وياهة
زينب: شكووو هيج تحجي وياي شمسويه
علي: زيييييييينب
زينب: لاصييح
علي: ضربتهة راشدي
زينب: انصدمت من ضربني كبل نزلت دموعي اباوع ع حنين تبجي
علي: بنفس الدقيقه الضربت بيهة زينب اتندمت ندم مصاير
جريت نفس وكتله موقصدي
زينب: بقيت ابجي
علي: جاي اكلج مو قصدي
بقيت دايره وجهي ودموعي تنزل
علي: نزلت البيت اهلي لزمت حنين من شعرهة
ودخلتهة غرفه امي وسحبت الحزام ودك كتل
لجججججج ادبسززززز عااااااااررر منووو هذا منووووو بت الخررررره
حنين: بس خل افهمك😭😭😭
علي: بت الكللللب شتفهميني لج اني علي الساعدي هيج يصير عرضي بالشارع اليوم انهيج وبقيت اضرب بيهة اموتتتتج حقيييره ماعددددج تربببيه اربيج اربيج بت الخره👊🏻
حنين: علي والله يحبني واحبه والله من زمان 😭😭😭😭
زينب: علي كااافي ع كيفك وخر منهة بقيت بينهم خاله هم تصيح مرت عقيل اجت تركض ومرت عصام كثر الصياح والكتل
كبل سماح خابرت عقيل دخل عقيل
عقيل: هااااي شكوووو
علي: وخرووو مني
عصام : لك هدي واحجيلنه
علي: شحجيلكم بت الكلب اني عرضي بشارع هيج جان يمه الشاحنه كطعهة ع ضهرهة الحزام كطعه فيمن مزهريه شالهة راد يضربهة لزمه عقيل
عقيل: لك بس فهمنه
حنين: لو تموتني ابقه احبه احبه علي اني احبببببببه
عصام : ايا ادبسزز 👋🏻
زينب: بقيت بس منصدمه بالمنضر
علي لزمه كوه شوي ورجعلهة جرهة من شعرهة وسحلهة اني متحملت ركضت عليهة افرغهة علي كبل ضربني راشدين ودفعني حيل من دفعني محسيت ع روحي الا واني بيدي مغذي وماما وحسين يمي وعلي دخل عليه
شنو الصار ماعرف
علي: طبعاً اتهسترت من شفت حنين بالشارع ويه واحد واتكلي احبه وبكل وقاحه واني اضرب كل شخص كبالي ومحد من النسوان اتقربن بس اخواني زينب صارت بينه من لزمت حنين من شعرهة وسحلتهة صارت حنين تصيح صياح وجع شعرهة زينب ماتحملت اجت تركض اني اريد اوخرهة فضربتهة راشدين ودفعتهة حتى توخر من حنين صارت الدفعه ع الحايط انضربت براسهة واتخربطت اباوع عليهة الدم بالحايط بقيت جامد
عقيل وعصااام : لكككككك شسوووووويت
سماح: يبوووووووووووووووي صخام الصخمنه البنيه راح اتموووووت😭💔
ام علي الحجيه: من شفت زينب دمهة واتخربطت كبل وكعت
علي: عفت حنين ورحتلهة اشوفهة الدم يطلع احرك بيهة ماتحجي وكبل وجهة زورك واختنكت كبل شلتهة اني وسماح وطلعنه بيهة للمستشفى
اخذهة منه واختبصو
الدكاتره : صاير عدهة رج بالدماغ
علي:😳 انصدمت لعد اشكد قوي دافعهة
الدكاتره : لازم انخيط راسهة
علي: اي باشرووو
طلعت بره واني جسمي يرجف عليه بت كلبي شلون اسوي بيهة هيج
خابرت حسين كتله خويه جيب الحجيه وتعال بمستشفى فلان
حسين: شكووو شصاير
علي: تعال انشالله خير
حسين: طلعت اني وامي واحنه انفور منو مات منو اتخربط ابد مو بالنه زينب
دخلنه ولكينه علي ومرت اخوه بره
ام زينب: يمه شكوووو
علي: خاله ماكو شيء سلامات انشالله
سماح: حجيه كذا وكذا ........
حسين: علي معقوله هيج تسويييي بعد زينب ما الك لك اطيتهة الك وهي مثل الورد كطعتهة من بستانه وكلت راح تكبر وايداريهة فلاح گوي
(تحاجه علي وحسين )
وره يومين ياله صحت زينب
بهاي اليومين مشاكل وافكار براسي ماتخلص موضوع حنين بت عمي القافل الا اموتهة لان بسببهة صار بمرتي هيج وبسببهة تعاركت ويه صاحبي وصار شرفي بالكاع
زينب: صحيت : الم عدي براسي ماما شافتني بجت وباستني حسين الحمدلله ع سلامتج بعد اخوج ودنك وهاي اول مره اشوف حسين بهذا المنضر اعرف اخوي صلب وحجايته وحده ودومه راسه مرفوع
علي: كعدتي الحمدلله ع سلامتج
زينب: الله يسلمكم ردت اتحرك احس نفسي مكسره اتذكرت علي من ضربني باوعت عليه هو باوعلي بنضره ندم اني باوعتله بنضره عاديه ولا كأنو صار شيء كل ضني اهلي يرجعوني اله
حسين ميحجي ويه علي بهاي الاثناء دخل ابويه كبل حضني وبقه يحجي وياي وباوع عله علي وكاله بعد مالك عدنه شيء اني انصدمت
علي: عمي مو هيج المواضيع تنحل
ابو زينب: اك اتعلمني انه الشيخ محمد الدواوين كلهة تتمنى ادخللهة هيج تسوي ابتي
امشي اطلع منه وبتي تنساهة كل غراضهة تجي واذا ما اجت خليهن الك هي مو بعازتك ابوهة موجود
باوع ع حسين وكاله
لاتباركت لا بيك ولا بصاحبك هو هذا القفلت عليه وكلت راح يصونهة شوف وين وصلهة
علي: عميي
ابو زينب: اذذذذلف من وجهي
زينب: بقيت بس اباوع اريد افهم شصاير
علي: ضاج وطلع وحسين سجل خروجيه اني راسي الم عدي بيه
الدكتور فهمني شسوي وشاخذ من علاج ويراد راحه
علي: طردني ابوهة وحسين اتحاجه وياي بس محد يرضه ويفهم شنو الصاير الفهمو اني كاتلهة وهيج مسوي بيهة
ميعرفون بالغلط صارت
والصدمني هي تباوعلي احسهة اتريدني
طلعت واني اعصاب بقيت ادخن وامشي
وصلت الاهلي كلهة تسئل كتلهم كعدت وكذا السالفه كالو خل ترتاح يم اهلهة وبلكي تبرد السالفه وانروحلهم
حنين: بهاي الفتره بس ضرب من اهلهة وبس اهانه دمروهة راحو الاهل الولد وسوهة كعدت عشاير يا تفصلون والولد يجلي من المنطقه طول عمره يا نسترهم
هو كال لا اني اريدهة واحبهة وخطبتهة قبل منكم ماطيتوهة
علي: بقيت ادخن مرن٣ ايام
علي: اجيت الامي يمه هذا تلفونهة وهذا مصرف واخذيلهة كم ملابس وشوفيلياهة شلون صارت
زينب:اخذوني اهلي وجانت تعامل اهلي مختلف حسين ماشوفه ابد وامي تاكل بروحهة اخواتي اجني الي لان مايخلوني اتحرك علمود راحه الراسي وابويه يجي يطيب خاطري بحجي ويكول والله الا اخذ حكج يابويه ومالج رجعه
بس اني علي اريده اول يوم بتت بيه يم اهلي حنيت اله والحضنه حنيت الدفو حضنه الصوته البوساته الكلامه نمت كوه ثاني يوم زاد الشوق ثالث يوم جنت كاعده ماتحملت بجيت كمت توضيت وصليت واني ع المسجاده ابجي
(ياربي علي احبه وماريد تصير مشاكل يارب اذا خير الي التحلهة والبيه سوء وشر الي التطلعه من كلبي وتنهي علاقتي بطلاك)
ودموعي تنزل اسمع صوت خالتي ام علي وورود
طلعت بسرعه واني لابسه الجادر
اجيت سلمت عليهم وكعدت امي رحبت بيهم احنه ماعدنه مال الضيف يجي انهينه لا نرحب بيه
خالتي سولف الامي كلشي وورود الاخواتي واني هم سولفت
ام زينب: خيه احنه وياكم وحقكم بس خيه ميصير هيج يضربهة
ام علي: خيه يحبهة وروحه مفرفحه عليهة وصارله ثلثت ايام ماينام ليله عليهة ويس يدخن ياخيه هو عصبي وهي تعرفه من ضربهة جان ما يدري علمود بت عمه وانتي ياخيه يمكن سمعتي صارت كعده عشاير وهسة لو يكتلون البت ويطمون عارهة لو يستروهة
زينب: بقيت مدنكه ودموعي نزلت كله اتكلي شبيج عفتهم وكمت للغرفه اجت وراي ورود واختي حوراء
ورود: شبيج حبيبتي ليش بجيتي
زينب : سكتت
حورلء: تردين رجلج
زينب: اي اريده
ورود: وهو هم يريدج يعني مضايجه منه
زينب: ضايجه ومقهوره منه بس اريده
ورود: واذا اهلج يطلكوج منه شسوين
زينب: سكتتت وبقيت ابجي
حوراء: ورود لتحجين هيج وياهة متشوفيهة بيا حال
ورود: يروحي هذا مصرف دزلج وهذا مبايلج وملابسج وشتردين خابريني واني اوصله الج
زينب: هزيت راسي
ورود: كلش انقهرت من شفتهة وجهة اصفر وعيونهة محوره وضعفانه
رجعت للبيت وسولفت العلي
علي بدل وراح البيت
ساعتين واجانه الخبر علي ضارب الولد طلقه
اهنا انصدمنه وواختبصنه علي انحجز من الدوام وراتبه اتوقف وانسجن
العشاير كلهة اتدخلت
زينب: من سمعت علي ضارب الولد طلقه ومسجون صرت ما اكل ولا اشرب واسمع ابوي ايكول اطلكه اطلكهة
حسين: صح تعاركت ويه علي بس ثاني يوم حجالي كلشي واتفهمته بس كتله صار الموضوع بيد ابويه وراح احاول افهمه
علي: يومين وطلعت من السجن
الولد الطلقه برجله وهو اتنازل
والعشاير حلوهة كالو نزوجهم
طلعت واني افور فور
رجعت للبيت مالتي فتحته لكيت صورت عرسنه وملابسهة صرت اتذكر كل زاويه احصرهة بيهة وابوسهة صرت اتذكر سهراتنه وافلامنه شقانه اكلنه طبخنه من تنضف واخبث عليهة انقهرت حيل بدلت وطلعت يم اهلي
مر تقريبا اسبوع اراسلهة ماترد اصلاً ما فاتحه نت اخابرهة ع الرصيد مغلق اعتقد قافله جهازهة
بهذا الاسبوع صرت اداوم بالدائره بس وكت النوم اجي وموضوع حنين بالي اكتلهة موت بس مالاكفهة ولد عمامي مامطيهة الي واخواني محاصريني بس الزمج ياحنين وين ترحين
بهذا الاسبوع خطبو الحنين والصادق وكالو بعد اليمس شعرهة من البنيه لو الولد اتصير دمايه للركب
وكدام العشاير حنين شريفه وانسترت ويه الشخص
مرت ايام وصار ع زينب وغيابه ١٠ ايام واني شبه العدي حياة
الحد ما قررو زينب😔
.