*بسم الله *
.
.
.
.
.
.
.
.
.
.
.
.
.
.
.
.
.
.
.
.
.
.
.
كي قالت اسراء هكاک لثم
ديكوفريت آسمها منال.. ريحت قدام لباب تع لكوزينة نخزر برک شويا جات ليا تبسمت معايا ورجعتهالها
سلمت عليا وقاتلي
منال: شكونک نتي
ميار: بنت زهرة ربي يرحمها
منال : ربي يرحمها ويجعل مثواها
معريفت خير
ميار: يسلمک
دارت ليهم وقاتلهم
منال: وين نحط دوزاني
رحمة: تريحي معانا كاين بيت
منال: كيما تحبي خالتي
رحمة: اسراء طلعيها لبيتها
داتها اسراء وانا شفت في ايناس
ميار: شكون هاذي
ايناس: بنت عمي صالح
ميار: صالح؟ شكون
ايناس: هو وليد عم بابا لي تسما وليد عم خالتو رحمة هادي بنتو لكبيرة منال فهمتي
ميار: آآآ ؤؤک مي علاه مجاوش حتى لضوک وجات غير هي
ايناس: عمي صالح عندو 5 سنين ملي توفا بلكونسار وهي عايشة ضوک غير مع يماها و ختها مي كوم يماها مريضة تسما ريحت معاها ختها وعلى حساب ما علبالي راهي تقرا فلعاصيمة وبعيدة على دارهم باسكو يسكنو فلبلاد يعني ريف
ميار: پييييي لخبار كامل عندک
ايناس: ههههه خسارة عليک
شفت اسراء طولت لفوق ايبان طلعت نشوف آسكو كملت
غير دخلت سمعت ضحک مصالون لقيت اسراء ومنال ومعاهم جواد
غير دخلت سكتو
جيت مولية مي حبستني منال
منال: دقيقة والله لضوک معرفتش آسمک
ميار: آسمي ميار
منال: مي جامي شفتک فلفامي هنا
جيت نجاوبها لقيت لميسيو يهدر
جواد: باسكو مشي عايشة هنا
اسراء: ارواحي ريحي علاه قاعدة واقفة
ميار: لالا هابطة
خرجت ملثم.. قبل متحبسني وخليتهم ygsro جيت هابطة حسيت يد حبستني درت لقيت جواد
ميار: آنعم
نحا يدو حسيتو تبكم ومالقا ميهدر تنهدت
ميار: خير يا طير
جواد: وعلاه راكي مشنفة
ميار: انا؟ آآو علاه
جواد: منعرف ملي دخلتي ونتي قالبة وجهک
ميار: لالا..
جيت نكمل نهدر عيطتلو منال غير شافها تبسم شغول موالفها
منال: جواد نسحق حاجة
جواد: قولي
منال: نسحق فليكساج ايلا تخرج فليكسيلي باش نعيط ليما نسقسي عليها
دارلها براسو ايه خزر فيا شويا وراح
يفليكسيلها!! علاه عندو نيميرو ديالها مليح.. حسيت طلعتلي سخانة لوجهي
منال: تعيشي ميار كاين ماكلة والله جعت ماكليت والو
ميار: ؤؤک ارواحي لكوزينة نحطلک
هي دخلت لوحد لبيت وانا دخلت لكوزينة سخنتلها لي بقا جات مورايا اسراء
اسراء: مزالک جيعانة
ميار: لالا مشي ليا لمنال
اسراء: آآآ ؤؤک
ميار: نسقسيک
اسراء: قولي حتى تسقسي
ميار: وعلاش فرحتو هذا كامل كي جات
اسراء: منال!! لا هي ملي كنا صغار كانت جي لعندنا وموالفينها
ميار: حتى جواد
اسراء: تقدري تقولي
حطيت الماكلة فوق طابلة شويا ودخلت قعدت تاكل وريحت مقابلتها اسراء
خرجت رحت لبيتي.. رفدت تيليفوني وهبطت لتحت
قابلتني اسمهان ومدتللي واحد من وليدها
اسمهان : ميار تعيشي احكمي راسم عندک نروح نوكل رستم
حكمتو منها ودخلت بيه لصالون كانو مجمعين نسا تع كوكب الارض كامل
روشتلي الهام بنت خالتو نصيرة ايلا تشفاولها
(معظم شخصيات بينتهم فلبارت10)
رحت ريحت حداها وحطيت راسم في حجري
الهام: وين راهي اسراء
ميار: راهي لفوق قاعدة مع منال
الهام: آووف لغاشي هنا وراهو بدا يتقلق امشي نروحو لسطح نريحو
قتلها ؤؤک وطلعنا.. كان معدل لباش ولكراسا مستفين
ودايرين وين باش يريح نصرو فليل
قعدنا فلكورسي لخر حتى جات لينا اسراء
قعدت قدامي.. شفت ساعة لقيتها 5h
زدنا كملنا ngsro حتى عيطتلنا خالتو نصيرة باش نهبطو نعاونوهم
رفدت راسم وهبطت بيه لتحت.. مديتو ل اسمهان ورحت انا واسراء نطلعو لفاردو تع lgazoz
مجينا نكملوهم حتى وين رجليا وجعوني مزية صندالتي پلا
بداو يعشو وحسيت الناس تع العالم جاو ياكلو محبوش كامل يخلاصو
حكمو اسراء تغسل لماعن وانا نجيبهوملها مسكينة شويا وتبكي
المهم بداو يخلاصو وماكسيموم كامل تعشاو شفت ساعة لقيتها 9h وكرشي وجعتني مكليت والو حتى لسقت في ظهري
جات عندي اسراء بعدما خلات وحد لبنات يكملو رحت عند خالتو رحمة باش تمدلي ناكل مقدرتش
ميار: خالتو مناكلوش
اسراء: مت بلجوع
رحمة: ضوک تطلعو كامل لفوق تاكلو
ميار: ايه خلاص
طلعنا لسطح وين كلاو نسا.. لقينا سارة مع جماعة تع لبنات مريحين لثم
لي يشبهولها
حكمنا پلاصة شويا جات منال ريحت قدام اسراء وسارة تحوس على خلاها جات ريحت قدامي
حطولنا ناكلو انا غير جيت نبدا ناكل سارة هدرت في وذني
سارة: صح تسما نتي مشي من عايلتنا وخالتي زهرة مشي يماک آآآممم وكپابل تكوني..
حطيت لمغرف ودرت ليها
ميار: وشنو كملي
سارة: تكوني بنت حرام اصلا لقاوک برا
كانت تهدر وتتبسم شغول تستفز فيا معرفتش كيفاه نضت نضارب معاها
ميار: عاااودي شوفي
سارة: اطلقيني يا متوحشة
ميار: ضوک شوفي متوحشة واش ديرلک
كانت اسراء تسيي تفكنا على بعضانا مي كلمت بنت حرام مزالني نسمع فيها
منعرف كيفاه غافلتني وضربتني بكف لثم لجن لحمر بان وعاودت دخلت عليها حتى بدات تبكي
حسيت يد كبيرة على كرشي جبدتني
كنت حابة نولي ليها ونزيدلها
مي مشاني
ميار: اطلقنييي
دخلني لدار وغلق لباب وخزر فيا بغش حسيتو راح يضربني
جواد: واش هاذ سيليما لي لفوق
ميار: مكانش
جواد : قووووليي
ميار: حاجة متخصكش
خبط يدو على لحيط قدام راسي قلبي بدا يرجف
جواد: فهميني حاجة نتي لازم ديري ليپروبلام آآآ
جيت نهدر حبسني مخلانيش اصلا نهدر
جواد: نهار كامل نتي وحكاياتک شفتي وحدة ملبنات ضاربت؟ شفتي منال ناضت من پلاصتها! غير نتي باسكو تحبي تبيني روحک
كنت نخزر برک كان يهدر ويعيط ولحاجة لي قلقتني يقارني بمنال مكنتش حابة نبكي قدامو ونبان بلي راهي غايضتني عمري مي طاحو دموعي وحدة مور ختها
ولهدرة حبست في فمي
ميار: صحا
قلتها وجريت لبيتي غلقتها وريحت
شويا نضت ملرض وشفت روحي لقيت خدي حمر وغير نمسو يوجع تنهدت ومسحت دموعي
دخلت بدلت حوايجي ولبست پيجامة ومكلاه نحضر لحنة اصلا هبطلي كامل لمورال صليت واش جاز وسييت نرقد
•~•~•~•~•~•~•~•~•~•~•~•~•~•~•~•~•
جواد::
كنت راح نتعشا.. حتى عيطتلي منال وقاتلي ميار راهي تضارب خليت كلش وطلعت لفوق مزيا مكانوش نسا بزاف
جبدتها معايا حتى لدار ودخلتها.. كل منقول ضوک tetsgam مي والو
شفت خدها حمر باينة ضربتها هذيک لي ماتتسماش
بعدما واش هدرنا دخلت لبيتها تبكي خرجت وتلاقيت باسراء
جواد: اطلعي خليها
اسراء: بصح..
جواد: قتلک اطلعي
هي طلعت وانا هبطت وين رجال حتى لاپيتي تكوپات
اكرم: وشبيک
جواد: والو عيان برک
اكرم: علاش طلعت لفوق
جواد: ضاربت ميار
اكرم: علااه
جواد: مفهمتش علاه.. وباينة بلا سبة تحب تزيد فيها
اكرم: معامن ضاربت
جواد : مع سارة
اكرم: سارة بنت خالتک وتعرفها باينة قاتلها كاش حاجة مراحش تضارب هكاک برک
جواد: صايي كون جات مربية مراحش تضارب راهي طفلة
اكرم: ؤؤک جواد منبعد مجيش نادم على لهدرة ومن لفاشة ديالک باينة كاشما قتلها
سكت محبيتش نجاوب.. المهم طلعو نصرو باش يديرولو لحنة شويا ولحقناه
حوست بعيني عليها مكاشها
دارولو وكملو وانا جيت هابط حتى عيطتلي خالتي زهية باش ديرلي انا محبيتش مي داوني بدراع
دارتلي شويا غافلتهم ومسحتها بلپاپيي وعاودت وليت فدروج تلاقيت بمنال طالعة غير شافتني تبسمت
منال: مزالک تهرب
جواد: مخصنيش راسي بدا يوجع
منال: مزالک مقلق منواش صرا مقبيل
جواد: ايه
منال: نشالله برک مقتلها والو باسكو مدخلهاش
جواد: cbn منال اغلقي على سوجي
منال: ايه خلاص.. بصح ريحت بلا عشا ومكلاتش ومطلعتش كيما حاولت معاها اسراء محبتش سور قتلها كاش حاجة
جواد: صايي اطلعي
تنهدت وكملت طلعت لفوق.. وانا دخلت ملقيت حتى واحد كامل لفوق
ريحت فصالون وحد ربع ساعة نكالمي روحي
مسحت على وجهي ونفخت بالقاوي
نضت رايح ليها
وصلت لبيتها وانا نخمم نطبطب ولا نو طبطبت وتفتحت لباب وحدها
شفتها راقدة ومعنقة المخدة.. طلعت شعري ورحت جبدت لكورسي لي كان فلكوفاز وريحت مقابلها
معلباليش شحال وانا نخزر فيها دققت في خدها لقيتو مزالو حمر وحتى
دموع باينة كانت تبكي
نضت ورجعت لكورسي خارج
دخلت لبيتي دوشت وخرجت بدلت حوايجي
ورحت نسيي نرقد مي مقدرتش.. اصلا لغنا مكانش كيفاه
رفدت تريكو لبستو وخرجت.. شفت حاجة تمشي فضلمة عرفتها هي
دخلت لكوزينة وتبعتها.. محستش بلي راني موراها
سنيتها شربت.. كي كملت دارت تخبطت في صدري وولات للور
شافت فيا ورجعت شعرها مور وذنها تخطاتني رايحة
شديتها من يدها ورجعتها عندي طلقتها تكيت على لحيط وربعت يديا عند صدري
جواد: زعفانة؟
ميار: لا ضوک خليني نروح
جواد: وكون منخليكش
ميار: وشنو ضوگ
حطيت يدي على خدها وهي غمضت عينيها سور وجعتها
جواد: وجعاتک
ميار: لالا خطيني برک
علبالي راهي زعفانة مني علابيها راهي دير هكا
جواد: علاش ضاربتي فهميني
ميار: هه هذا وين بانتلک تسقسي؟؟ وزيد مراحش نقلک
جواد: ميار قولي
ميار: واش راح تستفاد كي تعرف
جواد: اهدري ماتنارفينيش
ميار: كنت قادر جي وتهدر معايا بلعقل مشي تعيط عليا شغول انا لغالطة صحا كون يقولولک وليد حرام واش راح دير
قعدت نستوعب وفهمت واش صرا كامل
شفتها تبسمت وحطت عينيها فلرض
ميار: خليني نروح ضوک
قعدت نشوف فيها برک.. اصلا ملقيتش واش نهدر
مي سارة حسابها معايا منبعد
شويا شفتها بدات تبكي وحطت يديها على وجها.. تنهدت وقتلها
جواد: علاش راكي تبكي
ميار: مدخلک
طلعت حاجبي فيها كالي زعفت
ميار: وشنو
جواد: متزيديش تبكي
سكتنا لزوج حتى سمعت لباب تفتحت جازت عليا وراحت
تنهدت ورحت موراها.. لقيت اكرم دخل شاف فيا وجا
اكرم: وين هربت دورت راسي ملقيتكش
جواد: راک شوفني هنا جابلي ربي
اكرم: صايي صالحتها
جواد: ونتا واش دخللک
كنت نمشي وهو مورايا حتى دخل لبيت معايا
اكرم: اوبليجي ندخل روحي
نحيت تريكو وحطيت روحي على لبونک خزرت فيه
جواد: تريح فوق راسي متخلينيش نرقد
اكرم: تحاوز فيا
جواد : آيواه ضوک
اكرم: المهم نخليک بونوي
جواد: بونوي
خرج وانا رجعت نرقد
~~~~~~~~~~~~~~~~~~~~~~~~~~
جاسر::
نضت ملفراش نحوس على لما ملقيتش خرجت لبرا ..لقيت مرام مريحة غير شافتني ناضت
مرام: كاشما تسحق
جاسر: لما
راحت لكوزينة وانا ريحت على لفوتاي
دخلت ومدتلي لكاس شربت وحطيتو
مرام: وقتاه نولي لدارنا
جاسر : حتى يولي جواد
مرام: منقدرش نريح معاک في دار وحدة وسور دارنا راهم يحوسو عليا
جاسر : وي راهم يحوسو عليک بزاف
مرام: عيط لكاش واحد يديني
جاسر: مرانيش ناوي نتناقش معاک
مرام: مالا نروح وحدي
جاسر: معندک ويين تروحي بزايد خصني تفوريخ
مرام: ومنبعد
جاسر: حابة يزيدو يخطفوک؟ وتروحي لداركم يجبدوک
مرام: صايي نروح عند ماني
جاسر: وين
مرام : في برج بحري
جاسر: يجي جواد ونحكو وايدا مكيش دايرة فيا كونفيونص ولي فليل اغلقي لباب بلمفتاح ملبرا
خزرت فيا بنص عين وناضت لكوزينة
شعلت تيليفزيو وريحت نتفرج
كرهت نضت ودخلت ليها لكوزينة لقيتها طيب
جاسر: راني قلت لمراد يجيبلک حوايج
مرام: لالا صحا ني مرتاحة
جاسر: ضوک متقلقيش قسامي يجيبهم اومبعد اندبي بيهم
دارت تكمل شغلها وانا خرجت لبالكون رفدت garou نتكيف ونخمم واش ندير
يعني نصهم حكمناهم بصح يزيد هذا منين خرج مفهمتش باينة لحكاية كبيرة
دورت راسي شفتها مزجاج تخزر غير شافت ل garou جات تجري
مرام: نتاا مهبول.. راک مريض ونتا تكمي مليح في راسک
جاسر: كاش واحد قالک دخلي روحک
مرام: الدخان مضر بصحة
جاسر: ياک صحتي ومتلعبيهاليش طبيبة تع زمانک
مرام : مستقبلا نشالله
جاسر: غير متوليش
جات نحات ل garou من يدي وداتو معاها.. صونا تيليفون لقيتو مراد
جاسر: واش مراد كاش جديد
مراد: يزيد قدر يهرب
جاسر: تتمسخرر بيااا متعرفوش تحكمو نص بنادم
مراد: منعرف كيفاه حنا رانا نعسو لحدود مليح
جاسر: معرفتش وين راح
مراد: لالا مي باينة يروح لروس ايبان بعت جماعة يحوسولي عليه لثم
جاسر: درت واش قتلک
مراد: ايه راني بعتهم مع واحد ضوک يوصلهم
جاسر: كاش جديد يصرا عيطلي
مراد: نشالله
كوبيت وريحت نتفكر يزيد هذا جاز آسمو عليا ملقبل
سمعت لباب رحت فتحت لقيت واحد حاكم صاشيات دخلتو حطهم فلبيت وراح
رحت حكمت ل pc ونقرا فليدوسي كاين شحال من واحد مي ميفيدوش ولازم غير نبرا شوية نولي للمركز
راسي وجعني متخمام يعني في عوض راني نخمم مع قضية رشيد برک زادو ضهرو عيباد جدد مي باينة موراهم حكاية
وراح نسيي نربط كلش ونفهم وين راهي واصلة مي لي خممت انو كون آفار تع سلعة ودراهم برک ويخدمو مي حتى بيناتهم ويغدرو بفف
حطيت يمات ل pc ولوخرة جات حطتلي بويون
جاسر: نكمل ناكل حياتي كامل بويون
مرام: راک مريض ولازم تاكل بويون برک
جاسر: اديه عليا مناكلش
مرام: الله لا كليت المهم منديش ذنوبک خاصني انا
جاسر: كون مجيتيش خت صاحبي والله نوريلک طوالت لسان
مرام: اوووف
جاسر: لحوايج راهم في بيتي روحي شوفيهم
راحت للبيت وانا على زهري ناكل لبويون
*****************************
ميار::
دخلت عندي اسراء صباح ربي وقعدت تنوض فيا
مخطاتنيش حتى نضت.. تقعدت في پلاصتي
اسراء: صباح الخير يا زين
ميار: صباح نور.. واش كاين صباح ربي يافتاح يارزاق
اسراء: نووضي ازربي باش نروحو للحمام
ميار: كيفاه حمام مفهمتش
اسراء: متعرفيش لحمام
ميار: اييه
اسراء: هو وين يدوشو نسا كامل في حمام واحد ويجي فيه لفاپور ودنيا وتتكيسي يتنحالک دود وتزنجير
ميار: حاشاک لا انا مزنجرة... صحا وقتاه ضوک
اسراء: نوضي ضوک جيبي معاک كاب وسرابت وكذا المهم نوضي
قتلها ؤؤک هي خرجت توجد روحها وانا نضت غسلت وجهي ولبست لي جات ..وجدت لفاليزة وخرجت
المهم هبطنا لتحت كامل.. ركبنا في forgo تسما روحنا على خطرة مجمعين
بعد مدة وصلنا.. كانت كاينة وحد لافابور وسخانة عنجد واو دخلنا لداخل كامل وكل وحدة حكمت پلاصتها
والله خرجلي دود تع 2005 ..جات مراة دارتلنا لحرقوس انا رشمتلي في كتفي وردة مفتوحة وفي يدي (معصم) فراشة واسراء الكلبة قاتلها ديرلي قلب صغير وتكتب J
نشالله برک واحد ماينتبهلو
بدلت حوايجي قاتلي خالتو البسي مليح باش ميضربنيش لهوا ونمرض
ايبان لبست سروال جين وتريكو بلو
ودرت سربيتة لشعري
عيطتنا خالتو باسكو واقيل جا باش نروحو.. خرجنا لقيناه متكي على طونوبيل
انا محوستش نسنا دخلت ديراكت ركبت فطونوبيل جات ريحت قدامي اسراء منبعد منال وخالتو قدامو
رميت عيني لمراية تع طونوبيل جات سواسوة في عينو
غير شفتو هبطت عيني
وصلنا وراح.. طلعت ودخلت لبيتي نحيت قشي ولبست پيجامة
فلموف وسروالها نواغ
بديت نشف شعري ضربت معاه كامل لوقت
شفت لحرقوس ولا كحل ومع انا بيضة وتاني.. حتى خدودي ونيفي مزالهم حمورة
آذن نضت صليت لعصر وقريت شوية قرآن اصلا عندي بزاف مقريتش
كي كملت حطيت كلش في پلاصتو
خرجت ملبيت باسكو كرشي آي تقرقر ملجوع
دخلت لكوزينة لقيتهم مجمعين كامل و منال قاعدة في پلاصتي
شافتني تبسمت
منال: سمحيلي ميار مكنتش علبالي پلاصتک تحبي نوض نوغمال
ميار: لالا ريحي
حكمت لكورسي طرفاني وريحت سقاتلي خالتو ريحت ناكل بساكت
راحت خالتو عند نسا ولوخرين ناضو لصالون.. رفدت لماعن انا واسراء غسلناهم وهي راحت كي صونالي تيليفون رفدت لقيتو قاسم
ميار: آصبر تفكرتني ياه
قاسم: خسارة عليک نسيبتي
ميار: هههه معليش.. صافا شويا
قاسم: كامل حمدلله ونتي
ميار: حمدلله
قاسم: ايماجيني واش صرا
ميار: آسمع والله مراني قادرة نيماجيني غير قول
قاسم: راح يجي خو احمد فطريق
قعدت نستوعب فلهدرة باسكو شويا مغلوقة في هاذ الامور غير فهمت
ميار: ماتزيدلييش.. يووو مبروک عليكم يكبر في عزكم
قاسم: نشالله ضوک راح يولو عندي 3 ولادي
ميار: علاه..آخاااه مزوج على آسينات ليوم موتک
قاسم: ياخي بقرة نتي بنتي لولة
ميار: ههه تأثرت علبالک.. ونتا احسن اب عرفاتو البشرية ومنحكوش على جائزة نسب
قاسم: هههههه اصبري نجوزلک آسينات
سنيت مدلها تيليفون
ميار: ياااا حبيبتي مبروک مبروک يا حياة قلبي مبروک
آسينات: ههههه يبارک فيک لعقوبة ليک
ميار: روحي تزمري انا منتزوجش نريح لاسقتلک فرودة
آسينات: سواسوة وراسک غير تتزوجي
ميار: صحا صحا نتي خيريلي مالا ..بصح وقتاه عرفتي
آسينات: تآمني راني تحت لوپيتال هذا وين خرجنا ونتي لولة لي عرفتي
ميار: بلا مزيتكم انا لولة لي نعرف
آسينات: المهم منبعد نعيطلک باسكو ضوک نروحو نجيبو احمد
ميار: ؤؤک اتهلاي
كوبيت عليها غير درت لقيت منال تتبسم
منال: ختک هاذي
ميار: وي آسينات
منال: منعرفهاش باسكو مجيش لهنا
ميار: وي دارها لثم
منال: مبروک عليها
ميار: يبارک فيک
خرجت ودات قرعة ما معاها.. كملت مسحت طابلة وروحت موراها
ريحت ورفدت تيليفوني نكونيكتي لقيت سلسبيل باعتتلي ميساج
" وشراكي يا زينة وشحال توحشتک "
" مام انا والله "
" هاذي نتي ميار ياک"
"لالا جدک "
"يايما لواحد تهنا منو ومراهش يجي خاصني"
"والله ناس ملاح هههه"
"امشي امشي قالو ناس ملاح ينوضني على 6 تع صباح مزيا نجي نرقد عندكم"
" ههههه ويفيقلک واش راكي تهدري معاه "
"تحكمو كريز كاردياک ويروح في خبر كان"
ريحنا نحكو وانا نضحک مع تيليفون كي لمهبولة
•~•~•~•~•~•~•~•~•~•~•~•~•~•~•~•
جواد::
نضت صباح وجدت روحي وخرجت ملقيت حتى واحد فدار
صونا تيليفوني لقيتها يما رفدت عليها
رحمة: صباح الخير وليدي كي صبحت
جواد: حمدلله.. وينكم
رحمة: روحنا للحمام وعيطتلک باش كي نكملو جي تدينا
جواد: شكون داكم
رحمة: دانا خالک منير فل forgo ديالو
جواد: وين جاي هاذ لحمام
رحمة: شفت لمسيد لقديم وين كنت تقرا راهو قدامو
جواد: ايه كي تكملو عيطيلي
رحمة: صحا وليدي
كوبيت عليها ودخلت لكوزينة درت قهوة وريحت نشرب حتى دخل اكرم
اكرم: واش رانا فصحرا
جواد: علاه فصحرا مكاش لعيباد
اكرم: لالا تلقا عبد واحد في وسطها كيما نتا
جواد: ريح بركا متفلسيف ديالک مع صباح ربي
اكرم: اومبعد ادي بابا لطبيب باسكو انا نروح مع نصرو لعند مول لكوستيم
ولا نتبادلو
جواد: لالا يهدر بزاف انا ندي باباک
اكرم: مالا نخليک
خرج وانا كملت قهوة وهبطت لقيتهم لتحت يحكو ريحت وتفاهمت مع عمي محمد كي نجيبهم نديه
شويا عيطتلي يما
وصلت زدت سنيت 5 دقايق باش بداو يخرجو بلوحدة
شفت فيها لقيتها لابسة سروال كون مجاتش مطونوبيل لدار نوريلها
وصلتهم وانا ديت عمي محمد لطبيب مزية ملقيناش لغاشي
ولينا انا طلعت غسلت وصليت.. خرجت وريحت نفطر
كانت منال مريحة في پلاصت ميار مقابلتني غير ريحت تبسمت معايا رجعتهالها
شويا جات شافت في منال منبعد راحت ريحت فطرف تاكل معلباليش واشبيها ساكتة مالفة متسكتش
خرجت يما وانا موراها.. دخلت لصالون نخدم شويا جات منال
منال: مزالک فلخدمة اطلقها شويا
اكرم : شفت شفت
جواد: ومنبعد نورمال
منال: انا تخدموني معاكم دبرو راسكم
اكرم: علاه واش قريتي
منال: درت فنون وراني في تربص بقاولي شهر ونص ونكمل
جواد: مشي كنتي حابة شيخة ومنعرف صرعتيلنا راسنا
منال: لالا بدلت راي ولواحد كل ميكبر يتبدل ويولي يشوف احلامو بمنظور وحدوخر
اكرم: يعني
جات اسراء وقعدت قدامي ومنال خرجت جابت لما وولات شويا جات موراها ميار.. وملي دخلت وهي مع هذاک تيليفون تضحک
شافت فيا منال.. وخزرت في ميار هبطت عيني ل pc
منال: ضحكينا معاک ميار
ميار: لالا مكان والو
اسراء : ميار ارواحي
ناضت وجات ريحت قدام اسراء
ميار: خير يا طير
شفتها قاتلها حاجة في وذنها وضربتها لكتفها
ميار: آآي كتفي وشبيكي تحمستي
اسراء: بلعي بلا بيا مديري والو
كانو يهدرو بلعقل مي كوم قاعدين قدامي سمعتهم
كملت خدمة لي بقات ..دخل عدنا نصرو وجايب معاه پلاي هذا راح يتزوج غدوة وجاي يلعب
نصرو: هاني جبتو في خاطرک يا اكرم
اكرم: حسابتلي نسيت
نصرو : لالا خسارة عليک.. واش جواد متلعبش
جواد: لالا
نصرو: كي قوتلي لالا تسما تلعب وتخليني نربح باسكو ني عريس
جا غلق لپيسي ونوضني وانا محبيتش نحشمو ايبان نضت نلعب معاه
نصرو: اسمع مشي كيما كل خطرة
جواد: صايي العب واسكت
راح ركبو ودارنا ماتش
ضربنا شحال وحنا نلعبو روحنا 2-1
رميتلو لبرا ونضت
نصرو: مشي قلنا تخليني نربح
جواد: العب مع اكرم يخليک
منال: هبطتولو لمورال علاه
شفتها ناضت وخرجت.. تنهدت وريحت في پلاصتي واكرم راح يلعب
منال: غدوة تروح فلكورتاج
جواد : وي نشالله
منال: خليلي پلاصة نجي معاک
جواد: كاين پلاصة ديجا
اسراء: وشكون يدينا لحفافة
جواد: علاه تروحو باش طلسو وجهكم مكاش حفافة
اسراء: علاه
منال: وكيفاه عرس بلا حفافة
جواد: نشالله
نضت وخليتهم خير ميصرعولي راسي جيت جايز على لكوزينة زدت لقيتها تتبسم فتيليفون نفست بلقاوي ودخلت ومحستليش اصلا
نحيتلها تيليفون وناضت مخلوعة
ميار: آراه
شفت معامن تهدر ملموقبيل.. لقيتها صحبتها آسمها سلسبيل تع هذيک لخطرة نوغمالمون
قلبت لقيت كل لجناس عندها مي بنات
خزرت فيها لقيتها تخزر
ميار: خلاص قرعجت آراه ضوک
رميتهولها حكماتو منبعد حكمت قلبها
ميار: علبالک كون كسرتو والله تشريلي واحد و tsgmli هادا
جواد: اييه نورمال
درت يديا في جيوبي وخرجت روحت لبيتي نريح باسكو غدوة ننسا نريح كي ناس ..سمعت تيليفوني يصوني لقيتو جاسر
جواد: السلام عليكم
جاسر: وعليكم السلام
جواد: ريحت شويا
جاسر: حمدلله بدا يتلم لجرح
جواد: خير كي عيطتلي
جاسر: ختک مرام راهي عندي وقلت كي جي نهدرو وين تقعد ووصلوني خبار بلي رشيد راهو عندهم يصفي حساب ومنعرف محوسش اصلا على بنتو مي ريان قالي مراد راح لپوسط پوليس وفتح محضر باش يحوسو
عليها ..وانا منقدرش نبان ضوک ولا يعرفو بلي راهي عندي متنساش هويتي راهي مخفية وراني عميل سري
جواد: 3 jour ونولي للعاصيمة راني تاكل عليک وبلاک عليها اما ريان خليه عليا منبعد نحكي معاه ونسيي نفهمو مالغري مشي هدرة تع تيليفون
جاسر: المهم انا راني ندير جهدي باش نحل هاذ لقضية مي كلش راهو مخلط عليا لازملي شويا وقت
جواد: منيش حاب مرام وريان يدخلوهم فلعب ديالهم سيي تخلي عسا عليه
جاسر: لالا وصيت مراد يدير رجال وراهم يتبعو فيه...آآآ تفكرت لي خطف ختک هرب
جواد: كيفاه هرب
جاسر: هربلنا فلحدود منعرف كيفاه انا مكنتش سور عندو معارف
جواد: ربي يستر وخلاص
جاسر: المهم انا نخليک عندي خدمة منبعد ايدا كاشما صرا نقولک
جواد: متريحش غير خدمة وتنسا بلي راک مريض
جاسر: نشالله
كوبيت ورميت تيليفون على لبونک ورميت روحي نخمم
غير نولي للعاصيمة لازم يتفرا شغل وميريحش هاذ لفساد فلبلاد
رشيد يريح بابا مي منقدرش نشوف نص ولاد شعب تلقاهم يشربو la drogue ..جامي خممت ننتقم من واش دارلنا ولا باسكو علبالي يجي نهار وين ربي سبحانو هو لي ياخذ الحق
واهم حاجة خاوتي منخسرهمش
باسكو كي طيح بيهم يلقاوني ولعكس
•~•~•~•~•~•~•~•~•~•~•~•~•~•
إنتهاء البارت
- رايكم؟؟
- هاذ ليمات راني فائقة الرومانسية انا ومعلباليش وشبيني ايلا زدت فيها مشوها.. وهاذ ليامات راني نكتب حلقات طوال ايلا بزاف قولولي نقص
باش متسماطش
- وتوقعاتكم حابة نعرفهم ايلا بغيتو زعما
- متنساوش فوط وكومنت باش نتشجع
سيي يوووو ♥