طريقنا صعب

البارت ١٥

وين ألگاك؟
يَ الموصوف اليّه وآنه الك موصوف
يَ الفرگاك غربة وكلشي ما مألوف
آنه بلياك مدري شبيه ما بيه
زلف وبلايّه ترچيه
درب ما بيه كل جيّه
نهر فاض وتبع ميّه
رجع بس ما لگاله جروف
كون تشوف
روحي شخلّه بيها الخوف...🖤

*****..*****..*****..*****..*****..*****..*****

محمد : يوم ..

رجاء : ها ..

محمد: احنة راجعين باجر ..

رجاء : ليش باجر عدكم شغل ؟

محمد: المدارس على الابواب مابقى اقل من ١٠ ايام ..

ايمان : خوية شنو السالفة ترة ماصارلكم هواية هنا ...

فاطمة : خية سكتي سكتي مبين مرتة تريد تروح وهو وراهة يمشي ...

رزان : ضليت صافنة هاي شتحجي !!

بساع رد عليها قسورة !

قسورة: ها بديتي عمة ؟

فاطمة : شبيك عمة شحجيت اني ..

قسورة:لاابد ماحجيتي شي .. ومن احجي تكولن ماتحترم ..

ايمان : اي ماتحترم عماتك احنة شنو وتحجي ويانة هيج ؟

رزان : قسورة جان بالة بالتليفون مااعرف شلون سمعهن !

وهذني عماتي مصخنها كُلش بودي اكتلهن ..

وجهي مبين علي معاني البرود بس داخلي نار اريد بس اتعارك ..

قسورة: اي احجن عدل واني مااوصل يمجن ولااحجي ..

رجاء :سكتن يمة سكتن لاتسولنة سالفة هسة ..

ايمان : والله كلة من ابوي لحد الان افكر بالسالفة شلون كدر يسوي هيج بينة ...

رجاء :كتلج اسكتييييي لتفتحين الموضوع هذا ..

رزان : قسورة طلع ..

ضلينا صافنين ياموضوع؟!

محمد: يوم خير صاير شي ؟

رجاء : لاابني مصاير شي هيج بيناتهن يحجن ..

محمد : لعد ياموضوع تكليلها سدي ..

رجاء:هسة كتلك ماكو شي ليش تلح ..

رزان : باوعت عليهن يرجفن من العصبية شكلهن حيل مو طبيعي خاصة عمتي ايمان ..

اطلع ماافتهم اذا ماصاير فد سالفة ...

طلعت من الصالة .. رحت للمطبخ ..

سويت عصير فواكه ..

واخذتة للكلاص وطلعت للحديقة ..

كعدت على المرجوحة وافكر .. يعني هسة احنة راح نرجع !!

شربت الكلاص بسرعة ورجعت للصالة ..

دخلت لكيت عماتي يباعن لماما بنضرات حقد

هذني ش سالفتهن !!

تقربت يم ماما وكتلها ..

رزان :ماما تعاي وياي عفية ..

ريمة: رزان ترة واصلة عندي لهنا .. شمسوية من مشكلة !؟

رزان :ولله ممسوية بس اريد اسألج كومي وياية عفية...

طلعت ماما كعدنا بالحديقة ..

رزان : اكلج صدك راح نروح ؟

ريمة: اكلج شو انتي لا لحيتي على الرجعة لاكلتي مليت شعجب ؟! مو ماتحبين الكعدة هنا ؟

رزان :هاا اي بالبداية جنت اكرهم همَ والبيت بس هسة تعودت والبنات كُلهن حبابات وياي يعني عادي .. وتونست بالعرس ...

ريمة : اي احسنلج .. شتردين هسة ؟

رزان :مو داسألج صدك راح نرجع ؟ ...

ريمة : اي ماما طبعا نرجع صارلنا اسبوع كامل احنة هنا ! شنو متردين ترجعين !

رزان : لا طبعاً اريد ارجع ..

ريمة : اي عبالي لان صارتي خامس علمي هذا الخامس تهيئة للسادس لازم تنتبهين تعوفين التسخت تمام ؟

رزان :اي تمام هسة اني شحجيت ...

ريمة : اي ديلا يلا كومي حضرن ملابسجن لباجر ..

رزان: بهلسرعة!

ريمة: ولج ياسرعة شبيج ؟

رزان : اي اي رايحة ..

امشي للدرج وافكر صارت السالفة صدكية يعني راح نروح باجر ..

تذكرت وجهة معقولة راح ارجع وبعد مااشوفة !

هو لو ما زواج فهد جان يستحيل نوصل لهذا البيت بعد ..

هسة يامناسبة التجيبنا بعد !!

صعدت الدرج بسرعة .. وصلت لغرفتي فتحت الباب .. لكيت هبة دتكلب بالتليفون وتاكل فواكه ..

هبة : ها شبيج ..

رزان :هيج مابية شي ..

هبة : علييينا

رزان : كتلج مابية شي لتلزكين ...

هبة : علكيفج عمي.. سكتنا سكتنا

رزان :كعدت اخذت تليفوني وضليت اكلب بي ..

ضليت احوس ...

اكلج هبة ...

هبة: كولي ...

رزان : ااا شسمة امي تكول حضرن ملابسجن باجر طالعين ...

هبة :اي كلتلي .. بس حرامات ولله ونسة هنا ..

رزان : اي اي ..

هبة : شبيج مطنكرة ...

رزان :مابية شي ..

اكلج صدك ...

هبة : شبيج كلساع اكلج واكلج ... كولي ..

رزان : ليش قسورة مرايح لدوامة ؟

هبة : وانتي شمدريج مرايح ...

رزان :انتي ثولة ؟ غير هو يروح الصبح ويرجع ورا الظهر .. هسة ب ٣ الظهر وهو موجود !

هبة :مااعرف ولله بس سمعت نرجس تكول لحوراء اخذ اجازة بس ماكالت عليمن ...

رزان : كلتلها اوكي ... وكمت ..

طلعت من غرفتي رحت للمطبخ ...

ضليت ادور ب المطبخ على اي شي آكلة .. شفت كاستر ..

صفنت اسوي لو لا ؟

مابية حيل اسوي بس ميخالف ماعندي شي اسوي فارغة ..

اجتي نرجس ...

نرجس : خير الحلوة صافنة شكو ؟

رزان : هههه لا بس دافكر اسوي كاستر لو لا ..

نرجس :اي سوي سوي اني اريد ...

رزان : صار هههه ..

رحت للطباخ وضليت اسوي بي ..

ونرجس كاعدة على الكرسي وتحجي وياي ..

نرجس :اكلج صدك راح ترحون باجر !!

رزان :اي ولله ..

نرجس : يا طلعت السالفة صدك ..

رزان : شنو يعني ..

نرجس :لج سمعت نور فرحانة وتصيح تكول ل امها راح يرحون باجر ...

رزان :اها ..

نرجس :ولله عبالي جذب ..

رزان :لاصدك قابل نكعد العمر كلة يمكم ..

نرجس : ليش ولج متردين تكعدين يمنا !

رزان : بالعكس ولله بس كلتها هيج يعني .. بلأخير رايحين ..رايحين احنا ...

نرجس : عفية ضلي انتي ولله اشتاقلج ..

رزان :ياعمري ولله اني هم اريد ابقى بس هبة سادس واني خامس وثنينة علمي والمدراس بعد ١٠ ايام شلون !!

نرجس : بعدين احجي ويا عمو محمد بلكي يقبل...

رزان : سكتت محجيت كملت الكاستر وكعدنا ناكل ...

دخل سجاد ..

سجاد : اوف يابة ماتصبولي وياكم ...

رزان : تعال ...

صبيت  وانطيتها الة...

كعد يمنا على الطاولة وياكل .. ويباوع لتليفونة ..

ضلينا نحجي اني ونرجس حجي عادي ..

ردت اكوم لان تذكرت ملابسي مسويتها والغرفة هوسة اصعد ارتبها واعزل ملابسي ...

كمت سمعت سجاد يكول ...

سجاد : عاشت ايدج عيوني ..

رزان : ماهتميتلة كتلة بالعافية ..وداطلع من المطبخ ..

لكيت قسورا واكف بالباب .!!!

اييي هي هاي الناقصة ..

صفنت بوجهة .. خزرني ماهتميت ...ودرت وجهي وطلعت ...

ضليت اضحك مااعرف ليش ...

دخلت لكيت هبة دتعزل بالملابس ...

هبة : ها ولج ..

رزان :ليش مصحتيني ..جان رتبنا الملابس اني وياج ..

هبة : شعلية بيج كلت تجي وتسوي ملابسها ..

رزان : خبيثة مو بيدج ..
ديلا يلا ستعجلي علمود نخلص بسرعة ومايضل ورانة شي ...

هبة :اكلج عندي فكرة ..

رزان :الله يستر من افكارج ..

هبة :لاولله فكرة حلوة بس بعد مانخلص الغرفة والملابس اكلج ...

رزان :اي خير ان شاء الله ...

ديلا يلا كملي ..

هبة :اوكفي خلي اشغل اغنية ..

رزان :نصي شوية ...

هبة :اي اي ....

رزان : ضلينا نرتب بالملابس كلت لهبة اني اسوي الملابس حتى ملابسها ولو بقت شوي منها لان هي بدت قبلي ...

هبة تسوي المكياج وترتبة لان كلة على الميز مخربط...

رزان : رتبنا الغرفة وكملنا ... بقى بس شوي من المكياج هبة دتسوي بي ...

رحت يمها ساعدتها وخلينا كُلشي بالجنط وكملنا ...

رزان :لج بس لا ماطلعتي لبسة الج نروح بيها باجر ..

هبة : لالا طلعت هذيج هيَ علكتها ..

رزان :اي زين ...

كملنا وكتلها يلا شنو هي الفكرة ..
بس طفي الاغاني كافي ...

هبة : خلي نكعد كلنا مدام هسة زوجة فهد ويانا بالبيت اجتي خلي تتعرف علينا اكثر ونسوي لمة لان احنة رايحين باجر ...

رزان :اي واستاذ غثة يسويلنا مشكلة ...

هبة : ياهو َ قسورة ؟

رزان :اي اكو غيرة !؟

هبة : اكلج تعاي تعاي ش سالفتج ويا انتي ؟ ليش كُل كلمة والثانية جبتي طاريه .. !

رزان : لج دروحي لان يتعارك هواية ف احجي بي هواية مو اكثر من هيج وبعدين لاتركزين على كلامي وتدققين على كُل كلمة ...

هبة :اي ديلا يلا عوفينا من هلموضوع .. شنو رأيج بالفكرة ؟

رزان : كلساع وكالت فكرة هسة على اساس اخترعت فكرة راح تفيد العالم ...

اني عندي عادي بس كون سجاد ميجي عفية ..

هبة :لييش ؟

رزان :ووجع شنو ليش ماشفتي هذيج المرة شلون صارت مشكلة من ورا ؟

هبة :اوكي اوكي راح اصيح نرجس ..

رزان : روحي ...

شوي واجن البنات كُلهن ..

كعدن ونعادت السالفة ... صدك راح نروح وصدك حضرنا ملابسنا ...

حوراء : ولله اني راح احاجي عمو محمد واقنعة تبقون اكثر ...

هبة : ولج ولله نريد نبقى بس مدارسنا شلون !! اني سادس نسيتي شنو ؟

غير مرة نجي ونبقى اكثر ان شاء الله ...

نرجس : هسة على سالفتج هبة ..

اي عادي هسة صارت عصر نكعد كُلنا بلاستقبال ونصيحهم ونوصي على اكل شتكولون ؟

هبة : بكيفج اني شبعانة بس عادي .. الاكل ماارفضة

نرجس :هههه تمام .. اكلجن بس لايجي سجاد نوب !

رزان : هو اني دااكول هيج بس لايجي وقسورا يسويلنا سالفة ...

حجيت هيج وكلهن باوعن الي ... كلتلهن !

خيررر شكو ؟

هدى : لا لا هههه ماكو شي ..

ديلا خلي ننزل ..

رزان :كلتلهن نزلن قبلي ...

نزلن ... رحت بدلت ملابسي لبست ملابس مال عصرية هيج شي ولفيت الشال وتعطرت .. اخذت تليفوني ونزلت ...

لكيتهم كاعدين بالاستقبال صدك ..

سلمت على مرة فهد حيللل شكلها بشوش وحلوة ...

بعدها خجلانة ممتعودة على الوضع ...

كعدنا وضلينا نضحك ونسولف وسجاد مموجود .. الحمدلله ...
*****..*****..*****..*****..*****..*****..*****

هبة : بعد الي صار بالعرس وكلام علي الي .. ضجت منة ضليت اتجنبة من اشوفة ... وهو يباوعلي بنضرات مااعرف شنو هي َ معقولة معجب بية !

راح نروح واني حيل حبيت جوهم صحيح تصير مشاكل هواية من ورا عماتي وبيبيتي بس العرس ماااكو احلى منة حيل تونست ...

وجمعتنا اني ورزان ونرجس وهدى وحوراء ماكو منها ...

والولد شقاوجية وينكتون .. يعني صدك حبيت الاجواء ...

بس اني سادس لازم اعوف التسخت هذا ...

هذا اخر يوم النا ... كلت نكعد كلنا سوية ...

وكلعادة نفس النضرات من علي ...

جان حسين اخو هُدى كاعد يمي ...

علي : حسين كوم جيبيلي ماي ..

حسين:ماعندك رجلين شنو .. كوم انتَ

هبة : شفت علي خزرة ... بساع راح حسين ...

درت وجهي دااحجي ويا رزان ...
وحسيت علي كعد يمي .. !!!

اجة حسين وكعد بمكان علي بدون كلام .. !

علي :شدعوة هلكد وجهج ثكيل علية ؟

هبة : تحجي وياية ؟

علي :لا ويا الحايط جاي احجي ..

هبة : لاوجهي ثكيل ولا شي بس ماكو موضوع نحجي بي .. ف مااكو داعي ...

علي :بس انة اريد احجي وياج شلون بالله ؟

هبة : يحجي بصوت ناصي والبنات يضحكن وصوتهن عالي ممنتبهين النا ..

كتلة ..
اني مااريد احجي وياك شنو هيَ كوة ؟

علي : اي كوَة .. ليش متردين تحجين وياي؟

هبة : تصرفاتك ماللها معنى وبالعرس ضوجتني شنو ترزل وتصيح بكيفك على شي ميسوة شعليك انت ؟

علي : اي عادي وشنو يعني ..

هبة :شنو .. شنو يعني .. !

علي : انتي دتحجين ويا اي ولد يعني سجاد وحسين دائما تتشاقين وياهم ليش اني اختلف ليش متحجين وياي ؟

هبة : بكيفي ..

علي : لا مو بكيفج كلامج خلي بحدود وياهم ..خفيفة لتصيرين ..

هبة : اكلك لاتزودها وتخليني اتندم لان حجيت وياك اوكي ؟

علي : فديت ال اوكي اني ..

هبة : فتحت عيوني على كبرهن !!!

هذا كال فديت الاوكي لو اني سمعت غلط .. !

درت وجهي سويت نفسي مسمعت ..

سمعتة يضحك ..

نوب هذا منين طلعلي يربي .. !!!

*****..*****..*****..*****..*****..*****..*****

رزان :كاعدين ونضحك .. حاولنا اني والبنات نذب الميانة بيننا لان اسراء زوجة فهد .. حيل تستحي ..

شوي زين ضلت تحجي ويانا تشارك ..

كاعدين ناكل ونلعب اسألة ...

داحجي ويا حسين وسمعت صوتة ..

رفعت راسي لكيتة واكف بباب الاستقبال .. !

دنكت ولاچن هوَ موجود ... حيل فرحت لما اجة مااعرف شسالفتي .. ياربي مااريد هذا الشعور يصيرلي .. اريد ابقى واريد ارجع ...

اريد ابقى لان حيل افرح بشوفتة . وودي بس احجي ويا ...

واريد ارجع علمود انساه بلكي هيج نزوة وتروح وماافكر بي بعد ..

هذني الافكار تحيرني حيل ...

كعد يمنا ومنطلق يحجي وياكل .. !

ولله لو يجي سجاد يصير وجهة مايكصة السيف ...

هلكد يضوج منة ؟!!!

رزان: ضلينا نسولف وهوَ عينة ماشالها مني ..

ساعة تقريباً وصار المغرب كُل واحد راح لغرفتة ...

رحت لغرفتي .. ممصدكة يعني باجر راح نطلع ونرجع لبيتنا .. ! يعني بعد مااشوف قسورا .. !

المدارس راح تبدي بهاي الايام اضل شهوور اداوم واني مشايفتة !
وبلعطلة لو نروح الهم لو منروح !!

يارب ماافكر بي ...

اي عادي هسة يومين ويروح من بالي اصلاً جاي افكر بي لان دنتعارك هواية وتصير بيناتنا شقة ثكيل وهيج لااكثر ...

ضليت هذا الكلام كلساع وعايدتة لنفسي ..

صار الليل ونزلنا وكلعادة سوينا العشة اني ساعدتهم شوية ...

وكعدنا تعشينا عادي مصار اي شي ...

عماتي بحضور قسورة ميحجن ابد ...
حتى بيبيتي ..

كملنا وغسل المواعين على هبة صعدت ليفوك ...

ردت احجي ويا مااعرف ليش هيج احس شتاقيتلة !

هو وياية بالبيت شلون اشتاقلة ؟

هسة شنو هذا الحجي شو مااسكت ... !

دخلت لغرفتي كعدت خابرت نوران شوية حجيت وياها ...

دااحجي وياها  وندك الباب .. 

كلت ...

دخلي هبة من شوكت تدكين الباب انتي ..

ندك مررا ثانية ... !

فتحت الباب ...

قسورة : تعالي احجي وياج ..

رزان : نصدمت هوَ ميوصل لغرفتنا ابد ... !

كتلة شنو شكو ؟

قسورة :ماكو شي بس عادي نسولف شوية ؟

رزان : اي تعال تفضل ..

قسورة : لاماادخل اطلعي وياي للسطح ...

رزان : هههه صار السطح مُكان اللِقاء ...

قسورة : اي هههه تعالي ...

رزان : اخذت تليفوني وصعدنا ...

هو يصعد قبلي بالدرج واني ببراه ..

فتح باب السطح واول مافتحة ...

اجانة الهوا يخبل ...

جريت الكرسي مالتي وخليتة وكعدت ..

هو ضل واكف كتلة ..

رزان : اجيبلك واحد ؟

قسورة: ماكو داعي

رزان :لا شلون ...

قسورة: ضلي كاعدة اني نازل ثواني وجاي ..

رزان : اوكي ..

نزل وضليت صافنة شويَ !

شنو يريد يحجي وياي ؟

كلساع اتذكر باجر راح نروح واضوج !

شوي واجة .. كعد كبالي ..

وكال ...

قسورة:اي شكو ماكو ..

رزان : كُلشي ماكو ..

قسورة : عاشت ايدج على الكاستر يخبل ..

رزان: ها اكلت منة ؟

قسورة : لا غير سجودي اكلة كلة .. 

رزان : افتهمت عود ديبسمر الي عبالة اني كلت لسجاد تعال اكل .. وماكلت الة ...

قسورة : عوفينا من هلموضوع ..

باجر رايحين مو ؟ ..

رزان : ها .. اي رايحين ..

شفتة دار وجهة وسكت .. ورا شوي كال

قسورة : اي ترحون وترجعون بالسلامة ان شاء الله ...

رزان :تسلم ...

ضلينا ساكتين ...
اني عبالي عندة موضوع يحجي بي ... !!

ميحجي بس ساكت خير !

قسورة: يمتى ترحون ؟

رزان :ولله مااعرف ..
ليش ؟

قسورة : انة اوصلكم غير !

رزان :ها اي انتَ

نسيت السالفة اني .. بابا مااجة بسيارتة ..

فرحت حيل حيوصلنا هو ..

سكتنا مااكو اي موضوع نحجي بي هو ساكت واني ساكتة .. جان ميباوعلي عيونة تباوع لأي مكان عدا وجهي .. !

شوي وكالي ...

قسورة : رزان  ..

رزان : كول ...

صحيح دائما احجي ويا .. وجهً لِوجه .. بس چنة دائما لو نتعارك لو كلامنا يكون سريع وماانتبه الة هيج ..
هسة غيييير ...

صافن بوجهي والجو هدوووء مااكو اي صوت ...

كتلة .. كول وصوتي يرجف ...

مستحية من نضراتة .. !

قسورة : تردين ترحين انتي ؟

رزان : صفنت بوجهة شگلة هسة ؟

....

تونست هواية اني هنا بس اني صرت خامس هسة وعلمي هم لازم اضل اقرا وادخل دورات للسادس والدوام ماضل الة كم يوم ... هم يلا نروح ..

قسورة :اها جيد

رزان : شنو اها جيد شفتهم منها اني هسة ..

سكتت مرديت علي ...

يربي ديصير بالموضوع احراج ..

كُلشي مدنحجي .. !

شوي وكال ...

قسورة: يلا محتاجة شي ؟ انة رايح اكمل شغلي وانام .. ان شاء الله توصلون بالسلامة..

رزان : ها .. تسلم ممحتاجة شي ...

بساع راح .. ضجت .. على بالي يحجي وياي اكثر او شي ...

ضليت ضايجة طلعت  التليفون ورجعت خابرت نوران ...

اخذت الكرسي رجعتة  ...
ونزلت لغرفتي ...

سديتة من نوران كبل بدلت وغسلت وجهي ...

مقهورة وضايجة ومااريد اروح احس هيج اريد اكعد واحجي ويا هوايةةة .... واريد ارجع لبيتنا ...
واريد واريد واريد ...

مااعرف ش سالفة !

عقلي راح يوكف من التفكير... !!

هبة : ها شبيج ..

رزان : لتحجين وياية ولاكلمة راسي يوجعني اريد انام ...

هبة : اوكي اوكي مو صوجج صوج اليسأل ...

رزان :ماهتميت لحجيها ... بساع خليت راسي على مخدتي ونمت ...

*****..*****..*****..*****..*****..*****..*****

هبة : يلا لج ولله هسة بابا يضل يصيح تأخرنا ...

رزان : اي اي بس اخلي الشال لحضة ..

صفنت ... !ش سالفة مالمحت قسورا وينة ؟..

اخذت جنطتي وقبل لاانزل درت وجهي للغرفة .. !!

حيل حابتها .. كُل لحضة بيها حلوة اني ونرجس وحوراء وهدى خلصنا اسبوع ضحك وشقة وسوالف بهاي الغرفة .. وتذكرت من اجة الها قسورة البارحة .. احسها صارت احلى ..

بساع صاحت هبة مرا ثانية ..

هبة : ولج وييينج راح تصير ب ٩ واحنا مطالعين ! ..

رزان :اجيت اجيت ...

نزلت واني افكر وينة شو مشفتة .. !

بساع خليت جنطتي يم السيارة وكعدت بالسيارة ..

رتبت نفسي حيل ...

هاي اخر مرة راح اشوفة .. بعد مااعرف يمتى اشوفة مرة ثانية .. !

راح اتخبل من كد ماافكر بي ..
هو هم يفكر بية هلكد لو بس اني ..

كعدت ماما يمي ويمها هبة ...

كعد بابا بالصدر وشوي ودخل للسيارة ..

دنكت راسي مبتسمة ..

رفعت راسي واشوفة !!!!!

منو هذا ؟!!

ريمة : شنو ؟

رزان : لا مو سمعت قسورا راح يوصلنا !

ريمة : لا قسورة راح للدوام مالتة ...

رزان : نصدمت حيلل !!!شلوون !!

هو كال راح اوصلكم شنو هاي شديصير !!

شوي وطلعنا ..  !!

يتبع .... !

لتنسون اللايك🖤.