طريقنا صعب

البارت ١٤

مُلاحظة: لُطفاً الي يشوف هلبارت ... يصعد ينطي لايكات ( النجمة ) للبارتات القديمة ويجي يكملة لهلبارت لأن اكو ناس دتنسى اللايك 🖤 ..

*****..*****..*****..*****..*****..*****..*****
ما جابني لهل درب . .
غير الحچي الينسمع
بعيونك الحلوة !
وما ادري حبك قدر
لو عشـٰگ !
لو نــزوة !
يل تســوه ناسي وهلي،
شخــلآك  ما تســـوه ؟...🖤

*****..*****..*****..*****..*****..*****..*****

دخلت هبة كالت ...

هبة :باجرررر العرسسسس متحمسةة ..

رزان : اي اي والله ادري بس لتلغين راسي يوجعني ...

هبة : اي ديلا عيني شكنالج ...

رزان :اكلج صدُك يمتى نروح ؟

هبة :ليش تردين ترحين ؟

رزان : لاعادي معندي مشكلة تعودت ... بس يعني هيج اسأل ...

هبة : مااعرف بس اعتقد بهاي الايام لان بابا كال قبل اسبوع بس يخلص العرس احنة نرجع ...

رزان : ضجت حيل بس سويت نفسي ممهتمة ...

اي احسن خلي نرجع اني شتاقيت لصديقاتي ...

هبة : اكلج ام صديقاتي ... طبعا نرجع جا غير دوام بعد ١٠ ايام ...

رزان : عزززة شو ناسية اني ...

هبة : اي ادري ناسية انتي اصلاً متعرفين الدنيا طشت رشت ..

رزان : ديلا يلا سكتي ...

هبة :اني متحمسة الباجر ...

رزان : يبوو ولج ولله فهمت فهمت متحمسة لاكلساع تعيديها ...

ضلينا نحجي اني وهبة شوية ...

وراها غفيت ...

..... ..... ..... ..... ..... .....

كعدت الصبح على المنبه ... الساعة ١٠ ونص

غسلت وبدلت ملابسي لبست بنطرون وقميص عادي ولفيت الشال كلما اباوع للمراية واشوف نفسي ابتسم ...فرحانة بنفسي ...

كعدت هبة ...

رزان :كومي مو البارحة خبصتيني متحمسة ومتحمسة وينة حماسج هسة ...

هبة : ماريد اروح للعرس هي كوة شنو ؟

رزان:ولج كومي دوبنا نلحك ...

هبة : كايمة ولله بس خمس دقايق وتلكيني نازلة قبلج ...

رزان :اي اي صح ...

رجعت للمراية خليت مكياج بسيط ...

فتحت الباب ونزلت ...

واني داانزل ضليت افكر يعني بعد كم يوم رايحين ...

اي اي عادي واذا رايحين وشنو يعني شعلية بي اني...

الافكار صارت هيج ببالي اقنع نفسي ...

نزلت لكيت البنات دينظفن كلت لازم انظف وياهن ...

نرجس :صح النوم ...

رزان : حياتي ... ولله هسة كعدت ونزلت بساع اساعدجن ...بس هاي هبة نايمة شوي وتنزل تعرفيها بعد شلونة نومها ...

نرجس : خليها يمعوودة شعليج بيها خلي تنام ..نوم العوافي ...

رزان :هسة انتي حجيج صح هاي نوم العوافي الا تحجيها ... ضلت كل كلمة تذكرني بي ...

جانت نور وهدى وحوراء ونرجس كل وحدة ماخذة جزء بالبيت وعماتي هم  وماما ...

اني رحت ويا نرجس ننظف الحديقة الحمدلله تنظيف الحديقة احسن عاد اشم هوا ..

ضلينا ننظف حمامات البرا وكنست الكاع ضليت ساعة بس بهاي السالفة ... صفنت هاي شنو كل يوم ينظفوها ؟ ولله لو من البنات اني ولاانظف شنو هاي السالفة حيل تتتعب !

وغسلناها وحتى تنكعنا ...

ساعة واجتي هبة ...

هبة :اني متحمسةةة ..

رزان :يبوو ولج طلعتي روحي... متحمسة ؟تعالي نظفي ويانا ...

هبة :يلا نطيني ...

رزان :ها شعجب ..

هبة : معليج اختج نادرة بس متعرفين انتي ...

رزان :ههههه ديلا شوفينا شطارتج ...

ضلينا اني ونرجس وهبة ننظف ومتونسين من جتي هبة ...

شوي وراح نخلص مابقى شي بنات ..

نرجس : ولله متت تعب على بالي الحديقة اسهل شي ..اني اسحب كلامي ...

رزان :هههه يلا عادي مابقى شي ...

داريد اكمل كلامي وسمعت صوتة وراي !

قسورة :شلونج ..

رزان: ها .. هلا الحمدلله

قسورة : كافي ادخلن جوة ...

رزان :البنات جانن بعيدات شوي ماسمعن شنو كالي قسورا ...

اجتي نرجس بساع ..

نرجس: هلا قسورة ..

قسورة: ديلا كافي الحديقة وصارت نظيفة لو تردن بس تلعبن ...

ادخلن لجوة يلا ..

نرجس :ولله بقى بس شوية حرامات ..

قسورة:لاحرامات ولابطيخ ادخلن كلت ...

هبة :ديلا يلا كافي اجتها الندارة تريد تنظف بعد ..

دخلنا جوة بسرعة ..

رزان:
ضليت حيل اتوتر من يحجي وياي لو من اشوفة مااعرف ليش يمكن من كد مافكر بي .. وافكر انو هو معينيلي شي وداحاول اخلي ببالي هذا الشي .. بس يحجي وياي يخرب كلشي .. اففف

دخلن البنات واني ببراهن اخر وحدة ..كال ..

قسورة: رزاان ..

رزان :وكفت اريد اروح واريد اسمع شنو يريد يحجي وياي . . زين هسة شسوي ؟

بساع اجة يمي هو َ ..

قسورة: شبيج احسج مو على بعضج  ..

رزان: جنت ارد ببرود عسى ولعل من صدك اصير باردة ومااهتم .... !

كتلة .... لا بس راسي يوجعني ..

قسورة: ترة ماتعرفين تجذبين هاي وحدة ..ثانياً راح اخليج براحتج .. اني اترخص ..

رزان : ضجت من راح اريدة يضل يحجي وياي .. بس هذا شكّلة صعب والسالفة كُلها صعبة واني هسة محتارة  ... الدمعة بطرف عيني .. وشعور متضارب اريد احجي ويا ومااريد ارتاح من اشوفة وحيل احب احجي ويا بس مايصير راح اتعود علي ..

ضليت هيج افكر ..

صعدت فوك كبل دخلت لغرفتي ..

اخذت ملابس ودخلت للحمام سبحت وطلعت ..

ضليت اخلي ماسكات لوجهي الهي روحي ..

صحت البنات يمي ماريد اتذكر واضل افكر اكثر من هيج ..

جتي هدى وحوراء وهبة ..

كتلهن .. 

رزان: لعد نرجس وين ؟

هبة: دتساعد عماتي ...

رزان:لعد خلي ننزل وياها نساعدها عيب ...

حوراء:لا لج عادي راح تخلص هيَ اصلاً كالت اصعدوا اني جاية وراكم ..

رزان : تعالن كعدن خلي نسولف ..

ضلينا نحجي عن العرس وهدى ضلت تسولف عن العروسة ... البنية حيل حبابة وحلوة وفهد خوش رجال يستاهل كُل خير فرحتلة ولله ..

حوراء :حبيبتي تسلمين ..

ضلينا نسولف مااعرف شلون وجبناها على قسورا ..

حوراء : قسورة مياخذ اجازة ابد هسة كعد بالبيت علمود فهد  لان حيل يحبة كال اني اول الحاضرين ..

رزان : طبعا يحظر لعرسة غير ابن عمة هو وعايشين بنفس البيت ..

هدى :شوف هاي بابا هذا مايهمة مرات اصفن واكول بالله قسورة هم بشر مثلنا .. لج مايروح لأعراس ابد لو تذبحي ... يكرههن حيل ..

رزان :ليش ..

هدى : شمدريني ..

دنحجي ودخلت نرجس ..

نرجس :بنات تعبانةةةة ...

رزان : اي مو كلنا نساعدج ...

نرجس : لاولله هي بقت بس شوي وخلصت واجيت ..

رزان : جتمعنا كلنا ونعاد نفس السيناريو كل كلامنة على الملابس والمكياج وشنو نخلي وشنو نلبس ..

رزان :هو العصر نروح مو  ؟

نرجس :اي حبي ..

..... ..... ..... ..... ..... ..... .....

رزان : صار الغدة نزلنا كُلنا ..

وبدن عماتي .. بس اريد اعرف مايملن ذني ؟

فاطمة : ولله بنات صلفات لاكالن اساعدجن لا شي عاد بالجذب ولجن ..

ايمان :يلة خية على كيفج جا غير بنات ريمة المدللات وين يعرفن شي اسمة تنظيف ..

رزان : هبة رادت تحجي بساع كرصتها ..

هبة:ووجع شبيج انتي الثانية ..

رزان : فدوة اسكتي اني الي بس اريد اتعارك هسة مابية حيل خلي يولن شيحجن خلي يحجن يومين ورايحين ليش نسوي مشكلة ؟

هبة : اي اي فهمت سكتي ..

كعدنا .. على الغدة اني ماكلت بس شوي نفسي نسدت ..

ورجعن يحجن يعيدن نفس الحجي وماما ترد عليهن بس قليل ..

الزلم كلهم مموجودين لابابا ولاعمامي مشغولين حيل بالعرس ..

ديحجن وفجأءة سكتن !!

نرجس :ضلت تبتسم وهبة ضلت تضحك ..

درت وجهي لكيت قسورة !

رزان: تقربت يم نرجس وكتلها ..

عود صدك يخافن منة ؟

نرجس :خية هذا المووضوع ينرادلة كعدة بعدين اسولفلج اذا صار النة وقت ..

كعد يمنا بس مااكل ..

قسورة : نرجس الجاي عفية ..

نرجس :صار ..

رزان :ضليت طول الوقت اني مدنكة وبس أكلب بلاكل مااكل .. وداحسة يباوعلي !
رفعت راسي .. دار وجهة !

كمت كلت الحمدلله ..

صعدت غسلت وشوي واجن البنات وراي ..

كعدنا بغرفتي وكالت ..

نرجس :يلا هم يلا نبدل ...

رزان : اكلج منو ياخذنا  ؟

نرجس :عمامي طالعين شوي وجايين ياخذونا بسياراتهم للقاعة ..

رزان : اوكي ..ضلينا نخلي مكياج ...

كملت مكياجي ومكياج هبة ..

ولكم شنو اني من ندارة شنو من بنية اني شوفن المكياج تكدرن تسون هيج ؟

نرجس :هههه يخبل حبيبتي

رزان:  هههه حياتي تسلمين ...

لبست الفستان طلع يخبل الحمدلله ماخاب ضني جان ببالي شي من البسة وطلع نفسة .. حيل حلو باللبس ..

ولبست فوكاه عباية اسلامية ..وشمرت الشال ..

والبنات مثلي بس يمكن تعبنا بهاي السوالف اكثر من تعب التنظيف ...

شوي واسمع قسورا يصيح ..

رزان :شبي اخوج ميرتاح اذا ميصيح بيوم !

نرجس :هههه لاهسة ماكو شي بس ديصيحني .. هو هيج صوتة شسويلة يعني

رزان : هههه ديلا نزلي ..

نزلت نرجس ..

شوي واجتي ..كالت

نرجس :يلا ولجن تأخرنا ماحسينة بالوقت اثاري الكُل جوة ومكملين وجايين عمامي ..

نزلنا كلنا ..

احس مستحية حيل .. مكياجي قوي والفستان احسة مبين مع انو لابسة عباية بس مدري ..

نزلت .. وسويت نفسي اعدل بالشال مااريد اباوع الوجهة .. !

سمعت بابا يحجي وياي ..

محمد : شنو هلجمال ماشاء الله بنيتي ..

رزان :هههه شكراً

كعدت شوي يم بابا وماما ..

واجة يمنا قسورا يكول لبابا ..

قسورة :يلا عمي هم يلا طالعين ..

رزان :رفعت عيني شوي لمحتة ..

تكول هو العريس مو فهد ..

لحيتة مطولها ولابس هم اسود !
ادري شدعوة ويا الاسووود !!!

ضليت افكر بي شوي ..قاطعتني نرجس ..

نرجس :ديلا ولج نصعد ..

رزان :وين ؟

نرجس : بسيارة قسورة اني راح اروح ..

رزان :هاا ااا ضليت اتلفت ..

مااعرف خلي اشوف بابا وماما وين يصعدون واروح وياهم ..

محمد : تعالن بابا تصعدن ويا امجن مو ترحن منا منا ..

لاتتيهن

رزان :الحمدلله مراح اصعد بسيارتة جان هسة متت ..

ريمة : يلا يلا بساع عليش التأخير اصعدن ..

رزان : حايرة بعبايتي والفستان مااريد يوصل للكاع ويتلف ..

صعدت بالسيارة بساع لكيت هبة ونرجس ورا وماما بالكدام ..صفنت !

نرجس :ها لج صعدتي ويانا ..

رزان :ابتسمت ابتسامة غبية ! مااعرف وين صعدنا ضليت اباوع من الجامة .. هوسة وعماتي وببناتهن والزلم كومة ...

تكول عشيرة ..

ناس تصعد بالسيارات وناس بعدها بباب البيت ..

ومااحس بس بحركة السيارة ..

باوعت بساع لكدام ..

لكيت قسورا!!!

ادري شجابك ؟

رزان :حيل ضليت متوترة .. عود عبالي مراح اصعد ويا واصعد ويا اهلي اثاري اهلي صعدوا ويا صدك جذب !!

كُل الطريق يباوعلي .. أكلني اكل بنضراتة ...

صاحت هبة ...
هبة :قسورة عفية شغل اغنية وين رايحين لفاتحة ...

قسورة :اي اي هبة بس اسكتي انتي اذا حجيتي بعد شيسكتج ...!

رزان : شتغلت الاغاني وعلاها حيل ..

سويت نفسي اكلب بالتليفون ..وهو كلشي مابي ضليت اباوع للصور .. بس مااريد اباوعلة ...

وصلنا ودخلنا للقاعة رحنا كبل للحمامات عدلت مكياجي ونزعت العباية .. وعدلت شالي شوي..

والبنات هم ..

طلعنا كُلنا سوية ..

القاعة حيل جبيرة ... مو شلون مجان

نضيع بيها كلت لازم اضل ويا البنات ...

حيل حلوة ونازكة مو هوسة والوان وشي ..

بنات وشباب موجودين  بس الشباب اكثر ..

البنات تقريباً بس كرايب العروس وكرايبنا ..

اكثر من ساعتين احنة بس نصور ونركص ونهوس وياهم ..

بس اني مركصت استحي حيل ..

بس اصفك وياهن ..

ام العروسة مبينة حيل فرحانة ...

*****..*****..*****..*****..*****..*****..*****
هبة: علي كلما اشوفة يباوعلي بنضرات مااعرف شنو افسرها .. اني حيل ماافتهم بهيج شغلات ..

ردت اسأل رزان خفت تكول انتي معجبة بي وهلسوالف ... اني بس اريد اعرف هو ش سالفتة ... !

بالعرس جان موجود وفرحان حيل بزواج اخوه ..

كلما تجي عيني بعينة ادور وجهي واسوي نفسي ماشفتة ...

رحت كعدت يم البنات شوي وكامن راحن يم عماتي .. ضليت كاعدة ببحدي ...

اجو ثنين ولد كعدوا بالطاولة الي كاعدة بيها اني باوعت الهم يمكن كرايب العروس ذولي ..

ماعلية بيهم ضليت اكل كيك وعصير واباوع للبنات والاغاني عاليةة احب هيج اجواء ..

شوية واشوف علي يمشي الي .. باوعت خاف يريد يروح لغير مكان ..  !
لاولله ممبين هيج . .

عيونة علية يعني جاي الي ؟!

علي :كومي وياي بساع .. !

هبة :خير شكو ؟

علي :كومي بساع .. هسة اذا اصيح تتمزعلين .. كومي داكلج ..
هبة :بساع كمت بدون كلام خفت صاير شي !!

اخذني لمكان شوي بعيد عن الهوسة ..

علي :عود شنو تسوين روحج مشفتي ؟ لو شنو وضعج انتي ؟

هبة : شبيك علي؟ شنو هو الماشفتة اني ؟

علي :ولج عقلج هذا وينة وينة؟

هبة : خلة ايدة على راسي ويأشر ..

شيل ايدك وكلي شكوو !

اشم كفة ايدي يلا اعرف ؟!

علي:يعني ولد ثنين كاعدين وياج ماتعرفين تكومين ؟

هبة :بشرفك هي هاي السالفة ؟

علي :شوف البرووود  مالتهاااا ياربي !!

هبة : لاتصييح 

علي :  ولج شبيج انتي ...

هبة : اكلك ترا لاحجوا وياي ولاحجيت وياهم ماكو داعي لهلكلام مالتك اوكي ؟ اترخص اني ..

علي :حسابج بعدين ..

هبة :باوعتلة بطرف عيني ودرت وجهي ... شبي هذا ؟ !

..... ...... ...... ...... ...... ...... .....

رزان :

ضليت اباوع بالوجوه لحد ماجت عيني على قسورة بعيد عني كُلش بس لكيتة يباوعلي ..

ماستغربت .. وجهة مطنكر مدري ش سالفتة !

العالم فرحانة وتتمركص الا استاذ غثة صدك ثبتلي انو هو اكبر غثة ..

ضلينا لليل حرنا شنسوي نركص ناكل نغني نصور .. اني ضليت بس اصور لان ذكرة حيييل حلوة .. بالنسبة الي صح قسورا ضل كبالي وقلقة من هاي الناحية ! شبي ضايج ..

بس بنفس الوقت ماحرمت نفسي من الفرحة
....

العرس يخبل ...

ردنا نطلع وكالت ..

نور : قسورة عفية خلي اصعد بسيارتك سيارة عمو بلكوة شغل كم اغنية ميقبل يشغل اغاني..!

رزان :جانت يمي نرجس وسمعت  ..

ضلت تضحك اني نصدمت ! من العذر التافه هذا ومن السالفة كُلها اصلا ! شبيها هاي ؟!!

الي صدمني اكثر هو ...

قسورة: اي ماكو مشكلة اكعدي ورة وي البنات
اكو مجال مو رزان ؟

رزان :ها ااا اي اي اكو ..

يباوعلي ويبتسم ! عود يريد يضوجني !!

ودي اسوي عركة هسة واضل اصيح .. حيل تنرفزت يعني بالله هسة هاي نور راح تكعد يمنة ؟ وبسيارتة هم ؟

طلعت بسرعة اول وحدة كعدت ضليت اتصرف سريع ..

كعدن البنات خمس دقايق واجتي ماما وطلعنا ..

وشغل الاغاني ...

رزان :اباوعلة بالمراية اشوفة يباوعلي ..ويضحك ..

على شنو تضحك بس اريد اعرف .. سهلة اني الك ..

ضليت طول الطريق مطنكرة وضايجة ...

جريت التليفون ضليت اباوع للفيديوهات والصور ..

شوي واباوع نور ضلت تركص على الخفيف هاي من كل عقلهاا !!!!

نرجس :عوفيها لتسمع مابينة حيلها ..

رزان :لج دتركص عود صدك ؟

هبة : عوفيها ختولي ..

رزان :تنرفزت اكثر  ....

*****..*****..*****..*****..*****..*****

بعد تعب وطريق طويل وصلنا للبيت ..

منتهين من التعب ناس نزلت ببيتنا تستراح ويطلعون لبيتهم وناس راحت تسبح وتبدل وتنام ...

اني كبل بملابسي صعدت للسطح ..

قبل لااصعد كلت لنرجس ..

رزان :اني صاعدة فوك لان مختنكة شوي

نرجس :خير ولج شصاير ...

رزان :لايمعودة ماكو شي بس تعبانة والهوا حلو ف اصعد شوي ونازلة ..

نرجس :تمام اني راح ادخل اسبح وانام تردين شي ؟من هسة كولي ..

رزان :حياتي متقصرين .. روحي براحتج  ..

هبة :كبل سبحت سبحة ام ال ٥ دقايق ههههه ونامت كالعادة ... هي اذا ماكو شي بس نايمة ... نوب عرس وتعب !

رزان :صعدت فوك جريت الكرسي وصعدتة وياي ...

كعدت رجعت راسي وضليت اشتم الهوا ميتة تعب .. اريد بالي شوية يرتاح ...

فتحت التليفون دزيت الصور لنوران ضلت تتغزل حلوة وتخبلين حجيت شوي وياها وكلت الها تعبانة راح انام ...

ضجت من تصرفة قسورا ..

ماطولت بالكعدة لان اريد انام الوقت متأخر وتعبانة بشكل مو طبيعي احس عظامي متكسرة ...

رجعت الكرسي لمكانة وسديت باب السطح ..

باوعت منا منا ماكو ! يعني مااجة ؟ شدعوة ..

مااعرف ليش نتظرتة شوي ماكو !

ضجت اكثر دخلت لغرفتي ذبيت العباية ونزعت  الفستان .. لبست ملابس عادية رحت مسحت المكياج كُلة ورجعت ...

رطبت وجهي وخليت مكياج بسيط حيل ...

بس اريد الهي نفسي بأي شي ...

ضليت افتر بالغرفة .. ليش مااجة للسطح هو يدري كُلش زين اني راح اصعد .. يعني متقصد ؟

ضليت افتر وافكر واعيد التفكير كلساع ..

رحت لجربايتي اني نعسانة ...

بس مانمت ضليت اتكلب ...

كمت فتحت الباب .. وصعدت ليفوك ..

وصلت يم غرفتة .. صفنت ادك الباب لو لا ؟

امد ايدي اريد ادك الباب وارجعها هسة شنو معناتها جاية لغرفة الولد نص الليل !

نزلت بساع لغرفتي وسديت الباب ..

رحت لجربايتي بساع ونمت ...

........ ....... ....... ....... ........ ....... ....... ....... .....

فزيت من نومتي ...

جريت التليفون لكيتة الساعة ٣ بالليل   .. !

خير ان شاء الله ...

رجعت نمت اغمض عيوني مااكدر انام ..

حاولت اكثر من مرة ماكو ..
عطشانة .. شربت مي ...

باوعت هبة نايمة بسابع نومة .. هنيالج اي ولله ..ماكو اصفى من بالها ..

تذكرت السطح ردت اشوف الشمس من تطلع شلونها ... حييل بودي اجيب فراشي واكعد بالسطح بالهوا اليخبل هذا ...

نزلت للمطبخ ميتة جوع ...

البيت هدووء الكُل نايم ...

فتحت الثلاجة .. اخذت ماعون وخليت بي شوي فواكة ..

جبت مي وياي وصعدت ..

دخلت لغرفتي اخذت تليفوني ..

فتحت الكنتور اخذت فراش خفيف ..

صعدت على كيفي ..فتحت باب السطح .. صوتة قوي .. بس واذا يعني معلية بيهم ..

صعدت الدنيا ضلمة حيل بس مااعرف ماجنت هواية خايفة ..

متونسة ردت اكعد نرجس لو هبة وياي ..

خطية تعبانات وحتى لو اكعدهن مراح يكعدن ليش اتعب نفسي ...

خليت الفراش والماعون وكعدت آكل واكلب بالتليفون ...

ماعرف ليش بوقتها بس ردت ارجع لبيتنا شتاقيت لبيتنا ولغرفتي ولصديقاتي ولأصدقائي وللمدرسة لكُلشي شتاقيت ...

صافنة وسمعت باب السطح نفتحت كمزت من مكاني بساع ..

قسورة :لتخافين ههههه

رزان : صدك جذب احجي كول احم .. نززتني ترا

قسورة: اكو وحدة ب ٣ ونص بالليل تصعد للسطح ؟ وين لاكيتها هاي ؟

رزان :وانتَ شعليك ؟

قسورة :ها

رزان : اي

قسورة : شو سويلي مكان خلي اكعد

رزان :وواثق من نفسة

لاعيني ماكو مكان تكعد روح ارجع لغرفتك ..

قسورة:ليش ولج ..

رزان : بكيفي ..

اريد اكمل كلامي شو هذا ..

دفعني وكعد ..

ضليت اباوعلة صدك عود ؟

كال
قسورة: اكعدي اكعدي خلصيني ..

هاا وجايبة فواكه بعد .. جيد جيد حلوة الكعدة ..

رزان : اريد اعرف شكعدك انت ؟

قسورة : اني هيج وقت اكعد ..

واطلع بال ٦ ..

رزان : اي اوك فهمت يلا اترخص خلي الفواكة الك بالعافية ..

مشيت خطوتين لزم ايدي ..

درت وجهي كتلة ..

رزان :هذا الطبع بطلة اوكي ؟

قسورة:لا مو اوكي  .. اكعدي خلي افهم شبيج  .

رزان :مابية شي ..

قسورة :هسة غير تكعد وتخلصني ..

رزان : كعدت  بس على اعصابي بس اريدة يحجي واروح .. ردت هسة هسة اروح لبيتنا واخلص من هاي الافكار بهاي اللحضة بشي واحد ضليت افكر ... شجابك على بالي انت َ منين طلعتلي ؟

قسورة : اي ليش ضجتي من نور سولفيلي

رزان :نور شعليها ؟

قسورة : علييينا يابة ..

رزان : بابا شبيك  ؟نور شجابها ..

قسورة :مو صعدت ويانا .. وانة شفتج ضايجة عليها مو ؟

رزان : لاعيني غلطان ..
بس تعال اكُلك انت شبيك مطنكر ماتكول عدكم عرس على بالك فاتحة اسم الله !ههههه

كلتلة هيج ونكلب وجهة !! بس لاجفصت

قسورة: والله عاد اسألي نفسج هو هذا فستانج عود مال محجبات ؟ مقتنعة انتي ؟ وكاعدة بوسط قاعة مملية ولد وبنات وتصوير ودنيا !

رزان : ها بدت الاسطوانة اكوم ؟

قسورة : اكعدي ونجبي لاكلساع كلتي اكوم واكوم ..

رزان :صفنت .. سكتنا ثنينة . .

ردت بس اضوجة شكلة يربي .. !

رزان :اكلك قسورا ..

قسورة : كولي كولي بس فدوة لاتكليلي قسورا ..احس اسمي جاي يبجي هسة

رزان : ردت اضحك بس بلكوة سكتت نفسي . .
كتلة ههه دمك خفيف ..

اكلك صدُك سجاد ماشفتة ؟

قسورة: ها ؟!!!!

رزان : اني ردت اتشاقة هذا بس لايسوي مشكلة ويضل يصيح بنص الليل النوب ؟! سكتت

قسورة: ماتحجين ياسجاد ؟

رزان :سجاد ابن عمتي ايمان ليش مموجود ؟

قسورة: وانتي شعليج بي ؟ شكو تسألين ؟

رزان : هيج لان مشفتة كلمرا موجود دائما يضحكنة هههه ولله ياخي هذا الولد دمة خفيف شيحجي يضحك المقابل ..

قسورة :ايبااااه !!

رزان :اي ولله

قسورة : ووجع ..

رزان : كام من مكانة بساع ..

صار بوجهي وكال ..

قسورة:من الاخير شعندج ويا هذا الادبسز ؟!!

رزان :ليش متحجي عدل .. !

قسورة : تعلميني شلون احجي شنوو !

شكو كاعد تسألين على سجاد خيييير !!

رزان :شبيك تصيح !!اها سوري تذكرت انت ماترتاح اذا ماتسوي مشكلة باليوم ..

احس عيونة رادت تطلع من مكانها .. حصرتني الضحكة حيل بوقتها ردت اضحك ههههههه

بالكوة لزمت نفسي ... يابة ولله رتاحيت من غثيتة ...

كمت من مكاني وكتلة ..

رزان :اني نعست تصبح على خير ...

قسورة : عيديها بعد وتشوفين شيصير ..

رزان :شيصير

قسورة : لكُل حادثٍ حديث .. سويها وشوفي ...

رزان : ديلا يلا عيني ..

دنكت اخذت الماعون ومشيت .. سمعتة يكول ..

قسورة : حجابج شنو موقعة ؟

رزان : ها ؟

قسورة :هيج هيج روحي وانتي بخير نوم العوافي..

رزان :طلعت ورحت لغرفتي رجعت الفراش وخليت الماعون على الميز عود من اكعد ارجعة ..

حيل نعسانة تمدتت ..
وتذكرت شكلة من ضوجتة  ..

كلت ايي هسة اكدر انام ...

*****..*****..*****..*****..*****..*****..*****

كعدت ثاني يوم شبعانة نوم .. باوعت هبة مو يمي !!
معقووولة هبة تكعد قبلي !
هاي وين صايرة !

جريت التليفون لكيت الساعة ب ٢ الظهر !
صدك عوووود !!!

طلعت بساع غسلت وجهي وفرشت اسناني ..
رجعت للغرفة لبست ملابسي وشمرت الشال وخليت مكياج ...

اخذت الماعون ونزلت ...

رحت للمطبخ رجعتة  ودخلت للصالة لكيتهم كلهم كاعدين ..

يبو ولله فشلة ...

رجاء : هلا بالمدللة ماضليتي نايمة لليل خاف بعدج نعسانة ...

رزان :بدت الرزايل .. خو عماتي حارن شنو يحجن علية ..

درت وجهي لكيت قسورة كاعدة وياهم يدخن ويكلب بالتليفون بالة مو يمنة .. !

كعدت يم نرجس وهبة ..

سمعت ماما تكول لبابا ..

ريمة :محمد يمتى نرجع ترا الدوام قريب !!

محمد : اي هو ردت اكلج اصلا ..

يووم ..

رجاء :ها  خير

محمد :احنة راجعين باجر ..

يتبع ... !

لتنسون اللايك🖤.