*بسم الله*
.
.
.
.
.
.
.
.
.
.
.
.
.
.
.
ايناس: ضوک كي متحبيهش لاه وليتي حمرة إذا تحبيه نورمال
سارة: شكون تحب هاذي
ميار: نمدلک تقرير
سارة: وشبيک حاسبة روحک غير كي جاية من فرنسا شغول حاكمة سما
ميار: معجبتكش واقيل
سارة: مرانيش سامعة بيک اصلا
ميار: علابيها تحوسي تعرفي شكون نحب
سارة: باينة نتي من راجل لراجل
ميار: اعرفي واش راكي تخرجي من فمک باسكو نوض ليک شوفي لي من راجل لراجل كيفاه ديرلک
اسراء: صايي لبنات
ايناس : ونتي وشمن مرقة حرقتلک شواربک تحبي ليپروبلام
ناضت تنفس في روحها وخرجت
اسمهان : اخطيک منها هكا هي دايمن
ميار: تزيد تحل فمها ننسا بلي بنت خالتي
كملت نلعب مع توام حتى عييت كي شفتهم كنت نتخيل ولادي وباباهم جواد ياخاه نموت على دراما
كي كملت اسمهان مدينالها ولادها لي شبعتهم بوس
خرجنا انا واسراء باش نصلو لعيشا وناكل باسكو راني ميتا ملجوع
حبسنا واحد وباين يعرف اسراء باسكو تمتم ضحكت معاه
اسراء: يوووه ايهاب صافا
ايهاب: حمدلله ونتوما
اسراء: حمدلله
ايهاب: ونتي مديريناش وجه
ميار: موا صافا حمدلله
ايهاب: نتي لي جيتي من فرنسا
اسراء: وي هي
ايهاب: تسما كون مكانش عرس منشوفوكش
اسراء: ههه والله لافاک داتلي كامل وقتي
ايهاب: طبيبة ديالنا يااه
اسراء: حقاا كيفاه راک مع ايمان
غير قالت هكاک هبط راسو وباين عندو مشكل مالغري معلباليش على واش راهم يحكو
ايهاب: اييه قلت ليما راني حاب نخطب مقبلتش قالت انا نخيرلک
ميار: مزال عندهم هاذ ثقافة بفففف علاش هي راح تتزوجها
اسراء: بلعقل نشالله تقبل ونفرحو بيكم
ايهاب: ماشكيتش كيما درت معاها محبتش مقدرتش نقنعها
ميار: مدام تحبها وهي ثان متخلوش بعضاكم على عفسا هكا باسكو كل پروبلام عندو حل
اسراء: وي ايهاب متريحش متشائم هكا
ميار: ضوک حنا نهدرو مع يماک ونسيو نقنعوها وزيد خالتو رحمة تاني نقولولها تهدر معاها
اسراء: وي غدوة نهدرو معاها متخممش نديرو لي علينا
ميار: ايذا كتبلكم ربي تكونو لبعضاكم لا يماک ولا حتى واحد ما راح يفرقكم
ايهاب: نشالله مرسي لبنات
خليناه راح وحنا طلعنا لفوق .. دخلنا لقينا خالتو رحمة و اكرم مريحين فصالون حوست بعينيا على طرازان مكاشو
دخلنا صلينا وخرجنا حطتلنا خالتو نتعشاو
ميار: حقااا عمو محمد وينو
اكرم: راهو يبات مع عمي منير
ميار: وعلاش مريحش معانا
اكرم: كان حاب يريح معاه باش يتوانسو
ميار: آآآ صحا
شفت اسراء تاكل بساكت وباين علاه حتى اكرم كل دقيقة يرمي عينو حسابتلو منيش فايقة يااو طبطب
حتى هذاک لبوقوقو مجاش ياكل معانا يادرة وين راهو حاط راسو
انا غير كملت مناقشة مع روحي سمعتو يحمحم
كان حاط يديه في جيوبو ولابس پونتاكوغ جين مع تريكو باج وبليغة!!
بفف خسر لوک
المهم سكانيتو ملفوق حتى للتحت كون عندي لعين يجيبها على راسو
قعد وسكبتلو خالتي ياكل بساكت كي عادتو
ميار: احمم خالتو
رحمة: انعم بنتي
ميار: حابة نشوف عنابة ياک هادي la premier fois لي نجي لهنا
جواد: مكانش خرجة
قالها وهو مهبط راسو فطبسي ياكل خراا يدخل روحو بين لحم وظفر
ميار: ياک خالتو
رحمة: ايه تروحي تحوسي يكمل لعرس منبعد ساهل غدوة يجيو لغاشي
طلع راسو وخزر فيا تع كولي وبلعي
كملت ناكل
كي كملنا نضت نغسل فلماعن واسراء راحت لبيتها
منعرف وشبيها مصبح ساكتة حتى توسوستلها
كملتهم ودرت لخالتو كاس تيزانة وريحت قدامها
طبطب لباب ونضت نحل لقيتها طاطا زاهية مع اسمهان
رفدت عليها واحد من ولادها ودخلتهم لصالون
زاهية: يا رحمة ختي علا راكي تريحي هنا و مهبطتيش
رحمة: غدوة ونجيكم صباح
اسمهان : عمتو ياک جي معانا لعرس تع لعروسة
رحمة: اومبعد نشوف
اسمهان : متقولينا والو جي
زاهية: وي معندک متهدري جي معانا
رحمة: هههه نشالله راكم غلبتوني
انا ريحت نلعب مع دراري هذوک حتى واحد فيهم بدا يبكي والله للضوک منفرقش بيناتهم
خزرت في اسمهان تع واشبيه وواش نديرلو
اسمهان : بلاک جاع ولا حاب يشرب
ميار: نروح نمدلو يشرب حليب
مدتلي لبيبرون ولپودر تع لحليب ..ديتو معايا لكوزينة حاكماتو بيد ولوخرة نديرلو لحليب وليت مربية بسلامتي
شميت ريحتو كي دخل درت ليه شفتو مطلع حاجبو
جواد: شكون هاذا
ميار: وليدي
جواد: ايذا نتي عندک طفل مسكين ميكبرش باسكو عندک نفس عقل دراري صغار
ميار: حاشاک شريكي انا نكون ام صالحة مستقبلا
نهدر ونسيت كامل هذاک لي راهو داير حالة بلبكا جا ليا ورفدو وقعد يلعب معاه .. يااه شفتو يضحک هاذي لخطرة لولة لي نشوف هاذ لجانب منو
رحت ليه باش نحيهولو محبش يجي لعندي
ميار: هكا بدلتني بهاذا
جواد: بهاذا ؟ عندي آسم ياک علبالک
ميار: ماعلباليش .. وديحا طابس باش تمدهولي راک قد لپوطو
جواد: نتي لي راكي تمسي لرض مشي
انا
جا يمدهولي ناض يبكي حتى رجع رفدو وسكت
مديتلو لبيبرون وعطالو يشرب .. قعد على لكورسي وانا مقابلاتو
شفتو بدا يغمض عينيه شويا ورقد يااعمري يهبل قصدي يهبلو
بديت نهدرلو بلعقل باش مينوضش مخلوع
ميار: مدهولي نديه ليماه
جواد: ارفدي روحک منبعد ارفدي طفل
ميار:آآآي علاش راک تهدر هكا
ناض مپلاصتو وانا وقفت قدامو
جواد: فاش غلطت
جيت نجاوبو حتى دخلت اسمهان ياربي ضوک تحكمها
اسمهان : يا عمري عليكم شحال تتوالمو كي ليوم نشفوكوم مع بعض
هدرتها وغمزتلي وانا كون نصيب نهجم عليها بهدلتني
شفت في طرازان لقيتو يتبسم غير شافني زبط وجهو
جواد: انا وهاذي موحال
ميار: اعرف واش راک تهدر حتى انا منيش قاتلة روحي عليک
اسمهان: يووه عليک جواد
راحت نحاتهولو بسيف وداتو باش مينوضش
جيت خارجة موراها مي حبسني كي قالي
جواد: نتي مشي تع زواج
درت ليه بكل قواية العقلية نسبو ونوريلو شكون لي مشي تع زواج
ميار: راک عليا ؟
جواد: علاه كاين واحداخرة منغيرک هنا
ميار: ايذا نتا شوفني مشي تع زواج يخصک مي ناس راهم على راسهم باش يخطبوني
جواد: شكون يخطبک
ميار: ميهمكش شكون
جواد: اهدري شكووون
ميار: منقولش ومتخممش نعرضک لعرسي
جواد: منحتاجش عرضة باش نجي
غمزلي وراح .. قعدت على لكورسي نتفكر في غمزاتو
وااه عليا طحت فسيد صايي
كبيت كاس ما وشربتو على خطرة خرجت ملكوزينة
لقيت غير طاطا زاهية واسمهان مكاشها
خليتهم وانا دخلت عند اسراء
لقيتها متكية على ظهرها وتشوف فلپلافون حتى محستش عليا
ميار: پسسسسس زين وين راكي تخمي
ناضت مخلوعة تخزر فيا وحاكمة قلبها
اسراء: بقرة خلعتيني علااه
غلقت لباب ورحت ريحت حداها
ميار: يابنتي نتي كنتي ساهية منعرف فيمن
اسراء: في حتى واحد
ميار: متحشيهاليش يالله قري لا نبدا نجبد فلهدرة
اسراء: مكان والو والله بصح راني مديرونجيا من اكرم راكي تعرفي علاه
ميار: آحااي عليک .. مسكين ناس ملاح
شعلت عينيها فيا
ميار: هههه وشبيک قتللک ناس ملاح مشي نحبو
اسراء: آآمم باسكو راكي طايحة في خويا
ميار: تعرفي ناناک ...
اسراء: مممم
ميار: آيا واش راهو شاغلک بالک
اسراء: شفتي اكرم مالغري رانا قاعدين في پلاصة وحدة مراهش حاسبني
ميار: شغول نتي لي راكي حاسباتو .. يضل يخزر فيک نتي منتبهتيلوش
اسراء: واش ندير بشوفاتو يبخر بيهم
ميار: نتي خرة ومنكترش هدرة معاک
اسراء: مخصوصة نتي
ميار: كانت هنا طاطا زاهية مع اسمهان مقبيلا
اسراء: علااه؟
ميار: جاو على جال عرس تع لعروسة باش يدو خالتو رحمة معاهم
اسراء: اييه نسيتو كامل
ميار: حابة نرقد عييت
اسراء: ياخاه مقبيل برک كنتي راقدة متشبعيش
ميار: منعرف حابة نرقد وخلاص .. انا نروح تصبحي بخير
اسراء: ونتي بخير
خرجت ورحت لبيتي لبست بيستيي مع فيزو ورقدت
••••••••••••••••••••••••••••••••••••••
اكرم::
شفت جواد مريح كاره حياتو سورتو كي ميخدمش يولي ميضويش
طلع راسو شاف فيا منبعد قالي
جواد: عجبتک
اكرم: لالا .. آيا نهبطو لتحت كرهت ملقعدة فدار وزيد راهي 10 مزال لحال
جواد: اييه نوض
ناض ونضت معاه .. جزت على بيت اسراء منعرف وشبيها نحسها تتهرب مني وين شوفني تبدل پلاصة حتى وايذا كلينا نلقاها مهبطة راسها وقليل وين تهدر
شغلها منبعد مشي ضوک .. نوريلها كيفاه متحسبنيش
شفت جواد يخزر فلبيت تع ميار
اكرم: ادخل ليها واش راک تسنا
دور راسو ليا وشنف شغول نكذب منهار جات ميار سيد تبدل كامل
جواد: تعس فيا
خرجنا وغلقنا لباب وكملت نهدر
اكرم: لالا مي نهار كامل ونتا تخزر فطفلة فايقلک بروو
جواد: هذاک مخصني غير نخزر في وحدا كيفها
اكرم: علاش واش خصها
جواد: معليش تسكت ومتزيدش تهدر معاها
اكرم: علاه
جواد: هكاا
شغول نحب كي نقلقو خليني نزيدلو لادوز بلاک يفيق بروحو شويا
اكرم: انا عجبتني وكي نولو نقول لبابا يخطبهالي
انا مكملتش حتى جيني دبزة لوجهي .. هاا زهري خصني غير ضرب حكمت وجهي نتوجع كنت علبالي راح جيني ضربة نعرفو
جواد: تخطب شكوون عاود
اكرم: وشبيک يازح ياک مراهيش مكتوبة على اسمک
جواد: خلييت لبنات كامل راح لميار
اكرم: وااش فيها
جواد: صايي بلع ميار غير انساها
اكرم: علاش راک حاط عينک عليها
جواد: نمدلک تقرير منبعد روح لا نزيد نكمل عليک
جا نصرو ملبعيد يجري باين شافنا
نصرو: وشبي جدكم لاه راكم تضاربو
اكرم: شوف مع وليد عمتک
جواد: كون متسكتش نزيدلک
نصرو: راكم كبار
اكرم: هههه واش نتا راح تتزوج وبديت تمد فنصائح
نصرو : انا شاطر عليكم راح ندير دار مشي كيما نتوما داخل على لخدمة
جواد: اتلها فروحک برک
نصرو: ويين بيها
اكرم: هنا برک نشمو هوا تع ربي
قعدنا مجمعين مع لي لثم حتى ل 1 تع ليل خزر فيا جواد تع نوضو
نضنا طالعين نرقدو ...كل واحد راح لبيتو دخلت نحيت تريكو وبدلت لبست شورط وتريكو خرجت نشرب لما سمعت تقربيع من كوزينة دخلت لقيت
اسراء مالغري علبالها كامل راقدين مي دايرة خيمار تبسمت وحمحمت شفتها تخلعت ودارت
اسراء: سملله خلعتني
اكرم: واش راكي ديري هنا
اسراء: ناس واش يديرو فلكوزينة
رحت عمرت كاس ما وشربتو وهي تحشي فلخبز
اكرم: وشبيک معايا نتي
اسراء: وشبيا
اكرم: نتي علبالک... منهار جينا ونتي قالبة وجهک
اسراء: لالا لفاشة ديالي مخدومة هكا
اكرم: مزعوقة باسكو
اسراء: هاهاهاها نتا شباب تع دزاير
اكرم: بيان سور
اسراء: المهم تصبح بخير
اكرم: تصبحي بخير
راحت وانا موراها دخلت لبيتي نتبسم كي لبهلول وحدي
غير حطيت راسي رقدت
خلاصت عليا نوم في اسراء
•~•~•~•~•~•~•~•~•~•~•~•~•~•~•~•~•
جاسر::
دخلت لمقر ديراكت عند جينيرال
لقيتو قاعد وداير بضهرو
غير سمعني دخلت دار بضهرو
جينيرال: مرحبا بيک عدنا ريح
جاسر: راني درت واش قتلي وجيت لهنا ومنبعد واش نديرو
جينيرال: نتا لعميل لول عندي من حيث لكفائة وخيرتک نتا باسكو عندي كونفيونص راح تنجح هاذ لقضية
جاسر: علبالي وانا باينة راح نقي لبلاد من هاكا عيباد
جينيرال: متخممش نطيحوهم واحد واحد انا منوليش نقدر نجي بزاف لمقر
جاسر: وي علبالي
جينيرال: لخطرة لخرة هربلي رشيد جيسپاغ لخطرة لجاية متروحلكش كيفي
جاسر: لالا راح نعرف كيفاه نمشي ونشالله فيها خير
جينيرال: ثيقتي فيک كبيرة
جاسر: ونشالله نكون عند هاد ثقة
جينيرال: راح نسافر هاذ ليامات ونتكل عليک
نضت وصافحتوو
جاسر: ميكوون غير خاطرک ميسيو صهيب
.
.
.
.
.
.
.
.
.
.
.
.
.
.
.
.
.
.
**********
إنتهاء البارت
رايكم؟؟؟
والله هاد لحلقة سوپريميتها وحد 4 خطرات ونعاود وقلت نحطها ولا لالا مي ديسيديت نحطها
مرسييي بزااف لكل وحدة داعمتني وتقرا روايتي ♡
فوط√ وكومنت