تحددت الخطبه
واجن اخواتي
زينب: امشي انروح نحجزلج فستان صالون انحفلج
زينب: اي😢
رحنه وحجزنه فستان فضي ع شكل بدله بس كشف من الصدر حيل
واختاريت شعري ينفتح وبس تسريح ماريد لف وردت بروش هادئ ومكياج ترابي بسيط لان خطبه ماردت هوسه
بالصالون يمكيجني واني مقهوره شلون تركت اهلي شلون تركت دراستي صديقاتي احلامي المارضن يتحققن
نزلت دمعه ام الصالون
لااا هاي شنو حبيبتي ليش تبجين عادي تره اليوم خطبتج بعدج ماجايج العرس وهيج خايفه
اختي اجتني وكالت لتبجين زينب افرح وعيشي خطبتج ولاتخليهن كلهة اتشوفج مراضيه وراج شماته ولنفرض درو شتستفادين بعد راح تزوجين
زينب: اقتنعت بحجيهة وقررت امشي عادي بس بداخلي كسره وحزن
اجيت الاهلي والكل جاي والكل مبدل وعمامي واخوي وخوالي وكلهة فااني غطيت روحي هم راحو للصاله احنه بقينه
وكلهة تاخذ صور شطالعه شطالعه
شوي واجو الخطابه واني احس انعصرت فصديقتي لزمت ايدي حيل وكالتلي لتبينين ع روحج اذا انتي سبعه كسبي خطيبج وانتي واعيه اني كتله اي
وبقن صديقاتي يكللي حاتزوجين حاتزوجين حايبوسج حايلزمج وهواي سوالف
بس وحده جانت تدري مراضيه بيه الباقي فرحاناتلي وكلهن يكللي زينب صدكيني الدراسه مو كلشي وجنت اكلهم الله كريم
علي: صارت خطبتي ويه اخت حسين واني ردت بس اشوفهة بس كالو تستحي كلت يلا ع الخطبه واكيد التستحي هاي بت بيوت وشريفه
مرت الايام وتحددت الخطبه والمهر خليتلهة ١٥حاصر و٢٠ غايب لان هم كلش معروفين
بيوم خطبتي
رحنالهم ومراسيم كأي خطوبه
فعقدولنه بالغرفه ومن طلعنه كالو تعال هنا وكعدت هي جابنهة وخلنهة يمي وخرنه العبايه وهي مدنكه والشعر مغطي ضهرهة ومدنكه ماشفت شيء منهة واني هم مستحي الكل تتفحص عيوني وحبايبنه هواي والكل متحمس يشوف خطبه علاوي لان هواي رفضت بنات وهواي اتأخرت
وكلهن يباوعن بيهن الفرحان وبيهن الحاقد وبيهن المتاني بس ينتقد بس مالكو شيء ينتقدوه بخطببتي
وبدت الهوسات
ام الولد: علاوي التين يامحلي البساتين
عمه علي: فصوص روبه ياكفاهة منين دورهة ولكاهة
عمته الخ : نشكر من عمهة وبوهة نشكر من كالو خذوهة
واتكابلن النسوان يردحن ويركص واني اريد بس اشوفهة احساس غريب بنيه يمك ومتزينه وحليوه طالعه اريد اشوفهة بس هي مدنكه ويمهة البنات مدري شيحاجنهة بس شفتهة ضحكت وسكتت كبل
زينب: عقدولنه وانصدمت بشكل علي ومن وكف يمي صرت هالكدوتني يمه واتطمنت هذا علي الوصلنه جان كلش خلوق وجان هواي يجي الاخوي
من طلعت واني مستحيه ووخرو مني العبايه وصدري طالع وشعري اول مره فمستحيه
صديقاتي وبنات عمي يقشرن ويحاولن يضحكني ويفشلني كبالهم بس اني مكدرت ضحكت وسكتت بسرعه
فجابو المهر
خلو هيل بأيدي ورجليه بمي ورد وطاسه وقرآن المهم تم العقد كأي مراسيم
كعدنه ع الكوشه العرس
وجابو الذهب اطوني الحلقه هو مد ايده وحسيته يباوع اني متتت
علي: انطوهة الحلقه ولبستني بس مدنكه حيل كلشي ماشوف بس جسمهة وشعرهة
بقيت اباوع اريد اشوفهة لبستني الحلقه ومالزمت ايدي ع النص ووخرت ايدهة حسيتهة مرتبكه
زينب: ع نص الاصبع وعفت الحلقه هو كملهة وضحك ويه امه مدري شكلتله
اطته عمته الذهب
اني نسيت امد ايدي كال ايدج
مديتهة لزمهة ولبسني الحلقه اني ارجف
علي: شو متاني تمد ايدهة ماكو احسهة حيل مرتبكه
كتلهة ايدج مدت ايدهة لو عساهة مامدتهن الا اشوي اخرب ضحك صغيررره وناعمه لبستهة الحلقه
وكالو لبسهة الذهب
اني هنا فرحت
زينب: اطوه الذهب واني ارجف يمه عزا راح يباوع عليه
علي: اول شيء التراجي كالتلهة مره منهن حبيبتي رفعي راسج خل يلبسج
واخيراً رفعت راسهة وشفتهة سبحان من راسم وجهة شنو هالجمال والنزاكه
والكلاده لبستهة صارت عيني ع جسمهة هي ترجف ونفسهة صعب كتلهة ع كيفج شبيج هي صارت حمره
ولبستهة السوار والمحبس
وصارن يهوسن كالن حبهة ولك حبهة لتخاف من امهة
دنكت عليهة بستهة براسهة هي ماكو اتبخرت الا شوي
كصصنه الكيك ووكلتني باوعت عليه ودنكت عينهة اني ضحكت وكلتهة شوي وكمت وبقو اهلي يهوسون ويركصون
طلعت تباركولي وسلمت ع حسين وع ولد عمامهة وكرايبهة واتشكرت حسين واهلي هم اتشكرو منهم المهم احنه طلعنه بعد
طلعت اني والولد بليل ياله رجعت سولي حفله بره ومن هالحجي
رجعت بليل واني ماعرف شبيه فرحان فرح مو طبيعي ويمكن اي شخص يفرح هيج
رحت الاخواتي كتلهن ماخذات صور النه كالن اي كتلهن دزلياهن عدجن رقمهة كالن لا والله كتلهن فيس مالتهة كالن لا يابه شسالفه اول مره خطيبتي ماعدي لا رقمهة ولا فيسهة😂
زينب خلصت الخطبه وخطبتي ما انكر كلش حلوه واهله ناس زينين واهلي هم فرحانين والبنات واني ساكته اليشوفتي ايكول فرحانه بس اني ابينلهم فرحانه بس بداخلي العكس بقن يمي صديقاتي وره العشه ياله خليتهن يرحن وبنات عمي وخالاتي وخوالي خطبتي كلش حلوه
ايات بت عمي: كومي انزعج البدله التسريحه
زينب: اي والله متت هالثكلهة
فااجت بغرفتي ايات ونور صديقتي وسمر بت خالي
نور: اي ايات اليوم احنه انزعهة البدله باجر علي ينزعهة
سمر : هههههه هاي اذا ما نزعهة
زينب: طاح حضجن
ايات: اي ينزعج هيج ويكرصج وكرصتني
زينب: ااااخ ووجع
نور: ههههه يكرصج هيج
سمر : لا ولج شنو هيج
ايات: اتشاقه ولجن هههههه هاي ثوله انشالله منزعهة ومكارصه واتكله شو ماكرصتني وتفضحنه كدام الولد
سمر ايات نور : ههههههههههههه
زينب: كبر انجبن واسكتن
وره ماراحن بقت بس ايات بت عمي وسمر بت خالي الباقي كلهن راحن
بقن يسولفن وياي ويشاقن فيمكن نسيت القهره وبقيت ماذكره بس الخطبه
فكتلهن بنات اريد اسبح
اخذت ملابسي طلعت جاي اطب للحمام شفت حسين
حسين: مبروك حبيبتي شايفه كل الخير تقريت ابوسهة
زينب: كبل وخرته كتله متحاجيني ولا احاجيك الاخر يوم من عمري روح الله لا يوفقك فهو رأساً ضربني
اني انصدمت من ضربني
فكمت ابجي هو شبكني كتله وخر وخر مني كرهتك بكد ماجنت احبك يا اخوي
وخرت منه وطبيت اسبح منو شافتنه شافتنه ايات بت عمي
فهو ضاج صعد الغرفته واني سبحت طلعت عيوني حمر سئلتني امي واخواتي كتلهن مابيه شيء من المي ولان مكياج
ويه النوم وراسلني رقم اسمه علي الساعدي عرفته هو دخلت ع الصوره هذا علي
مجاوبته
رجع ايخابر مارد سويته صامت بس رجاج
فكلهة نامت واني دموعي تجري كلهة نامت بس ايات كامت واجت بصفي كالت احجي شبيج تبجين سكتت بقت تلح كتلهة كذا السالفه
بقت تنصحني حبيبتي والله مبين خوش رجال شفتي اهلهة ناس محترمين ولج وبيتج وحدج وصدكيني انتي حبابه لامن اليعاركن ولا اللسان صدكيني راح يطير بيج واكسبيه تره البجي مايفيد شفتي خطبتج اشكد حلوه
كتله ادري يس مو بيدي مامقهوره لان انخطبت كل البنات يتزوجن والحمدلله والشكر اذا خوش رجال بس القاهرني اخوي جبرني وبطلني وضربني ماجنت متوقعه هيج
ايات: زين انتي ليش ماكلتي العمي وجان رفض
زينب: ماكدرت اخاف ع حسين خاف بابا يتعارك وياه
ايات: باع كلبج الطيب خفتي ع اخوج وابوج وضحتيتي بمستقبلج الهم
زينب💔
ايات : تلفونج ايدك منو
زينب: يمكن علي
ايات: ولج عيب جاوبي
زينب: استحي شكله
ايات: كولي الو وهو يحجي معليج
زينب: والله استحي
ايات : والله راح اكتلج
زينب: منين جاب رقمي
ايات: هههههه اشكد ثوله يعني واحد خطب وماعده رفم خطيبته
زينب: هم صدك
باعي شوي وارد برساله اكله جنت يم البنات
ايات اي عفيه
علي: بقيت احوس لازم احجي وياهة هو الهسة ماسماع صوتهة ولا متفاهم وياهه راسلت حسين