البارت الخامس و الاربعون
#الجزء- الثاني
#بقلم-malakuu
يلوموني لان سمستك هواي
ومشيت وياك وانته مو بكدي
احبك عود اعوفك سالفه هاي
احبك حتى من تصير ضدي
بجيت انه وشسولفلك على بجاي
ريان
جنت توني حاط راسي ع المخده واريد انام اجاني اتصال خلاني اركض
رديت ع المتصل
هناء... لك علي الحك ليال راح تروح من ادينه تعال بسرعه
جانت تحجي وتبجي انجر التلفون منهاا
راغب.. علي احنه بستشفى (..... تعال بسرعه ولا تحجي لحد
ريان.. جايكم
راغب.. رياااان لج هناء هاي عليمن متصله .. بويه ريان اكعد شيجيبك الله يرضه عليه الولد جاينه لمستشفى اكعد ادراجك بويه
ريان..طول ما هوا يحجي اني ابدل اخذت السويج سده جدو جايكم وحتصل ع ابوي سديته منه وطلعت
احس اني هم جاي اتاذه ليال جزء مني
صرت اسابق اني وطريق اريد اوصل احس الطريق طويل مدري يتخيل
دنيه ليل
بدت الدنيا تكشف وصار صبح يلا دخلت لبوابت البصره ردت اروح للبيت بس اذكرت جدو كال اسم المستشفى
رحت كيل هناك اول ما وصلت حتا اسياره ما صفيتهاا
دخلت اركض وكفوني الحراس
..عندي مريضه اريد ادخل
الحارس.. مممنوع الزياره بيهج وقت رجاء روح
.. كتلك خليني ااااادخلي
الحارس .. لا تصيح وين كاعدين اخي كنالك ماحو زياره بيهج وقت
.. الله مصبرج ياا روح اتصلت ع جدي وكتله اطلعلي
راغب.. يعني اجيت ريان شعدك اجيت يا جدو كنالك لا تجي
.. بعد اجيت بس تعال دخلني هذول الزفت ميقبلون ادخل
اشوي وطلع جدو رغم بلكوه خلوني ادخل بس لان عدنه ع ف بلمستشفى كدرت ادخل لكيت بيبي كاعده وتقرالهاا قران
وابوي كاعد ع الكرسي وحاوط ايدي براسه كلهاا مبين القلق عليهاا
سلمت عليهم وكعدت ماحب يجادلوني ليش اجيت من بغداد لهناا لان الوضع ما يسمح
لا خلونه ندخل نشوفه للضهر وحنا ع كعدتنه رحت للكافتريه جيتلهن اكل اكيد ما ماكلين لا يوقعوني علينه
بلكوه خليتهم ياكولون وكضوهاا بس يشربون جاي
بدت اوقات الزياره والمستفى بدت تنملي
اجا عمو عباس وامي وعتقد غدير بقت يم الجهال سلمت عليهم واحضنت امي ردت ارجعلهم بوقت غير هاذا وبمرقف حلو ردت افرحهم بزواجي من حب عمري بس الحادث ليال قلب كلشي
الحمدلله ع كول حال اهم شي تطلع سلامات
طلع الدكتور وركضنه كلنه عليه ونسئله
الدكتور.. حالته كلش خطره اذا عبرت 24 ساعه ومصحت راح تدخل بغيبوبه جانت الضربه قويه اجت ع الجمجمه
حجالنه شوي عن حالتهاا ودخلنه بحالت رعب صرنه نحسب الساعات
بيبي وجدو رجعو بس بلكوه وبيبي كلساع تكول خنت الامانه نطوهاا ابر مهدء وراحت للبيت بقيت اني وامي وابوي وعمو عباس راح يوديهم
مرت 24 ساعه جحيم علينه صرنه نداوله عليهاا بس اني ما تركت مكان اتصلت ع صاحبي حتا ياجلي الامتحان صار عندي ضرف
وهوا الولد كال اني تكفل بكلشي
ومخلو احد يدخل عليهااا اله شخص واحد
بلكوه قنعتهم اني ادخل
لبسوني الزي وجفوف وحطو ع راسي دخلت عليهاا محاوطتها الاجهزه من كل مكان كعدت بصفهاا وكضيت ايدهاا
.. هاا ليال شنو تردين تركيني وترحين لج اني اجيت من بغداد علمودج ههه وانتي ولا تستاهلين
ازعل عليج اذا تركتيني وترحين شنو متردين تحضرين عرسي
انتي منو تكولين جهالك اشبعهم كتل كعدي وكتليهم عادي اقبل والله
والله
احجي ودموعي تنزل ولا يوم بحياتي تمنيت انو اشوفهاا بهاذا المكان
..ليال ماسامج طول عمري اذا مارجعتي
حسيت بيهاا تقبض ع ايدي حيلل وينزل من عيونهاا دموع
طلعت اركض من المخبل اصيح للسسترات الدكاتره
كلهاا كامت تتراكض ع صوتي اجه الممرضات والدكتور ودخل
وانسد الباب
مرت اربع ساعات واحنا ع حطتنه كلساع تطلع ممرضع تروح وترج ثانيه خبلونه ونسئله تكلنه انتضرو الدكتور
بعد ساعه ونص طلع الدكتور زمخته من ياخته ..شنو هياا لعبه احجيلنه بتنه شلونهاا نزل ايدي بهدوء وحجه
الدكتور .. راح اسكتت عنك لان موقف صعب وحقك تخاف
الحمدلله عدت مرحلت الخطر بس بعده وضعه مو مستقر فا الافضل نبقيها هنا
تاسفت من الدكتور ع موقفي لان بلحظة غضب
هدئت القلوب القلقه عليهاا وصل خبر لعمه ملاك وباقيه تبجي
وكلساع تتصل كلت اخذهم للبيت وهم ابدل ملابسي وارجع
بلتواسيل كومت بيببي من الكرسي
وصلنه للبيت نزل جدو قلبنه واني انزل بيبي انفتح الباب
واجنت منتبه جدو عليمن يسلم
هنى..طيني اديج خاله اساعدج
رفعت راسي ع صوتهاا واجت عيني بعينه اااخ يا نفس ريان شكد مشتاقلهاا ولصوتها لصالي سنه ومسامعه متغيره حيل
كبرانه بنتي العيون ذبلانه وحمر شكلها باجيه لوما العيبه جان حضنتهاا
هناء..لك ريانو امشي عليمن صافن مو رجليه بعد ما يحملني
ريان..احم امشي حجيه امشي دخلناهاا للبيت وصلتها لغرفتهاا
وطلعت وجانت هنى تمشي بصفي بطئت خطواتي
..شلونج
هنى..الحمدلله انته شلونك ليال شلونهاا
..معليج بيهاا تصير زينه غصبن عليهاا
هنى..ياا ل
..ههه تركتني وراحت وطلعت امي من المطبخ
نور..عندي حجي وياك بس مو هساا خلي تصير زينه ليال النه كعده طويل
..شتغلت رحمة الله راجع لبغداد اني سبحت وبدلت ورجعت للمستشفى بس قبلهاا توصيات نبع الحنان ونطتني حافظه كلها اكل
..هاي اذا بقه منا لحد ما اوصل هههههه
نور..اموتك لاتاكل منه كله ليال
..لعد اني ابن البطه السوده
نور..اشتري من كافتريت المستشفى
وتركتني وراحت مو اكلكم اني مو مال ارجع للبصره
اضل هناك احسلي
وصلت للمستشفى ومطينه مثل كارت حتا نكدر ندخل
جانو مغيرين غرفتهاا دكيت الباب ودخلت
جان الدكتور يمهاا
..سلام عليكم
الدكتور..وعليكم السلام
اطمنت ع صحتهاا وطمني وطلع ضليت متندد ع الاريكه
لحد مصحت
ليال
فتحت عيوني اول مره اجهزه محاوطتني من كل مكان
وصوت احد بس ما افهم منه اي شي وصوته بعيد عني
اريد انطق ضليت ابجي ع عجزي هاذا ماكدر لا احجي ولا شي معقوله صرت ماشوف وحتا ما احجي نخرست لا لا ليال انتي بعدج بلمستشفى بعده انقطع الصوت عني ورجعت للضلام
صحيت بس بغير غرفه جسمي مكسر تكسرر وحلكي ناشف
اريد ماي بلكوه طلعت هاي الكلمه مني
جنت عيوني متركزه بس ع السكف احس بيهن ثكل حتا ماكدر احركهن اني وين بضبط ماعرف
اريدد ماي
اجه شخص اول مره اشوفه ونطاني ماي
باوعتله .. انته منو
ريان.. ليال شبيج شنو دايخه اصيح للدكتوره
.. وين بيبي وخرر عني وخرر
ريان.. وج ليال اني ريان شنو نسيتيني ليال جاي اجذبين عليه مو
..وخررر وخرررررر
ريان
ردت فعل ليال طيرت عقلي شنو ماتعرفنيي صدك جذب طلعت اركض للدكتور وشرحتله شصار واجه وياي
فحصهاا وهياا تباوعلي بخوف
طلعنه خارج الغرفه وكال الدكتور.. المريضه صاير عنده فقدان ذاكره موءقت
ريان.. يعني شنوو فتره وترجع تذكر وشكد المده
الدكتور.. فقدان الذاكره موءقت تكون المريضه ناسيه معضم الناس مو الجميع واكثر يلي ينسون بهاي الحاله يلي كانو قريبين منهم
وتتراوح مدته من اربع اسابيع الى شهرر اكثر شي
ريان..بس دكتور هياا ماتذكرني
الدكتور.. مثل ما كتلك حتنسه معضم الناس وانته من ضمنهم
ريان.. تنهدت وشكرت الدكتور ورجعت دخلت وكعدت احاول اذكرهاا ماكوو اطلعلهاا صور اني وياهاا تكلي منو انته
اتصلت ع ابوي وخبرته بلي صارر دقايق ولكيتهم كلهم يمي
سمحولهم يدخلون لان جان وقت زياره عادي
تعرف ع بيبي وامي والباقين ترك
نور.. تعاي ابوسج يا خاله همزين اتذكرتيني
ريان.. حا حضي الاغبر شبيها ما ذكرتني ولج ليال اني ريان شبيح
راغب... ههههه ولك ريانو عوف البنيه ما صدكنه صارت زينه
ريان.. اني اعلمج بسيطه ليال اذا صحيتي ورجعتي تذكرين اطيح حضج
ليال.. بيبي هاذا منو ليش ديعيط
هناء.. ولكك ريانوو اسكت وعوفهاا لا تضغط عليهاا
بعدد مده راحو وبقيت بس اني وبيبي يمهاا بس اكو شغله جنت ناسيهاا اخذت سويجي وطلعت للبيت واول مدخلت
رحت لجدو
.. حسب مكلت انته شفت يلي دعمهاا منوو
راغب.. معليك فضينه هاي شغله وعيب من الرجال وهوا جارنه وبينه عشرت عمرر
.. عشرت عمر شنو منوو حجي جدوو
راغب.. شبيك بويه جيرانه بيت ام صهيب والولد حيل لتاسف وراد يدفع بس اني ما خليته
.. اهااا ولهدرجه ليال رخيصه عدكم هيج عادي
راغب.. ريااااان ضليت تمسلت بلحجي احجي عدل
..لكم جانت بين الحياة والموت ويلي خلاها بهاي الحاله كدام عيونك
وانتو شسوستو عيب عشره عمر طز بلعشره هم هو صوجه اجت وحسباله انتو ناس مثل الاوادم لا اخذتو حقه ولا شي تركتو بس كلكم اسف كلتوله عادي فدوه الك موو
تركته ورحت صعدت فوك وهوا بقاا يعيط جواا شسوي يالله ناس ماتفهم
ليال
جنت صافنه ع السكف وافكر يكل الاشخاص الشفتهم يعرفوني بس اني ماعرف ليش اووف والله تعبت
ساعدتني بيبي حتاا اكوم رادت تدخل واي كلتلهاا اكدر وحدي
روح رجعي دخلت للحمام وغسلت وجهي احس نارر تطلع منه حرارتي حيل مرتفعه كلساع اذب ع وجهي ماي بارد اريد ابرده
باوع ليدي يرجفن ورجلي بلكوه واكفه عليهن شصار بيج يا ليال شصار
نشفت وجهي وطلعت واجت بيبي تمشي حتا تساعدني وصلت ليم الجربايه
هناء.. حبيبه لبس شالج راح يجون بيت ام صهيب
ماعرف ع منو اقصدي بس حطت شال فوك راسي
سندت راسي ورجعت صفنت بوضعي هاذا اني شسوي هناا ومن يمته اني هناا وشصار بيه واجيت افكار هواي
اتوقفت ع فتحت االباب ودخول ناس ماعرف اول مره اشوفهم
سلمو ع بيبي بعدين اجو عليه والمره الكبيره حضنتني حيلل وتاسفت مني ع شنو ما اعرف
دخل واحد بس جان مدنك راسه ما شفته حد اعراض ع الطاوله وسلم ع بيبي وهوا مدنك
وراد يطلع بس توقف ع حجي بيبي
هناء... اووف يخيه شحجيلج البنيه فقدت ذاكرتهاا وما تعرف احد بس اني وخالتهاا والله اعلم اذا عرفت امهاا
باوعلي الولد وهوا مصدوم وخله وطلع بقت صورته بالي وعرفته هاذاا صهيب الوحش شسوي هناا ليش اجه وراي اجت بنيه احس نفسي شايفتها بس وين
مريم.. شلونج ليال
.. زينه
مريم.. اني مريم صديقتج ماتذكريني
.. منو مريم
مريم.. تنهدت ونزلت دموع من عيونهااا
.. لا تبجين فدوه راح احاول اتذكرج اضوج من احد يبجي فدوه
مريم.. ههه
وضلت اطلعلي صور بيهاا اني وياهاا وتعرفني ع كول شخص
جانت تكلب بصور وصدفه توققت ع صوره ورادت تقلبهاا كتله اوكفي ...هاذا موو صهيب الوحش ليش عندج صورته
مريم.. تعرفين صهيب
.. ايي هاذا جان يخوفني ولحد الان اخاف منه
مريم.. ايي تذكريه تذكرين جان عنده اخت صغيرر
.. اممم لاا ماعنده اختت لااا
ان صهيب .. مريم عوفي البنيه متشوفين حالتهاا
بقو شويه ورادو يطلعون انفتح الباب ودخل هاذا الولد يلي مساع
جان يمي وقميصه مشكوك وكله تراب
ودعونه وطلعوو وبيبي راحت عليه وتسئله شصايرر
ريان ....
حبايبي اذا تردون عادي اكدر انهي القصه بارتين للي يكولون يمته تنتهي القصه كيفكم عادي عندي اكدر هساا انهيى واختم القصه
وتنتهي قصة حبيبي علمني العشك ✨.
يتبع ....