-- ميار 💕👆--
*بسم الله*
.
.
.
.
.
.
.
.
.
قعدت نعصر في مخي على كذبة ومكانش من غيرها
ميار : بداتني لاغريب
قتهالو ورحت نجري لبيتي وخليتو واقف باينة خرطة
جواد:
نضت مع صباح درت دوش.. ولبست تريكو ماغون مع سيرفات نواغ ليوم نخدم فدار برک
هبطت لتحت نشرب قهوة.. لقيت ميار مريحة.. حتى ناضت تجري شغول هاربة.. شفتها صفرة وحاكمة كرشها ومن عينيها باينة مرقدتش.. سقسيتها قاتلي لاغريب.. جامي شفت لاغريب هكا طلعت وانا رحت ريحت في بلاصتي.. حتى جات يما تهدر
رحمة : وراهي ميار
جواد : طلعت علاه
رحمة: نمدلها لكاشي تشرب
جواد : وشبيها
رحمة : مريضة برک.. وراحت
رفدت قهوة وطلعت.. سمعت يما تحكي من بيت ميار
"ايدا حسيتي روحک محبستش نديک لطبيبة"
" نشالله خالتو"
"مالفة ديرلک هكا ... باسكو راكي صفرة"
" ايه هكا دايمن .. مي نسيت لكاشي ديالي "
"خلاص بنتي.. كي تتزوجي تتنحالک"
"خالتووو"
"ههههه خلاص بشفا عليک"
غير جات تخرج زربت في رجليا ورحت لبيتي.. نوغمالمو فهمت وشبيها
حكمت لpc وقعدت نخدم مبيد توصل لجاموعة .. كملت شفت ساعة لقيتها 12:00 نضت دوشت ولبست قاميص باش نروح لجامع.. هبطت لتحت لقيت يما وميار مريحين واسراء فالكوزينة.. شفت فيها لقيت ولاتلها روح حمدلله
رحمة : ضوگ تروح
جواد : آنعم يما كاشما تحتاجي
رحمة : اتهلا فروحک
جواد : نشالله
خرجت لطونوبيل حتى سمعتها مورايا
ميار : احممممم
جواد : وااش
ميار : اهدر مليح.. حبيت نقول حاجة ايدا مفيهاش شقوة
جواد : قولي
ميار : والله في خاطري لفراز راني نشوفها بين عينيا وشيبس تع لملح وبيتزا وكانيطة كوكا
هاد طفلة مليحة في راسها هاذو كامل وين يروحو.. وهي دايرة كي لفرخة
جواد : معنديش الوقت
خزرت فيا وتنهدت
ميار : ؤؤک صحا..
دارت وراحت باينة راهي في قلبها.. حتى اناكنت راح نجيبلها
طلعت فطونوبيل ورحت لجامع فدخلة تلاقيت ب اكرم وعمي محمد رحنا توضينا ودخلنا...
كي خلاصت لجاموعة رحت على سعدي شريتلها.. ودخلت لدار سمعت لهدرة فلكوزينة
طلعت لبيتها مشي منظمة كامل طفلة هاذي حطيتلها صوالحها وغلقت لباب
دخلت لبيتي بدلت حوايجي .. جزت على بيت يما لقيتها تقرا فالقرآن طبطبت صدقت بالله وناضت
رحمة : الله يقبل وليدي ضوک نديرلک تفطر
جواد : لالا ريحي ضوک ديرلي اسراء
رحمة : كيما تحب وليدي ..طولت ليوم
جواد : تلاقيت ب اكرم هذا مكان
رحمة : معليه وليدي
جواد : انا نهبط..
دخلت لكوزينة لقيتهم يحكو
قعدت على لكورسي
جواد : اسراء حطيلي نفطر
اسراء : اووه والله مشفتک .. ميار راني طالعة نقرا حطيلو
ميار : اييه ؤؤک
خرجت .. وميار سمعتها تمتم فالهدرة
" مليحة هاذي .. كي قتلو اشريلي محبش وضوک نمدلو رهج ياكل"
جواد: سمعتک
ميار : مليييح
ستفت طبسي ولمغرف وحطتلي ناكل
وهي خرجت شويا عاودت ولات ورافدة لماكلة ليجبتلها
حطتهم فوق طابلة وريحت
ميار : ممم مرسي حسابتلي مراحش جيبلي
بدات تاكل شغول شكون راهو يجري موراها وانا
معرفتش كيفاه ناكل.. عيني وين نهرب بيها تعاود طيح عليها
تاكل وتبعد في شعرها.. حتى دارت ليا تهدر وفمها معمر ماكلة
ميار : افتحهالي
جواد : ابلعي واهدري
حكمت لكانيطة تع لكوكا ومدتهالي
ميار : افتحهالي منقدرش
حكمتها وفتحتها..
جواد : لماكلة هذيک كامل وين تروح
ميار : بركاا متتمسخر.. ديجا انا لغالطة لي ريحت ناكل معاک
جات نايضة ورافدة لباطة..
جواد : ريحي
ميار : مآآآه
جواد : ريحي قتلک
ريحت وكملت تاكل وتشرب هاذي مفطرتش على جال هاذو ؟
جواد : ديريلي قهوة
ميار : ؤؤک.. ناضت ودارتلي حطتهالي وهي ريحت تفرز فلماعن
معلباليش كيفاه نطقت
جواد : ريحتي شوية
ميار : ممم حمدلله
جواد : حمدلله..
**إسراء**
ليوم ملي نضت وانا نقرا مريحتش كامل باش غدوة انا وميار نخرجو نشرو حوايج... حسيت رقبتي تعوجت شفت ساعة لقيتها 5 هبطت لتحت لقيت ماما تغلق فلبايط وباينين تع ماكلة
إسراء: واش ماما شكون معول ياكل هاذ لوقت
رحمة : جيتي فوقتک
إسراء: علاه؟
رحمة : آدي هاد لماكلة لدار عمک محمد باش يتعشاو
إسراء : منيتک ماما آبعتي جواد
رحمة : مكاشو خرج مقبيل
هيه مليح مالا باينة هداک رهج مكاشو لثم وراح مع جواد
إسراء : ؤؤک نروح ندير خماري ونجي
طلعت نلبس جبدت بوليرو طويل باسكو كنت.. لابسة بيجامة سروالها عريض غير تريكوها قصير لبستو وعدلت خيماري وهبطت
مدتهملي وخرجت.. دارهم قطيع طريق
خرجت ملبورتاي مشيت شوية وقطعت
وصلت لدارهم طبطبت وسنيت شوية.. حتى فتحلي يااا ربي كاين غير هو
مديت يدي وهو يخزرلي مستغرب
إسراء : بعتاتو ماما هذا عشاكم
حكمو عليا وطلع حاجبو
أكرم : جاية فطريق بهاد لبسة
إسراء : آنعم علاه
أكرم : ادخلي
إسراء : نتا مريض سور.. آني رايحة بسلامة
جيت رايحة حكملي يدي وجرني موراه
أكرم : آو هنا بابا متفهميش بمخک صغير وضوگ انا نوصلک
راح لكوزينة حط صوالح وولا ليا
أكرم : امشي قدامي ..
خرجت قبلو وهو غلق لباب
انا نمشي وهو مورايا.. حتى حسيتو حكملي يدي جيت نحيها زير عليها وقطعني
إسراء : نعرف نقطع وحدي منيش طفلة صغيرة
أكرم : بنسبة ليا راكي صغيرة
مووور 5 سنين مزالو يعاود فيها...
وصلني كيما لباب طلقت يدو ودخلت... صامط
أكرم:
كنت مريح فصالون نتفرج وبابا لفوق... سمعت طبطيب روحت وفتحت لقيت إسراء ورافدة صاشي
ولالة طريق كومبلي خرجت بهاذ لبسة.. لخرة ديالي نهبل على فرخة
دخلتها لدار مي مخها صغير يديها لپلايص منعرف وين خرجنا.. منعرف علاه حكمتلها يدها وباش نقلقها قتلها مزالک صغيرة... حسيتها شوية وتهجم عليا.. سنيتها حتى دخلت ووليت لدار ...لقيت بابا يتبسم وحدو
أكرم : خير بابا فرحنا معاک
محمد :إسراء كانت هنا
أكرم : وي جابت معاها لعشا
رحت ريحت قدامو
محمد : ووين كنت
أكرم : احم رحت وصلتها لدار
محمد : خير ماعملت لا تروح طفلة وحدها
أكرم : آنعم بابا
رفدت ل pc وبديت نخدم.. ونحكي مع بابا
محمد : غدوة تروح لشريكة
أكرم : وي لازم هاذ سمانة نكملو شوية خدمة راگ تعرف خرجنا عرس نصرو
محمد : ايه هو شطار وراح يدير دار مشي كيما نتوما داخلين غير على الخدمة
أكرم : يا بابا نهار يكتب نتزوجو
محمد : ضوک كي يكتب مشي مزال شويا
أكرم : كيفكيف بابا
محمد : حتى جواد مرهوش معول واقيل
أكرم : مشكيتش
محمد : آآ ضوک يتزوجو لبنات ونتوما ريحو
أكرم : شكون لبنات
محمد : بنت زهرة ميار و إسراء راهي ولات مراة الله يبارک
أكرم : مزالت صغيرة
محمد : وقتها مكانش هذي مزالت صغيرة
هذاک مخص فرخة تتزوج وهي فيها نص ميترا
أكرم : نشالله.. نوض نسخن لعشا
محمد : روح آوليدي
نضت رحت لكوزينة فتحت صاشي ولقيت لماكلة.. حطيتها فوق لفورنو كي سخنت وجدت طابلة
أكرم : بابا ارواح تتعشا
محمد : راني جاي
شويا ودخل بابا كلينا وخرجنا لجامع نصلو
ميار:
ستفت هديک لفراز لي جبهالي... مزية دار هدة شابة
ريحت قدام اسراء وحطيتها في حجرنا وناكلو
ميار : واش كملتي قراية
اسراء : وي مآمنتش حسيت فوادي خرج
ميار : معليش المهم موراها عرس
اسراء : شفتي زهرک مزية جاتک مدام غوج قبل لعرس
ميار : ضوک شوية زهر حسدتيني فيه..
اسراء : ناناک
ميار : نجوز عرس فوور بزور
اسراء : راكي مقلشة روحک ياه
ميار : خوک شرالي
كيفاه صوطات هديک حبة فراز قريب حصلتلي...
اسراء : كيفاه كيفاه خويا متزيديليش
ميار : وي علاش
اسراء : صحا خويا
ميار : والله تشهيتهم وفي هاذ المرحلة هكا تصرالي وليوم لجمعة وغير هو لي خرج وزيد مع لول محبش
اسراء : وكيفاه جابلک احكيلي
حكيتلها كلش دخلت فسين وجيم
اسراء : آمممممم هكاک وزيد حطيتيلو يفطر شغول مرتو
ميار : شغول ناناک قالو مرتو
اسراء : علاه واش فيها يولو يسموک مرت خويا
ميار : واقيل ديتيها في راسک نوليو لنفس لهدرة
اسراء : حبيت نقول خويا ايلا حب حاجة حتى يديها باش يتهنى
ميار : ممممم.. تآثرتي بزاف
اسراء : وي شفتي
تفكرت حاجة وخزرت فيها تع اهدري
ميار : حقا يالالة شفتک متاقة
اسراء : واش شفتي
ميار : حبيب القلب يوصل فيک لدار آآ وحاكمين يدين بعضاكم
اسراء : ياودي وصلني برک زيحسابلو مزالني ذراري يحكم فيدي ويقطعني عجائن اكسترا بنان هذا مكان
ميار : صار هكا.. كروم هذا يخرج منو ياه
اسراء : مخرج والو مزالو يقولي صغيرة و ما صغيرة
ميار : مي نتي حابسة في حيط والله.. باينة يتمسخر
اسراء : لالا قالها سيريو
ميار : آيا صحا خليه يدير في بالو واش يحب
اسراء : هيه حتى انا كرهت
ميار : شفتي نهار جا باباک
اسراء : ايه
ميار : نحكيلک مي متبدايش يرحم والديک
اسراء : يالله احكي
ربعت يديها تسنا فيا نحكي.. حكيتلها شغول ليوم نخرجو فالفضايح
كي كملت خرجت فيا عينيها.. اومبعد تبسمت
اسراء : متزيديليش قالک ختي ... آواه
ميار : شفتي دايرني ختو برک
اسراء : بهلول ميعرفش صلاحو..سكتت شويا اومبعد عيطت ... بصحححح كيفاه هذي خرجتو كيفكيف تسما
ميار : حبسي تمتم تخرجي بهدراتک كان مقلق برک
اسراء : جواد نهار يتقلق يريح وحدو ياک وزيد هو مشي يدنا لي جات والله مزالني مشوكيا كيفاه يهدر معاک
ميار : علاه بصح..
اسراء : وي هذاک نهار سارة بنت خالتي صافية حاسبتها وجات تهدر معاه ربحلها ديراكت لعيب
ميار : كيفااه
اسراء : كيما راني نقولک اصلآ منحملهاش هذيک طفلة تحسب روحها شغول منعرف وهذاک نهار جاو عدنا وطلعت لبيتو.. آبخي حاوزها مع جواد ميحبش لي يدخلو لبيتو
ميار : متقوليليش ضوگ كي نروحو للعرس نلقاها لثم
اسراء : آآيواه
ميار : تخلاص عليها ماال
اسراء : غير متخلطيش فيها راني قتلک
ميار : هذاک مخصني نخلط فيها
اسراء : مممممم
ميار : وااش
اسراء : لي راهي في بالي
ميار : وشنوها
اسراء : آآممم والو.. حقا غدوة نخرجو ياک
ميار : اييه صح بصح واش نشري
اسراء : لثم منلبسوش بيجامات يابنتي نخرجک نشريو جبات تع دار
ميار : يسموني مختشوبة فهاد لعرس
اسراء : ههههه والله يطيحو كي ذبان
ميار : مليحة منبورش
اسراء : لالا متبوريش ضوک يطيرو بيک
ميار : قالولک جايا نتزوج انا
اسراء : نشاااللله
*************
مع صباح ...
هبط جواد باش يروح يخدم..
رحمة : صباح الخير
جواد : صباح الخير.. يما قهوة تعيشي
رحمة : دوک نوجدهالک وليدي
راح قعد ومهبط راسو فتيليفون حتى بدا عياطها كي لعادة
ميار : صباااح الخير يا طيير
شاف فيها.. وعاود هبط راسو دخلت لكوزينة
ميار : صبااحو
رحمة : صباح النور
ميار : وشبيه وليدک قالب علينا وجهو
رحمة : ههههه كاشما نام فليل
ميار : آيوااه.. خليني نكمل روحي ريحي
رحمة : معليش
راحت قعدت فوق طابلة تع صالون مع جواد
رحمة : وشبيک ياوليدي قالب وجهک
جواد : انا.. لالا علاه
رحمة : ميار قالت
جواد : صاار..
على كلمتو لخرة دخلت حطت حليب لرحمة وراحت
جواد : وراهي قهوة ديالي يما
رحمة : ههه واقيل زعفت ومدارتلكش
دخلت ميار وفيدها كاس وريحت قابلاتو
جواد : وراهي لقهوة
ميار : نهار تتعلم تريبونديلي لثم نديرلک قهوة ياا خي حالة ومع كل احتراماتي ليک خالتو مي وليدک طايحها منعرف واش لخطرة لجاية نزيد نصبح عليک ياافتاح يارزاق كان طالعلي لمورال هبطتهولي.... وشنفت
جواد : لاحول ولا قوة إلا بالله... يما راني رايح
رحمة : نجيبلک قهوة وروح
جواد : لالا خلاص نشرب فلخدمة
خزر فيها تع حسابک منبعد وراح
رحمة : ههههه طلقتيهالو على خطرة كنت نسنا ينوض ليک
ميار : مزال ميعرفش ميار ديت لحزام الاسود فلكراتي
دخلت اسراء..
اسراء : وشبيكم ياناس دار
رحمة : كي لعادة لقط والفار يضاربو
ميار : هو بدا مشي انا
اسراء : متتقلقيش هرموناتک راهم طالعين
ميار : اييه صح
اسراء : نزيدو شوية نروحو.. ماما جا عمو فاتح
رحمة : وي جا لبارح.. بصح وين بيها
ميار : نشرو حوايج العرس
رحمة : آآ بلاكو على روحكم..
اسراء : كاش مصيرفة لعجوز
رحمة : وعلاش مقلتيش لخوک.. معنديش هنا انا
اسراء : آحااي تسما نشقاو حتى لعندو
رحمة : معليش.. ونتي تان بنتي ميار
ميار : لالا خالتو والله عندي
رحمة : واش هاذ لهدرة راكي كي بنتي
ميار : معليش خالتو
ناضو يلبسو.. ميار جبدت سروال جين نواغ مع تريكو بوغدو.. لبس باسكات نواغ طلقت شعرها... رفدت ساكودو دارت تيليفون ودراهم وخرجت... اما اسراء لبست روبا نواغ فيها سبتا دارت خمار فاغ ميليتاغ.. لبست باسكات في نفس لون زادت صاگ نواغ وخرجت لعند ميار هبطو لتحت
وصلهم فاتح كيما شريكة هبطت غير اسراء وميار ريحت تسنا فيها لتحت.. طلعت لفوق وين بيرو جواد.. دخلت لقاتو مع لورق
اسراء : اخي لعزيز
جواد : غير لخير واش جابک
اسراء : هكا تقولي.. شوف راني خارجة نشري حوايج لعرس ونسحق مصيرفة اخي لعزيز
يهدر معاها ويخرج في دراهم
جواد : خارجة وحدک
اسراء : لالا جابنا عمو فاتح
جواد : شكون نتوما
اسراء : انا وميار
مدلها دراهم.. وخزر فيها
جواد : مطولوش
اسراء : نشالله مرسي
جات خارجة حبسها
جواد : اسراء ارواحي
اسراء : آنعم
جواد : مدي هادو لميار
اسراء : ؤؤک خويا آيا ربي يعاونک
خرجت فدخلا زدمت في بنادم.. طلعت راسها لقاتو اكرم
اكرم : واش جابک لهنا
اسراء : مثلا واش جيت ندير
اكرم : نتي لسانک حتى نقطعهولک باش تريحي
اسراء : سبحان الله.. انا نروح
اكرم : وين بيها
دورت راسها ...
اسراء : نمدلک تقرير.. ؟
اكرم : اهدري
اسراء : نروح نشري حوايج تع لعرس
اكرم : وحدک
اسراء : نتااا تشهد لكافر.. مع ميار
اكرم : اييه ؤؤک روحي
اسراء : الله اكبرر.. حتى قتلي روحي.. آيا باي
راحت وطالعلها لغاز لراس
"خص غير يقولي ديري نقاب"
اما اكرم دخل لبيرو تع جواد.. حطلو دوسي وريح على لكورسي
ويحكو على لخدمة
****
دخلت اسراء لطونوبيل
ميار : مطولتييش كامل علبالک
اسراء : آي نهار ميكونش كاين رهج كيما اكرم
ميار : آآممممم
اسراء : هاكي هذو مدهوملک جواد
ميار : لالا مانديهمش
اسراء : المهم وصلتلک دراهمک اومبعد رجعيهوملو
شدتهم وخباتهم..
وصلهم ل سونتغ كوميغسيال هبطو مخلاو حتى بوتيک مشراوش فيه.. وصل وقت لفطور كلاو كي جات خارجة ميار تفكرت فاتح لي راهو يسنا فيهم ومكلاش... عاودت راحت شراتلو
ميار : اقعدي هنا نروح ندي هدو لعمو فاتح ونولي
اسراء : ؤؤک ازربي
هبطت راحت تجري مدتهولو
فاتح : علاه شقيتي روحک يابنتي
ميار : معليش عمو بصحتک
عاودت طلعت حوست على اسراء حتى حفاو رجليها.. لقاتها قدام كوسميتيک
ميار : علااش بوجيتي من بلاصتک بسيف لقيتک
اسراء : غمتني ريحت لماكلة لثم
ميار : هيه هيا نكملو
كملو يشرو جوزو جوغني كامل غير فشريان شغول عرسهم
اسراء شافت ساعة لقاتها 4:30 تع لعشية حوست على عقلها ملقاتوش
اسراء : هياا مياار راح لحال ضوک جواد يكون فدار
ميار : حمباباک متبدايش هاذ صاشيات بزاف تبوجيني نطلق كلش
اسراء : ايه هيا
خرجو عاونهم فاتح وهوما ركبو.. وصلهم لدار
اسراء : الله اكبر طونوبيل ديالو آي هنا
ميار : ارفدي وامشي يالله
******
جواد....
وصلت لدار لقيت يما برک آو مزال مجاوش شفت ساعة كانت 4 وملي راحو صباح.. رحت بدلت حوايجي لبست سيرفاتمون نواغ.. رفدت تيليفون عيطت لعمي فاتح... وقالي مزالهم يشرو
هبطت لتحت نتفرج ونسنا فيهم.. حتى ل 5:30 باش دخلو وصاشيات حتى قريب هما مبانوش
جواد : هذا وين مصبح
اسراء : الله غالب حاجة متعجبها
ميار : شووف كيفاه تحصل فيا نسيت شكون ريح ساعة قدام لكوسميتيک
اسراء : مالا انا لي كنت نقيس ونعاود وميعجبونيش لحوايج
جواد : صاي بلعو.. اطلعو
طلعو ويضحكو... علبالي دارو هادا كامل بلعاني وخدايم هديک دورت راسي وشفتها واش لابسة.. اييه مليح خارجة هكا متفهمش
خلاص لماتش وطلعت لبيتي نريح راسي بدا يوجع.. رفدت ل pc لقيت قدامو دراهم.. وهادو لي عطيتهملها كان معاها ورقة ...
*****
إنتهاء البارت
راح نولي نحط بارت جديد نهار بنهار
Vote+ comnt ♥