* بسم الله *
.
.
.
.
.
.
.
.
في پلاصة وحدوخرا..
مريح على طابلة لكبيرة تع لعايلة رافد جورنال داير نواظر
رشيد : فاطمة ويني قهوتي
جات تجري وفي يدها قهوة
فاطمة : تفضل مسيو
راحت لكوزينة
طلع عينو كي سمع لباب تتفتح ودخل منو ريان
غلق لجورنان وناض ليه
شاف فساعة وخزر فيه
رشيد : راهي تسعة تع ليل داخل شغول راک فصباح
ريان : آوو بابا كان عندي شغل
رشيد : شغل على تسعة تع ليل كون عطا ربي راک تخدم فشريكة كيما لعيباد
ريان : بابا تفاهمنا ملول علبالک نحب نرسم ودخلت معهد
على لكلمة لخرة دخلت سعاد
سعاد : واش كاين
ريان : يما شوفي معاه دايمن نفس لهدرة
سعاد : روح لبيتک روح
طلع ريان لبيتو وخلاهم
رشيد : ضلي تبربري على وليدک شوفي كيفاش ولا
سعاد : ياراجل مزالو صغير خليه
رشيد : مزالو صغير فوااش ...راهو راجل كون عطا ربي راني تاكل عليه في امور شريكة
سعاد : وااش راک تقصد وليدي مينتكلش عليه ولاا قصدک على وليد رحمة
رشيد : علاش دخلي لأموور... يوصل غير لجواد
سعاد : رشيد هادي مشي هدرة تهدرها قدامي
طلعت فدروج وهي زعفانة
"هه حتى ومطلقها مرتحتش منها "
طبطبت مرام... سمعت
"ادخل"
مرام : مزال مرقدتش
ريان : وي مزال ادخلي
مرام : ولي تدخل بكري خطينا ملمشاكل
ريان : يحوس غير على مصلحتو هذا مكان... كون مشي جواد مدرتش واش راني حاب
مرام : هيه متزيدش عليها نتا ضوک كون تعرف ماما بلي رانا نتلقاوهم تزعف
ريان : تزعف ولا واش دير مدخلني في حتى واحد
مرام : خلاص آتكالما
انا نروح نرقد عييت
ريان : تصبحي بخير
مرام : ونتا من اهلو
خرجت وغلقت لباب
تنهد ودار لجيهة لوخرا باش يرقد
****
POV ميار
نشوف في مراا تجري وانا موراها
"اسناي نجي معاک ماما.. اسنااي"
"روحي مزالک صغيرة لازم تعرفي بزاف حوايج راهم مخبيين پلاصتک مشي معايا"
كنت نجري ونلهث
"ماما علاش خليتيني علااش "
حتى شفتها قاطعة طريق وكاميو جاي جيهتها
"مامااااااااااا"
فطنت عليها وعيطاتي سمعوها كامل
بديت نشهد ونستغفر حتى شفت لباب تحل ودخلت خالتي رحمة مع اسراء حتى جواد جا وقعد قدام لباب
رحمة : وشبيک يابنتي.. وتمسحلي في وجهي
كلمة وحدة على لساني
ميار : ماما
عنقتني وقاتلي
رحمة : خلاص وفات منام وخلاص... دارت ل اسراء.. روحي جيبي كاس ما
راحت جيبو رفدت راسي جات عيني في عينو.. هبط راسو ودار رايح لبيتو واسراء دخلت.... مدتلها لكاس لخالتو... وشربتني
ميار : سمحولي نوضتكم
اسراء : واش هاد لهدرة.. راكي مليحة ضوک
هزيتلهم راسي برک خرجو وطفاو ضو
حطيت راسي نسيي نرقد مقدرتش... هبطت مسرير لبست بليغتي وخرجت لبرا... ريحت فلكورسي لي يطل على لجنان كانت نسمة باردة... تدي في شعري
كمشت روحي حتى سمعت صوتو وبحتو لي تميزو
جواد : نوضي ترقدي
درت ليه لقيتو لابس بول فلبلو مع شورط بيض حاط يديه في جيوبو
ميار : مجانيش نعاس
جواد : اطلعي لبرد
جيت نريبونديلو لقيتو داير ويمشي داخل
رفدت روحي وجريت حتى وصلت مور ضهرو جيت ندنا... حتى حبس وزدمت فيه يااربي هذا حيط ولا بوطو
جواد : شوفي قدامک.. ووعلاه راكي تجري
ميار : تسالني نفحتلي ندير fotimg في نص ليل ...ياک باطل منخلصوش بدراهم
دار ليا ..يسنا فيا نحبس هدرة
جواد : اتنفسي شوية
ميار : ؤؤک شهيق زفير
واش راح يصرا مثلا ومداقليش نفس راني فور بزور 😒
جواد : روحي ترقدي وخلينا نرقدو
ميار : آيا صاي بوجي يا روجي روح ترقد
جواد : حمدلله
كمل مولي لبيتو وينعل دقيقة لي خمم يهدر معايا
دخلت لبيتي ومكبوتاتي سلبية خرجتهم كامل
حطيت روحي ورقدت... نضت على صوت آذان
الحاجة لمليحة هنايا نسمع آذان مشي كيما لهيک
رفدت روحي توضيت وصليت... رتحت شوية
وهاد لخطرة رقدت ورحت في سبات حالفة نوض
صباح...
نضت دخلت لدوش غسلت وخرجت نشف فوجهي... فتحت لخزانة جبدت سروال بوي فراند مع پول فجون موتاغد لبستهم ضفرت شعري... درت شوية مسكارا
لبست باسكات بيضة وخرجت
ميار : صباح الخير يا نااس
رحمة : صباح نوور
اسراء : صباحو
معدا صنم هذاک... لا علينا
خزرت فيا خالتي رحمة
واسراء
اسراء : وين بيها زين
ميار : ندور شوية ونروح مع عمو فاتح اونكا فلبونكا نتبحر ونولي في خبر كان
رحمة : بلاكي على روحک مالا
عمرتلي حليبي وبديت نشرب... آآ ها رب هاا ضوک نعمي عيني لي تروح لهاد لخراا
منفخ روحو شغول يخرا فراولة
ميار : المهم انا نوض آيا شاااو
خرجت وانا حاكمة تصويرة فيها ماما مع واحد بصح ميبانش مليح هادي حاجة من لحوايج لي مدتهوملي يما زهرة تنهدت ورحت لعند عمو فاتح
ميار : صباح لخير عمو فاتح
فاتح : صباح نور بنتي
ميار : عمو فاتح معليه نسقسيک
فاتح : آنعم بنتي تفضلي
دنيت ليه تصويرة..
ميار : شوف تصويرة هاذي وقولي وين شايف هاذ لپلاصة
قعد مدة يشوف فيها و انا نسنا برک
فاتح : والله يابنتي لا مخانتنيش ذاكرتي هاذي مكتبة
ميار : مكتبة ... كيفاه وين جاية
على كلمتي لخرة خرج جواد
فاتح : سقسي وليدي جواد بلاک يعرف
درت ليه معندي مندير
وقفتلو في طريق
طلع حاجبو تع "واش تعملي"
ميار : نسقسيک برک
جواد : هيه تفضلي
ميار : وين هاذي
ودنيتلو لافوتو ليه نحاهالي وقالي ديراكت
جواد : هادي لجنينة لي مور لجامع لكبير
ميار : راک سور
جواد : ايه سور ...هذا مكان
دارتلو براسي ايه
بصح حبستو على هدرتي
ميار : معليش توصلني في طريقک
قعد دقيقه يخمم اومبعد قال
جواد : امشي قدامي
رحت ركبت وهو ثان ديمارا
وصلنا كيما لجنينا هذيک
ميار : مرسي تعبتک معايا
جيت هابطة ديراكت بصح حبسني وقال
جواد : رايحة وحدک وقيل
ميار : وي
جواد : قدامي ... ديجا واش هاد لبسة
ميار : مرنيش لابسة سروال مزير كي راک تهدر
هبطت قبل ميزيد هدرة معايا... شويا وحسيتو يمشي مورايا
دخلنا لهداک جاغدان كان فيه دخلة غير دخلت قابلوني كراسة
مشينا في هديک طريق وحنا ساكتين...حتى لقيت لي نحوس عليه
فلخر تع جاغدان هذاک كاين شغول دار صغيرة درت ليه
ميار : متعرف حتى حاجة على لي ساكن هناا
جواد : لالا... اصبري نسقسيو
دار براسو برک شاف راجل
جواد : معليه نسقسيک
راجل : اتفضل
جواد : شكون عايش في هديک دار
راجل : والله يا خويا هنا يسكن امام تع لجامع وهو راجل كبير
جواد : آآ صحا خويا
ولا ليا وكملنا نمشو طبطبت زوج خطرات حتى فتحنا شيخ لابس قاميص بيض لحيتو كبيرة وبيضة ووجهو ضاوي
خزر فينا وتبسم..
"اتفضلو ولادي"
دخلنا وريحنا على لكنابي لي لتم... حشمت نبدا لهدرة مزيا معايا جواد
شيخ: انعم كاشما تحتاجو ... ونتا وليدي شايفک فلجامع ربي يثبتک
جواد : ان شاء الله... جينا نسقسوک برک
شيخ : آنعم تفضلو
ميار : عمو حبيتک تشوف فوتو ايلا عرفت لي فيها
مديتهالو... حكمها مني وبدا يميز فيها
طلع راسو وقالي
شيخ : نتي بنت ياسمينة
تصدمت كيفاه عرف آسمها متوقعتهاش كامل
حركت راسي بايه... غير حركتو طاحت دمعاتي حرقتني في خدي
شيخ : مرانيش شافي شكون معاها اصلا تصويرة قديمة ..مديلي شوية وقت
ميار: معليش عمو
جواد : نروحو
ميار : هيه
نضنا ودعنا هداک شيخ
ولينا لطونوبيل.. وركبنا
وصلني لدار بلا حتى كلمة... هبطت ودخلت لدار وهو راح لخدمة
لاقاتني خالتي رحمة
رحمة : عسلامة بنتي
تبسمت معاها
ميار : يسلمک خالتو
دخلت لبيتي غسلت وخرجت ..نريح مع خالتو
عند اكرم ...
دخل لشريكة تع جواد ...
طلع لفوق داخل لبيروه ...مالقا حتى واحد
"آآآوو مزال مجاش.. منوقتاش ولا يروطاردي"
ريح على لكرسي لمقابل لبيرو يسناه جازت وحد نص ساعة.. باش دخل
اكرم : لالا كون زدت شوية مطولتش كامل
راح يمشي قعد فوق كورسيه وخزر فيه
جواد :مطولتش..مشغول برک
اكرم : وشمن شغول مع صباح ربي
جواد : شفت بنت خالتي زهرة...
اكرم : لي جات ليكوم ايه وشبيها
جواد : راهي تحوس على باباها وديتها لعند وحد لإمام بلاک يعرفو
خزر فيه اكرم مستغرب
اكرم : هيه ان شاء الله ربي معاها
جواد : وعلاش جيتني مع صباح
اكرم : جيت برک
جواد : حقا يما قاتلكم ارواحو عشية وهاد لخطرة مكاش هربة
اكرم : هههه نشالله حتى انا توحشتها
جواد : نشالله
كملو يحكو على لخدمة
******
"شكون راهو جاي خالتو"
قالتها ميار وهي شوف في رحمة لي طيبت اشكال وانواع تع لماكلة
رحمة : راح يجي خويا محمد ووليدو اكرم ليوم عدنا
ميار : آآآ صحا فواش نعاونک
رحمة : كملي هاد ل غراتان
على ساعة كملو كلش وغطاو لماكلة حتى يجي وقت لعشا
سمعو لباب تفتح عرفت بلي جواد وضياف جاو دارت خمار على راسها وراحت تفتح... اما ميار دخلت لبيتها تبدل جبدت تريكو بيجامة طويل غوز كيما ركبة مع فيزو نواغ... طلعت شعرها كودشيفال
دخلتوا لصالون بترحاب تع رحمة
رحمة : مرحبا بكم زارتنا براكا
محمد : الله يسلمک ختي رحمة كيفاه لحوال
رحمة : والله حمدلله.. ونتا وليدي اكرم وشراک
اكرم : حمدلله خالتي
دخلت ميار.. خزر فيها جواد شافها ساترة روحها سكت
محمد : شكون هادي
رحمة : بنت ختي زهرة الله يرحمها
ميار : وشراک عمو لباس
محمد : حمدلله بنتي ونتي
ميار : حمدلله عمو
سمعو طبطيب ناض جواد يفتح لقاه ريان
دخل سلم عليهم وميار ورحمة خرجو لكوزينة
ريان : واش شيخ موح هكا رحت لغربة وخليتنا
محمد : هههه حسابتلي كي نجي نلقاک ستعقلت وتزوجت مع لخر مزالک كيما كنت
ريان : يتزوج جواد و اكرم اومبعد انا نشالله بربي
اكرم : نضمنلک راح تبور
جواد : اسناني برک
ريان : يعطيكو صحيتو
محمد : الله يهديكم يا ولاد.. جواد يماک حابة تفرح بيک ونتا مراكش حاب
جواد : مزال مكتبش
ريان : ريح في هاذ لكلمة بلاک تبدلها
داخلة ملباب معلبلهاش شكون كاين زادمة ملباب وتهدر
" مامااااا جعت حطولي ناكل... يايما حانموت "
حتى سمعت ريان ريبوندالها مصالون
ريان : نهار كامل ونتي تاكلي
اسراء : ناكل راسک يابوقلوزة ضوک نجي ليک
لبست بليغتها ودخلت لصالون وياليتها مدخلت
..
****
انتهاء البارت
فوط وكومنت باش نكملها لي يقرا يخلي نجما