طريقنا صعب

البارت ٥

رزان :حجيت كُلش الصديقاتي وحلكهن بعد ماسكت .. صدك ..وشلون ..ويمتى ...

باعن لاتكعدن تعلقن ع كلشي ونبي راسي مصدع ولعبانة نفسي اريد بس اطلع من هل بيت عبالي اتونس فد شي شو عماتي وبيبيتي ع الصغيرة والجبيرة مسوياتلي مشكلة النا كلنا مو بس اني وولايستحن يسولفن بوجهي ماشاء الله عليهن
نوب اجاني هذا استاذ قسورا طلعلي صفح عايزني اني وكملتها ست نور بعد اخوان تفضلوا منو بعد مااجة لالا لاتستحون تعالوا ..
هو بس العطلات الله يذبهم علية احمدك واشكرك ربي ..

صديقاتي كامن يضحكن كتلهن ..

رزان :يلا كافي كلتلجن الي ديصير اول ب اول مو علمودجن لا ولله علمودي لان اني ماارتاح اذا مااحجي البكلبي نجبن ولاتعلقن وتسألن اكثر يلا رايحة اني انزل جوة خاف يكولون تعلكت ب غرفتها وبس ب التليفون لاشغلة ولاعملةة

وها ادعن الي حبابات لان ولله شتاقيت لبيتنا هنا بس مشاكل بمشاكل كلما اتذكر انو اني الي قنعت اهلي يجون اوكف علمراية واغم بروحي ..

طلعت من الغرفة ..

طلع بوجهي قسورا ..ربي صبرني هل كم يوم ...

قسورا : ويا منو جنتي تحجين ؟

رزان :ااااي هي هاي العايزة تتحكم بية ..

قسورا :سألتج سؤال عادي ترة  ! شبيج انتي ليل نهار مشحونة شنو شايفة مني تصرف غلط !

رزان : خوية لاشايفة ولابطيخ بس انتو عائلة كلكم مشاكل بمشاكل شو احنة ماشاء الله اقوا مشكلة تصير عدنة بنفس اليوم نتصالح ..انتم شبيكم يعني هاي عود احنة خطاركم بيبي تكومنا برزالة وتكعدنا برزالة وساكتين ع مود بابا وعماتي هم ونوب اجتني هاي نور مدري شسمها لاتزحفين القسورا مدري شنو

قسورة :عفواً امشاكل العائلة وفهمت نور الزعطوطة شجابها   ؟

رزان : يمتى صارت زعطوطة غير حبيبتك هي ومدري شنو شو وخر عني انتم ولله الي يضل وياكم اكثر من كم يوم راسة يشيب ..

قسورة : تعالي وياي ..

رزان :اكلك شنو حجيت و ابتليت على روحي لااجي ولاهاي عوفني رجاءا نتحمل كم يوم ونروح واذا شفتني بعد اني معتبة لو اموت بعد مااجي لهذا البيت ..

قسورة :ترا مصختيها مالة داعي هلحجي مشاكل تصير ب اي بيت هلكد رقيقة الله يسلمج ومتتحملين  كم حجاية !

رزان :تدري شنو صوجي اني الحجيتلك ولله

بابا مو شغلة مااتحمل كم حجاية بس اني مامتعودة هيج يعني شسوي مامتعودة كل يوم مشكلة تجيني بيبي تصيح وترزل علية وعلى ماما وعلى اختي واني لازم ماارد !! وعمتي ايمان وعمتي فاطمة خو حجيهن بعد اقوا نوب نور هم تكرهنا اني مااهتم حبتني او لا

بس مو تكرهنا ترا الكره شي جبير ممكن تكول ماتستلطفني ميخالف بس كره ؟ شكو ؟ مسويتلها شي ضاربتها متعاركة وياها !
لا ف ماكو داعي لهذا حجيها وتصرفاتها لو تعاشرنة وتعرفنا احنة شنو جان ماكرهتني ابد بس هي تمشي بحجي امها وتصدك بدون متسأل ...

قسورة :التوبة بعد اذا اسأل ..

رزان : ليش

قسورة : صار ساعة ترطنين براسي حجي كافي ولله فهمت ..وهسه تعالي وياي

رزان :اوهو هم كال تعالي وياي ..

ترا ..اريد احجي سحب ايدي وسحلني ويا ادري شنو شسالفتة هذا يربي ...

كبل نزلنة الدرج وصلنا للمطبخ لكينا نرجس تطبخ
ونور لازمة تليفونها وكاعدات يسولفن اول مادخلنا هي كبل وكفت ! نصدمت من شافتني ايدة ب ايدي

نور :  هلا قسورا رايد شي ..

رزان :تباوع ل ايدي والي تخزرني عود شنو هذا شديصير !ولله عاد اسألي حبيبج اني هم ماادري
(احجي بكلبي )

قسورة : ست نور ماتخلصج طلايبج ؟

نور :قسورة ولله ممسوية شي

رزان :عزة هاي شلون تتنعوص شو قبل شوي جانت تحجي وياي جنها حمدية ام اللبن صوتها ..ولله عمي خوش ..

قسورة : نرجس روحي صيحي الكُل هسه شكو واحد بالبيت هسه اريدة ب الاستقبال والي طالع تخابرونة هسه ويجي ...

نرجس :خير خوية خو ماكو شي ..

قسورة : اي عيوني اكو اكو اريد افهم سوالفجن هاي الماصخة يمتى تبطلنهن .؟ بساع سوي الي كتلج علي ..

رزان :تحركت نرجس من يمي وهي تباوعلي ب استفهام تكلي شكو شصاير ...

ونور تهز برجلها تريد تطك وتعرف ليش لازم ايدي وشديصير .. اريد اكللها ولله ياعيوني حالي حالج مااعرف شديصير ..

رزان :احاول اوخر ايدي هو يرجع يلزمها اقوا شلون سالفة هاي اخلص من مشكلة تطلعلي مشكلة ثانيةة

يارب سترك ...

ورا ربع ساعة ..

*****..*****..*****..*****..*****..*****..

جتمعوا كلهم ب الاستقبال ..
عمي صادق وعمي مرتضى وعمي جعفر وابوية
وعماتي فاطمة وايمان وولدهم هستوني شفتهم ادري شكد يخلفون ذولي صدك جذب ..

فهد وعلي وحسين  وسجاد وحوراء وهدى ووياهم نور وقسورا وهبة ونرجس
والله حتى اختي تيهتها بينهم اني متأكدة لااحفظهم لاهسه ولابعدين .. ماشاء الله عمي

رجاء :خير يمة المن جمعتنا ..

ايمان :ولك عمة شكو لازم ايد هاي الثولة ..

فاطمة :هسه غير يفهمنا شكو ..

رزان :كلهم منتظرين كلام قسورا وشسالفة
حتى اني منتظرة يحجي لو ويانا لو علينا !

قسورة :بيبي انتي ردتي بت اختج ل عمي محمد وماصارت القسمة وهو حب ريمة واخذها وهسه عندة ثنين بنات وتذكرين شسويتن بيهم انتي وعمتي ايمان وعمي فاطمة ماداعي احجي ..

وعمي محمد سنين وهو مايدخل للبيت من وراجن ..

اني عبالي بلكي تفتهمين بلكي تحسين ب الخطأ مالتج
رجاء: هاي علية !!

قسورة : لاولله عليجن كلجن انتي وعماتي ولاتقاطعن كلامي خلي احجي وبعدين سولفن ولو مراح اهتم شنو راح تحجن بس يلا ميخالف ..

رزان :اباوع شوي شوي سحبت ايدي لان هو ضل بس يصيح اني اباوع حتى خفت منة نص حجية مانتبهتلة نخلست من صياحة شكوو !!!

وهو يكمل ..

قسورة :كل يوم مسويتلنا مشكلة ماتفرحين وليدج صار متزوج ويحب مرتة وتحبة واستقر وصار عندة ثنين بنات .. بعد شيفيد يعني قابل كلامج راح يأثر بي ويخلي ياخذ بنت اختج !لو شنو يعني بس اريد افتهم شتحصلين من دتسوين هيج .. !شسالفتجن انتن

عمة ايمان عود هاي انتي الجبيرة ولازم تصيرن صديقات انتي وريمة ..
بالطالعة والنازلة صياح ورزايل وعركات ولاهيَ ولابناتها يردن عبالجن خايفات ؟

لاولله علمود ابوهن ساكتات وعلمود مايسون مشاكل اكثر من هيج ..

بالله ماستحيتن على روحجن خطار وهلا هلا هيج تعاملوهم شكو ماتبطلن سوالفجن يعني ؟

رجاء :يمة شني خطار محمد وليدي هذا البيت بيتة ..

قسورة :بيبي شو ماتستكتين اكلج هذا الي دتكولين علي وليدج
وليدج بعد مايدخل لهذا البيت من وراجن عبالج كاعد عندة عادي يشوف مرتة وبناتة هيج يحجون وياهن !

ترا مايريد يسوي مشاكل واخوه مريض واكع بالفراش
عقلة جبير الرجال مو مثل بعض الناس

ويباوع ع عماتة !

رزان : ماواحد فك حلكة وحجة حتى ابوية بس يباوع !اني صافنة هذا كُل عقلة يحجي هيج ويا عماتة تكول صديقاتة مو عماتة داس بيهن دوسة ونص وهنَ مافتحن حلكهن طبعا يعرفن هنَ خطأ
بس شدعوة هلكد يخافون منة !عشتو الضابط قسورة ولله وطلعت كفو عبالي مثلهمم

فززني صوتة من صاح بأسمي ..

قسورة : ورزان وهبة بمكان ميصيرن صديقات البنيات كاعد تحشين براسهن ؟

رجاء :منو تحش براسهن هنَ اصلا صديقات ..

قسورة : اي اي صديقات حاجي بنتج

عمة ايمان اكصها ل ايدي اذا ماتكعدين تسطرين حجي براس هاي نويرة .. وتحرضيها ع البنات ..

ايمان :قسورة ابني لامحاجية بنتي هيج ولااجيب طاريهن اصلا شعلية بيهن اني ..

قسورة :لا خطية كلش ماتجيبين طاريهن ..
وانتي تعاي نويرة اريد افتهم سالفتج شحاجية ويا رزان ؟

رزان : خرب استلمهن وحدة وحدة لو منهن اطم راسي من الفشلة ...

اجتي نور وهي رجليها تطكطك ..

نور :ها قسورة ترا مسويت شي والله هيَ جذابة عود مسوية روحها فقيرة وتتمسكن ..

قسورة :مراح احجي شي وياج اني لان مبين الحجي مايفيد ..

عمة ايمان .. بنتج ترا تحبني واكثر من مرة شفتها بغرفتي واكلها شعندج تكلي ها وصوني على فلان شغلة وهذني الاعذار البايخة ..
وتروح تحاجي البنية وتكللها اني احبة ويحبني ..

ولج اني احبج ؟الله ياخذج يمتى حبيتج يمتى حبيتيني ولكم ولله بنات اخر وكت ماراح احجي بسالفة نور اكثر من هيج اخذيها وربيها عدل لان عيب هلحجي ...

رزان :اني واكفة اريد اضحك حاصرتني الضحكة وهم خايفة خاف عبالهم شي بيناتنة لذلك ديدافعلي وهم فرحانة لان اخذ حقنا و و و شعور متضارب ..

اريد احجي .. جان كمزت عمتي فاطمة !

فاطمة :عشتو ياابن مرتضى هيج تحاجي عماتك وبيبيتك مامخليلنا قدر واحترام وعلمود هاي الزعطوطة وامها الحية الي مسوية روحها مسكينة الله يسلمها هيج تصيح وتغلط بوجوهنا !؟

قسورة :اكلج عمة مرحبا عليج حجي زايد ماريد شتردين تعتبريها اعتبريها رزالة صياح غلط بكيفج عاد لكيتيني اني اهتم تعرفيني كلش زين الي يغلط بحقي لو بحق واحد احبة واعزة اني والله امسح بي الكاع كان من يكن هاي المرة كلتلجن هيج وسهلتها الجن ثاني مرة وحق القران الكريم تشوفن من شي مايعجبجن خوش ..

تعرفني لاادافع ولااحجي حجي من يمي وجذب اني الحق احجي ..
وتعرفن هم كلش زين انتن تصرفاتجن خطأ وكلامجن الخطأ وانتن الخطأ كلة اصلا ... هذا العندي رضيتن الحمدلله مارضيتن وشفت عكس هذا الكلام وشفت تصرفاتجن رجعت مثل الاول تشوفن شنو اسوي وكولن ماكال قسورة ...

رزان :بساع طلع وسد الباب ورا عمامة وابوي كلهم ماحجوا بس يباعون اصلا عمامي كلهم زينين بس ميكدرون يعارضون امهم ... حتى من ابوية ضجت لان ابن عمي وهيج يحجي وياهن وهو ميعرف يحجيلة كلمة !

بساع طلعوا عمامي وهم يباعون لعماتي وبيبيتي بنضرة مااعرف افسرها ..

كبل اجتي عمتي ايمان تقدمت ع ماما وكالت كدام البنات لان كلهم طلعوا ..

ايمان :شوفي ولج خاف عبالج رحتي حجيتي كُلشي القسورة علمود يدافعلج وجبتي هداد علينة عبالج اسكت ولله الا اندمج على سوايتج هاي انتي وبناتج .. !
وتباوع علينة !!

ريمة: اكلج ايمان ب العيني والاغاتي مايمشي الوضع وياج ب الصياح والرزايل مايمشي ولج منين عندي هاي السوالف شعلية بقسورة اني منين اعرف هيج راح يحجي وياجن !

ايمان : شوفي ليج مو تاخذين مني ثلج وتبيعيلي ماي بارد هاي سوالفي لاتبيعيهن علية فهمتي لو لا  واني الج ..

طلعن كلهن بساع ...

واني وهبة صافنين ع الي ديصير جان تكول...

هبة :لك خالي هاي بايعة ومخلصة ولنبي حتى عمة ماكللها ماتستاهل كبر لهل عقل المعفن العدها يعني هاي الرزايل كلها لو منها اطمها لروحي اني

واسوي عكس الي جنت اسوي نوب زودتها ؟

يعني بمكان متعتذرلنا ؟
ولافاد بيها حجي الولد ؟ فلك طرجن من نسوان ماينكدرن رجولتهن وين بس اريد اعرف ..

ريمة : يمة اسكتي سالفة ازواجهن سالفة ثانية لو تشوفيهم تكولين همَ النسوان مو هنَ يمشن وراهن مدري شمسويات الهم ...

كبل طلعت .. اني وخليتهن هواية حجي ببالي يربي شسوي هسه اني ...

كبل رحت للكروب مال صديقاتي وحجيت كُلشي مانسيت ولاكلمة ...

وهاي التكلي هيج سوي وهاي هيج وهيج ..

استنتجت منهن شوية  انو اروح اشكر قسورا على الي سواه ..

نزلت للطابق الثاني ..

دكيت الباب مال غرفتة ...

طلعلي بساع وشكلة عصبي هسه اني شسويت شعلية ليش تعصب !

قسورة :هلا تفضلي  ..

رزان :احس تندمت المن دكيت الباب ..

اا بس حبيت اكلك شُكرا ع كلامك قبل شوي بس اشوفة زيادة عن اللزوم لان هسه يمكن يكرهنا اكثر لان عبالهن احنة كلنا الك تسوي هيج ... !

قسورة :لاماكو هيج شي اكيد هسه هنَ عرفن خطأهن واذا نعادت هاي التصرفات مرة ثانية هنَ يعرفن شنو اكدر اسوي ..

رزان :شتسوي ؟

قسورة : انتي معليج ب هسوالف اهم شي صيري صديقات انتي ونور واعذريها متعرف بعدها مراهقة وعقلها مملي بهذني سوالف الحب والخرابيط ..

رزان : ع كُلا شكرا قسورا .. عفتة ورحت واسمعة يضحك ..!

قسورة :شنو كلتي ؟

رزان : شنو كلت ؟كلت شكرا اكو شي يضحك ؟ حجيت نكتة ؟

قسورة :ترة اسمي قسورة .. قسورا شنو؟

رزان :زين ليش ب ال ة ليش مو بال الف النهاية ..

قسورة : ابوية هوَ هذا الاسم هيج ينلفظ قسورة ..يعني من اسماء الاسد اذا متعرفين ميصير قسورا غلط ...

رزان :اي اي ماشاء الله ع كُل كلمة ودققت انت الله يساعد الي تاخذك عمي ..

قسورة :شنو كلتي بلاخير ؟

رزان :لاسلامتك ع كولتك ابوية مكلت شي ..!

عفتة ورحت ...

دخلت لغرفتي بدلت ملابسي ..اكثر شي جبت وياي ملابس طلعةة لان خو ماالبس تراكات بنص الزلم على كولتهم هههه كلما اتذكر حجيهن اضحك مااضوج ..

لبست كيلوت اسود وتيشيرت وردي فاتح ونعال وردي خو ماالبس حذاء بنص البيت شعندي وين طالعة ؟اصلا اني امشي حافية بالبيت بس علمود ميقلدون لبست النعال بعد شيردون هههه

كعدت ع الكرسي وضليت اكلب التليفون واحاجي ب الكروبات عندي كروب شباب وبنات بس اصدقائنا الشباب مثل اخوانا ماكو واحد يزحف وهسوالف وحتى مو هواي هم اكثر شي بنات  ..

سمعت هدى وحوراء يصيحنلي دخلن لغرفتي اني صفنت مااتذكر هنَ بنات منو يربي .. !

كالن..

حوراء :تعاي العبي ويانا لعبة جرأة وصراحة حبابة ...

رزان :صفنت حجيت ويا نفسي كلت هسة هذني من فوك هلا  هلا ومن جوة يعلم الله لو حبابات صدك ويردن يصيرن صديقاتنا ؟

رزان :ولله حبيبتي تعبانة اريد انام ..

هدى : لاعفية ولله تتونسين اني ونرجس وحوراء واخوية حسين وسجاد وعلي ..

رزان :اكلج شي بس متزعلين مني ..

هدى :كولي

رزان : اني نسيتكم انتو بنات منو عادي تعرفيني عليكم هههه !

حوراء :حبيبتي عادي حقج لان محجيتي ويانا هواي ف نسيتي  ...
باعي اني حوراء بت عمج صادق الجبير واخواني فهد وعلي .. وفهد خاطب فترة ويتزوج ..

هدى :واني هدى بت عمتج فاطمة واخوي حسين ..

وعمتي ايمان عدها سجاد ونور الي حجت وياج تعرفيها ..
وعمي مرتضى عندة قسورة ونرجس ...

وعمي جعفر يمكن تدرين بعد ماماتت مرتة مايقبل يتزوج ؟

رزان : ها اي اي عرفت ماشاء الله ..

حوراء :ادري نلاصت عليج بس تتعودين لتخافين ..

رزان :ههههه تمام يلا ننزل ..

نزلنا لكيت غرفة ومجتمعين بيها كلهم واكو طاولة ومتروسة حلويات وعصاير وهسوالف ...

وديلعبون العاب .. كلتلها ..

رزان :ولله كُلش مبين  ونسة ها شنو كل يوم تسوون هيج ؟

حوراء :لا ههههه تقريبا كُل جمعة ماعدنا شي نلتم مرات ضوجة وماكو شي نسوي نلتم اكثر من مرا مو شرط كُل جمعة ..

صفنت كتلها ...

رزان :ولله زين اكو اشياء بلهلبيت حلوة جيد جيد استمروا ...

هدى :نجبي ولج هههه ونسة ولله بس لان بالبداية وحقج بعدج ممتأقلمة ف عبالج كُلشي سيء هنا ..

رزان :لاحبي لااريد اتأقلم ولاهاي قابل ح اعيش هنا هو كم يوم ورايحين يلا تعالي نلعب ..

هدى :اي اي كم يوم ورايحة احم احم ..

رزان :شنو م فهمت ترا ؟!!

حوراء :لالا مقصدها شي امشي يلا ...

كعدنا نلعب وكُل الولد حبابين ابد ماسمعونا حجاية عبالك اخوانة صدك بذيج اللحضة تمنيت عندي اخ ...

الا سجاد ابن عمتي ايمان يباوع بنضرات مدري شلونها وعيني عينك كلساع يلمس ايدي  عود بالخطأ وهيج ع بالة اني غبية مافتهم ...

تقريباً صارلنا ساعة ونص نلعب مخلينا لعبة ملعبناها .. 

وصل الدور الي اختاريت صراحة ...
سألني سجاد ..

سجاد :مرتبطة وتحبين وهيج لو مبتعدة عن هسوالف ..

رزان :ولله ماعندي مشكلة بالحب اني بس ماكو الشخص المناسب لحد هسه وحالياً ليش اجذب واكلك اريد ارتبط وهيج لاولله اهم شي عندي هسه الونسة والطبة والطلعة وصديقاتي واصدقائي ف مابية حيل لهسوالف بس عود الله كريم لباجر عكبة ...

كلهم نصدموا من جوابي كتلهم ...

رزان :ترا عادي ولله يعني هسه اني لااحب ولاشي كلت الله كريم لللمستقبل شبيكم نخلستوا ..

كالوا ..

لاعادي وكملنا نلعب  ..

اني جنت ماخذة  ببسي ودااشرب مااسمع الا صوت  قسورا وهو يصيح بساع وكع الببسي مني حتى هم كلهم خترعوا !...

الولد كلها كامت والبنات هم واني ضالة صافنة شنو شصار ...

قسورة:.....

يتبع ....!

لتنسون اللايك🖤.