اقترب آدم من نور أكثر، ونظر بِعيونها وقال بِحب صادق لا يتخلله زيفٌ أو خداع:
"ممكن ننسا أي خلاف ما بينا اللحظة دي وننسى أي شيء، مش عايز غير تبصي عيونى وبس"
توترت نور لأول مرة مِن اقترابه الزائد عن الحد:
نور بتردد: بس...
دنا بوجهه أكثر إليها وقال بنبرة دافئة: ششش مفيش بس سيبي نفسك وبلاش تفكري في حاجة غيري بس.
نظرت إليه مِثلما قال؛ ليذهبوا سويًا لعالم آخر، لا تتواجد بِه خلافات، أو كلام بل لغة العيون كانت هي الفيصل بينها، ورقصوا بِبراعة كأنهم كالجسد الواحد، متناسين ما حولهم مِن عالم، ولم ينتبهوا لانتهاء الموسيقى، ليفوقوا مِن شرودهم على صوت تصفيق حار وصفير مِن الحضور.
نور بتوتر: احم احم...الموسيقى خلصت
آدم /احم تمام...احنا المفروض نمشي صح
نور بجدية /ايوة كفاية اوى كدة قول للشباب يودعو اهلهم ويقولوا انهم هيسافروا لشهر العسل
آدم/تمام
الحضور بدأوا يغادروا وودع الشباب أهلهم
وركبوا العربيات وكان كالتالى
معتز وجنات... وآسر وأسماء فى عربية
محمود وندى...وأدهم وورد فى عربية
نور وآدم فى عربية لوحدهم
نور قالت للشباب يتبعوا العربية بتاعتهم
عند نور وآدم
آدم باستغراب /احنا رايحين فين دا مش طريق المطار
نور بخبث /ومين قال ان احنا هنروح المطار
آدم /ازاى مش على أساس ان كل حاجة هتكون طبيعية وسهل لاى حد يعرف ان احنا مسافرناش
نور /احنا دلوقتي بالنسبة للجميع فى ايطاليا وبالنسبه لينا فى مصر
آدم /ازاى عملتى كدة
نور /شكلك نسيت انى الوحش ودى حاجة سهلة بالنسبالى
آدم فى نفسه طلعتى مش سلهة يا نور ولو انت الوحش فانا العقرب وهعرف انت مخبية ايه عنى
وبعد ساعات وصلوا لمكان ضلمة وسط صحرا تقريبا ونزلوا من العربيات
آدم باستغراب /احنا ايه جابنا الصحرا
أدهم /دا مفيش اى مخلوق هنا
معتز /اوعى تقولى اننا هنقعد كدة فى الصحرا
نور بفقد للامل /ركزوا كدة وبصوا حواليكوا
بصوا للمكان بتركيز
محمود /مفيش حاجة غير صحرا
آدم /لحظة دا فى بيت بس مش واضح من الضلمة وحتى فى النهار مش هيبان بالنهار لانه مبنى بطريقة محدش يقدر يشوفه غير بصعوبة جدا
نور /تستحق لقب العقرب بالفعل البيت دا مستحيل حد يوصله غير الى عارف مكانه ومفيش غيرنا ويلا بينا ندخل
اول ما دخلوا صدموا البيت مش واضح من برا لاكن اول لما دخلوا خطوة جواه صدموا من فخامته فهو اكتر فخامة ورقى من حتى القصر ومساحته كبيرة جدا وأثاثه على احدث مستوى ومكون من عدة جناحات ومن الخارج محاط بملعب ومكان لتدريب واماكن لتدريب على ضرب الرصاص واحدث أساليب التدريب العسكرية واكترها صعوبة
ورد /بجد واااو احنا هنقعد هنا
آسر /ازاى اتعمل حاجة بالفخامة دى فى الصحرا بجد شئ مذهل
نور /انتوا لسة مشوفتوش حاجة المهم
احنا أكيد مش جاين نتفسح ولا نستجم بمعنى ان دلوقتي هسيبكوا ترتاحوا من السفر ومن الساعة خمسة الفجر هنبدأ الجد
معتز بصدمة/خمسه الفجر ليه حرام والله
نور بحدة /حرمت عليك عيشتك واى حد هيتأخر ولو ثانية هيتعاقب واتفضلوا كل اتنين متجوزين فى جناح ومش هحذركم احنا هنا فى تدريب واى مشاكل ولعب عيال مش عايزة
ورد /بس...
نور /مفيش بس دى اوامر وانت قصدك ان جواز ع الورق وملوش لزوم تناموا فى نفس الجناح بس دا الى هيحصل ومش عايزة اعتراض وطبعا مش خايفة عليكوا من الشباب وكملت بسخرية انا خايفة عليهم منكم واتفضلوا كل واحد على جناحه
طلعوا البنات وهما متغاظين والشباب فرحانين عشان هيكونوا فى نفس المكان مع البنات..ودخل كل اتنين لجناحهم واعجبوا بتصميمه
نور وآدم دخلوا الجناح بتاعهم وكان مختلف عن الباقى بأنه اكبر وأثاثه باللون الاسود وعجب ادم لانه لونه المفضل....
الجناح عبارة عن غرفة نوم كبيرة وفيها غرفة لتبديل الملابس وحمام ومطبخ ملحق بيه
نور /هدخل آخد شور والجناح قدامك اعمل الى تحب تعمله
ودخلت تاخد شور وآدم فضل يتفرج ع الجناح وفوجأ لما لاقا هدوم ليه ونفس مقاسه موجودة فى غرفة التبديل واستغرب هى عرفت مقاسه ازاى وليه جابتله هدوم وافتكر انه مجبش هدوم معاه وانها بتفكر فى كل الفاصيل وشرد فى التفكير فى نور وفى المهمة الى محتاجة كل التجهيزات دى واثناء تفكيره خرجت نور وصدم لما شافها وكانت لابسة ترنج أسود وواسع وجمالها زاد أضعاف من غير الحجاب بشعرها الاسود كسواد الليل وناعم جدا وطويل وسرح فيها لانه اول مرة يشوفها من غير الحجاب
نور بتوتر من تركيزه فيها /احم احم تقدر تاخد شور انت كمان و...
قرب آدم منها وكل ما يقرب كل ما دقات قلبها تذيد لحد لزقت فى الحيطة وآدم على بعد سنتيميترا قليلة منها
آدم /تعديتى تخيلى ليكى من غير الحجاب..طلعتى اجمل من ما اتخيلت
نور بتوتر /آدم ابعد لو سمحت
آدم بهمس /مش قادر قدام جمالك وقرب خالص لدرجة أنفاسهم اختلطت ببعض
نور فاقت لوضعهم وقالت بحدة /أااااادم فوق انت بتعمل ايه وزقته وبعدت بسرعة وقالت /آخر مرة تقرب منى بالشكل دا وآخر مرة هعدهالك وافتكر ان جوازنا مش حقيقة
وراحت بتجاه السرير وضغطت على زرار السرير اتقسم نصين وبقا سريرين وقالت
انا هنام هنا وانت نام ع التانى
آدم دخل ياخد شور من غير ما يتكلم وقال فى نفسه وهو بيحاول يهدى ضربات قلبه
انا ليه بضعف قدامك وبنسا كل حاجة عملتيها ... ليه اول ما تيجى عينى فى عيونك بيغيب عقلى وبنسا نفسي قدامك شكلى بدل ما وقعك فى حبى انا الى وقعت من غير ما أقصد..... مش عارف هعمل ايه فى قلبى الى هيخرج من مكانه من كتر دقاته وقربك منى الى بيهلكنى وبيخلينى شخص معرفوش بيخلينى ضعيف قدامك.....
آخد شور سريع وخرج وهو مقرر ينسا حبه ليها وقرر انه يتعامل معاها ببرود...
اول ما خرج لاقاه لسة صاحية ع السرير ومغمضة عيونها وشكلها زى الملاك
آدم ببرود /الى حصل من شوية مكنتش اقصده وانسي انه حصل
وراح بتجاه سريره ونام وفضل يفكر فيها لحد ما نام
نور بعد ما سمعت كلامه ابتسمت بسخرية وهى فاهمة هو بيعمل ايه وبيفكر ازاى وقالت فى نفسها (اياك يا نور انت مينفعش تحبى..مينفعش بعد ما قلبك مات يرجع تانى..افتكرى ان الحب مش موجود فى قاموسك وحتى آدم انت واثقة انه حبك وبيحاول ينسا حبك ودا الصح لازم يكرهك وينسا حبك ودا أفضل ليه...أفضل من انه يعيش معاكى.وهو اصلا اول ما يعرف الحقيقة هيكرهك ومش هيفهم انك ضحية زيك زيه وانك اتعذبتى اكتر منه وانت كدة كدة هتنهى كل شئ وتختفى ) واتنهدت ونامت
ـــــــــــــــــــــــــــــــــ
عند أدهم وورد
ورد اول ما دخلت راحت الحمام تغير هدومها وتجاهلت أدهم تماما وأدهم ابتسم بخبث عليها ودخل يغير فى غرفة التبديل...... وبعد وقت خرجت ورد راسها تشوف أدهم موجود ولا لا لانها نست تجيب طرحة واطمنت لما ماشفتهوش وعرفت انه فى غرفة التبديل واتسحبت براحة ولقت ايد بتتحط على كتفها فاتخضت ورجعت لورا
أدهم بخبث /مالك بتتسحبى كدة زى الحرامية ليه
ورد بتوتر /انا....انا بس....يووووه انت مالك اش حشرك
أدهم بخبث /تعرفى انك حلوة اووى بشعرك وبدأ يقرب منها لحد ما حاصرها
ورد بخجل /ابعد عنى وبتزقه بس مفيش فايدة
أدهم /مش هبعد ياوردى
ورد بغيظ وخجل /هتبعد بالذوق ولا..
أدهم باستمتاع /هتعملى ايه يعنى
ورد بخبث /هعمل كدة ورفعت رجلها وضربته فى بطنه فى منطقة حساسة
أدهم /اه يا بنت المفترية ...
ورد بضحكة وهى بتبعد عنه /تستاهل عشان تبقا تفرب منى تانى
أدهم بألم /وانا بقول نور مطمنة عليكوا اتريكوا مفترين زيها ربنا يهدك يا شيخه
ورد /ربنا ياخدك..واه انا هنام ع السرير وانت ع الكنبة
أدهم بغضب /ليه ان شاءالله انا هنام ع السرير عجبك تنامى جنبى براحتك مش عايوة نامى ع الكنبة
ورد ببرود /لا هنام ع السرير وانت ع الكنبة والا هروح اقول لنور انك اتهجمت عليا وهى تتصرف معاك
أدهم /اه يا بنت...
ورد /لسانك
أدهم /اتخمدى يا ختى اللهى يارب ما تتهنى ع النوم
ورد بصتله بانتصار ونامت وأدهم بص بخبث وقال فى نفسه بردوا مش هسيبك واستنا لما نامت خالص وراح نام جنبها واخدها فى حضنه وابتسم وهى محستش عشان كانت راحت فى النوم
ــــــــــــــــــــــــــــــــعند باقى الشباب والبنات الامر كان مختلف الشباب عملوا حركة جدعنة مع البنات وسابولهم السرير وناموا ع الكنبة
ـــــــــــــــــــــــــــ
عند نور وآدم بعد ما الاتنين ناموا فجأة نور بدأت تعرق وبتتكلم وهى نايمة بدأت تصرخ و......
يتبع......؟
ــــــــــــــــــــــــــــــــــــــــ
ياترا ايه الحقيقة الى لما آدم هيعرفها هيكره نور....؟🤔
وايه الى حصل لنور فى الماضى...؟ 🤔
وليه نور عرقت وهى نايمة وايه هيحصل..؟
🔥