*بسم الله *
.
.
.
.
.
.
.
.
.
.
"كون نحيلک انا زعاف"
هو غير دار ضربو لنيفو رعفو ...
اسراء : خلات علينا كي نروحو لدار
ميار : والله... ينحيلي وذني واقيل
يهدرو بلعقل
جواد : وقتاه تترباو نتوما
1**: ياک مقلقناكش تحب نتقاسمو
غير سمع لكلمة لخرة ودخل عليه بضرب
وكان 2** جاي مور جواد بصاح غافلاتو ميار ملور وضرباتو بساكودو ديالها
دخلت عليه حتى طاح وهي تركل فيه...
ميار : يااخي بغل
دخلت اسراء باش تفريها لا يولو في حل وربط
اسراء : خلاص خويا خلينا نروحو
غير سمعو اسراء قالت هكاک هربو... دار جواد ليهم
جواد : نوصلو لدار نتفاهم معاكم
ميار : علاش واش درنا باش تتفاهم معانا
جواد : نتي تبلعي نهار تستري روحک ومتخرجيش بهاذ لحالة ميتبلاوكش
ميار : واش تستخايل في روحک باش تهدر على لبستي
جواد : لطونوبيل يالله
راح وخلاها تاكل في روحها... جبدتها اسراء من يدها ومشاتها
طلعت لطونوبيل وهي منيرفيا منو... قصدو من هاد لهدرة مشي مربية
تنهدت وسكتت
وصلو لدار خرج وخبط لباب هبطو موراه ودخلو...
رحمة : واش كاين يا ولاد
جواد : سقسي لالة ميار واسراء واش كانو يديرو وحدهم برا وفي طريق خالية كون مجزتش ملتم معلباليش ختيي وين راحت
ميار : مروحناش باش يتبلاونا هما جاو حنا كنا موليين لداار
جواد : ومزالک تهدري ؟
راكي في دزاير مشي في فرنسا وين كنتي عايشة باش تخرجي وحدک وتدي ختي تسوفجيها
ميار خزرت فيه مشوكيا كيفاه راه يهدر هكا
رحمة : جوااد واش هاد لهدرة
جواد : يما راهي واصلتلي لخر ومنيش حاب نكتر هدرة... مرة لجاية كي تحبي تخرجي اخرجي وحدک متديش ختي
اسراء : بصح... حبسها بيدو
خزرت فيهم ميار ودمعة في شفارها وطلعت تجري لبيتها فتحت لباب وناضت تبكي
مسح على وجهو وجا رايح
رحمة : مربيتكش تهدر على بنات ناس وزيد بنت ختي
دار ليها وقال
جواد : منيش حاب ناقش صااي
اسراء : هي متعرفش طريق انا ديتها ملتم تسما متحكمش عليها هكا برک وياک انا دايرة خمار وتبلاوني معاها
رحمة : مشي كي سكتلک تهدر واش تحب
جواد : خلاص يما
خلاهم وطلع لبيتو وجاز على بيتها لقاها مشقوقة سمع صوت شهقاتها... تنهد وراح دخل لبيتو
اسراء : يما والله ميار مدخلها حبينا نختاصرو طريق بصح هما خرجولنا فطريق
رحمة : كون عيطتو لفاتح يجيبكم... روحي شوفي ميار
اسراء : ؤؤک ماما
طلعت ليها اسراء لقاتها بدلت حوايجها ومريحة فوق لبونک تلم في شعرها
اسراء : ميار متزعفيش من خويا هو كي يتقلق معلبالوش واش يهدر
ميار : لالا نوغمال وجهة نظرو هادي
دنات ليها ومسحتلها دموعها
اسراء : بصح كرازيتيه هداک بساكودو هههههه
ميار : هههه يادرا واش صرا لضهرو
اسراء : خليه يريح متكي بلاک يتربا
كملو يضحكو وحاولت تنسيها على واش صرا لتحت... سمعو رحمة تعيطلهم يهبطو يتعشاو
اسراء : هيا نهبطو راهي تعيط ماما
ميار : لالا اسراء راني شبعانا حمدلله روحي نتي
اسراء : والله تهبطي صوک متخلينيش نزعف
ميار : علاه تسبقي لحليف
اسراء : باش جي نهبطوو ومكالاه تريحي زعفانا هكا
ميار : خلاص اهبطي ضوک نجي
اسراء : ؤؤک ميرو نسناک
هبطت اسراء... وميار غسلت وجها ولمت شعرها كودشيفال..فتحت لباب جات عينها في عينو... هبطت راسها وكملت تمشي حبسها كي سمعاتو يهدر
جواد : ميار
تنهدت وهدرت بلا مدور ليه
ميار : مكالاه تزيد تهدر لي هدرتو يكفي
كملت هابطة وريحت في بلاصتها شوية دخل موراها ريحو... كامل ياكلو وساكتين مشي كيما مالف ميار تهدر وتضحک... زادت شوية مسحت فمها
ميار : بصحتكم
جات نايضة حبستها رحمة
رحمة : ماكليتي والو كولي بنتي
ميار : حمدلله خالتو
ناضت وراحت لبيتها
شويا وزاد ناض جواد طالع لبيتو... علبالو بلي راهو غالط حتى وين توصل ميحكيش على تربيتها كيشغول جاية من زنقة... تنهد وجاز على بيتها طبطب سناها جا رايح حتى فتحت لباب
ميار : آنعم
دار يديه في جيوبو ونسا كامل واش راح يقول تنهد وقال
جواد : علبالي غلطت معاک... مكانش عليا نهدر هكاک معاک... سكت وكمل.. سمحيلي
مخلهاش تهدر ميمپا راح دخل لبيتو يبدل باش يروح لجامع... هاد لخطرة لولة لي يطلب سماح وزيد من طفلة مي هو غلط ولازم عليه يطلب سماح هز مفاتحو وخرج
****عند ميار****
بعد ماهدر معاها هكاک وراح تمتم مخلاهاش ميمپا تهدر وتفرغ فيه زعافها
"كي زمر.... هكا ناس يطلبو سماح بفففف"
راحت تتوضا باش تصلي.... بعد مدة خرجت وصلاة
رفدت تيليفون باش تعيط ل آسينات ريبوندات
ميار : آآلو
آسينات : السلام
ميار : وعليكم السلام
آسينات : كيفاه راكي
ميار : حمدلله ونتي
آسينات : حمدلله ..واش عجبک لحال لثم
ميار : فوور بزور...ضحكت باش متبنلهاش... وشراهم قاسم وحمودة
آشينات : حمدلله برک احمد ملبارح وهو بالحمى
ميار : آياه مسكين وكيفاه راه ضوک
آسينات : ديناه لطبيب وضوک هبطتلو وراهو راقد مع باباه
ميار : كي ينوض عيطيلي نهدر معاه
آسينات : نشالله... آيا ضوک سلمي عليهم نروح ناكل
ميار : بصحتک... بسلامة
تنهدت خرجت لبرا باش نريح شوية فلجنان
قعدت فلكورسي لي لثم حتى شفت جواد داخل كان لابس قاميص بلونوي ... ريحت نخزر فيه كي طاحت عيني في عينو هبطت راسي
شوية لقيتو راح.... قعدت لثم ضربت نسمة باردة في وجهي..طلعت لبيتي وريحت نتفرج حتى دخلت عليا اسراء
اسراء : ميار اجري اجري
ميار : وشبيک صفرة ياطفلة غير لخير اهدري
ريحت قدامي ربعت رجليها وبدات
اسراء : علبالک شكون راهو جاي
درتلها براسي تع شكون
اسراء : سمعت جواد يهدر مع اكرم بلي غدوة راهو جاي ورايح يجيبو
هبطت راسها وكملت
بصح علبالي مراحش يجي لهنا احسن
حكمتها من يدها وتبسمت
ميار : معليش اسراء حتى نتي مزالک صغيرة متعمريش راسک بيه عيشک ختي
اسراء : نشالله.. حتى انا منيش حابة نشوفو
ميار : هكاک خير
صباح...
مريحين كامل فوق طابلة معدا ميار.... لي ضاربتها برقدة
رحمة : ميار مزالها راقدة
اسراء : كيما درت معاها محبتش تنوض
جواد : نوضي نوصلک
اسراء : ندير خماري ونولي
طلعت دارت خمارها وجواد خرج يسنا فيها فطونوبيل
طلعت ريحت قدامو
جواد : عشية عيطي لعمي فاتح يجي يوصلک انا مشغول
اسراء : اييه ؤؤک
وصلها لجاميعة وجات ليها مرام
مرام : صباح الخير عليكم... وشراک جواد
جواد : حمدلله ونتي
مرام : حمدلله مراناش نشوفوک كامل والله متحشم شغول منيش ختک
جواد : والله راني مع لخدمة وهاني شفتک...
حط يدو على راسها... متزعفيش
مرام : معليش جوزتها
اسراء : هيا نروحو ضوک يروح علينا لحال
دخلو يقراو وجواد راح لخدمتو...
****
طلعت رحمة لبيت ميار لقاتها مزالت راقدة
رحمة : يابنتي نوضي راهي ل 11
ميار : مممم... وهي تتكسل
رحمة : ميار بنتي
ناضت ميار تاوب وتحک في عينيها
ميار : صباح لخير خالتو
رحمة : كاشما بقا صباح
ميار : هههههه معليش هاد ليمات كنت نوض بكري
رحمة : يالله نوضي يزي متفنيين
ميار : ؤؤک خالتو
ناضت ميار تغسل وتبدل ورحمة هبطت توجد لفطور... وصلت عندها ميار لتحت وبدات طيب معاها
ميار : خالتو نسقسيک
رحمة : تفضلي بنتي
ميار : جامي سمعتكم تحكو على بابات اسراء وجواد
تنهدت رحمة هاد سوجي بذات متحبش تجبدو
رحمة : جواد ميحبناش نحكو عليه شافية كي ولدت اسراء فليلتها بعتلي وراق طلاق كان جواد هداک لوقت صغير مي عارف كلش... طيشنا لبرا مع انو مكانش عندو دار عشت معاه لميزيرية حمدلله كان عندي خويا منير مدلي حقي تع لورث ديت دراري حتى كبرو... جواد قرا وخدم باش وصلنا لي رانا عليه كان سند لختو صح شوفيه منيرفي ومقلق مي مكانش كيما قلبو لحنين.... تنهدت وكملت... حتى فواش صرا مقطعش على خاوتو
ميار : علاه عندو خاوتو
رحمة : كان متزوج قبل ميطلقني وعندو ريان ومرام قد اسراء
عنقتها ميار وباستها من خدها مسحتلها دموعها
ميار : سمحيلي خالتو والله مكان قصدي نبكيک ونفكرک
رحمة : لالا بنتي نوغمال لعكس درتک بنتي... وعلاش لالا تكوني عروستي
ميار : منيتک خالتو غير هذاک منتزوجش بيه... ضحكو وكملو شغلهم حطو يفطرو وحدهم
*****
عند جواد
شاف ساعة لقاها 4 هداک هو يروح لمطار
رفد مفاتحو وتيليفون وهبط
ركب في طونوبيل وديريكسيون لمطار
وصل بعد نص ساعة قعد لثم يسنا فيه
"راح نسنا بزاف انا "
جازت قريب ساعة مزال مبانوش طلع راسو حتى شافهم خارجين
ناض رايح يمشي ليهم... غير وصل عندهم عنق اكرم وزاد محمد
جواد : عسلامتكم
محمد : الله يسلمک وليدي
اكرم : سنيت بزاف
جواد : عندي ساعة وانا نسنا
محمد : طيارة دارت روطار
جواد : معليش المهم وصلتو
رفد معاهم لي فاليز وراح ركب قدامو اكرم ومحمد لور
جواد : قتلكم جو معايا لدار والله مفيها والو
محمد : معليش كون معدناش دار نروحو معاک
جواد : بعت ينقيها ويفرزها
محمد : يعطيک صحا
جواد : بلا مزية
اكرم : وشراهي خالتي رحمة
جواد : حمدلله راهي تسلم عليكم
محمد : توحشت بنتي اسراء كيفاه راهي
جواد : والله مليحة راهي مع لجاميعة
محمد : الله يبارک...ديجا كبرت ووصلت لجاميعة
جواد : وي والله تمتم جاز لوقت
محمد : واش تبعت
جواد : ميدسين
محمد : الله يبارک ربي ينجحها
اكرم ملي سمع اسمها تفكر نهارتها صح جرحها مي مكان ميدير تنهد وكمل يحكي معاهم
وصلهم قعد شوية وراح باش يريحو... وصل لدار دخل ملباب لقا ميار تتفرج وتاكل وطيح فشيبس فزربية غمض عينيه وفتحهم آكثر حاجة يكرها لي يوسخ
جواد : نقي هذيک لبلاصة
ميار : كي نكمل لفيلم نفرز دنيا
جواد : قتلک ضوک
ميار : واش نتا لعبتلگ على لجن لحمر ولا نقزاتک نملة لازم تهدر
جواد : كون تسكري فمک مشي خير... فرزي لحالة
راح وخلاها دخل لبيتو وطالعلو لينار كون زاد شوية مسكراها استغفر ودخل يدوش
*******
دخلت اسراء ملباب ميتة مسعادة
اسرااء : ماماااااا
رحمة : واشبيک تعيطي
ميار : طرقتيلي طبل تع وذني راني قدامک
اسراء : اسمعوني بصح
رحمة : ايه اهدري
اسراء : اولا حطولي ناكل جعت
ميار : والله متكليها حتى تهدري
اسراء : خيروني بين 3 اوائل لي يدوهوم يتربصو في سبيطار
قالتها بزربة سوطات ليها ميار تعنق فيها
رحمة : مبروک عليک يابنتي ربي يوفقک
ميار : يااا عمري مبروگ عليک
خرج جواد على عياطهم
جواد : واش كاين
اسراء : خيروني بين 3 اوائل باش نروح نتربص في سبيطار
راح ليها وعنقها
جواد : مبروک عليک
اسراء : مرسي عليكم
ضوگ حطولي ناكل جعت
ميار : حتى انا ناكل معاک ملفرحة تفتحتلي شهية
رحمة : هههههه معليش
كان جواد يخزر فيها كيفاه تضحک معاهم وتحكي بيديها خزر لضحكتها لي دخلت لقلبو
استغفر وهبط عينيه ودخل لبيتو... راح جبد ل pc وريح يخدم
******
إنتهاء البارت
رمضان مبارك ♡
Vote + comnt
باش نتشجع ونكملها ♥