* بسم الله *
.
.
.
.
كانو ياكلو.. حتى دخل جواد شاف طفلة مريحة مقابلاتو بظهرها وشعرها طويل مطلوق هبط عينيه وكمل يمشي
رحمة: نسقيلک وليدي
هز راسو بايه برک...نزيدلک ميار
ميار : ؤؤک خالتي ديجا مكلتک بنينا
اسراء : تسمعک آسينات تحاوزک مدار
ميار : سكتي سكتي دوک راني هنا اومبعد كي نروح نشيتلها شوية
رحمة : هههه معليش بصحتک بنتي
ميار : يسلمگ خالتو
هذا كامل وجواد راسو مطلعوش للضوک مزال مشافهاش تقلق ملهدرة ناض وخلا كلش... دخل لبيتو يخدم
ميار : خالتو وليدک عقون ؟
رحمة : ههههه هو هكا ميهدرش
ميار : آآآآ ؤؤک
بدات اسراء تلم فلماعن وناضت ميار معاها
اسراء : خلي ضوک نغسلهم
ميار : لالا والله نغسل معاک
اسراء : راكي عيانا روحي تريحي
خزرت فيها ميار تع آيا بلعي
ميار : امشي قدامي يسموني نغسل معاک
كانو يغسلو حتى دخل
جواد : اسراء ديريلي قهوة
اسراء : معليه دوک نجيبها
دخل لبيتو باش يكمل خدمة
ميار : هكا نموت مهنية
اسراء : هههه بعيد شر عليک... بصح علاه
ميار : سمعت صوت خوک
دارتلو قهوة وميار كملت ماعن كي جات رايحة
ميار : آآي وين راكي رايحة مدرتيلوش سكر نسيتي
اسراء : لالا يحبها هكا مرة
ميار : منيتو كيفاه يشربها هذا
اسراء : هههه علمي علمک
داتهالو ولات وراحو للبيت يحكو
اسراء : واش تقراي
ميار : هندسة معمارية بصح راني في معهد وراني مبلوكيا هاد لعام
اسراء : يااه كيما جواد
ميار : شكون جواد ؟
اسراء : خويا وشبيک وزيد هو لي صمم دارنا هذا
ميار : آآ ؤؤک والله معلبالي ههههه ونتيا
اسراء : متخصصة في طب تع دراري صغار حلم حياتي
ميار : نشالله تولي طبيبة وتحققي حلمک
اسراء : نشالله
ميار : وينها خالتو
اسراء : سور دوک راهي تقرا فالقرآن
ميار: مزال مأذنتش العشاء
اسراء : واقيل مزال...نصلو كيفكيف
ميار : نشالله جيبيلي معاک صلايا برک
اسراء : ؤؤک.. اومبعد نولي ليک
ميار : ؤؤک
خرجت اسراء.. وناضت ميار باش تخمل حوايجها فلخزانة
كانت جايزة على بيت خوها حتى سمعاتو يهدر فتيليفون
جواد : معليش نسنا فيک اكرم
غير سمعت آسمو طاحتلها دمعة سخونة على خدها... مسحتها وقالت في قلبها
"ياربي 5 سنين جازو ومزال منسيتش... ومراحش ننسا انا ضوک"
طلعت لبيتها وقعدت تحوس على صلايا ملقاتش هبطت وراحت عند يماها
اسراء : ماما مديلي كاش صلايا لميار
رحمة : روحي فتحي لخزانة تلقاي لتم
راحت خرجت وحدة وهبطت لميار لقات جواد خارج رايح لجامع عرفت آذن دخلت لعند ميار ومدتلها صلايا وناضو يصلو ...كل وحدة دعات لربي يوفقها
مي ميار حست حاجة مهيش مليحة في اسراء
ميار : اسراء وشبيک هكا
اسراء : لالا والو
ميار : متحرشيش علبالي بيک حاجة
اسراء : عيانا برک وغدوة نقرا وو
ميار : ووو واش
اسراء : منعرف علاش رتحتلک وبزاف
ميار : انا نقلک باسكو انا كيوت 😂😂
اسراء : ههههه بزااف
ميار : سيريو ضوک وشبيكي احكي
اسراء قبل 5 سنين كان كاين صاحب جواد آسمو اكرم كانو يقراو كيفكيف وانا كنت دايمن نشوفو حتى حبيتو كنت دايرة في بالي مراهقة وجوز مي والله معلبالي علاش تعلقت بيه هكا حتى جا نهار وين كان رايح لخارج مع باباه وانا كي عرفت بكيت وندبت ...بصح قلت نقولو خير
Flach back
قبل 5 سنين.....
جواد : مشي كي تروح تنسانا
اكرم : هههه واش ننسا ياک راح نجي بين شهور
جواد : نشالله ربي معاک
اكرم: انا نروح وينها خالتي رحمة نشوفها
سمعاتو وهي داخلة لصالون... وموراها اسراء لي كانت مريحة قدام لباب تخزر برک
رحمة : والله راح تروح ونتوحشوک وربي شاهد والله نتا وليدي ثاني
اكرم : يعيشک خالتي... سلم على راسها وكمل... انا نروح مالا تهلاو في رحكم
ودعوه كيما لباب وجا رايح لباباه... حبس كي عيطتلو اسراء
اسراء : اكرم 😢 متروحش
اكرم : هه لازم نروح ختي اسراء
اسراء : منيش ختک.. باسكو نحبک اكرم
تشوكا منواش سمع مكانش دايرها في بالو كامل
اكرم : نتي خت صاحبي وجامي نخون ثقة ديالو... ونتي مزالک صغيرة على هاد لهدرة
كانت اسراء تبكي غايضتها عمرها
اسراء : مرانيش صغيرة
ضحک على طفولتها.. حتى وايذا حبها مراحش يخون ثقة صاحبو ولملح لي بيناتهم
اكرم : اتهلاي فروحک .... ومتخمي في والو اقراي مليح
مزادت هدرت معاه حتى حاجة طلعت لبيتها تجري
تنهد وقال
"صغيرة يجي نهار وتنساي وشوفيها. جياحة"
Back.....
كانت اسراء تحكي وتبكي وميار تخزر فيها
ميار : نقولک حاجة... فهداک لوقت غلطتي وهو مكان عليه يدير والو وزيد كون مجاش راجل مراحلوش في صاحبو.... متعرفي واش راح يصرا متبكيش
اسراء : قلت كي يروح راح ننسا مي غير نسمع آسمو نتفكر كلش
ميار : مشفتيهش كامل هاد 5 سنين
اسراء : لالا كان يهبط لدزاير مي ميجيش لهنا كامل وباينة باش ميشوفنيش كان يتلاقا ب جواد وراهم شركة وحدة برک هو يخدم لهيک وجواد حاكم هنا
ميار : مزالک تحبيه
هبطت راسها وهزتلها راسها ايه
ميار : خلاص طلعي راسک ومسحي دموعک ميستاهلش يروح يخرا مخلي هاد زين كامل
ضحكت وخزرت فيها
اسراء : منيتگ ضوگ
ميار : اييه علاش وسورتو كي تبكي...هو يندم
مسحتلها دموعها وعنقتها وحتى اسراء عنقتها حست حاجة تنحات على قلبها كي حكاتلها... تكالمات وناضت
اسراء : انا نخليک ترقدي
ميار : زيدي ريحي
اسراء : غدوة نقرا مكان مكان متحشيليش راهي 1 تع ليل
ميار : هههه ؤؤک تصبحي بخير
اسراء : ونتي بخير
راحت اسراء ترقد وميار جبدت بيجامة لبستها وخرجت تشرب لما...وولات رقدت
****عند أكرم*****
كمل هدر مع جواد على صفقة لخرة ...تنهد وناض دخل لدار ولقا باباه يسنا فيه
حميد : ارواح ياوليدي
اكرم : انعم بابا
محمد: تهبط وحدک لدزاير
اكرم : تحب جي معايا مكانش مشكل
محمد : هيه نجي ونهبط هاد لخطرة.. كاشما نلقالک عروسة نخطبهالک
اكرم : هههه بابا قتلک خطينا من هاد سوجي.. مزال شويا
محمد : في عمرگ 28 مزالک في مزال شويا
ا
كرم : كي نلقا لي توالمني اومبعد ساهل
محمد : نشالله... مالا شريلي بيي معاک
اكرم : ؤؤک بابا... بونوي
محمد : بسلامة
طلع لبيتو.. كي لعادة باباه نهار كامل مريح في نفس لهدرة نحا شوميز ورفد سربيتا ودخل يدوش... شوية وخرج بدل وحط راسو على لمخدة وراح في سبات
******
Pov جواد
فتحت عينيا على صوت تيليفوني... وآذان لول نضت توضيت لبست قميص وخرجت رايح لجامع باش نصلي
وليت لدار... سمعت حس فلكوزينة...رحت نشوف شكون لقيت طفلة لي جات لينا ...سمعتها تهدر وحدها
"يايما شكون... ياربي منيش حابة نموت مزالني صغيرة "
وشبيها هاذي هبلت... دارت باش شوف شكون وحطت يدها على قلبها
تنهدت ... شفت حالتها كيفاه هذا وين شفتها مليح هبطت عيني منها حتى هدرت
ميار: هذا نتا خلعتني وسمک حسابتلي جن خرجلي
جواد : الله يهدينا
جيت رايح لبيتي ... جات تجري حبست قدامي طلعت وجها ليا
ميار : يايما بوطو نتايا
جواد : نتي لي فرخة
ميار : حشاک... ديجا وشبيک طايح بطاطا خشينة
تنهدت
جواد : كملتي ضوک روحي
زربت في خطواتي وخليتها... غلقت لباب وبدلت لقاميص وحطيت راسي غمضت عينيا حتى جات تصويرتها بين عينيا ...كانت لابسة بيجامة وشعرها مخرب شوية وكي طلعت راسها ليا شفت عينيها عسليين مخلطين بلخضر
نحيت هاد تخمام وستغفرت... وكملت رقدت
.
.
.
.
.
.
******
نضت صباح روحت ندير sport كي لعادة... وصلت لدار دوشت نحيت بيه لعيا لبست حوايجي وخرجت
اسراء : صباح الخير جوجو
حتى سمعتها تضحک لوخرة... خزرت في اسراء تع بلعي
ولالة ميار محبتش تسكت
رحمة : هههه صباح الخير وليدي ريح
جواد : صباح نور
ميار : صباحو... قالتها وحاكمة ضحكة
وسوستني... شربت قهوتي
جواد : نوصلک
اسراء : لالا منقراش ضوک
جواد : كيما تحبي... نضت رفدت مفاتح وتيليفون وخرجت رايح الخدمة.. مزية
اكرم يومين ويكون هنا
وهاد لخطرة نقنعو يستقر هنا حتى وحكيت مع عمي محمد وقالي جاي... ركبت طونوبيل وديريكسيون لشريكة
...........
كانت ميار تلم فلماعن مع اسراء حتى قالت
ميار : نروح معاک نتي دوخلي تقراي وانا نسناک
اسراء : ياخاه هكا وتتبحري ولا وديجا وين تسنايني
ميار: معليش المهم حابة نخرج ونشم لهوى تع دزاير
اسراء : نقرا تيدي واحد ونخرج تسما سنايني 2 سوايع برک
ميار : مكانش كاش جاغدان لثم ؟؟
اسراء : هيه ندخلک لتاع لفاک بصح منضمنلكش ايلا حب لاجون لي لتم
ميار : ماعليش... نروح نوجد روحي مالا
رحمة : وين رايحين لبنات
ميار : خالتو حابة نخرج برک
رحمة : بلاكي على روحک ايدا تلفتي
عيطي لفاتح يجي ليک
ميار : ؤؤک خالتوو
راحت بدلت ولبست جين مع تريكو غوز ديمي مونش فيه كتيبة بلبيض دخلاتو فسروال ولبست باسكات بيضة
لمت شعرها... رفدت ساكودو صغير وخرجت
"وين راهي... آو مزال مكملت"
حتى هبطت موراها وخرجو راحو عند فاتح يوصلهم
اسراء : وجدي روحک لتبلعيط
ميار : خسارة عليک شوفي برک
اسراء : خليني نشوف برک واش ديري
وصلو وراحو كانو يدخلو... ملباب صغيرة ويشوفو لاكاغت
كانو داخلين حتى حبسهم لعساس
صابر : وين بيها نتي وري لاكاغت
اسراء : صابر حمباباک نسحقک
صابر : واش تسحقي
اسراء : هادي ختي ومكان حتى واحد فدار وانا عندي تيدي ضوک... ومكانش وين تريح
ميار : صبروو يرحم والديک نريح غير فلجنان
صابر : حابين تباصوني مع لإدارة ول
اسراء : لالا واحد ميعرف وزيد آي تبان من صحاب لافاک
صابر : تخلصولي فطور مالا... جات تهدر ميار بصح حكمتها اسراء من يدها تع اسكتي برک
اسراء : اييه نخلصولک خسارة عليگ
صابر : ؤؤک... ونتي متزوغديش بزاف باش ميفيقولكش... مزية لمديرة مجيش ليوم
اسراء : آيا صحا صابر
دخلو وميار تاكل في روحها
ميار : واش نرشيوه باه يخليني ندخل وزيد نخلصولو فطور ربحت هادي
اسراء : دوک نرجعک وريحي برا سلكنالها على شعرة
ميار : ريحت دوخان صرعتني
اسراء : ايه واش تحبي... سمعتي واش قال لمديرة مجاتش
ميار : وواش نديرلها انا
اسراء : تدخلي معايا لتيدي اصلن ميفيقوش
ميار : آواه معولة تتحاوزي نتي مي معنديش بروبلام
اسراء : اييه هايا مالا اجري ندخلو
دخلو وبلعاني خيرو بلاصة لخرة باش مينتبهش شيخ
ميار كرهت حياتها وهي تشوف فلكوغ
تهدر بلعقل
ميار : واش راهو يخلط هذا حمبوک
اسراء : راهو يهدر على تشنجات المخية لصغار
ميار : محلي من الاعراب انا وين ياربي صبر
اسراء : سكتي خليني نتبع
ميار : تبعي تبعي يالخباشة
مور 2 سوايع...
ميار : كون زدت دقيقة نمرض بالمخ ملخر
اسراء : ههههه والله حسيتک مغبونة
نتي حبيتي تخرجي
ميار : تووبة
مدو دراهم لفطور لصابر وخرجو
****عند اكرم****
مريح يخدم حتى وصلو ايميل
حكم تيليفون وعيط لجواد
اكرم : صباح لخير
جواد : صباح نور... بايت تنوم فيا
اكرم : دوک نبعتلک ايميل شوفو
جواد : راني نسنا
اكرم : غدوة نهبط تسما نبعتلک عقداه تهبط طيارتي جي ليا
جواد : تتشرط تاني
اكرم : بيان سوغ صاحبي... آيا غدوة نشالله
جواد : نشالله
كوبا... حط تيليفون ورخا روحو على لكورسي
"دوک بابا خرج بخرجة جديدة...هذا واش خصني نستقرو في دزاير "
ولا لخدمتو...
***عند لبنات ***
رايحين يمشو وياكلو في شيواوة
ميار: شحاال عندي مكليتهاش
اسراء : تتفكري معايا ليمات انا شفتي
ميار : آآآوي
وصلو لوحد طريق خاليا...
ميار : هكا ويخرجنا كاش وحش هنا
اسراء : بركاي متمسخير ديالک
كملو يمشو حتى خرجولهم زوج ليجان
1**: واش زلات تع بلادنا
2**: سور باباک كان ارهابي باش جاب بومبا كيما نتي
ميار : حاب تتسقل واقيل
اسراء : ميار امشي خلينا منهم
ميار : آمنيتگ
1**: لالالا متزعفيش شابة نيميرو برگ
2**: لابغيتو زعما رانا سواسوة
ميار : ايا احشمو على عرضكوم نوغمالمو راكم تخدمو مشي تتبلاو في بنات ناس
2**: اووه لقطة ديالنا زعفت ارواحي نحيلک زعاف
"وكون نحيلک انا زعاف "
**************
.
.
.
.
Vote+ Com'nt ♡