دلف كلاً من ندى وزياد الى الشركة وجميهم
يتهامسون عليهم ويوجد بعقلهم من هذه الفتاة
ولكن لم يجرؤ احد على قول شىء الا شخص
واحد
الشاب بسخريه......: كل يوم مع واحد إياد باشا المرة اللي فاتت والمرة دى زياد باشا بكرة بقا هاتيجى مع احمد باشا
ضحكوا جميعاً ولكن شهقوا عندما وجدوا زياد
ممسكاً الشاب من تلابيب قميصه ويسدد له بعض
اللكمات ثم قال زياد بحدة وصوت عالى......:
اللى بتتكلموا عليها دى بتكون مراتى ندى
العراقى وإياد بيكون اخوها واللى هيجيب سيرتها
على لسانه هيكون اخر يوم فى عمره.... اما انت
مش هعملك حاجه غير انك هتترفض من الشركة
دى نهائي واحسنلك متورنيش وشك هنا مرة تانى
جاء ليتحدث الشاب قاطعه زياد بعصبية....: برااااا
ركض الشاب مسرعا بينما ذهبوا جميعاً الى عملهم
دلف زياد الى مكتبه وجاء ليغلق الباب وجد ندى دلفت هى الاخرى
ندى بتصفيق.....: حلو اوى الشو اللى عملته دا بجد انت بطل... بس عايزة اقولك مهما عملت او قولت هفضل اكرهك يا زياد سلام يا زوجى العزيز
قالت اخر جملتها بسخريه وغادرت مكتبه بينما زياد
تطلع اليها بعيون مشتعلة وحطم كل شئ حوله
________________
دلفت الى مكتبها وهى تضحك بشدة بعدما
اشتعلت النار بعيونه وقامت بإستفزازه ثم
قالت......: انت لسة شوفت حاجه يا زيزو دا انا
هوريك ايام سودة هفضل اعصب فيك لحد مايجيلك شلل
ثم اكملت ضحك وجلست تتابع عملها وجدت احد يطرق الباب واذنت له بالدخول
تالين.......: فى شخص بره عايز يقابل حضرتك
ندى....:مقالش مين
تالين....:لا
ندى.....:خلاص دخلى
قامت تالين بإستدعاؤه وغادرت
ندى بفرح......:ميجو وحشتيني اووي
احتضنها ماجد بشدة نعم انه يحبها بل يعشقها
واقسم بداخله انه لم يتركها وشأنها وسوف يفعل
المستحيل لأخذها من زياد..... ابتعد عنها
وقال.....:انتى اكتر ياقلبي عامله ايه
ندى.....:الحمدلله انت عامل ايه وباباك
ماجد.....:الحمدالله....بابا رجع امبارح من السفر
ندى......:بجد طب الحمدلله اهو مش هتقعد لوحدك تانى
ماجد......:اه فعلاً....بقولك ايه عايز نرجع نسهر
زى زمان اتخنقت من البيت
ندى......:عندك حق وانا كمان خلاص بص اتصل
دلوقتي بليان وقولها وانا هحاول اخلص شغل
بدرى واغير هدومى ونخرج اشطا
ماجد بضحك......:اشطا
جلس ماجد يعبث بهاتفه وجلست ندى تتابع عملها
_________________
عند زياد بعدما حطم كل شيء حوله دلفت تالين
ورأت حالة المكتب البشعة ذهبت واحضرت عمال
النظافة ونظفوا المكتب ثم غادروا وجلس زياد
يتابع عمله وتذكر شىء قام بالإتصال على تالين
لتأتى طرقت تالين الباب واذن لها بالدخول
تالين.....:نعم حضرتك
زياد.....:هاتيلى الملف بتاع شركة بيجو سيتروين
علشان محتاج اراجعه
تالين.....:بس الملف مع مرات حضرتك
زياد بإرتباك....:ط طب اتصلى بيها تجبها
تالين....:احم بس مدام ندى عندها ضيف ومش
هينفع تسيبه وتيجى
زيادبإستغراب......:ضيف مين دا
تالين.....:معرفش بس سمعتها بتقوله يا ماجد
زياد بغضب......:ماجد طيب امشي انتى وانا هروحلها
تالين......:حاضر بعداذنك
غادرت تالين بينما قال زياد بعدما قام من
مقعده....:دا انتى يومك اسود ياندى
ثم غادر الى مكتبها
"فى مكتب ندى "
ماجد......:ندى انا همشي انا بقا علشان اروح البس واتصل بليان
ندى.....:اوك بس متنساش تتصل بيها
ماجد....:ماشي يا قلبي بس متتاخريش...وياريت
تخلصي شغل بقا وتغورى تلبسي علشان انتى
بتتاخري دايما
ندى بضحك......:حاضر امشى بقا
ماجد......:بتطردينى يا ندى دى اخره تربيتى
فيكى اااه يا قلبي
ندى بضحك.....:غور بقا
ماجد......:ماشي بس متتاخريش سلام
جاء ماجد ليغادر وجد زياد يدلف وتطلع ماجد الى
عيون زياد وجدها يتطاير منها شرار
ماجد.....:ازيك يا زياد
زياد بإقتضاب.....:كويس
ماجد.....:طيب انا همشي بقا متنسيش ندى اللى
قولتلك عليه سلام ياقلبي
غادر ماجد بينما زياد اغلق الباب ووقف امامها
ينظر لعينها مباشرةٍ وقال بجمود.....:كان بيعمل
ايه هنا دا
ندى بإستفزاز وبيدها ملف قالت.....:وانت مالك
زياد بغيظ.....:ندى متستفزنيش اكتر من كدة
علشان لو اتعصبت عليكى هتزعلى منى
وجامد كمان قوليلى ماجد كان بيعمل ايه هنا
ندى.....:قولتلك حاجه متخصكش ويلا بقا سلام
علشان مستعجلة
جاءت لتغادر ولكن منعها عندما جذبها لترتمى
بصدره العريض شهقت ندى ثم قال زياد
بجمود.....:لما اكون بكلمك متسبنيش وتمشي
فاهمة وبعدين طريقة كلامك واسلوبك مش عجبنى
ندى......:والهى دى طريقة كلامى واسلوبي
وانا حره وقولتلك ملكش دعوه بيا وياريت تسيب
ايدى علشان كدة مينفعش احنا فى الشركة
ترك زياد يدها وقال.....:تمام براحتك خالص بس
عايز اقولك ان كل حاجه هتتغير بعد جوازنا
ندى وهى ممسكة بحقيبتها.....:لما نشوف سلام
غادرت ندى بينما زياد ضغط على يده وابيضت
مفاصله ثم غادر الى مكتبه
_______________
كانت ليان ترتشف قهوتها وتقرأ رواية قاطعها صوت يصدح من هاتفها وكان ماجد
ليان.....:الو ازيك يا ميجو عامل ايه
ماجد....:الحمدلله يا حبيبتي وانتى عامله ايه
ليان.....:الحمدلله
ماجد.....:بقولك عايزك تقومى تلبسى علشان
هنخرج النهاردة
ليان.....:اوك نص ساعه وهرن عليك سلام
ماجد.....:سلام
اغلق معها وذهب ليرتدى ملابسه هو الاخر
__________________
دلفت ندى الى القصر وجدتهم جالسون جميعاً عدا
زياد القت السلام وصعدت لتبديل ملابسها دلفت
الى الحمام وخرجت ارتدت ملابسها عبارة عن
فستان باللون الاسود قصير يصل لفوق الركبه
وجزمة سوداء وتركت العناء لشعرها ووضعت
احمر شفاه قاتم اللون واخذت حقيبها وغادرت
الى اسفل......فى ذلك الوقت دلف زياد الى
القصر وعندما راها كور يده وهتف
بعصبيه......:هى الهانم رايح كباريه والا حاجه
ندى بعصبيه......:احترم نفسك معايا والزم
حدودك واعرف كويس انت بتقول ايه وياريت
متتدخلش فى حاجه متخصكش فاهم
جاءت لتغادر ولكن وقف امامها وقال......:مش
هتخرجى من البيت وانتى كدة يا ندى
ندى بعناد.....:هخرج يا زياد وبعدين مين اللى
هيمنعنى بابا واقف اهو معترضش انت بقا
هتعترض لية بصفتك ايه جوزى خطيبي
زياد بثقة.....:ايوة بصفتى جوزك
ندى....:دا من امتى انشاءالله
زياد.....:من بكرة..... ثم التفت الى محمد
وقال........:عمى بعد اذنك عايز كتب الكتاب
يكون بكرة
محمد......: اللى تشوفه يابنى
ندى بصراخ.....:يعني ايه اللى يشوفه هو.......
تلقت صفعة قوية من والدها واشار
بسبابته......:على اوضتك
نورا......:بس....
محمد بعصبيه.......:مسمعش صوت حد وبكرة
كتب كتاب زياد وندى والكلام خلص
القى هذه الكلمات وصعد الى غرفته بينما نظر
زياد نظرة بمعنى كلامى هو اللى هيمشي عليكى
زفرت ندى بضيق ثم صعدت الى غرفتها وقال
زياد......:وحياة امك لهربيكى من اول وجديد
ثم صعد الى غرفته هو الاخر
___________________
عند مراد كان يفكر فى نغم ومواجهه والدها بالزواج منها
ثم قال.....:انا لازم اكلم باباها انا مقدرش اعيش من غيرها يارب يوافق يارب
#mahy