كـــــــراميــــل
الحلــقه الــ23
بقــلم " محمــد مالــك _ميــرو الشريــف "
يـــوم الفاتحـــه و البــيـــان.
غيـداء كـانـت فـوق حوشـهم اتنـزل في أماعيــن و لـما تبـي تنـزل أنصـدمت بـ اللـي قـدامــها كــان سـراج لابـس أسود فـي أســود.
غيــداء. : 😳هذا أنـت😳😳😳
تسنيــم كـانـت راكبــه وراهـا لـما شافـت ســراج قـعدت تبـكي و أتهـز في راسـهـا لا لا.
غيـداء. بـرمـت قعـدت أتبحـت في تسنيـم. أنصـدمت حطـت الـي في يـدهـا و مشتـلها. بسرعـه. : خيـرك. ! شن فـي من هـذا. ؟
تسنيــم خانقتنـها العبــره. : هــذا سـراج عـــمي
غيـداء أنصـدمـت بـ أن الشخـص الـي كـان محـاوطهـا و مهتـم بيهــا. ! يطـلع عـم تسنيــم ! فالدقيقـه هـذي بالضبـط عـرفـت شن قصـة خوتـهـا معــاه.
بينمــا كـانـت غيـداء مازال تحكـي معـاهـا كـان سـراج طالـع و باعتــلها رسالــه.
لمـا سمـعن صـوت الرسالـه هـن الاثنيــن أرعشــن مع،بعضــهن.
فتحـت غيـداء الرسالـه. و بـدت تقـرا فيهـا هيـا. و. تسنيــم. " أول مـره نشـبح قمـر يـطلع وســط نهــار ❤️سـلميـلي لـ بنـت خـوي و باركيـلهـا عـني لـ زواجـها. نحبــك هـلبـا هـلبــات "
تسنيـم. لمـا سمعـت. صـوت عصـام ينـاديلهـا قعـدت تمسـح في أدموعـها. : مصـح خليقتـه. ! ديريـه فـالحظـر
غيـداء بحتت فيـها. : بس ويـن جو أعمامـك ما شبحتـش مـعاهم؟
تسنيـم بحتت فيـها. : جـدي متـزوج. 2 و هـو ولـد الثانيـه الـي عايشـه في قطـر هو وياهـا. و هـو يختـلف هـلبا على عـمامي التانييـن. ! بـس يمشـي نفـس الـدم فيـهم. و كلـهم بالنسبـالي زي بـعض هـي بنمشـي لـ معتصـم. و لوحيـه عليـك فالحظـر.
غيـداء هـزت راسهــا خشـت بتديرلـه حظـر. و في شـي وقفــهـا. غيرت كلامـها و نـزلـت مع تسنيــم
عصام شايـل كيـس بتـاع القفاطيـن. : خيـرك عطلتـي فـوق و خيـرهم أعيونـك. !
تسنيـم أبتسـمت. : مخيـرنيـش حيي شن هـذا. ؟
عصام أبتسـم. : شنـي بنخليـك بلا حـوايج الليلـه. !
تسنيـم ضحكـت. : صحيـت هـلبـا هـلبـات.
عصام : الليلـه بتروحـي لـ شقتنــا. ❤️
تسنيـم ضحكـت. : أي خبـرتنـي أعميمـه. 🙊 علئ أساس قـدام النـاس أن مستـعجلين و بنسـافرو
عصـام قـرب منهـا حـط أيديـه علي خـدودهـا و زاد قـرب أكثـر و باسهـا علي راسـها. : ربــي أيبـاركلـي فيـك و يخليـك و يحفـظك ليــا ❤️
________________________________
كــانـت في فيــلا ثانيـه لصـاحـب عـمي حمـد و فيهــا صالـه كبيــره. و مربوعــه كبيــره أتفقنـا أنـديرو كل شـي غـادي لان أسـاسـا هو يـأجـر فيهـا. و طلعـنـا أنـا وماما و قـمر و ريـان و حنيــن و تسنيــم و غيـداء غــادي
كنـا جتيبيـن طاقـم خـاص بالسيـرفـز و الـديكـور شبـه جـاهـز. ! و البوفيـه للاكـل كـان مفتــوح !
تغذيـنـا مع بعضـنـا كلنــا في الــدار الـي فـوق و من بعـدهـا بدينــا في أرواحنـا أنـا و تسنيـم جتنــا مُزينـه و خشـينـا معـاهـا لـ الـدار
حنيـن و ريـان أيحـددن في جلابيـات رجالاتــهن. !
العصــر الفاتحـــه و الـمغــرب "البيـــان 💍"
فــــي مزرعــه المنصــــوري ❤️
كــان هيثـم واقــف يشــوي لـ الغــدي و عصــام و معتصــم جـايبينـلهـم حمـام مغربــي 🤦♀️و مـش فاضييـن. !
نــادر علئ الكرســي يشتـغـل كـالعــاده و منـذر كـان واقـف يهـدرز علي هيثــم. ! و أسـلام أيتشـيلهـم. !
عالســاعــه 3:00 العصـــر كــانـو الشبـاب شبــه واتييـن كُلهـم بالعربــي.. ! ❤️
معتصــم. : هــذا شن؟
نـادر: أنـي حجـزت. سيـارات جيـب. !
عصـام. : حنولعــها 😍💃
هيثـم. : هـلبـا يـا راجـل. يعطيـك الله عقــل🤦♀️
و فــعلا ركـب معتصــم هو و هيثــم و أسلام في وحــده وراهــم عصــام و نـادر و منـذر و وراهــم 4 سيــارات لاصحــابهـم حتـئ هـمـا جيــب. ! و أصحـاب معتصـم 4 زوز وراهـم و زوز قـدامـهم بـالموتـوات. والاغانـي يومهـا قالبيــن شــوارع طرابلـس ❤️
شــي بيبــات شــي أعيــاط تمتيـــع. ! وقفــو في سيمـافـرو و دارو شـوط رقيــص و تشتـاي مع شرطـي. المـرور 😅و جـاهـم واحـد سـوري رقصـهم علئ الدبكـه 🤣و قبـل كلـهم طاحـو لان ميعـرفـوش فيـهـا واجــد.
ليــن أتجــهو لـ الجــامع لـ الفاتحـــه. ❤️
كـان أنـا وكيلــي منــذر 💍
و معتصـم وكيلــه. " هيثــم "
_________________________
عنـدنـا نحنــا نـزلونـي أنـا و تسنيــم لابسيـــن بــودري قعـمزونـا و حطولنـا رجلينـا في أميـه و فلـوس و مـش عـارف شـن كـ عـادات و ممنـوع نتكلمـو لـ تنقـرا فاتحنــا ❤️
شـويــا و سمعنــا صـوتـهم كلــهن يبــاركـن. ! طـــول أدموعــي
نــزلن حُب و فـرحـت عــمــر! 💍
وليـت مرتـه و ولـئ راجلــي ! وليـت كنـه لامــه و لـ عيلتـهـم. ! كـان أجمـل شعـور أنحســه في حـياتـي. ! الشخـص لـ حبيتـه وفـئ معـايـا. ! و انكتبـت ليــه و علـئ أسمــه. ! محــلاهـا وقـت أنقولـه راجلـي. !
شـن حيـعـادل فرحتـي بيــك. ! شـن حنقـولـك عشـان أنحـاول نوصـف نقطـةة. توصـف مشـاعـري في بحــر حبـك العـميـق جــدا. ! شـن درت فـي حيـاتـي من خيــر لـ ربـي جـزانـي و عوضنـي بيــك. ! شـن دعيـت شـن قـلت لـ كنـت أنـت هديتـي الحلـوه من ربــي. !
و فـي الاخيـر بكـل " الـف الحمـدلله عليــك ❤️💍"
رفعـت راسـي شفـت نظـرات النـاس ليــا و نظـرات مـامـا رمشـت أعيونـي و قـررت فـاليـوم هـذا بالـذات منبكيـش ولا أنـزل دمعـه. ! أبتسمتلـهـا.
و طــول هربـت منــهم كلهــم لـ دار فاضيــه لـ مكالمــه معــاه. ! و سرقـنـي بصـوتـه باحسـاسـه بكلامـه. ! بـِ بحـة صوتـه و حمـده لربـي عليــا. ! أييييـه حُبي و حُبـه حُب عظيـم عظيــم جـدا جـدا.
________________________
فـــي الجـــامــع. !
بعـد المُباركـات. ! و فرحــة القريــب و البعيــد
خـش جبــران : السـلام عليـكم. " و حـول نظـاراتـه "
كلــهم تجـاهلـوه الا عصـام و هيـثـم ردو عليـه. ! و عصـام تحـجج منـهـم و مشــا. !
جبـران. : مشـاءلله أول فاتحـه نحضـرهـا في طرابلـس!
هيثـم. : تعيـش و تحضـر إن شاءلله
جبـران بحـت فيـهم من بعيـد لان كـانـو جـايبيـن نوبــه. : يكشخـو عليـا و متجاهـلينـي!
هيثـم. : شنـي مـالا يـاخـدوك بالاحضـان و يطبطـو عليـك. ! ولا كيـف
جبــران : اصلا الـزواجـه و الموضـوع كلـه مش راضـي عليـه. ! كـان مش من باتـي راه حتى هنـا ما جيـت ولا فرحتـكم تمـت. !
هيثـم برم بحـت فيـه. : جـاي تشكيـلي فـي همـك و مواجـعك !
جبـران فنـص فيـه و رد لبـس نظاراتـه و طـلع
هيثـم : ناقصـنـي مهبلـه أنـي يكفـي لـ بلانـي ربـي بيهـا و بنتـزوجـها. 🤦♀️
_____________________________________
الساعــــه 7:00مسـاء
وقفـت قـدام المرايــا و أبتسمـت. ! بحنتــي السودانيــه البسيــطه. ! بـ قفـطانــي الاحــمر أمبـوج عليـا رغـم أني طشـه ! أبتسـمـت برضــا و أعجــاب لـ نفســي. !
قـمـر: أتهبلــي ولله 😍
انـا أبتسـمـت و خـديـت معـاهـا سيـلفـي و مع باقـي البنــات. ! لـ كـانـت تسنيـم لابــسه قفـطـان. أبيـض أمبــوج واجــد ❤️
و امحنيـــه. لان اليـوم مروحــه مع عصـام لـ حوشـهم ❤️نيـالهـا 🙊
بخيـت عطــري و خـديـت تليفونـي بنتصـل بـ معتصـم كـانـت جايتنـي رسالـه. فتحتـهـا و كـانـت من عبــدو! " ألف ألف مبــروك. زواجــة الشــقا هههههههههه " أنصـدمـت من كميـةة حقـارة و بشاعـة الرسالـه و طـول حذفتـها و كملـت طريقــي. ! نـزلـت لـ الصالـه و طـول بـدت ريـان أتزغــرط
سـلمـت على النـاس لـ كـان أعظمـهم من أقارب معتصــم و عـمتـي حـواء و فــرح و غيـداء لـ مـاليهـمش دقائـق خاشيــن محمـليــن بالحـــلو و بوكســات الحـوايـج و الاهـم بوكســات المكيــاج. ! 🤦♀️
قعـمـزت في وسطــهم في كرســي و كـان الكرسـذ لـ جنبــي لـ عصومــي ❤️
بـدت الضيافــه و الاغـانــي! كنـت مبتسمـه و عايشـه لحظتـي و مـش عارفـه شـم لـ حيصيـر! و شـن القـدر و النصيـب داسلـي !
لـيـن جـت قـمـر قالتلـي قالـو معتصـم قريـب يوصــل رجفـت و رعشـت و بـان عليــا. ! ❤️
دقائـق و سمعـنـا صـوت الالعـاب الناريــه و الاغــانـتي قالبيـن الشـارع و طلعـت غيـداء و عـمتـي حواء يستقبلــوه. ! و حنيـن جـت بسرعـه أتسقـم فيـا و تزيدلـي في العطــر ❤️
و المنظومــه ولعـت أغنيــة لـ خـش عليـها معتصـم بـِ بدلـه رسميــه. ! شايــل بوكيــه ورد بسيـط و أعيونـه ثابتـه،فيـا من أول الممـر لاخـره
كـان كل مـا يقـرب كـل مـا دقـات قلبـي أتزيـد أكثــر!
" يامــا حكيـت عليـك لـ النـاس وللايـام قالولـي خيـال و قـلت حقيقـه مش أوهـام قالـو ملاك بتحلـم بيـه و مـش أنسـان
راهنـت عليـك و اجينـي بقيـت انـا الكسبــان 💍 "
وقــف قـدامـي أبتسـم خـدا يـدي و باسهـا بالقــوه من كـف أيـدي. و هـو مغـمض أعيونـه زيــن
"أنـا راسـمك في خيـالي من قبل اكـون وياك و سنيـن بستنـاك قالـو عليـا ليـالي عايـش في أمل كـذاب مسكيـن ماشي وراء سـراب و مصيـري يوم يفيـق "
فتـح أعيونــه عطـانـي نظـره مليـانـه حُب. !
معتصــم. : مبـــروك حبيبــي. ! ❤️
"قـرب و وقــف جنبـي كنـت في حالـه مش قـادره نوصفـها غيـر خفقـان قلبـي و بـس
"و ادي المسكيـن بقـى دلوقتـي ليه حاسديـن ومـش فاهميـن سالونـ عرفـت منيـن أنرفي يـوم اقابلك من باقيـة النـاس وانا رديـت بـاين مشيـت وراء الاحســاس " ❤️💍
جـت مصوراتيـه بـدت أتصـور فينـا و صـورت معـانـا العيلـه ! و جـي وقـت تلبـس الدبــل. !
طلـع معتصـم الدبلـه من جاكتـه و بحـت فيـا. : لازم نلبـسها لك. !
بحتت فيـه و عقـدت حواجبـي!
معتصـم : قصـدك تبيـها جـديات مش بصــاره. 🤣
انـا رفعـت حـاجبـي اليميـن و ساكتـه. !
معتصـم. : يعـني شكـلي هـكي غيـرت كلامـي! " و بـرم " : أمي
عمتـي حواء. : خيـرك؟
معتصـم. : ويـن أنلبسـها يميـن ولا يسـار ولله نسيـت 🤦♀️🤣
كلنــا قعـدنـا نضحكـو و هـو يضـحك. !
عمتـي حواء. : حشــم بيــك 🤦♀️فـي اليميـن لان خطيبتـك. !
معتصـم: ولـقريـت فاتحتـها و ولـت مرتـي منـي 😳لا هـي ولـت مرتـي بنلبسـها في اليسـار برو من عليـا 😎مدي أيـدك
عضيـت فـمـي! و مديتــله يـدي اليسـار !
أبتسـم لبـسنـي الدبلـه و قـام أيـدي باسهـا و تنـهـد
جـابتلـي قـمـر الدبلـه أبتـاعـه. !
معتصـم. : فـي اليـد اليسـار لو سمحتـي !
فنصـت فيــه و شديـت الدبلــه. فـي يـدي
طفـن الضوايــا كلهــن و جـت إضاءه بسيـطه عليــا و عليـه. بحتت فيــه. : قـدام الكـل و قـدامـك. ! أنعـاهـدك بـ أنـي حنصونـك ! و حنحـافظ عليـك. " خـديت نفـس و زدت بحتت فيـه و ركـزت فـ أعيونـه. " : حنشـري راحتـك و حنحـافظ عليـك و علئ حوشــي. ! ووو " نـزلت راسـي و سكتت بعـدها رفعتـه و ابتسـمت " و الله لا يحـرمنــي منــك ❤️
معتصـم بعيونـه المـدمعـات. قـرب و باسنـــي علي راســي
و لبستـه الدبـله على أغنيـة . " أوقعلــك عقــد لـ المـوت أبقـئ ويـاك صــوره و صـــوت "
رقصنــا انـي ويـاه شويـا " ريدي ريـدي نا ريـدي عندي خير نا ريـدي اختـرته بيـدي والي يبي ايسيـر يسير "
طــلع معتصــم ! و طلعـن وراه غيـداء و فـرح قعـدو يرقصـو على مهـرجـان " بنـت الجيــران " معـاهم نـادر و عصــام لـ بعـد مـا انـا قعـمزت مع البنـات خـش على أغنيـة " عروسـه " خـدا تسنيــم بعـد التصويــر و فرحتـهم و الحــب الــي فـ أعيونــهم كـان أكـبر من كــل شي 💍❤️و الليـله تتـوج حُبــهم
غيـداء الي أول مـا روحـت كـان سـراج يتصـل فيـها باستمـرا و فالاخيـر قررت أتـرد و تشوفــه
سـراج: قــمري ❤️
غيـداء قلبهـا. قـعد أيدق بالقـوه خـدت نفـس. : أختصـر لو سمحــت. !
سـراج. : عـلاش. ! أحني كيـف بدينـا و العـمر طـويل متخـافيش مـش حنديـرلك شـئ لا انتـي ! لا بنت خوي اكـيد حكتــلك عليا وخـفتي منـي ! اصلا اني راجـع علي خاطـرها ولما رجعت ع خاطرها قابلت قـمر علي قد مـا درت العالـم مفيش قمر خدا قلــبي زيـك. !
غيـداء فنصـت أعيونـها طول و صـكرت ! اخخ قـداش ما كلامـه يدوخ. !
بينمـا هـو قعـد أيبحـت في التليـفون و يـضحك. : شورهـا تحشـمـت!
_______________________________
عـنــدي أنـا و معتصــم
معتصـم في وسـط المكالمـه. : يا سكــر محـروق 🌚
انـا شديـت ضحكتـي!
معتصم:_راه تزوجتك عشـان أنحب الشراقه و انحبك و عاجبتيني. وبنرضي جدي بس
كراميل_شن قلت انت. ؟
معتصم:_قتلك تزوجتك ع خاطر انحب لهجةة الشراقه
كراميل_تي لا الي بـعدها. ؟
معتصم:_ قتلك بنرضي جدي " و ضحك "
كراميل_مبـردكك. ! بـاهي كنك توا شن،تبي ثاني. ؟
معتصم:_ ايوه كنت بنقولـك أن محـلاها بنغازي و محلاك و محلاها بنغـازي
كراميل:_ بتطـول انت هكـي انا بنرقد. ؟
معتصم:_لا هو انـا نبيك و نبيك ترقدي اصلا. !
كراميل_ من تبي انت مفهمتش. " و ابتسـمت. "
معتصم:_قتـلك نبيـك ترقـدي اصلا. ؟
كراميل:_تيييييييي معتصم باي
معتصم:_ في أمان الله انتِ و قلبي
كراميل:_ انا ومني. ؟
معتصم :انتِ و نفسك. !
تعقـدت و صـكرت عليـه. ! و حضنـت التلفون لـ غمرهـا و أبتسـمت.
أما هـو حط الفون جنبـه و شـبح لـ السمـاء " نـا شاقي والغالي ساهـي ...شـورك يالنصيب الباقي ❤️ "
بعـــــــــد مــــــرور شهــــريـــــن
يتـــــبع