كــــراميـــل
الحلـــقه. " الســابــعه عشـر "
بِ قــلم. " محمــد مالــك _ميــرو الشريــف "
ملخص احداث قبل نفكركم بهلبا حاجـات ❤
كمـال جاب اخبار ع تسـنيم وقصـتها
انها وحيدة هلــها و امها وخوهـا توفو تحت القصـف العشـوائي وعمامها خلوها تـوقع ع اوراق ورمـوها فالمصحة النفسية
اما منذر مشى بنغـازي لسبب غير معلوم وريـان مــش عارفة شن تتـصرف ومـشاعرها متـلخـبطة من ناحيته
اما جبـران اتلقا بي بنت اسمها سارة متقـدرش تنطق حـرف الراء وضحك عليها وهزباته حس انه كسـرلها خاطرها بالضحـك عليها وضمـيره مأنبه
اما عصـام الي قلبه اتعلق بتسنيم ومش طالعـه من باله
ومشى للمصـحة مش يتعالج من ادمـانه !
وفرح صديقـتها عرسها من شخص شرقاوي عزمـت كراميل تمشـي معاها ورفعهم معتـصم للعـرس الي كان لي عبدو !
_____________________
كـان الموقـف بالنسبـه. ليـا أقرب للخيـال.
قعـدت أنرمـش في أعيـوني و دمعتـي نـزلـت. حسـيت باطرافـي جمــدن أنشليـت. فـي مكـانـي. فقـدت السيـطره. علي روحـي طاحـت منـي شنطـتي الصغيـره. تفركسـت.
نـزلـت قعـدت أنلم في فونـي و روجـي وأيديـا يرعشـو و صـدري يرقـا و يـنزل. حسيتـه ورايـا. شميـت ريحتـه.
صبيـت بسرعـه. حطيـت. كل شـي في شنطـه. و خشـيت للقاعـه. و انـا مستكـه.
في اللحظـه هـذي كـان عبـدو أشر منـي صـدمتـه. شن جـابني هنـا و شنـدير و شن علاقتـي !
نـزل راسـه. شـاف سلسلـه. ليـا. طاحـت من شنطـه. نـزل رفعـها قعـد أيبحـث. فـيها. قـبض عليـها. بايـدا اليـمين. و رفع راسـه. فـوق. : عبـدو أنت بـديت حيـاه جديـده. ! أعيونـك و قـلبك الليله. في مرتـك. وبس
خـش عبـدو علي أغنـيةة. " هـلا باللي تمنيتـه. نصيبـي " كـان يمشـي و هـو واثـق من روحـه. ! مفيـش بنـت موجعهـا. !جارحـها. خاينـها. !
تـي هـي شن تمنـت. ! أنـا الي في يوم من الايـام تمنيـتـه و حـلمت أمعاه. مش هيـا ....شن المـهزله. هذي. !!!!
فـرح. : ككراميـل
رفعت راسـي بحتت فيـها. : شن؟
فـرح. : خيـرك اعيونـك. !
انـا. ابتسـمت. : كنـت أنسـقم في رسـم العيـن نشـت عيـني. شن نروحـو. ؟
فـرح. : الصـبر كيف ادخـلنا احنـي
هزيـت راسـي و قـعدت أنهز في راسـي و انـا. متوتـره...تضـايقت وقـت. شفت الموقـف جديـات و بكيـت. بس بـعد شفتـه. شاد يـدها. حسيـت بـشخص عادي واقـف مع مرتـه و حـلالـه. ! مفيـش شي أسمه غيـره. ؟
لـدرجـة وقت باسهـا. في خـدها أبتسـمت.
تذكـرت. يـوم ريـما جايـه لمعتصـم مجـرد ما ركـب معاهـاا بس شن درت. ! و أيـقنـت أن معتصـم احتـل قلبـي و هـو الحـب. الاول و عبـدو كـان مجـرد شهـوتي بـ أن يقعـد عـندي حبيب و الـي بيننـا كـان أعجـاب فقـط و انـا نوهـم. في روحـي بالحـب. .......
YOU ARE READING
كراميل
Romanceرواية ليبية بلهجة العامية تحكي علي عائلة المنصوري وعائلة الي جاية من الشرق وتسكن بجنبهم وحب معتصم لي بنتهم كراميل والمشاكل وغيرها من الاحداث فقالب واقعي وجميل جدا وتسنيم وهروبها من المصحة النفسية * وظلم منذر وحب ريان وعشق ريما بقلم __محمد مالك...
