2
#اعتني بنفسك جيداً ؛ ولا ترهقها من اجل الاخرين 👌🏻🤚🏻
كلنا شفنالها بنظره لعند خافت بس بينتش
المدير : ابله مروه خلاص وانتن يا بنات هندير استدعاء ولي امر
انا : بابا في سرت 🙂🙂🙂💔
استاذ علاؤ : مش تزوجتي انتي ؟
انا : اي
مره : تزوجت 😳😳😳😳😳😳😳
انا : اي بطولت عمرك توا غير عرفتي 😹😹😹💔
ريهام : لك شهر ونص بس 😹😹😹💔
انا : واو حاسه روحي لي سنين مليت خلاص هنرد الهلي نا 😹😹😹💔
هيام : والله مش عارفه هو كيف متحملك 😹😹😹
انا : حتى نا الحق مش عارفه كيف متحمل مفروض يعطوه جائزى نوبل للتحمل 😹😹😹💔
المدير : خلاص خليه يجي هو لانه يعتبر ولي امرك توا
انا : لا فكني
المدير : هنكتبلكن استدعاء وانتي هيجي راجلك
انا : بس
المدير : منغير بس ويلا حصتكن بدت
نحن : به
وطلعنا ونحن انشوفو المروه بنظرات
مشينا للفصل وخشينا لقينا الفصل كله داير عرس شباب وبنات
خشينا وانسجمنا ع الجو وضحك خش علينا الاشراف وطبعا هزيبه وجاء المدير ودار استدعاء للكل بعد هزيبه طويله عريضه كملنا احصاص وروحنا لقيت اياد يراجي فيا مشيت معاه
اياد : شن جو المدرسه
انا : حصلت استداعائين
اياد : شنوووو 😳😳😳
انا : اي بكره تنزل معاي 😅😅
اياد : شن السبب
انا : الاول كان لانه نحكو في الطابور وفي ابله مستقصدتنا والثاني لانه خشينا للفصل لقيناهم ديرين عرس خشينا معاهم في الجو جانا المدير ودار استدعاء للكل
اياد : تي انتي ماشيه تقري والله ديري في اعراس 😡😡😡😡😡
انا : انت اول استدعاء ودرت هك مستقبلا شن هدير 😹😹😹💔 ااه بعد خطرها صحباتي جياتني بعدين تكي ع الحلواني جيب نوع
اياد : يا ربي صبرني على ما بليتني وتكا ع الحلواني وجاب حلو ونوم وباستي ومشينا للحوش وخشينا مشيت للدار ولبست توته كات وشرت وطلعت للصاله لميت الحوسه و شفت الاياد اللي مبين تعبان من الشغل قعدت جنبه شافلي
اياد: شن تبي
انا : بعدين لما يجن صحباتي انت متجيش به
اياد : ليش يعني
انا : عشان ناخذو راحتنا وهن اكيد هيحولن وشاحاتهن وانت هتقيدهن لو قعدت
اياد : به تمام
انا : تعبان توا انت
اياد اتكى ا الكنبه : اي بكل حاس بتشنج وكتوفي يوجعن فيا 😣
انا : ارقد ع بطنك هنديرلك مساج
اياد رقد ونا قعدت جنبه وتميت نديرله وهو ارتخاء وارتاح وشوي ورقد
انا شفتله : رقد هذا 😳 وابتسمت : شكله حلو وهو راقد خليه توا لعند يجن البنات وجبتله غطاء وغطيته وقعدت مكسده لعند العصر مشيت الاياد ووعيته
انا : اياد صبي العصر اذن
اياد قعد ومسح ع وجهه : شن رقدني نا هنا
انا : بروحك يلا صبي العصر اذن البنات شوي ويجن
اياد : به
انا مشيت وسيبته شاف للغطاء وابتسم ومشاء غسل وجهه وتوضاء وصلى وجاني
اياد : تبي شي
انا : اي جيبلنا اكل من مطعم
اياد : سوي شي ازح
انا : نعرفش
لياد : تي تعلمي عيب را هذا عمرك ومتعرفش تسوي هنجيبلك المره بعدها تعلمي انتي ةطلع
انا : اووف شن عرفني نا 😑😑
وشوي وجن صحباتي وكسدنا تكسيده طيبه بعدها جابلي اياد العشاء وتعشينا مع بعض وروحن
ثاني يوم مشيت نا واياد للمدرسه
اياد : اسبقيني وهنجيب بطاقتي وكتيب العائله متاعنا ونلحقك
انا : به
ونزلت وخشيت للشؤون
نروه : وين ولي امؤك
انا : هيجي 😑😑
مروه : قلتيله اصلا😒
انا : اي وهيجي توا يجيب في بطاقته بس 😑😑😑
خش اياد للمدرسه والبنات كلهن مستكات فيه خش للشؤون والبنات اللي جواء كلهم ذابن
مروه برقه صدمتنا كلنا : تفضل شن تبي
انا مش عارفه ليش غرت وقتها وجيت جنب اياد : اهو راجلي جاء عشان الاستدعاء 🙂🙂💔
مروه : راجلك 😳😳😳😳😳😳
انا : اي في مشكله 🙂💔
مروه : ااه لا تفضل عطيني بطاقتك وكتيب العائله
اياد مدهن لها شافتهن وعطات
مروه : راهي متعبتنا بكل
اياد : شن دايره يعني
انا : مش قتلك امس شن درت 🙄🙄
مروه : دير في حركات وفوضاء هي وشلتها اصلا ما مخرب الفصل غير هي وشلتها
طبعا شلتي وهلهم قاعدين في الشؤون حتى هم
ريهام : تي وين الاوفره يا سي 😹😹😹💔
انا: مش عارفه حسستني نديرو في تحركات ارهابيه للفصل 😹😹😹💔
رغد : المشكله تحكي وقدامنا يعني ياريتها تقول في الحق حتى
مروه : يعني نا نكذب مثلا قليلات ربايه اعرفن كيف تحكن 😡😡😡💔
انا : والله نحن متربيين ولو اسلوبك معانا تمام را منحكوش معاك هك انتي اللي مدورتنا مش عارفه كنك 😡😡
ساره : اوما سيبك منها هدي روحك تستاهلش تعصبي عشانها
حنان : هي اللي خطتنا في راسها وفوقها تقول قليلات ربايه شن تشوف فينا اصلا
مروه : اسلةبكن هذا متاع شوارع مش مدرسه محترمه
انا : تي حسستيني نسبو توا نحكو بطريقه طبيعيه مغير كلمة الحق مش عاجبتك
طبعا هلنا يشوفولنا منصدمين وخصوصا اياد فاتح فمه
وتين : اسمعي انتي مزلتي ما شفتي وجنا الشرير لذالك بعدي عنا خيرلك 😡😡
رغد : مزلنا انتعاملو معاك بادب وجو هادي 😡😡
هيام : لما نحطوك في راسنا هتشوفي شي ثاني 😡😡
ساره : وقتها انتحداك لو تقعدي يوم واحد في المدرسه 😡😡
حنان : ضروري يعني نوروك الوج الثاني عشان تبعدي عنا مكان من الاول بالهدوء 😒
انا : تي سيبك منها عالم نا يجو الا بالوج الثاني 😒
ريهام : توا يعني ع اساس مصدومه قدام اهلينا اكذبي ع غيرنا يا حلوه را حفظينك ولنا كم سنه معاك ومع ذالك نحاولو قدر الامكان نبعدو ونكسرو الشر لكن انتي تبيش فتحملي نا هيصيبك الايام الجايه منا 😏
وابتسمنا بشر كلنا وهي خافت بالرسمي
مروه : شفتو بناتكم برواحكم اظن
هلنا ساكتين ومنصدمين فينا
خش المدير : كنكم شن في
مروه : شفتش كيف كانن يحكن توا
المدير شافلنا : عارفهن حتى نا لسانهن طويل بس حتى انتي يا ابله مروه مزودتها معاهن وتنسيش انه هذين من احسن الطالبات في المدرسه من حيث الذكاء ومشكلتهن بس فوضاء بسيطه وطبيعيه بالنسبه العمرهن وشاف لاهلينا : نا داير استدعاء عشان الفوضاء البسيطه بس بنفس الوقت نبي نقوللكم شي وعارف لو قلته للبنات مش هيرضا ومش هيقولنلكم وشافلنا : عدا الفصلكن انتن
رغد : نبو نعرفو شن هو اللي بتقوله
نحن : اي
المدير : يلا لفصلكن واهليكم هيقولولكن
اياد : يلا ارام عدي الفصلك وبعد ما نعرف هنقولك
وباقي الهل قالو نفس الشي فطلعنا
المدير : تفضلو اقعدو ابله مروه لو ممكن تخلينا
مروه طلعت والباقي قعد
المدير تما يحكي مع اهلينا وهم يناقشو فيه ويشاورو في الموضوع
المدير : ها شن قلتو
الكل : تمام موافقين
المدير : اقناع البنات عليكم عد
عندنا
انا : مروه هذي تبيها تربايه
رغد : اي عشان تعرغ كيف تحكي معانا مره اخرى
ريهام : شن رأيكن نديرو فيها مقلب متاع الببسي
نحن كلنا ابتسمنا بشر : تمام
انا : زعما شن يبي المدير في هلنا
هيام : هو اكيد شي مش هنوافقو عليه نحن بما انه مخلناش نعرفو
ساره : اي اكيد
وتين : بنات جيعانه وحده منكن معاها شوكلاطه
انا : هك
وعطيتها وحده وتمينا نحكو لعند خش الاستاذ وعطاء حصه
الاستاذ تما يسمي في الحضور والغياب : من اللي مسمعش اسمه
نا والبنات رفعنا يدينا
الاستاذ : تعالا
جيناه وتما ياخذ في اسمائنا
الاستاذ : وانتي
انا: ارام امجد علي
الاستاذ : تمام يا ارام خشي
انا خشيت مكاني وهو شافلي لعند قعدت وبعدها صبا
الاستاذ : طبعا درس اليوم عندكم فيه امتحان بكره لذالك نبيكم تقروه اخرى في الحوش وموفقين انشاء الله ونزل واول ما طلع بدت الفوضاء
انا : بنات يلا توا دوبينا معندنا شي
صبينا وطلعنا ونزلنا بشوي لمكتب مروه لقيناها قاعده
انا : كيف هنصبوها
رغد : استاذ علاء وين 🤣🤣
علاء خطم : سمعت اسمي يا شله شن في
نخن حكيناله طبعا هو جوه سمح وميحبش مروه فوافق
علاء خش عليها : استاذ مروه ممكن تشوفي 2\3 من عندهم توا
مروه برقه : حاضر
ومشت ونحن خشينا جري وحطينا ببسي وسكر ع كرسها وتما يدبق بس مش باين وطلعنا جري وعلاء يضحك معانا شوي وجت مروة : معندهم حد توا لو تبيهم
علاء : تمام هناخذهم شكرا تعبتك معاي
مروه : ولو
وقعدت وعلاء مسك ضحكته وطلع وتما يضحك مر الوقت وطلعنا للاستراحه
عند مروه جت تبي تصبي دبشها تما يلصق وبعد حولت بالغصب دار زي البقعه كبيره ع دبشها
مروه : هييي شن هذا وشافت للكرسي لقاته يدبق
مروه : اكيد هالشي من الفرخات حيوانات هذين شن ندير توا وجابت منديل معطر وتمت تمسح ومنقبل حول وراجاته لعند ينشف وطلعت شورنا لقتنا قاعدين وناكلو في ليزات وشوكلاطات ونصاص وعصير وجو ضحك وبصاره
مروه : انتن يا حيوانات شن اللي درتنه هذا 😡😡😡😡
انا : اوي هاي احترمي نفسك وشن درنالك نحن قاعدين في امان الله 😡😡😡
رغد : كنك خاشه علينا هك مش فاضينلك را انتي ومشاكلك والاحسن لك متخليناش نبدو في الجو معاك لانك هتندمي 😡😡😡
ريهام : لتكوني تحسبينا هنسكتولك لو حكيتي باسلوبك هذا معانا تكوني غلطانه يا ماما منسكتو الحد نحن 😡😡😡
مروه : يا قليلات الربايه يا جلطات يلا لمكتب المدير قدامي يلا يا حماره منك ليها
رغد : ما حماره غيرك انتي واحكي باسلوب ويلا للمدير مش خيفات نحن 😡😡
انا : حسني اسلوبك يا بيئه مش نحن اللي ينحكا معانا هك فهمتي 😡😡😡
وصبينا
وتين :نحن الي هنشكو للمدير توا مش انتي 😡😡
ومشينا وهي معانا
خشينا ع المدير
المدير : شن في اخرى 😑😑😑
انا : استاذ عبدالله نحن قاعدين ناكلو جتنا وتمت تهزب وتقوللنا يا حيونات وحمارت وجلطات وقليلات ربايه فوقها ونحن مدرنا شي وتبينا نسكتولها وبعد هذا كله تقوللنا تعالو المكتب المدير نحن المره اللي جيين نشكو مش هي قاعدين في مدرسه محترمه نحن وهذا اسلوب الابلات فيها را شوف اسلوبها معانا كيف ونحن مدرنا شي بكل وقاعدين في امان الله توا يعني هي مدورتنا وتبي تهزب عشان نردو عليها وتجيبنا هنا واسال اي حد وهيقولك انه متحركنش من مكانا بكل
المدير : هالكلام صح يا ابله مروه
مروه : نا منجيهنش بلا سبب خاطاتلي ببسي وسكر ع كرسيي في المكتب
حنان : نحن مخشيناش مكتبك بكل اليوم واظن انتي تطلعيش منه اصلا فكيف هنخشوه ونحطولك سكر وببسي فوقها
مروه : طلعت منه امبدري نسال وسيبت استاذ علاء وهو شاهد
انا : ايوه قلتيها بروحك سيبتي استاذ علاء يعني لو خشينا هيكون شافنا هو صح يبقى يا استاذ عبدالله اسال استاذ علاء اذا خشينا او لا
المدير : عدي كلميه بيا
انا : حاضر
ومشيت شور قاعة الاساتذا
انا : استاذ علاء
علاء : تعالي يا مشكلجيه
انا خشيتله وكان استاذ احمد قاعد تما يشوفلي
انا : يبيك المدير عشان تشهد لنا 😌😌
علاء : تمام به 😹😹
وصبا وطلع معاي
احمد : جوها سمح مع استاذ علاء
استاذ ثاني : اي لانه علاء جوه سمح معاهن ويعامل فيهن زي خواته لصغار فهن يتعاملن معاه بعفويه وصحبه واجد
احمد: اها
انا : استاذ قوللها محد خش للمكتب
علاء : ما عليك
وخشينا
علاء : شن في يا استاذ عبدالله قالتلي ارام انك تبيني
المدير : كنت في مكتب مروه بعد طلعت منه
علاء : اها
المدير : طلعت منه وهي مش قاعده
علاء : لا متحركتش بكل ليش شن في
المدير : به البنات هذين خشن فيه وانت قاعد
علاء : لا اصلا كانت عندهن حصه وقتها
المدير : اها به تمام شكرا وشاف المروه : معش تتهمي البنات يا ابله مروه وطلعيهن من راسك وبعدي عنهن وهذا انظار لك اذا كنتي تبي تحافظي ع شغلك فخطيهن
نحن شفنالها بثقه وهي تحرق
طلعنا وعلاء معانا
هيام : منور عليوه 😹😹❤
علاء : لا وين راحت استاذ بكل توا 😹😹😹❤
نحن : 😹😹😹😹❤
علاء : انتن زي خواتي لصغار واكيد هنوقف معاكن يا عبيطات ويلا توا كملن فطوركن شوي ويرن الجرس
نحن : حاضر
علاء ابتسم وخش لقاعة الاساتذا
كملنا فطورنا ونحن نقرمو في مروه بعدها رن الجرس خشينا الطابور وقعدنا مصبيين جانا احمد لقانا نسهرو
احمد : بطلن حكي في الطابور
نحن : 😑😑😑😑😑😑
احمد : وين قلبت الوج الجماعيه هذي 😹😹😹😹💔
انا : تفكينا من ابله مروه جيتنا انت 😹😹😹💔
احمد ضحك : لا تخفنش مش نفسها نا بس وطن صوتكن 😹💔
ابتسمنا
احمد شافلي وابتسم وعدا
هيام : طرف ازح يهبل 😻😻😻
ريهام : مغبر اخرى مش طرف عادي 😻😻😻
انا : لا عادي شكله
ساره : تي انتي عندك اياد طرف فمش هتشوفي الهذا 😹😹😹😹❤
انا : حتى اياد مش طرف 😹😹😹😹❤
وتين : مالت على ويهك 😹😹😹😹😹❤
نحن : 😹😹😹😹💔
مروه : بطلن ضحك 😡😡
رغد : شن قال المدير 😏😏😏
نحن : 😌😌😌😌😌
مروه : 😒😒😒😒😒
وخشينا ومر الوقت عادي وطلعنا وملقيتش اياد قعدت مكسده نراجي والبنات عدا
جاني ......... يتبع
بيسو ...