السلام عليكم ورحمه الله وبركاته 💮🌹💮
يا جماعه بالله متزعلوش مني لو اتأخرت في نشر البارت والله وقت ما اخلص مذاكرة بكتب البارت وانا علي قد ما اقدر اكتب فيها بكتب
مش بأيدي التأخير والله اتمني تقدروا
نبدأ بسم الله الرحمن الرحيم ❤♥♥❤
في فيلا الناجي
شهيرة بعصبية:يا كمال انا مبقيتش قادرة اشوفه وكمان حازم زي الخاتم في صباعه
كمال خال آسيا ومونيا :اهدي يا شهيرة هو كدا كدا وقته انتهي خليه يلعب براحته مع آل مهران
وحتي لو حازم اللي لعب معاهم انا بطريقتي هخلي عزام في الوش
شهيرة :حازم وهديل لازم يعرفوا انك ابوهم هديل متعقلة بالزفت عزام دا اوي وحازم تحت طوعه
كمال : خلاص بقي يا شهيرة مش ملاحظة أن صوتك علي اكتر من مرة ..... أنا مش عزام انا كمال يا شهيرة
شهيرة :يا كمال مش قصد .......واغلق الخط 😏
شهيرة :اوف بقي انا مش عارفة ايه الهم دا
****************
في أحدي المولات التجارية الشهيرة
هديل : اوف بقي دا مفيش حاجة كويسة خالص هنا
معاذ :يا هانم الحاجات كتيرة هنا وكويسة جدا كمان
هديل : فين دا يمكن انا مش بشوف ولا حاجة
معاذ :حاشا لله ...تسمحيلي اختارلك انا كذا حاجة علي ذوقي
هديل : اممممم اوك لاني اصلا مش قادرة اتحرك
معاذ : credit card لو سمحتي
هديل : اتفضل
معاذ :يزيد فضلك وغمز لها وذهب ...وكان يعلم أنها لن تمانع أو تظهر الغضب حتي ... ذهب انتقي لها العديد من الملابس الفخمة الجميلة والتي من نفس موديلات ملابسها وذهب اخر شئ الي محل لبيع الملابس الخاصة بملابس المتزوجات وخرج بعد فترة
معاذ :اتفضلي يا هانم
هديل :شكرا .... تقدر تقولي هديل من غير هانم
ابتسم معاذ بخبث شديد :اوك يا هديل
هديل :اتمني أن زوقك يكون كويس وزي موديل لبسي لأني ليا نظام معين
معاذ :لاء هيعجبك اوي
هديل : اوك
****************
في شركة الحسن
مونيا : صفقة البحيري راحت لمين
مليكة :ل آل مهران طبعا 😒
آسيا : شركة البحيري طول عمرها بتتعامل مع آل مهران بلاش بقي اللي بتعلوه دا
مونيا : انا بتكلم عادي علي فكرة مش هامنني اصلا
مليكة:بس أنا بق وقاطع كلامها صوت رسالة علي هاتفها فتحتها وكانت الصدمة صور لها هي وعاصي في أوضاع غير لائقة بالمرة .... الأرض تميد بها كيف هذا متي حدث هذا الشئ بالله في حياتي كلها ما اختليت مع رجل قط سواء وكان قصراً ابي سمعه ابي ....هل هٱتي بالعار لابي في قبره ثم سقطت مغشى عليها
فزعت مونيا واسيا وتعاونوا وحملوها واستطاعوا أن يمددوها علي أريكة المكتب
مونيا :هي مالها كانت كويسة
آسيا بخوف :التليفون دا فيه ايه وايه اللي وصلها
مونيا أمسكت بالهاتف وشاهدت ما به وكان صدمتها كفيلة بأن تشل لسانها عن الكلام
آسيا جذبت الهاتف من يد مونيا وشاهدت ما به ولحظياً واحمرت عيناها
آسيا بلهجة آمرة: مونيا خليكي مع مليكة وانا هعمل حاجة وجاية وخرجت دون أن تسمع رد مونيا التي علمت أن اختها لن تدع هذا الأمر يمر مرور الكرام أبدا
خرجت آسيا من شركة الحسن وتوجهت الي شركة آل مهران قادت سيارته بسرعه جنونية اخذت أكثر من مخالفة مرورية بسبب سرعتها ولكنها لا تبالي بهذه التراهات وصلت اخيرا إلي مقر شركة آل مهران
دخلت آسيا الي الشركة وقف جميع من رأها نعم فهي آسيا الحسن من وجهة نظرهم هي واخوتها اول أعداء ل آل مهران وقدومها بكارثة لا محال
آسيا :فين مكتب عاصي
السكرتيرة بغرور :هو عاصي دا بيلعب معاكي ولا ايه وبعدين انتي مين
آسيا وقد أمسكتها من خصل شعرها الملون :انا مبحبش اعيد كلامي مرتين فين مكتب عاصي
رعد من خلفها :ايه يا آسيا فيه ايه
تركت آسيا السكرتيرة:عاصي فين يا رعد
رعد وهو لا يعلم ما بها وما هذا اللهجة التي تتحدث بها وما سر قدومها بالأساس
رعد : اتفضلي معايا ذهب وتبعته آسيا وقابلهم غيث
غيث وهو يعلم سر قدوم آسيا :آسيا بنفسها هنا اقسم بربي كنت متأكد أن تحول آسيا من حمل وديع لوحش هو انت يا عاصي
غيث : اهلا يا آسيا نورتينا
تجاهلت آسيا كلام غيث :فين الزفت المكتب
رعد وقد اشتدت حيرته :هو دا
دخلت آسيا بسرعة :عاصي
قام عاصي الذي كان يضع رأسه علي المكتب
:آسيا الحسن بنفسها عندنا
آسيا ولم تمهله ثانية أخرى الحديث صفعته صفعه يقسم عاصي بأنها جعلت أذنه مثل صافرة القطار
رعد :اسيااااا ايه اللي انتي هببتيه دا انتي اتجننتي ولا ايه
آسيا :لاء انتوا لسة مشفتوش جنان دا الجنان لسة جاي ...اقتربت آسيا من عاصي وامسكته من تلباب حلته ..بقي انت يا عرة الرجالة دا لو اعتبرناك راجل اصلا تعمل كدا في واحدة من بنات الحسن دانا هشرب من دمك
عاصي لم يبدي أي اعتراض ولا حتي حرك قيد أنملة لكن رعد جذب آسيا
رعد :ايه اللي بتقوليه دا وايه اللي انتي هببتيه دا وفي ايه لكل دا انتي ايه اللي جرا لدماغك
آسيا وقد نفضت يده بعيداً:اوعي ايدك تلمسني تاني كلكم صنف واحد صنف وسخ ومفكرين كل الناس زيكم ....إنما لاء يا آل مهران مش معني اني ساكتة ابقي مغلوب على أمري لاء دانا اقدر اقلب عليكم الدنيا انا اقدر انفيكم نفي من علي وش الارض
ذهل رعد بطريقة مفزعة :ايه اللي حصل لدا كله
آسيا :الزبالة دا فبرك صور لمليكة في أوضاع زبالة دا كله ليه علشان يرضي غروره وعلشان يثبت لنفسه أن مفيش حد يتحداه ....إنما لاااااااااااء يا آل مهران ورحمة ابويا لاوريكم آسيا هتعمل ايه اسيا الطيبة اللي انتوا متعودين تشفوها وتتكلموا معاها دي انتهت وجت مكانها واحدة اللي هتعلوا فيكم هيخلي العالم كله يتكلم عن اللي هعملوا فيكم وخرجت وهي عند الباب سمعت
:بس انا عملت كدا علشان بحبها
آسيا بإشمئزاز :اللي بيحب مش بيأذي وانت مش بتحب غير نفسك وخرجت وهي تتوعد لهم بالويلات
رعد : انا مش هتكلم ومش هتدخل وخرج من المكتب
غيث وهو مشفق علي حال اخيه اقترب منه وربت علي كتفه :قولتلك اللي بيحب مش بيأذي استفدت ايه من الفضيحة اللي عملتها لمليكة دي
خرج من أمامه لانه يعلم أن في حالة لا تسمح لا بالكلام ولا الصراخ ولا تواجد أحد معه بالاصل
جلس عاصي وهو يلعن نفسه :هو انا ازاي عملت كدا ازاي خليت حد يعمل صور ليها كدا ازاي سمحت لحد يشوفها بالمنظر دا حتي لو الصور مش ليها ازاي ...ازاااااااي معقول كنت بالغباء دا
ازاي مسمعتش كلام غيث مع اني كنت متأكد أنه صح ازاي اخليها تكرهني كدا بدال ما احاول بكل الطرق اخليها تحبني وتقرب مني لكن لاااء آسيا فعلا عندها حق انا لازم ارضي غروري وغبائي ....احتدت ملامحه بصورة مخيفه
بس انا عمري ما اسيبك يا مليكة عمري ما اخليكي تكرهيني حتي لو كرهتيني هخليكي غصب عنك تحبيني وخرج من المكتب متجهاً الي شركة الحسن 😈
*************
معاذ رجع الي فيلا الناجي
فتح باب السيارة لهديل :اتفضلي يا سنيوريتا
هديل بضحكة صاخبة : ههههههههه شكرا يا ميزو
معاذ بتمثيل:ميزو .... احلي ميزو سمعتها من احلي واجمل هديل في الدنيا واقترب منها وقبلها ورجع بسرعه مكانها خوفا من أن يكون أحد رآه
هديل بعدم تصديق:ايه اللي انت عملته دا
معاذ بعد الاطمئنان أن لا أحد بالمكان :عملت ايه من حبي ليكي من ساعة ما شوفتك وانا عقلي وقلبي بقوا ملكك انتي يا قلبي
هديل بفرحة عارمة :بجد يا ميزو بجد
معاذ :بجد يا قلب ميزو يلا ادخلي بقي علشان تشوفي انا جبتلك ايه واقترب منها وهمس ....انا جبتلك حاجة هتعجلك اوي
هديل :حاجة ايه
معاذ :هتشوفيها اما تطلعي ....هنتاقبل في في الليل في بيتي اوك
هديل ببعض الخوف:لاء يا معاذ مش هينفع هقول لمامي ايه
معاذ :مش عارف بس انا لازم اشوفك النهاردة
هديل :اوك هحاول
ارجع معاذ خصلات شعرها برومانسية كاذبة: ايه القمر دا .....انا همشي بقي علشان عندي شغل
هديل :اوك ....سلام وقبلته بسرعه وركضت الي الداخل 😒
معاذ بإبتسامة :سهلة اوي زيك زي اي واحدة رخيصة وزي ليه مانتي اصلا رخيصة
(بسم الله ماشاء الله علي اختك أمام مسجد مش كدا 😒👊)
رجع الي بيته بسرعه
معاذ :رنا ....رنا يا رناااااااا
رنا بفزع : ايه يا معاذ فيه ايه
معاذ :مفيش حاجه انتي خارجة مع حد من أصاحبك النهاردة
رنا بتوتر :اه .... معاذ هو ينفع إبات عند لمار النهاردة
معاذ بفرحة:اوك يا حبيبتي باتي عندها بس خلي بالك من نفسك (احيه يابو سوسو احيه 😒😂)
رنا بفرحة عارمة:ماشي يا ميزو هروح البس لأنها كلمتي من شويه قالت اشوف ردك ايه وذهبت رنا الي غرفتها
معاذ :أيوة كدا هعرف اخلص شغلي بدري حتي علشان أتفرغ لغيث بهدوء وخرج
رنا :الو أيوة يا حبيبي انا هاجي النهاردة بدري
حازم :طب ومعاذ
رنا : انا قولت لمعاذ اني رايحة عند صحبتي وهبات عندها
حازم: اممممم كويس ....طب وامك
رنا بقرف :مش هنا رجعت بيتنا القديم في الحارة
ابتسم حازم: امممم اوك
رنا :اوك سلام يا حبيبي
حازم :سلام
****************
في شركة الحسن
دخل عاصي وهو لا يري أمامه من قبح ما فعل
دخل مباشرة الي مكتب مليكة وجدها مسطحة علي الأريكة في مكتبها وليس معها أحد ويبدو عليها الإرهاق الشديد والتعب
عاصي بألم : مليكة
أعتدلت مليكة بسرعة :اتفضل يا عاصي بيه وذهبت لتجلس علي كرسي مكتبها
جلس عاصي وهو لا يدري ماذا يقول كيف يبرر ما فعله
مليكة بعمليه :خير يا عاصي
نظر لها عاصي: مليكة انتي كويسة
مليكة: اه كويسة ليه يعني السؤال دا
عاصي بصوت منخفض الي حد ما : الصور
مليكة قامت ووقفت أمامه : اه انت جاي علشان كدا .... اتفضل امشي يا عاصي الموضوع دا أنتهي. واضافت بأبتسامة ألم شكرا لانك خليت منظري بالطريقة دي شكرا لانك حاولت تفضح بابا وهو في قبره شكرا لانك حاولت تزلني انا واخواتي شكرا لا وقاطع كلامها احتضان عاصي لها وهو يبكي ....يبكي عاصي مهران يبكي
ماذا فعل بك الحب يا عاصي بربك انت لم تبكي هكذا يوم وفاة والدك
ماذا فعلتي به مليكة ماذا فعل به الحب
مليكة بصراخ :ليه يا عاااااصي ليه ليه تعمل كدا
علشان اتحديتك ووقفت قصادك علشان دافعت عن اخواتي كل هذا وهي بين يديه
عاصي بألم : سامحيني يا مليكة سامحيني
مليكة :أسامحك ازاي قولي كدا اسامحك ازاي بعد ما فصحتني وياريت كان صح ولا حقيقة دا كله تزوير وفبركة ليه يا عاصي
عاصي :علشان بحبك
ابتعدت مليكة بسرعه كمن لدغها عقرب
مليكة :بت أيه بتحبني .....فهمني كدا بتحبني ازاي ازاي يا عاصي .....اللي بيحب حد بيفضحه اللي بيحب حد بيزله ويكسره اللي بيحب حد بيحب يشوفه زعلان ومكسور
من بالخارج مونيا وآسيا وغيث ورعد يستمعون لكل ما قيل ....كل موظفين الشركة رحلوا بأمر من آسيا التي تحولت بصورة كبيرة
آسيا :اتفضلوا خدوا اخوكم وامشوا من هنا حالا
غيث وهو يمنع آسيا من الدخول :لازم يتكلموا مع بعض الاول .....هو بيحبها علشان كدا عمل اللي عمله دا
الغريب أن مونيا لم تتحدث الي الان ماذا بها اهي مريضة أم مصدومة أم هذا هدوء ما قبل العاصفة
آسيا :اللي بيحب مش بيأذي وانت عارف كدا كويس
غيث :هو مأذهاش الصور اتبعتت ليها بس يعني محدش شاف الصور دي أيا كانت غيركم بس
مونيا :اوعي يا غيث كدا
غيث برجاء :بالله يا مونيا خليهم يتكلموا مع بعض الاول .... عاصي عمره ما كان كدا عمره ما عيط غير يوم وفاة بابا والنهاردة عيط علشان مليكة ....النهاردة بس سمعت الكسرة في كلامه
عاصي بيحبها يا مونيا بالله سيبيهم
أغمضت مونيا عيناها و تيقنت من صدق كلام غيث عاصي مهران بطول عمره اقوي شخص في اخوته صعب كان من المحال أن يفكر أحد بأن يصل عاصي مهران الي هذه الحالة.
في المكتب
مليكة :امشي يا عاصي امشي
عاصي :همشي بس تقوليلي انك سامحتيني مش مهم عندي غير انك تسامحيني مش مهم تحبيني
مليكة : ههههههههه أحبك.....احبك اه واكلت بجمود وقسوة انا عمري ما كرهت حد قد ما كرهتك حتي عزام دا اللي قتل بابا مش بكرهه قدك ....
خرج عاصي بعد هذه الكلمات التي كانت بمثابة سكين غرث في منتصف قلبه خرج من الشركة بأكملها صعد الي سيارته وقاد بسرعة جنونية
وكلمات مليكة تتردد في اذنه بكرهك اكتر من عزام دا اللي قتل بابا
وانقلبت سيارة عاصي مهران ترا هل هذه نهاية حياته هل انتهي وجود عاصي مهران من الوجود
انتظروا
🔥🔥 ملحمة العشق والانتقام قريبا 🔥🔥
السلام عليكم ورحمه الله وبركاته 💮🌹
صابرين گامل الدويب❤️♥️❤️