الحلقه 87 ❤️
دنيا:: رحاب انا والبنات توا نطلعو للجنان وهوا توا يخش خودي راحتك وفكينا من النكد عشان عيالك شفتيهم كيف يرعشو
رحاب:والكف
لميس::رديه له ههههههه نبصر راك اديريها. ياهمي مو احمبده ضربني وطلقني. وبعد هدينا. ردينا وقلنا ياريتنا حليناها بالتفاهم من الاول.
رحمه::عيال الحاج علي يدهم متعوده علي ضرب بنات الناس. بحتت في دنيا مزلتي انتي. لاتزوج ولا ضربك
دنيا::وووه تحركي من مكانك. طح سعدك عليك حسد
رحمه::ههههههه. هيا. نطلعو.
~>~<
مراد:: خشيت حبيت علي راسها
سامحيني حبيبتي مش قصدي ان شاءالله كسره فيها
يدي. رحاب بطلي بكاء وردي عليا
رحاب::مراد لووووسحت مهما يصير مشاكل بينا خلي الاحترام قاعد في هلي متغلطش مد اليد هذا مش اسلوب انامشيتها عشان خاطر. عبدو والا كنت نبي نكبرها ونوصلها للطلاق
مراد:: بعيد السو طلاق شنو انا اسف. سامحيني هاه هذي يدي. افصعيها اجرحيها عضيها خودي حقك
رحاب؛:: وبتجيب عليا مرا
مراد: عبيط نخرف مش قصدي صدقيني
رحاب: معش تقولها. سمعت
مراد::حاضر. وانتي خلاص. افهمي طبعي. يارحاب انا نبيش نكثر دوا عاطيك حريتك ليا واجد تطلعي وتخشي ونمشي فيك انبه فيك وانتي ولا علي بالك. زودتيها رحاب مش طبعي هذا ولا انا هك وانتي عارفه اني نحب المرا البيتوتيه جت العصبيه. اليوم فيك. ومن طولة لسانك.
العاده تمشي فيا ليش اليوم كثرتي دوا معايا تي يدي اللي مديتها عليك قاعده ترعش. ومنظر العيال بين عيوني يرعشو
رحاب::مش عارفه انا كني مراد مضايقه مخنوقه كارها الشقه نبي نهرب منك انت والعيال. وخلاص
مراد::حسيت بيك ليا ايام بس قلت هذينا صحباتها مغيراتها اكيد
رحاب: مراد انا حامل
مراد:: حامل كيف حولتي اللولب بدون اذني يارحاب كيف تمشي دكتوره من ورايا
رحاب::مراد اصبر. واسمعني. انا محولتش شي. بس توا. نحكي مع البنات قالن بلكي حامل جربت تحليل منزلي طلع خطين. انا خايفه حمل بالولب مش كويس
مراد:: كيف يعني. يجي عيل مشوه قصدك
رحاب::لالا حمل خارج الرحم. وخطير يقعد
خراد؛: فتحت عيوني حمل شنووو
رحاب:: انا خايفه مراد.
مراد:: مسكت يديها. تخافيش ياعمري
بحتت في ساعتي. مزال بدري. نلقو. دكتوره سريعه هيا
رحاب؛: مسكني مع يدي وطلعنا
محمد:: اووووووو لالا. بالسهوله هذي ترضي يارحاب. بهدليه شويه عاد نحن منجوش غير بالبهدله ولالا ياشريك
عبدو:: هههههه عنجد شريك شريك في الصفع. انا هك. درتلها. تذكري
رحمه::عليك ذكري. سمحه بنتذكرها هذي عار في تاريخك انساها
لميس:تحسيهم مفتخرين. حي علينا
مخمد:: مزال شروفا. نعلمك كيف تصوب الكف
مراد:: فطنت لروحي ماسك يدها تحشمت نزلتها
رحمه خلي العيال معاك. ماشيين مشوار توا نجو
عبدو؛: وين عشاء اعزمنا نمشو معاك
مراد:: عبدو بغدين نحكو. اطلعي
~<~>~
اشرف::شباب من خاطره في بكبوكي دنيا
رحمه::اناااااااا
اشرف::قلت شباب انا. هههههه
عبدو؛: مراتي ديما داكه راسها.
فضحتي بينا عليك كشفه
محمد: ههههه. باهي. دندون. حاااره ديريها. كثري قرون الفلفل
رحمه:زي هذك المبكبكه
عبدو::هههههه من وذانك طلعتهن
دنيا؛:مهبول. انت. مش لدرجة الفلفل
لميس:: سهفتوني عليها خلاص وقت نخش نساعدك ورحمه انتي.عشي العيال
عبدو:: عيالي ياخدو. حكية تن بروحهم عندكم ولا نمشي نجيب
دنيا:خير وخيك كافي الحمدالله وبطل سماطه وقول ماشاءالله علي صغارك معش تنق عليهم.
عبدو:: دبب وشدوق. مايبي يصيرلهم شي
دنيا::ربي مايذوقك. تفقد. واحد منهم. وتحس بقيمتهم وقتها ياما كونت انق علي مريم. وشوف شن صار
رحمه::الله يرحمها ويطول في عمر عيالي ووه يادنيا حسك رعشتي جلدي.
عبدو:: عندك الحق. ربي يحفظهم.
دنيا::معلش رحمه بس ملاحظه ينق عليهم هلبه. قولت. نوقضه
رحمه: عندك الحق وعارفه نيتك حبيبتي
خشينا نجهزو في العشاء
لميس:: بنات زعمك شالها الدكتور
رحمه:: وجه. متكدر مراد. مش هكي لما يقعد رايق. شكلها حكتله
دنيا:: ربي يستر يابنات. نخاف منه انا اللولب. زمان قريبتنا. سببلها عقم بعد حمل خارج الرحم
رحمه::لا بعيد السو. تنجن رحاب. وهي خاطرها في بنيه
لميس:: ربي يستر
<>>~~~
الدكتوره. :: في السونار مفش حمل. وتحليل الدم نسبة حمل عاليه. يعني. احتمال يكون خارج الرحم.
مراد:: تاكدي دكتوره الله يخليك
الدكتوره::علي العموم اعراض اللي حكت عليهن. المدام الم الكتف والجنب والدوخه والصداع. والتوتر. الاكتئاب مع وجود نسبه عاليه في الدم. دليل للاسف علي حصوله خارج الرحم خصوصا الرحم فاضي.
توا تجي معايا نديرلك جهاز مهبلي يوضح اكثر
رحاب:: لالا. نخاف. تنوشي الرحم. وينفجر
مراد:: بختت فيها تبكي
دكتوره خطير هوا
زكتوره::لو منزلش بسرعه. راح يسبب في مضاعفات. شينه لاسمح الله
مراد::والحل
الدكتوره::عمليه مستعجله
مراد:: توا
رحاب::لالا نبيش. مراد. عملية شنو
دكتوره::مدام. انتي كبيره وماره بولاده من قبل. خوفك هذا مش وقته
مراد:: حوبه اهدي لازم منها. نسبة التحليل يعني جنين. كابر. هكي. مش كويس
رحاب: نبيش مراد منبيييش
مراد:: اووف باهي. خلينا نطلعو نحكو. هكي عطلنا الدكتوره مع المرضي
><~~
مراد:: حسيت روحي خايف عليها. مش قادر نسلمها. نبي نسافر بيها اول مكان. طب متطور اكثر
رحاب:: نسمع فيه يكلم. ويسأل علي حجز للاردن
مراد::منور ياباشا. مشكور بارك الله فيك خلاص ساعه نمر نحطلك الفلوس والجوازات
رحاب: عليش عطيته اسمي
مراد: عمري. حصلت حجز. الفجر. مقعدين من حظي فاضيات نحطك وتي الشنط عليما كلمت مشاوير عندي
رحاب: مراد انت عندك شغل كيف تسيبه
مراد:: صحتك اهم عندي
توا انا لازم نمر ونشوف صاحبي
نذكر مراته. عالجها عند دكتور كبير في الاردن.
حطيتها ومشيت تممت اموري. مريت علي باتي تسلفت منه فلوس
حاج:: سلفة شنو. هذي لك خودهن وعيب تقول سلفه هذين للزنقات للعيله. وربي. يحفظها لك وتروح. طيبه
مراد:امين وج الدكتوره معجبنيش. يسترالله
امي العيال خليهم معاك يومين لين. نتطمن عليها. امها صاحبت سكر وضغط. ومش لازم تنشغل. عليها
انا دوبك نوتي روحي ساعتين ونقعد في المطار مفروض
ادعولها.
رحاب:: وتيت الشنط ونرعش خايفه منردش لعيالي
مراد:: شنو واتيه
رحاب:اها مراد معقوله نسافر قبل نشوف ماما
مراد؛: حوبه مفش وقت. بعدين. ترعش وهي صاحبة سكر في هل الليل
رحاب:صح.
مراد:: طلعنا للمطار
الصبح:طلعنا. للدكتور كشف عليها وكان كلامه.
بسرعه غرفة العمليات. توا لازم تخش
رحاب:: حسيت بالخوف. والرعب.
مراد طول الوقت ماسك يدي ويطمن فيا.
مراد::خشت وهي توصي علي العيال
رحاب::رد بالك تجيبلهم مرت اب يامراد ولو نويت تخوني. وتجوز. حطهم. عند اسامه يربيهم بس عيالي يعيشوش مع مرت اب
احترم عشرتي وقبل السنه متجوزش. عارفتك نسونجي وعينك زايغه. ومستحيل تصبر. عليا
مراد:: في عز حزني ودموعي ابتسمت.
هبله ياحوبه انتي. وقت دوتك هذي
رحاب::مسكت يده زززززين ونزلت دمعتي
مراد انا حبيتك ونغير عليك. من خيالك. انت عمري كله.
حبيبي. اسفه علي شكي فيك اللي كان مرات يخنق فيك بس لاني مش قادره للحظه هذي ننسا كلامك وكيف ضعفت قدام. اللي كانت تكلم فيك
مراد::حوبه انسي خلاص . تي انا اللي نحبك ومجنون بيك. حبيبي. توكلي علي الله وان شاءالله تطلعي طيبه
خدوها مني وانا حايس
بعد نص ساعه طلع الدكتور
حولنا الجنين واطرينا نتخلصو من احدي قناة فالوب
مراد:: وهكي في خطر علي المدام
دكتور:: لا المدام الحمدالله مع ان تعتبر. جيتو متأخر بس الحمدالله لحقنا
الصراحه. البعض بعد العمليه خارج الرحم تكون نسبه الخمل طبيعي ضعيفه او تعدم
مراد::قصدك معش تقدر تحمل
دكتور؛: بالزبط ومرات تحمل. طبيعي ومرات بالحقن والوسائل الطبيه
يعني القصد. مش زي زمان طبيعيه راح تكون خود جميع الاحتمالات
مراد:: فهمت عليك. تمام انا عندي عيال الحمدالله. المهم. صحتها شكرا دكتور
~<~>~
مراد::قعدت جنبها ومزالت بالبنج
رحاب؛:اااه. مراد. عيالي. تزوجش مراد
مراد:هههه. صبيت فوف راسها وحبيتها
حوبتي. نتجوز شنو يامطرشقه. حرام عليك
رحاب:: ميه نبي ميييه
مراد: مسحتلها علي فمها
حمدالله علي سلامتك ياعيون وقلب. وجنون مراد
رحاب:: كملت العمليه
مراد:: اها الحمدالله عمليه ناجحه
رحاب:: مسكت يده
تعبان شكلك
مراد:: من عركتي انا وياك العشيه وانا مصبي هك. توا بس نقدر نرقد
رحاب:: انحبك واسفه انت مش نكدي وانت ارجل الرجاله
مراد: هههههه حبيتها ارجل الرجاله
وانا نحبك واسف. باتك الله يرحمه. عطاني جوهره ونعم التربيه
مرن يومين وهي في المستشفي وانا مقيم معاها
رحاب:: متسمح عليوه بكككل حناطه
مراد:اها. عرفك. الفرخ وانا معرفنيش
رحاب::اها. نجيه صورته لرحمه توصي صوريه ليا
~<|>~
ريهام:: جولي. اليوم بايته عندماما نغيرلها جوها
جلال:: وانا نقعد بروحي. حرام عليك
كساد حبيبي
ريهام:: مو واجعتني. مكسده وبابا ليلته غادي اليوم
جلال:: نجيبوها هي تبات معانا اسهل. ريهام. نحبش نبات بروحي.
ريهام::تخاف
جلال:: هوميتي بطلي حناطه تجي هي تبات عندنا باهي.
منها تغير جو نطلعو بيها. نبرمو. ونهدرزلها انا. تحب هدرزتي. هيا
ريهام؛:ههههه عجبتني تحب هدرزتي
جلال:: هههه. هدراز راجلك يعجبك ها شن قلتي
نعدي نجيبها
ريهام:تباش تعبش روحك
جلال:معليكش فيها. نجيبها غصبا عنها. حبي. عشاني الغيه جو البيات انا منحبش بكككل نكره نرقد بروحي.
ريتاج:: مش قتلك خواف.
جلال:: اها خواف. وجبان. تي علي اساس الشجاعه اللي معايا متخلينيش نخاف
تي انتي مفش اجبن منك
ريهام:: ايي جلال خشميييي حول
جلال::اليوم بنسأل امك علي شنو متوحمه بس
ريهام::ههههه راك اديرها ياهبل.
حلال:: ههههه
وين العيال
ريهام: ندوشه في دارها ترسم
وندوري. جا احميده خداه شايلهم نادي الفروسيه. يتفرجو.
جلال:: بيسجلهم قصدك
ريهام::اها. قالي تعلمهم الشجاعه والقوه. وممارسه حلوه
جلال:.فعلا. حلوه.
يبقي. جهزي ندوش ونعدو نجيبو ماما ونتعشو برا. بالمره شن رايك
ريهام:: تبي كلام هذي ياقصير.
جلال:: من اللي قصير. يافرخه.
ريهام:: ولد الجيران ههههه
جلال:: ياواطيه من ولد الجيران
ريهام: بخخخخ نغزته في جنبه.
جلال::ههههه. خربتي المشهد يابليده يلا وقت
ربهام::يلا بينا يلا ياجولي يلا نسهر ونقول وماشاءالله
جلال؛:: تي هيا. ياهمي مطول بالك ازززح
ريهام::اووووماي قاااد. جلال. المستشار القانوني يتلفظ اززززح
جلال::هههههه ياعنجد وجك وهوا اللي يرافق خوتك. ميتزنحش. تي هيا ياعيله مطرشقه
><~>>
حليمه:: كان خليتوني في حوشي وانتم بتو عندي
جلال:: لالا نبوك تغيري جو. وتشوفي الناس
حليمه:: ربي يحفظك شكرا حبيبي
ندي::مامي نبي حمام
جلال:: شيليها. ريهام
ريهام:: هي حاضر
~>~~
حليمه::مسكت يده ربي يحفظك ويسعدك ويفتحها عليك شكرا علي. تضحيتك اللي كيفك مقتدر يقدر يفتح حوش ثاني. وحقه يجيب عيل من صلبه
جلال:: لا مش من حقي في نظر نفسي
كيف نجيب عيل. من وحده غير ريهام ياحاجه. انا منقدرش نكسر قلب ريهام. ومش محتاجه شكيره هذي ولان عندي عيال الخمدالله وراضي بنصيبي من الدنيا وربي يحفظلي مراتي.
حليمه::ربي يجبر بخاطركم ويرزقكم. الذريه الصالحه
~>~>~
بعد مرور ايام
ندي : بابا من معتز. اصله في المدرسه يقولو ندي معتز
وانا نقوللهم انا ندي جلال
نادر: حتي اسم ماما قالت الابله مش ريهام امهم اسمها عبير. من غبير يابابا
ريهام:: رقرفن عيوني وبحتت في جلال.
حلال:: حبيبي معتز هذا باتكم الحقيقي وعبير هي امكم
بس دارو حادث وماتو. وبابا قبل يمشي للجنه قالي خود ندوري وندي وربيهم انت وهومي. وخليكم. بابتهم ومامتهم
وخلاص قعدتو عيالنا
نادر:: من هوا معتز
جلال:: خويا. حبيبي يعني انا عمو مش بابا
ندي::لالا انت بابا وهومي مامتي
ريهام:: ياعيوني. ربي يخليكم ليا
~<~>~
اماني: تعبانه ياعادل خلاص بعد البطن هذي معش بنفكر نحمل وووه نعنه ماجا العيل.
عادل::نقولك فيهاياقلبي خلاص صحتك وانا راضي ببناتي. وهوا في احلي من البنات.
اماني::عشان امك وكلامها. كان خاطري نحط العيل عشان نسكتها
عادل::منيوتي عهدي بيك انسانه متعلمه وذكيه شنو. اسلوب نحطه قطوس حسستيني ههههه
ياعمري. انا عندي البنات هذين بمية ذكر. وتوا تشوفيهن. يطلعن احلي بنات علم ودين واخلاق
انا شايف روحي فيهن. بس خلاص بعد جوري. اربطي وراس دولي. اماني نحن مزلنا صغار وقعد عندنا سته واجد راهو. وزوز علي روس بعضهن ههههه منظرنا يضحك نحن وطالعين و خاشين
اماني: وامك اللي كل ماتشوفني تقولي انتي زي امك.
جوزيه عشان ربي يرزقك وليد
عادل:: تي امي مرا كبيره. ومتعرفش شي مشيها وكبري عقلك. منيوتي. تصدقي اني كرهت العيال من نقك عليهم ولا اصلا مدقق بس حركاتك هذي. تفتحي فيا
اماني::اصلا تحديدجنس الجنين تعتمد علي الراجل
عادل: هزيت راسي ايوووووا. توا العقل بدا يرد. معش تكثري. راهو نديرها. ونريحك
اماني:: نذبحك ياعادل.
عادل:: يادعوشه. نجيبلك مرا زي كوثر تساعدك وتقعد صاحبتك
اماني:: عادل بطل بصاره بارده منحبهاش الدوا هذي
عادل:: باهي جوزيني علي ذوقك انتي
اماني:: عااادل اسكت. تمرض فيا هك راك
عادل:: قربتها لصدري بعيد السو علي منيوتي الدلوعه تي انابش فيك ياهبله. بس بجد حبيبي خلاص معش نبي تحملي مش كويس علي صحتك ياعمري.
تاليا:: بابا
عادل:: تالي. كيف تخشي بدون تاخدي الاذن مش عيب هك
تاليا:: حاضر اسفه
عادل:: اخر مره.
تعالي شن تبي
تاليا:: حبيبي يادولي نبي هدية لعيد ميلاد صاحبتي وانت وعدتني تشيلني
عادل:: انا موعدتكش قتلك نعرف وين الحفله قبل
تاليا::وين يابابا يعني في حوشهم
عادل::بحتت في اماني تعرفيهم. عيلة البنت انتي
اماني::لالا وفكنا عادل من الدلع. تقعمز تقرا وتفكني من سريب الصاحبات مزالت فرخه
تاليا::ماما عااااد. نبي نعدي حرام عليك
عادل:: باهي ياحبيبتي مش مفروض مامت البنت رنت علي ماما عزماتك. توا ماما كيف تطمن تحطك مكان مش عارفه من امها وباتها
تاليا:: يعني تبيش تشيلني. امس قتلي باهي. توا سمعت كلام ماما
عادل::مسمعتش كلام ماما عيب تحكي هك.
تناقشت انا وماما وحسيت عندها الحق
اماني: ياماما انتي في الابتدائي مزال بدري علي سريب الصحبات حتي تنقضي روحك ماتعرفي
تاليا؛:شن ننقص ياماما. كنك. مش بحر وبنغرق
عادل::بطلي كثرة نقاش وعدي وتي روحك ناخدلك هديه وفي المدرسة مديها لها وقوليلها بابا قال لا مفروض حد كبير اتصل. عشان نتطمن
عادل:: زعلت حرام
اماني:: ايوا حبيبي معش تتساهل معاهاانا نبي نربي بناتي زي ماما. في حاجات وانا صغيره كنت نقول مكاره. وظالمه شن المشكله كان خلتني مشيت ولا درت
بس بعد عقلت وقعدت نطلع ونشوف ونسمع في قصص
وكلهن تحت خط وين هلهن. اثبتت ان حركات ماما لمصلحتي
عادل:: ربي يخليك لهن وفعلا اقتنعت بكلامك وين نندري. خوتها ولا بوها شن شكله يدير في البنت شي حاجه
اماني:: انا لو ندير عيد ميلاد.لوحده من بناتي. نرن علي الام ونطمنها. لانهن مزالن اطفال
عادل:: تطلعي معانا بالمره نمرو علي الفيلا
اماني:: الله امتي بسسس نسكن. ونتوسع
عادل:: هانت. حبيبتي هانت
~>~>>
لميس:: علي مش عاجبني نحس فيه غامض وهادي واجد
واليوم جاني طلب من الاخصائيه. مشيت ورتني. رسومات لعلي وتعبير. عن الام.
شوف. العيل. من جوا مدمر. تعبان امسك اقرا تعبيره.
محمد:: الام هي من تربي. وتسهر الام هي من تأتي للاطمئنان علي حرارتك الام هي من تحبك
ليس الام من تنجب. انا امي انجبتني ولم تحبني
ولم تسهر علي. انا من يكره امه ويحب زوجة ابيه
اكره امي واتمني موتها. اكرهها واكره من يناديني ابن اميره
محمد:: للدرجه هذي. كلام كبير هذا مش لعمره
لميس:: شوف الرسومات كلهن عنف وضرب
الاخصائيه. قالت في الاول لاحظنا اسلوبه العنيف مع زملاءه ولاحظنا رسوماته.
محمد: حي عليا لميس شن اندير. هكي العيل يضيع مني
لميس:: مسكته مع وجه بيديا حبيبي.
متخفش. تنحل. ان شاءالله
محمد::كيف. انا خايف العيل تركبه حاله نفسيه
لميس:: اتفقت انا والاخصائيه. نعدو لاميره نحكو معاها
محمد::انتي تمشي لاميره لالا عنجد انتي تعدي للحقيره
لميس::حبيبي اهدا وافهم. عليا
اول شي حول كرهي لاميره وغيرتي علي جنب
انا توا مصلحه ديوا تهمني. واميره نفس الشي. من رغم كرهها ليا وحقدها عليا بس في النهايه ام وتهمها مصلحه ولدها برغم. برودها معاه بس وقت الجد لازم كلنا نتعاونو
الاخصائيه. عرفت اميره في قرابه بينهم واقترحت عليا نقعدو ونتفاهمو عشان مصلحة ولدنا
محمد: خايف عليك منها منثقش فيها انا
لميس:: ميدا متخفش. ادعي بس ربي يقدرنا ونلحقو علي العيل
انا بنشوفله دكتور سلوك يتابع معاه وانت حطه في. حاجه فيها نشاط شفت اعلان. علي دورات نادي الفروسيه حلو ويفرغ طاقته شويه
محمد: تمام. وامتي قررتي تمشي
لميس:. اليوم العشيه حطني شقتها
محمد:لو طلع كمين. متفقه هي مع الاخصائيه تبي تضيعك
لميس:: حبيبي بطل خوف الموضوع جدي.
~>~>~
لميس:: مشيت لاميره في الاول استقبالها كان كالعاده قلت ادب. .
لميس:: اميره حولي كرهك ليا وكرهي لك علي جنب مع اني عمري ماكرهتك من اول يوم تعرفنا فيه كنت نحاول نتقرب منك وانتي اللي كنتي تكرهيني بدون سبب
اميره::كنتي اديري في طروح تكسبي محمد تبيني في روحك الملائكه عشان اطيحيه وفعلا تاريتك قادره وقدرتي
لميس:. لازم تعرفي انتي اللي سيبتي محمد وانتي بهبالك ضيعتي ولدك. محمد كان يحبك حب مش عادي. كان يحكيلي. عليك ويحاول يكسبك ويغيرك بس انتي شي.
كل همك كان صحباتك ومجازك وكرهكزوحقدك علي هله.
بينتيه له انا مش ذنبي انه حبني. وحبيته. بسببك انتي صار هكي ولعلمك مصارحنيش بحبه الا بعد الخطوبه وطبعا شي زي هذا استخاله انتي تصدقيه لان دماغك. بس محصور في الكره والمؤامرات
بسببك. فرقتينا بس اللي متعرفيش بسبب ولدك ردينا.
عليوه متعلق بيا وكأني امه. ومرات نحسه اكثر. خوفه نسيبه. باين في تصرفاته
اميره ولدك محتاج قلب حنين منك انتي قبلي انا محتاج. سلام وهدو مش وقت حروبك بكل
يعني عياطك وصوتك العالي هوا يكرهه. سبك. لباته وجده. كل مايجيك. مأثر. عليه.
حتي كرهك الواضح قدامه ليا. مأثر. عليه. العيل. يشوف فيك دايره فرق في المعامله مع عيالك
تجي تاخديه وتكمليها. تقارني في لبسه. المهرتش اللي جابه له باته بلبس خوته. تفرضي عليه يلبس دبش انتي واخدتيه وتعزقي دبش محمد في الكناسه مع انه احميده دبش ديوا مميز وياخدله في احلي دبش. غير خواته
كرهتي العيل. فيك. سببتيله روح عدوانيه
الاخصائيه:: مش بس روح عدوانيه بالطريقه هذي تسببيله.
عدم ثقه واهتزاز في شخصيته
ومرات تسببيله حب الوحده والانعزال عن الناس. وتتحول لمرض توحد. اميره لازم نتعاونو عشان وليدك
شوفي تعبير الام شن كاتب. شوفي الرسومات
اميره:كاتب عليا هك
لميس:: اميره حولي علاقتنا الاجتماعبه علي جنب وخلينا نتعاونو. علي ديوا
انا عازمتك انتي وعيالك بكرا في سندباد يلعب مع خوته وتهدرزي انتي معاه ويحس شويه بهدو
اميره::انا وانتي
لميس::ههههه عارفه اني ممكن يانحطلك السم او انتي تحطي ليا. بس مصلحة ولدنا اهم
اميره:: اااه عشان ولدي بسس. محمد نبيش نشوف وجه
لميس: محمد شنو اللي نجيبه هههه
احتراما لزوجك. اكيد. ميجيش وفي نفس الوقت هوا استحاله يوافق جيتي لك توا. وبصعوبه وافق
~>~>|~
ديوا::ماما عليش جايين بروحنا. وبابا حطنا وعدا
لميس::عشان حبيبي جوا في مفاجأه. اصبر. ندورهم
يي اهوا بوفا خوك
ديوا:: نبيش نشوفهم ماما. فكينا منهم
لميس:.مامي عيب خوتك. وشوف كيف جاك يجري يحبك
وين مامتك
ديوا:: ياماما. نبيش نشوفها توا تتعارك معاك وتزعلك
لميس::تزعلني هههه حبيبي انا واميره قعدنا صحبات وحايين نشربو قهوه.
اميره::اهلين ميسووو. كيف حالك. امواااه. اموووواه
لميس::ضغطت علي سنوني وغمضت عيوني مديت خدي وسلمت
اهلين ميرو حبيبتي.
اميره:: عليوه حبيبي. شن اللبسه السمحه هذي. تجنن ذوق ماما ميسو ولا بابا
ديوا::بابا
اميره:: تهبل. عسسل وليدي
تعال شوف شن جبتلك
ايباد. حلو
ديوا: عندي. بابا شرالي
اميره::ربي يخليلك بابا حبيبك وهذي من ماما. عادي يقعد عندك اثنين. صح
ديوا::صح.
اميره:: نجيها. شن اسم خياتك
ديوا :: لين. ولارا. وبيبي في بطن ماما قاعد يارب وليد يقعد معايا
اميره:: اها حبيبي. عندك خوت انت. بوفا وميدو. تحبهمش انت
ديوا:: نحبهم بس ولد ماما ميسو. نحبه اكثر
اميره:: حبيبي حب كل خوتك. هذوما عمرك توا بعد تكبر وتقعد زي بابا يقعدو. خوتك وتلبس معاهم وتطلع تسهر.
ديوا:: امبه
لميس:: ديوا. افطن لاختك
~>~>~
اميره::بكل متعلق بيك مش عارفه شن السحر. اللي فيك. اللي. خديتي العيل وباته
لميس: اميره اظن مش لازم دوا علي باته انتي توا مرا متجوزه
اميره::تغيري مني مزلتي
لميس::مسكت فنجان شربت ورديت بحتت فيها
اكيددد بس مش منك انتي بس من اي وحده تخطم قدامه
محمد ليا انا وبسس.
اميره:: حب تملك هذا. بس علي فكره كان ليا وانتي خديتيه
لميس::نصيب. يااميره اقتنعي. نصيبكم. هكي يصير. ونصيبك تجوزي. غيره وتجيبي. خلاص هكي ربي كاتب
اميره:ونعم. بالله والحمدالله زوجي خير الف مره من محمد
لميس:.باه كويس ربي يسعدكم ويهنينكم
اميره::ههههه تبيها عاد انتي ربي يهنيني
لميس:هههههه بكككككل.
اميره:. ههههه. بس عارفه بعيدا عن الحرب اللي بينا.
انا اللي نغير منك من اول يوم سكنتو جنبنا في المانيا
كنتي بنت. مثقفه محبوبه في السكن. محمد كان يقارن فيا بيك. بلبسك واسلوبك وطبعك
انا اللي غبيه. لو مرا شاطره راهو. قلدتك ومليت عين زوجي. بس انا كرهي للحاج علي وبناته وعياله. حقدي عليهم انهم محد صبا معايا وتقبلني. كرهي للحاج علي انه جاني في المكتب وهزبني نبعد علي ولده كله شايلته في قلبي. وطلع بعد الزواج في محمد وولدي
لميس:: عمي جاك للمكتب
اميره::اها. جاني. وقالي بعدي علي محمد مش لك. قالي انا نبي اناسب عيله مش. وحده باتها نصاب وامها تجوز وتطلق
انا محبيتش نقول كلام هذا وقتها لمحمد. عشان مايخافش من باته. بس انا كنت رافضه اللي بيديره محمد في رحمه. بس لما باته جاني. رنيت عليه موافقه ونفذت الخطه معاه
كان لازم نحررررق قلبه ونوريه علي اهانته ليا
لميس:: بس عمي. كان نيته. تبعدي عن ولده لانك. ذهبتي شيرته
اميره::ذهبت شيرته. لميس انا ومحمد كنا نبو بعضنا لولا باته راهو خطبنا وتحوزنا طبيعي.
لميس::بس انتي درتي اسلوب حقير. لعبتي عليا خربتي حوشي ادزيلي واحد يااميره يهددني. معلش بس هكي اثبات لكلام عمي مفش بنت عيله تصرف هك
اميره: بجد. يالميس انا نكررررهك ونكره اي حد من عيلة الحاج علي
لميس:: هذا اسمه نصيب يااميره. نصيب. انتم مش لبعض. وحولي الكره عشان ربي يطول في عمرك الكره يقصر للعمر
اميره:: اي والله نصيب
بس بجد شكرا علي حبك لعليوه واهتمامك به العيل في امان معاك.
لميس: حبيبي. ووليدي اللي ماجبته من بطني
خلينا. عشانه نتفاهمو.
امبره:: ان شاءالله وعلي فكره زوجي يحب علي يعني. شجع فكره اني نقرب منه بس ضد اني نتقابل مع محمد طبعا
لميس:: اكيد. قوليله محمد بروحه محترم الشي هذا
واصلا انا مستحيل نخليه هههههه
اميره::هههه. اااه شوفي الدنيا جبرتنا نقعدو علي نفس الطاوله
لميس::مفش شي في الدنيا ينجح بالحرب والعياط.
كل شي يبي تفاهم وحوار. حتي في الحروب الدوليه.
لو بدل السلاح. العالم يقعمزو يتحاورو. راهو. الدنيا بخير
~<|>~<>~
مروه:: هجو. تعالي نطلعو نتمشو في الجنان
هاجر:: هي. جايتك
حسين خلي زيكو معاك
حسين:: شن عندكن انتن رايحات اسرار
مروه:: ياربي مايعجبه العجب لو. تعاركنا. يزعل ولو تصاحبنا. يشك
هاجر:: ههههه. نفسيات. خوك هذا. خليه في الكورن فلكس
حسين:: صاح ياامي. ديريلنا عصيده
هاحر: طح سعدك عصيده الساعه10 توا متعشي عند هلي
حسين: تي شن عشاء هلك. مقدرتش ناخد راحتي باتك. حليب وتمر. وزياد يجامل فيا واضح يبيش ياكل
هاجر: تي الصواني نصهن ممسوح
حسين:: مشبعنيش
تي امي كنك تضحكي هزبيها تنقر علي ولدك
امه:: ههههه يافرخ مش خشيت عليا. ناكل في سندوتش دحي. خديته كليته. طح سعدك كرشتك في ازدياد
حسين:: هذين انهضمن. نبي عصيده مدخلنيش. راهو نصبي نديرها بروحي
هاجر: ادير عصيده. ههههه
حسين؛: تتهزي صح.
امه::ووه فكوني من النقير. توا نصبي نديرلك عليك تعب
حسين::وراسك مانك دايرتيها. انا بنديرها كسره فيها وتمدي يدك. تنشلطي
هاجر:: حساء ابيض ان شاءالله. يجي منك
حسين:.توا نوريك الحساء شن شكله. نزلت. شمرت. السروال للركبه.
صهيب:: هههه بتعصد بكرعيك. امالا
حسين: ااه بحتت في كرعيا . ذهبت شيرتي. الله يذهب شيرتهااي والله
رفعت كم يديا.
هاجر::حساء مش محتاج بالكشيك خلط هههههه
صهيب: حي عليك بطلي نباش يفترسك الدب
حسين:: انا خاش. وتوا نوريك. العصيده. الصح.
~<~>
مروه: هبل خويا. عقله صغير
هاحر::هههه بكل
مروه:.متعلق بيك واجد رايح اول مايخش يسال عليك
هاجر:: اقتنعت ان اول سنه زواج مش مقياس للدلع والحب
في رجاله. يزيدو يتعلقو. بزوجاتهم. بعد. سنوات من الزواج
وهكي حسين
مروه؛:شايله مني. عشان خربت عليك شهر العسل
هاجر::بكككككل. هههههه
نروه؛؛. عدي معايا شهر عسلي وخربيه
هاحر::ان شاءالله نديرها انا هبله
بس ياخيه حبيبي عوضني طلعني كم مره سافرنا
مروه:: حسين طيب. ويحبك واجد. بس يحب ماما اكثر. تقربك انتي من ماما زاد حبه لك
هاجر؛:امك عسسل. مش محتاجه نقرب منها عشان حسين لا هي انسانه تستحق الاحترام والحب والود.
مروه:: ربي يرزقني بعمه زي ماما
هاجر: شن صار خطرها في الشاب اللي حكيتيلي عليه
مروه:: هذا عليش قتلك تعالي نبيك
ياحنه. تجرأ. اليوم. وقالي اسمعي يابنت الناس. انا نبي رقم خوك ونخطبك منه.
هاجر::توا كل يوم يجي ويقعد مصبي ساكت ولما حارل يحكي. هك. علي طول عطيني رقم خوك ههههه شكله عبيط
مروه:: حرام عليك مش عبيط هوا. بس محترم
هاحر؛:ياعيني والراجل الغامض هذا شن اسمه
نروه؛:لالا معرفتش
هاجر::وعطيتيه رقم حسين
مروه:: هزبته ومشيت سيبته. بس صاحبتي. عطاته له
هاجر:: لاه ومن صاحبتك هذي اللي عندها رقم. حسين
مروه:: كرت المحل. ياهمي.
هاجر::اهااااا. نهارك يقعد. رقمه عند صحباتك
نروه::هههه خليك معايا. زعمك كلمه
هاجر::مظنش كان هذا. شفتي الاجتماع السري. في دار عميمه.
مروه::اه صاح.
صهيب:. شن تهدرزن
هاجر::نحكي لمروه قتلها. نبي جو سلفه خلاص. تجوز حرك روحك
صهيب:: واتي انا غير امي. تقولي جيبها انت. تبيش تدورلي المكاره
هاحر::صدقت جيبها انت. بتقنعني معندكش. جو
صهيب::مرت خويا كنك ههههه
ياستي. كيف نجيبها انا. وهوا انا نرضا حد يجيب خواتي
مروه؛؛مسكينات خواتك. نعدي نجيك جاكه صقعت
صهيب:: شن جوك مع خويا
هاجر:: كويس.
صهيب:: هجوره نبيك في موضوع.
هاحر:: خير شنو
صهيب::بنخطب. ونبيك تشوفيلي البنت. فاضيه ولالا
هاحر::مرام. صح
صهيب:: شن عرفك
هاحر:: لافاضيه ومكبده عليك وديما تحب تسمعني لما نقعد نهدرز عليك. والابتسامه راسمه وجها
صهيب::شفتها كم مره تجي للبنات عجبتني رقيقه بكككل
هاحر:: اها خصوصا بعد الحجاب قعدت عسسل
هذي بتخطبها مش من عمها ولا زياد
صهيب:.من من امالا
هاحر:من بابا. غاليه عليه بكل.
صهيب:: اها تنحب الفرخه
هاجر::هههههه. احمممم
باهي انت شن تبي توا مني
صهيب::شوفيها لو. راضيه ندز امي
هاجر::بكرا نمر نحكيلها. اتدلل ياسلفي الغالي
صهيب:: احسن مرت اخ
هاجر:خليني نعدي نشوف الحساء
~<~<>
هاجر::كنك مصكر المطبخ افتح
حسين:: نوريكم. الابداع. مفاجأه
هاجر::باهي نبي اميه افتح شويه
حسين:: اوووف. فتحت خشي. رديت الباب
هاجر:: هههه كلك علي بعضك دقيق. رموشك دقيق لحيتك دقيق
دبشك دقيق قرصته مع خدوده شدووووقك دقيق
حسين::تشعري فيا ياكاظم
هاجر: مسكته مع خده. كلبوزي. حوست الدنيا
حسين:: احح هاايه حمرتيهن شدوقي
هاجر: ههههه علي اساس مش حمر. كانن. يابو ثدوق
قربت من الطنجره اممم شن صار في الحساء
حسين: غطيت الطنجره حولي مفاجأه.
هاجر:: حول نشوف.
حسين:: وخري قتلك. محد يشوف لين نحط
هاجر:: سونا شويه نشوف عشان نساعدك نغششك لو بلدت
حسين:. مش محتاح حولي تتهزي عليا قدامهم. حساء. ودبه. وتحاسبي فيا علي وكالي عند هلك
هاجر؛: زعلتي. يادبه.
حسين؛: هاجر حولي راني بجد. زعلان منك
هاجر:: معلش. عبيطه نعرفش نحكي
سونا مشيها ليا.
حسين:: باهي مشيتها. غير اطلعي فرشي المفرش
هاجر:: حبيته علي خده. من عيوني. اركب بدري اليوم باهي
حسين:: نبي نبات عند امي. روحي
هاجر:: توا نشوفو. شرت. الازرق والبدي الجيبير الابيض.
وشنو اخري بتلبسي ياهجوره.
حسين:: متغرينيش. مفش ابرد مني
هاجر;: ثقيل. حول.
طلعت. فرشت وجاب العصيده
تجنن جايه سلم ايديك يااحسونه
حسين:: بحتت فيها. وضحكت
صهيب:.اووو راضيه المدام اول مره نسمعك تقولي احسونه
مروه::هابا كان تعرف شن تقوله. بينهم
هاجر؛: مروه. عطيني لبببببن
مروه؛: هههه هاكي
صهيب:.شن تقوله مريوه. قولي
حسين: صهيب خلاص عاد الها في روحك
خطرها تعال امسك مكاني بكرا معزوم. علي الغداء انا
هاجر::وين معزوم. فرح من
حسين:: واحد صاحب له زمان ماشافني رن عليا عازمني علي الغداء في مطعم
مروه:: بحتت في هاجر ودرت عيوني
هاجر:: درتلها براسي جو مظنش
مروه:درتلها بعيني
هاجر:: هزيت راسي.
صهيب: كنكن بسم الله
حسين::ركبهن جن
هاحر::وانتم مركزين معانا. هههه
><~>~
بعد مرور ايام
حسين:: امي في اثنين متقدمين. لمروه واحد صاحبي.
والثاني. قال شايفها في العمل
امه::وانت من شايف الاصلخ لها
حسين::الصراحه صاحبي. انسان متعلم ومحترم ولد ناس. وضعه مادي والاجتماعي ممتاز. يعني انا عاجبني العيب ممكن العمر. اكبر منها بواجد بس مش باين عليه. محمطش جسمه سمح ولبيس. باين بلكي ولدي هههه
امه: والثاني
حسين عنده محل اطفال كيف بادي فيه. شقته. فوق هله صغير عمرها. تقريبا. قال قريب مرت بات زياد
امه:: لعات من هوا
حسين::لعات. ال
امه:: مش خوال رحمه. نفس اللقب بلكي شايفه مع عبدو ولا زياد
حسين:: اهاا هوا قالي
ناديت علي هاجر
هاحر: اها طارق ولدخو نورا
حسين:: وانا نقول وين شايفه. مار عليا قالي خديت رقمك من زياد بس مقاليش نقعد. ولد خو نورا. قال. قريبهم
هاحر::هوا العيل مايجيش واجد لنورا. بس كويس ورحمه ديما تحكي عليه كيف صبا معاها زمان
حسين: باهي عليش زياد عطيه رقمي ليش ماهوا
حكا معايا قبل
هاجر: ارتبكت مش عارفه الصراحه.
طلعت لمروه نهاره شن هل الطروح. لبزها.
مروه: اعع. كرهته حسني عليش الطروح طالما يعرفنا
~<>>~
حسين:: هاجر. انا ماشي لزياد تجي معايا
هاحر: يب. تبي كلام هذي
صهيب::يب يب وغمزتلها
حسين:: كنكم مش طبيعين رايخين.
هيا قدامي
><~>~
زياذ::كيف ياطارق. هبل انت كان قتله خديت رقمك من اي حد ومنعرفكش قريب زياد
طارق: ارتبكت. ياراجل. متوقعتهاش اخت حسين بكككل
انا البنت نشوف فيها واجد في المصرف تشتغل. منعرفش غير انها لعات كذا بس مجش في بالي اخت نسيبك
زياد:: توا يقولي ليش ماقلت. وانا امس مكسد معاه. اووف. هكي لقطه مش سمحه
مهند:: زيود مشيها. دبرها.
زياد::عليك موقف حطيتني فيه
مهند:: تي ساعده خليه . يتجوز. وتكمل الشله
زياد:: حوش. يرن نشوفه ونجي
زياذ:: اووو نسيب. شن الجو.
حسين::تمام. جاي اليوم وعاتب. كبدي غل عليك
زياد::اسمع قبل. الشاب . قالي دلني هك بسرعه جت اليوم الصبح قتله نسيبي. عنده خوات وشوف هوا اصر. ياخد. الرقم. وقالي احكي. معاه بعدها نكلمه بس توا فاجأني. جاني قالي مريت قدام المحل نزلت حكيت معاه
حسبن؛: زيااااد طروح علي من
زياد:: زي ماقتلك صدقني. وراهو شاب هك. يعجبك.مكافح وخطير بكل قاعد عندي جوا. خش هدرز معاه
هاجر:: درتله بعيني زياد وين بابا يبيه زيكو
زياذ: في الصاله باااااااااتي تعال حسين. يبيك
حسين : انا قلت نبيه ليش اتعب فيه وتناديله توا نخشله
هاحر::خشله.
برمت علي زياد عدي رقعها مع الحمار. كان قال جاب رقمه من اي حد ضروري انت يعني
زياد:.حمار شن بتقولي بس بجد يبي البنت
هاحر:: باهي كان جاب امه ولا حكا لامل ولا رحمه
زياد:حمار مش عارف اصلا انها اخت حسين
><~>
حسين:. خشيت قعمزت هدرزت. جنب الشباب وعجبني الشاب جا عبدو قالي خليه يجيب هله. شاب ممتاز
~>~>
مروه: ياعمري ضلمناه
هاحر:. ايي. ياروحي. تي حمار ودبكه
مروه::عيب تحكيش علي خطيبي هك
هاجر:: هههه معش نتحملو حي حي
بس حبيبتي. حسين قالي. نقولك انه في حتي صاحبه. متقدملك ووضعه متريح خير من. طارق.
طارق وضعه مادي ضعيف. يعني بادي يكون في نفسه
مروه:: مش عنده دخل وشقه وانا نشتغل انا عاجبني ياهاجر. طيب شكله ومؤدب
هاجر:: اليوم حايه رحمه مكسده عندي توا تخش تهدرزلك. عليه باهي
><~>~
رحمه:: محبيتش نحكي بتوصيات من عبدو علي موضوع سرقه زمان. قالي هذا. ماضي ومن منا ماغلطش
حكيتلها عليه وحسيتها وهي موافقه
هاحر؛:خلاص توا نقول لسونا. وانتي يارحمه قوليلهم يتفضلو. مرحبتين بيهم
يلا. بلكي فرحك انتي وصهيب مع بعضكم
رحمه: امس مرام حكتلي نجيهم يهبلو
مروه:: اووي شن دخل مرام وصهيب
هاحر:: صعيب بيخطبها. عاجبته ولما حكيت للبنت. وجها انحمر. وقالت.بصوت واطي خليهم يتفضلو
ومروه. :: الله. عليك صبايا خوت. عسسل يابختنا.
رحمه:: بس هذك شقره. السوده هذي توا تبدا في الغيره ههههه
هاحر::جو غيره وسلفات. مظني. عنديش عليه انا. المهم راجلي وعربي يحبوني وخلاص
رحمه::مو مرات. عربك يحبوها اكثر
مروه::لالا ولا اي وحده تجي. مكان هجوره.
رحمه:: كيف صار معش تنزلي صورة ثعبان وقرود. وتاهزي علي مرت الاخ هههههه
مروه::وووه عليك ايام عبيطه وهبال. تاريتني. كنت شلتوته
هاجر::بككككككل. دايرتني نغير منك ونقلد فيك وانتي جربه.
مروه:: هههه ياكلبه
~<~>>
هاحر:: شن تتعشو
عبدو:: اسألي م