الحلقه 80 ❤️
دنيا:: تحكي معايا وانتي همك كبر همي
رحاب:: انا همي. منه هوا. تعبت. وهوا محسسني اني شامته ونبيها وانا قلبي محروق عليه.
مراد حبيبي اللبيس. حبيب رويحته. قعد يلبس في الغامق.
لحيته اللي كانت مميزه ونقطة ضعفي اختفت. وقعد مكانها. مكان مشوه والمشكله مش مفكر في العمليه
رحمه: ادعي بس ربي يهديه. الشكوه لغير الله مذله.
ربك يهديه.
><~>~
بعد مرور ايام
دنيا:: قررت نحاول نغير من روحي واشرف ملش ذنب.
شريت دبش وعديت للكوافير
اشرف::ها دنيا لقيتك رانه
دنيا::حبيبي. شن رايك تمر تاخدني. نغير جو معاك يومين
اشرف::
دنيا:: وين رحت
اشرف::معاك
دنيا:: ها نوتي روحي. انا والعيال
اشرف؛:: انا طالع توا من المحل ماشي غادي لو واتيه نمر عليك
دنيا::جاهزه طولش عليا.
~<~<~>~~
اشرف:: خديتها. ومشيت للمزرعه
دنيا:. حولت العبايه وكنت لابسه سروال وبدي.
اشرف:: عليوه. خود اختك واطلعو العبو قدام الاستراحه
دنيا:: كنك تبحت هكي
اشرف: ناقصه ووووووووووووواجد.
دنيا:: رايفت عليا. وعلي لبسي.
اشرف:: مليش من قفاطين الحوش ودبش الطويل
دنيا:: اسفه اشرف. اسفه حبيبي. حقك عليا.
ووعد معش نزعلك.
اشرف:: تعبتيني وظلمتيني
دنيا:: سامحني
اشرف:: مسكتها مع وسطها وحبيتها علي خدها الله يسامحك.
ونزلت علي رقبتها. مرايف عليك.
دنيا:: مش نخلو جونا في الليل العيال بير. ومش كويس
اشرف:: حاضر. المهم الليل دنيا زمان
دنيا:: دنيا بين يديك ياكل دنيتي. انحبك
اشرف:: واشرف يعشق الورده اللي بين ايديه
وعندي لك مفاجأه. تعرفي حوش. جيرانا. عات ال
عرفتيه
دنيا::اي. جنب حوشنا
اشرف::خلاص بناخده وشقه معش نبوها. بيقسمها محمد ومراد بينهم. ويكبرو شققهم.
دنيا:: انحبك انحبك انجببببببببك
اسرف:: يامجنونه العيال جو من صوتك
عليوه::كنها ماما
دنيا؛: لان بابا حبيبي شرالنا حوش سمح.
اشرف:: وفيه جنان صغيرون. سمح.
عليوه:: ونسيبو حوش جدو. ومعش نقعد نلعب مع عيال عمو
اشرف:نزلت عليه. لا حوش جنبهم. تقعدو تمشو وتجو بروحكم ويباتو عندك
دنيا:نزلت معاه
ونديرلك دار فيها. صوني وشاشه والعاب عشان يباتو. معاك
وميوشه. نديرو دار باربي. وتجيها موده واسيل ولين
ديما معاهم نقعدو.
عليوه:: وجدو معش نفطر معاه
اشرف::انت تبي افتح الباب وعدي افطر معاه. بينا وبينهم حوش بس.
وانت راجل انا نخليك تمسك اختك وتعدي. تمام
عليوه:: ياريت مريم معانا
دنيا:: مريومه عصفوره في الجنه وقاعده تلعب متخفش عليها.
عليوه:: انحبك يااحلي ماما
وانت احلي بابا
اشرف:: ربي يخليكم. ليا. ويحفظكم. ويفرحني بيكم
~<~>~>~
اسام::حوبه. مراد عنده مشكله. في الفلوس عشان هك مسافرش عالج
رحاب:: معقوله نحساب عنده وهوا اللي فايت
اسامه::بالعقل من وينله. وهوا سحب كل فلوسه عشاني
رحاب انتي بس تقدري تساعديه.
رحاب:كيف
اسامه: عندك حصتك اللي داسها هوا لك وعندك ذهبك عطيهن له واحلفي عليهن
رحاب:: نعطيه روحي. مش خساره فيه
شكرا اسامه فتحت عيوني. بجد. شكرا حبيبي
~<~>|
مراد::روحت الشقه مظلمه وهاديه
خشيت دار العيال راقدين
نسمع في بسبسه. الصوت جاي من داري
رحاب. وينك شن الصوت هذا
قعدت نقرب من الصوت نزلت راسي تحت السرير
رحاب::هااااااي. بسبس
مراد::ههههههه. شن خششك هنا ياهبله
رحاب: طلعني ظهري
مراد؛:كيف ماخشيتي ياعبيطه اطلعي
رحاب::اححح. مقدرتش شكل انتفخت
مراد::ههههههه. باهي شن اندير خلاص خليك
رحاب::لا شنو تخليني ارفع السرير
مراد::عبيطه. رفعت السرير اطلعي
رحاب:: احح يناعليا ظهري
مراد:: شن دايره في شعرك وشن هل الزي المدرسي ههههه
رحاب:: نفاجأك اني مزلت بنوته دلوعه. ونقدر نكرس
مراد:من وين جايبه هل الافكار ياعبيطه هههههه
رحاب:من نت حبيبي.
فاجأي زوجك.
مراد:: تجي تكرسي تحت. السرير
رحاب:: مزال. نديرلك وضع البشه. ونكرس في الدولاب ونتشعبط علي الساس
مراد::هههههههههههه عطك الخير ياحوبه ضحكتيني
رحاب:: ياااه حوبه. قديش مرايفه نسمعها منك
مراد رايفت عليك
مراد: في عشاء. لاني ميت نوم برمت بنمشي
رحاب::مسكت يده وجيت مقابلته
مرايفه مراد حرام عليك حس بيا. راني خلاص مشتاقه.
مشتاقه حبيبي وحبيته علي فمه.
انت مش مرايف. حولتله جاكته.
شنو حبيبي
مش مرايف ياقلبي
مراد:: حوبه خليني مروح تعبان
رحاب: خليتك واجد علي راحتك وهكي حرام عليك تهجرني ربي يحطك في النار والنار واعره وشينه. تحرررق حبيبي.
حبيته علي رقبته. زي ناري توا مراد
مراد:: مسكت فيها. وانا مرايف. تعبان من غيرك.
رحاب؛: مسكته مع يده مش اكثر من تعبي
مراد: نزلت عليها ووووو####
><~~
رحاب: لوووووولييي واخيرا. ست شهور ومادورني لين ريافه كسرلي قلبي.
مراد؛ هههههه يامجنونه وطي صوتك دار امي
رحاب:خليها تسمع. نقوللها ست شهور ياعميمه. ولدك. هاجرني
مراد:هزيت راسي وصبيت مطرشقه
رحاب::حبيبي مراد وين ذهبي
مراد: في الخزنه كنك
رحاب::ممكن اطلعه ليا بنكسد عليه
مراد:: اوكي. ندوش نطلعه
~<~<~<>
مراد::عطيتها ذهبها وتمددت علي الفراش
رحاب: بترقد جنبي
مراد:: لو مايزعجكش وجي الشين علي الصبح
رحاب::بطل كلام بارد احلي صباخ عندي بيكون
مراد::ابتسمت.
باهي خلاص طفي ظي ناعس
رحاب: خود مراد. بيهن وسافر.
مراد::وين نسافر
رحاب::حبيبي انا عارفه انك معندكش فلوس تدير العمليه وعارفه كل فلوسك عشاني عطيتهن لاسامه
خود ذهبي وهدا توقعي بملغ حصتي في شيك
سافر ودير العمليه. ردلي الضحكه الحلوه والروح. الخلوه
مراد:ردي ذهبك رحاب. عندي. انا بس نبيش نعدي
رحاب::بطل طروح مراد عاد مو انت شجعت رشا تصبي مع اسامه ليش انا بتحرمني
وبعدين كله من خيرك انا جيتك بطقم صغير. وكلهن انت شاريه ليا كسيتني وعمرك مااستخسرت فيا
تبي تستخسر فيا توا وقفتي معاك
مراد: مو بس
رحاب::مبسش. مبسش مراد
خودهن وراس عيالنا. خودهن عشاني
سافر في اقرب وقت
مراد:: بارك الله فيك بجد مزنوق. ومتحشم نطلب من خوتي وباتي. عبدو مصاريف ولده يشكي منهن. ومحمد فلوسه علي قده
واشرف اللي فيه مكفيه. وباتي منقدرش نطلب من توا وشفتي وضع امي حليمه بيسافر بيها. وتبي مبلغ
رحاب: ملكش حق تطلب من حد ومراتك شريكتك عندها.
خودهن يانور عيوني. وعدي
مراد::حبيت يديها ربي يخليك ليا. شكرا
رحاب:غيرت الموضوع
مراد حبيبي. موعدي قرب انا حاسه روحي هل اليومين
مراد: يارب بنوته. بطيبة قلبك
رحاب: وانا حاسته وليد.
مراد::ان شاءالله شفتي مش قتلك نبيها علي الله
رحاب:لا مشفتش. بس احساسي
يي شوف بيبي يتحرك
مراد::اها من هنا مكركب. تحسبه هههه
رحاب:: متعب. يطلع.
خراد؛:حبيتها علي بطنها متعبه تطلع. جود.
رحاب:: زي بابتها اللي متعبني
مراد: نمسك فيك ونرقد عادي ولا تضايقي من
رحاب::حطيت يدي علي فمه
وحبيته علي خده المشوه.
نعست حبيبي تصبح علي خير
مراد::حبيتها علي راسها وانتي من اهله
~<~<~<
زياد:: سوفي كنك تدروخي ووجك اصفر
سلاف: مش عارفه ليا فتره هك
زياد::بلكي حامل لانك خمول وترقدي واجد
سلاف::اليوم الصبح جتني. بس شكله عندي نقص فيتامينات
زياد: باهي عدي دكتور.
سلاف:اها بكرا نمشي. ايي راسي. ررررراسي بينفجر
زياد: خليك جبتلها. بنادول بالشفاء
سلاف؛: ناعسه
زياد:: تعالي عندي
حطيتها علي صدري وقعدت انمشي في يدي علي. اجنابها
سلاف:شن ادير
زياداندفي فيك بلكي تتريحي
سلاف::خشيت فيه ااه مريحه.
زياد:: قعدت نحكيلها. علي يومي.
سلاف. حبيبي فراشتي رقدتي
هزيت راسي رقدت. برمت مسكت فيها ورقدنا
سلاف:: نضت. كان مقابلني
حاولت نصبي بس ماسكني فكيته بشويه وصبيت
غيرت. دبشي و. رديت جنبه انوض فيه
زياد حبيبي. صبي.وقت علي طلعتنا
زياد:خليني شويه
سلاف: هيا زياد. مش وعدتني ناخدو خواتي.
زياد:: ااااححح. متكسر حاس روحي مش جو طلعه
سلاف:: زياد اكيد وتن روحن فرحن بالطلعه
زياد: هياهي. توا نصبي.
صبيت. معمش عيوني. خبطت في الباب اححح
اووووف شنو هذا مش تشوف قدامك
طلعت وخشيت الحمام
سلاف::هههه كنه بسم الله. هوا اللي يشوف ولا الباب
زياذ:: طلعت.
صليت. ولبست
سوفي كأنك سامنه شوي.
سلاف:: اها بطني سامنه من البيزا اللي هريتني. بيها
زياد: الله جا خاطري فيها. توا ناخد نتعشا بيها
سلاف: يناعليا هيا وقت
زياد: خطمت علي الباب معلش اسف حقك عليا
سلاف: اوووي ماتجننيش
زياد:ههههههه اطلعي
سلاف: ااه راسي
زياد:: توا ناخد. قهوه في طريقه هيا.
سلاف؛: مسكت فيه ومزلنا
><~<~
><~<|>|
فراس:: روحت من العمل.
امل::سمعته حشيت نجري للدار
فراس:: امل. وينك تعالي جبت. عشاء معايا
امل :: مبيتش نرد
فراس::وينك هيا ساخن تعالي ميت جوع.
امل:: مبيتش نرد
فراس:: حناطه صبيت خشيت الدار
امل:: كنت لابسه شرت ستان سمني وعليه سيور ستان مطرز. وحاله شعري. مصبيه. جنب المرايا
فراس:: خشيت قعدت فاتح عيوني
امل: يي توا فكنا من تشريع عيونك ترعشنيش
فراس:: مش مصدق اصلي ست شهور نخش ونطلع
نسيت اللبس هذا والعطور نسيتهن.
امل:: قربت منه ومسكت وجه. صبرت عليا ست شهور.
وعمرك ما عصبت ولا زعلتني لا مقدر وضعي وتحسس فيا بجو الضحكه والعتاب
فراس: لاني عارفك بعذرك ومقدر وحمك وتغيرات الحمل.
ولاني صااااابر. هههههه
امل:: انحبك ياصابر.
فراس: نفهم منك اني اليوم. وبحتت في الفراش
امل: برمت خديت عطره. وبخيته له.
ومشيت خشبت في الفراش
فراس:: لحقتها. بجامتك حلوه بكككل ومطلعه البطن. سمحه.
امل: اها دزيت ريما تاخدها ليا امتاع حوامل.
فراس:: والعطر جديد صح
امل:: اها. مرايفه ياشيخ.
فراس:: وانا متقطع رياف ######
><><~>>~~
عبدو: خديت امي وباتي ورحمه وسافرت بيها الاردن
خدوها وشرطو ملفها من ليبيا وبدو في فحوصات من البدايه
رحمه؛ مسكت. فيه عبدو حاسه روحي تعبانه بنطيح
عبدو: بسم الله كنك. رحمه رحمه
حاج: بسم الله كنها.
عبدو:: مش عارفه. معلش باريلا. مدام.داخت
خدوها مني ومشيت وراها
باتي خليك انت جنب غرفة الاشعه توا نجي
مشيت وراها. خدوها فحوصات وتحاليل
كنها يادكتور
دكتوره :: مدام انتي حامل بشهرونص
عبدو::حامل حامل كيف رحمه مش تاخدي في مانع
رحمه::سكتت
الدكتوره:نستأذن وهلأ لا تتحركي لتكمل التغذيه
عبدو: كيف حامل رحمه والمانع اللي تاخدي فيه
رحمه:: شن عرفني غلطه. نسيت ناخد الحبوب كم مره
عبدو:: نسيتي. ولا تناسيتي. ومتعمده.
رحمه: ولو تناسيت. ليش زعلان هذا نعمه مفروض تفرح
عبدو:: ملكش حق تفرضي عليا سالتي كم مره ونقولك مزال زين صغير. وانا مش مستعد حاليا
ليش تشتغلي من راسك.
ناقص انا معاناة ومرمده. وقتها برايك توا وامي تعبانه. وتبي مرعاتي. نبي نعانيك ولا نعانيها
وقته توا بعد البنت خشت المدرسه تبي تهتمي بيها ولا بترقدي علي ظهرك.
وقته يارحمه توا وانا ماديا مش كيف. قبل وكل فلوسي لولدك. هنا وسريب ربطك وعمليتك ياريت حتي حملك كيف الصبايا
وقته توا استخسرتي فيا ايام استقرار وتوا نرد للبهدله والمعاناة
وقته توا
رحمه: قطعت عليه وعيطت
لا مش وقته عندك الحق. انا اسفه صاح مش من حقي. غبيه وحماره اللي نبي نجيب منك. غبيه وحماره اللي نحب نشوف نسخ منك.
غبيه وحماره يوم عرفت روحي حامل بزين وندمت روحي اني زعلتك.
غبيه وحماره اني لما يتحرك ولدك في بطني نحس روحي مالكه الدنيا
كنت نبيها لك مفاجأه نبي نحمل قبل. عيد ميلادك. خاطري. نقولك هذي هديتك. بس اسسسسفه اللي تطاولت. ودرت شي مش من حقي.
متخفش علي قولتك تربطي. انا مريضه.
حملي مش كيف الصبايا اصبر شهرين وينزل. وتتريح منه. لاتخسر. فلوسك عليا ربط ولا نظام حياتك يتغير
عبدو:جيت بنرد عليها رن باتي تعال طلعو امك دكتور يبينا
طلعت وسيبتها بدون. مانحكي
رحمه:: انصدمت فيه متوقعتش هكي ردت فعله للدرجة هذي خلاص تعب من معناتي في الخمل
صبيت من مكاني وفكيت التغذيه
طلعت. من داري ومشيت. لعميمه. .
عبدو: خير دكتور شن اخبار الاشعه
الدكتور: الصراحه الرحم في ورم. ويلزم ازالته باسرع وقت بما انه الخمدالله حميدي وخامد. وانتم. احسن اشي سويتوه. انكم ماخليتو. حدا ينبشه لانو. الورم مابدو اي اداة تنبشو.
لانو بصراحه كثير حالات بتجي من ليبيا منبشين ولا عاملين كوي يلي اخر اساليب تساعد في انتشار الاورام
عبدو: لا زي ماهيا جبتها لك. شن دكتور حاليا راح ادير
الدكتور سيتم ازالة الرحم الجزئي. مكان وجود الورم
وبعدها نعمل. جلسات علاجيه بالكيماوي وان شاءالله ماتكون كثير
حاج:: كيماوي لا يادكتور مفش اي علاج ثاني هي كل خوفها منه
دكتور :لازم تعمل الكيماوي للقضاء علي الخلايا
وللعلم مافي معنا وقت. لازم نجهز للعمليه بسرعه.
وياربت بوكرا
عبدو:: لالا خلاص المهم مافش خطوره وتروح طيبه
دكتور ::بأذن الله
حاج: خليني انا نقوللها
عبدو:: اووووف انا بنقفل تلفوني البنات سكنن.
حاج:حرام عليك عدي رد طمنهن شفت كيف طلعت وهنا منهارات.
عبدو::حاضر. خشيت غرفة امي شفتها. تمسحلها
خليمه:: شنو قال الدكتور. خبيث صح
عبدو::حلومه يادلوعه خلي الحويج يحكيلك انا ناخد مراتي ونروح اكيد هبلو مني
رحمه:ماما نروح نبرم عليهم. ونشوف مني بلكي تبي حاجه. ونغديهم ونجي
حليمه: عدي حبيبتي ربي يحليك ليا
رحمه::ابتسمت وطلعت
مشيت قدامه
عبدو:: بشويه كنك تجري هك
رحمه::ملكش دعوه بيا. ان شاءالله نمشي ونتشقلب متدخلش بيا
عبدو::رحمه خلينا نحكو.
رحمه:: كلامنا علي امك. شن صاار شن قال الدكتوو
عبدو:: ورم وبكرا لازم ادير عمليه
رحمه: ياحبيبتي. هي حايفه من العمليه
عبدو: سيبت باتي يقنعها.
رحمه:: يارب يقدر
متحكيش قدام اماني نافس مسكينه
عبدو::حاضر. بس
رحمه:مبسش موضوعي لوووسمحت متحكيش فيه
ركبت لاماني
اماني:: ربي يطمنك وامتي يطلعوها
رحمه:يعني يومين اخره. عندها لحميه في الرحم وتبي علاج
اماني:: اها. عشاهم عادل العيال
رحمه:: نجيه ياخيه
اماني: تعود فتره وحمي. يعاني في البنات الاردن مش زي الخليج هنا اسعار نار. ميقدرش علي حق خدامه
رحمه: ربي يخليه لكي ويرزقكم
اماني: حومه كنك جوك مش تمام لاحظت من خشتك وانتي مش طايقه وجه عبدو
رحمه:: انا حامل توا عرفت
اماني الف مبروك ليش زعلانه باهي
رحمه::لانه صدمني وجرحني
اماني: عبدو
رحمه:: اها عبدو. خليني نصبي نديرلهم غشاء ونرد للمستشفي
~<><
عبدو: هذا اللي صار ياغادل
عادل: اسمحلي في الكلمه حومااااااار وبغل
عبدو:: تي هكي تفاجأت مش قصدي
عادل: هكي حرجتها وكسفتها حرام عليك. كانك عايرتها بمشكلتها كانك قتلها معنديش راس انعانيك
مش هذي. حومه اللي كنت ترفع فيها وتغير وتمسخ وعلي قلبك كيف العسسل. حرام عليك. تضيع صورتك الحلوه عندها
عبدو:: شن اندير باهي توا
عادل: تأسف وتبين فرحتك بحملها
متبيش. تسمعني
عادل:.غصبا عنها تسمعك
عبدو:: انا عقلي في امي وعمليتها. مش حال شي ثاني خايف عليها
عادل:. ربي يشفيها متخفش
عبدو: خلاص انا ماشي لامي.نحط رحمه وناخد باتي يجي يتريح معلش عادل ازعاج العيال شواطين ثلاثه. وانت تشتغل.
عادل:: بطل هبال. تي انا اللي نلعب فيهم.دايريلي جو
والبنات مبسوطات. بعيال خالهن.
رد بالك تفكر فيهم. انا منسجم. وجوي حلو معاهم
عبدو:: نصبولك في جيبتك للوليد. ياعدول
عادل:: ابو البنات تحسي. اربعه.
عبدو:: فيهن خير وبركة ربي يحفظهن
~<~<~
اماني:: دولي. مدلي حور نرضعها.
عادل:: نور راقده حسيتها اليوم متريحه من بطنها
اماني: اها. اه.
عادل: واعر الجرح
اماني : بككككل.
عادل:: وزنهن جاي ماشاءالله كان صعب تولدي طبيعي.
اماني:
امك مش عاجبها جبت توم بنات.
عادل:: بس انا فرحان وعاجباتني.
تاليا وداليا ونور وحور. فرحان بيهن. صدقيني
لدرجة اليوم في المكتب وزعت حلو علي الموظفين من فرحتي بيهن.
اماني:: اربعه ياعادل وانا عارفه انت خاطرك في عيل
عادل:: يجي العيل مزلنا صغار
ااماني::ولو خلفتي بنات. تجوز عليا. عاد توا امبحبحه معام وقادر
عادل: نتجوز. هههه هبله.
تي انا نلاقي زيك في حنيتك وطيبتك وصبرك وحبك ليا وين بس.
نلاقي نعمة دولييي عاااد وين غير عندك ياسمحه
اماني:: انحبك. وياااارب نجيبلك العيل
عادل:: كل سنه جيبي بالحظ لين يصدف هههههه
نبصر راك تصدقيها. المهم صحتك عندي
واربع بنوتات خير وبركه
اماني: مشغوله علي ماما مفروض انا نعاني فيها مش رحمه
عادل::متخفيش كويسه وانتي بعذرك عمليه جديده
اماني: خبيبي. رقدت حطها
عادل:: هاتي
تاليا:دولي. جيبلنا شيبس
عادل: مش وقته ياتولي. خلاص ليل
تاليا:: لا بابا. دكان لوطه جيبه باي بابا حبيبي
عادل:: تاليا كلمه انا قلتها بكرا يعني بكرا
تاليا:دولي. وراس مني. توا. دولي عاد هيا
عادل: ههههه بس بشرط معش تقولي دولي عاد قدام حد. نضرب علي الفم مره ثانيه
تاليا: ليش عيب
عادل::لا بس هذي كلمة السر بينا في الحوش نبوش حد يعرفها تمام
ناليا::تمام بابا حبيبي.
عادل:: عدي البسي بوتك تنزلي معايا هي
اماني.:: مدلعهن
عادل:.ويارب يردنه ليا دلع في كبري يستاهلن بناتي
~>|<~~
عبدو:: يارحمه خلينا نحكو
رحمه:مش وقت دوه. توا لازم نعدو لامك. نعشيها قبل يبدا موعد صيامها للعمليه
عبدو:: اوووووف
شنو ياامي ماشاءالله رايقه
حليمه:ليش بنزعل الاعمار بيد الله. بس لو ربي خدا امانته.
خواتك ياعبدو رد بالك منهن. ومن مراتك. وادعولي.
رحمه:: بطلي كلام شين. هكي حرام عليك. عمو. عنده القلب يبكي. ان شاءالله تطلعي طيبه وربي. يردك بخير
عبدو::نزلت. مسكت يديها. امي ياغلايا. اطمني العمليه ساااااهله وراح تطلعي بخير. وتروحي للبنات يراجن فيك
حاج: توا كنت نقولك النفسيه مهمه توكلي علي الله وباذن الله عمليتك ناجحه
~<~~
<~>~
هاجر: ميته رعب معش ردت معقوله مزالت في البنج
حسين:: اهدي انتي خلاص ماشيه جايه كنك ناسيه الحمل ولاشنو
هاجر:: مشغوله عليها. ومحمد مسكين. قالت. ريما يرعش مش متريح قال خدوها منه تبكي خايفه
حسين::عنجد وجكم تفألو خير. كنكم
هاجر:: اسمع انا بننزل ناخد شحني من مروه توا نجي لو رنت. ناديني
حسين::خليك توا ننزل
هاجر: لالا. خليني انا. انت راسك تريح
نزلت وقربت من دارها وسمعت. كلام صدمني
مروه:: خليها جاي يوم ونردلها اللي دراته فيا مفش حد غيرها بص وشحن حسين عليا
هي اللي مره خشت وانا نحكي معاك. واكيد هي اللي قالتله. وهوا طبعا يجي يهينك ويطلب منك معش تكلمني
لالا متخفش مش راح تفطن اني نكلم فيك اصلا تقول محد حمل غيرها. معش تنزل واجد
ياحبيبي متشيلش هم بس تعال اخطبني وبعدالفرح انا عندي فلوس حصتي في الورث ناخدهن. منه.
علي قولتك يسفر في مراته ويهدي. في ذهب. بفلوسي.
هاجر::حسيت روحي بنطيح من طولي. وخرت وقعدت نمشي ومش حاسه بروحي
ام حسين:: هاجر كنك.
هاجر:ابتسمت لا مفش شي. تعب بسيط.
ركبت. مفجوعه. خفت نقوله. هذي مش ساهله تقلبها. عليا
ونطلع انا اللي حقيره ونبي نفتن شن اندير ياااارب
حسين:: حبيبي كنك شن في وجك اصفر
هاجر:لا حبيبي مفش شي مشغوله بس علي ميسو
محدش رن
حسين :: لالا تعالي تريحي نجيبلك عصير وجك اصفر
~<~<~>
><~<~~
محمد:: متخفيش حبيبي ساعات وتمر
لميس:: يارب ياريتنا سافرنا. وجبت برا ميته رعب
محمد: انت تريد وانا اريد والله يفعل مايريد.
سبحان الله كان حلمي نسافر والعيل ياخد الجنسيه
بس الظروف فرضت علينا. نتنازل عشان هلي نقعد. وانتي زدتيها عليا عيب ومش وقت سفر يامحمد متجيش تسيب هلك. وتوا تبي تسافري
لميس:: ومزلت عند كلامي. اهو فترشت وحده خوافه. ههههه
محمد::ربي يقومك بالسلامه. ويفرحنا بيحي
لميس:: ادعيلي حبيبي. خايفه نخش ومنطلعش
محمد::اسسس ياهبله بطلي كلام شين.
توا تطلعي بخير. وتصدعي راسي انتي وفرخك.
لميس::فرخي خزي
احميده تخايل هك. طلعت بنت مش عيل.
محمد:: تي مو قالت عيل. مرتين عاد شنو بيقلب. توا بنت
هيا بس توكلي علي الله وانزلي.
~<~>
كوثر : عليش خايف ساعه وتطلع بطل رعيش يامحمد
محمد:: خايف عليها ياامي خاااايف
كوثر:: يناعليا. مراد مدار هك. اول مره نشوفك هك
ريما:: خليه ياماما يعبر متقعديش فوق راسه.
محمد:: رن. تلفوني. ايوا. شنوووووو