الحلقه 67❤️
عبدو::حبيبتي ركزي معايا. الموضوع بخصوص عليوه
رحمه:: عليوه كنه. في حاجه دكتور قايلك حاجه
عبدو: لا متخفيش صحته ماشاءالله
انا بنحكي علي حاجه انا شايفها لمصلحته ونبيك نفسي ادوري مصلحته نبيك تتحكمي في عواطفك وتحطي حياته ونمطها بين عيونك.
رحمه:: خش في موضوعك حيرتني
عبدو::شوفي. عليوه. يعتبر متاخررر واجد علي اطفال سنه وفي طروفه الصحيه. انا سالت وراسلت. مركز في الاردن.
يقعد عندهم. يهتمو به يطور عقله. العيل. يعرف يكتب ويقرا.
رحمه:: ييي قصدك. بنتغربو اخري.
عبدو: لا نحن زي مانحن نعدو نشيلوه ونتطمنو عليه نقعدو معاه شويه تطمني عليه ونروحو. وهوا يقعد غادي في امان
رحمه: ميلت راسي وبحتت فيه مش مستوعبه الكلام.
تأ انت شن تحكي مفهمتش عليك. كيف يعني. نعدو ونخلوه. هذي ههههه
عبدو:: قربت منها ومسكت يديها.
عيوني. انتي فاهمه بس تتجاهلي تفهمي. كلامي واضح ياحومه
انا بنحط عليوا في مركز. في الاردن. لمصلحته
رحمه:: قصدك بتنفيه. تبي تتخلص منه. مستعر منه.
عبدو:: ررررحمه تي كنك شن هل التفكير. كلامي ووواضح علي مصلحته. يارحمه. العيل متاخر في كل حاجه مكلام مايحكيش. جسمه. كل يوم في الزايد الدايبر مزال لابسه خمس سنوات ومقدرتي تعلميه اللي كيفه توا روضه مش. كلامات بسيطه يقول فيهن
العيل هك مهبي يتصرف في تصرفات مزعجه بس يعبر بالعياط
رحمه:: صبيت من مكاني. وعيطت عليه
اااااهاااا قولها. قولها هك بصراحه انا متحشم فيه انا مستعر. منه قولها قول انك منزعج منه. وتتمناه يموت بتنفيه بعيدعن خوته بتحرمني منه. هذا الموضوع اللي تفكرفيه وعلي مصلحته.
عبدو;: قعدت نسمع فيها وماسك اعصابي نعض في صبعي ونهز في راسي. نراجي فيها. تكمل ونحاول نقدر وضعها صبيت مسكتها حطيت يديا علي خدودها ووحاولت نحكي نفهمها بس هي. مصره. تتهمني اني مستعر منه.
حومه حبيبتي. اهدي واسمعيني واحسبيها بالعقل. ياقليبي
معقوله يعني. انا هك نفكر. تي انتي بالذات عارفه غلاوته عندي وعارفه كيف مهتم به.
رحمه:: قعدت نبكي ونهز في راسي.
انت اناني. انت تفكر في روحك. تبي تتخلص منه عشان برستيجك الاجتماعي. انت نادم اني جبته وتتمناه يموت. مش هذا اللي في قلبك
عبدو:: يارحمه قولي اعوذ بالله من الشيطان الرجيم
وركزي في كلامك. تي كلامك ملش اساس كلام مفترش.
ومنيش واخد عليه
يا رحمه انا اللي رفضت ينزل وانا اللي فرح به ودارله اسبوع وانا اللي ديما نقولك نبي نطلع منه راجل. نبي نستغل الحاجات اللي وهبهم له ربي. نبي نحط فيه موهبه
انا اللي سهر معاك. عليه وانا اللي قعد ماسك اعصابه من كل شرقه وكحه ونقعد قريب قلبي يوقف خايف ونرعش علي قلبه
انا اللي جريت علي عمليته وبكيت وسجدت لله شكر علي نجاحها. جايه تقولي انت مستعر منه. وتتمناه يموت
مصلحته يارحمه يقعد غادي وتعالي نخشلك علي اليوتيوب وصفحتهم. وشوفي الاطفال كيف مستفيدين
تعالي خشي قروب اطفال ليبيا متلازمة داون الاردن وشوفي كم ام عفست علي قلبها وحطت ولدها كم بات ضحي. وحط دم قلبه عشان ولده.
خشي شكرهم وشهادتهم. في المركز. انا خشيت وحكيت وزادو. اقنعوني اللي ولده قعد حافظ جزء من القراءن واللي ولده يغير ويختار في دبشه بروحه وينسق في الالوان واللي بنته. اتظم وشاطره اطيب يارحمه. موووواهب وقدرات نموهن. والمركز مشرفه عليه الملكه شخصيا يعني فيه اهتمام اكثر ومركز دوليا.
رحمه: هذينا مش امهات. هذين. يهوديات واليهود خير منهن
والابهات. تخدهمش قدوه لانهم. كيفك. قلب ميت. انانيين. يبو يتخلصو من المسوؤوليه.
انا ولدي منيش طلقته. عدي. انت. عالج نفسك وخليهم. يعطوك دروس في الحنيه. بس انا ولدي منيش مضحيه به سسسسسسمعت.
عبدو:: تي خلاص. عااااد افهمي. وبطلي جنون وعياط
هي كلمه انا قلتها الشهر الجاي. العيل. نشيله. ومصلحته انا اللي نحددها وين تكون وكيف. وانتي اصلا غير شن درتي. سيبته سنتين جيت لقيته زي ما سيبته غير. زايد وزن
لا يحكي ولا يقرا ومزال بالدايبر ادلعي فيه وترعشي. ومتبيش تشيليه المركز يتعلم. شن النتيجه جيت لقيته. عيل متخلف. عيال عمه يضحكو عليه العيال يتمسخرو عليه سمعتي. يقلدو في دوته.
رحمه:: توا طلعت رحمه كخه. محافظه علي عيالك سنتين. ونربي فيهم طلعت جاهله غير نوكل فيه بس هذا اللي طلع معاك
عبدو: مش هكي قصدي انتي اللي استفزيتيني ومش نيتي هل الكلام ولا تفكيري
رحمه: لا هذا تفكيرك. انت اصلا من يومك اناني. تفكر في روحك. وبسس وعمرك ماتتغير. هك انت تفرض الامر عليا. اغتصبتني غصبا. عني
وتجوزت عليا بدون ماتراعي مشاااعري
وفرضت عليا نحمل في موده. ونحمل في زين. انت هك. تفرض. ومتخليش حد يناقش ولا تهمم بشعوره.
عبدو::انتي. شن تقولي رررحمه كنك. هييي
رحمه: قلت الصدق. بس انا نقولك حاجه. اخيره وووولدي ماهوش متحرك من عندي. انا منيش دازته
عبدو:: برمت عيطت
ياااااااااااااااااااااااااااااررررررب. صبرررررك.
رديت التفتت عليها
يارحمه تعوذي من الشيطان وااافهمي عليا. الله يرضي عليك.
رحمه::اوووكي. شن. شن تبي. انا منتفاهمش الا انك تحول الفكره هذي من راسك.
عبدو:: سامحيني ياعمري منقدرش نحولها. انا تمتت. راسلتهم ودزيت اوراقه وتحاليله.
بس فاضل توتي شنطه ونعدو نسلموه
رحمه:: خنقتني العبره وبعدت من عليه امر وووواقع يعني قصدك.
عبدو: ياحبيبتي لمصلحته صدقيني. وراح تشوفي التغيير بعيونك
رحمه:: ولو ايش تقولي. ماني طالقته صكر علي الموضوع ارررجوك. وانا وعد. من اليوم. نفضي روحي له وندزه للمركز. ونعلمه ونهتم به زياده
عبدو:: مش حل يارحمه.
المركز. عندنا. مش تأهيل هوا تعليمي. وتحفيزي
بس ولدك يبي تأهيل. تي مش عارف ينادي العيال باسماءهم. لا يعرف يقول جعان ولا بنخش الحمام مش هذا حلمي ولا هدفي
رحمه:: ولا حلمي ولا نقدر. نبعد عليه حس بيا حرام عليك
عبدو::حااااس بيك صدقيني بس حتي انتي افهمي عليا. لمصلحتتتتتتته يارحمه لمستقبله.
زحمه::.لا انت كلام معاك ملش فايده. انا ننزل لباتك يتصرف معاك
عبدو::زززززكرررري. نقوللها ثور تقول احلبوه
انتي غبيه. راس مصكر مدبكع متفهميش لمصلحته هذذا لمصلحته
رحمه: وانا قلت. مش راح نطلقه ولو. مصكر. راسك ياعبدالرحمن. ناخد عيالي ونمشي. لحوش هلي. ومعد نرد عندك سمعت. نااااخد ه ونهرب به. انت تبي تضحك الناس عليك. ولده معاق ودازه يرقد بعيد عليه
عبدو:: عليت صوتي استفزتني وكسرت الفازه
انتي مجنونه تحكي معايا هكي هااااي احترمي نفسك واعرفي روحك مع من تحكي. عطيتك وج واجد. اللي تلاطعي فيا
عبدالرحمن مايتهددش مش عشان. يحبك يوقف حياته ونظرته للمستقبل بعيونك وعواطفك
انتي هكي انانيه. ولا مش بس انانيه انتي مظهرجيه
تبحتي في نظرة وكلام الناس ومسيبه كلام العقل ووولدك. متاخر في العقل واجد يامدام
~<><>
حليمه:: بسم الله شنو الصوت هذا
ريهام:: صوت عبدو معصب. ياساااتر انظر كنهم
حليمه: نركب نشوفهم
ريهام:: لا ياماما شن دخلنا حاجه بينهم
حاج:: كنكن مصبيات هنا
خليمه:: عبدالرحمن انظر كنه معصب. ورحمه حسها تبكي وتعيط عليه
ريهام;: حس العيال يتباكو.
حاج::اركبي دقي علي الباب وانزلي. توا يفهمو
ريهام:: ركبت بندق علي فتخت اسيل الباب
تبكي هي وموده
ريهام::كنك حبيبتي
اسيل: نبي جدو. بابا بيضرب ماما
حاج: ياساتر. عبدالرحمن. رحمه
عبذو::تريحتي توا. طلعتي حسي.
رحمه:خليه يعرف ويتصرف معاك ترمي ولدك تنفيه
عبدو:: تي حولي ترا عقل ناقص ساعه نفهم ونشرح وترد لنفس الكلام
|>~<>
حاج::كنكم شن في حسكم طالع والعيال يتراعشو
رحمه:: اسمع واحكم ياعمي. ...........
تخايل ياخده يرقد بعيد. طفل مايعرف حتي يعبر
كيف نتطمن عليه كلا ولا شرب ولا تغطا
عبدو:: وانا فهمتك انه مركز ممتاز حطي وانتي مغمضه. ونشيلك تقعدي معاه لين يطمن قلبك.
حاج: هذا اللي وريته ليا. وحكيت عليه
عبدو:هوا. وباتي شجعني.
حاج:: اطلع وخليني معاها
><~<
حاج::اهدي يابنتي واسمعيني كويس.
رحمه:: يبي يبعده عليا يابابا تخايل روحك لما جاك خبر وفاته. انا هكي. راح نكون منقدرش نبعد عليه. احكيله ياماما علي شعورك وقتها قوليله. الام شنو بالنسبه لها ياخدو ولدها
حاج::حاس وفاهم عليك يابنتي. بس عبدو باته ويدور علي مصلحته دوري حتي انتي مصلحة العيل. واعصري قلبك وتحملي بعده
حليمه::لاه شنو تسفروه عيل. مريض. لا هذا جنون. اسمه
رحمه:: قوليلهم ان رحمه تنجن لو خدوه منها. فهميهم ياماما اني نموت لو شاله
حاج: باهي ممكن تصلي استخاره وبعد سبع ايام تعطيني ردك واللي تقرريه انا نخليه ايديره
رحمه:: من غيراستخاره انا
حاح::رررررحمه استغفري ربك وبطلي جهل استخيري نبية توكيل الامر لله. بقلب حاير وربك هوا اللي ييسر الامر
~<|<~<~>|
ريهام:: جلال الحوش يدق
جلال: هيا توا نشوف.
اووو. اهلين. تفضلو تفضلو
ريهام::خشيت نجري داري. من زعمك جاي
جلال: ريهام هذا باتي وامي. تعالي.
ريهام::هي نغير ونجي
اهلين. شن المفاجأه الحلوه هذي
امه:اهلين بنيتي. عاد لكم يومين غايبيين علينا. رايفنا عليكم وعلي العيال
ريهام: اها. مو. جلال اليومين هذين شغل يطلع الصبح ويروح المغرب
باته:: كان رنيتي عليا جيت خديتك. تقعديش بروحك.
جلال: قتلها حتي نحطك عند هلك شي هي محضنه علي العيال.
امه::ربي يخليها لهم.
ريهام::انتم باتو معايا تونسوني ومنها تقعدو مع العيالد شن رايكم
جلال: بحتت فيها وابتسمت ورديت عليهم
اها صح كلامها خليكم. ومنها ياامي ساعدي ريهام. في نادر. نفكر نطهره.
باته: شن رايك ياحاجه كلا انا. عجبتني الفكره خصوصا رهومه. اديرلي. سلاطه ههههههه
ريهام::ههههه صقع عليك ياعمو انت مش ضايق اكلي عندي ابداعات ولا احسن شيف
امه::لا شهادة حق. شاطره وفتلاكه. منظر وطعم
جلال::اووو. راضيه عليها
باته:: بنت ناس وقلب صافي. من اللي ميرضاش عليها
|<~<~<
جلال: ترقدي برا الدار.
ريهام::اها. جنب امك. بايخه نعطيها العيال ونخش جنبك
جلال؛: اها. صح. بس عدلي المنبه نوضيني
~<~<~
ريهام:: جولي حبيبي صبي الساعه8
جلال؛: حبيبي خليني شويه
ريهام:: تي وقت كنك. صبي جلال
جلال:. فتحت عيوني. هوا الساعه كم
ريهام::تي مو قتلك وقت 8
جلال:: اها صاااااااح الساعه8.
ريهام::ههههه تي كنك. صبي هيا
جلال:: باهي خشي جنبي شويا نحكو
ريهام: وقت عليك
جلال::لامزال بدري. عادي
ريهام:: شن تبي فيا
جلال::هههه تي كنك خايفه كريتها تعالي
ريهام:: خششني جنبه
جلال::ااااح صقوعي. خشي هك فيا تدفي
ريهام:: جلال مش وقتك عيب هلك برا
جلال::اوووول حاجه شكرا ياحبي علي فكرتك تعزمي لهلي البيات. فرحو بيها
ريهام: وانا اكثر فرحت. اللي وافقو وانسجمو
والاهم فرحتك انت ورضاك عليا
جلال:: انا من يومي راضي عليك.
ريهام:: وثاني حاجه شنو بسرعه بنطلع
جلال:: شكلك سمح. وانتي لابسه محترم.ياخوافه. قوي الروب الواسع
ريهام: هههههه مصدقت رضو عليا. تبيني نلبس سروال عشان يكشخ عليا. هذا امتاع ماما هههههه حاطته هنا لما تبات تلقاه
حلال: ههههه بس بجد منظرك عبيط وهبل.
ريهام:: حول تتهزا ياسامط
جلال:: بجد تحفه منظرك.
ريهام:: حول وخر.
جلال:: بس زي ماانتي ريحتك تدوخ. وصفاء وجك علي الصبح. يعطي التفاءل ان اليوم بيكمل حلو
ريهام:: قعد يحكي وحاط راسه علي رقبتي سخنت من نفسه.
جلال حول خليني نصبي
جلال:: نبيك خليك شويا
ريهام:: نقدرش حول جلال
جلال:: انحبك
ريهام:: لو تحبني وخر حبيبي. متجيش
جلال:اوووف. وخرت. صبي يافنوشه نوضتيني من سكرتي
ريهام:: صبيت نعدل في دبشي.
هههه سكرتك. حلوه هذي
جلال:: ريحتك سكير بالنسبه ليا.
هيا نصبي وامري. لله
وتيلي مق قهوه
~<|<~
رحاب:: مراد نبي نعدي حوش خالي.
مراد:: نقانك فوتي. طريقهم مستفزه شارع مكسر. وزاحم وانا مش في مجازهم
رحاب: عنجد الحجه شارعهم زاحم ومكسر.
وراس مراد خاطري نمشي لمة العيله عنده
مراد: قولي لاسامه يشيلك
رحاب::رشا مش ماشيه بنات خلات في بعضنا انت حطني
مراد::تي وراسك ولو ايش ماني شايلك اختصريها حصلتي حد يحطك باهي مربوحه. ويومك حلو
محصلتيش قعمزي في حوشك
رحاب:: طول عمرك هك مكار ونكدي
توا ننزل نبرد وجي ولا جميلتك
|<~<><
مراد:: رحاب كنك. شن في
رحاب:: منيش ماشيه خلاص تريح توا نقعد. باهي ديما معرضني للاحراج ديما. متزلطه من وراك. خلاص قعدت اطمن
مراد::تي كنك اززح شن في
رخاب:: اشرف قالي ميقدرش اليوم عنده شغل اسكني لمراد يشيلك ولا شوفي غيري
محمد:: قالي تبي اطلعي توا. ومحلاني وانا ماشيه الساعه 3القايله
يعني يوزعو فيا ملو بالعربي خلاص افهم
مراد:: اوووهووو علينا. وانتي خلاص افهمي هذا طبعي
رحاب: قعدت نبكي.
هذا توا نفهمه ونحفظه. ونعني ما طلعت. خليني مكبوته. لين تركبني حاله نفسيه
مراد:: يي علينا. نكديه الواحد مروح تعبان وهاك طول اليوم شغل وصداع زباين ويروح يلاقي نحد وزنين
رحاب: شكرا بارك الله فيك.
مراد: فيك بارك الله ياابله. ننزل عند امي خير. انا.
~<~<~
مراد:: انك قاعد متكي ومحالك سو عليش توزع في رحاب وتقوللها اطلعي توا
محمد: لان العشيه شايل لميس والعيال حوش هلها
السياره متسدش نحطها قبل بعدها نشيل لميس
مراد::من كثرتهم علي اساس عيالي اثنين ويقعدو في حجر امهم.
محمذ:: كرسي لين واخد نص المقعد وعلي. ومراتك حامل تبي مكان مريح
مراد:: باهي صفي نيتك وحط لميس قبل. حوش هلها عادي تمشي بدري ورحاب. خالها حطها العشيه
محمد؛:ههههه لاه يابرودك وتطلع في حلول اخري نشتغل عندك انا قالولك
مراد::احميده المرا حرام. تبكي. وجعتها منك.
محمذ;. اوووووووف عليك قصه
باهي خلاص الساعه5تقعد واتيه. تطل دقيقه نعدي ونسيبها
مراد:: هي هكي صار تمنن ومنقرف من شيلتها.
بارك الله فيك ياخويا. مردوده
حاج: كنكم. شن في صوتك عالي
مراد::تصور ياباتي عيالك. يحرجو في رحاب كل ماتنزل تطلب يوصلوها ولا اي حاجه يقعدو يتهربو منها.
المرا تركب زعلانه منهم
حاج: وشن دخلهم خوتك ياثقيل الدم تفرض عليهم. مراتك. ووطلوعها. كل واخد يالا يتحمل عياله. ومشاوير هله
مراد::معقوله انت اللي تحب. نقعدو يد وحده. تشجع فيه علي هكي
حاج:.انا مع الحق. وانت تجوزت يعني بتتحمل مسؤوليه لا دخل محمد ولا حتي خوتها بيكم. تصرف. ياعلمها القياده
ياانت غير طبعك المعفن. ونشك طبعك يتغير. علمها خير
مراد:: نقولك حاجه. اقعدو فيها بكل. علي ينزل يقعد معاكم وبلا جميلتك. استاذ محمد وعدي نش بمراتك شكرا وعلي يصبي عليكم
حاج::تي اصبر وين ماشي. تغدا معانا
مراد:: تغدا مع محمد ومراته. يكفي
~<~<,
رخاب:ظلمت الشقه وداري وهديت العيال وخشيت تمددت بنرقد
سمعته خش. درت روحي راقده
مراد::رخاب. صبي
رحاب:: تعبانه مراد خليني غداك واتي علي الطاوله مغطي
مراد: صبي حبيبتي تغدي معايا وعشان توتي روحك كان تبيني نشيلك
رحاب:: رفعت الغطاء
وطلعت راسي من يشيلني
مراد:: عهههه انا
رحاب:: قعمزت. مراد تحكي جد
مراد::نحكي جد. ولا جميلهم هي صبي تغدي معايا
رخاب::صبيت فوق الفراش انت عسسسل.
مراد:: تعالي هيا ياسمحه. نتغدو عشان تلحقي تتريحي
رحاب:: نزلني
مراذ::قربت من حاشيه السرير. هيا تعالي
نزلتها.
رحاب:: انحبك ياعسلي. انا.
مراذ: لالا هكي مايصيرش من الغداء.
رخاب:: حتي انا قلتها. تخصص قوايل علي قولة امك هههههه
مراد::صكرت الدار. ناعليا انا من القيلوله
تعالي حبي######
~<~<
رحاب::بيبي. فكر. علمني السواقه
مراد::هذا اللي بيصير شكله شوفي وحده ثقه تعلمك وانا نطلعك الليل نعلمك.
رحاب::مراد تحكي جد
مراد: جد حبيبي. طلبات كثرن وانا طبعي زفت
بس بشرط
رحاب::اشرط حبيبي. اللي تبيه انديره
مراد::برمت عليها نحكي
اول حاجه منبيش طلوع واجد
ولانبي وجيج تكي علي صاحبتي وماشيه سوق كافي.
السياره للضروريات. والمجاملات خفي منهن يعني طول الاسبوع طالعه معنديش انا. نسقي ياسوق ياطلعتين. في الاسبوع
رحاب:: من عيوني حبيبي.مراد
مراد::تسلم عيونك ياسمره
رخاب:: مدح ولاذم نعتبرها
مراد: مذح. وهوا في احلي من السمره
سمره سمره سمره عشقها خاطري غالها يسري يسري يسري معا دمي سريب غلاها
رحاب:: باه يابيوض مش نصبو. تتغدا ونوتي روحي خلاص الساعه 3
مراد::يي وقت مش بيشيلك محمد هههههه
رحاب::نعمممم
مراد:: تي شويه حناطه هيا صبي
|<<~<~~>~<,
عبدو: قالبها وجها عليا وتتحاشا تقابلني.
كل ما نحاول نقعد معاها نحكو تنط تعيط وتهزب وتختم بعركه وكلام يوجع مني ومنها
رحمه::مش طايقه نحكي معاه يكرر في نفس الكلام. وواضح انه قرر مش ياخد في رايي.
بديت نصلي في الاستخاره وندعي ربي يرشدني للصح
حاج:: سيبها معش تحكي معاها. خليها الايام هذي. تصلي استخاره وتقرر ولو. حسيتها مصره ووواخده قرار الرفض تنازل انت وحاول تعلم العيل هنا وخلاص. تحملها شن بدير عاد
عبدو:: انا قررت وهي يومين وتتعوذ. تي انا باته وعارف مصلحته
|>~<~>~
بعد مرور يومين
رحاب:: مراد قالت تبدا تجي تاخدني بكرا الصبح من العشره لل12كويس هكي
مراد:.كويس موفقه حبيبي
صبي شاهي
رحاب:: خود
عبدو:: اوووو جو. دايرينه.
مراد: جتنا نيه انزلو عشانا انتعشو في الجنان جو بدا يدفا
والعيال يلعبو
عبدو::في بالزايد نقعمز
رحاب::منزلنا الا دايره بالزايد ههههه
عبدو:: باهي نكلم رحمه والعيال. يلعبو. ونجي
<<~<|
رحمه:: نبيش نعدي
عبدو:: ياحبيبتي خلاص عاد تطنيش ونكد صبي انزلي معايا جوهم حلو. والعيل. يغير جو. حابستيه جنبك في هل الظلام. زدتي عطبتي حاله هكي
رحمه::بحتت فيه طولي عمري معطبه حال اللي حواليا جت علي ولدي.
عبدو::اوووف. هاتيه انزله معايا خليك انتي علي راحتك
خلي العيب ينطلق ويغير جو.
رحمه:: سيبه متقربش. انت اخر حد يدور مصلحته
عبدو:: فكيته منها انا اكثر واحد عارف مصلحته ولو انتي بس تغيري وتوكلي وتجبري
انا نقرا ونتثق ومتابع حالته. وفاهمها كووووويس بكل.
خديته ونزلت به
لعبوه معاكم. احكيله يااسيل
وانت عليوه علمه كيف يركب التركيب حبيبي ولد عمو مريض. وانت كبير وشاطر علمه. كيف يلعب.
مراد:. تسمعي فيه
رحاب:: عبدو بكل رايح. متاثر. بولده ويتحسس من العيال ولعبهم
مراد: تعال الشاهي برد
عبدو:: هي جاي
زي مافهمتك باهي. لو خليته دار حوش ناخدك ونشيلك الملاهي ولا. ناخدلك احلي لعبه
~<~>
مراد:: شن صار في رحمه.
عبدو::تصكير راس مزالت. تبيش تفهم. وتقدر
رحاب:وانت حاول تقدر واعره عليها
عبدو:: يارحاب انا قتلها تمشي وتشوف راح تطمن
رحاب:: بس رايحه بكل. منطويه بولدها تبيش حد يفتح الموضوع
عبدو: تي في الشقه لها يومين واخده العيل وترقد في داره. لا تحكي ولا تتحاكا
رحمه: السلام عليكم
عبدو: وعليكم السلام تعالي تعشي
رحاب:: نصبلك شاهي
زحمه::اها
مراد:: باهي شن اخبارك ليا فتره عليك انا
رحمه::الخمدالله قاعده
مراذ؛؛تمشي المركز
عبدو:: لها يومين معدتش
رحمه::بكرا ماشيه
رحاب:: سمعتي اخر خبر
رحمه::شنو
مراد: ههههه مراد. تنازل وخلاها تتعلم القياده
رحمه:: بجذ ماشاءالله من الاول مفروض
عبذو::اطلعي ابرمي بيها انتي وقت فراغك. تزيد تتعلم
رحمه:: عادي لو تبي
رحاب:: اها ياريت
رحمه::برمت نبحت في العيال.
لقيت ولد مراد الصغير يضحك علي ولدي ويعايب عليه صبيت نجري مسكت العيل وضربته كف
رحاب:: يناعليا ليشش تضرب فيه.
وصبيت
عبدو:.رحمه شن درتي كنك هبله كف بكل قوتك لبيبي
رحمه::عيل قليل الادب مش متربي
رحاب:. هاااي رحمه معلش احترمي نفسك. ونزلت خديت ولدي يرعش منها
مراذ: مؤيد صغير كان حتي علي نقولو
شن دار يستاهل كف يعلم علي خده هكي
اسيل: عليوه خدا لعبته.
رحمه:: نتيت فيها. اسسسسكتي.
عبدو:: جيبي العيال واركبي يارحمه
رحاب:: تعال ياعليوه نركبو. فوق.
مراد:ديريله ثلجه.
|<~<
عبدو:: شفت حالتي هك رايحه عصبيه
مراد:: عيونها هالات وتحس بيها متوتره
عبدو:: انصحني. شن اندير.
مراد: متعدلش عليها شيله العيل. يعتبر مدمر. تي نحس فيه بس ياكل. ميعرفش يشبع
عبدو: بالزبط وهنا. في بنغازي مش هذك الفهم شلته الدكتور عطاني ادويه وانا منحبش الادويه
مراد؛: نقولم احجز وحطها في الامر الوووووواقع
><~><~
رحمه:: شن اندير يالميس مش قادره
لميس: يارحمه تغلبي علي مشاعرك. توكلي علي الله. هذا لمصلحته.
وبعدين حرام عبدو مسكين شوفي منظره شوفي حالته. رايح بكل انتي عمرك ماكنتي هك ليش الهبال هذا كلامك كله جارح له وهوا يساير فيك
امس ركب عندي نسمع فيه يحكي مع احميده. تحسيه مخنوق مضايق
رحمه:.منقدرش. يالميس ولدي كنك
لميس::واللي حاطين عيالهم شنو مش هل.
ركزي في روحك. وافطني تصرفاتك
محمد:اووو رحمه عندنا
كنك تبكي
لميس::تعال يامحمد انصحها عقلها انت تسمع منك
محمد؛ علي موضوع علي
رحمه:: شن رايك
محمد: تتوكلي علي الله وتمشي تشوفي قبل تحكمي تي عبدو اللي تجرحي فيه وتتهمي فيه اناني ومش معدل. ويبي يعزقه توا كنت انا وياه عند واحد حاط ولده ويسال فيه ويتطمن زياده
والراجل يشكر بكل في حالة ولده
عبدو شاقي بالعيل ومهتم. وغلط كلامك. راهو
رحمه:: حايره
محمد:: ياستي لك مني ناخدلك تعهد منه انك. لو مشيتي وخبيتي تروحي بعد يحترم رغبتك ويروح به اعتبريها سفره تغييرت جو في النهايه
رحمه::وعد يامحمد
محمد::وعد. كلمة راجل
~>|>
مهند::رتاج دزيتلك مع ريما امتحان حليه. وراس امك فكينا من الغش اعتبري روحك قدام اللجنه
رتاج:: باهي قولي صححت امتحان الكيمياء
مهند::اها عندك غلطات شويه حليتهن لك ودزيتهن حتي هنا الاسبوغ هذا لازم نكملو الباب الثاني في كل ماده
رتاج:: مرعوبه يجي واعر
مهند::تخافيش. واثق انك قدها
رتاج::يااااارب
مهند::عارفه لو جبتي مجموع حلو. وخششك طب لك مني هذيه سمحه
رتاج: هديه يناعليا شنوووو.
مهند::مفاجأه.
رتاج:: عريس ههههه
مهند::مرات ليش لا. هههههه
رتاج:: نبصر راهو تحسابني مرعوشه بالصح.
مهند::عارفك تحنطي وهذا طبعك عفويه
رتاج::بالزبط
امم سمعت عميمه ادورلك هي وجديده كوثر
مهند::من قالها
رتاج::امس امل قالت تبي تخطبلك اخت راجلها
مهنذ: معقوله معنديش علم وشن شكلها سمحه ولا شينه زعمك
رتاج: سموحه. بس تحسها طويله عليك
مهنذ:: ههههه شن قالولك عليا اوزعه.
رتاج::ههههه اها انت طولي انا قصير
مهند::ههههه هذي اشاره اخطبني انا
رتاج: ههههه لاه اكيد. بس قصدالبنت طويله عليك
مهند::اهااا وريما سمعت كلام امل
رتاج::اها ريما قالت. اسالوه بلكي عنده وحده
هوا انت عندك وحدخ
مهند:: يعني. شبه عندي
رتاج::صاح حي عليك راهي امل بتحكي لعربها لحق عليهن
مهند:هههههه امبه. تشاو نعديزنلحق
رتاج::مهند اصبررر
مهند:نعم
رتاج:: طمني قولي شن صار معاك
مهند:: ههههه شن دخلك انتي الهي في امتحانك. تشاو
~>~>~
ريما:: ههههه ريت مش قتلك تبيك الهبله
مهند:اها. طمني شن صار قالت ههههه
ريما:: بجد صاح. شن بيصير. امك وماما جديات بيعدن يخطبن. وانا موقفي محرج يعني اي كلمه نقولها لها حساب خصوصا بعدفتره قصيره انت بتحكي علي بنت اختي.
مهند:: لا مقدر. وعارف وضعك عادي توا نقوللها نبيش
تخفيش. ساهل الموضوع بس عنجد مفاجأتهن الهبله خطبه فيها مفاجأه ههههه
ريما:امك مسكينه تبي تفرحك وتبي تفرح بيك.
مهنذ: تي فرحتها. اكبر لما تعرف بناخد رتاج.
ريما::ههههه تفرحش واجد راهو نقولها لك راح تتعب معاها. بنت هبله ولسانها طويل. بس تحملها صغيره
مهنذ: يسترالله. مررررعوشه ههههه
~<|>~
رتاج::تحكي جد خطبنها
مهنذ:: اها. للاسف
رتاج::والبنت حرام
مهند:: عادي اصلا انا بس معجب مش علاقه
رتاج:: اها.
مهند:: باهي حليتي الامتحان
رتاج: بس انت ليش تاخد غير اللي تبيها حقك ترفض دير مقابله وقول نبيهاش ساهله
مهند::ههههه عليك حل تصدقي سمح. بلكي تطلع سمحه. ونعلق فيها
رتاج:: اها صح مرات.
باهي قول نبي نكلمها قبل الفرح وهي مش راح توافق خوها شيخ وممنوع
وهكي قول فيش نصيب
مهند::فكره نقرا فاتحه ولو عجبتنيش نطلق. حقي
رتاج:: انت هك بارد وين مشاعرك اتجاه حبيبتك
مهند: امي ثم امي ثم امي. ومنقدرش نزعلها
رتاج:: تعرف عدي لحضن ماما للاسف فاهم الحديث غلط.
مهند:: رنيت عليها
الو. كنك نحس فيك تكتبي بعصبيه
رتاج:لا مش معصبه بس حرام شاب كيفك يسيب وحده كان معجب بيها
مهند::وشن عرفك انتي مش بلكي اختياري غلط وامي الصخ
رتاج::صح ممكن
مهند: باهي نبصر معاك اصلا حكيت مع امي وقالت اللي يريحك
رتاج::صاااااح. ايوا هك خود قرارك بروحك حياتك هذي اختارها بروحك
مهند:: وانتي. تختاريه بروحك. نهارك يامرعوشه
رتاح:: انا مقتنعه نتعرف عليه. قبل الفاتحه. بس طبعا بعلم ماما وبابا اصلا بابا عادي نحسه عكس جدو وخوالي
مهند:: اها. توجي.
رتاج::نعم
مهند: لاخلاص.
رتاج::شن كنت بتقول. مهند
مهند::لا نبي نسالك. حليتي الامتحان.
رتاج: اها. حي مهند بابا يبي يجيبلي استاذ خصوصي واخيرا اقتنع.
مهند:: استاد شن دوته. لالا فوتي.
رتاج:: ليش
مهند:: مو نشرحلك انا وريما واخمد كويس.
رتاج::كثرت عليكم وماما قالت بايخه
مهند: مش شورك توا ريما تحكي معاها فكينا عاد من وجيج الخصوصي
رتاج::حاضر هههه
مهند: عليش تسهوكي
رتاج::شي يلا انا بنصكر نعدي نوتي جدولي
مهند:: باي ياطالبه.
~>~<~>
عبدو:: كنت متكي. في الدار.
رحمه:: منظره سارح جيت قعمزت جنبه
عبدو:: كنك رحمه تبي حاجه
رحمه:: بودي انا. موافقه نمشو بس نشوف قبل.
عبدو: قعمزت. وووه واخيرا. حاضر وانا قتلك تشوفي قبل
تعبتيني يارحمه مكنتش نعرف انك واعره وعصبيه هك
رحمه:. قربت حطيت راسي علي صدره. مش بيدي واعره عليا
كلامك كان واعر
عبدو::وانتي اتهاماتك واعرات. وعيونك ونظراتك اوعر.
رحمه:: مش واعيه شن انقول تاخدش عليا. ولا تعاتبني لاني هبله ونعرفش شن نحكي
عبدو: نفس الشي انا لا تعاتبيني. ولا نحكو فيه تمام
رحمه:: تمام
يعني مش شايل عليا
عبدو:: وهوا انا نقدر نشيل من قليبي
شنو صافي يالبن
رحمه:: حليب يااشطه ههههه
عبدو:: ناعليا انا من القشطه وشديقاتي اللي رايفت عليهن
رخمه:: حبيبي شن رايك ناخدو العيال ونطلعو نتعشو برا مليت من قعدة الشقه.
عبدو::اوووكي. صبي ياعصبيه. هي. وتيهم
~>|>
عبدو:: باهي احكيلي سبب هدوؤك هدا
رحمه:: حسيت روحي بعد الاستخاره احسن حسيت روحي نجرب نغطي فرصه وحسيت الكل موافق وحاسين انه حل كويس
حتي احمد وماما وامك غيرت رايها ليش انارمانجرب قبل نحكم
عبدو:: لان انا فهمتهم وفهمو مني ولانهم كلهم واثقين في قراري. للاسف الا شريكتي وقليبي. اصرت تعاند وتصكر وذانها
رحمه:: امتي قررت
عبدو::شن رايك الاسبوع الجاي. انا وانت وهوا بس وخلي العيال مع امك
رحمه: ذكي انت مش ساهل
عبدو::هههه عليش
رحمه:: تخلي العيال عشان منقولكش بنقغد معاه صح
عبدو:: ممكن. توا ياريتك بس تمشي وتبحتي في الحالات وراح تشوفي حالات كيف خشو وكيف تمو توا
رحمه:رحاب زعلانه مني
عبدو: ناخدو لعبه للعيل وروحي مديها له.
رحمه:: هزيت راسي باه
عبدو:: انحبك ياهبله ونموت في عيالي منك. اعرفي الشي هذا كويس
رحمه:: ربي يخليك ليا
عبدو:: تحت عيونك اسود. هالات يارحمه. ترقديش شكلك
رحمه: مش قادره.
عبدو:: ربي يهون عليك بس شن بنديرو للضروره احكام
|>~<~<>
عاد: هيا يااماني. وقت علي ينادو علي الطياره
اماني: هيا. بس مش قادره نصبي نحس بدوخه. ياعادل
عادل: بسم الله كنك. بلكي عشان صبح ومش فاطره
اماني: بلكي.
خلاص توا نمسك روحي.
عادل:: امسكي فيا. بس.
تولي امسكي اختك
~>|>
عادل::حمدالله علي سلامتك منيوه
اماني: الله يسلمك حبيبي
عادل::شنو توا كويسه
اناني: اها كويسه جعانه مفش عشاء
عادل:: توا نطلب دليفري
ميري. خودي شنط حطي دار
اماني:: عادل زعمك حامل انا
عادل:: مش تاخدي في المانع
اماني: مرات ننسا فيه
عادل::الصبح نحللو. انتي تبي ولا حاسه مش وقته لك
اماني:: لا عادي نبي بلكي نحصل وليد
عادل:: يااارب. ربي يرزقنا
ويحفظ بناتنا
~<~<~
محمذ: بطنك بدت كانها تطلع
لميس::اها. بدت توضح. والاسئله في عيرنهم
محمد: هههه امبدري امي قالت شن قصة مراتك منفخه
لميس: شن قتلها
محمد:: قتلها حامل. عصبت. ادس علياوطروخ
لميس: شفت حطوها فيا قتلك انا
محمذ: قتلها انا محلفها متحكيش يثبت قبل وهكي طبعا حصلت انا الهزيبه
لميس: يناعليا شن يفكني من لسان رشا
محمد::ههههه انزلي ومنيش طالع قاعد تحكي نوريها
~<~<~
رشا::تمشو وتجو طيبيين
رحمه:تسلمي
كوثر: حومه وسعي بالك بطلي هبال
رحمه::ان شاءالله
عبدو:: رحمه هيا
حليمه:: حبيبي. ياعيوني. صغير علي الغربه.
رحمه: قعدت في حضن ماما ونبكي.
عبدو::امييييي بطلي بكاء وهاتي العيل. متزيدهاش انتي
رحمه:: ماما ركزي مع زين. حاسته بادي ياخد برد
كويمه::في عيوني اطمني
عبدو:عمتي ماتتحركيش من الشقه. خودي راحتك
كريمه:: حاضر. حبيبي غير ركز مع رحمه راهي نتوقها تتعب وجها مش عاجبني
~<~<>>~>
بعد مرور ايام
رحمه:: ماشاءالله قصدك هذا. حل مساله الحسابيه هذي
المشرفه:: باازبط هذا ايجا مثل ابنك. مابيعرف لايوكتب. ولا يتكلم
رحمه:: عبدو شوف. هذا. يرسم
عبذو: اها ورسمه حلوه. ماشاءالله
المشرفه؛: هاذ. دخل بلوحاتو معارض. واخذها الاول علي مستوي المملكه
وعندو لوحة اشترتها منو الملكه. من كثر جمالها
رحمه:: الملكه
المشرفه :: اها هي بتشرف باستمرار علي المركز
واخذت بعض الاطفال معها لدبي. للمشاركة في المعارض والنشاطات
وهيدي صوره مع الشيخ محمد بن راشد
رحمه: بس انا ولدي مايعرفش شي.
المشرفه :: ابنك متاخر ومظلوم. بدو اساس
وبدايه من تنحيت الحفاظ
عبدو: خلاص من اليوم نجربو. يقعد ونشوفو. بعد شهر.
المديره::تمام وهذا حقكم
~<~<~
رحمه:: روحت للشقه بدونه. كملتها بكاء
عبدو:: حوووومه اهدي شفتي بروحك الحالات وشفتي كيف انه خمس نجوم من كل النواحي اهتمام
متخفيش. واطمني. وصدقيني هكي الصح
رحمه: بودي انا خايفه يتعب اكيد يبكي. عليوه متعلق بيا واجد
عبدو:: طبيعي بيعيط ويبكي زي اي طفل بس راح يتأقلم. ويتعود.
تعالي. عندي. حبي واهدي
رحمه:: سامحني عنديش مجاز
عبدو:: هههه. عادي. وحتي هكي راضي. المهم في حضني. مقدر وضعك ياقليبي. خشي في صدري وارقدي.
رحمه: مسكت فيه ورقدت
بعد مرور اسبوعين
رحمه:: حول الدايبر
المشرفه اها. توا بس يشعر بنفسه يبي الحمام. يجي يطلب نحطوه واسبوع اخري يبدا يتصرف بنفسه
عبدو: شفتي هذي اول حاجه ماشاءالله
المشرفه: تفضلو. هذ ا علي كاتبه
حاليا مزلنا في تعليمه يمسك القلم. ويميز الخط المائل من المستقيم
رحمه: ماشاءالله. حبيبي شوف
عبدو:شفت وجايبها صح
|>~<~
عبدو::حومتي عاد كم ليا صابر عليك. من اول ماقتلك بنحطه وانتي حارمتيني منك
رحمه:: مو حبيبي عنديش مجاز
عبدو:: اطردي الشيطان وتخليش الملائكه تزعل. راجلك يبيك
رحمه:: مسكت في رقبته
اعوذ بالله من الشيطان الرجيم.
راجلي ياخد اللي يبيها. لان بروحي مرايفه عليه
عبذو:: من قلبك
رحمه:: من وسط قليبي.
عبذو:: ناعليا من شديقات التفاحه. نزلت عليها وووو########
رحمه:: ييي بودي شوف شن درت علمت في خدي
عبدو؛:هههههه. صغيرونه مش قصدي اسف
رحمه:: محد كبر شدوقي غيرك
عبدو:: تي من احلي الحاجات فيك
باهي حبيبي طالما انك رايقه. نحكو جد باهي ونبيش عياط ونكد
رحمه:: بتروح خلاص
عبدو:: خلاص العيال واعر. علي امك وانا شغلي
رحمه::المركز هذا يبي عرف فلوس صخ
عبدو:: اااه. بكل بنحط اللي عندي كله تكلفته غاليه. بس مش خصاره في ولدي. يطلع بنتيجه كويسه
رحمه؛:حبيبي ذهبي لو احتجته خوده
عبدو؛: لا مش لدرجة. المهم شنو. نحجزو
رحمه:: مع اني واعر عليا بس حتي غادي ثلاثه يراجو قاعدين
عبدو:: ايوووا. هذي حومه العاقله هذي الشيخه رحمه.
رحمه::خطرها هههه علي الشيخه رحمه
زعمك رانيا في الاردن ولادبي توا
عبذو:: ليش بس السيره الشينه توا
رحمه:: مش عارفه نحس فيها. غريبه قلبها ميت. انا عيل معاق ومش هاين عليا نسيبه
يبال هي بنوته تجنن وعسسل
عبدو::قلب عن قلب يفرق
رحمه:: بجد انا رايفت عليها وحاسه ريافي لها نفس ريافي لعيالي
عبدو:: انتي غير. في كل حاجه انتي غير
معش تفكري فيها بالعكس احسن هكي انا متريح البنت متعرفهاش
رحمه::بس ياخوفي تجي تاخدها جاهزه وهي كبيره. والبنت تحن لامها
عبدو:: لا متخافيش. اللي يعاشر حومه ميقدرش يسيبها مغناااااااطيس علي كلام حلومه ههههه
|<~<~<>>>
زياد:: مشيت للمطار. وصبيت من بعيد منبيش حد يشوفني. شفتها من بعيد تسلم.
تمنيت روحي نخترق الموجودين ونجري نضمها.
كانت تجنن لابسه بالطو طويل بيج ووشاح بني
سلاف::جا خداني من المطار. عبدو ومحمد.
وريما.
ريما:: قربت من وذنها العريس. يراقب. قاعد.
سلاف:: شفته. يجنن حبيبي.
ريما ::هيا بسرررعه بابا يراجي فيكن
~<~<
حاج: الحمدالله علي السلامه. نورتي ياعمو
سلاف::. عمو حبيبي. راااااايفت عليك. كيف حالك
حاج::الحمدالله.
مرام. امتي ربي يهديك وتحطي المحرمه
مرام:: لما نتجوز ههههه
حاج:: مرام. عيب ياعمو
سلاف:: اسكتي هذا عمو مش بابا تحكي معاه وتبصري عادي
حاج: مريومه. تعالي ياعمو. شنو اللبسه هذي مش عيب
سلاف:: مزالت صغيره ياعمو. توا يكبرن وربي يهديهن كيفي.
حاج:عارف ومتخفيش مش راح. نضغط عليهن عشان يكرهن القعده معانا لا كل شي بشويه جايات من بيئه تختلف ولازم نقدرو فهمت يامراد
مراد:: نوعدكش. زي الاسترتش هذا مستفز.
مرام:: محد مستفز غيرك
مراد:: نهارك ياجربه
مرام:: تقرصك حربه
مراد:: مطول لسانك اززح
مرام::
وين نرقدو ياماما كوثر
حاج:: عند حليمه في دار البنات.
مراد:' ياطويلة لسان انا اللي درتلكن. دار جديده خصاره فيكن
ريما: تعاالي مرايفه عليك
سلاف:: ريما عطيني نرن عليه اكيد يراجي
~<~<~
زياد:: الف الحمدالله علي سلامه نورتي يامراتي السمحه سلاف::. الله يسلمك ياعيوني. شفتك
زي