الحلقه 50 ❤️
امل:: هزيت راسي. وقدرتش نحكي تحشمت
فراس:: رقالي منها عليت صوتي
خلاص هيا اطلعي
رحمه:: توا تطلع بشويه عليها
فراس:: كلمت اختي. وقتلها اللي يصورن خودي منهن الاجهزه وامسحي قالت طول الحفله. علي المسرح ويصورن. فيها
خديتها وطلعت
امل:: ركبت في السياره ولع قرءان. ومبش يحكي معايا
فراس:: حاس روحي معصب التصوير انا متكلم فيه لين تعبت
وصلت للحوش وقفت السياره وقغدت ساكت
امل: فراس وين نحن
فراس: نزلت. وفتحت بابها هي وصلنا
امل::نقدر نرفع الخمار ولا في حد
فراس:: لا مترفعيش في رجاله. خشي شويا هنا نسلم علي باتي بس. مشيت سلمت علي باتي ورديت. خديتها خشينا الشقه جنب هلي.
تفضلي. سمي وخشي
امل::بسم الله خشيت رفعت الغطاء وكان صوت. قرءان في الشقه.
فراس : طفيت. القراءان وجيت جنبها
امل:: فراس كنك وجك معصب
فراس:: شن قايل انا ياامل. من الفرخات هذينا اللي يصورن فيك طول الحفل
امل:: توا بس صورن.
فراس::تكذبي ياامل وانا شن قايل مش قايل اكره حاجه عندي الكذب ياامل
امل:تعبن عيوني دموع منكذبش انا قلت الصدق
فراس؛؛ ونجاح اختي قالت طول الحفله يصورن من انصدق انا. قولي الصدق ياامل
امل::بنات عمي. وتحشمت نقوللهن بطلن. مش قصدي نكذب. بس خفت منك
فراس:: قعدت نبحت. فيها تحكي وتبكي
اعوذ بالله من الشيطان الرجيم.
انا منخوفش ياحبيبتي. احكي معايا عادي.
امل: كيف منخفش وانت. عصبت عليا قدام هلي والسياره ساكت وتحكي معايا بجفاف وتوا وجك يخوف.
فراس:: وجي يخوف. شرشبيل. شايفتيني ياسنفوره
امل؛: ابتسمت
فراس:: نجيها هل الابتسامه. ايوووواه. وجها انحمر وتحشمت.
امل::في الاول خشيت وكان باين معصب خفت منه وقعدت نبكي خصوصا بعد كشفني كذابه.
بعد نابشني وابتسمت. ضحك وكانت ضحكته حلوه. لفني عنه. وحبني علي راسي
فراس::معلش. بس عصبت من التصوير
امل:: الصبح نرن علي هلي. يشوفن الموضوع
فراس::مديتلها تلفونها توا ياامل رني
امل: حاضر
فراس:: تعالي قعمزي. قعمزتها وحولت جاكتي قعدت جنبها وهي تكلم
رحمه: امل ترن ياساتر
الو. كنك
امل:: لا شي بس بنات عمك. والتصوير وفراس عصب يبيك تمسحي الصور
رحمه: خلاص. قوليله مسحتهن واحمد حما لمكرم. وخلاهن يمسحن.
امل؛: تمام الله يطمنك خلاص باي توا
رحمه::هههه باي. سلمي علي عرب الزاويه.
امل::نعم مفهمتش شن قصدك
رحمه::حماره ههههههه باي توا
امل:: صكرت وقعدت نقول شن قصدها
فراس: ههههه قصدها ليلتك ضاويه يا ذكيه
امل؛:اها اجعل ليلتها ضااااااوييييه اهااا صح
فراس::هههههههههههههه. ايييييواه صح.
هي شن رايك تصبي. تغيري متضايقتيش من الفيلو
امل: وين الدار
فراس:: صبيت. تسمحيلي يامدام. نرفعك للدار
امل:: تشمرني يعني قصدك
فراس:: ايوووواه.
نزلت رفعتها بسم الله. امسكي فيا.
طشونه انتي
امل:: وانت طويل واجد.
فراس:: معقوله نحس في طولي عادي شن رايك في الدار
امل:: حلوه بكل.
فراس: نزلتها. هي. غيري وانا بندوش
امل؛؛ تمام.
فراس
فراس ::برمت عليها. درتها بعيوني شنو
امل:: قربت منه حبيته علي خده.
فراس:: الله بوسه ناعمه زي صاحبتها
حبيتها علي خدها وطلعت للحمام
~<|>|>~>
امل:: غيرت وطلعت للصاله
فراس:: طلعت من الحمام خشيت للدار امل وينك
امل:: جيته نجري من الصاله نعم
فراس:: غمضت عيوني متوضي بسرعه توضي.
امل:: هههههههه. سيبته وخشيت توضيت ولبست وجيت جنبه.
فراس::
صليت بيها وحطيت يدي علي راسها وقلت الدعاء
ودعيت. ربي يباركلنا في حياتنا ويرزقنا الذريه الصالحه
امل:امين مسحت علي وجي وجيت بنصبي
فراس: وعد نعاملك بما يرضي الله.
ونمشي علي وصية الرسول عليه الصلاة والسلام
واستوصو بالنساء خيراً. وانتي شن توعديني
.
امل:: ندير كل اللي يريحك. وكل شي تحبه
والاهم نعيش معاك في طاعة الله ياشيخي
فراس:: ابتسمت. وصبيا مديتلها يدي. صبيتها
امل:: الساعه كم توا
فراس:: 1:30مشا الوقت تتعشي
امل::ميته جوع نشوف في الطاولات يمسحن الصبايا وانا نتفرج وريقي ناشف. عطشانه
فراس:: هههههه انا متعشي عشوه سمحه. جاب اسامه. ماشاء الله عشاء شكرا وسلم ايديهم
امل:: خويله دراتها. شكله يسهف. بس مذقتكش.
فراس::فخد محشي ورز بالخطله وسلطات تي اصحابي. انبهرو بالعشاء
امل::ربي يخليها ليا خويله وعمو علي ديما. يديرو معانا كانا عيالهم
فراس::ربي يخليهم لكي جعانه بكل شكلك
امل:.نحكي وناكل برغبه ومخفتش ولا تحشمت. حسيت روحي كاني بايته معاه.
شرقت بعد حكا.
فراس::نبصر معاك. ياهبله. اشربي اميه
امل:الخمدالله
فراس::حلفت مانك مصبيه. كملي حبيبتي وحتي انا جعان بناكل معاك
شوفي. سميت قعدت. ناكل بسرعه. هيا كولي
امل::حطيت كشيك في فمي
فراس:: صحه
~<|>|
فراس:: عدي تريحي وانا اللي نغسلهن
امل:لا متجيش
فراس::نبي الحنه بنتها كريمه عدي تريحي
كملت وطلعت للصاله كانت طايح راسها راقده. كان منظرها حلو. قربت رفعتها. فتحت عيونها
خليك كملي نوم حطيتها في الفراش وخشيت جنبها
امل:: من التعب رديت غمضت عيوني. ورقدت.
فراس:: غطيتها وبرمت رقدت
|>|<<
امل:: الفجر منبه جنبه يرن.
فراس منبه الفجر
فراس: هي. نضت. اوو خلاص الصلاة. صبيت نجري توضيت وغيرت لبست جلابيه
امل انا نازل للجامع. راك ترقدي صبي توضي
فراس:: روحت. لقيتها. راقده.
قربت منها
اموله صليتي
امل::اها.
فراس:: باهي نوضي شويه نحكو
امل:الصبح فراس. خليني. تعبانه
فراس::علي راحتك.
رقالي وبرمت
امل::نضت الصبح وهوا راقد
صبيت للحمام. وخشيت المطبخ. بندير فطور مفش غاز شگله تبيش تشتغل
رديت جنبه
انوض فيه
فراس:: نحكي وانا مغمض عيوني توا يدزو. تريحي
امل: باهي صبي. خلاص شبعتش نوم
فراس: ناعس. رقدت. الساعه8
متخديش علي روحك. مسيبتني وراقده
امل: يي زعلت قصدك
فراس:: شويا
امل:: كيف نرضيك
فراس:: تخشي ترقدي جنبي
امل:: خشيت جنبه. ومسكت فيه. شنو. رضيت هكي
فراس:: برمت عليها. خليك زي ماانتي نمشي الحمام ونجيك
|>|>|>|>|>
امل::مفش شي
فراس:: لنا كم يوم وهذا كله مظهرتيش. غريبه صح
امل::سالت. خواتي. قالن عدي الدكتوره
فراس:: شن رايك تطلعي توا. مزال بدري
امل: عادي هي
فراس قوانتي تلبسي الحنه من الزينه
امل:: حاضر.
لبست بالطو بيج ووشاح ازرق. وقوانتي.
الدكتوره انتي تمام ظاهره
فراس::بس معلش مفش اي حاجه نزلت
الدكتوره::لونه احمر خفيف مايل للوردي
مرات في الفراش الغطاء ومحولينه مش فاطنين مرات في لبست النوم شوفو. بس ظاهره
وبلاش العنف. عشان ميصيرش التهابات.
امل: تحشمت قعدت ساكته وهوا يحكي مع الدكتوره
فراس:: باهي مفش اي حاجه ترخيها. ترعش واجد وتتالم
الدكتوره :: تمام. هذين ادويه. ومبروك عليكم
~<|<,
فراس::روحنا فتشنا الدبش اللي في الغساله
امل؛؛ ايوا. هذا. شكله. الانصوله. اللي غيرتها امس.
فراس:: اها هوا مبروك حبيبتي.
|>|~|>|
جلال::مشيت لعمتي وحكيتلها وتفهمت كلامي
روحت واناواثق من روحي
ريهام:: متاكد فهمت عليك
جلال:: قتلها. باتي بيفرض عليا. ومخيرني بين رضاه وجوازي. والمسكينه قالت لا طالما ريهام رافضه وانت تبيش. منرميش بنتي بالغصب
ريهام:: باهي يارب باتك يسكت غلي الموضوع
جلال:: ناقصه حاجه للشقه
ريهام::اها نبي زيتون. وجبنه.
جلال:: الزيتون خلط علي الجبنه. ههههه
ريهام:: هههههه رايق حبيبي
جلال:: بكل تريحت. حسني
ريهام::فكني من هدرزتك الواجده. سمعت. جبنه وزيتون وتعال.
جلال:: باهي انزلي معايا عشان يتحشمو ومحد يسلم عليا
ريهام:. علي اساس. نازل النجم جلال
جلال::لالا. اسمي الفني الشاب جولي.
ريهام؛؛ نزلت معاه. هي خش.
جلال؛؛ مدام التقشف قلنا زيتون وجبنه. نهارك. ورانا بلك واسمنت
ريهام:: زرتني الضحكه. وهذي نوتيلا. بنليس بها
عرمت السله.
جلال؛: كان خليتك في السياره خيرلي.
خطم واحد جار. سلم
ريهام ؛: بعدت ونسمع فيه جلال يقوله مفش منه الكلام هذا اشاعه
والراجل يقوله تي باتك امبدري في صلاة العشاء عزم الجيران وقال فاتحة جلال
جلال:: لا قبل بس انا نهيت
|<~~
كنه الراجل
جلال:: تي باتي كنه مزال مصر. وكنها عمتي محكتش معاه هذا يبارك قال. اليوم عزمهم
ريهام::نعم شن يبي باتك. هذا. ميفهمش. حمار يعني.
جلال:: ريهام مش هكي عاد امسكي روحك.
درسنا ونزلنا
حبيبي. اركبي علي طول قولي السلام واركبي
ريهام:حاضر. خشينا كان جو الحوش متوتر.
معتز ::شفتهم خاشين قربت منهم نجري
جلال خودمراتك واركب بسرعه
جلال:: شن في
معتز:: انت ماشي لعمتك وهي جت. قالت انهي كل حاجه جاني جلال. ومش بالغصب. باتك. قعد يقنع فيها. وقاللها
توا يجيك هوا يطلبها تطمني واقنعها
جلال:: تي هذا مايفهمش
ريهام:: قعدت نبكي روح بيا حوش هلي
جلال؛: اهدي ريهام وبطلي توريه دموعك انتي صح وعلي حق بتدافعي علي زوجك
ريهام؛: زدت نبكي. كان كلامه يسايس. بكل.
يروح ترا نخطم قدامه وراكب شقتي
خطمنا
باته: انتي. يابنت الناس
ريهام:: نعم
باته:: وتي روحك. تمشي مع عمتك بكرا تخطبو. لجلال
جلال:. باتي. هييي
باته:: عليش تسكت فيا
ريهام: عمي جلال يبيش مش بالغصب
باته:: انتي اغصبيه لانه مصيره جايه يوم ومل. ويبدا يدور علي من تجيبله عيال. تخلي عن انانيتك ووافقي
ريهام:: مش انانيه ياعمي بس انا شن ذنبي.لو كان ولدك اللي عنده مشاكل. كنت بتقوله تخلي عن انانيتك وسيبها.
باته:: ياريهام انتي بنيه عاقله. وبنت ناس ومترضيش. تقعدي ثقيله وحمل علي شخص. وعلي عيله حلمها تشوف عيال ولدها
جلال:: رميت الشكاير وكريتها مع. يدها. خلاص ريهام اركبي
باته:: الجمعه ومدلي اوراقك نبدا في الاجراءات
وتعيش معايا في دار لين يكمل حوشك
جلال:: برمت علي امي وقلت
الشايب خرف وقانونيا. الحجر. لحالاته الحل.
امه ::اسكت ووطي حسك. خلاص خود مراتك واركب. هوا حامق وانت حامق. مفش نقاش هك بعد صلاة الفجر. انزله. يكون هادي
جلال:: يعني. انتي مقتنعه اني منبيش
امه:: باتك يبي مصلحتك. ويدورلك في المستقبل
جلال:: قلوب قاسيه. مفش رحمه ولا شفقه. شوفي البنت كيف ترعش شوفي كيف يحكي وهي منزله راسها
ريهام:: قعد ماسكني وعلي اساس يبي مصلحتي ونجوزه انا خير ما يديرها من ورايا وكلام. علي اساس هادي وبيقنعني
بحتت في جلال يحكي مع امه وواضح معصب جاني دفني. مع كتفي علي الدروج اركبي متسمعيش في الكلام
ريهام: ركبت نجري ونسمع فيه يهارج معاهم
باته :: كلمه وملهاش ثاني الجمعه وانا نعرف كيف نخلي مراتك تقتنع
جلال: ياراجل سيبني في حالي عاد درهت كبدي وانت شي لا تعرف ترحم ولا تحس. كرهتني في عيشتي توا نلم دبشي ونطلع نسيبه لك. بكل الخوش
ريهام: ركبت نجري نرعش لقيت مرت معتز. خششتني عندها وقعدت تبخ عليا في اميه. وتهدي فيا
عبير :: خلاص حبيبتي خلاص اهدي
ريهام:: الجمعه بيجوزه شن اندير قوليلي انا منقدرش نسمحله يتجوز. ولا يمكن نوقع عليها الورقه ولو علي جثتي. نوقع علي طلاقي بس جوازه لا
عبير:: هومي اهدي. جلال طلب منك توقعي ولا اصلا جاب سيرة تي الراجل متعارك مع هله عشانك وقايلها لمعتز ولو. ايش ماهو مفكر واصلا يبيش. تي يحبك ومجنون بيك. مستحيل يجيب عليك وحده
ريهام:: عمي. قالي وقعي برضاك. متخلينيش نخش في الرشاوي. ونمرقها بدون توقيعك.
عبير ؛: راجل جبار طاغي مش طبيعي متخفيش. انتي خليك علي موقفك
يعني انا دار فيا شويه. جننا وبهدلنا. لين انا قتله عادي يامعتز تجوز. ونزلت قلت لباته موافقه. انا معنديش وين نمشي. معتز هلي كلهم مسكني عمك. من يد اللي توجعني. وقالي وافقي خير. انتي حتي هل معندك. تبي تمشي تخدمي خوتك وصباياهم
وقعتله. وانا دمعتي علي خدي. وجا لمعتز. وقاله خلاص مراتك عطاتك السماح
بس راجلي علي يدك مهنتش عليه. صكر راسه وفاته خلاه يخرف.
ريهام:وانقضك ربي حملتي. بس انا غير. انا منقدرش انا الدكتور قالها عنديش بويضات صنفني من انواع العقم. يعني. حتي راجلي خايفه كلام باته يقعد يجيه يوم ويبي. كلامه صح بنكون انانيه. لو مسكت برايي
عبير :: يعني بتوافقي ياهبله لا رد بالك. بنت عمتهم فرخه صغيره ومش ساهله تتعبي معاها ياريهام رد بالك
ريهام:: عارفه وواضح عليها. بس.
انا منقدرش نعيش مع ضره ولا نقدر نكون انانيه.
انا حنطلب الطلاق وهكي نتعب ايام شهور سنه بس في النهايه اكيد بنعيش حياتي.
وهوا ربي يرزقه ويسعده
جلال:: ركبت لقيتها. تلم في دبشها
شن اديري ريهام بطلي هبال انا شن دخلني
ريهام:: مسكت. يده قعمز نحكو شويا
جلال:: في شنو نحكو. كلام. منتهي شفتي كيف رديت عليه شفتي كيف منبيش نتجوز
ريهام: جلال ياحبيبي. كلام باتك مقنع. انا وانت واخدتنا العاطفه. انت شعورك بالجميل انك لازم ترده. وشعورك اني ضحيت وشعورك انك تحبني ومتعلق بيا كلهن. مجرد مشاعر في منها خلاص اللي مفروض معش تمسك فيهن وتعيش حياتك وتجردها من هل الحمل.
وفي يلي مشاعر. حلوه مؤقته بس بعد عشر سنين هل نفس هل المشاعر. بتكون مسيطره عليك زي توا صدقني ابدا. انت ملكش ذنب تنحرم من الاطفال ولا انا نقدر نكون انانيه ونسيبك. تنحرم من احلي نعمه.
بكل صراحه منقدرش نشوفك متجوز ومتريح ولا نقدر. نشوف عيالك من غيري ولا حنقدر. نشوف ولدك مفعز جنبك انت وامه.
ممكن ننجن ممكن نتعبك ونتعب ممكن نقلب حياتك جحيم وبدون وعي مني توصل لمرحله الكره ليا
جلال انا خديت قرار. منبيش. نكمل. حياتي هذي
جلال:: تحكي ومطبسه راسها الدموع. يتقاطرن. علي يدي اللي ماسكتها
فكيت يدي. ومشيت صكرت شنطتها. ونزلتها من السرير. طلعت شنطه ثانيه فتحتها
ريهام؛ اقتنعت بالسهوله هدي تتخلا عني
جلال؛: مسحت دموعي. اها. تصوري. وبرمت طلعت. دبشي. وحطيته في الشنطه وخديت اوراقي. وفلوس
هيا البسي. الحوش هذا معش لنا قعده فيه
ريهام: فكر في كلامي بطل تهور. وقرارات الغضب
جلال::علي اساس قرارك صائب
يا ريهام بطلي هبال كلامك مش صح ريهام نحن حياتنا بتكون حلوه. مش وعدتك ياقلبي نتبنو مش وعدتك. نشيلك. وتاخدي بيبي. ومولود اخري. من غيرك يا ريهام مانبيش عيال.
وقرار غبي هذا وهبال. اسمه. معش نبي سيرة هذي سمعتي.
هيا لمي اللي محتاجتيه ضروري والباقي توا نجي نلمه بروحي
ريهام؛:وين بنعدو في هل الليل
جلال:: اول هوتيل. وسكتي علي الموضوع مش داعي تحكي لهلك.
طلعنا
سلوي:: تبو الحق قرار صح وهكي خير ليش العيشه في توتر
ريهام:: انتي معانا
سلوي::البنات والشباب كلهم معاكم انتم صح هذي حياتكم وانتم احرار فيها اطلعو بسرعه. قبل يشوفكم. ويبدا يعيط
باته: من اللي يعيط ياكلبه اه من
جلال:: مسكت يدع متمدش يدك عليها مره ثانيه بالقانون. نتصرف.
باته:: شن بدير تحجر عليا
جلال:: توقع اي حاجه مني. لا مش مني. توقع اللي زرعته في عيالك كيف تحصده.
قعد يبحت فيا مصدوم. برمت علي سلوي
اول مانستقر نجي ناخدك تعيشي عندي.
باته: تطلع من الحوش لانك ولدي ولانعرفك. وتنسا امك وخوتك. محد راح يدورك
جلال:: كريت شنطي وخطيت
باته::
{وقضى ربك ألا تعبدوا إلا إياه وبالوالدين إحساناً* إما يبلغن عندك الكبر أحدهما أو كلاهما فلا تقل لهما أف ولا تنهرهما وقل لهما قولاً كريماً* واخفض لهما جناح الذل من الرحمة وقل رب ارحمهما كما ربياني صغيراً}
جلال::
وقل رب ارحمهما كما ربياني صغيراً}
الايه عاود افهم معناها كويس. مش بس تحفظ حفظ وتدل بالايات. بكيفك
باته:: نسمع حد مجرد بس حاكي يقعد يلم قشاشه ويطلع زيه
جلال:: فتلك بيوتهم خالية بما ظلموا إن فى ذلك لآية لقوم يعلمون
باته:: اطلللللع برررررا
حلال::والظالمون مالهم من ولى ولا نصير"
ريهام::كان يبكي ويرد عليه بالايات. مسكني مع يدي. وطلعنا
طول السياره ساكت يبيش يحكي
ريهام:: جولي. انا اسفه مكنتش وصلتها لهكي
جلال:: هوا اللي وصلنا لهك
وصلنا لهوتيل الفضيل. خشينا.
جلال:: بكرا نطلعو بدري للفيلا. انظفو من الوسخ البني ونسكنو في دار ونحاول ننهي بسرعه الاساسيات
ريهام::من وين لك
جلال::تدبر حبيبتي تدبر
خاش ناخد دوش ساخن. اقفلي التلفونات. باهي
ريهام::حاضر.
ثاني يوم علي الفيلا وكانت معرمه. حيط وحديد واثار عمال.
جلال:: لبست شرت وكت. وبديت في الحطام انطلع فيه
ريهام:: لبست استرتش وتيشرت. وربطت شعري وبديت. انحك في الحمامات والمطبخ
جلال:: ريهام املي سطلين ميه
ريهام:: رفت السطل. وجيت نبي نصبه طحت وانكب عليا.
جلال::ههههههههههههههههه مديت يدي صبي ياعبيطه.
ريهام: قعمزت بطل سهوكه ممعياش دبش.
جلال:: مبلول يمرضك.
ريهام: اقللللع
جلال:: قلع ضرسك شن نقلع روحي
ريهام :: نقسمو عاد انت من تحت وانا من فوق
سلحته تيشرت ولبسته وجاني فستان قصير.
جلال:: خطمت حضنتها من ظهرها. كملتي
ريهام:: كملت بس كيف نديرو للدبش
جلال:: دبش في الشقه حقي الصبح بكرا نمشي نشيل. عمال ونجيبه كله حتي دار النوم
ريهام؛؛. باهي مفش ابواب للحمام شن انديرو
حلال:: عرب زمان شن. كانو ديرين غطاء مربوط
لين ربك يفرجها ونكملهن
ريهام:: ودولاب المطبخ
جلال:: مشي يادلوعه توا هكي. وهل التطييب اللي مقطع بعضه. عندك
ريهام:: بليد. مو انطيب باهي السخانه اللي غادي تجيبها
جلال:: لالا تحملي وتوا نشري ساهله السخانه
ريهام:: الحوش كبير ومهودج مش كامل مزال الدايار تكمل فيهن تزلز. ومش مزوق.
حلال:: وريهام صقاعه حافظك. متخفيش ربك يفرجها
بكرا. نفك الاثاث ونحزنه في وحده من الديار. ونجيب الزواق يزوق دارنا وانظفوها ونقعدو نباتو فيها.
وبعدها نقعد نحطك الصبح عند هلك ونجيب العمال ونحاول نكمل الاساسيات.
~<~<~>
رشا؛: مشيت زياره لريهام. روحت. مخنوقه. ويومي شين. بعد العز والشقه. اللي تهبل. كارسين في دار. المطبخ معرم والحوش فاضي مسسسسسسقع جمود.
اسامه:: خشيت قعمزت. علي كراسي بلاستك. مش عندهم صالون وينه امتاع الشقه
رشا:: مو وين اطلعه شايف الحوش حايس عمال وغبار.
اسامه:: حكا معايا. يبي يكمل حوشه ويتبني. بس حال الغايه قال. بيدور. عيل يتيم. ومعاه اوراق هله.
رشا:: زعمك. يستمر ولا يحس بالندم
اسامه: الرجاله انواع
في يلي. عادي يحس انه حقه والمرا مش من حقها ترفض ويفسر الشرع بمجازه
وفي يلي يحب مراته بجنون يعشقها يعني. وهذا جلال يعشق ريهام. ميتحملش فيها حاجه
ولما جا للدين مجش زي النوع الاول. وجا. لحقه الشرعي واستند علي انه الشرع حلل
لا جا لقول النبي عليه الصلاة والسلام انا وكافل اليتيم
هذا. النوع مخلص طوووول عمره ويحب بجنون.
رشا:: وانت من اي نوع ياامتاع انتصار
اسامه:: ههههههه شن اخبارها خطرها
رشا:: لفت علي مدرس ولدها. المهم انت من اي نوع
اسامه::انا مش عارف. انتي حللي
رشا؛:انت من النوع اللي يخوف
اسامه: اسم علي مسمي يعني
رشا:: كيف
اسامه:: معني اسمي الاسد. والاسد اشرس انوع الحيوانات ويخافن منه كل حيوانات الغابه بما فيهم كبير الفيل.
رشا:: فيل في عينك بسم الله كنك
اسامه:: بصوت ناشونال جيوغرافيك
الاسد يبحث عن عشاءه يتقدم الاسد نحو الفريسه. الفيله تسرع للافلات منه.
رشا: قعد يقرب مني. ويزحف ويدير في صوت غليظ. كنك انكلبت
اسامه:. تحاول الإفلات. ولكن الاسد يستعد للهجوم. خخخخخ
رشا:: يامجنون. كنك. اححح يدي ياسامط
اسامه:: مش قلتي من النوع اللي نخوف.
رشا: مش هكي. عضه واعره
اسامه::هبيراتي. يسهفن. عطيني نعض اخري
رشا:: حول ياسامط. كنك توحشت
اسامه:: ههههههه. علمت حي عليا.
رشا: بسنونك بكل ياريتها غير عضه بالجو
اسامه:: هههههههههه وانتي تبيها بالجو
رشا:: انا نبي نعدي ندير. شاهي. وانت تطلع جنب امك خلي العيل راقد توا ينوض ينتشني ويعض كيفك.
اسامه::ذاك الشبل من ذاك الاسد. تحركي بسرعه راهو سنوني. خاطرهن في هبيره بيضه. اخري
رشا:: روح. لبست. حجابي وطلعت
~<~<~<~
مهند::شفتها معلقه لرحمه خشيت هدرزت معاها
مهند:: خيرات ياطالبه
رتاج:: مهندصح
مهند:: لا غولته مو صورتي واسمي ياعبيطه
رتاج: ههههه صح بس اهو للتاكد
مهند::شن الجو.
رتاج:: عال العال وانت
مهند: الحمدالله. شفتك معلقه. خشيت نسال عليك بعد يوم الصالون
رتاج::اها. بعد انتم طلعتو انا خشيت نجري
مهند:: اربكتيني مش عارف عليش قعدتي ترعشي. شن مشكله كان شافك. نحكو عادي كنا
رتاج::تعرفش ولد خالتك ولا شنو نقصي وحصله
مهند::مراد بالعكس جوه سمح بعدين في. بنت تحكي علي خالها هكي
رتاج:: هههههه ضحكتني. مهند. راهو انا مش. صغيره وانت تحكي معايا باسلوب الراجل العاقل مع بنت طفله
انا كل اللي بيني وبينك 6سنوات
مهند:: لا 8 انت 18وانا 25
رتاج:: يعني جت علي سنتين.
مهند:: باهي. العمر كله
لو احتجتي اي حاجه في المنهج قوليلي.
رتاج:: حاضر.
مهند:: نضيفك ولا خالاتك يدققن
رتاج:: لالا فكني
مهند::باهي واتس اب
رتاج:: مهند انت عارف اني انا منحكيش مع شباب
مهند:: وانا مش اي حد نحن اقارب صح
رتاج:: باهي
مهنذ:: باهي شنو.
رتاج ::دزلي وانا ضيفك.
معلش مهند بنصكر توا. نعدي نساعد ماما.
مهند:: شن اديري تساعديها خلاص ليل توا مفش حوسه
رتاج:: لا مو اليوم انا اللي بنطيب العشاء
مهند::اووو وشن دايرتيلهم
رتاج:: بيتزا. وسندوتشات شاورما.
مهند: ماشاءالله خلاص عدي. عشيهم وصحه
رتاج::هههه صدق.
~>|>|
زينب::انتي يافرخه. يارتاج.
رتاج::ها ياماما ها سكنتي
زينب::ياقليلة الادب تعالي. اغسلي المواعين
رتاج:: خليهن بغدين انديرهن
زينب:: عارفه كما صبيتي ترا نحرش بوك. صبي راهو نطلق فيك الشبشب نديرلك عاهه
رتاج: نازله الا الشبشب. عندي مستقبل. عاهه. شن دوتها اللي تطفشلي العريس
زينب؛:مكلوبه علي الجواز. غير يجي اي. تشادي نرميك له
رتاج:: المشكله حتي التشاديا. معش دقو. علينا
~<~<~>~
رحمه:: اليوم خصصته للتعليقات نرد عليهن. والكل طلب مني صورته. ياتري انزلها ولا يطلع حد يعرفني.ومش ناقصه.
القصه قعد. لها متابعات من كل ليبيا اليوم طقيت في طلاقي منه وكلهم في التعليقات جو ضدي وتعاطفو مع زين فعلا حتي انا لو. نعرف هكي بيصير مكنتش ضيعت دقيقه بعيده عليه
~>|>
رحمه:: روحت من الجامعه خشيت. علي عمتي لقيتها مهمومه
ماما كنك بسم الله
حليمه:: ريهام مش عاجبني حالها. لها كم يوم مجتش ونكلمها صوتها مخنوق.
رحمه:: مو بلكي وضع الجديد صعب عليها
حليمه::رشاعدتلها وقالت وضعهم صعب بكل.
رحمه:: حكيتي لبابا
حليمه:: نبيش نضايقه وهوا عيونه. ريهام.
رحمه:: وخوتها محد دورها
حليمه؛: كل. واحد لاهي في حاله. شقيقهن. هوا. اللي كان. شاقي بيهن ويستفقد فيهن
رحمه:: الله يرحمه كان يحس بيهن
باهي شن رايك ناخدو غدانا ونمشولها
حليمه:: ياريت
رحمه:: خلاص وتي روحك نركب نجيب العيال.
طلعنا وتكيت علي المحل. خديت حاجات ومشيت
ريهام:: طلع جلال والحوش مسقع. قعدت كارسه في داري تحت. الورغان. دق الحوش خفت.
رن تلفوني رحمه. رديت. قالت برا افتحي. طلعت فتحت وتحشمت بخشتهن. والخوش مفش مكان. ينقعد فيه
حليمه: شن قعدك هنا ياهبله حوش بوك كبير تعالو. خودو. دارك. تعالو. خودو الصالون بحمامه. بس مش هكي
رحمه:: عليش هذا كله. يركبو شقتي وانا ننزل.
ريهام: ماما راك تدوي الدوه هذي قدام جلال يزعل. هوا هك يبي
رحمه:: باهي عندك ذهب بيعيه.
ريهام::فكرت فيها. شن رايك ياماما
حليمه:تبيش كلام الراجل. كاتب الحوش باسمك وذهب هوا شاريه. يوم اللي احتاج تفكري لا ياماما تبيش تفكير. اليوم نعطيهن لمحمد يبيعهن
ريهام:انا قتله نرد نتنازل علي الفيلا هوا ماباش هكي. اريح قال
فهمت انه خايف عليا لو صارله شي بعد عمر طويل. ومعنديش عيل يبيه. ليا ومحد يشاركني فيه
رحمه:: مزال مطول هوا
ريهام:: لا خلاص هذي جيته.
حليمه:: جبت غدانا. انتي مش مطيبه
ريهام: لا. جلال قالي توا يجيب بيتزا
رحمه:: اهو صوته جا
ريهام:: صبيت طلعتله.
ماما ورحمه جوا
جلال:: لالا شن قالن من المنظر
ريهام:: محكنش جايبات غداهن وجايات
جلال:: خشيت سلمت. ورحبتن بيهن
حليمه:: بدال هل البهدله تعالو. عندنا وكملو علي مهلكم
حلال::ريهام تبي تعدي انا متريح هكي.
ربهام::لالا متريحه حتي انا شكرا
رحمه:: حسيته تحسس غيرت الموضوع
باهي شن رايك في صاحبتك بالقصه الجديده
جلال:: مش عادي بس معش تقصوه طويل اجمل
رحمه::حاضر كلهم. هزبو علي قصته بس خفيف واجد قلت يكثر
حلال:: فيها من ريهام علي فكره
رحمه::معقوله كلنا نحسو فيها زي امها
ريهام:: ديما يقولي فيها وانا. نقوله تهيالك
رحمه:: ممكن يقولو البنت لعمتها.
~<|>|
بعد مرور ايام
جلال:: شنوهذينا
ريهام::فلوس ذهب بعته وجابلي مبلغ حلو
جلال:: ليششش درتي هكي ياريهام
ريهام::اصبر بس مابعتش بمعني البيع. شرا محمد مني زي السلف وقدر ثمنه وعطاه ليا ويوم اللي نتوسع نردله فلوسه وناخذ ذهبي
جلال:: كم عمرك انتي يابنت
ريهام:: هههه كنك
جلال:: كم عمرك بس
ريهام:: 24عليش.
جلال:: شي هموم عشتيهن فوق من عمرك. تضحيات مفش بنت عمرك اديرهن. يعني اللي عمرك. عايشات الحياة بالطول والعرض ميقدرنش يفكرن ويتنازلن. علي حقوقهن
ريهام::اللي. عمري عندهن عيل. ولا اثنين. وانا. زي الارض البور علي قولت المصريه
حلال::فنشه شن قايل انا علي النكد راني راجل نحب الضحك والدلع واللي محببني فيك. روحك الحلوه. فكينا من النكد الله يربحك
ريهام:: حاضر.
جلال:: ركبت علي السلوم. نركب في الثريا
تنده اقول حاضر مهما تغيب حاضر�شايفك بعيد حاضر وانت الحبيب حاضر
صدقني حاسس بيك في عز خوفي عليك�قلبي انا يفديك دايما عليك ساكن
ريهام:: اسكت مش وقت. غناك ضي. ركب وانت ساكت
جلال: وانتي ماسكه بيا يخبطني ويشيلك. معايا ونقعدو. تريحنا من وجيج باتي
ريهام::بعيد السو علينا ربي يطول في عمرنا ونعيشو اخلي حياة
جلال:: قتلك جاني معتز اليوم
ريهام:: كنه
جلال:يسال بس. وحصل شقه بيطلع
ريهام:: احسن. يتريحو
جلال:: زي راحتنا صح رغم الصعوبات بس الحياة حلوه
ريهام::فعلا
~<~>>~<~
امل:: فراس وقت هيا
فراس :: شنو. منظري. كويس
امل:: عسسسل. قربت بنبوسه. وخر
فراس:: متوضي. والمغرب قرب. نحطك ونخش الجامع.
امل؛: تقدر ترد تتوضا بدل تكسفني
فراس:: معلش مو شعري جل. والوضوء يخرب
يي علينا امل عليش الزعل قتلك السبب
اموله. هيا بطلي زعل. واجد زعاله ياامل
انل:: خديت شنطي ونزلت
فراس:. زعاله واجد متعبه
نزلت وراها. تكيت علي المحل. شن ناخد
امل::اي حاحه
فراس:: حوش خالتك يعني نبي حاجه ترفع الراس
مشكلتك لابسه كعب. ملفت كان هذا نزلتك
نزلت. جبت. صندوق عصير. ووعلبة شيكولاطه و تكيت خديت. فواكه وبكلاوة.
امل:كويس ووواجد اخري
فراس :: قدرك غالي ياسمحه. هي. انزلي بس قدام عيال خالتك زي توا في السياره جلباب تمام
امل:: حاضر.
رحمه:: عسسل متغيره واجد
هاجر: الوج ناير ماشاءالله
رحاب::حي الشيخ عنده بصمات ماعندي فيه الا. هويدي
امل:: حطيت الوشاح علي رقبتي.
لميس:ههههه مكسوفه ياحنه.
رحاب:احكيلنا. شن جوه
امل: كويس.
رحاب:: رومانسي الشيخ ولا حصله.
امل: رومانسي بس. في اوقات جد عنده. مايبحتش فيا يقولي متوضي هههههه
رشا:: وكنك مش مستشوره شعرك.
امل:: اه لا اصلي
رشا:: ياما طلعت. مليسه. هوا هك. العرسان
لنيس:: مش عرسان بس. ههههه
رحاب::عاد حتي هوا مرايف احميده
هاجر:: الحديث حز. في نفسي انا مش هكي. قعدت متوتره بنروح.
رحمه: مزال نفس الطبع
هاجر:: اااه. نفس ماهوا
رحمه:: ربي يهديه. احكي لميس محمد ينصحه شاب كيفه
هاجر::هوا عارف وامبرد
لنيس: كنها هاجر تبكي
رحمه؛من حسين
لميس:: اسمعي جربي انتي. تجذبيه للشقه
هاجر: كيف
لميس:: مثلا. الغداء مايجيش يلقاك تحت لا. خليك في شقتك ولابسه. انتي اللي يخش تعالي اجري استقبليه بكلام حلو. وتي دبشه يخش الحمام. وامسحيله وهكي. طبع راجلك زي البيبي. يبي مسايسه
هاجر::نجرب مع اني متوقعه. النتيجه
~>|>~>
جلال؛؛ قربت من الشيخ فراس وسالته بيني وبينه
علي باتي ورضاه
فراس:: الغضب الوالدين في خراب البيوت يسقط
متخفش. بس انت حاول تتواصل معاه ومتفقدش الامل لين يقتنع انك. حياتك عاجبتك
~<~<~
حسين:: عشاء صح بكل. من داير المصارين
هاجر:: ابله كريمه
حسين: فيهن طعمه خاصه
هاجر::سونا. خلينا. نركبو علي طول. مرايفه عليك
حسين::هههه كنك سكرانه
هاجر:: لا بس لانك توا تخش اطول تركب انا ناعسه
حسين: لا مش مطول بروحي مرايف عليك. اركبي بس توا نجيك
هاجر::ركبت فرحانه. غيرت دبشي وجهزت الصاله. درت شاهي وطلعت مكسرات وشكولاطه
قعدت. نراجي معش ركب رنيت عليه مردش. انشغلت. لبست ونزلت
حسين:: خشيت لقيت امي تعبانه. قستلها ضغطها وقعدت جنبها. خشيت جنبها في سريرها. ورقدت.
هاجر:: نزلت الحوش هادي خطمت من دار عمتي مفتوحه وهوا راقد جنبها. رقالي ركبت نجري. نبكي خشيت الدار. رميت روحي علي الفراش ورقدت.
حسين:: نضت. الساعه 9الصبح
امه:: راقد جنبي ومسيب مراتك ياهبل
حسين:: مقدرتش نسيبك. خفت عليك
مروه:: تي ماما ديما تتعب هك ارهاق هذا. مش لدرجة خوفك.
عدي لمراتك. شفتها امس راكبه تجري تبكي
حسين :: ييي تذكرت وعدي لها. خديت تلفوني شفت مكالمات منها ومسج خبيبي وينك.
ركبت. فتحت الشقه. خشيت اثار الصاله موتيه. قعده
خشيت للدار كانت راقده محبيتش نزعجها خديت دبشي. وغيرت ونزلت فطرت عديت
هاجر:: نضت الساعه 12راسي صداع. طلعت برمت علي الشقه وغيرت دبشي ورنيت عليه
حسين:: مراتي السمحه اهلين
هاحر:: قتلك. نبي نعدي حوش هلي
حسين:: وتي روحك توا نجيك انا
هاجر:: توا نرن علي زياذ
خسين: غير وتي روحك بس نص ساعه ونجيك
~<~<~
هاجر:: وين شايلني
حسبن::نتغدو برا.
هاجر:: هأ. وقايل حتي المره هذي
حسين: لا مش قايل. واليوم لك اسف علي امس
هاجر:: لعند امتي الوضع هذا
حسين:: شن تتغدي.
هاجر:: حسين لامتي الوضع هذا انا تعبت
حسين:: اهدي نحن في مكان عام
هاجر:: حسين. طلقني.
حسين::؟؟؟
~<~>|
بعد شهر
اليوم ديربي الاهلي والنصر.
مراد: نزلت لابس انا وعيالي. تيشرتات الاهلي.
اهلي. ااااهلي ووه وه.
حاج:: ياهبل بطل. هبال.
كوثر:: ومجنن عياله معاه. ريتهم كيف هبال كيف بوهم
اشرف:: يسخن مزال ساعه علي المباره
الحاج:: علي هل المبارة. صكرتو رزقكم ياهبال
جلال::السلام عليكم. ها بدت
مراد::جلو. ليلتكم. سوده يافحامه. وراسكم مانكم قد الجزاره
جلال:. روح. خالد حسين ناويها اليوم ثلاثه في شبككم
محمد:: ناعليا منك ياجلو. هذا الكلام.
اسامه:: تي روح انت وياه محد يجي قدام الاهلي
مراد: قوللهم سمعهم غنيلهم رقصهم. بلكي يفهمو
حاج؛: مراد. هييي.
محمد:: نرن علي عادل تلقاه يحرق
عادل:: اسمع. قاعد علي اعصابي. اليوم النصر لازم ياخدها
محمد:: واخدينها ياعدول وراسك. شوف الهبال.
عادل؛:: هيا ياولاد هيا جيبوهاااا ردو الامجاد والخضرا علوها.
محمد:: النصرواي يجري في دمي. النصراوي ياباتي وامي
حاج: لا باتك. اهلاوي. ماني منكم
كوثر:: ههههه وانا نصراويه بنيت البركه
محمد:: ناعليا. سمعتو.
اسسس بدت بدت.
جلال:: خالد حسين حالد حسيييين. لالالاه. ضيعها خساره
حاج:: ههههه ريهام جيبي اميه لجلال. نشفنا ريقه
جلال:: تشفط عليا ياعمي.
حاج:: ارخي اعصابك من يوم يومهم. الاهلي. اصحاب المشوار الطويل ولا لا ياحاجه
حليمه:: اي والله واخيرا اتفقت انا وياك. وتخالفت مع كوثر
حتي انا. مسقط راسي الزيتونه
حاج:: ههههههه
رشا؛: سمعتي شن. قالت. تتهزا عليك. وهوا عجباته يضحك
كوثر::اطلعي منها انتي منحبش الناس الفتانه
رشا:: ننصح بس
اسامه:: لا لا كنه هذا
مراد:: تي غير. وين ماشي ياباشا غادي. اووووف
محمد:: لالا.
مراد:: وووووووه ووووه. قووووووول. تكبيرررررر
اسامه ::قلناها مش قدنا
مراد::
وينا وينا وينا * * * اللي يقارن روحا بينا
وينا وينا وينا * * * من بنغـــازي لنجامينا
وينا وينا وينا * * * هو واللـه ما يســوانا
وينا وينا وينا * * * نادينا على الشط مكانا
وينا وينا وينا * * * وغيرا حاصـل في تركيــنا
وينا وينا وينا * * * سيمافرو وشيل البنزيــنا
وينا وينا وينا * * * وحـد وقول اللـه كبــير
وينا وينا وينا * * * وحد بيش العــين اطيــر
وينا وينا وينا * * * والاهلي ديماء في العـالي
وينا وينا وينا * * * وانظارا ديماء في العالي
وينا وينا وينا * * * الاهلي بو مشـوار طويـل
وينا وينا وينا * * * من طــبرق لا راس اجديـر
وينا وينا وينا
رحمه:: نبحت فيهم متجمعين يتعاركو. ويشجعو كانت الجلسه ناقصته. كان يشجع في الاهلي. لو كان قاعد راهو. دار. عياط اكثر من هكي
ااه. ربي يصبرني. خشيت للمطبخ وجت ورايا لميس
لميس:: ربي يصبرك.
رحمه::امين مسحت دموعي خلينا نوتو العصريه
~<|>~
~<~>|
سلاف:: مشيت للمطعم. نحضر معاهم. المبارة
وليد:: بطل هبال ياوائل وقعمز. معانا. خليك. ياسيدي في اخر الصف. بس انت عارف مش بالساهل. تحصل القناة وهنا بس في. تي تعال احضر وغير جو. جايات حتي صاحبات روعه وجهزنالهن الصفه الثانيه. كل بنغازي اليوم تحضر. والاعصاب مسيطرة علي الشباب ومحد مدورك.
وائل:: يارب يفوزو. الاهلي.
وليد؛:يعني انت تشجع في الاهلي.
وائل:: مش عارف. هك حسيت روحي نبي الاهلي يفوزو. ههههه
وليد::ومرات العقل تحرك وعطاك شعور.
وائل::الله اعلم. خلاص انا في المطبخ بعد يلتمو. نطلع نحضر
التمو الشباب وبدت المبارة
سلاف:: مشيت وشلت معايا اختي مرام. وقعدت مع البنات وكان عدد كبير.
قعدت نصور لزياد في الجو. حبيبي خود السلفي هذا.
قعدت نصور. في الناس المقعمزه. شفت. وائل. مفعمز. صورته بدون مايركز.
ررن عليا زياد
زياذ:: اختلاط يافرخه
سلاف؛: تعال اخطب عشان تحكمني.
زباد:: نحكي جد انا خلاص. روحي شنو. شباب عرم ويتعايطو جنبك
سلاف::عادي في حالهم
زياذ::هي كلمه قلتها تاخدي اختك وتروحي. انا عارف الشباب. لما. يفلمو كلام قبيح وسادك غير نظراتهم
سلاف:: اختك وتروحي. انا عارف الشباب. لما. يفلمو كلام قبيح وسادك غير نظراتهم
سلاف:: خلاص ربع ساعه وتكمل
زياد؛: كلمة قلتها توا نبي نكلمك. فيديو. وانتي مروحه
سلاف:: اوووف باهي. هي طالعه
ركزت في اختي مش جنبي ييي وين عدت
مرام يامرام. طلعت قدام المحل مش. قاعده. برمت من الجنب لقيتها مصبيه تبكي.
سلاف:: يي كنك شن في
مرام ::شفت
شفت.
سلاف ::شن شفتي كنك مفجوعه احكي
مرام::؟؟