الحلقه 46❤️
ريهام:: سمعت عمي يحكي مع عمتي.
ويقوللها زي عمتها. عجوز وماجابت.
مفهمتش شن قصده قصده عليا عمتي انا ولا يحكي وحده ثانيه
جلال:: طلعت. كانت مصبيه داكه راسها جيت وراها بشوووويه وفجعتها. فنشششه شن اديري
ريهام:: وووووه
جلال:: اسس عنجد وجك خشي ههههه شن اديري
ريهام: نعيما. صحه ياعيوني
جلال:سلمك. مقتيش شن اديري
ريهام:: صوت باتك وامك يحكو وفاتحين روشن دارهم.
جلال:: ولا تجسسو.
ريهام:: صوت باتك عالي يحكي علي وحدة عقيم وزي عمتها
هوا عرف بموضوعي
جلال::سكتت.
ريهام:: يحكي عليا صح. يعني. عرفو انت حكيت مش وعدتني مخد يعرف
جلال:: انتي اللي خليتي بالوعد وحاكيه لخالتك وهي داويه لامي وطبعا هوا نقصي مفتش ورايا لين لقا الاوراق
ريهام: معقوله بنحكي يعني غير حوشنا محد عنده علم
جلال::حتي امك وخواتك. مفروض مقلتيها لهن تطلع الدوه.
ريهام:: قعدت نبكي. هذي ماما الله يسامحها اكيد. حاكيه.
جلال: خلاص حصل خير خليهم يعرفو. مش حاجه شينه هذا امر وقضاء من ربي صح
ريهام: مدام يحكي لامك راح يبدا فيا وفيك ويقولك تجوز
صح ولا ليش يبدا. اكيد اليوم لما نزلت حكا معاك صح. احكي كنك ساكت
جلا:: اها. وقتله مستحيل انديرها. ريهام حبيبتي ممكن راح تتعرضي لضغوط نفسيه ممكن. راح تسمعي كلام مستفز نظرات تحكي. بس انتي خلي عندك ثقه بنفسك وفيا اني استحاله. نديرها.لوالعيل مش منك انتي انا منبش. ومزلنا صغار وقدامنا. الحياة ونعالجو.
ريهام: ولو. علاج علي الفاضي. تقدر تتحمل
جلال:: وانتي كيف قدرتي تسلمي روحك لشخص عنده الوباء الكبيدي. ولو ياستي علاج علي الفاضي. في حد يكره. يجاور النبي عليه الصلاة والسلام.
عليه الصلاة والسلام قال انا وكافل اليتيم كهاتين في الجنه
ريهام: انحبك. وربي يخليك ليا
جلال؛؛ قربتها ليا وحبيتها علي راسها ونزلت مسحت دموعها
وغلاوتك عندي. ماني مدورهم العيال ومقتنع بالكلام اللي قلته لك مش بس كلام يهون لا قناعه تامه
~<|<~
رحمه:: انا وعمتي جونا مش تمام انا مش طايقه نحكي معاها نحاول نتجنب شوفتها ومعش طلعت من الحوش بكل
اليوم. درت كيكه ونزلت بنهدرز. مع البنات وعمي
اماني:: جت في وقتها راسي نبي قهوه
رحمه: توا انديرها انا
رتاج:: تريحي حومه توا انديرها انا
رحمه:: خلاص انتي ثانويه عامه السنه امسكي روحك. نبو معدل
اماني:: اسمعي جيبي معدل فكينا من الاقتصاد ونحن شي. بالجملة ادارة ومحاسبه ههههه
رحمه: اسكتي وكنهم عرب الاداره. احسن ناس
ريهام;: احمممم مميزة في كل حاجه. علوم
ريما:: لالا توجي شاطره هك تخش طب ولا هندسه
زينب ؛:تي. غير تطلع من الثانويه وساهل. وهي مظني تكمل. مش وج. وحده عندها رغبه تقرا هذي هذي مكلوبه علي الزواج فرخه
رتاج: لا بنقرا ياماما ونتجوز شن المشكله اهي هومي. ورحمه. عادي هههههه
رحمه::لالا انا مننصحش تعب وارهاق وخصوصا لو كان الراجل يحب العيال. ولا هوا اصلا عيل معاهم.
اماني:: تنهدت الله يرحمه
رحمه:امين
زينب::بس متنكريش كان مشجعك
رحمه:: مشجعني وبس اسكتي يازينب. متخطريش عليا.
زينب:. اسفه معلش.
رحاب::خير ياعرب كنكن تبكن
ريهام:: كالعاده يخطر المرحوم.
رحاب::الله يرحمه
رحمه:: خلاص هيا توجي القهوه.
وانتي ياهبله معش تفتحي بنتك. تبي تجوز. خليها. تحكي وتملل بس عليك تراقبي.
زينب. :: طول اليوم علي هل النت ماني عارفه دوتها فيه وصاحبات معد كملن اعياد الميلاد والهدايا. تعبت وانا نشري وتنباله. حتي فراشها ما تقيمه
ريهام:: تحكي. علينا ياريما تحسيها هههه
ريما:: كل البنات. هك. وكنا زيها. غير انتي متركزيش.
بس راهو ركزي معاها توا سن. المراهقه وفي اللي تكون مراهقه. بس شعور. مستقر. وفي اللي شعور متذبذب. مع الايام يتغير
رحمه:: ياشعور انتي. حب الثانوية الصامت
ريما:واعر ياخيه من طرف واحد. وهوا باش نطق شيبني قبل وقتي
ريهام::ولا انا كملت الثانويه بابا عطاني. وحبيته في الخطبه ماني عارفه كيف راجل حصله. وممل. وكيف هلال العيد طلاته
دنيا::امالا اني. جاي مع بوه في مربوعه سمعت حسه نصنت لحظه شبحته وثاني يوم خطبني
رشا:: شبحك ياحنه. وعطبك عليه شبحه
شحورنا معاه لعند طرابلس.
دنيا:: ههههههه انتي في خطبتي انا ورحاب متدخله ماني عارفه اش خصك.
رحاب:: انا قالتله سمره وشينه مش لك يامراد فوتها جايبها ليا للجامعه. تتعرف كملتها تفصفص فيا وسألتني حتي علي رقم البودره امتاعي. حيوانه
رشا:: وووه وهوا كل حاجه يقول فيها.
رحاب:: نقانه نصيحه متحكن قدامه شي. يهدرز. ههههههه
رشا:: ورديتيها ليا في خطبتي ياباربي.
رحاب::هههههههه عنجد وجي كيف بس خلقت القصه
بس نصيب.شافك كبد العطيب
رشا::انتي عارفه وبارك الله فيك. سبب الاهم هوت برنامج تسجيل المكالمات عندك. الاخ مكسد علي مكالماتي معاك. ويتسهوك عليا. كبد علي هبالي قال
رحاب::ههههههه. ناعليا. سبحان الله نصيب الحكايه
اماني::ولا انا تجوزني مش طايق خلقتي. بعد ساعه قالي. حبيبتي. ياناعليا رايفت عليه
ريما: خلاص سافري حرام. دولي
اماني: قريب ان شاءالله
رشا:: خطرها علي النصيب. يازوبه
رحمه:: نصيب. اي والله نصيب وكيف قدري ونصيبي انا مشفتش
ريما:انتم. جواز خاص. الله يرحمه. خطرها رانيا عرفت
رحمه::اها وكلمتني وعزت الحق. بس الغريب لها فتره معش تسال علي بنتها نشوف فيها مهيجه في دبي
ريهام؛: قلب ميت. وغيرها متنمي ظفره
~>~>|~
رتاج::خشيت اندير في القهوه. رنت عليا صاحبتي فتخت البلكون وطلعت قعدت نحكي معاها
مهند:: كنت عند عمي علي في الصالون بنطلع نروح شفتها في البلكون بدون حجاب. شعرها طويل. قربت منها
رتاج:وراسك ياسمحه مش توجي اللي يرميلها رقم ننزل ناخده. حلوه هذ. يبيني يجري وراي وهوا. يكلم يدور مش يعزقلي رقم.
لالا كذاب اي حب هذا يحب يتسلا ويضحك علي بنات الناس. بعدين عدي بعيد راهو كبري اي حب اللي يحكي عليه. انا يوم اللي نكلم نقعدمع واحد جدي. نهاية العلاقة الارتباط مش. فرخ شلتوت يصبي في الشوكات
يلا باي توا سلام صكرت وبرمت شفته مصبي. رفعت وشاحي علي راسي
مش تنحنح. شنو هكي مصبي
مهند:: انتي اللي عارفه جدك في الصالون الخارجي ويجوه ناس حبكت مصبيه هكي.
رتاج:: مدخلكش وجيت بنخش
مهند:: كلمي امل ولا رحمه معلش
رتاج؛: نادي بروحك وخشيت
مهند:: صبيت جنب الباب نبي نقولك ماشاءالله عليك خليك علي مبدأ امتاعك انا شاب واللي يرميلك رقم. مش حب ولا احترام هذا مفش خير ورامي لمية غيرك واللي يبيك يجري وراك
رتاج::قعدت مصبيه نبحت فيه مصدومه
مهند::متخفيش مش انا اللي نحكي
~<~<><<
حليمه؛ روحت معصبه شفت رحمه. زدت عصبت. كنك مكحله عيونك. ورايقه
رحمه:: بحتت فيها انا تحكي معايا
حليمه:اه انتي. عليش. لابسه ومتعطره. لمن هل الحركات.رفيقك ومات. عليش هل التبرج
كوثر: حليمه عاد خلاص. انهي
رشا:: كنك ياماما بسم الله خاشه معصبه شن دارت البنت
رحمه:: خليها هي تكره تشوفني نضحك ولانغي. في جو. فاهمه مفهوم الارمله لازم تطلق الحزن علي وجها. تبيش تفهم ان حتي الوحده مش شرط للراجل تعطر وتغير شكلها حتي النفسيه لها دور ليش نكره في روحي عشان راجلي مات يعني نكرس ونصكر علي روحي صندوق وراه
حليمه::لا البسي واعرضي روحك وخلي الناس تبحت وتجي تخطب مش هكي تبي
رحمه:: تخطب من حرام عليك توا ليش تبيش تقتنعي. اني مستحيل نفكر. نجوز غيره. دبلته مزالت في يدي. شووووفي. انا متجوزه وولدك عايش معايا. كل يوم يجي يتطمن علياوعلي عياله. هوا نفسه قالي انا واثق من حبك ليا متعدليش علي حد. افهمي ورحمة عبدو اعتقيني حسي بيا خليك معايا خلينا نربو العيال في جو هادي. حرام عليك تعبت من الشك والاهانات راني كبيره مش صغيره وبنت. ناس وعيب كلامك كل يومين قدام امي واختي. لا تحترمي فيا ولا فيهن. وهن مسكينات كل يوم يرعشن وتضايقن من المشاكل.
ريهام؛: خلاص حومه اهدي وتعالي اركبي فوق.
حليمه:: الحاج عنده حد
ريما:: حطني مهند وخش عنده بس مش عارفه. قاعد ولالا
حليمه: اوكي. توا نمشيله.
كوثر:. رد بالك تحكيله وبطلي هبال
حليمه:: انتي اطلعي منها
~<~>
رحمه: مش كنتن عند الجيران. تهدرزن كنها خشت شايطه
كوثر::اهدي يارحمه. المرا. انجنت والله يعينها موقف شين توا انحطت فيه
رشا:: شن صاير احكي.
كوثر: جتني مرت الحاج فوزي صاحب بوكن. وطلبت رحمه لولدها. مطلق ومايضنش وقالت. حنون ويقعد بات العيال وكلام هكي الكلام جا في وذن حليمه وشاطت في هذك اللمه. وخلت منظرنا فضيحه وانا نهدي فيها
نطن الصبايا قالن انتي انانيه. شن دخلك في البنت. صغيره ولو جا نصيب القرار يرجعلها بس انتي. ملكش تحكي بلسانها
خلاص هي لمت دبشها وطلعت تجري وجيت نجري وراها وخشت شافت جوك. رايك ولابسه. حطت غلها فيك
رشا:: يناعليا. ياماما. عليك فضيحه.
ريهام:: رحمه هوا ممكن انك مثلا
رحمه:: اها نتجوز ليش لا. وهوا مسكين معنداش ويعوض عيالي علي بوهم. وعلي الاقل. نتريح. من نظرة الناس وامكن اللي تخنق
رشا:: تحكي من جدك. اديرها. وتعاشري راجل غير. خويا
ريهام:: ناخدهم منك انا العيال. ولا تحلمي تطلعي بيهم. يعيشو مع راجل ام
ريما:: لا رحمه رد بالك اديريها اعرفي وقتها انك لا بنت خالتي ولا نبي رفقتك
زينب:: ويستاهل خويا تخونيه يارحمه
رحاب:: تبصري صح مستحيل اديريها بطلي هبال. وطياش.
دنيا:: شي يرجعلك وانتي عارفه مصلحة نفسك وصغارك حرام ماهو حرام ولا خيانه. بس نحسك تبصري صح
اماني:: بيكون وقتها خبر صعب عليا. وبنحس بالقهره علي خويا وعياله. بس في النهايه انتي صغيره وادري بحياتك ومحد بيكون احن علي عيالك منك. حرام. يبعدوهم عليك لو قررتي ربي يوفقك
رحمه: هزيت. وابتسمت ابتسامه هزوه. سسبحان الله. ردات فعل سريعه وطلعت اللي في القلب
انانيه لابعد حد وخده تقطع علاقتها والثانيه تخونيه والاخره تاخد العيال وتحرمني منهن نفس تفكير. عامة الشعب.
تفكير سطحي اناني
اول شي ولو. نموت من الجوع ما نفكر انديرها. ولا نخشش راجل غريب عليا وعلي عيالي
بس حبيت نشوف ردات الفعل وشكرا دنيا ومني. نظرتكن ماشاءالله حتي لو مش حاباتها بس حطيت الاختيار ليا. لاني صاحبت القضيه
وعلي العموم لو اخت لكن. راهو. قلتن لا شوفي حياتك وظل راجل وليش لا وكلام من هذا. بس مرت الاخ تختلف النظره
رشا: لا مش هكي مو
رحمه:: ههههه عادي يارشرش مشيها بالجو. انا نركب خيرلي خير مانحصل فشت غل ثانيه
~>~>~>
حليمه:: سمعت ياحاج عيونهم عليها وباديه تميل لفرج صاحب المرحوم. تحكي. معاه وتتلاقا هك انا حاسه
وهي صغيره. سنه سنتين ثلاثه تقعد بعدها الله العالم شن يصير ولا شن يتغير تفكيرها ولا تنسي وتبدا تبي تعيش حياتها
حاج:ششششن تبي تتتوصلي
حليمه::جوزها لمحمد العيال يحبوه وهي متفاهمه معاه خلينا. نربطوها عندنا ومنها هوا يربي عيال. خوه. البنت صغيره صعب عليها تربيهم بروحها
حاج:: ومحممممد يرضا
حليمه::محمد بعد اللي صار زمان معد يرفضلك كلمه خصوصا توا يبيش زعلك
كوثر:: كنه محمد ويرفض شنو
حليمه:: الحاج. يبي يجوز محمد لرحمه. او يردها بالمعني الاقرب
كوثر: انجيتي انتي بالصح
نهارك تبي تجوزيه مرت خوه.
حليمه::ما ولدي تجوز طليقت خوه وتحمل غلطه وعاش ايام صعبه كلها. بهدله. ومرمده مع وحده. معاقه.
توا هوا يود جميل خوه ويشيل عياله.
كوثز:تسمع فيها شن. تقول. رد بالك اديرها هكي اكبر غلط.
حاج:: كلمي محمد
كوثر::علي رد بالك تخلبط الدنيا. رحمه مستحيل توافق هكي بتهججو البنت
حليمه:: توا نكلمه لك. وانتي اطلعي منها
~<~<~
محمد:: نعم باباتي قالو. تبيني
حاج:قعمز. واسمعني كويس
محمد: نعم. خير
الحاج: تجوز رحمه
محمد:: باتي. شن تحكي انت رد بالك. تفكر هكي عقليه هذي وراسك ياحاج فكنا منها
حاج:: يامحمد تربي عياله
محمد:: وعمري ماراح نقصر. بس خلينا هك ياحاج. انا منقدرش نفكر مجرد التفكير في رحمه. ياباتي تتخيل اني نفكر في ريهام ولا ريما. تي رحمه نفسهن. بنفس المعزه والنظره
حاج:: في الشرع مفش خوت
محمد: بس في الدنيا في خوت. في عشرة. تعودنا عليها في خوووو كان بيني وبينه عداوة علي نفس المرا. تبيني. نعاود الشريط ياباتي تبيني نعيش في صراع وتأنيب الضمير.
حاج:: باهي يامحمد والحل. خليمه قالت البنت مايله لفرج. وباديه تطلع وتخش والناس تشوف فيها واليوم. خطبوها من كوثر. هل تقدر تصبر وتقعد علي ذكره خوك. ولا يجي يوم وتحب تعيش حياتها ووقتها حقها. منقدرش نمنعها
محمد:: تطمن وانا نبصم بالعشره. مستحيل رحمه تفكر في غيره. حليمه. الوسواس راح يقتلها. تعيش مع البنت. بسلام ليش هل الحرب اللي شنتها
حاج:: ااه. يصير خير. يصير خير
~<~>|~
وائل:: شنو. وليد. مجعتش
وليد:: جعت بس نراجو. السنيوره روعه شن طابختلنا
حاج عمر:: هيا ياروعه متنا جوع.
روعه:: تيرررراررررم بكبوكي. يمممم
وائل :: واهم شي حاره باش تقعد يممم
روعه: تعجبك غير سمي
وائل:: اممم طعمتها ماره عليا.
وليد: عنجد ماره عليا مكرونه كل يوم ناكلو فيها
وائل ::لالا طعم. خاص. مار عليا
روعه:خديتها من بنت طرابلسيه. في قروب.
حاج؛ عمر. ممكن اشاره ياوائل وانت اميز طعم عند حد من زمان امك او زوجتك
وليد:: صح ممكن.
حاج عمر؛: كيف. حال عم سلاف.
روعه:: كويس يابابا. وضعه متحسن قالو
حاج:: قوليلها تمر عليا تعطيني نكلمه
وليد:: صاحبك ياباتي الحاج علي
عمر: زمان كنا اصحاب وجيران عيال منطقه وحده.
وليد: مسكين كان شفته. في عزاء خوه. يشرد واجد وعياله قالو من وفاة ولده وهوا مش كيف زمان متغير
عمر: كم عنده عيل هوا
وليد:: اممم عبدالرحمن توفي
وعنده احميده اللي يجي ايطاليا ومراد واشرف كبيرهم
وائل؛: باهي عنده عيال غير اللي توفي. الحمدالله.
عمر: حتي ولو ياوائل موتت الشاب الصغير. تقهر ولا مات موته شينه هنا في روما
وائل::مات هنا
عمر:: اها. كان شايل مبلغ كبير بيوصله لواحد امانه ليلة راس السنه السواق قال هجمو عليه عصابه وسرقو المبلغ ووحرقو السياره بولد الحاج علي
لقوه رماد مسكين
وائل:: كيف حرقو ولد الراجل وسيبو السواق كيف تجي هذي
روعه::صح يابابا كيف تخش الراس خصوصا قالت سلاف انه السواق اصابته في الرجل. يعني مش مكان مقتله
وائل:: بالزبط. هذا اللي نقصده يعني السواق نفسه سراق. ممكن.
وليد::عليك تحليل ياوائل. را تطلع اصلك شرطي وبحث جنائي بس هههههه
وائل ؛: زعمك
روعه: حي علينا را تطلع دازينك مخابرات ليبيه.
وائل::زعمك
حاج: ههههههه ينابشو. فيك وانت تصدق
وليد::زعمك. ههههههه
وائل:: كيف حالك خالتي عائشه
عائشة :: بخير ياوائل. هل قرأت. الكتاب الذي اعطيتك اياه
وائل::نعم. جميل ومفيد احببت. قصة سيدنا. يوسف. وكم تمنيت ان يرحمني الله وان. ارا اهلي
عائشه: انا اعطيتك. اياه حتي تقرأ رحمة الله علي سيدنا يوسف. وحتي لا تفقد الامل من معرفة اهلك
وائل:: من كثر اعجابي بالقصه تمنيت ان يكون اسمي يوسف.
عائشه::مثلي من حبي لام المؤمينين عائشه. احببت اطلق الاسم علي نفسي. واتمني من الله ان. اقابلها في الجنه
وائل:: اللهم امين.
روعه:: وائل. نطلب منك طلب
وائل:: خير. تجمعات اعفيني
روعه::وراس وائل بكرا عيدميلاد. بنت صاحبتي ونبي نشريلها هديه حلوه. تكون وماعنديش وقت. لان شغل من الصبح دوبك نكمل ونطلع علي الحفله
وائل::والمطلوب
روعه:: تمشي تجيبلي هدية لطلفه عمرها سنه
وائل:: فوتيني انا شوفي وليد
وليد::انا طالع بدري. انسي تبحتي فيا هك
روعه: وائل ارررررجووووك. بابا احكي معاه
عمر:: ههههه خلاص حصلت في صداع روعه. عدي وريح راسك
وائل:: باهي وين نمشي منعرفش
روعه:: عدي ل
~<~<>
امل:: كنت في المكتب نشتغل في كرتونات ونرسم فيهن وحاطه بصوت واطي اغنية.
* الحب ابتدى ابتدى ابتدى�لقلبك ندى ندى ندى�تبقالي حبيبي و من قلبي قريب �و يعدي العمر وتبقى نصيب�و رح نفضل كدى و لاخر مدى �يا حبيبي خلاص حبينا خلاص �و نبدا نعيش اجمل احساس�ما احلى الهوى وانا البي معاك�و ليالي الشوق و انا بستناك�نسهر ماننام و نعيش في غرام�و الحب مابينا احلى كلام�ونطير في الفضاء من غير جناحين�يجمعنا الحب في احلى ساعات
فراس:: المكتب كان مردود دقيت مسمعتش خشيت قعدت نبحت فيها تشتغل. وصوت وووواطي. اغنيه. قربت من المكتب وخديت الموبايل
امل:: ييي فراس فجعتني. حرام عليك
فراس:: طفيت الاغنيه. ومديته لها.
حاولي تفوتيهن
امل:: عارف اني منسمعش واجد بس هك احيانا نسمع ومش اي اغنيه يعني
فراس:: باهي.في قهوه زايده
امل:: معايا. مق حراري امتاعي تشرب عادي جرتي
فراس::مدي. ههههههه
بس سمح عجبني من وين شاريتيه.
امل:: امتاع رحمه.
فراس:: هلت يعني
امل:بالزبط شن. صار. جا امتاع الستائر امس
فراس: اها وشوفي صورتهن لك جن حلوات
امل:: حلوات. بكل. شفت ذوقي. قبل تبي اديرهن حمر. قتلك البيج اجمل
فراس : يلا. امسكيها عليا. باهي ديار النوم. طلعتي اخترتي
امل: قبل بنطلع انا ورحمه بس عمتها قصه تركز علي الطلوع تحشمت نقوللها
فراس:: شوفي احمد بس انهي خلاص نبي نكمل الدار.
امل: اليوم نقوله
فراس:: انا قلت لامي الشهر الجاي نقرو الفاتحه طالما مش دايرين انتم حفله
امل::وانتم قالت رشا دايرين
فراس:: الحاجه مصره ادير. ياخدوك.عندهم ونجي انا. قدام القاعه تطلعي
امل:: بس نخاف محد يمشي من هلي
فراس::الحزن فوق ثلاث ايام حرام.
امل:: وان شاءالله شنو الحفل بدون اغاني ههههه
فراس: ههههه لافرقه بس قالن خواتي بدون موسيقي والالات. علي الطبله بس. والصوت ميطلعش خارج القاعه وهكي كويس
امل:اها فيهن جو. الفرق هذين زي زمان
فراس: ناقصك حاجه نزيدك فلوس
امل:: لا حبيبي شكرا. طلعت مني انصدمت في روحي وقدت نفنص ووووجي انحمر.
فراس :: ابتسمت و هزيت راسي. طبسته
امل؛:اااا معلش طلعت هكي. مش قصدي
فراس:: المشاعر حقنا نعيشوهن ونعبرو بيهن والشعور صدقيني مشترك بس اصبري. هل الشهر. نبيش نخش في شي مكروه
امل::اسفه
فراس:: ههههه
باهي كم علبه لعند توا جهزتي
امل::50 والليل نسهرعلي الباقي
فراس:: اوكي. يلا انا. بنروح صلاة الظهر
امل: حتي انا خلاص راسي بنروح. طالعه وراك
فراس::هيا نوصلك علي طريقي
امل::فنصت عيوني نركب معاك
فراس::ههههه ونديرها انا اصلا
لا انا ماشي علي كرعيا للمسجد وهوا ورا حوشكم طريقي يعني
امل:: باه هي. طبعا العيون عليك شيخ. فري
فراس: هههههههه. وقت علي الصلاة هيا
مسكت الكيس منها. وهي لبست شنطتها وطلعنا
امل:: شفت العيون.
فراس:: مركزتش.
روحت بيها يلا سلمي علي عمي علي
امل::تقبل الله مقدما.
فراس:: منا ومنك صالح الاعمال. خشي خلاص
~<|<~>
رحمه: كنك مروحه توا
امل:: روح بيا ختيبي الشيخ فراس
رحمه:: اها ختيبك قلتي. بلاش كذب ترا
امل::نحكي جد علي كرعينا. والاول مره لوحدينا حاجه غريبه حاجه غريبه
رحمه: باهي شادية. شكله شيخ. رومانسي.
امل::اسكتي مش طلعت مني كلمة حبيبي. وهوا وجه انحمر
رحمه:يانهار احمر هههههه وشن رد عليم
امل؛ قالي اصبري هل الشهر. هههههههههه
رحمه::وووه يافضيحتك. يامرعوشه. مستعجله ههههه
امل:: طلعت هك. لان بجد حبيبي. وعيوني وغلايا
رحمه: شفتي. هذا هوا الحب مش زياد مجرد وهم.
امل: خايفه سلاف تحشم فيا وماتكملش فرحتي
رحمه: نصيب. وهي شكلها معش ناويه ترد.
امل::احكي مع هاجر خليها. تكلمها وتتاسف منها حرام.
رحمه:: حكيت مع لميس وزياد هوا اللي معش يبي سيرتها قالت
~>~>~~
هاجر;:كنت في شقتي نسمع في حد ينادي ياهاجر.
طلعت مع الدروج نعم
ام حسين: وتي روحك حبيبتي احسونه رن قال نمشو نتغدو فيدالمزرعهز
هاجر: مقاليش الصبح
امه:: لا توا رن عليا قالي وقال قولي لهاجر
هاجر: خنقتني العبره ورديت عليها
اها لا ياعميمه عدو انتم انا توا يجي زياد. ياخدني بنمشي حوش هلي
امه: ضروري يعني خليها بكرا
هاجر: لا عندهم صبايا بنهدرز ونساعدهم
امه: علي راحتك يابنتي
~<~>
هاجر::خشيت للشقه معصبه.كيف يستكردني ويرن علي امه. تقولي.
قعدت معصبه وفشيت غلي في الشقه. نضفت المطبخ والحمام بمواد التنظيف قعدت. ندهك. فيهن. كملت. خشيت. ندوش وقعدت نبكي. حياة ممله ودره كبد
حسين:: روحت خشيت حوش هلي. واتيين
امه::اها. بس هاجر مش ماشيه. قالت ماشيه لهلها
حسين: لا توا تعدي. شنو هلها امس كانت عندهم
ركبت من الدروج بنت تخنق خشيت لقيتها تدوش.
قربت من الحمام. هاجر بنت شنوهذي
مبتش ترد.
فتحت الباب هاجر. ندوي ماتسمعيش
هاحر:: نسمع. كنك
حسين: بنت شنو
هاجر : شنو يعني معطر تشم فيه واضح مواد تنظيف
حسين: باهي كنك تحكي هكي
هاجر: سحبت منشفي. ولفيته عليا وطلعت من جنبه للدار
حسين:: اووووف. جيت وراها. كنك عليش قالبه وجك
هاجر:: اطلع خليني نلبس وقت زياد توا يجيني
حسين: كيف يجيك من غير علمي
وعليش مش ماشيه معانا.
هاجر؛: قلت لعميمه يكفي صح
حسين:: تي كنك تحكي هكي هيي مسكتها مع حنكها.
وجك هذا متقلبيش عليا
هاجر:: قعدت نبحت فيه دموع ينزلن وساكته نبحت فيه
حسين:: عنك مامشيتي. بس حوش هلك مفش مشي باهي قعمزي هن منكش متحركه
هاجر: نزل وسيبني. وسمعتهم. طلعو.
انهرت وقعدت نبكي. فكرت نرن علي هلي ونطلع ونكبرها ونحطله حد
خفت تكبر في راسه. ويطلقني ونقعزو في الحوش. اثنين مطلقات
قعدت مكاني رن تلفوني لميس. رديت عليها واضح صوتي. نبكي
لميس::بطلي كذب وقولي كنك
هاجر:: تعبانه مقهوره. حاسه روحي في دوامه لها اول ملهش اخر.
لميس: مفهمتش منك شي توا نجيك راجلك وين
هاجر عدا المزرعه مع هله
لميس: توا نجيك.
><~~
زياذ:كنها
لميس::وصلني صوتها مش طبيعي اصلا ليا فتره حاسه بيها. مش طبيعيه
زياد: معقوله. راه تقعد مش متريحه ولا يضرب فيها
لميس:: توا نقول لنورا. وشيلنا. باهي
زياد::مع اني مفروض نشمت فيها بس. اختي منتمنالهاش الا الخير. هيا نوصلك وافهمي منها
~<~>>
نورا: قعدت ساكته ونسمع سبحان الله. وانا هذا وضعي معاهن. الكلمه لهن والشوره شورتهن
لميس:: نورا. شن رايك
نورا:: نحس فيها تحكي عليا اختلاف الاشخاص والمواقف.
هاجر::نعم كيف هذي
نورا:: هذا وضعي في حوشكم. حتي صالون منقدر انغيره. كل شي راي البنات يمشي. انا مليش اهميه. مجرد. خدامه في الحوش صح ولالا
لميس:: انتي شايله. واجد شكلك
نورا: لا عادي تعودت. بس شفت هاجر كيف مش متحمله. وشفتك انتي كيف وجعاتك في اختك حبيت نوضح انه امر عادي مفروض يكون
هاجر:: لا مش عادي وحقك تعيشي خصوصيتك وراجل. يديرلك قيمه اسفه لو يوم. قهرتك يانورا. فعلاربك. يمهل ولا يهمل. والدنيا دواره
نورا:: لا حبيبتي صدقيني مش شماته. انتن بنياتي ومعزتكن. كانكن بناتي اللي مجن كن بطني
هاجر: نورا. شن اندير حركته اليوم كيف مدت اليد
نورا::لانك غلطانه. مفروض مسكتي اعصابك ياهاجر ومشيتي. معاهم وبعد روحتي وتمدد بيتريح. عاتبتيه بينك وبينه. في جو. هادي
بس انتي مروح من العمل لقاك تشكمتي وقالبه وجك عليه
راجل عصب عادي. ماتخديش عليها
لميس:: حتي انا نقولك. متستعجليش متخربيش حوشك كيفي تهورت وبدون نفكر. طلعت وسيبته. وخسرت كل حاجه
هاجر:: شن اندير باهي توا
نورا:: يروح يلقاك. لابسه. وزعلانه فوتيه. وتيله. دبشه وانسحبي لفراشك ارقدي. توا يجيك يتأسف صدقيني
لميس:حي حي هكي اديري لبابا. طح سعدك
نورا: عهههههه. بطلي. سخافه.
>>~<><>
سلاف: منزل صورة سمحه عجبتني ومنحسابش انه التقاط الشاشه. تطلع عنده. قعدتزناخد في صور نلقط فيهن
خش عليا شات.
من حضرتك اللي تلقطي. في صوري
سلاف:: ارتبكت. ورديت عليه مخديتش شي انا
زياذ:: باهي من حضرتك
سلاف: منقدرش نقول اسمي
زياد : باهي يامجهوله من وين انتي
سلاف:: بنغازي
زياد: وين نعرفك انا عشان اتابعيني
سلاف:: شفتك عند صديقة.
زياذ:: اها قلتيلي صديقةً
باهي نستأذن نعدي نهدرز مع خطيبتي اسف اصلي. مخلص لها ومواعدها نحكيش مع حد
سلاف::جتني رساله مسنجر
زياذ:: مزلتي قاعده. مش قتلك احذفيني معلش اصله خطيبتي تبيش بنات في صفحتك
سلاف: ياذوق. علي الاقل عزي.
زياد: عظم الله اجرك
سلاف::اجرنا واجرك علي الله
وتوا. حاضر راخ نحدفك
زياذ:: مرايف عليك
سلاف:: عيب عليك خطيبتك
زياد : سمعت فسختي
سلاف:: مفش نصيب
وانت. كيف تعرفت علي خطيبتك
زياذ::صدفة
سلاف: تحبها
زياذ: نعشقها
سلاف: وهي
زيا:باعتقادي تموت فيا
سلاف: تصبح علي خير
زياذ:: انا مش خاطب هذا ايميل ثاني عندي
فراشتي خلاص تكبر. وعارفك مرايفه عليا
سلاف: انا انجرحت وانهنت
زياد:: اسف وحقك عليا بس حتي انتي عرفتي كيف تجرحيني
>~<~~
رحمه:: رنيت علي اخت فرج وقتلها بنشوفك ضروري
طلعت ومشت معايا امل تقتبلنا معاها في. كافي
رحمه::. اهلا. سمر
سمر:اهلين لك وحشه
رحمه:: شكرا سمر. نبيك توصلي. لخوك كلامي
يسيبني. في حالي. معش يمشي ورايا والكلام اللي قاله لحسين مرررررفوض قوليله. وعيب عليك. هكي. تكافي صاحبك تبخت في. هله
سمر: يحبك وبيموت عليك يارحمه خويا مجنون بيك يهلوس بيك
رحمه::خوك مجنون مريض نفسي هوا.لو عايش في وهم اني نوافق عليه. يقعد يحلم. انا نحب المرحوم وراح نقعد علي ذكراه طول العمر. ولا خوك او غيره يخش حياتي. بعده
سمر:: رحمه خلينا واقعيين. راجلك مات. وانتي عايشه مع عمتك اللي مقيدتك ومتحكمين فيك. وعيالك يبو يكبرو يبو راجل يراقبهم. يبو يحسو بكلمه بابا يبو يسافرو ويعيشو حياتهم عندك عيل معاق كل مايكبر كلما. يزيد يتعبك يبي من يشاركك. مسؤوليته.
رحمه:: وهذا كله في خوك. سمر انا نبيش نزعلك ونخسرك بس انتي. طلعتي تساعدي فيه وتشجعي فيه
لازم تفهمي قبله اني مستحيل. نفكر في الارتباط وخوك شوفيله مرا. غيري
مع السلامه توا وقت. عليا
~<~>
امل:: بلكي صح يحبك
رحمه:: يحب حاجة غيره حسدي وحقير. جلدي يرعش ممر سيرته غيريها ياامل.
امل:: باهي. تكي بيا ناخد مق لفراس
رحمه:: ربي يسعدك
~<~<~
اسامه:: خشيت للشقه. نسمع. في موسيقي. والشقه مقلوبه اغاني. ك
خشيت للدار كانت لابسه كت اصفر واسترتش اسود وكويش. وترقص في رقص غريب
وأديني سيبته وشوفت اهو محصلش حاجة�والوضع فعلا مختلفش في أي حاجة�باكل واضحك بشتغل واعمل كل حاجة�لأ لأ مش زعلانة وكئيبة
مش ماسكة صورته وبتقهر زي العبيطة�ولا ماشية وبخبط دماغي في كل حيطة�مبردش عاللي يقولي كلمة جت بسيطة�بعدك مش متصنف مصيبة
بالعكس حتى انا حاسة مرتاحة وسعيدة�مطلعش انها حاجة وحشة اعيش وحيدة�هبدأ حياتي بصفحة فاضية ولسه بيضا�وبشنطة شخصيات جديدة
رشا: بم بم براما بم بم براما. وبشنطة شخصيات جديده
اسامه:خشيت جنبها معدلتش عليا مسكت يدي. وقعدت مكمله حركات
اسامه: شنو. هذا رقص اجنبي هههههه
رشا؛:زووووومبا. يافالح.
اسامه:: شنو تطلع هذي
رشا؛؛ اسامه اطلع خليني مزالي ربع ساعه.
اسامه:: رياضه يعني
رشا:: زي هك.
اسامه:: مسكتها مع وسطها. نقصي هذين شحم. مترسب
رشا:. برمت بختت فيه وطفيت الاغنيه
تتهزا صح عدي اطلع شن جابك قبل موعدك
اسامه::قلت نلحق درس الرقص ههههه بس سمحه الاغنيه لحنها سمح
رشا: اطلع. عدي عند امك
اسامه:: ولدي وين.
رشا:: ولدك. عندك امك. امشي
اسامه؛:ناعليا انا من كلابيزو.
رشا:: قالها. المعصعص. تقول جاي من الصومال
عدي. عدي. اشقا بحالك منظرك تقول شايب. بيطيح.
اسامه::ريتي من ينابش. بعدها نبدا فيك تزعلي
رشا::انت اللي بديت تنابش.
اسامه:: باهي شن الغداء
رشا:: شرموله
اسامه:: عنجد شرموله كنك
رشا: توا انطيب. في العشاء مره وحده امك صايمه وانا عنديش نيه وانت. كول شرموله
اسامه:: نعدي نكمل. شقتي ونجيب مرا ثانيه وخلاص
رشا:: ديرها. عشان. نعصد بيك البازين. بعدك عظام ويصلحن للمرس
اسامه: هههههههه. عنجد وجك. ردك واتي. ديما
رشا:: نعدي ندوش خيرلي. خربت عليا السبور تبعي
اسامه::ناعليا ياسبور طالع. كمليها.
وأديني سيبته وشوفت اهو محصلش حاجة.
رشا: باكل واضحك بشتغل واعمل كل حاجة�لأ لأ مش زعلانة وكئيبة
اسامه:: عدي ياحاله راهو تجيك توا طرييييحاااا
رشا:: عدي عدي شكلك جاي رايق بتتحنط عليا
اسامه:: تضحكي فيك جو
رشا:: مستر بن قدامك علي اساس امشي لماما سلم ولدها. نقي الرز امعاها
اسامه:: تعالي هنا نهارك وين بتهربي
رشا:: هههههه خلاص اسفه غير وراس اسومي. وكل بكوري موزته
اسامه: ناس متجيش غير بالعين الحمره
~<~<|>
ريهام::نضت الصبح علي بنت شياط بحتت جلال مش جنبي. والدار مصكره عليا صبيت.
طلعت. الصاله بخار. وبنه حريقه
خشيت للمطبخ
جلال:: شن نوضك توا مزلت ماكملت المفاجأه
ريهام: مفاجأة شنو في وسط هل الحرائق والشياط
جلال:: قربت منها صباح الورد ياسمحه.
ريهام: صباخ الورد. شن ادير. ييي جلال كنه طاجين هكي. لونه خربته
جلال:: نضت. ناشط. قلت نديرلك مفاجأه فطور مقوم
بس لبزت الدنيا
حطيت البريوش نسخن فيه نسيته انحرق
ودرت. بان كيك. لصق مني. وشاط.
سخنت الحليب فار ولبز الغاز. جيت بنمسحه. ليست المطبخ
ريهام:: ههههه. يلا. النيه واصله اطلع توا نكمل.
جلال:: لا كملت. نظفي المطبخ. انتي بس بعدها نحطو نفطرو
ريهام: لاه وين الدلع علي هكي. فتحت الروشن
انا نمسح المطبخ وانت اغسل المواعين عليش مطلع هذا كله بس
~>~<~
جلال: خلاص غسلت شوفيهن
ريهام::شطور كويسات
خلاص حتي انا كملت. بس شكله فطور سمح
جلال:: قبل تخطيطي. ندير فطور ونجيبه لك للفراش. ونولع فيروز.
ريهام: مزلنا فيها خلاص انا ماشيه لفراشي. كملت تخطيطك هههههه
جلال: اوكي. عدي
وتيت السفرة وولعت فيروز نسم علينا الهوي
خشيت. حطيتها. ودايره روحها راقده
خشيت جنبها صباح الخير علي ساكن القلب والروح
صباح. الحب كله للي وسط قلبي محله
صباح الدلع حبيبي.
ريهام:: رفعت يديا تكسلت. صباح الخير حبيبي. امووواه
جلال:: الفطور. لاحلي فنوشه في الدنيا.
ريهام:: ييي حبيبي مفاجأه حلوه وفيروز اخري
احلي صباح
جلال::هههههههه خلاص تمثيل عاد
ريهام:: بجد شكرا حبيبي.
جلال:: راضيه عليا
ريهام::ديما راضيه انا. ننزلو نتغدو تحت اليوم
جلال:: يحكو اي حاجه هومي ياجبل مايهزك ريح.يخش من الوذن هذي ويطلع من الثانيه اوكي
ريهام:: نحاول
جلال: يي وقت علي الصلاة اغسلي المواعين هههههه
ريهام:: نديره انا وخلاص الفطور. هههههه
><~<~
نزلت. ولبست قستان طويل واسع عشان يسكتو
ام جلال:: كنك ماحكيتي انكم جربتو. ومصرش حمل
ريهام:: جلال محبش يحكي.
امه:: وانتي شن عندك. ليش معش جربتو اخري
ريهام: ان شاءالله نجربو قريب اخري.
امه:: يابنتي. لو. مفش امل من الحمل. متخليش الانانيه تغلبك وخلي راجلك يفرح بعيل.
ريهام:: شن تحكي انتي. حرام عليك كلامك. واعر.
ووووووواعررر حرررررام عليك
امه:: لو صح تعزيه يبقي. تخليه يتجوز ويجيب عيال. وانتي مكانتك قاعده زي ماهي.
تعيشن في الحوش الجديد وكل وحده. جناح وياخدها باختيارك. خير مايجي. يوم ويمل ويجبلك وحده. فرض عليك
ريهام:: اسكتي حرام عليك شن ذنبي انا عشان منجيبش. تجي عليا ضرة
امه:
اهي. امك باتك عشان العيال تجوز عليها وبرضاها واهي هي ومرت بوك صاحبات. احسبيها كويس وشوري امك توا تقولك كلام عمتك صحيح
><><><><
حسين:: مش فاهم كنها قالبه وجها. عصبت عليها. ومشيت حاولت نبين روحي. طبيعي. روحت. علي صلاة العشاء. الحوش مظلم والدروج مظلمات
ركبت الشقه ظلام. خشيت للدار. شفتها واعيه ومتكيه مجتنيش نيه نحكي معاها. مشيت للخمام دوشت. طلعت.
لبست. ومشيت قعمزت في الصاله.
رقدت من التعب
هاجر: كرهته بكككل بعد الحركه اللي دارها يرقد ويسيبني.
صبيت. طلعت لقيته راقد. مهنش عليا جبت غطاء وحطيته. عليه. خشيت للخمام. لقيت دم ينزل مني. شكله جتني.
بس الالم كان اقوي. زادت عليا الليه. قعدت نمشي في الدار ونتعصر.
حسين: نضت الفجر بنخش الحمام حسيت صوت بكاء. قربت من الدار شفتها قاعده علي الارض وتبكي. خشيت
هاجر كنك شن تحسي
هاجر: حول خليني في حالي وعدي كمل نوم
حسين:: غير كنك وجك اصفر بكل. شن تحسي
هاجر:: ليه تقطع فيا تعبانه ونزيف. ينزل مني
حسين:: مريضه منxيعني
هاجر: بس. غريبه مش لدرجة
حسين:: صبي بس تعالي تمددي علي فراش توا نديرلك كمون.
صبيتها ورقدتها. درتلها كمون وجبته. دفيته. لك امسكي
هاجر: خديته منه. وشربته
حسين::لو قعدتي للصبح تعبانه نمشو الدكتوره
هاجر: قربت منه ورقدت علي صدره. ليش درت هكي
حسين: ليش انتي حكيتي معايا هك
هاجر :: لانك. مستكردني ومش معبرني. انا مراتك مفروض ترن عليا مش امك.
حسين:: ان شاءالله من هذي متحسسه نقانك هبله
هاجر:: لا مش هبله انا تعبت انت شوف تصرفاتك
ركز مع روحك. انا مش عارفه نحكي ولو نحكي راح تقول عليا نكديه
حسين: باهي ياستي اسف. ونكلمك انتي مره ثانيه تمام شن تبي عشان ترضي
هاجر: انحبك وانت عمرك ما. حسيتني اني مهمه عندك
حسين:كيف ياهبله. مراتي انتي. ومهمه عندي
هاجر: مش حاسه
حسين: اليوم تمنيتك معايا وفقدت.
هاجر:: تحكي جد
حسين:: جد الجد. تي انحبك معقوله يعني بتكوني مش مهمه عندي
هاجر:: نخس في حاجه وصبيت نجري للخمام
حسين:: وراها. كنك
هاجر:: حسين نزلت مني زي طرف اللحمه. وونزيف زاد
حسين:: راه يقعد كان في حمل
هاجر. :: ززعمك
حسين:: بكرا انزلي لامي وشوفيها لو صخ رني نشيلك
>~>~>~>>>
وائل:: مشيت للمحل. وخشيت قعدت ندور. صبيت علي لعبه. نشوف فيها رفعت النطارات بالشعر من وجي
لاحظت موظفه في المحل مركزه فيا.
قربت. قالت سنيور بودي. خفت منها طلعت نجري من المحل
روعه:يعني مجبتش
وائل:: تي قعدت تبحت فيا زززززين وقالت اسم غريب دودي. ولا مش عارف من. الخوف مركزتش
روعه: اها.
وائل:: زعمك اسمي هذا وتعرفني
روعه: لا مظنش اسمك خلاص فوتها معش تمشي.
~<~<~
رحمه:: مشيت نبي كتب من المكتبه. شفت فرج جا وحاول. يصبيني ويحكي. صكرتها له وهزبته
رحمه؛: سيبني في حالي. كل شي بالغصب. الا حبني. يابني ادم
احترم صحبتك ورفقتك لعبدو كيف تبحت في مراته
فرج::زي ماخوه يبحت فيك وانتي نفس الشي. ولا حلال علي محمد وانا طروح الوفاء والعهد. اطلعيهن عليا
رحمه::انت واحد حقير ومريض سيبني في خالي لوسمحت. معش نبي نشوف وجك ولا تتعرضلي.
روحت للحوش مرضت من اللي صار
—————-
بعد حليمه قالت تبيني نزلت نشوف فيها
نصدمت بعد قالتلي
حليمه : شن يبي فيك ايجيك للجامعه
رحمه:: من اللي يجيني
حليمه::بطلي استعباط. فرج. رفيق المرحوم اللي يجيك في الجامعه.
رحمه::مايجينيش يجي لاخته
مراد::كنكم
حليمه:تعال شوف بنت خالتك ومرت خوك. تعال شوف اللي. بسرعه نساته وعاشت حياتها تعال شوف. مصدقت صكر السنه سلحت الاسود وركبت سياره عاليه
تعال شوف البنت المبهدله العبيطه المعاقه اللي نظفها وعانها وصبر. عليها
تعال شوف اللي طعنت خيك. وقاعده تتمعشق وهي في حوشه
مراذ:. هييي. عيب شن هل الكلام
كلامك
رحمه:.انا مش فاهمه شن تحكي. شن في
كنك ياماما تحكي معايا هكي
كريمه:: غيب ياحليمه كلامك. كلام كبير هذا
حليمه:: بنتك. تكلم وتطلع تفطر معاه. بنتك يجيها وتحكي معاه تحت الشجر بالساعات
بنتك تبي تجوز. ونست. عبدو. واللي داره عبدو
رحمه::كذذذذب مفش منه الكلام هذا مفش منه هذا
يجي لاخته وانا منصبيش معاه الا مرات معدوده. يجي ينادي عليا ومعاه صورعبدو او حاجات زي هكي. كلام هذا من سمستر اللي فات.
محمد:: بسم الله كنكم.
رحمه كنك تبكي من جا شورها. شن صاير
مراد:: ياامي من وين جبتي هل الكلام. عيب وحرام التبلي
حليمه: ناس شافوها وبلغوني بارك الله فيهم.
فتحو عيوني علي. اللي يصير.
محمد؛:اذا جاءكم فاسق بنبأ.
حليمه: الفاسقه مرت خوك.
كوثر : حليمممممممممه. هييي
رحمه: حسبي الله ونعم الوكيل. انا مظلومه ومفش من الكلام هذا بكككل. كيف تصدقي كلام هذا علي بنتك. كلمة ماما لما قلتها اعتبرتك بمثابة امي. كيف تسمحي للناس تحكي عليا وانتي متقبله ومصدقه في بنتك
انا صح جيت متبهدله وفقيره. بس نفسي عزيزه
انا مليت من الذل والاهانات مليت من الشك
ليش ياعبدو عديت وسيبتني للناس تنهش فيا. انا ضعت من غيرك عدا. وخلاني في الدنيا دنيا تخوف فيها ذئاب واسود انا وعيالي ملناش حد. كلكم. كيف بعضكم محد حاس بيا ولا واثقين. فيا تحسابو انا وحده سايبه. كل واحد فيكم. يهزب ويلطش فيا. لما كان قاعد. مكنش يسمح لحد. يتحكم فيا ومكنش يسمح لحد. يحاول يتهزا. عليا
صدقتي كلام. ناس فاضيه. معندهاش غير الكلام الفاضي
كريمه:: اخر شي. كنت نتوقعه. انك توصل بيك تحكي عليها هك. رحمه بنت ناس. وعيب كلامك. انا. ناخد بنتي ونطلع بيها. ولا تقعد علي اعصابها كل شويه وفي الاخر. تطلع بنت استغفر الله. في نظرك
اشرفز:: اهدي ياخالتي. . وحقك عليا سؤ فهم. وينحل. امي حليمه. ديما. قطافه وتحكي وتندم. مش قاصذه معلش
محمد:: صبيت قدام. رحمه وبرمت. عليهم
مفش منه الكلام. هذا وانتي قولي من وصلك هل الكلام. قولي. راك حاجه وحرام هل الكلام والظلم
حليمه:: ولد خويا شافهم. وجا قالي. شافهم. تخت الشجر يحكو. شافهم. يضحكو شافهم في مواضع شينه
محمد:: تي ولد خوك صايع كيفه. تلقيهم متفقين علي يوصلك الكلام. بانت الحكايه وانتي مسرع ما تصدقي. توا هذا هوا الي مصدقتيه مش حرام عليك
حليمه:: احترم نفسك يامحمد وكلام موثوق جاني
حاح:: سمعت الصوت. مشيت. بالكرسي وسمعت. الكلام بطلي مسخره وعدي دارك. بطلي هبال ومعش تحطي وذنك لهلك خشتهن وطلعتهن كثرت بعد موتت ولدك
نسيتي خوتك كيف باعوك خشي. دارك مرا. تمشي بلا عقل
~<|>
حاج: معش تصبي معاه يارحمه خلاص كان جاب حاجه انا توا نطلعله ونقوله شكرا ومعش تجي هنا
رحمه:: يابابا. انا
حاج:: خلاص يارحمه انهينا الكلام. ونحن حاسين بيك وعندنا ثقه. فيك. عمتك. موسوسه وعندها مخاوف. انك
رحمه: اني شنو. اني. نغيش حياتي بمفهومها هذا مفش كلام ولو نموت مانديرها انا معاهده نفسي نقعد طول عمري لعيالي تطمن ياعمو تطمن
حاج :: رحمه اسمعي. كلامي وقدام محمد . حليمه مش راح تحل عنك الا. اذا تجوزتي محمد
رحمه:: نننننننعم شن تحكي يابابا انت كنكم معايا. كنكم. مصرين تلعبو بيا وتمشوني زي قطعة الشطرنج
انا تعبت. ومعش عندي قدرة نتحمل. انا هكي مطره. نهرب هروب منكم. نقدر ناخد شقه انا وعيالي ونهج من هل العيشه وومحذ له عندي حاجه
محمد:: اهدي يارحمه وافهمي ولا انا ممكن اصلا نديرها انتي اختي ومرت خويا وعارف كويس ووواثق انك. مش زي مامفكرين
بس باتي قصده شي ثاني.
محمد:: ؟؟؟