مساءكم عسل صافي
#بين _الجدران
ام احمد
العشرون
راد تطلع الحرس منعوها
خلوني اطلع
ممنوع ارجعي
شلون تتجرا عل منعي
اوامر من استاذ دليار
عافتهم ودخلت جوا ظلت تروح وتجي تريد تعرف ليش مانعها من طلعه... ظلت تتصل بيه ميشيله.. بدت تفقد اعصابها.. هو جاي يستفزها يوم وره يوم صار ست اشهر مزوجته كلب حياتها گلاب.. اخر شي اتصل هو اخذت نفس وجاوبته
دليار
عيون دليار....
بلا حجي تعبان.. انت شنو غرضك من منعي من طلعه
شعندج اني اجيبه الج ادللي
هسه تخابر جلابك البرا يخلون اطلع
اسف
دليار... كافي تزيد كرهي الك
تعرفين انتِ تحبيني وتريدين المسج مرا لخ مثل ذيج مرا اشتاكيتلي
اشتاكتلك جهنم.... اريد اروح عل نسرين خانم
هسه اروح واذا غيرتي رايج دزيلي مسج
عل شنو اغير راي
عل نومه
الله يلعنك.... سدته وهيه تلعن بيه انتبهت ابنها رجع عل البيت راحت عليه
انس تعال.. اتجاهل انس حجيها وكمل مشيه
انس موجاي احجي وياك
جاوبها بالكردي امي مااجاوبج الا تحجين ويايه كردي
انس اني امك تعال خليني افهمك شي
راد يتركها بس هيه راحت وحضنته... حبيبي افهم شي اني مايهمني ان تحجي عربي او كردي الي يهمني انك ابني واني احبك مثل ماانت
امي اني هم احبج بس باوكي دليار ميقبل احجي وياج
ليش.... ظل انس ساكت
اذا كلج مراح تكولين اله
انس ليش
كلي انتِ بسببج مات ابويه..... مشت بجسمها مثل تيار وهيه تسمع هل كلام من فم ابنها
حبيبي روح ارتاح هسه.. باسته من كصته.. كامت عل حيلها.....شلون راح تصرف ويه هذا دليار هو يريد يشوه صورتها كدام ابنها... لا بل يريد يسحبه منها... هيج نوع من البشر لازم تعرف شلون تتعامل وياه بذكاء وحذر... اخذت موبايل ودزت اله شعر وانه معزوم عل العشه يمهم ضلت اليوم كله تنتظر منه جواب ماكو...دخلت للمطبخ وكالت للخدامه ترجع عل بيتها سوت اله بيتزا وحشت دجاجه وشوتها وحلو وحضرت الميز واجواء رومانسيه وحطت شموع معطره.. جهزت نفسها ولبست فستان اسود مكشوف الصدر وقصير فتحت شعرها وحطت مكياج خفيف يبرز لون عيونها وضلت تنتتظره صارت العشره سمعت صوته ويه البدي كارد اخذت نفس وحاولت ان تكون طبيعيه ورسمت عل وجهها ابتسامه مزيفه اول مدخل استقبلته... ظل متفاجاة من طلتها.. ظلت هيه مبتسمه بوجه
يمكن دخلت البيت الخطا.... ضحكتله
لا هذا بيتك... اتقدمت نحوه ولزمت ايديه....دليار اني اريد ابدي بدايه جديده وياك ممكن ان ننسى ماضي
شنو التغير هذا ممكن افهم
ماكو داعي ان نكون مزوجين واحد بيعيد عن اخر... لزمها من خصرها وباسها من كصتها
هسه بديت تحسين بيه.... ضلت متماسكه وراسمه عل وجهها نفس ابتسامة رغم ان قربه منها يثير اشمزازها......شم ركبتها وهمس بااذنها ليش احسج متشنجه واكو شي وره هل مسرحيه.... يحجي وهو يشم بركبتها وايديه تتلمس بمفاتن جسدها
دليار انت زوجي واني اول تالي اذا ضليت هيجي راح اخسر
يعني عقلتي.... وخرت منه
خلينا نتعشى اليوم اني طبخت
صدك تعرفين تطبخين
اي اتعلمت من امي الله يرحمها
جيد... اخذ ايديها وباسها...... اوووو شكل اكل يشهي مجنت اتخيل بيوم اكل من ايدج
كلما تجينا زياره راح اطبخلك
هذا من حظي ان هيجي وحده حلوه اكل من ايديها... تعرفين شكد مشتاقلج... كل يوم اذكر الي صار ابينا واتنمى يتكرر لهذا جنت اضيق عليج حتى تحسين بيه.... ضلت هيه جامده بمكانها وهيه تسمع كلماته... ضمها الصدره....... ديمه كلي اريد هو حبج... لحظات رادت تضعف كدامه وتعاتبه شلون هيجي يكول لاابنها لكنها لزمت زمام نفسها وضغطت عل حافه الكرسي
اني راح ابدي من جديد وياك... لزمها من حنجها وقبلها قبل طويله... داخله رافضه وبقوه غمضت عيونها... بدت ايديه تتلمس بيها وحست ان نفسه زاد وتاثر
دليار خلينا ناكل قبل ميبرد اكل
لا خلينا نصعد اول فوگ واروي ظمأِ
دليار اصبر شبيك بعدنا احنه جوه....
خلينا نصعد احسن وجرها من ايديها وصعدها عل غرفه... بكل خطوة جانت تحس انها رايحه للمقصله... جانت دقايق هيه ابين ايديه عاريه يتناول من ثمارها كيف يشاء ومثل مايريد هيه حاولت ان تغيب احساسها وتعيش بداخل عقلها الباطن عل انها ويه حبيبها ياسين غمضت عيونها وعاشت ويه حبيبها لدرجه انها اتفاعلت وياها وهل شي زاده حماس وبهجته.......
بذيج الليله كمل الليل كله يمها وحتى العشه عافه حستها اطول من اليالي الكضتها بسجن......
للظهر يله كعد هو اما هيه بس نام راحت عل حمام وضلت بيه تبجي وتحاول تمسح اي اثر خلفه عل جسدها.... في الصباح انتابها شعور بالخوف ماذا لو حصل حمل خافت وانرعبت بالزايد
دليار اريد اراجع طبيبه نسائيه
خيرج تشكين من شي
مجرد تشيك مو اكثر
اوكي براحتج سوي اليعجبج
اريد يوميه ازور والدي
من حقج مراح امنعج ابد
بقه شي اخير
كولي طلباتج اوامر....
جوازات سفر الي ولاابني
اصلا اني اريد اسويلكم كلت عل عطله الصيفيه نروح لتركيا
صدك
اكيد انت بعدج ماتعرفيني اني احب ادلل المرا... باسها من خدها انتِ نعمه خدا
يعني شنو
ديمه اجه وكت تتعلمين بيه تحجين كردي
ان شاء الله اتعلم
بعد ايام راحت عل دكتورة وبعد فحصوصات
دكتوره خوما اكو حمل
لا ماكو شي بس ان شاء الله اذا انطيتج منشطات راح يصير عندج
لا دكتوره ماريد اني مااريد حاليا اطفال اكتبيلي مانع
تمام ان شاء الله
رجعت عل البيت فرحان انها مو حامل اخذت ابنها لحضنها هيه متريد شي يربطها اكثر بيه هيه خطتها ان تتخلص منه بااقرب وقت ممكن
بدت ايام تمشي وظلت ديمه كل يومين تروح تزور والدها رغم ان والدها ولامرا انطاها وجه ويظل ساكت وميحجي وياها... بس هيه جانت تستانس بشوفته وتظل كاعده وياه وتسولف كل الي مرت بيه
بابا اني اريدك تقابل ابني... اني اتعلمت منك ان احارب لااجل اولادي راح احمي ابني مثل ماانت سويت ويايه... باست ايديه بابا متعرف شكد اتنمى ان ابني يشوفك ويتعرف عليك.... دار وجه ابو احمد علامه لرفضه التكلم وياها
بابا اني اضل احبك وياريت تغفرلي.. جنت مراهقه وطايشه... لو يرجع بيه الزمن جان سمعت كلامك واظل عايشه وياكم.... متعرف اني شكد شفت قسوة وضيم وفقر...صدكني ولامرا ارتاحيت ابد يمكن لانك انت وامي مراضين عليه.... وهاي اني بزواجي هم ممرتاحه يمكن كله هذا لانكم مراضين عليه
من شافت استمرار والده عل رفضها كامت منه ومسحت دموعها وباسته من راسه... قبل متطلع من غرفه گلها
امج قبل متموت حجت وجابت طاريج
صدك تحجي.... شكالت
كالت اني جنت اتمنى ازفها باايدي لزوجها.... حست غصه بلعومها وهيه تسمع هل كلمات حست داخلها ينزف وهيه حرمت روحها من حنان امها.... وامها ماتت بحسرتها عليها.....
ديمه امج ماتت وهيه تردد اسمج وتطلب من اخوتج اذا رجعتي مياذوج.... هل مرا كعدت بالكاع عل ركبها وضمت ايدها لصدرها وبدت تبجي
كافي تبجين خلي اوصيج
احجي يابه عيوني الك
من اموت اريد تدفنيني يم امج بالنجف. وهذا الرجال الي ساعدني اريد اتعرف عليه واشكره
عمرك طويل يابه... كامت وباست ايديه
امج جانت راضيه عليج وضلت تتمنى ترجعين لحضنها.. بنتي خلي اكلج شصار وراج اتمرضنا عليج وناس اكلت وجهنا اخوتج متحملوا ورجعوا عل جنوب والي يسالهم عنج يكولون ماتت.....
اخوج احمد ماتت مرته عل ولاده ومرته جابت ابنيه امج رادت تسميها عل اسمج بس مارضى
اخوج امير ازوج وصار عنده اثنين اولاد
اخوج رضى..... سكت للحظات.... القاعده قتلوه
شنو اخويه انقتل
اي طالع واجب واسروهم وهو من ضمن الي ذبحوهم
ياالله ليش هيجي.. ضلت تضرب عل رجلها ضل ابو احمد دموع تجاري عل خده... گامت ومسحت دموعه
يابه لاتبجي مو زين عليك
اتمنى اموت يابنتي وارتاح
لا يابه لاتكول هيجي فدوه
بنتي لاتنسين وصيتي الج
لا ماانساها
طلعت من يمه وهيه منهاره منا امها ومنا اخوها وهذا ابوها كدامها يتالم ويتحسر عل امها واخوها....
***********
كان يوما عاديا وتقليديا نهضت من ساعه السادسه صباحا اخذت حمام وراحت عل مطبخ استغربت ان امها ممسويه بعدها الجاي حطت هيه القوري وراحت تكمل تبديل.. استغربت اكثر من شافت ضوه مال غرفة امها مسدود دكت الباب ماكو اي رد فتحته واهنا شافت امها عل سجادتها بوضع السجود صاحت عل امها
يمه يمه... ماكو جواب... اتقربت عل امها اكثر وهزتها... ضلت تعيط وهيه تشوف امها متجاوبها ولاتتحرك ضلت حاضنه امها وتبجي... كلي مر عليها من ذكريات حزينه من موت ميثم وهسه امها خلتها تنكسر اكثر واكثر وحست انها بلا سند ولا وطن هيه ضايعه... هيه تسقط للهاويه.... اخذت مبايل وخابرت عل بلال وبلغته...
ضلت ايام بس تبجي هيه خسرت اخر سند الها مبقى مبقى شي تستند عليه... حته وجود اختها يمها مافرق وياها... هيه صارت وحيده لا حبيب ولا ام ولا اب
بعد شهرين
انعام اخر مرا اجي عليج اريدكي تجين معانا بعد مايصح تكوني لوحدكي
اش اكو عليه لا يظل بالكي
انعام طيقين يمنا تاجرين غرفه وتشتغلين يعني عل اقل احنه وحده يم لخ
هوني غيحة امي مااطيق
انعام انا حامل هساع واغيدكي يمي!! (خبر وقع عليها مثل مطر عل ارض قاحله)
راحت حضنت اختها وباستها
مبروك حبي تقومين بالسلامه..... لزمت ايديها
بوجود خالتو
حبيبتي ان شاء الله كنت اتمنى امي هوني كان كثيغ فرحت
انعام انا وانت خوات وغاح نضل سوا ماكو شي يفرقنا
اتحولت انعام عل ازمير اجرت شقه غرفه وخدمات قريبه عل شقه اختها وظل بلال يريدها تشتغل عدهم لمن وافقت وصارت حياتها افضل وهيه تنتظر المولود الجديد......
***********
سمع بوفاة ام انعام انقهر وحس انها صارت وحيده ظل يوميه يخابر عل بلال ويوصي عليها وان يخليها بطن عيونه وميعوفها وحدها.... ولمن عرف انها استجابت لطلب اخوه وصارت قريبه عل اهله اتنمى انه موجود ويشوفها ويكحل عيونه بشوفتها بس هو يعرف لو هو موجود جان مارضت تجي يمهم.... اتمنى ياخذ من خاطرها... ويضمها الصدره ويخفف عنها ويكون الها سند تستند عليه... كلها امنيات بعيده..... لبس ملابسه وراح عل دوامه ضل اليوم كله يفكر باانعام... من طلع من محاضره شاف عده اتصالات من قمر اخذ نفس وذبه وهو يذكر محاولاتها لااغرائه
الوووو ها قمر خيركي
عمررر بنتي مريضه كثيرر
اشبيها
باليل حرارتها ارتفعت وحاولت انزلها ماطقت اليوم الصبح وديتها عل المستشفى طلع عدها نزله شعبيه
انا جايج
سد وراح عليها اول ما وصل خبرها وعرف عنوان المستشفى راح عليها من شافته ركضت عليه وحضنته وضلت تبجي
اششش ماكو شي هساع تصيغ مليحه
عمر انا اعرف روحي جاي اثقل عليك بس والرب ماعندي غيرك التجا اله واشكيله همي
مصاغ شي لاتخافي احنه أصدقاء
عمر اذا صار عليها شي مااسامح روحي ابد
لاتقولي هاكذ هيه مثل امها قويه.... لزمت ايديه
عمر اريد اشتغل وادرس مثلك
اي شكو بيها قدمي عل مدرسه واني من غدا اشوفلك شغل من وره الظهر
اي اريد اعتمد عل روحي..... ضل معاها لليل وراها استاذن منها ان يرجع
تعوفني
عندي مدرسه تعغفين هل شي
ظل معايه... حطت راسها عل جتفه... عمر انت الوحيد ظليت الي ان صفيت لا اب ولاام وبغربه ارجوك لاتتركني ضمت راسها بصدره
لا مغاح اتركي
شكرا عموري احبك كثير انت ملاكي الحارس
انتبها عليها غفت بحضنه....حس انه مسؤول عنها هيه وحيده وتحتاجله..... في الصباح طلعو بنتها ورجعوا عل شقتها
يله دغوح
ظل خلينا نفطر سوا
مااطيق الحك عل مدرسه وشغلي
ماخليناك ترتاح البارحه
المهم تيسيغ صيغ مليحه.... طبعت عل خده قبله ولزمت ايديه شكرا
ادللي... طلع بوجه عل مدرسته ماان وصل حتى خبرو ان بلال صار عندو ولد وسموه حسان عل اسم خالو الي مات فرح هوايه بهل خبر وادخل بداخله شعور حلووو وانه صار عم..... كدر يقدم ال قمر عل تعليم الها بدورس اللغه وياه.... خابرها وبشرها..... هيه فرحت لانها راح داوم وياه... طوال اشهر ظل عمر وياه ويتجنب اي موقف عاطفي... وهو داخله مجاي يفهم ليش رافضها هل هو يتامل ان يجي يوم ويتزوج انعام لو ان رافضها بسبب حريتها وديانتها...
عمر انت عم تكذب عليه
اشلون يعني مافهمت
انت ماعندك خطيبه ولاشي
كيف عرفتي...
هاي سنتين معاك ولامرا شفتك تخابر او ترلسل اي بنت
ههههه صح كلامكي ماعندي اي خطيبه لكن قلبي مع انسانه اخرى
منو هيه
اتعرفتو عليها لكنها رفضتني ولساتني احبها
غبيه الي ترفض شاب متلك..... اذا ردت ان تسنى مرا وطلعها من حياتك جرب ان تحب غيرها
مااطيق اجرب قلبي عيوجني مااغيد احب مغا لخ
عمر لاتحكم عليه بالعذاب
عليكي
اي انا حبك كتير والرب اني حبك اكتر من نفسي وكلما اتقربلك تبعدني..... عمر خلينا نجرب ان نكون لبعض انت مغترب واني هم وانت وحيد واني وحيده... ليش هل جفاء نحوي..... كعدت بصفه وخلت ايده عل صدرها... قلبي عم يوجعني وانت كرمال حبك ضايع تبعدني عنك... الله يخليك لاترفضني
مابدي اخوض معاكي تجربه غاح تؤذيني وتؤذيك
انا مستعده اغير ديني اذا كان ديني يزعجك
قمر مااطيق وربي مااطيق لو كنتي بنت ليل كنت نمتو معاكي وعادي عندي ثاني يوم انسى كلشي لكنك انتِ تعنين الكثير الي ومابدي اجرحكي غاح المسك وتكونين مجرد جسد مو اكثغ..... غاح تكون مشاعري مع غيركي
كلماته كانت الها صفعات قاسيه وهيه تشوف تمنعه عنها ورفضها الها تلالات الدموع بعيونها وعافته وراحت
ثاني يوم من راح عل مدرسه شاف مقعدها فارغ حاول يتصل بيها يطلع اله خارج نطاق الخدمه ظل يحاول لمن مل عاف شغله وراح عليها دك باب شقتها فتحتله
عليش ماتجاوبين
راح اتحول واغير كلشي
ليش شو صاغ
عمر انت ماطقت تركيا كلها لان حبيبتك رفضتك شلون بدك انا اظل معاك وانت رفضتني
قمر ممكن نكون اصدقاء
اسفه... تركته ودخلت جوا ترتب بالجنط
ويصب تغوحين
اي مكان ارض الله واسعه
قمر ضلي
عل قولتك مااطيق
قمر غاح تحتاجين احد جنبك
اتعلم اعتمد عل روحي الرب سيساعدني.... راح اغير شريحه ويارت تمسح رقمي وانا اشكرك عل كلشي سويته الي
قمر لا تجني
هذا افضل حل لاني راح اضل اتمناك وانت ترفضني لهذا ابتعد عنك افضل
اذاكاان هل شي يريحكي انا فعلا اسف عل كلشي
تركها وطلع حس انه خسر شي مهم بحياته لكن افضل ما يخدعها.... الحب مثل لعنه نحب اشخاص مو لازم نحبهم ومانكدر نحب غيرهم لهذا نضطر للرحيل عنهم في سبيل نسياهم او تناسيهم.......
ام احمد
ان شاء الله بارت الي يجي راح تتوحد احداث ابين ابطال ونرجع عل قصه فهد وشصار وياه 🌹🌹🌹🌹
لاتنسوني بالتصويت وتعليقاتكم الحلوه