#بين _الجدران
ام احمد
البارت الثاني
بدت ايام تخنگها وهيه وحيده بهل غربه تكافح لااجل لقمتها ولقمت ابنها بعد هروبها قبل سنتين من العراق خوفا من اهلها وخوفا عل ابنها الي كان بعده بااحشائها غمضت عينها وهيه تغسل المواعين بااحد مطاعم وبدت ترجع للماضي
بعد أن خلصت امتحانات دخلت بحزن لأنها بعد ماتكدر تشوفه ولا اجتها الجرئه ان تتصل عليه تخاف لااحد يحس عليها وهمين مرت اخوها اكيد مراقبتها وضلت بس تتحسر عل شوفته وتذكر شلون من حجى مكسر كدامها وتضحك بداخلها وتسرح بعالم من خيال وتتمنى ان تنعاد مرا لخ هاي لحظه وتضل مركزه بملامحه زين كل تذكره عيونه الحاده وخصله الشيب الي براسه اما عطره فحكايه اخرى من ولهان الي تدخل بيه
عزمت ويه نفسها ان باليل تستجمع شجاعتها وتخابره
بدت تعد الدقايق وهيه تنتظر يجي الليل وكل واحد يروح عل مكانه ويفرغ الاستقبال ضلت تقاوم النوم ومن صارت بالوحده فرغ البيت وغط الكل بنومة عميقه هيه كل بالها لتروح مرت اخوها تشوفها
بدت تنزل الدرج بخوفه وأخذت السماعه واتصلت بس اول ما رن سدته وبدأ گلبها يدگ مثل الطبل من الخوف اخذت نفس عميق واتصلت مرا لخ هل مرا ضل يدگ محد يشيله سدته وضلت كاعده بالكاع وتليفون بحضنها دخل الحزن الگلبها ثواني ورجع دگ تليفون من شدة خوفها من صوته لان خافت ليسمعه احد شالته وضلت ساكت واجاها صوته ولهجته مكسره بدا گلبها يتراقص عل نغمات صوته جهوري ولكنته مكسره ضلت ساكته إلى أن گال اسمها
ديمه
اي اني شلون عرفت اسمي؟
سألت اختي.... شلونك؟
حبست الضحكة بداخلها وكالت زينه
امورك اخبارك ليش تضحك عليه
حجيك مكسر دمرتها للغه العربيه
علمودك اتعلمت علمودك انت بس
اهنا بدا گلبها يخفق وحست وجها صار احمر رغم ان مو غزل واضح وبيه شوائب مجرد كلام مموزون لكن قلب داخلها قلاب
شنو اسمك
ياسين اني أريدك ازوجك انت.... انا ماعرف الف وادور
مكدرت تستمر ويه هل كلمات وسدت تليفون متعرف دوامه مال ارباك عل خجل عل خليط من سعاده عرفت هو يحبها بهاي كلمات قليله غير متوازنه عرفت انه يحبها ورغبته هيه زواج دون لف ودوران هذه كلمات ركيكه خلتها متنام وكل شويه تتكلب بالفراش تريد تحفظ كل كلمه حجاه وتگولها مثل ميگولها بلهجته رگيگه
في الصباح مكدرت تكعد من وكت رغم ان مرت اخوها ضلت تحجي ودردم عليها بس هيه بذاك الصباح راحت عليها وباستها من خدها وبدت تركص وياها دانص ضلت مرت اخوها سعاد متفاجاة بتصرفاتها وتهز باايدها
ها اتخبلتي اكيد
ههههه اي اتخبلت خبال يخبل
بدت يوميه كلما أهلها ينامون تروح بالاستقبال وتتصل بيه رغم انه حجيه قليل وماينفهم بس كانت بهاي لحظات اسعد انسانه وبدت تعشقه عشقا يمشي بدمها
وقربت العطله تخلص اهنا فاجائها ان يريد يدز اخته تخطبها
ليش وامك وينها
امي ماتت قبل سنتين اريد اكلك شي
اي كول
اني متزوج!
وقع الخبر عليها مثل الصاعقه وضلت ساكته
الووو و
شگلت
اسمعني انت شبيك
احجي شجاي تكول
اني مزوج بس زواجي شبه منتهي هو ضل بسليمانيه ويه ابني
شنو عندك ولد هم صارلك تلث أشهر ماحجيت ماكلت!
اوكف اوكف خلي اكمل لاتصير عصبي
لا اوكف ولابطيخ هيج تقشمر عليه
ماقشمرت عليك هيه ايام واطلك
اسمعني بعد ماريدك فهمت سمعتني سدت تليفون وشلعت الفيشه ودخلت بنوبه من البجي
رجعها لواقعها صوت صديقتها بالشغل انعام
ديمه ديمه ليش تبجين
هاااا اني لا مجاي ابجي
وهاي دموعج
ماكو شي مجرد ذكريات مو اكثر
عوفج من الماضي انسيه وخلي بالج بس ب انس
انعام اشتاقله هوايه ماشبعت منه حرموني منه
واجهشت بالبكاء
اوف حبيبيه الله يصبرج ويقويج
مسحت دموعها
لاتخافين اني مستمره علمود انس هو من ريحته
يله خلصي حتى نرجع قبل ماننحصر بالمطر
اوف هذا البلد بس مطر وكلما تمطر تزاداد رطوبه مينحمل السرداب
مو كالتلج امي تعالي يمنا اشوه احنه بس نسوان
الله يخليها الخاله مكافي نهار كله حايره ياابني
والله ديمه كلنا نموت عليه وج سوالفه تخبل يله يله خلي نرجع عل سريع
بدت الدنيا تظلم والمطر يتساقط بقوة ظلوا واكفات جوا الستاره ينتظرون يخف المطر مرت لحظات والمطر يزاداد وكفت الهم سياره وظلت واكفه اتعجبوا منو يوكف الهم اتقدمت انعام عل سيارة
مرحبا خلوني اوصلكم
لا اخوي كمل طريقك
لا ميصير خلوني اوصلكم لاتخافون مااكل اوادم
