الحلقه 27 ❤️
زياد:: نرن وتفصل مجنونه انت. طلعتي. نقانك. معش بتزترد وانا مستمر. نسيب ونرد نرن. وندز مسجات
ردي. عنجد وجك
اكره حاجه عندي حد يصكر عليا
سلاف. ردي قتلك.متنرفزينيش
لين ردت الساعه 1في الليل
زياد:: عنجد تصكري علي وجي واديرب مشغول اخري. نكررررها امها الحركه هذ
انهبلتي انت نحكي. عادي انا اي تفكير وسخ
سلاف:: لا تفكير وسخ. انا مش زي ماحضرتك مفكر انا بنت محترمه وحضرتك نفس هذك الحقير. اللي فكرني. بنت ليل. ساهله
زياذ:: محد وسخ غير عقلك باهي. انت اللي عقلك مركز. علي علي الحاجات. هذين شكلك
سلاف:: هيي هيي احترم. نفسك. انا عقلي نظيف ومايعرفش اصلا يفكر فيهن
زياذ:: غبيه بكل. ومتسرعه ومرعوشه
سلاف:: محد غبي ومرعوش غيرك باهي. ومتسرعه صخ اللي وافقت عليك
زياذ:: مطول لسانك. ازززح. كلمة بكلمة
سلاف:: شن تبي هلأ
زياد:: هههههههههه شن تبي هلأ
حبيتها هذي.
سلاف؛؛زياد نبي نصكر.
زياد:: باهي اهدي ونفهمك قصدي يامتسرعه.
سلاف:: قصدك واضح
زياد::لا مش كيف مافهمتي. يا راس مصكر. انا قصدي. تحملي يعني نتجوزو بسرعه. هكي قصدي. حضرتك. فهمتي. بطريقتك وردت فعلك. ماكنت مستفزه
سلاف::
زياد:: متأكده انك متخرجه من الجامعه. ولا من الامراض للعقليه
سلاف:جامعه. وبتفوق.
زياد:: مضني الا ناجحه بالغش
سلاف: انت الغشاش
زياد؛؛. انت الغشاش. لسان طويل. بترد وخلاص
تي ياهبله عيب الكلام اللي قلتيه. يزعل راهو. وامسكت اعصابي. انا مش هكي. منتحملش حد. يصكر عليا
وتوا تشبهي فيا بالنذل المريض
سلاف؛: اسفه. بس وضح مره. انت جبتها بطريقه مش حلوه
زياذ:: باهي اسف. مره ثانيه توا. ندقق في كلامي ونقول الجملة. وتحتها. الشرح. تمام هكي. يا دماغ
سلاف:: بطل استهزاء
زياذ:: هههههه شن انديرلك عاد حصله. بككككككل. وعندك بطء فهم.
سلاف:: اوووف. انت عم بتنبش عمشكل
زياذ:: ههههههه لاك توبشيني. خلاص عااااد. افرديها. ياحصله.
تي مجنونه. كلا. انت. خلي في بالك اني انا مستحيل نفتح المواضيع هذي معاك ولا نفكر فيك. هكي بعدين الاحترام. راح يكون من هن. لا نتجاوز حدودي ولا نغلط معاك. في الكلام تمام هكي
سلاف::داكوغ
زياد:: شنو يعني
سلاف::اتفقنا.
زياد:: اهااااا.
تعرفي فرنساوي
سلاف::فرنسي ايطالي انجليزي. ثلاث لغات
وطبعا اللغه الام العربيه.
وانت
زياد:: انا عندي. اللهجة الليبيه. كويسه. منحبش. دول الاستعمار هذين.
سلاف::هههههههه بس عارف في ايطاليا بيموتو. في الشعب الليبي.
زياذ:: والشعب الليبي يموت. بنات ايطاليا.
نتذكر زمان ايام الانتيله. يطلعن القنوات نركب ونشعبط فوق. ونقعد نوضح في الشاشه. عشان نحضر الافلام الايطاليه سمحات. العطيبات
سلاف:: ياصايع وين اهلك وقتها علي راحتك تتفرج
زياذ:: مش قتلك محد تفكيره. اححححم غيرك
نتفرج عادي. مش شرط اباحيه:
سلاف:: باهي. محكيتليش. امتي مسافر انت
زياذ:: حلوه. قلبت. الموضوع
ياستي. مزال اجلتها شوي
الو الو.وينك.
وقعدت نسمع. في الحديث
حاج:: مش ناوي ترد مراتك
ةمحمد:: لالا. خلاص ياباتي مليت من نفس الموضوع وامي يوميانفس الكلام واكيد وصلت رايي لك اني متريح هك خلوني. علي راحتي
حاج:باهي في حاجه بينك وبين بنت عمك.
محمد::حاجه شنو يعني
حاج::يعني. لو تبي نخطبها لك
محمذ::ههههههه لا ياحاج. اختي الصغيره. هذي ميعديش عقلك بعيد كنت ننصح فيها بس.
حاج:: علي العموم ولد جارنا. . قيس. شايفها. وسال عرفها بنت خويا وخطبها مني بوه شن رايك
محمد:: شاب ممتاز ومحترم. بس عمي يوافق يعطيها بعيده عليه
حاج::عمك هوا اللي قالي متمني. يجيها نصيب. في بنغازي. وانا هذي بنت. وحاب نفرح بيها. هن مع راجل. يغيرها ويشدها للتمسك بالدين. تتحجب ووتلبس محترم وتبطل. هبالها
محمد:: هي ماشاءالله عليها عندها ميزة. تسمع في الكلام. مش مزعجه وعنايديه. طيبه واجد. انا من رايي شوف رايها. ولو وافقت تمم الشاب محترم ومحبوب. في المنطقه
حاج:: توا. نحكي مع البنت. ونشوف رايها
خلاص. تصبح علي خير.
محمذ:: طفيت الضي وطلعت
~<<
زياذ:: نار. ركبت فيا خطيب. من وين طلعلي سي قيس هذا
صكرت. ومقدرتش نرن فهمت انها. ناسيته.
سلاف:: هدا الجو طلعت تسلحبت خديت تلفوني. ورديت للدار.
خشيت. في فراشي. ورنيت عليه
زياد:: طولتي
سلاف:: شوي. وكشفني
زياد:: بس احترمته كلامه صح.
سلاف:: اها. بس بجد. هوا وميسو. حرام هكي
زياذ::باته. عرضك عليه للخطبه
سلاف:: تبصر
زياذ:: نحكي. جد بس هوا رفض قاله اختي الصغيره
سلاف:: تفكير. غريب عمو
زياذ:: بس في عريس ثاني. جايك وشايفك. الاخ. وعمك ومحمد معجبين ويبو يحكو معاك.
سلاف: ههههههه. من العريس هذا. مراد زعمك. ولا
زياد:: ااااسسسسيمعييي انا نحكي جددد منبصرش.
سلاف::
زياد::ردي. موضوع جدي. انا سمعت.
سلاف::حبيبي اهدا فجعتني. عريس. وطلبه مرفوض. خلاص انتهت
زياذ::ماانتهتش هذا ولد جيرانكم. الواطي يبحت.
طلوع معش في من الخوش. سمعتي
سلاف:: يازياد متجيش انا شن ذنبي.
زياد::ملكش ذنب. بس نار. ركبت فيا. في حد شايفك. ومقابلك وتجرأ جا خطبك وانا. مزلتي تقوليلي اصبر. لالا انا الصبح نفتح الموضوع مع هلي انا لازم ندير خطوه
سلاف::بيييييييلز. زياد. اهدا.
تعوذ من الشيطان. واهدا
زياذ::اعوذ بالله من الشيطان الرجيم.
سلاف:: حبيبي. ممكن تسمعني
زياد::حلوه الكلمه. قلتيها كم مره اليوم
سلاف:: لانك حبيبي وعيوني زياد انا مستحيل نوافق.
خلي حتي يجو مية مش واحد. بس انا. نحلم. بزوج. واحد انت حبيبي.
زياد؛ باتك يبيك تجوزي من هنا. وكانه. موكل عمك علي حياتك
سلاف:: موكل مشبع انا مليش فيهم. انت وبس اللي حبيبي. وانت وبس راح تكون زوجي.
زياذ:: باهي. نخطبو حتي كلمه. بس خلي اللي يسال يقولو معطيه
سلاف:: زياد وراس سوفي ما تحكي. لاهلك توا. علي الاقل لبعد. تولد لميس. ويتم فرح ريما
انا. منبيش حد يدقق عليك وعليا. توا وقت حساس حتي لو طلعت للسوق راح يبدو يدققو عليا
وراح تحط شك محمذ في محله
واصلا. انا متأمله بعد لميس تولد محمد يحن. قلبه وقلبها يحن. ونقدر. نقعد حلقة وصل بدون ما محمد يعصب ولا يشك في نوياي
زياد:: نحكي لخواتي علي الاقل
سلاف: لا اصبر. شويه ومتخفش العريس هذا اعتبره. بحح. رفضناه
زياذ::شن درتي فيا بس
سلاف:مرضتك
زياذ:: جبتيلي. السكر ههههههههه
سلاف:: علي فكرة. انا نحكي معاك. تحت الغطاء. ريما. راقده.
زياد:: ريما. عارفه قصتنا
سلاف: وهي اللي تشجع فيا. وقالتلي عيونه. يقولن يحبك
زياذ:: صديقتي. ريما ههههههه
سلاف::بطل. ياسامط. معش تنحط عليا. مسكت في الكلمه
زياذ:: قويه تقولي فيها.
نورا جايتكم. بعدين. وانا سمحت لهاجر. تجي معاها. حبيبي. البسي. لبسه عاديه فكينا من المشرط والمنتف امتاعك
سلاف:: موضه هههههه بس اصلا ليا فتره معش. لبسته. عشان عمو. ممنوع ويزعل. وحسيت الشباب اضايقو. حولتهن
زياذ:: ايوا. جسمك هذا لحلالك. زياد وبسسس.وعقبال شعرك. بس معلش. بشويه بشويه تتعودي
زي ما. بديتي تمسكي صلاتك. الحجاب في الطريق
سلاف:: دازلي. علي عذاب القبر. ونار. وكلام يرعش. ركبت فيا الرعب شي طبيعي بنصلي
زياذ::هههههههه. مزال. توا. نبدا في الحجاب. وراك الشيخ. لين. تتبوبي الي الله ولا رجعه الي. طريق الظلال
سلاف:: شيخي. الفجر بيأذن. ممكن نصكر. نعست
زياد::الصلاة خيررر من النوم.
سلاف:: حاضر ههههههههه
باي خلاص
زياذ:: باي حبي
~<~<|
عبدو:: شنو ياامي. كنك تبحتي فياهك
حليمه:: باللحيه باتك باتك هو صغير. سبحان الله. قعدت نسخته.
عبدو:: سمحه يعني
حليمه::قول هوا الله احد. عسسسل حبيبي
عبدو::مزال باتي معلقش عليها بعد نظمتها
حليمه::توا تعجبه هوا الصبح طلع للمزرعه.
عبدو:: اها. باهي. عارفه اني رايفت عليك وعلي الرقده هذي
حطيت راسي علي حجرها. وقعدت نبحت فيها
حليمه:: لك واجد معد قعمزت معايا هك تهدرز ياعمل. يافي شقتك يامع خوتك
عبدو:: حرام عليك مو ديما متغدي عندك ونكسد معاك. اناورحمه
حليمه::انك قلتها انت ورحمه. خداتك مني. لازم كل حاجه مشاركه فيها. نبي زي زمان. نقعدو بروحنا. نلزو حتي خواتك ونقعمز. نشكيلك من صبايا خوالك ومن خوالك انت بس اللي كنت نحب نحكيله. قعدت طول الوقت. لاصق فيها. وانا مانحب نهدرز علي هلي قدامها
عبدو:: ههههههه اسف وعد كل يوم. القايله زي زمان نقيل عندك تمام.
حليمه:: نجك لي. لا انا مانبي. نزعل مراتك غير بس تذكرني بقعده زي هذ. مره مره
عبدو: تدللي ياغلاتي
باهي هي احكيلي. شن صاير جديد عندك
حليمه:: خالك الكبير وقعني علي اوراق. تاريته تنازل. مني علي حصتي في الارض انا دونن خواتي.
عبدو:: معقوله يامي. كيف اديري هكي
حليمه:: مفطنتش. قالي هذي ارض جديده طالعه ويبي توكيل للبيع مش تنازل. وقعت.
عبدو::باقي خوالي. خواتك. شن قالو محد صبا معاك
حليمه::
عبدو:: عدلت قعدتي ومسكت يديها. بطلي بكاء ياامي. احكيلي.
رحمه: خشيت. وكانت امه عاطيتني بظهرها. وهوا مقعمز. علي ركبيه. جنبها ماسك يديها
رحمه:: عبدو. نبي حليب لاسيل
عبدو:: دويت وانا مطبس علي امي.
باهي. ردي دارك توا
رحمه:: جتني زي السهوه ومركزتش. قدمت.
وبامبرز. وسيريلاك وكريم
عبدو:: قتلك ردي دارك متفهميش انت
رحمه:: مسمعتكش. اسفه. وخشيت للدار.
شكلها تملا فيه عليا. قلتها طيابتها مش بالساهل. تجي.
شن درت انا بس عشان هكي. تصرف معايا
قعدت نحرق وبكييييييت. لين طاب خاطري وانا نتخيل. في برمته عليا وهزيبته. ليا وامه برود ولا عبرتني
~>|~
عبدو:: اووووف. برمت عليها. بطلي. ياامي. بكاء واحكي
حليمه:: خواتي باعني. قالن شن المشكله. انت عندك رزق. وذهب معبيه. وعيالك وراجلك ماهو منقص عليك شي هذي. اسكتي وبطلي فضايح. مش داعي تشهدري بينا بين الناس
عبدو:: شفتي ياامي قتلك. حسد قتلك السحر منهم مصدقتينيش وتزعلي بعد نقولك. معش تعطي حاجه لك.
ياامي. حرص قالو المصريه ومتخونش. بس انت. سمطيها. بطيابتك. وكل شي تحكي. فيه
حليمه::خياتي. مستحيل كنت نقول يحسدني. اصلا. انا عمري لا فخفخت ولا تعنطزت.
عبدو:: لا ياامي. انت تحكي بحس النيه غيرك ماعنداش يحسابها فخفخه والنفوس مش كيف بعضها.
حليمه:: باهي. شن اندير. انا مش علي الفلوس بس. خانوني. كلهم خوتي وخواتي اتفقو عليا
عبدر::وباتي. عنده العلم
حليمه:: مقدرتش نحكي لحد حتي البنات. مقلتها لهن. رشا شهداره. وتحكي قدام راجلها وعمتها عادي. وانا نبي صورة خوتي. سمحه قدام انسابتي
عبدو:: اسمعي. انا بنحكي لباتي. منبوش منهم شي. لان خلاص. قانونيا. علي حسب فهمي. راحت. عليك وانت مانك مستحقه. بس لازم. نعدي انا وياه لهم حوش حوش
ويسمعهم كلمتين. من كلام ربي. وتوكلي ربك فيهم مصيرهم راكبتهم الامراض فلوس حرام
حليمه: بعيد. السسسسو. لا. شر برا وبعيد. منبي شي. انا الله يسامحهم
عبدو:: قلبك كبير. ياامي. ابكي. وفشي خاطرك خديتها لحضني وقعدت تبكي. سمعنا. صوت حركه صبت.
حليمه:: مقلتهاش لبناتي. يعني راك تقولها لمراتك
عبدو:وعد منيش حاكي. بس باتي. لازم. يعرف
~>|>
رحمه:: صبيت. غيرت دبشي. وحطيت العيال في الكروسه. وطلعت بيهم.
عبدو:: كنت طالع من دار المعيشه شفتها طالعه
جيتها نجري
ان شاءالله رفعتي علي. وطبستي. حطيتيه واعر وثقيل يارحمه
رحمه:: معدلتش عليه سيبته. وكملت طريقي
عبدو:: كنها هذي وجها مقلوب
تذكرت العصر خشيت نتوضا وبنعدي الجامع
رحمه:: خزي ماجش ورايا ودورني. خشيت. حوش خالتي. لقيتهم. مقيلين. حوش هادي.
قعدت في. الصاله. نزل. محمد من شقته
رحمه:: ديوا ياسمح عدل علينا
محمد:: هههههه كيف نايض معنداش مجاز. يحكي.
تي علقتها انا وياه نوم. من ساعه 3 لعند توا. نضت راسي. ندور في قهوه
رحمه:انا بروحي نبي قهوه جيت هنا نحساب الابلات. واعيات تاريتهن. نووووم مظلمات الدار وزياد برجي ومكيف وفي عالم ثاني
محمد:: العبيطه بنت عمي. هذي طقوسها. اغاني وتقيل. ضروري.
باهي. مفهاش غير نشرب من يديك القهوه
رحمه:: حاضر. جيبلي سنكرس. نشرب بيها عليما درتها
عبدو:: خشيت لقيت العيال في الصاله. سمعت قربجه في المطبخ جيتها. اوووو قهوه. تراجي فيا موتيه فنجانين هههههه
رحمه:: لا انا ومحمد. تبي طلع. فنجان
عبدو:: اصلا قهوتك خلوه. نحبهاش ندير لروحي
خديت ودرت. لروحي
ممكن نعرف سبب قلبت الوج وليش تبيش تبحتي فيا برمت علي خشت محمد
محمد:: ييي محسبتكش ورفعت الكيس
عبدو:: توا نقسمها انا ومراتي. عادي
محمذ: اوووو ستايل جديد
عبدو:: تغيير. نخشو علي جو العقاله شن رايك
محمد:: اها. ثلاث عيال ومجوز. تبيلك جو العقاله. خلاص. عاد
رحمه: علي اساس انت صغير. تي رد مراتك بلاش هبال
محمد: انا سنقل. خلاص. نعيش حياتي.
عبدو:: امتي. ماشي للصحرا
محمذ::بعد بكرا. اسبوعين ومنها طالع. ان شاءالله المانيا
عبدو:: ان شاءالله. يروح مجبور الخاطر.
محمذ:: امين. درت اتصالات باصحاب غادي. ونمشو كل شي جاهز.
عبدو:: اها اسمع. علاج مكلف لو حسيت ناقص عليه حاجه بدون ما تحكي معاه اتصل بيا ندزلك
محمد:: باتي يبي يعطيني متخفش.
رحمه::منحضرش. فرح احمد
محمد:: لا اخمد ولا ريما ههههههههه
عبدو:: اخته ماله ومال اخمد. هههههههه
ريما::سمعت اسمي.
رحمه::نحكو علي عرسك
ريما::اها
محمد:: هههههههتحشمت. علي اساس.
ريما::راسي كيف نايضه عنديش مجاز لحناطتك
سوفي في قهوه واتيه تعاالي
رحمه:: وينها. هي
ريما::تحكي بالتلفون توا تجي
محمد:: شن قصتها ملاحظ كل مانشوفها تحكي. وتعتزل بروحها واجد رايحه عكس اول ماجت
عبدو::صح لاحظت حتي انا. افطنيلها ياريما. انصحيها راه يقعد
محمد؛:امس حكيت معاها ونكرت
سلاف:: هاااي.
رحمه:: وعليكم السلام ورحمة الله وبركاته
سلاف:: اوووف ليش مش دايره كابتشيونو
عبدو:: تي روحي. عنجد. تشرط عليها
سلاف::مدخلكش انت بيني وبينها. قعمزت علي الكرسي وحطيت تلفوني علي الطاوله. وطبست راسي علي الطاوله
عبدو::ضربتها علي راسها مراتي. ياحماره. انت مفروض تخدميها مريضه مش. تشرطي
سلاف:: اححح يدك ثقيله
رحمه:: هههههههههههههه ديما ماد يده. هك يعرفش يبصر. بدونها
عبدو: عجباتك
رن تلفونها. بحتت. جا عيني الشاشه رقم بدوم اسم مسكته
سلاف:: ارتبكت
عبدو:: من رقم مش مسجل
سلاف: عبدو. هات سيلولير.
عبدو::نرد عليه رقم غريب شكله
سلاف:: زمطت ريقي وقعدت نرعش. هات. وقف الرن. بس قعدت نرعش يدرز رساله او يرن اخري
عبدو:: مار عليا الرقم
محمد: كم الرقم
ريما:: رحمه خوديه منه منحبش جو الشك والبراده هذي
محمذ:: يرن اخري وريني الرقم
سلاف:؛ بحتت في ريما في عقلي مصيبه لو شافه محمد اكيد يعرف
رحمه:: مده لها عيب. بطل بصاره سامطه. مرفع يده فوق جنبي مقدرتش ناخده
مده لمحمد
محمذ: نقانه صح مار عليا
فتحت الخط
سلاف:: طبست راسي ماسكه بكيتي
اماني:: انت ياحماره. كنك ماتردي. نشفتي ريقي
محمذ:: تي هوا انت ههههههههههه
سلاف:: اووووف. بحتت في ريما. اللي تنهدت وحطت يديها علي وجها
رحمه: حسيت في بينهن. حاجه.
سلاف:: فكيت منه تلفوني. وطلعت نحكي معاها
><~>|
ريما::يناعليا. عليك فجعه
سلاف:: خلاص بجد جمدن رجليا الدم وقف في جسمي
ريما:: وجك قعد ليمه
سلاف:: البليده لو بس نحصلها بوكس علي بطنها نخليها تولد. عنجد وجها
ريما:: اووووف. بس اسمعي راهم مدققين عليك. خففي مكالمات ولا خليه يخطب وبطلي تصكير راس
سلاف:: تبي الصراحه. انا نبي نتعرف عليه اكثر. قبل الدخول في مرحلة الخطوبه وقعدت نتحجج في مبررات بس لاني. خايفه نحكيله الصراحه يفكر اني بنت منحله ونبي نتسلا وبس. وانا مش حابه. نسمع منه كلمة. تجرحني ولا تستفزني. هكي مبسوطه. كلامه يجنن. وبديت نكتشف. في حاجات. مشتركه. بينا
تصوري يقرا لنزار قباني حبيبي وحافظ. قصيدة. جنون الحب. نموت فيها القصيده هذي
ريما:: وشورك انت عاد نزار قباني
سلاف::تشوقت نشوف امه اصلا تشوقت نشوف. حوشهم. حكالي وقالي..
ريما: سملا علي خالتي.
سلاف::بس زياد قالي. حتي نورا. يقدر فيها. ويحترم فيها وياخد في رايها
ريما:: بس نورا شايفه حاجات وساكته. بناته مهبلاتها متقدرش تحرك صالون من مكانه
لاتنجد ولا تشري يبن كل شي علي اطلال امهن
وبوهن نفس الشي
سلاف:: معقوله. بس يحبوها
ريما:: لان نورا. زي ماما وام رحمه وزي رحمه وامل واسماء. طبعهن واحد. هاديات ودرويشات وديما يرعشن من اي حد يعلي صوته وميحبنش المشاكل
ماما بعد انا كبرت غيرتها شويا.
ونورا هااديه عاشت مع خوالي. وصباياهم في ظلم وديما ساكته
وخويله عاشت مع راجلها ترعش لين اطلقت ورحمه عبدو بس قوا شخصيتها وغيرها بيها بكل. قدامه واجد تصعف وتخاف ومن امه ترعش. ماشيه بنصايح امها. مشي يارحمه عيب يارحمه وامل. اشر من رحمه. درويشه وهويديه عشان هكي زمان محمد كنت نقوله. خود رحمه. قطوس مغمضه بريئه . تتريح معاها هوا . شي كان معمي
سلاف:: اها ياروحي. شخصيتهن كلهن حلوه. اصلا القلب الابيض. ديما الله يجبر خاطره
ريما:: زياد خواته واعرات. راهو. ودلوعات خصوصا هاجر راهو
سلاف:: حي عليا خوفتيني
ريما::لالا بس كويسات. لميس عاشرناها عسسل. غير بينهن وبين. نورا علي امهن. وطالما هي هاديه وتمشي. الحياة سمحه ويحترمن فيها.
سلاف:: بس انا مش زي نورا. انا منحبش حد يشاركني في زوجي
ريما:: لا مش لدرجة. بعدين زياد. شخصيته خاصه شن دخلهن بيكم
سلاف:: بجد. زاد خوفي الله يستر
~<~>|
رحمه:: رديت للدار غيرت دبشي. لبست شرت اسود قصير اديداس وكت ابيض حسيت روحي نبي نتريح
تمددت. وظلمت الدار. غفيت خدت في عيني النوم
عبدو:: فتحت الدار وخشيت. كانت مولعه. التكييف ومظلمه الدار. وعلي ضي. الوناسه راقده
بنت عطرها. مع تكييف داير. نسمه. حلوه تسهفت. علي النومه صكرت الدار وخديت بجامتي.
شرت اسود. اديداس وكت. ابيض بخيت. عطري وخشيت. جنبها.
قعدت مقابلها. ونلعب بشعرها منظرها يهبل خدودها مسسسسقعات قربت بستها عليهن
رحمه:: فتحت عيوني شفته نسيت لحظتها اني زعلانه منه
رحمه:: كنك
عبدو:: شي تسهفت. علي النومه. جو يسهف دايرتيه
رحمه:: ساعه كم توا
عبدو:: تقريبا. 8 وقربت منها
رحمه:: اذن العشاء
عبدو:: قريب. وقربت مسكتها
رخمه:: وخر. ياعبدو. كنك.
عبدو::مرايف مرايف
رحمه:. الدكتوره ياعبدو. كنك.
عبدو:: عارف عارف
رحمه:: والعمليه حووول.
عبدو:: اسسسسس. متخفيش. مش جاي شورك. اوووووف برمت.
سكنتي ازززح قتلك. عارف.
رحمه:: انت. مفهمتنيش جيت هك. خطرت عليا يوم ال
عبدو::توا عليش السيره الزفته هذي
رحمه::باهي اسسفه.
عبدو: يا عبيطه مش هبل ومسطول. انا باش نتهور. هك
قتلك عارف روحي شن اندير. ضيعتي الجو بكل
رحمه:: يي تذكرت. انا زعلانه خطرها. وشايله
عبدو:: صاح لاحظت كنك.
رحمه:: عنجد لاحظت كنك
عبدو:: تبي هكي ياحنه
زعلانه ياقليبي. منو زعلك بودي الشين. شن دارك. المجرم. نببوه.
أه ياعبدو.ليش. تزعل حومه. ياشين
رحمه:: لا انا نحكي جد. انا زعلانه منك نتيت فيا قدام امك. ومبيتش تجي تعبرني
عبدو:: يي. علي هذي. تصدقي نسيتك بكل. لاني ياحبيبتي مش قاصد كنت نحكي مع امي في موضوع. مهم. وانت جيتي وقتلك. بعدين انت. سكنتي
رحمه:: باهي مش درجة تهزبني. هك
عبدو:: اسف حبيبتي معلش حقك عليا. كلا الا زعل. حومتي السماح والغفران. مسكت يديها وحبيتهن
رحمه:: اخر مره.
عبدو:: اخررر مره. غير معش تسكني. بس.
رخمه:باهي كنها امك
عبدو:: شي. مضايقه نهدرزو كنا بس
رحمه:: قربت. خشيت في صدره
بودي. زعمك نصفو. موادنا
عبدو:: حبيتها علي. شعرها. مش عارف هي الدكتوره. صبت معانا. بس شن يصير. الله اعلم
رحمه:: تلفونك حبيبي
عبدو:: مديت يدي. ومسكته هذا الدب اسمعي. الحال
ًرديت. فتحت السبيكر.
عبدو:: الو يا دب.
حسين:: غلايا. كيف حالك
عبدو:: عليش ران مش معش تبي رفقتي رفيق سؤ
حسين:. ههههههه. نقانك الا رفيق سؤ.
شن جو رحمه شفتها يابختي وانت. تزن تبيها عطاتك. الرضعه. تقول عيل. يدور في امه
رحمه: رفعت راسي. درتله بيدي شن يقول هذا
عبدو::درتلها بيدي جو اسكتي
ورديت عليه.
عبدو:: ياحمار. شن قايلك انا. معش تقول اسمها
حسين:: اسسسف المدام.
عبدو:: حسسيين. غير السيره.
كيف خال امك وخوك. شن دارت الحاجه بعد روحت
حسين:: دارت. محشي. ورز بالخلطه وكبده. صقع. تي طروف كبار. علي كيف كيفك. متبلات. كليت منهن. لين عرفتها كبده
رحمه:: ضحكني
عبدو:: درت لرحمه امتاع اسكتي.
يادب. قصدي شن دارت بعد روحت. شعورها ردت فعلها.
مش قصدي وكال.
حسين::هههههههههه. نحسابك. تسال. علي الوكال
لا بكت وعيطت وزغرتت. وقالتلي الفرخ. عبدالرحمن هذ ماعاد ترافقه.
عبدو::خزي ياعمتي. نجيه. قبل جايب لولدك غروس
حسين:: لا عمتك نجيه. ردت في كلامها. اهم شي قالت تقعد عروس ست بيت ممتازه.
عبذو: قصدك. طباخه كلا انت مظني ادور في الحاجات الثانيه
حسين:: مش شرط. انا مندورش في الاكل. المهم بنت ناس
عبدو:: هأووووووووو. مش خايله معاك الجمله. هههههههه
حسين :: المهم. نحكي جد شوفها لنا البنت هذي. شن اسمها اللي حكيت عليها صاحبت
عبدو:: المدام
حسين:: تي يامتخلف. مرت خويا رحمه. زي مالو صار نصيب. هاجر. تقعد مرت خوك
عبدو:: توا كنت شن اسمها البنت. هههههههه. مزقط. علي اساس.
حسين:: ههههههههه غير شوفها ياواطي. خلينا نكملو نص دينا. بلكي. تعجبني.
عبدو:: تي. قول ان شاءالله هي توافق. تي. عارف الحسناء والوحش هذا انت قدامها. دب. وهي طشه
حسين:: تماديت. ياكلب.
عبدو:: الصراحه راحه ياعيني وانت مبتعرفش
حسين:: تي غير. شوفها لنا بس. عطيني عنوانهم وندز امي
عبدو:: هههههه متقوليش زعليتي يادبه
حسين:: يي. يابودي بطل سماطه.
عبدو::صكرت السبيكر.
ياواطي. تي غير. نشوفك بس توا نوريك. عليها. عضه سمحه نفش غلي
حسين:: واطي. يا مان. وعارفك اديرها.
عبدو:: بصارتك المسخه هدي بطلها. .
حسين:: ههههههههه باي رصيدي وراك تنساني
عبدو:: وجك
~<~~
عبدو::صكرت وبحتت فيها. كنك
رحمه:: شن عرفه. اني نقولك بودي. نهارك. تحكي. تقعد. لا مش معقوله. انت
عبدو:: تي وين. عدا عقلك. سماطه منه. شايف مسج منك اكيد
حضرتك مكملتيها. بودي جيب. بودي وينك
رحمه::اها باهي سماطه عاد معش تخليه يمسك تلفونك
عبدو:: عارف. باهي شوفيها له هاجر. سكن. وعارفه. توا يصدع راسي كل شويه.
جاني. مسج.
عبدو؛:هاه شفتي.
موضوعنا متنساش.
رحمه:: ههههههه عبيط. بكل. وصبيت.
عبدو:: توافق زعمك. دبه شايفتيه انت في تلفوني
رحمه:: دبه. نقانه. بس شكله طيب.
عبدو:: اصلي بكل. بس عشان جسمه.
رحمه:: توافق هاجر. ديما تقول ظل راجل. ولا ظل حبطه ههههه. اهو. جاها صخره. كبيره
عبدو:: ههههههههههههههههههه. صبيت. مسكتها. شن خفت الدم هذي.
رحمه: بنطلع. حبيبي. عيب. يقولو كارسين وقت. العشاء
عبدو:: خلينا شويا. شنو خطرها تلبسي زيي يازبايه
رحمه:: سهفتني عليها. طلعتها.
عبدو:: البطن بدت تطلع. حسيتها.
رحمه:: اها حسيتها.
عبدو:: حطيت يدي تخت خدها ونزلت علي فمها
رحمه:: ارتخيت معاه.ومسكت فيه
فجأه سمعنا صوت. هرجه.
وخرت.
عبدو:: صوت. باتي . خير. ان شاءالله
حولي جنب. بنفتح الباب
رحمه:: غيرت دبشي بسرعه ولحقته
~<~>|~||
عادل:: شكلي بنقعد ابو. البنات.
اماني:: كنهن. البنات تلقاهن بعد تكبر بابا توا. يقول ياريت كل خلفتي بنات
عادل:: ربي يخليهن ليا هنا وامهن.
وامتي موعدك بالزبط.
اماني:: 23/7 لو جبت في موعدي. صباحية ريما
عادل:: قربت. خلاص. ربي يسهل عليك حياتي مش خارك في حاجه انت. تبيها قبل تولدي
اماني:: طح سعدك كنك تحسس فيا ماشيه للاعدام الموت
عادل: هههههههه لا. مش قصدي
نقصد. ناقصتك. حاجه اديريها قبل الولاده.
في شقه. مش مره. قلتي. بتكملي المطبخ هكي بس قصدي
اماني:: اها. انت جبتها. زي جملة قبل الاعدام.
نبيش نضغط عليك عادي اصلا مش دايره لمات. ونفكر نطلع عند هلي اسبوعين. يساعدوني علي تاليا. اللي بيجيني. يجي غادي
عادل: لا عاد. نكسد. بروحي واجد
اماني:: هنا تعب. عليا. ماما متحبش تبات. يومين وتروح تجري واختي. يالا راجلها وعيالها. غادي راحه. وخدامه.
عادل:: . قوليها معندكش راس لسريب هلي صح
اماني::لا معقوله مش هكي حبيبي اهلا بيهم هلك
عادل:: خليك في شقتك وتوا نكملك المطبخ. وانديرلك النواقص. الخمدالله توا وضعي احسن. راتب يسد
امي حتزعل. وتقول متبيناش. تحملي وراس دولي. ومشيها فكينا من زنين ومشاكل ايام جيبتك في تاليا
اماني:: بس ياعادل. واعره امك. وخواتك. وانا نافس قديش مني بنتحمل
عادل: قربت منها وراس بناتنا. ايام ومشيهن. وخفي دلع حتي انت. حبيبي. هما. عاديين انت اللي مدققه
اماني:: عنجد انا اللي مدققه علي اساس هلك ملائكه
عادل:: باهي. انت بس مشي افرديها دلوعه. وعشان حبيبك تحملي باهي
بستهاعلي خدها باهي
نزلت علي فمها. باهي.
شنو حبييي باهي
نزلت. علي رقبتها.
اماني: اهااا باه.
عادل:: انحبك#####
###############
اماني: يناعليا ظهري
عادل:: ههههههههه. تذكري في تولي.
اماني:: هههههههه اسكت متذكرنيش.
عادل: لامشي لاسو. مع عادل قبل موعدك. تجيبي.
اماني:: ههههههه ضربته علي يده. اسكت ياسخيف.
عادل:: تي تروحي من دكتوره تقولك مزال. مشينا في خبر كان. نضتي ليه. هههههههه
اماني::دولي. عاد خلاص
عادل:: مني. عااااد.
اماني:: معش تعلق عليا سكنت بيها
عادل:: هههههه. سمحه تجي منك. دولي عاد
المهم شن نسمو البنوته زعمك
اماني::مش عارفه. نبي اسم خفيف. وعلي وزن تاليا
عادل:: تي فكينا. عاد اسم. علقو. به منابشه ومحد حبه. اولهم باتك.
اماني:: مدخلنيش بحد. انا اللي بنسمي. بناتي. اسماء حابتهن
عادل:: سمي ياحنه. وخلي الناس تضحك عليا
اماني::دولييييي
عادل::خلاص. سمي سمي. بناتك.
اماني:: هههههه وين ماشي
عادل:: توا نرد عليك نحكي تقولي سخيف هههههه
اماني::لالا عدي فكني منك
~<~>~|
جلال::شنو درس السواقه
ريهام:: انسجمت. بس نرتبك لما نجي عند المارشا
جلال:: هذي اسهل. حاجه خصوصا تقعد سياره توماتك
ريهام:: مش عارفه.
جلال::بحتت في الساعه. لقيتها 5نقولك
وتي روحك هي
ريهام:: وين.
جلال؛: نبرمو شويه. نعلمك انا. تمام.
ريهام : ياعيني عليك. تمااااام.
جلال: هههههه. بسرعه فنوشه. هيي. وقت. نلحقو قبل المغرب
~>|>~
نزلنا. كان باته. مقعمز. يشرب في قهوه
جلال:: عنديش راس نحكي معاه.
السلام عليكم
ريهام؛: خير ياعمو.
خير ياعميمه قالبين وجهم عليا.
جلال:: هيا انت وقت
ريهام::هي
امه؛: ماشيه لهلك
ريهام:: لالا.
امه::وين ماشيين
ريهام::ا
جلال:: عندنا نواقص في الشقه ناخد. فيهن
امه:: وينك معد مريت عليا. ليا وين معد شفتك. تمر تركب. وتطلع ولا تحكي معايا. حتي تشوفني تخطم اطنش هذا اللي ربيتك عليه
ريهام:: فكيت من يده مفتاح السياره وطلعت.
بس صوتهم. عالي نسمع فيه
جلال؛: للاسف هذي تربيتك. الجفاف. وقساوة القلب تربيتكم. احصدو ماربيتو مزززززال ماشفتي. شي تعتبري راه
باته:: انت رايح. تقل في احترامك واجد. وناقش ريشك ومحد مالي عينك. هذا كله عشان قتلك نشري الحوش. هذا كله عشان مراتك.
جلال:: اها عشانها وعشاني. انت كسرتني. بكلامك. حسستني ولا شي. حسستني مش ولدك ولا نسوا تي الحيوانات. لهم حقوق ويعطفو. عليهم. وانت حتي عيالك مستكتر عليهم. يعيشو متريحين. نزلت وانا متاكد انك. راح تردني. بس ريهام قالتلي. باتك مستحيل ميعطيكش توا يفرح ويسحب يجري ويسفرك. تحسابك زي بوها او زي اي اب. حنون. وعياله المرتبه الاولي مش. عنطزته وجبروته المسيطره عليه مقدرتش نركب نقوللها بااااتي ساومني ومشفتش الشفقه ولا اي احساس علي وجه
ويكون في علمك. انا حصلت فلوس ومسافر. وطلبت من عمي علي يدعيلي. نروح طيب. طلبت منه هوا يصلي ويدعيلي. لاني حسيته. خايف عليا. يوم التحليل. من الصبح يرن يتطمن. وانت ولا عبرت نسيته. بكل تجري غير علي الفلوس
باته:: توا قعد الحاج علي باتك وهوا اللي خايف عليك. ياقليل التربايه
جلال:: تأ باااااتي. شبعت من كلامك. وتفنيصك.
معش يأثرن. فيا. بنطلع وقت علي.
.
ريهام:: ليش حكيت معاها هك امك عيب. متجيش
جلال:: و. انتي مصبيه تنصتي. علينا. عنجد وووجك
منحبش امها الحركه هذي انا. تنصتي. عليا وانا وهلي
ريهام::من اول ماحكيت وهوا يعيط. ومعصب. توترت. ومسكت روحي مبيتش نرد. اكتفيت بس. بالسكوت. وحاطه راسي في الروشن خليته عيط لين هدا. بروحه طفا
جلال:: اووووووووووف. اعوذ بالله من الشيطان الرجيم
برمت عليها. انزلي.
ريهام:: منبيش. بنروح
جلال::حطيت راسي علي الدومان. وقعدت ساكت.
ريهام:: طول وانا مليت. شالني للفروسيه. علي اساس يدربني.
رن تلفونه. صاحبه. رد عليه وصكر. ولع السياره بدون ما يحكي معايا.
درس عند حوش هلي. وقالي انزلي
ريهام:: نزلت بدون مانحكي معاه مفهمتش قصده اصلا. عليش جابني. مش. سبب. يعزقني. عليه. محبيتش نحكي. لحد بس حاسه روحي مخنوقه. حتي داري فيها. رحمه مش قادره. نخش نفش العبره. قعدت مكبوته. وعلي سبله. ونمسك في روحي. شعوووووور واعر. لما متلقيش وين تبكي. والاوعر لما. تكوني كتومه ماتحبيش تبيني مشاكلك. تقعدي مغصوصه وفي صراع.
مشيت جنب ريما. كسدت معاها علي دبشها. وماسكه تلفوني. نراجي فيه يرن. بس معبرنيش
~<~~||
اسامه:: شن عرفك انت امي. رنت عليك
رحاب:: ارتبكت. وفطنت انه مكلمه من وراه
اها ماما رنت وجيت انا ومراد
اسامه:: ارتبكت الشقه كلها تكسير.
مراد:: قربت ها نخش
رحاب:: تعال تعال مفش خد
مراد:: بحتت في بغل ويديا في جيوبي شن الجو.
اسامه: تمام . نمشو للصالون خير
مراد:: لا انا جاي بنشوف اختي. في شقتها. خول معلش وخشيت
اسامه:: كنه راجلك شن الاسلوب هذا
رحاب: متعدلش. مشغول عليها بس
مراد::رشا وينك. وشنو هذا. هذا شنو يااسامه
اسامه:: طاحن تكسرن كنت نلم فيهن.
رشا:: طلعت من الحمام عيوني حمرررر.
مراد:: بحتت فيها كنك. من دار فيك هك. وشيرت علي الارض والتكسير هذا عليك. تكسر وتنجن علي راس اختي
بدل ماتعدي تتمرجل علي خوك جاي علي اختي. تكسر. ضربت القزاز بكراعي. عطيناها لك عشان تهينها وتكسر
رد. عليا. عليش درت هكي وين كنت لما خوك تهجم عليها
تي وراها رجاله راهو مهيش جايه من الشارع.
رشا:: مراد اهدا. افهم قبل مش هكي. اسامه مدخلاش موضوع مش لدرجة. قعمز نحكو.
مراد:: عنجد مدخلاش مكلمه ترعشي ومخداش حقك. ونخش نلاقي الشقه حاله. وتقولي. مدخلاش
انا توا نعرف ناخد حقك منه الصايع اللي فوق. يتمرجل. علي مرا.
اسامه:: عيطت. بصوت. عالي ياراجل عيب اهدا واسمعني. عاد
رحاب:: اسامه وطي صوتك. هوا معصب متزيداش
رشا؛: اسامه اهدا
اسامه؛: اسكتي واقلبي وجك
اختك قايله. ...... نسكت فيها وتعيط وتجلط
بسببها امي وجعتها روحها ومصكره علي روحها الدار
مراد:: صدقت اختي. ورراها رجاله وعينها شبعانه. تي هذي جايتك من العز والرفاهيه ناقص غير تطمع في حوش بني قديم. لو تبي بوها ياخدلها اقدعها حوش فيك يابنغازي. وامك مهيش جايه خدامه عندها. اللي تلزها تي تخمد ربها طاحت في رشا طيبه وماهيش جالطه زي ماتقول متربيه. احسن تربيه. وماشفت. الحوش ناير. وفيه جو غير من يوم خشت اختي اختك بروحها تقول فيها مهنيتنا علي ماما
صح ولالا يارحاب
رحاب:صح صح. غير تعود من الشبطان واهدا
اسامه؛؛ محد طلب منها من اول ماجت وهي بروحها تشطر. انا نقوللها فوتي يارشا مش داعي. امي. بصحتها. توا طلعت اللي دراته كله. تجمل. وسببت في مشاكل مع امي.
رشا؛: توا طلعت. رشا تشطر. بدل ماتمشي. لامك وتوضحلها الصوره ماسك في رشا تشطر. طلعت رشا تجمل تمام. يااسامه شكرا. هذا بدال ماانت راجلي وعارف نيتي تقول. هكي تصدق الكلام عليا
اسامه:: مش هكي. بس
مراد:: لمي دبشك. خلي باتك. ياخد حقك. ويعرفهم من بنت الحاج علي اللي يتهجم عليها رجاله. وبدل ماراجلهايصبي معاها لا. جاي محملها المسؤوليه
رشا:: مراد خلاص روح مش لدرجة
مراد::نروح عينك. امشي البسي
اسامه:: مراد. خلاص حقك عليا. وخويا توا نركب نضربه ونقتله حتي القتل باهي. عشان نقعد خديت حقك يامدام. تمام هكي
مراد؛: تتهزا صاح. برمت عليها خشي لمي دبشششك عنجد وجك خششششي
رشا:: اسامه خلاص اسفه. ادويله
مراد::اسسسفه عينك. لمي دبشك قتلك. خليها له. البراكه اللي فرحان بيها هوا وخوته.
اسامه::لمي دبشك وعدي معاه
رشا:: اسامه لا
رحاب:: طلعت نجري لماما. جت
امه:: كنكم شن صاير. ليش للشقه هك
مراد:: هذا كله تكسر في وج اختي.
اختي ياعمتي. اللي حضرتك لزيتيها
امه:: انا لزيتك. يا رشا.
اسامه:: سيبيها ولا ترعشي روحك. مضايقه هي وخوها يبي يطلعها من البراكه
رشا:: لا مش هكي. يااسامه
اسامه::خششششي. لمي. دبشك. والتفاهم مع باتك. لكن. هذا اععع لا اسلوب ولا منطق. من يومه. صايع امتاع صبايا مش له كلام الرجاله
مراد:: من الصايع ياحيوان. اه. من
رحاب:: مرادهيا يامراد. خلاص. فوته.
برمت علي رشا البسي. بس وهيا متكبريش الموضوع
رشا::خشيت نجري لبست وطلعت.
مراد:: بعد فكتني رحاب. فطنت لوجود امها طلعت نجري
نراجي فيكن. في السياره بسرعه
طلعت. وركبت نجري لشقة طلال فوق خبطت محد رد. نزلت. للشارع سيارته مش قاعده. الحيوان جيت كانت. مدرسه هرب. اتفوووو. عيله وسخه
~<|~
رشا:: طلعت نبحت فيه سيبني وخش الحمام.
قربت من امه وحبيت علي راسها ونبكي. مش قصدي صدقيني
امه::عارفه بس انت هك كبرتي الموضوع يارشا. كان سكتي راهو.
رحاب:: هيا ماما مش وقت كلام يبيب برا. نبيش ينزل طلال وتزيد المشكله
امه::صح. اطلعن بسرعه الليل بكرا نجيك ويكونو هدو
اسامه::رحاب خليك. مفش مشي. نوريه عليها حركاته وكلامه
رحاب:: مدخلاكش بيا انا حياتي بروحي سمعت اطلعي بسرعه انت قدامي. دفيتها. طلعت ورديت برمت عليه
توا ينفعك. تهورك وعياطك لما العيل ينزل باهي مجنون. اشر من اللي عندي. خزي. علي وجك
اسامه:: تعالي هنا.
امه؛:سيبها بلاش هبال عيب اللي درتوه عيب
رحاب؛: طلعت نزر. نجري وصكرت ورايا. الباب
فتحت السياره قعمزت خلاص عدي بسرعه.
رشا؛: قالك اقعدي صح
رحاب:: هيا مراد نبوش فضايح شارع.
مراد:: ولعت وامشيت وطول السياره هنا الاثنين يتباكن
وانا معصب ونهزب.
وصلت للحوش فتخت الباب كانو يتعشو
رشا
الكاتبه ريم محمد