الحلقه 24❤️
زياد:: هههههههههه. تشبيه قاتل كوم القش
بس صح. كلامك. عندنا نحن. بس ممكن. معندناش الصدقات زي حلاتك. جوزيف والياس واحمد ويوسف
خليط
سلاف؛؛. صداقات محترمه زملاء واقارب. ونتشرف بصداقتهم. بس سامحني في الكلمه انتم. مينفعش معاكم البنت الواضحه تحبو تنغشو. في بنات. بالسر عندها مية صديق. بس من وراء هلها الدليل اول شي اديره. بلوك لاي قريب. لها علي الفيس.
زياذ::كنك حامقه وزعلانه
سلاف:: شي حبيت نوضح الصوره اللي واخدينها علي البنت الواضحه. الصريحه زيي
زياد:: وانا نحب شخصية البنت اللي زيك
سلاف:: سكتت قعدت نبحت فيه
زياد:: انتبهت لريما طلعت
مبروك ريما
ريما:: الله يبارك فيك. كيف حال نورا والبنات
زياذ:: الحمدالله. شن اخبار احمد ولا يي نسأل عليه هذي صديقها احمد ههههه
سلاف:: اها صديقي احمد.
ريما:: لا كويس. باهي معلش ممكن الحساب كم
زياد:: عطيني 200
ريما:: لا بس هذين سعرهم اكثر
زياد::زياد عطيني ميتين ياريما وتوكلي تبي نورا تزعل مني راك بمثابت بنت خالتي ولالا
ريما:: تسلم. شكرا زياد
سلاف:: هاتي خلاص هيا
زياد:: استني الادوات. خودي
سلاف:: اه شكرا
زياذ:: اه عفوا.
عبيطه بكل وهبله اخري. خشو زباين. لهيت. معاهم
روحت. كسدت مع باتي وهلي.
فتحت الفيس
مش فاتحه. نزلت.
حين تحتشمين ستخجل عيون الرجال منك
~<~>
الناس الطبيعيه لما بتحب حد بتهتم به وتبين حبها الا انا
لما نحب حد نعانده ونحرقله دمه ونستفزه لحد مايكرهني.
~<~>~~~
زياد يشعر بالحب
~~>~>~
سلاف:: فتحت. شفت اللي منزله. فهمت قصده
علي طول خش عليا خاص صكرت. بسرعه
زياد::توا اون لاين. قعدت نراجي تفتح معش فتحت. رنيت. عليها
سكنت نرن. متردش. مبيتش نمل. عاودت الاتصال اكثر من مره ردت
زياد:: اسف السكنان. بس. محبيتش يكمل يومي بدون ما نحكي معاك
سلاف:: عليش
زياد:: شي هك. نحب. نهدرز معاك. ياصديقتي ههههه
سلاف: اه صح شكرا علي السلسال يجنن.
زياد:: بجد حبيتيها
سلاف::بكل. حتي ريما ماتت فيها. بس
زياد::بس شنو
سلاف:: بس كيف عرفت اني نحب الفراشات
زياذ:: اول شي من صفحتك ورسوماتك.
ثاني. لانك ناعمه وحلوه زي الفراشه حبيت تكوني لابسه شي يحكي نعومتك
سلاف:: شكرا. اااه
زياد:: عليش التنهيده
سلاف:: شي
زياد:: حلوه. لبستك اليوم.
سلاف:: حين تحتشمين ستخجل عيون الرجال منك
زياذ:: بالزبط.
سلاف:: ان شاءالله هنا تاقلمت نوعا ما. بس في الحوش بدون حجاب علي عيال عمي.
بس لما نرد روما كيف يصير فياهههههههه
زياذ::الله موجود في كل مكان مفش روما ولا ليبيا. صح
سلاف:: صح. بس. غادي. كل صحباتي جنسيات مختلفه. ولاوخده محجبه
زياد:: انت مدخلكش بحد
بعدين امتي مسافره انت
سلاف:: خلاص. نهايه 7. فرصه سعيده اني تعرفت عليك. وان شاءالله. زيارتي الجايه نشوف وليدك. ومدامتك
زياد: تضايقت من كلامها. قعدت ساكت
سلاف:: اوووي وين رحت زياد
زياد:: اسمعي يابنت الناس من غير لف ولا دوران. ولا تقولي بدري الكلام ولا مش وقته
من الاخير. انا شاريك ونحبك. ونبيك معايا.
سلاف::
زياذ:: ردي لو متبينيش عادي. بس انا مش متخيل. تعدي ومعش نشوفك. الوقت حاسه مش في صالحي لو. محكيتش.
سلاف:: بس يازياد.
زياذ::مفش بس
. انا سمعتك امبدري. انت عندك نفس الشعور وشفت الغيره في عيونك.
سلاف:: انا مش عارفه خايفه تكون استعجلت
زياد:: لا متخفيش الاستعجال لصالحنا. خلينا. نقعدو صريحين ونتسابقو مع الوقت. وبدل ما تسافري. خلاص تستقري معايا.
سوفي انا لما قتلك شبه حبيت. كان القصد انت
سلاف:: بس. انا وانت مش نفس الطبع
زياد::بالعكس. انا وانت. زي بعض.
وانا ملاحظ كيف انت. تديري كل شي نحبه صح. ولالا
سلاف: زياد بنصكر.
زياذ:: متهربيش مني. خليك
سلاف:: امل. بايته عيب. نطلع نسهر معاها
زياد:: تصبحي علي خير. حبيبتي.
سلاف:صكرت عليه بدون مانرد. بس في حالة صدمه
خشيت لريما حكيتلها.
ريما:: ياهبله. خليك مرنه. معش تعكي معاه
سلاف:: خايفه يقعد يتسلا بيا
ريما:: واضح جدي حرام عليك
سلاف:: ااه. يعني قولتك نقعد معاه متجاوبه
ريما:: اها خليك متجاوبه ههههههه
بس اسمعي. مش داعي تحكي لحد توا
~<~<>
سلاف:: حليت الفجر الفيس لقيته فاتح. علي طول جاني خاص
زياد:: مرقدتيش حتي انت
سلاف:: اها
زياد:: زعمك عقلك فيا زي ما عقلي فيك
سلاف:: كلامك مخلنيش نرقد. محيرني
زياذ: مفهش حيره. انحبك
ا ن ح ب ك. كلمه. واضحه ياسوفي
سلاف:: باهي.
زياد:: عنجد باهي. ههههههههه
سلاف:: هههههههه.
زياد:شوفي. دزيتلها صورة وشاحها
سلاف:: شن ادير به
زياد:: نشم فيه. عشان هكي نبي نخبطك بسررررعه. لان العطر لو شمه عليك. راجل غريب يبقي بمثابة. الزنا هههههه
سلاف:: بطل قلة ادب
زياذ:: شرح. كلام الرسول. عليه الصلاة والسلام هذا ياحبيبتي معش تبخي عطور. سمعتي
سلاف:: صدقت روحك بتتحكم فيا.
زياد:: اها كلمة حق. سمعتي الفجر اذن
سلاف:: اها.
وانا مروحه تكيت علي حوش عميمه. وعطيته البدله جت عليه حلوه
زياد:: زيزو في الخدمه
بس اخر مره تقوليلي. نجيب هديه لشاب
سلاف:: عيال عميمه
زياد:: عما يعميك. راجل. لا سمعتي
سلاف:: باهي احكيلي عمرك حبيت
زياد:: حاليا عايشها
سلاف:: قبل قصدي
زياد:: مره. زبونه. عجبتني. وخشيت معاها في علاقة وحبيتها. وكانت بنت محترمه. بس. لما مرضت امي. محسيتش. بيها. صبت معايا. حسيتها بارده. مش حاسه. بيا. وتمل من. حزني تصوري تعرف ايام الجرعات الكيماوي. وتكلمني. بس مستحيل تسال شن صار معاها. قعدت نحس ببرود ناحيتها. وحبي بدا يخف
وبعد وفاة امي. بثلاث شهور. بدت. تزن تعال اخطب جوني خطاب
قعدت نقوللها كيف نجي نحكي مع خواتي. بايخه اصبري. كم شهر
قعدت تكذب فيا. وانت تضحك عليا وهكي
قتلها. نقولك شوفي نصيبك وربي يهنيك
وفتتها بكل قعدت ترن وتجي للمحل. وتعتذر. قتلها من الاخير اعتبريني نلعب عليك نقاني معد نبيك
وخلاص. كل واحد عدا في حاله
سلاف:: حرام. بلكي ماتقصدش مرات. تقعد ضلمتها
زياد:: طارت النيه. منها
سلاف:: لبسه هي. طارت النيه منها ياخوفي يجي اليوم اللي تطير النيه مني
زياد:: انا نحب اللي يهتم بيا وبكل شي يخصني. نحب اللي ينشغل عليا. ويدورني. نحب اللي. ينشغل علي. اي حد نحبه. خواتي وباتي وحتي مرت باتي.
سلاف:: وانا
زياد:: انتي. انا. انتي عمري
سلاف:: بجد. زياد
زياد:: جد الجد ياعيون زياد
سلاف:: زيزو. بنصكر.نعست
زياذ:: امتي بنسمع كلمةانحبك من فمك
سلاف:: باييي. هههههههه
~<~>~
ثاني رن عليا وقت طلعت رحمه. وحسيت. امل. حست. حاجه. نهيت معاه. ومحبيتش نبين
حاسه روحي. مبسوطه. طايره زي الفراشه. زياد يجنن. صريح. بس خايفه يكون استعجل
~<~>~
~<~>~
رحمه:: كملت الزياره. بديت نشد روحي ونفطن. كذبن عليا وقالن. مبش يخلوه يركب
روحن وممنوع المرافق. قعدت. علي ظهري. ممنوع الحركه.
زدت وقت المغرب تضايقت. المستشفي هاديه. واللي جنبي. جايبه. قيصريه. كملتها تبكي وتتألم. خلاص زدت تضايقت وقت طول ملل. وتعبت من النوم.
كل مانرن عليه مقفل. الساعه 11.
لالا الموضوع مش طبيعي. حي عليا. شن صايرله ويبوش يحكو
رنيت علي رحاب
رحاب:: تي قاعد. عندهم وجيج في المحلات وتلفونه راح منه.
رحمه:: رحاب بطلي كذب. معلش في الكلمه
بس بالعقل. توا راح والصبح عند امه قافلته
احكولي شن صاير. راجلي وينه. مش من عادته يغيب عليا
انتم هكي تزيدو تشغلو فيا واتعبو فيا ركبتو النار فيا هكي
عبدوووو مستحيل. ميطمنش عليا دقيقه يبال دايره عمليه
شن صاير يارحاب وراس مراد وعليوه. تحكيلي
رحاب:: ارتبكت ومعش عرفت. نرد.
قتلها مفش شي ياحومه وتوا ننزل نقوله يرن عليك.
رحمه::صوت مراد جنبك. عطيه ليا. معش تكذبو وتألفو عليا. عبدو. وووين
رحاب:: كان مراد يلعب في عليوه
مسكت تلفوني ودرت مكبر. درتله بيدي اسمع تبكي
مراد:: عطيها ليا
ايوا رحمه كيف حالك
رحمه:: مش كويسه طالما اني مسمعتش صوته انا مش كويسه. يامراد
مراد:: مو قالولك رايح تلفونه. يارحمه كنك تبيش تصدقي.
رحمه:: لا يامراد مش قادره نصدق واصلا متصدقش. يعني ميقدرش يرن من تلفونك ولا تلفون اي حد منكم.
مراد:: ياستي. خلاص توا هوا مع صاحبه توا نرن عليه نقوله. يرن عليك تطمني باهي.
رحمه:: ياريت. انت اكثر واحد انا من يوم خشيت حوشكم مصبي معايا وعارفه انت اللي راح تطمني. عليه.
مراد:: متقوليش هكي ياهبله خلاص توا نرن عليه نقوله اهدي بس. وصكرت
رحاب:: كيف يرن عليها.شن ادير
مراد:: نرن علي الشرطي قولي يارب يقعد ماسك يعطيه يرن وخلاص
رنيت عليه قال ماسك الحمدالله. عطاه ليا
عبدو؛: توا نرن عليها. عارفها انها مسكينه مش ناقصه حرق
مراد:: خلاص ان شاءالله بكرا. بلكي تطلعو.
عبذو:: ديرو حل يامراد الكلب هذا. عطيه طريحه ثانيه توا يتنازل. يبيش التفاهم وجو اللي ديرينه معاه
مراد:: تي بطل. غباء. مودرك غير تهورك هذ.
هيا بس رن عليها بنتك تعيط.
عبدو:: هههههه. بطل حناطه.
~<~<
رحمه:: رن رقم. غريب. رديت
عبدو:: تردي علي ارقام غريبه ياشينه
رحمه:: حبيبي.
عبدو:: حومتي بطلي بكاء كنك ياهبله موعارفه مش كويس عليك
رحمه:: كيف مترنش عليا يوم كامل ولا تطمن عليا بعد العمليه. عبدو انت ليش قعدت هك جاف معايا. مش متعوده هكي انا منك
عبدو:: ادهنيني بنيفيا عشان نترطب
رحمه:: نحكي جد انا
عبدو::نحكي جد انا حي علي الصوت الدلوع. كبرتي ياسمحه مفروض عقلك يكبر معاك. يعني ياقليبي معقوله قاصد يارحمه بس انشغلت وتلفوني انسرق مني بس وعد بكرا نحاول نجي نطلعك انا
رحمه:: كيف تحاول هذي. شفت في حاجه صح
عبدو:: اووف علي عقلك الصغير
يعني قصدي ان شاءالله بمشيئة الله.
رحمه:: العيال شن دايرين
عبدو::كويسيين يهبلو فاقدينك بس تحسيهم
رحمه: وانت غريبه سهران ومسيبهم لعند توا
عبذو:: مضايق الشقه والحوش كله شين من غيرك. اخترت. نسهر عند حسونه وشويه ومروح
عبدو:: شنو صحتك توا
رحمه:: الخمدالله. بس عارف الدكتوره قالت ممنوع ال
عبدو:: لالا عليك قصه لعند امتي
رحمه:: للولاده. وطبعا انت مفكش صبر ويسترالله
عبدو:: هههههههه شن قالوك. عليا. لا نقدر نصبر ونتحمل
رحمه:: بودي. شن الصوت هذا وليش تحكي بصوت واطي
عبدو:: لا حبيبي هذوما شباب. يهدرزو
رحمه:: عبدو لالا صوت. صدا وغريب.راه تقعد رديت للوجيج
عبدو:: نزعل راني. معقوله غير هذا واحد. يغني بروحه.
حومي الراجل يبي تلفونه. بكرا نتلاقو باهي
رحمه:: خليك معايا شويه. عادي حسين
عبدو:: لالا انا خلاص بنروح صكري توا واقري اذكارك والمعوذات توا تلقي روحك راقده. وجاي الصبح بسرعه باهي
رحمه:: بودي
عبذو:: عيونه. شنو
رحمه:: انحبك ووووووووووووووووواجدددد .
عبدو::تنهدت.
وانا انحبك وووووووواجد. اكثر من. حبك ليا ديري بالك علي روحك واسمعي كلام الدكتوره لاحركه ولازعل. تمام دلوعه
رحمه:: بودي
عبذو:: غمضت عيوني.
نعم.
رحمه:: بكرا تجيني صح ولا ماجيتش. راهو. راح نزعل منك. ونعتبرك. تمشي. فيا ومتحبنيش
عبدو: بالعكس. لو جيت ولا مجيتش اعرفي اني. مستعد نموت عشانك. مش متحبنيش
رحمه: يجعل. يومي قبل يومك. حبيبي. بس
مفهمتش شن قصدك
عبدو:: خلاص ياحومه رصيده. عيب
هيا باي
صكرت وهي مزالت تبي تحكي.
رنيت اخري علي مراد وقتله. تصرف. نبي نطلع رحمه شاكه. ولو بكرا مجيتش. توا. تعرف وتتعب
مراد؛؛ نصيحه. خليني نقوللها. خير
عبدو:: غير انت. حاول معاه عطوه فلوس. تصرفو.
><~<~~
حسين:: كنك.
عبدو:: البلوه هذك. شكله متهلوس. خش عليا في الحمام وانا نحكي معاها يغني. ويقولي. عطيني نحكي. ويستهوك. رفسته في بطنه طاح. انخمد
حسين:: اها. مكان مقررف. خلاص. تعبت مفش جذيد
عبدو: مراد. قال بلكي بكرا تطلعو
حسين::يارب تعبنا. بس بارك الله فيهم.
خوتك. مش مخليين هلي. وخويا
عبدو؛: ودزولك. عشاء اطفح. شن تبي اكثر من هك ههههههه
حسين:: غريب انت واضح انك مضايق ومخنوق. بس في عز كدرتك. تحاول تضحك ومتبينش
عبدو:: نار جوا فيا. كلام رحمه. توا زادها. لازم نطلع. لازم
مقدرتش نرقد الليل كله. حسين. متكي. راقد علي كراعي وانا. مش قادر. عقلي عندها
رحمه:: الصبح جت الدكتوره كتبت خروج.
توقعته هوا يجي ياخدني بس استغربت بخشت خويله
كوثر هيا رحمه امسكي فيا وبشويه انزلي
رحمه:: جابك عبدو
كوثر : اها. هيا بس
نزلنا شفت عمي
حاج علي ::الخمدالله علي سلامتك
رحمه::الله يسلمك. ركبوني السياره وانا علامات الاستفهام والاستغراب في وجهي
كيف مش قلتي هوا جابك
حاج::رحمه يابنتي. عبدو في المركز. موقفينه
رخمه::شنووو. ليششش عبدو مش امتاع مشاكل.
حاج:: ماشي ضارب الاستاذ
رحمه:: كنت حاسه. انه مش راح يسكت بس هوا طمني
كوثر:: بطلي بكاء يارحمه. اليوم ان شاءالله يطلع
توا بلكي. يلحق يتغدا معانا ادعي بس
حاج:: رن عليا جلال قال بدو يلينو العيله وهوا
بعد العصر. ماشيين القبيله واللي يبوها ياخدوها وتوا يتنازلو. متخفيش
رحمه::بس امس كلمني الليل قصدك من الحجز
كوثر:: رن اطمن حتي علي العيال. اها من الحجز
هيا انزلي. عبدو موصي. دار معايا
رخمه: وامه تزعل. لالا. توا نقعد عندها. هي حساسه. ومنقدرش تزعل منه.
حاج:: ربي يكملك بعقلك. تحمليها. غيره شينه جايتها بس طيبه وحنونه. وانت الشاطره تقدري تغلبيها. بتصرفاتك هذي
حليمه:: الخمدالله علي السلامه. نورتي حوشك
رحمه:: منور بيك.
حليمه:: وتيتلك دار البنات. كبيره. وتسدكم
خشي تريحي حبيبتي
نعدي. نجيبلك الكبده وتيتها لك
كوثر:: انفصام عندها ههههههه
رحمه: ربي يدوم الحال. جيبيلي العيال ياخويله
كوثر:: حاضر هي
رحمه:: حبايب ماما يجننو. رايفت عليهم بكككككل
امل:: حمدالله علي السلامه
رحمه:: الله يسلمك. وين ماما
امل:: في الطريق جايه
رحمه:: بس انت جايه تحمدي علي سلامتي ولاتكلمي
سلاف: يلا باي توا
اها هذي ريما. الخمدالله علي سلامتك ياعمري نورتي
رخمه:: منور بيكم وينها ريما.
امل:: في الحوش الثاني غريبه تحكي معاها بالتلفون
سلاف:: سالتني علي حاجه بس. يلا رحمه ارتاحي انت. انا. ماشيه نشوف ريما
طلعت ورنيت علي زياد
زياد:: ليش صكرتي عليا
سلاف:: خشيت نسلم علي رحمه
زياذ::باهي. ممكن معش تحكي مع مهند. واصلا تطلعي تسلمي عليه
سلاف:: ليش. وبعدين شن عرفك اصلا. طلعتله
زياد:: حبيبي. انا عارف نيتك وعارف. انك مش قصدك شي غير. حب التعارف والصداقات. . بس. غلط. اللي سمعته كله مدققتش فيه لاني عارفك كويس. بس وراسي. افطني لروحك باهي
سلاف:: حاضر. بس من حكالك.
زياذ:: الفراشه. اللي في رقبتك هههههههه
سلاف:: ييي طح سعدك يعني تجسس عليا. حاط كاميرا
زياد::ههههههه اها. عندي مخابرات اصلي
هيا حياتي. بنصكر خشو زباين
سلاف:: حتي. انت افطن لروحك مع الزباين.
زياد:: حااااااااااااضر. نحب اللي يغيرو انا
باي. اااه استني
سلاف:: نعم
زياذ:: اللي من خمس حروف. ووووووواجد.
سلاف:: بااي
ان ح ب ك. ووووووواجد
~>~>~
رحمه:: للعشيه مزال مجا.
يارب طولو. صح
امل: بكككككل ارقدي انت. نحس فيك مرهقه. خليني ناخد العيال لحوش خويله وانت تريحي.
رحمه:: قعدت. قالقه ومشغوله عليه.
خدا في عيني النوم. من كثر التفكير.
فتحت عيوني علي شفت ماما فوق راسي.
رحمه:: ماما ساعه كم
كريمه::الساعه7حبيبتي
رحمه:: مطلعش
كريمه:: لا حبيبتي ادعي ربي يفرج عليه كربه ويردلك طيب
رحمه:يارب يارب.
ماما نبي نتوضا ونصلي.
كريمه:: هي صبي توضي بس الصلاة قال عمك عادي تصلي علي الكرسي.
رحمه::حاضر.
ااااح. صبيت بشويه. وطلعت للحمام. تشطفت وتوضيت ورديت صليت. علي الكرسي
كريمه:: تسطحي توا نحطلك امخاد. ونجيبلك تاكلي
رحمه:: نبي مراد
كريمه:: مراد توا نشوفه لك تريحي بس
رحمه:: كويس ياماما انا نبي نتمشا شوي.
صبيت سندت عليها وطلعت من الدار
حليمه::ليش مصبيه يارحمه خليك متمدده.
رحمه:: نبي نتحرك. مليت
حليمه:: اغصبي روحك. عشان العمليه تنجح. حافظي علي وليدنا اللي امانه عندك
كريمه:: بحتت فيها وهزيت راسي وقعدت ماسكه رحمه ونمشي فيها
تعدليش حبيبتي مرا كبيره اعذريها تبي حفيدها.
رحمه:مش معدله. ياماما بس هي ديما هك تحب تحسسني اني مش قادره نجيب عيل. لازم تحط كلامات. لهن معاني
كريمه::معروف عليها من يومها هبله متعرفش تحكي
ريما:: اهلا اهلا هاتي ياخويله نساعدك
رحمه:: اسفه جبتلك ماما. مفروض انت توا في الشيانه هههههه
ريما::لا عادي توا نتغير علي كل حال
رحمه:: مراد كلميه ليا نبيه لو قاعد
ريما:مزال في المحل.
رحمه:: امل وين العيال
امل:علي مع احميده في الشارع. واسيل. مع سلاف في دارها
رحمه:: توا نخش نشوفهن
ريما::حوش يرن اكيد وحده من البنات.
حاج:: خير يارحمه كيف حالك توا
رحمه:: الخمدالله. كيف خالك انت بعد الرعشه
حاج:: الحمدالله. ماسك روحي
سلاف:: عمو. جبل شامخ.
خليك هيك ياجبل مايهزك ريح
حاج:: تعالي انت. حطيت يدي علي كتفها. شن اللي لابستيه هذا
سلاف:: مش حلو.
حاج:: هذا. عيب تلبسيه قدام عيال عمك عيب
سلاف:: حاضر راح نغيره ولا زعلك حبيبي
حاج:: هههههههه لسان خشي بسرعه غيريه
خشيت حومه قولي من جا مفاجأه
رحمه:: جت مني لقطه عفويه بدون مانركز في روحي
بووووودي صححححح
ريما::ههههههه لالا اسماء
حاج:: احممم. انا في المكتب
اسماء:: حومه الخمذالله علي سلامتك كيف حالك توا
رحمه::الخمدالله تعالي خشي
خشت سلمت علي ماما وامل والبنات
ريما:: ناعليا بووووودييي. بابا وجه طاح. خش يجري ركزي ياحماره
رحمه: قعدت نحرك في راسي ويديا
ياناعليا يارورو مرايفه. مشتاقه بننجن في غيابه. يوم ممل وبارد. لا ضحكة من القلب ولا وكله فيها طعمه
ريما:: ربك يفرجها. وان شاءالله الليله ترقدي في حضنه
رحمه:: ياااااااااارب.
خلينا نخشو جنبهم
رحاب:: نزلت. خشيت عليهن. شفت اسماء. خليت روحي طبيعيه. سلمت ورحبت.
ريما:: يا رحاب وزني. منك خلاص. ارحمينا.
رخاب:: متكليش هههههه. بعدك. الشكولاطه. ابداع نوتيلا علي سنكرس علي كيندر علي علي
اسماء:: حي عليا بنجيب شنو هذا ياحوبه ريقي سال بسرعه ديرن القهوه
رحاب:: مو حرام في ناس يوجعو. يبوش ياكلو.
اسماء :: تعالي انا وانت نديرو القهوه وهي خليها تخش دارها. تدرق وجها
رحمه:: حرام عليكن. هههههه
سلاف:: . انا جايه معاكن. تجنن ياحوبه. مش قتلك. علميني
رحاب: يي نسيت. خلاص المره الجايه لما ندير. نكلمك تركبي باهي
بس تجنن السلسه ماشاءالله. دارت عيوني من البريق امتاعها. ذهب
سلاف:: لا فضه. بس تجنن صح
رحاب:: بكل.
اسما:: حي عليك تجي في البيبي فراشه
امسكيها علي الاقل
رحاب:: خلينا نكملو الحط . وناخدها نلبسها. نجربها
مراد:: خشيت. ندور في رحاب سمعت صوتها في المطبخ. خشيتلها
اوووو اشرقت وانورت بنت خالتي عندنا شن الاخبار
اسماء::ارتبكت وزمطت ريقي. كان شعور الخوف مسيطر عليا.
مراد:: تبيش ترد ريتي. تجوزت شافت نفسها شكلها جو. رشا. مرت راجل قعدت ههههههه
سلاف::هههههههه.
رحاب:: لا غير فجعتها مسكينه بعدين رشا حاله خاصه
هههههههه
اسماء:: فطنت لروحي كيف كسفته لما مد يده وهوا خداها بالجو. والتركيب
رديت مديت يدي. اهلا. غير. فجعتني شن الاخبار.
مراد:: سلمت ودرتلها بيدي العقل وين كان في نصوره. زعمك
رحاب:: اكيد عاد. توا العقل كله. ناصر.
اسما:: ههههههه.
مراد:: ربي يسعدك. انا ديما لما نشوف فيه نوصي فيه عليه. قتله. تزعل اختي نهارك. يوصلك في السلامات
اسما: ربي يخليك ليا ديما يوصلي فيهن. ويقولي. راك تحرشي مراد هههههه
سلاف:: باهي. عدي لرحمه حايسه ادور فيك. طمنها. حرام
مراد:: بحتت فيها تعالي هنا انت من وين جايبتيها السلسله هذي.
رحاب: عصبني. كيف برم عليها وقعد يبحت في صدرها. كانت لابسه بدي. رقبته دائريه. جاني شعور الغيره. واصلا محبيتش منه. الحركه هذي.
سلاف: هديه جتني. وحتي حوبه حبتها. تجنن للدرجه هذي قصدكم
امل:: وين القهوه يابنات.
رحاب:: صبي عليها. ومشيت جنبهم. بحتت فيه بتفنيصه.
مراد:: فتتها. وكملت كلامي
هذي مش فضه واضحه ذهب. مديها معلش
رحاب:: جيبلي زيها تجنن. ههههههه
مراد:: درتلها تكشيخه.
رحاب:: بارد كشخ عليا. يملح.
سلاف:: سلحتها ومديتها له
مراد:: تي ذهب عيب عاد. تخصص انا.
بس هذي ماركة stroili. Oro
جميله. ومش نازله الا عند محل. ال
في مول. ال
هذي في كتالوج وجايه في المجموعه الجديده عندي
امل:: اول ماسمعت اسم المول بحتت فيها لقيتها تسمع في كلامه ومبتسمه. يعني انا سمعت صح هوا زياد. كيف بس سيبت. القهوه وطلعت للحمام نبكي. وجعتني روحي قدامه وعمره ماعبرني. نحبه وهوا مش مدورني بس ليش هاجر. تقولي في عكس الكلام
توهم فيا ولا تحكي صح يارب.
مسحت عيوني وطلعت
><~>~
رحاب:: نبي منها. وراس مراد. تجنن. تجي في العيل فراشه في خده
مراد:: عنجد وجك خلاص سكنتي بعدين نحكو. احسبيني في القهوه معاكن
:: بس انت من جايبها لك باتي
سلاف:: لا ريما. ريما خدتها ليا ذكره قبل نسافر
مراد:: ريما البخيله. تدفع 1000
سلاف: شهقت بصوت عالي.
هاااااا الف. لالا بلكي غالط
مراد:: تقريبا الف او اقل شوي بس في الحومه هذ
رحاب: اطلع بس. وطمن رحمه. ومتندعبش تنحنح قبل تخش
مراذ::حاضر بنت عمي توا نقول يلا يلا. تمام
رحاب:: تؤبرني تاج. راسي. فوووت. ابن عمي
مراذ:: بحتت في اسماء وسلاف. درتلهن بيدي. مزنحه هذي ادعلي ربي يعيني. ههههه وطلعت
رحاب:: مزنحه بيك. لو تعرف بسسس. ههههه
اسما:: هههههههه. هيا. حطي سكر بس
رشا:: زيدن فنجانين. انا ومني. جينا.
اهلا. كيف حالك
اسما:: اهلا بيك. ناقصه ماشاءالله. بكل
رشا:: حتي اسومي توا قالي لبسه. مسحتك.
رحاب:: اهي جت. رشا لين تكرهي اسومي مش خويا. بس مرات تكره فيا فيه هههههههه
اسما:: اسمعي خليها تعبر. حتي انا زيها نصوري ياخيه جو علي شوق. علي قولتها
رشا: ههههههه اي والله بيدينا وسنونا مكرشين فيهم
سلاف:: كنت سرحانه وماسكه السلسال في يدي. معقوله. ذهب وغاليه.
طلعت خشيت لريما
حكيتلها.
ريما:: غريب توقعتها فضه الحق. بس ذويق شفتي كيف لفتت نظر الكل
تعالي معايا. نهدرزو معاهم
سلاف::
فتحت الفيس. وشاركت اغنية.
حبيته بيني وبين نفسي�وما قولتلوش ع اللي في نفسي�ما عرفش إيه بيحصللى لما بشوف عينيه�ما بقتش عارفة أقوله إيه�ما عرفش ليه خبيت عليه�بضعف أوى وأنا جنبه وبسلم عليه
~>~>~
صكرت الفيس وطلعت جنب البنات. هدرزنا وجو حلو كان. محليتش الفيس وكان السلسه كل شوي لا شعوريا. نلاقي روحي ماسكتها.
ريما:: جيتها يافرخه. ركزي في روحك كل شوي. نلاحظ تمسكي القلاده وتبتسمي
سلاف:: اوفر صح
ريما:: حاسه امل مركزه معاك صاحبت اخته. حي عليك ركزي
سلاف::مش عارفه حاستها متحبنيش. مع مدرتش شي يزعلها
ريما:: فوتي امل طيوبه غير ممكن حاستك متفتحه وامزطيها بس ههههه
سلاف:: يناعليا حاسه روحي امزطه الكل ههههههه
~>~<~>
مراد:: كويس شفته امبدري. جوه تمام يارحمه وماشيين تمام نحن. متخافيش
رحمه::كيف يامراد ومزال مطلع
مراد::توا يطلع. متخفيش راجل راهو. ويتحمل.
واخدها بالجو وكملها يشفط علي حسين ويضحك
رحمه:: يعني مش مدورني
مراد:: ريتي كيف. فسرتي لا. كل شوي يسال عليك ويوصي. غير قصدي بصفه عامه
رحمه:: متقدرش ترن علي الرقم
مراد: لا الراجل كمل مناوبته خلاص اصبري سيبت احميده. خاش في الموضوغ
مخمد:: السلام عليكم شن الاجواء
رحمه:: وعليكم السلام شن صار معاك
محمد:: عيله زفته. روس مصكره. ختي ولد جيرانهم قالي. ملكمش معاهم غير جو. القبيله. واضح يبو مصار وفلوس
مراد:: مكنتش حاب القصه تكبر قلت لباتي اصبر بس شكله مفش الا هل الحل
~>~>|~
اشرف:: خشيت لقيت كلهم ملتمين.
رشا::وين دنيا تنزل تشرب القهوه معانا
اشرف::نكلمها عادي.
رحاب:: بحتت في مراد ودتله عيوني
مراد: نزلت الفنجان. ودرتلها حاجبي
قلت لاشرف
تي قعز ياراجل اشرب قهوتك. تبي توا تنزل بروحها خليك مريح راسك
رحاب:: لا يااشرف اركب كلمها تنزل ماشاءالله عليك. نحترم الراجل اللي يدور مراته ومايتهناش في مكان هي مش فيه
رشا:: صفقت يديا سلم فمك. بس معش تنابشي
خوك لما يسأل عليا هههههههه
مراد:: صبيت نجري دفيت اماني وقعمزت جنب رشا. ينصرررر دينك.
رحاب:: قعدت نلكلك. مش كيف. بس.
مراد:: خلاص. سكتاتك. اختي.
محمد::مرت راجل حتي هي ههههههههه
رشا:: يابليد اسكت
اشرف:: نكلمها ياريما ولالا.
ريما:: خليك توا نركب نكلمها انا.
اشرف:: رفعتها. نجك ليا اشري هدية عرسك اللي تبيها حاضر
ريما:: نبي شي. غير نزلني بس. راهو نغير رايي
اشرف: حبيتها علي راسها طيري.
حليمه:: يناعلي هذا كله عشان مراتك ماعندي فيك الا شخصيتك تختلف ونقول لعبدو خليك. زي اشرف . عندك شخصيه. متقعدش مرخي ومرعوش وراء مراتك.
طلعت خرنقه. انتم الاربعه. عينه وحده
رحمه:: وجعتني. فيه. رديت
عبدالرحمن. عنده شخصيه بروحه ياعميمه. مش مرعوش ورا حد ولا مرخي يكفي شايل. مسؤولية عياله ومراته وامه.
كريمه:: رحمه عيب اسس
حليمه:: خليها. ماني مركزه معاها. العتب علي فرخي.
مراد:: نعجبك انا ياامي. مخوفها ترعش مني. رعشششش
حليمه:: مظني.
مراد:: لا ظني ونص.
رحاب خلاص. اركبي
رحاب:: نعم
مراد:: قصدي بلكي تعبتي بتتريحي
حليمه::ااه عينه وحده. الا خاطري واحد. فيكم. هك يكون. حمش. ونسمع صوته يلعلع. والمرا زي ترعش منه.
كيف بوكم. سي السيد
محمذ:: وانت امينه. عاد هههههههه
حرام عليك باتي عمره مكان واعر. ومتعب
حليمه؛: بس مش كيفكم انام هابا
مراذ:: هابتين. وهابا الزمان تغير. ياحاجه توا المرا. قعدت هي الراجل
رحاب:: نعم. بحتت فيه
مراد:: الله ينعم عليك. قصدي. ههههه في. الحقوق
محمد:: تي هذا اكثر واحد جبان
بحتت في رحمه. تبكي. واضح
درت براسي لرشا. شوفيها
رشا:: بحتت فيها وبرمت علي اماني.
حي علينا ماما كثرت والفروخ يتحنطو. وهي شكلها. نفسيتها تعبانه.
محمد طلعت انا مراد واشرف جنب باتي
اماني:: لا واضح حست. روحها وحيده قبل صوته وتعليقاته ماليه الحوش
تعالي نشوفها
جيناها تحسي في حاجه
رحمه:: لالا. بس. مكانه فاضي
رشا:: اسس. ياهبله كنك. عليش تتفاولي عليه توا يطلع. ويملا مكانه.
رحمه:: مشغوله عليه يعني منقدرش نحكي معاه بكل واحد هكي عليا
رشا:: اووف. باهي اهدي. توا نحكي مع مراد
طلعت حكيت معاه.
قالي للدرجه هذي توا نحاول نوصله
رن علي رقم الشرطي
الشرطي: انا مش مناوب.
مراد:: دبر. اي طريقه وكله بحسابه. وفي نفس الوقت عمل خير مراته دايره عمليه وتعبانه
الشرطي: باهي ساعه ونرن عليك
مراذ:: خشيتلها. خلاص ساعه وتكلميه.
رحمه: شكرا.
مراد:: عفوا ياهبله.
رحمه:: وين عليوه
مراد:: قاعد عند باتي.
كريمه:: تعالي دارك خلاص. تريحي
شلتها دارها واتكت
|<~<~~
عبدو:: جاني وقالي رن علي خوك
رنيت علي مراد. وقتله تمام
رحمه؛: طول الوقت ماسكه التلفون ونراجي فيه يرن
رن رقم رديت
عبدو:: انحببببببببك واسف علي انشغالك عليا
رحمه:: ليش هكي درت. حرام عليك انا ناقصه.
عبدو:: سامحيني بس مقدرتش نمشيها. نظراته وكلامه يارحمه سيطرن عليا.
واحد وسخ. وخدا اللي فيه النصيب
رحمه:: وانت خديت النصيب الاكبر. صح مش هكي. وقعدت نبكي
عبدو:: توا نطلع ياحبي متخفيش. ادعيلي بس
رحمه:: ربي يفرجها عليك. ادعي دعاء سيدنا يونس.
لا اله الا انت سبحانك اني كنت من الضالمين
عبدو: رددته وراها
رحمه:: ودعاء. سيدنا يوسف
. اللهم يا مؤنس كل غريب، ويا صاحب كل وحيد، ويا ملجأ كل خائف ، وياكاشف كل كربة، وياعالم كل نجوى، ويامنتهى كل شكوى، يا حاضر كل ملآ، يا حى يا قيوم أسألك أن تقذف رجاءك فى قلبى، حتى لايكون لى هم ولاشغل غيرك، وان تجعل لى من امرى فرجاً وخرجاً، إنك على كل شىء قدير،
:: عبدو:: قعدت نردد وراها
رحمه:: كل شوي قولهن. عبدو. خلي بس. رجاءك لله. تقرب منه. وادعي وتوسل. صدقني حبيبي راح يفرجها. عليك.
عبدو:: ايوا هذي حومتي. اللي تعرف كيف تصبرني. وتقويني بذكر الله. ايوا هذي قليبي. المليان ايمان وثقه بالله
رحمه: حبيبي
عبدو:: عيوني
رحمه::حبيبي متخدش من حد شي في السجن. في ناس مش كويسه اكيد تحشش افطن
عبدو:: اكيد وفاطن.
بس كيف صار.حتي الام العاشقه هههههه
رحمه:: مفهمتش
عبدو: نسال واجد عليك ومشغول وهكي
قالي مراد رايح كيف الاب العاشق تسال عليها اكثر من عيالك
رحمه:: هههههه. بس صح مسألتش علي العيال
عبدو::مطمن عليهن. مامتهم طلعت اكيد بخير وفرحانين
رحمه:: عقبال طلعت بابتهم. بخير تزيد فرحتهم وفرحت مامتهم
عبدو:: ناعليا انا مرررررايف. وين ترقدي عند خالتك
رحمه:: لالا في دار رشا وريهام
عبدو:: ليش. توا ناقصه امي
رحمه؛: امك حرام تنجن لو. بتت غادي بالعيال. تقلبها عليا
عبدو:: مش غير وانا معاك تموت فيها
رحمه::نعم معايا وين. انت عندك شقه عيب.
عبدو:: عيب في عينك مو ياما رقدنا ايام اللي ماتتسما
رخمه::بس هذك ظروفها بروحها. وهذي
عبدو: وين مراتي وين ماانا بعدين متخفيش. قالي مراد علي كلام الدكتوره. حكتله رحاب. متخفيش صحتك عندي بالدنيا
رحمه::مظني انت بس وحم وزعلت
عبدو:صدقيني تختلف. ههههههه بعدين راني مش حيوان. نتخمل ونفهم ياسمحه. بعدين في حاجات تصبيرات بعذين نقولك عليهن هههههههه
رحمه:: قتلك. سخيف. تعرفش تتحمل.
عبدو؛؛ سخيف الادب ههههههه. ااااه. مرايف عليك وعلي العيال.
رحمه:: يحكي مراد امبدري علي حسين ضحكنا
عبدو:: بكل. توا الناس تنحبس تنقص. هوا لا زاد. توا مقعمز ياكل في نوتيلا وخبزه شاميه ههههههههههه منظره دب.
رحمه: هههههه صحه وهذا تبيه لامل. تي ترميه من اول بلكوني
عبدو:: لا رسمي اختك. جديه. يمشيش معاها
بس حكيتله علي هاجر. تصوري قالي رقيقه. اللي مايتحشم ههههههه
رحمه:: لا هاجر. توافق. علي قولتها. قريب يفوتها القطار
عبذر::حبي بنصكر. خلاص الراجل يبي تلفونه
رحمه:: باي حبيبي توا حسيت روحي تريحت
عبدو: باي. نحبك وانا بس توا تريحت
رحمه:: شوف التلفون راه يقعد عنده تسجيل مكالمات. هههههه
عبدو:: صدقتي. راحت من بالي. يلا حبي باي
صكرت منها فتحت التلفون. وملقيتش شي مديته للراجل. وخشيت
~>|>|>|
ريهام:: طلع جلال. برمت علي الشقه. وحطيت. غداه بردو ووصدور دجاج محمرات. بدون زيت
قلت عيب نعدي. نشكر سلفتي مع موقفهم معانا. ونهدرز شويه
لبست وطلعت دقيت. فتحت. هدرزنا وشكرتها. بس
صدمت بعد سمعت تصرف باته. يعني عشان هكي خش يومها ياروحي مضايق وكان مش مركز في روحه.
قالتلي. بيسجل الحوش باسمك. وراهو. باته حاول معاه بس هوا خايف عليك
قالتلي بعد ناض من العمليه قاللها راجلها قعد فرحان. غشاني
ويوصي في خوته عليا. قالتلي. قايل بيعلمك السواقه. عشان تعتمدي علي نفسك.
قالتلي. واخدلك ذهب كامل. وداسه عند. باتك
قالتلي. يبيكش تسافري معاه عشان يبيش لو زاد به الحال والعلاج فشل. متزعليش ووتتعبي زياده في الغربه بعيده عن هلك
قالتلي المية الف اللي خداهن من خوه. كذب مش دين. هذين. من امه. دزتهن بالسرقه. علي عمي. ورثها من بوها.
قالتلي. جلال يحبك. من زماااان. وديما. يحكي لخوه عليك. يوم اللي باته قاله اخطب بنت الحاج علي. قعد ينط. فرحان ولما يخشو عليه يدير روحه يقرا ومش مركز ولا هامه. اللي تبوه ديروه
يوم اللي عرف. انه مصاب بالمرض. ملقش صدر حنون. امه. تعودت علي طبع باته. الجفاف. قابلوه في الاول. لا عاود التحليل. وبعد حسو به بيبكي. قعد باته. وامه معندناش راجل يبكي. امسك روحك. انت راجل. وكلام هك.
وزدتي انت عليه. تبي تفسخي الخطبه تعب ايامها واجد.
يبيكش تحملي. عشان يبيش يسيب مسؤوليه. عليك. يبيش يظلمك بعيل. يربطك. به
يبيش. ولده يتربا مع راجل ام.
قايل لخوه انه يحبك وفرحان بالايام الخلوه معاك. ويبيش يضيع دقيقه. بدونك. وخايف من سفرته وبعده عليك. بس. انت حساسه ومش راح تتحملي.
ريهام:: انهرت من كلامها. حبيبي. كل هذا في قلبه. وانا اللي ياما ضلمته يقطع الكلام المعسول علي وسخ الهدايا علي المكالمات. فعلا. مش كل شي. حب وكلام الفعل. هوا الصح.
قعدت تهدي فيا. وشربتني ميه. استأذنت رديت شقتي
قعدت حايره. خاطري في طريقه نعبرله فيها.
صبيت. غيرت دبشي. وجهزت روحي
جلال:: خشيت. فتحت باب الشقه. جتني تجري خدت الشنطه. والاكياس. وحبتني علي خدي
قعدت مصبيه تبحت فيا وواضح عيونها دموع
حطيت يدي علي كتفها وخشيت بيها كنك. في حد ركب زعلك
ريهام؛: صبيت مكاني وقفت. وهزيت راسي.
هأ مشفتهمش اليوم
جلال:: دلوعه شنو حركات الجدد هذين.
ريهام:: زعلانه منك انت. انا
جلال:: انا. كني. حي عليا.
ريهام:: تبي تسافر. بدوني تؤ نقدرش انا. الساعات اللي توا. قريب متت فيهن تخيلت روحي بدونك شهور. لالا ننجلط انا بغدها
حلال:: رفعت راسها وحولت شعرها من وجها.
بعيد السو علي حبيبتي مش حكينا حبيبي وقتلك بابا نصحني هك. خير
ريهام:: منقدرش منقدررررش. بدونك نموت انا نقدرش نرقدش هنا وشيرت علي صدره
جلال:: باهي وفرح اختك. كيف يصير فيه تبيش تحضريه. تسيبيها
ريهام:: اختي. بتجوز ربي يهنيها. بس حبيبي. محتاجني اكثر. وراس هومي تخليني معاك
جلال:: وراس جولي تصبري وتخليك. وتكملي قرايتك. ووعد نخاول منطولش اصلا مرات. يعطوني العلاج حبوب وابر نروح نكمل علاج جنبك هن
ريهام: بس ياحبيبي
جلال::مبسش ياحبيبي. شنو مفش غداء.
ريهام::درت. غير نحط
شن صار مع عبدو والمحامي
جلال:: سخني نغير. ونقعمزو نحكو
~<~>
جلال:: وانت وين غداك
ريهام:: اهو برودو. ودجاجه
جلال:: طيبي. لروحك ماتتقيديش بيا
ريهام::اللي بيك بيا ونبيش نسهفك. بعدين اكل صحي كنه.
جلال:: ياروحي انا عارف انت تحبيش الخضره. ليش مش ذنبك
ريهام:: نبيش وبعدين نتعوذ. اكل صحي كنه.
جلال:: وتزيدي تجعكي. بروحك ريشه ههههه
طالعه اليوم انا طالع راه
ريهام: وين ماشي
جلال:: لصاحبي. دكتور. في الجامعه يعرف الزفت اللي عبدو ضربه. بلكي يقدر عليه
ريهام:: حقير. واجد هك في الجامعه صياع
جلال:: وانت ان شاءالله متعرضه لموقف هك ومش قايله
ريهام::لا. الحمدالله
جلال:: عارفه انهم. نشوف فيهم في المكاتب وسخين. والبنات اوسخ منهم.
ريهام::بكل وسخ. في اللي مستغلين شهادتهم في الوسخ
جلال:: تي المشكله شياااااب شن يبو ماني عارف
ريهام: وانت. اعترف.
جلال:: هههههههه لا تطمني وحطي في بطنك بطيخه
ريهام:: حبيبي امتي نحط في بطني عيل. خلاص جلال نبي نحمل. خلينا نسيبو المانع
جلال::مزال حبيبتي. مزال
ريهام: المشكله عارف لو المانع في يدي وانا اللي ناخد راني خدعتك بس اخخخ
جلال: ههههههههه
ريهام:: تي خلاص عاد راهو. نتصرف فيهن هههههه
جلال::ههههههههه بليده. نهارك بعدها. خلاص تبيش تخشي تقيلي
ريهام :: ناعسه علقتها مرقدتش الصبح
جلال:: نحطك عند هلك صح
ريهام::قبل بننزل لوطا ليا واجد ماخشيت
حلال:: عدي لهلك فوتي. ماتخشيش. مرت خوك طلعت من المستشفي
ريهام: اها الصبح طلعها بابا
جلال:: برمت. ساعه ونوضيني.
ريهام::ترقدش. هك. برمته علي ظهره
هك وانا هك.
جلال:: حطيت الغطاء علينا وقتلها.
وووووو هك
ريهام:: رفعت الغطاء.
حميت
حلال:: خليه رديته علينا
ريهام::نفسي غم حولته
جلال:: ياحماره فيه جو. رديته
ريهام:: ضربت الغطاء بكراعي. مفش هي
جلال:: مش رومانسيه بكل كل ما نقرب منك انتطي. حمو
ريهام:: هههههه مو الصراحه مستشوره شعري. مش جوك
جلال:: اها. علي يعبرك يامعيزه
ريهام::ضربته علي بطنه معيزه في عينك
حلال:: اييييييوووووه واعره. تعرفيش تعبري بدون اليد
ريهام::اسكت خلاص. نوووووووم
~><~<>
رشا::نضت الصبح. علي حركة اسامه في الدار
كنك
اسامه:: ردي تريحي. طالع انا
رشا:: نحطلك تفطر بس اصبر جيت بنصبي
اسامه: لالا. خليك مكانك. توا نفطر. في الكافي. تريحي.
رشا:: ليشش. عادي بالمره ندير فطور عميمه
اسامه:: امي. توا. تصبي تقدر مهيش. مقعده. وبعدين. في اثنين راقدين في دار اللي جنبك. يبو. فطور وضم دارهم. فوتي. خليك. هن اريح
رشا:: ريت هل التعب. طشت فطور. وسريرين نضمهن
اسامه:: قتلك تريحي. وكان طلعتي. البسي. وافي. ودارهم. متخشيهاش سمعتي.
رشا:: حاضر. خبيبي.
اسامه:: حبيتها علي خدها. يلا طالع. باي ياسمحه
رشا:: اسومي. المانجا.
اسامه::هههههههه حاضر نجيبها معايا. صدعتي راسي طول الليل تشمي في بنتها
رشا:: بين عيوني طح سعدها
اسامه:: يلا باي.
طلعت. خطمت. علي الدار. شباب. عنجد وجه. رديت عليهم. الدار وخطمت في الصاله اثار سهرتهم. سفرة اكل وزريع. وفراشات. وفرشه تبي كنس. اوووف. قعدت. نرتب ونلم طلعت امي
امه:: خلي. عدي شغلك. توا نكمل
اسامه::قصه هك ياامي
امه::مشي شن. بدير. تحكي يقلبو. عليك ويزعلو. رشا متخفش توا. منخليها تقرب شي
اسامه::تحشمت لا. مش علي رشا غير. هك. بصفه عامه.
امه: غير عدي لحق علي رزقك. وخوتك ربك يهديهم
~<|<~
روحت الظهر. معايا المنجا وسعرها غالي. جبت ثلاث وحدات لرشا وانا وامي. خشيت للخوش تذكرت. ييي
في نفرين جدد في الحوش لازم نحسبهم في كل حاجه
كملت طريقي للشقه.
رشا:: كنت في المطبخ نوتي في الغداء خطم عليا. سمعته خش الشقه.
كملت توتاي. وحطيت.
اسامه: بازين. نهارك. من داره.
رشا:: وطي صوتك امك عيب درته بالعجانه تريح
اسامه:: اها. جاب عقلي. مقعمزه وتعصدي. نهارك بعدها
رشا: منديرهاش اصلا تطمن. بروحي. خايفه علي وليدي.
اسامه:: حطيت. يدي علي بطنها. جبتله. المانجا. حبيب بابا
رشا:: وينها.
اسامه:: اسسس في الشقه. بعدين تاكليها.
رشا:: ليش ماجبت هنا يشمو بنتها عيب
اسامه:: مقدرتش.
غاليه طح سعدها. وفي جيبي بس20 جبت ثلاثه بيهن
رشا::اها. لا عادي توا ناكل وحده واثنين نديرهن عصير
اسامه؛: لأ. كلهن بوبكر ومامته
رشا:: باهي. خود حط هذين برا.
اسامه:: حطي انا وياهم بروحنا وانت وامي برواحكن خير في الدار. تاكلي علي راحتك
رشا::لا. انا نبيش. متعب في الهضم واعر عليا. درت لروحي. دشيشة شعير.
اسامه:: باهي هاتي. زعمك شن طعمته. اول مره نذوقه منك
رشا:: يستر الله ههههه. عدي. خلاص بنحط
~<~>
اسامه:: كنت في الصاله
سمح. بكل وطبيخته. خاتره. سلم ايديك حبيبتي
رشا:: جيته من المطبخ وفي يدي. الشاهي
توا دور الشاهي الاخضر. تفضل.
اسامه:: عدلت. قعدتي. سلمهن. هل اليدين.
هاتي. وقتها. وين ماشيه
رشا: نشيل شاهي لعميمه والشباب
اسامه؛: خشي امي تقدر. ادير. شاهي مش واعر.
رشا:: رديت للمطبخ خديت. المانجا.
وقعمزت. تربعت. وبديت. نقشر. وناكل ونلحي ونتلمط. ونغمض في عيوني. مستمتعه. مشيت. لعالم ثاني.
رشا:: تجنن. ياعلالالاي
لالا هذي كذب هذا حلم. تجنن طح سعدها.
اسامه::سيبت. الشاهي وقعدت. مصدوم في منظرها. عبيط المانجا تسيل. علي يديها للمرفق. واصله ودبشها وخدودها. مليسات مانجا.
ماسكة العضمه. وتمص.
رشا:: حطيت العظمه. اااه. كملت. نقشرلك. حبيبي
اسامه:: توا خطرت. عليك هههههه. صبيت. جيت جنبها. توا ناكل. هذ بستها بالقوه علي خدها.
رشا:: ييي. واعره.
اسامه:: بس طعمتها سمحه. برمت وجها خليني نذوق من هن
رشا:: حطيت. يدي علي وجي يي قصدك. مليسه هييي شوف يديا ودبشي
اسامه :: ههههه رديت. سندت. ظهري علي الكرسي ورفعت. كرعيا. علي. الطاوله.
صبي ياهبله. اغسلي يديك ووجك وغيري. متجوز. طفله. حاس روحي
زشا: طفله عينك. اكبر. منك ههههه
اسامه:: العقل ياعمري. صغيرون. صبي صبي سلم بنيتي. غيري توا تجيبيلنا الذبان
رشا:: بترقد. قصدك
اسامه:: شوي. عليش طالعه
رشا:: اها. رحمه طلعت. ونشوفو. قصة عبدو
اسامه:: اها. نخفي شوي بس. ناعس. امس مرقدتش كويس نفكر في. وجيج خوتي
رشا:: طالما حطوها في راسهم. مصيركم. بايعيين نصيحه. وافق وبيعو وعميمه معانا تفارقو بالمعروف والمحبه والود خير من الشهدره وقطع الرحم والزعل
اسامه: بحتت. فيها. وقعدت ساكت.
صبيت للدار. نفكر وحسيت كلامها صح بس منقدرش ولا هاين عليا
~<~<~
زياذ:: فتحت شفتها منزله. شيرين.
خشيت عليها خاص
وليش ماتقوليله. ليش مخليتها بينك وبين نفسك
سلاف: مبيتش نرد. رد اخري دز
زياد:: انحبك. خلاص قوليها راني سمعتك. في المحل. واصلا مكشوفات عيونك.
وراس بابا وماما. قوليها.
سلاف:: مش عرفتها خلاص
زياذ:: شن اللي عرفتها
سلاف:: هي اللي في نفسي
زياذ:: باهي المهم صح عرفتها. مش داعي تقوليها.
شنو. بديتي تشتغلي بالزخرفه
سلاف::لا مزال.
بس زياد ليش جايب سلسه ذهب وغاليه
زياد:: مفش شي يغلا علي مراتي نسيتي انك المدام ههههههه
سلاف:: كل شي ترميه هذي المدام
زياد:: لانك قريب بتكوني المودام
سلاف::باهي. مقتليش من قالك علي مهند. امل صح
زياد: لا الصراحه خشيت لقيت خواتي يهدرزن. عليك. وقالت هاجر عرفتها من امل
سلاف:: واكيد طبعا حكن بطريقة استهزاء وسخيفه وجو هذا
زياد:: ههههههه لالا وخلي عندك ثقه في نفسك
بعدين. انت حبيبتي معش تطلعي باهي لاي حد غريب
سلاف:: زياد
زياذ:: نموت انا. لما نسمع اسمي
شنو
سلاف:: السلسه غاليه منبيهاش مش توا نقبل هديه بالسعر هذا
زياد:: موضوع وصكري عليه. ومنبيش نشوفك محولتيها
سلاف:: اليوم شافها مراد في رقبتي وعرفها علي طول وعرف حتي المحل
زياذ: تحجبي قدامهم. خلاص
سلاف: . انا اصلا مش محجبه. مزلت
زياد:: شن بنقول غير ربي يهديك. ههههههه
الستره كويسه
سلاف:: حفظتها.
زياد:: طلع عبدو
سلاف:: لا حرام البليد وهله مبوش يتنازلو
زياذ::ربي يفرجها عليه. باهي سوفيتي. احكيلي.
شن عندك بكرا
سلاف::شي. حفل تخرج ولد عميمه. دايرين حفله في الحوش بنعدي وبس
زياذ::حوش عميمه مليان شباب. يعني. لبس محترم. تمام
سلاف:: تمام. اصلا علي فكرة. لبسي. محترم
زياد:: شوي جاني صاحبي نطلع نشوفه. نتلاقو. باهي
باي
سلاف:: باي
~>~<|
عبدو::دب اسمع. دوري توا. عطيني نرقد علي الامخاد السمحات هذين
حسين:: انت نومك ثقيل ترقد. معش تتحرك. وانا كرعيا. يوجعن. يقعدن
عبدو:: قعمز وانت ساكت. فيهن جو افخادك. دبب
حسين:: عبدو. زعمك يطلعونا بكرا
عبدو:: اسمع. هات. نجربو
مسكت خبزة شاميه. خلينا نجربو. اخر قطعه هي اللي بيصير
تربعت ومسكت الفرده
نطلعو منطلعوش. نطلعو. منطلعوش
نطلعووووووووو.
حسين:: اخر وحده نطلعووو. يارب تصدف. تعبت
عبدو:: عنجد الكساد. حرام نعمه. فترشتها
حسين :: هات. مفش شي يفسد عند احسونه. خديتهن وصبيت. حطيتهن. في. فاز النوتيلا وقعدت ناكل
عبدو::يامقرف اععع
حسين:: حي عليك. تكلش انت توا تطلع مرهق وتعبان. مش كويس متنفعك غير صحتك
عبدو:: خليتها لك الصحه بس فسري منظرك اللحيه. وشدوق. قعدت نقرص فيه. رطبات فيهن جو هههههههه
حسين:: حول ياثقيل.
بس حتي انت طلعت. تاريتها صح جو. المسلسلات هههههه
عبذو::انا ليا يومين مش محلق. علي سبله اصلا تطلع
حسين:شوف شوف هذا ههههه دبه
عبدو::فرحان لقيت واحد اشر منك.
اوووف وقت طووووويل.
تتتتاااتم تتتتاتم اتس اتس اتس
حسين::شن الكساد هذا. ملللللل
عبدو:: المشكله عنديش نيه نجرب نتعرف علي حد.
حسين:: شايف هذك. متهم في جريمة قتل
عبدو: لا ياراجل. معش تبحت فيه. خفت عنجد وجك
حسين:: وهذك. يقول مظلوم. مسكين. اتهام. زور
عبدو:: مسكين ياما في السجن مزاليم. زي حالاتنا
حسين:: بكل مظاليم. انت بالذات. يالاجرب
عبدو::اسمع هذا صوته حلو. قعدنا نسمعو في راجل يغني عدت ليلة. اخري طويله وحمو ممله.
الوجع آه م الوجع مين زيي داقه في الزمان ده وجربه�ياما ابتلاني بالهموم ياما الدموع نزلت في كاسي وانا اشربه
محبوس وسجني حيطانه عذاب في قلعة جوه مدينة خراب�زنزانة ضلمة وملهاش باب ياعيني على ظلم المحكوم�اخبي وجعي في دموعي من الألم طقوا ضلوعي�المر شربي و منقوعي مكتوبلي أنا الهم ومرسوم
الوجع آه م الوجع الوجع آه م الوجع
~<~<~
رحمه؛: عدت ليلة شينه. عليا. خديت دوايا وتمددت رقدت. ماما روحت. متقدرش تسيب مهند
وامل مش عارفه كنها كارها تقعد. روحت معاها
قعدت. نفكر. فيه مررررررايفه. فتحت موبايلي.
حليت علي صوره. قعدت نمشي ونتفرج. جيت علي الفيدو. هوا نايض معصب من العيال وانا نصور فيه. قعدت في صور نضحك بروحي وصور نبكي. رقدت متاخر. سمعت الفجر صبيت توضيت وصليت. رقدت الصبح
خدا في عيني النوم. فتحت عيوني. حسيت.؟؟؟؟
الكاتبه ريم محمد