الحلقه 23❤️
عبدو:: من الصبح خدونا التحقيق. وانا ننكر وقلت كذاب لاشفته ولاعرفته المحامي قال لهلي اخفو سيارته. وفعلا. تصرفو في السياره ودارو سيارة باتي سيارتي وان سيارتي انا داير بيها حادث. ومخبوطه
فعلا شافو البوابه وممرتش عليهم سيارة باتي.
عبدو:: جعان يااحسونه هههههه
حسين:: بكل ميت جوع عنجد وجك. كان هذا توا قاعد نفطر في كورن فلكس
عبدو::ههههههه مزلت بالكورن فلكس وعسل وطني ومكسرات
حسين:: اسكت راهو نبكي اها. بطني تزوي موعده توا
الله يقطع رفقتك.
عبذو:: زعمك دارت. المدام العمليه. قالي مراد. قالت الدكتوره ضروري اديرها
حسين:: توا جاي تذكر فيها. وفي وضعها حتي انت مشارك وضعها مسكينه مش متحمل رعايش
عبدو:: توقعتش يتجرأ ويشكي الحيوان
نبي تلفوني. لازم نتطمن عليها. زعمك مقش طريقه نحكي بيها هنا
حسين:: تحمل. مجاك منك بيدك محد قالك تهور
انا اللي ذنبي في رقبتك
عبدو:: مقالك حد الحقني.
بس تعرف شكلي بنحضنك ونبكي معاك هههههههه
جاني شعور البكيه. عقلي عند المدام
حسين:: تي يا راجل قول رحمه. وحومتي اخري. هههههههه
عبدو:: ياواطي اسكت. بس قصدك حتي هذي قلتها
حسين::اوهوووو. عليك يوم.
جيت متهلوس وفي عالم ثاني
عقبالي نكبد هك. مدخلنيش بيك دبرلي عروس من طرفك.
عبدو::مو رفيق سؤ وبتقطع علاقتك بيا توا تبي تناسبني
حسين:: مدخلنيش. علي الاقل نطلع من وراح بفايده
عبدو:: يعني. امك متعرفش خواتك اقاربك لاصق فيا ليش
حسين :: امي ميته في رحمه. وانا ظرفي تبيلي وحده تقدر ظروف هلي. وانت عارف كيف الوضع
عبدو:: اختها تبيش بعذين تمشيش معاك حسب كلام
بس في صاحبتها اسمها هاجر. انا بروحي نعرفها وديما نوصلو فيها
تقعد علاقتنا بعيلتهم. متشابكه. اكثر من طرف
صاحبت رحمه واجد وتقرا معاها واخت طليقت محمد الثانيه
وبنت راجل خالت رحمه.
حسين:: اها وعليش طلقها محمد اختها
عبدو: يعديش عقلك بعيد البنت مشفنا منها الا كل خير وهوا كان يموت فيها ومتريح غير. سؤ فهم بس
حسين:: ورقيقه. المهم تكون
عبدو:شحات ويتشرط. عنجد وجك مش شايف روحك في المرايا تي البنت. طشه قدامك. وكرشتك هذ. تصرف فيها الخوف عي تطفش منك
حسين:: روح منبيش نتجوز. كرشتي الاهم في شروطي بعد امي
عبدو::هههههههههه مزنح.
اووووف وقت يبيش يمشي. نقاني حاس روحي مضايق صبيت بعدت وخديت فراش ورميت روحي قعدت علي ظهري نفكر
انا عارف رحمه . اكيد تحرق. ومشغوله. اكيد يارب فرجها عليا
قعدت نتذكر في كلامها صوتها ودلعها في وذني.
شن دارت فيا هل البنت. تي نحبها حب غير عادي
لدرجة حاس روحي. مرايف عليها. تي كلها ساعات بس كاني شهورماشفتها
ااااه. خدا في عيني النوم دقائق. نضت مفزوع من
حسين:: عبدو. عبدوووو. صبي شوف
عبدو: هاه هاه كنك.
حسين: شوف. هلي دزو وكال امي دازه الكورن فلكس موتيه مسكينه
ودازه اجبان وخبزه.
عبدو: قعمزت. عنجد وجك منوضني علي وكال ياالاجرب
حسين:: ناكل ونحكي
تبيش كمل. نومك علي يعبرك
عبدو:: مسكت الكورن فلكس. هذا نوكل فيه لرحمه غصب فطورها كل يوم. وهي تكرهه زعمك شن فطرت اليوم
حسين: اكيد كلت اصلا مفش حد. يقدر يقاوم الاكل.
عبذو:: لالا حومه لما تقعد. زعلانه ولا مشغوله تنسد نيتها ومستحيل. تاكل
حسين:: اها عبيطه اصلها
عبدو::ضربت في راسه الدحيه. عاجبك الجو. ياكلب واخد راحتك
حسين : ايي راسي هيي
بعدين انت غريبه منطلق مكثر. حكايات علي رحمه. وقبل متحشم تقول حتي اسمها عندك عيب
عبدو:: لاني مرايف. ياحسونه ومشغول تي مشغول عليها اكثر من عيالي.
حسين:: نقولك. راهو معروفه. وقالي واحد من المساجين امبدري. ارشيهم. تاخد عيونهم.
عبدو:: زعمك. نجرب.
حسين:: مش خاسر شي.
عبدو:: صبيت طلبت. الشرطي. صبيت قعدت. نلسن فيه
وفعلا. طلع نفس كلام حسين
مديتله ساعتي.
عبدو؛:خود هذي تساوي قريب 400
صح راه اصليه. خليها معاك. لين ربي. يفرجها عليا. نمدلك. فلوسك. وناخدها وهذا كرت المحل تعالي. غادي
عطاني. كلمت مراد قتله. ديرو حل نبي نطلع بسرعه. مخنوق. بكل
مراد:: الكلب مصكر راسه. بس المحامي قال توا يتنازلو. بس داير جو. يبي يبهدلك كم يوم
عبدو:: ربي يذله ويبهدله طول عمره الواطي
مراد: امين.
عبدو:: رحمه دارت العمليه
مراد:: اها توا روحت بامي منها مسكينه. تسال عليك. كذبو عليها
عبدو:: خايف نفسيتها تتعب. رحمه حساسه ولازم يرد عليها عكسي علي صحتها.
مراد:: هي بكرا باتي قال للدكتوره. خلوها. نبوهاش تطلع
عبدو:: احسن بلكي بكرا نطلع.
اسمع. لما تجي دلع الجو. جيب وكال وشكولاطات واجد. الدب. اللي معايا كملها يزن مايهداش الا بالوكال
مراد:: ههههههههه. توا نجيبلكم عشاء بعدين . تدلل قوله
عبدو؛: اسمع قول لمحمد يمر عليا ضروري
مراد:: محمد قال نعرف جاره الاستاذ سيبته ماشي يحكي. معاه يخش واسطه
عبدو: يارب يقتنع
خلاص سلام توا واسمع لو في اي حاجه رن علي رقم. هذا باهي. وطمني علي رحمه.
مراد:: حاضر. وعيالك. كنهم. مساكين مش مدورهم
عبدو: صاير فيا زي باتي. تكبيدته علي اشرف. تذكرها يقول. فرحتي.
مراد: ورحمه بنيتك علي اساس
عبدو: اها بنتي. حاس روحي. باتها ههههههههه مشغول بكل.
مراد:: ناعليا انا.
الأب. العاشق ههههههههههه
عبدو:: باي ياوسخ تشفط. رايق شايفني
مراد:: سلام. يا
عبدو:: وجك ياتافه.
صكرت منه ومديت للراجل تلفونه. وخشيت في عقلي كلمة الاب العاشق عجبتني. خطيره منك يامراد ههههههههه
~<~<~
~<~>~
رشا:: قعمزت علي الكنبه جنبه
شنو اطمنت توا
اسامه:: مو خفت. تقعدي نفس رحمه تنسيش انك من قبل اجهضتي
رشا:: مو سمعت توا الدكتوره قالتلك تصير اول حمل مايثبتش وهذكا اصلا كاين حمل ضعيف. هذا. كويس.
اسامه:: الحمدالله وضعك تمام بس مظلم رحمك علي العيل. مسكين. ظلام ومكان يخوف. قاعد فيه
رشا: هههههههه. اها تجيه الغوله. مدله خيط ضي.
اسامه:: تشفطي يا عصعوصتي قربت منها ومسكتها مع خصرها
رشا:: وصلت لمرحلةالعصعصه. قصدك.
اسامه:. شبه. بس احلي شي هذين منقصنش واجد لحيماتي. وعضيتها
رشا:: اححح يابارد. واعره راهو. توجع فيا
اسامه: عضيتها علي ذراعها اخري. وتوا شن وجعاتك
رشا:: علمت يابارد.
جربها. واحكم مسكت صبعه وعضيته
اسامه::نطيت. عنجد وجك. اييي واعره بكل كلبه
رشا:: تستاهل ياكلب
اسامه:. مدببه سنك. خزي دم شوفي
رشا:: دم. يانوغا ياروحي وجعتيني حبيبتي. توا. تصح تخفيش
اسامه:: بحتت فيها وحطيت صبعي في وجها
شايفه هذا. ندفعك ثمنه غالي. اندمك عليها. هزوتك هذ توا تشوفي عليها
رشا:: صبيت. وقتله اسامه كنك بسم الله نبصر.
اسامه:: صبيت. معاها وبحتت فيها زييين.
رشا:: اسفه. وانا لو مش عارفتك جوك هك عادي راني مجيتش شورك انت اللي بديت
اسامه:: لا راني لا رواخ. انا نعرف كيف اندمك. عليها.
رفعتها علي كتفي وخشيت بيها للدار
تخبط علي ظهري. نزلني يابارد. مش بجوك. تعصب وترد
اسامه::رميتها علي الفراش.
لا بجوي. وقتلك نوريك. عليها. صح. نطيت عليها تجلبتني جيت علي الفراش ارتميت. حسيت ظهري. وجعني.
رشا؛؛: ههههههههه.
اسامه؛: درت هوا بفمي. اوووووووووه
تسهوكي. قعمزت. ايييي اااااخ. تعالي. نبيك مش جاي شورك. نبيك تصبيني بس ظهري
رشا:: تستاهل منكش قدي روشي الدبه. اللي تقدر عليها خلاص توا قدامك. وحده رشيكا سمباتيكا
اسامه:: تحنطي صح علي فكرة تنغريش مزلتي دبه وفيله و وكلبوزه متشوفيش نفسك. عليا يا رشاااااا
رشا:: حطيت يديا في وسطي
مممممممممعقووووووووله. هذا كله ودبه.
هههههه زمان الكرش ياحبيبي داه عدا
اسامه: قعدت نبحت فيها.
زي زي الفرخات الصغار. كشيتي. علي فكره يافرخه . صبيت وجيتها بجد كل مالك تزيدي سماحه. وجاذبيه
رشا:: مش دبه. وفيله
اسامه؛: ههههههه نبيكش تنغري لانك رايحه مغروره وتتعمدي. تبيني غرورك قدامي مركزه.
رشا:: حقي حبيبي. تعبت باش وصلت للمظهر هذا. ونبي نقعد ماليه عيونك وتبحتش برا.
اسامه:: من يوم تجوزتك ماليه عيني.
رشا:: من قبل. كنت غصبا عنك ماليه سادتها سد. بس توا في فرغات. ههههههههه
اسامه:: مسكت يديها احلي حاجه متغيرتش فيك هي خفت دمك وروحك المرحه هذ
رشا:: اسومي شن الصوت هذا تسمع
اسامه:: شنو. طلعت فتخت باب شقتي. شفت عمال. يخششو في موبيليا في دار جنب مدخل الشقه
طلعت. شفت خويا.
اسامه:: شن يخششو
خوه:: فكيت موبيليا امتاع. العيال ونزلتهم. مع جدتهم يوسعو. علينا فوق. دارهم قسمت البنات فيها
اسامه:: نعم. باهي قول احكي بعدين مخشش رجاله جنب مدخلي افرض رشا طلعت هك
خوه:: رشا تحط حجابها علي راسها متنساش انها في حوش العيله ناقص غير. ناخد منكم الاذن لما بنخش ولانتصرف في شي في حوش باتي
اسامه:: علي شنو تلمح انت وخوك لك فتره راني منيش طامع في شي. ولا ميت فيها السكنه في جناح دار وصاله
اصبرو عليا. تتحسن ظروفي ونطلع نكمل.
خوه:: معندكش. نبيعو. وكل واحد ياخد حقه. ويشري برا
اسامه:: نعمممم نبيعو. شنو انجيت انت مجرد تفكر تفكير في حاجه زي هك
خوه:: الحوس توا يساوي. ويجيب مبلغ حلو. منطقه قعدت تجاريه وعلي كم شارع انا سالت عليه في مكتب قالو. يجيب المليون ونص
اسامه:: ياممسح وجك. وعارضه اخري
خوه::اسمع. كلا انا. محتاج ونبي. فكر فيها وادرسها
اسامه:: وامك تخلوها. فكرتو في روحكم وهي فكرتو فيها
خوه::امي تقعد عندي انا الكبير. والوصي عليها
اسامه:: لاه وصي عليها ليش قعدتو هك شن صارلكم
خوه:: اسامه فكنا من العواطف والطروح.
اسامه::انا والبنات مش موافقين.
خوه:: البنات يشوفن الفلوس توا يرضن وانت بطل. غباء ووافق. احسنلك
اسامه:: برمت خشيت الشقه.
مصدوم.
رشا:: كنت في المطبخ ناديت عليه. مبش يرد جيته لعنده
رشا؛:: انطرشت. نقولك. تاكل في الشقه ولا معاياانا وعميمه
اسامه:: عنديش نيه وحتي انت تمشيش توا
رشا::اسامه كنك
اسامه:: وتي روحك. نمشو لرحاب
رشا:: شن صاير غادي حي عليا
اسامه::مفش شي. يارشا بس نبي نحكي مع رحاب والبنات خواتي في موضوع مهم.
هيا بس بلكي نلحق نمر ناخدهن ونجتمعو عند رحاب
رنيت علي خواتي الاثنين.يوتن ارواحهن. تكيت عليهن. ومشينا لرحاب
~<|<~
مراد:: حوبه. بطلي نكد ووراس عيالنا. تي ياهبله علي طلعه. قالبه وجك. ومنكده عليا
رحاب::لاني خاطري فيها وانت حرمتني وخواتي.ورشا قالن فاتك جو يهبل
مراد:: انا نطلعك طلعه فيها جو. خير من لمات الصبايا. والقرمه والمجاملات الكذابه
وتروحي غير تقرمي وتتهزي صح.
رحاب:: بس هذوما اقاربي اقارب وريحة بابا بنات عمي. هكي. انت بتقطعني. عليهم
مراد:: مش قاطعك. نشيلك حوش عمك. بس سريب حواشين بنات عمي وعيال عمي وخلاتي وخالتي منحبش. يارحاب ومن زمان. قايلها. لك وانت تبيش تتأقلمي
رحاب؛ وانت تبيش تتغير بكل ديما حارمني ومنكد عليا
مراد:: هذا ياحبيبتي متغيرتش. تي راني. تغيرت واجد
سوق ونطلع فيك سفر وسفرتك ولو تجي اي فرصه ثانيه
اللي تأشري عليها عليها ولا تلمحي تقعد عندك صح ولالا
رحاب:: بس الاجتماعيات. انت صفر. وهذا. غلط. تي في عزاء بابا اعمامي وخوالي كيف تعرفو. عليك خاطري. نعدو نكسدو ولا نطلعو مع خواتي. تقوي علاقتك بنسابتك
تي الاجتماعيات صفررررر. هلك واصحابك وبسس
انا حتي صحباتي. معش يجني. قطعتني عليهن. رجالاتهن قعدو. نفسك متجيش معش تمشن
جت علي راسي.
مراد:: باهي تعودي علي طبعي حبيبتي. ملكش في الناس انا وحوشك وولدك بس اولي بوقتك. ولك مني وعد
اول ما نتريح من مشكلة عبدو. واشرف خلاص مشكلته شبه انحلت يقعد بالي رايق وفاضي ناخدك. ونشيلك يومين راس الهلال. نديرلك طلعه سمحه شن رايك
رحاب:: مظني. غير تمشي فيا كالعاده
مراد:: هههههههه لالا ان شاءالله نشيلك
عندك. موعد بكرا. خلاص عاد مفروض تقوللنا شن. الجنين.
رحاب:: شكله وليد احساسي هك. مع انه خاطري في بنيه
مراد :: اللي من ربي يامحلاه المهم الخلقه التامه. صح
رحاب:: تشرف قهوه حبيبي
مراد:: ايوا. هكي. وجه حوبتي العسسل. وشن دايرتيلي حلو اليوووووووم
رحاب: حاجه انت. تحبها
مراد:: انا نحب الحلو بصفه عامه. بس شنو مثلا قوليلي. علامه
رحاب::حاجه مدوره ههههههه
مراد:: اممم دونت
رحاب: هأ. مش مقليه
مراد:: مدوره ومش مقليه. مدوره ومش مقليه.
اممم. اه. كنافه
رحاب:: تؤ. فيها. قرفه. خلاص عاد واضحه
مراد:: اها. سينابون صح.
رحاب:: صحححححح هههههه.
تعال معايا في المطبخ. هدرزلي وانا ندير القهوه. سادك نت. سيبه
مراد:: ياستي هاه. عشان متقوليش نكدي. حطيت التلفون. وصبيت. نخش الحمام ونجيك. اسبقيني.
خشيت للحمام وطلعت
تلفونك يرن. حبيبي رشا
رحاب:: هاتها. بطل متردش
مراد:: الو. من تبي
رشا:: عطيني مراتك ياسامط
مراد:: مراتي مش فاضيه. شن تبي. انا نقوللها
رحاب:: هات ياسامط
رشا:: المهم. انزل من شقتك. جاي اسامه وخواته. اجتماع. دايرين. عند رحاب
مراد::مثقل دمه راجلك. وخواته. في حد يجي توا.
رحاب:: عيب يابارد. قربت من التلفون. رشا اهلين تعالو. تعدليش عليه
مراد؛؛ حوشي ونبيش نستقبلهم.
رشا:: تي الساعه. 7. انت اصلا غريبه شن قعدك. توا مش قبل طاير
مراد:: مو. البخت جتني نيه. نقعد مع مراتي ونلعب بولدي. بس شكله نطلع وخلاص
رشا:: طح سعدك تحكي جد. خلاص توا. يقعدو في صالون ماما تخت
رحاب:: ضربته بوني علي ذراعه. عيط
مراد؛:ااااايييي
رشا:: تستاهل طح سعدك. هلها عيب
مراد:: انابش ياحاله. اهلين. باي حد من طرف حوبه. نفرشلهم الارض ورد ورمل هل الغاليه هذوما
تعالو. قاعده. ودايره خلو. خديتوهم انتم
رشا؛:لا توا طالعه من الخوش
مراد:: خلاص. توا ترن هي تعزمهم عازم عدايلي اليوم انا علي العشاء
رحاب:: صكر. وبحت فيا. بتسهوك. شن رايك فيا. في العلاقات الاجتماعيه
رحاب:: مسكت تلفوني. وبحتت فيه في تحسن.
بس تحكي جد نكلمهم
مراد:: هاتي ارقامهم توا نكلم ونتحمل. ثقالة دم راجل رباب. وهدرزته البارده. ووتيلي شريط بنادول
رحاب:: حرام عليك تسمعك تزعل عيب
مراد؛: تي ثقيل. وكذاب. يطرشق في الكذب. وداير روحه وين. وهوا. حمار. ناجح بالدف شكله
رحاب::ههههههههههه شكله. باهي. حبيبي. شن ندير العشاء. منحلاقش
مراد:: توا نجيب وجبات. تريحي. المهم بس متقوليش مراد نكدي. وقطعي اهو شوفي هذي ودونيها في السجل
نزلت تقابلت مع محمد.
مراد :: تمشي معايا نجيب وجبات. عازم عدايلي. الثقلاء
كوثر: تسمعك مراتك. تزعل عيب
وجبات شن دوتهن. توا نديرلك. عشاء سريع. مزال بدري
كم واحد بس
مراد:: هما اثنين واسامه وانا واشرف واحميده ونكلمو.عادل. وجلال.
اشرف :: يسمعوك. الباقي يزعلو. عيب
مراذ:: راجل ساره مسافر وراجل زينب. شايب تلقاه منخمد
كوثر: شروفا كلم مراتك تنزل تساعدني
اشرف:: صح ياامي.
كوثر :: وقت حبيبي كلمها
اشرف :: ثواني وتلقيها عندك. ركبت نجري
محمد:: مسكين فرح
مراد:: المشكله في السواس. خواتك
محمد:: هههههه. مش غير سوس عصابه.
الحوش. من زعمك
طعلت فتخت.
اوووو مهند. شن الجو. وينك مغطس
خير. امل شن الاخبار. خشو
مهند:: تي. حصلت. شغل. في محل موبايلات. نمسك اول مانكمل محاضرات لين الساعه غشره نروح تالف وتوا.حتي احمد معد. لهيت فيه وشفته شن يبي مساعده
محمد:: ييي احمد. حتي انا نسيته بكل. توا نبرم عليه بكرا.
مراد:: اووووو. مهند كيف حالك تي رسمي حماتك بتحبك
تلحق علي العشاء
مهند:: بعدك جعااااان حتي الغداء مش متغدي
مراد:: برمت بحتت خشت ريما وسلاف وفي يديهن اكياس
اووو بحتت في الساعه. لعند توا برا. كنكن.
ريما::الساعه سبعه ونص كنك
مهند::عروس. خليها. ادبش ياغبي
ريما:: اهو. اللي يفهم. في الجو. شن الجو مهند
مهند:: تمام. وطبست راسي
سلاف:: هايي. انت مهند اخو احمد
فيه شبه من احمد واجد. صح
مراد:: قريب كسرت سنوني واناضاغط. وطلعن عيوني نفنص
سلاف:: غلط مراد اللي حكيته قصدك. اسفه
مراد:: نفخت. حماره وعبيطه. البنت هذي
محمد:: اها هوا. خو احمد. بس. خلاص خشي.
سلاف:: حاضر بحتت شفت. امل
مشيتلها. اهلين.
امل::اهلين.
كوثر::هييي صبايا تعالن ساعدني
مهند:: خويلتي. مفش ترحيب ولا كيف
كوثر::اهلا. ياعيوني. طح سعدك جيتني كيف محمد. من بعيد
محمذ:: كيف في اثنين محمد. كنك ههههههه
سلاف:: محمد اطول. ومهند قصيرون زي اموله
امل:: نزلت علي ريما خششي. بنت عمك. عليك اللي ماتتحشم
ريما:: خليها. عادي. خوتي ومسيبينها انت مالك.
مهند:: قلت لمراد من هذي وجه جديد. مرت محمد ولا شنو
مراد:: هههههههههه سمعت يامحمد. تجوزت من ورانا
مهند:: مراته اخت زياد قصدي.
مراذ:: لا هذي بنت عمي متركزش فري واجتماعيه واجد
محمد:: اه قصده العبيطه. هذي مراتي. تي باش تلقاني منتف شعري.
مهند:: اها باهي نطلعو الصالون
محمد::هي نبيك في موضوع
مهنذ:: مرت خويا. سلفك جعان. نبي اي تصبيره
ريما:: هي حاضر. سوفي خششي هذين الدار.
~<~<~>~
مراد:: رنيت كلمت وعزمتهم.
ورديت قعمزت جنب محمد
مهند:: مش عارف. الحق
مراد:: توكل علي الله. وفيها البركة وربي يرزقكم
محمد:: مراد عارف ومشجعني. انا وياك بالنص منيش مدورك بكل لمدة سنه نتحاسبو. شن. رايك
مهنذ:: علي بركة الله
مراد:: المحل اللي جنبي معروض للاجار وموقع ممتاز يجيكم سمح.
محمد: هذا باتي راهو. كل مايشوفني يقولي شن صار في مهند
مهند:: ربي يخليه لكم ولنا وينه
مراد:: قصة عبدو. شاغلته. توا نعدي نكلمه
~<~>|>
ريهام:: ماما توا جت ريما. قالت. مراد جايين. نسباته علي العشاء. نعدي نساعدهن
حليمه::مرت. بوك رمتلي. العيال. خوديهم. شيليهم لها. راسي. ويديا. طح سعدهم مسكتو. بكل
ريهام:: هاتي. بس مو مسكينه مش فاضيه كانت طالعه تحجز في حاجات الفرح
حليمه:: رايقه. ولدي مرمي في السجن. بسبب بنت اختها وهي مبرده تحجز وتشري
اماني:: عيب ياماما. العرس قرب ولازم. تنهي حاجات واجد وعبدو توا يطلع. بطلي حرق ونكد علي راس بابا. حرام عليك
ريهام:: مني هيا تمشي خدينا العيال ومشينا
~<|<~>
اشرف:: هيا توا انزل العيال وانت بسرعه امي تبيك
دنيا:: حاضر حبيبي. انزلو انتم. نبدل بس
اشرف:: اي حاجه مش عاجبتك متعدليش المهم امي البنات يملحن مدخلكش فيهن باهي.
دنيا:: حاضر يااشرف حاضر. انزل بس
اشرف:: خديت العيال ونزلت
كوثر :: اييي وين مريومه. السمحه.
دنيا:: نزلت كان اشرف في المطبخ مع امه
شفت مسكين فرحته. بكلام امه
خير حبيبتي كيف حالك توا
دنيا:: الخمدالله.
كوثر::مريومه نجيها قلبت. امها
اشرف:: نحس. فيها تشبهك انا
ريما:: لاه ماتشبه ماما شن جاب التشبيه تشبه امها
اماني::محبيتش حركة ريما حاولت نرقع الموضوع
عسسل مريومه تشبه مامتها سمحه صح يابابا.
دنيا:: الله يجبر بخاطرك يامني.
ريما:: ماما انا في داري.
ريهام؛: يي جلال يرن شكله وصل
اشرف:: توا نطلع نفتح انا خو رحمه في الصالون خليك
ريهام؛: تمام باهي
دنيا:: نساعدك
كوثر:: انت عليك المبطنه. بسرعه. ديريها طشه متكثريش.
دنيا:: حاضر
كلمتي رحمه
كوثر :: كلمتها هلكتني اسئلة علي عبدو. ربي يفرجها عليه
دنيا::امين يارب
سلاف:: هاي دودي مرايفه عليك هلبه هلبه
دنيا:: ههههههههه شكرا حبيبتي.
سلاف:: اشرف قالي مسافره طرابلس
دنيا::اي الاحد. تحبي تجي معاي
سلاف:: ياريت. خاطري نزور طرابلس يقولو سمحه احلي من بنغازي. هك. فيها حرية اكثر. صح
دنيا:اي. شوي بس مش هلبه في تحفظ حتي العاصمه عندنا
امل:: كيفنا هلها ملكش غير تردي بلادك. صعب عليك تعيشي. هنا مش راح تتأقلمي
سلاف:: هذي بلادي الام. وبعدين. عادي قاعده ماشي حالي.
امل:: يعني مش ناويه تردي ايطاليا
سلاف:: مش عارفه.
دنيا:: مرات تحصل عريس ليبي. وتقعد معانا
سلاف:: زعمك. نسافر معاك بلكي نحصله غرباوي هههههه
امل:: لا غرابه ولا شراقه. مظنش في راجل عندنا. يتأقلم معاك.
دنيا::جبتها بطريقه مش حلوه بحتت في اماني
اماني:: سوفي طلعي حبيبتي العيال بصل يحرقهم
سلاف:: شويه بس. شن قصدك. ياامل يتأقلم معايا شن شايفتيني
اماني:: مش قصدها حبيبتي غير اللبيين حصلين وانت. كيوت ومنطلقه اجتماعيه وهما يحبو البنت الملفوفه بجرد. عقد بعيد عنك
سلاف:: هاتي يادودي. خديت العيال خشيت. دار ريما
ريما:: عليش جايبتيهم هنا
سلاف:: حرام. عليك شوفي كيف يجننو يخزي العين.
قمرين.
ريما:: قربت منها. سمح الفرخ صح
ااه بنته سمحه كابرين ياخيه.
سلاف:: ليش انت هك مع. دنيا حرام
ريما:: مش طايقتها هيا وراجلها
سلاف:: صفي نيتك. وراك مشوار زواج
ريما:: يي انت الثانيه اشر من رحمه في الفلسفه
تي هاتي بسرعه نشوفو هديه السيد زياد
امل:: توا نغير دبشي. ونجي.
صبيت قدام دار ريما وسمعت
سلاف::يااااييي تجنن. شوفي تهبل. تحسيها ترعش بطير هههههه
ريما::ذويق الفرخ. وكيف عرف انك تحبي الفراشه
سلاف:: مش عارفه. ممكن لاني ديما انزل علي الورد والفراشات
ذهب ولا فضه زعمك
ريما: لا اكيد فضه. مغطوس في حد يهدي ذهب مجرد معرفه
سلاف: بس تجنن. صبيت لبستها. سلسله وفيها. قلاده. فراشة مع الحركه ترعش جناحها. وفيها بريق يلفت النظر
ريما:: اسأليه من وين بعدين. سمحه هذي مع الفستان الحنه امتاعي. تجيه نركبها طقم
سلاف:: لا بايخه نسأله توا يقول بتعرف السعر
ريما:: تي عادي قوليله ريما ماتت فيها وبتركبها علي فستانها عادي.
سلاف :: الليل. نحكي معاه توا خليني. نطلع نساعدهم.
يي صوت رشا. الله عليك جو.
ريما:: ناقصه رحمه وعبدو بس
~<~<~
رشا:: اهلين. شن الجو.
دنيا؛: خير رشا
رشا:: اهلين كيف حالك. وين حبايب عميمه مرايفه عليهم
دنيا:: استغربت. ردت عليا كويس
رشا:: مني شن الجو
اماني :: تمام كنك روحتي بعد العياده علي حوشك انا وهومي جينا هنا
رشا:: ييي قصه. اسامه بعد رحمه جاته حالة خوف. حتي انا ينزلو زي المره اللي فاتت مشينا دكتوره باش تطمن
اماني::الحمدالله. كنهم. هلها جايين شن عندهم
رشا:: مقاليش. خش معصب. قالي كلمي رحاب وكلمي خواتي. نتلاقو عندها. انظر شن صاير. خوته. رايحين. متخلفين
اماني:: المهم يطلعوك من وجيجهم ويملحو
رشا:: حتي انا. هك. بس توا انا طالعه الدار اللي جنبي. يركب البلا خوه. دار عياله. شباب. كيف ناخد راحتي بس. دوارت حس
اماني:: الزمي شقتك. ديما نقولك فيها امه يتناوبو عليها حتي بناتها. منهم هذ اللي. فوق يجن اكثر من مره مش من الخميس للخميس
رشا:: لاحرام البنات مسؤوليات عندهن وعميمه انا. مش مضايقه منها بس طروح عيالها بس
~<~<~
اسامه:: شن رايكن يابنات
خواته:: مش راضيات الحوش ينباع.
رحاب::اسامه. قوللهم طالما امهن حيه. ميبنهاش. تطلع من دارها
اسامه:: تمام. طمنتني وانا راهو بنبدا يابنات في شقتي. تي طروح مش عاديات. اخرهن. توا. نزل دار عياله. حنب باب شقتي. هكي رشا كيف بتعاني الحوش استعمال شباب مسكينه يوميامن الصبخ لليل وهي تبرم وتنظف. اربع وعشرين ساعه منزلين عيالهم. والصالون اصحابهم. وهنا لا ينزلن ينظفن. جرتهم لا شي. رشا اللي تنظف بفم ساكت.
رحاب:: توا نجو اليومين هذين نحكو معاهم. موضوع زاد. علي حده. تمادو. طح سعدهم
مراد:: ركبت
السلام عليكم. انستونا.
خواتها:: الله يأنسك. تسلم
اسامه :: ننزلو. . عمتي مطيبه ولا امك
مراد:: امي. عمتك. في عالم ثاني من موضوع. غبدو متنقرب بكل اليوم
نزلنا
حطو العشاء
~<~<~~
رشا: ريهام كنك. دايره لاصقة جروح علي فمك
ريهام:: حطيت يدي علي فمي. طالعتلي ورشه مزعجه
رشا:: اها. وكنك حاطه في رقبتك. من هنا ومن هنا ههههههه
ريهام:: عليش تسهوكي. ورش حساسيه جايتني
رشا:: اها. جايتك حساسيه عنيفه ههههه
ريهام:: شن قصدك
اماني:: رشا والتفسيرات الوسخه. ههههههه
رشا: تي واضحه وهي اللي عبيطه. مفضحه بروحها
كان خليتي الامر طبيعي لافه وشاح علي رقبتها وملصقه روحهابس. طح. سعده هل. جولي طلع حكاية.
ريهام::رشا. خلاص عاد. منحبش البصاره هذي انا
اماني::ماطحتي غير في رشا امسخه هذي.
ريهام:: تحل عني. تلها في روحها
رشا:: يناعليا انا اسومي غير. حنين عليا مش همجي هك. هذا اللي كان مايعرف يقول كلمة حلوه
ريهام:: وجلال مش همجي. غير. امس موضوع السفره والميتين الف. خلنه مضايق وبروحه زعل بعد شاف شن دار
رشا:: ههههههه طيحتها في الكلام. صار ورشه.
دنيا:: حرام عليك خلي. البنت. تحرجي فيها
رشا:: وانت عاد خويا. شنو
دنيا:: ههههههههه.
اماني: برمت عليك. يادودي
عدي عدي اركبي. لصبياتك.
رشا::حي عليا نسيت. بكل تحسيني. خديت راحتي ونسيتهم
~<~>~
ريهام:: كله منك. افطن مره ثانيه منظري بكل.
جلال:: حاضر. لما معش نركز ونسمعك كيف امس. اقرصيني. توا نفطن.
ريهام::لاه. اصلا معش بتجيك. الحالة. المجنونه.
جلال:: شكلها بتجيني توا. اهربي خيرلك ههههههه
ريهام::هههههه بليد. لبست بجامتي ووخشيت. للفراش
جلال:: ولعت. التلفزيون. وصبيت علي المرايا
حبيبي اي كريم. لترطيب اليدين
ريهام:: خود جلسرين. كويس
جلال:: خديته وخشيت للفراش. يديا جفاف بكل
ريهام:: الميه ياجولي راك تشربش بكل وحتي راهي كويسه. للكبد تنظف
جلال:: منشربش بكل. انا.
ريهام:: كليت حبيبي
جلال:: لا فواكه بس. وسلاطه
ريهام::باهي جعان. نديرلك. حاجه. خفيفه
جلال:: لا الحمدالله. بنقص. اكل. نسيتي كلام الدكتور
ريهام:: احسن
جلال:: قدمت علي التاشيره اليوم
ريهام:: تمام
جلال: بس انت حرام تضيعي قرايتك. وتمشي احتمال نطول شهرين او اكثر
ريهام:: لاه. شهرين واكثر. وتبيني نقعد بروحي. لا نمشي معاك وقرايتي لاحقه نكملها
جلال:: توا عليش الدموع ياهبله انا بس نبيك تكملي بسرعه. تبي تمشي معايا. عادي وانا نكره. هومتي معايا
بس انا حب متضيعيش. وقت وهذا
راي حتي باتك ومحمد توا يمشي معايا.
ريهام:: هذا راي بابا قصدك
جلال: اها عمي. قالي مش داعي ريهام تعدي. تقعد عندي خير. وتوا يمشي احميده عارف المانيا ويفيدك
ريهام:: بس واعره نقعد شهور انا يومين. ونتعب بدونك
جلال:: تعودي مش مرات. يجي يوم ومعش تشوفيني اعتمدي علي نفسك وقوي روحك.
ريهام:: بس معش تقول هكي. نبو نقعدو مع بعضنا. لين تمل مني
ونفسي قويه بيك انت قوتي وسندي
جلال:: توا نحكو عليش البكاء
بس ياهومي هذا واقع والاعمار بيد الله. وكلنا مصيرنا الموت يبال شخص مريض كيفي وسمعتي كلام الدكتور تليف عندي في جزء صغير من الكبد بادي
نبيك تكوني قويه ومتقبله اي شي. قادره توقفي في وجه اي حد انا عارف انك سمحه وصغيره. وحقك تشوفي حياتك. و
ريهام:: نطيت. من مكاني نرعش قعدت. هيييي. خلاص كنك انت بطل تخاريف.
جلال خلاص. وراس امك خلاص. حرام عليك. كلامك هذا واعر. انا مش ناقصه. هبالك. هذا
جلال:: قعمزت جنبها اهدي اهدي
صبيت شعلت الضي. ريهام اهدي نحكو عادي. بسم الله كنك. ريهام
ريهام::انت مش حتموت مش حتموت بتروح صاح بتروح طبيعي. بتروح ونحمل ونجيبو عيال. راجل غيرك مسني لا. راجل غيرك لا انا مش سمحه انا بشعه بشعه وقعدت نخبط في وجي
جلال:: بسم الله ريهام كنك. نبصر عليك انابش فيك
انا قاعد اهو قدامك وربي يطول في عمري غشانك. ربي الشافي والمعافي مش هذا كلامك. مش انت تقوليلي خلي ثقتك بربك كبيره انه يشفيك
جلال:/ كانت مش طبيعيه وكانه نفسيتها. تعبانه وكابته.
كانها كان هذا اللي في قلبها. كان خوف فقدتي مسيطر عليها. ديما نفطن بيها تنوض تحط يدها علي بطني تطمن اني نتنفس.
خديتها في حضني وقعدت نقرا عليها.
جلال:: هديتي حبيبي
ريهام:: وراسي وراس حبيبتك. معد تحكي هك. نكره سيرة الموت نكرررره الحرمان من الناس اللي نحبهم.
هلي وانت وسواس حياتي.
جلال: بس غلط هكي حبيبتي بيكون ايمانك ضعيف لازم تتقبلي اي شي في الدنيا. واي شي من ربي قولي اللهم اجرني في مصيبتي واخلف لي خيرا منها
ديما اطلبي الصبر. بس الرفض. حرام. جهل. وشرك. يا ريهام
ريهام:: حاضر حاضر. بس اسسسسكت وخشيت في صدره كشيت.
جلال:: خشت في حضني ززززين حبيتها علي راسها
انت عرقانه شعرك ميه. ريهام مسكتها مع حنكها ورفعتها. راقده. ووجها ميه
من المجهود اللي دراته. والبكاء. قعدت ميه كلها رفعت شعرها فوق بالاستك. ومديت يدي من جنبي وقعدت نمسحلها في وجها
ركزت في ملامحها راقده زعلانه مقدرتش نفكها ونزلها ماسكه فيا زززززين رديتها علي يدي. وبرمت عليها قعد وجها جوا صدري وراسها تحت راسي. ليل كله مقدرتش نرقد. قعدت نتخيل فيها بعدي شن بدير.
لما تسمع خبر وفاتي. لما يفضا عليها الحوش. لما بوها ياخدها لما باتي يقعد يحاسب فيها
باتها مستحيل يخليها ولو هي رفضت راح يجوزها. ااااااه نار في صدري. دموعي قعدن ينزلن علي شعرها.
يارب انت الشافي والمعافي انت القادر المقتدر. انت من اراد ان يقول للشئ كن فيكون. اشفيني يارب. عطيني الصحه. يارب خليني نروح مجبور الخاطر. ياجبار الخواطر قعدت ندعي في سري للصبح حتي الفجر سمعته ومقدرتش نصبي كل ما نبي نتحرك تزيد تمسك فيا
الصبح
ريهام:: نضت لقيت روحي في حضنه وهوا حامي جسمه. وانا حموانه زياده. رفعت وبعدته منه حاولت نطلع يديا
كان مقربني له وماسكني ززززين
جلال: اااااششش. ردي ارقدي. مزال بدري.
ريهام:حموانه. وليش راقدين والضي والع ليش ماطفيته
جلال:: فكيت يديا. ورديت علي ظهري. تكسلت
ااااااخخخخخخخخ وووووه
ريهام:: قعمزت. وقعدت نبحت فيه. ههههههه باهي التكسيله. تجي. وفيها اصلا جو.
بس العيطه عليش ههههههه
جلال:: مش عارف.طلعت من هبالك امس. شن صارلك بس
ريهام:: خلاص متركزش ونبيش نحكي في المواضيع الشينه. هذي. بنصبي ندوش حاسه روحي نتلصق علي بعضي
جلال::هههههههه بس اقوا شي تسريحه اللي علي راسك. خطيره
ريهام:: حطيت يدي علي شعري. وقتله صاح انا رقدت محلول. شن رفعه هك
زحفت علي الفراش وقابلت المرايا امتاع الدولاب
ريهام: ههههههههه. عنجدك يضحك منظري. توا شن يمشطه هذا
جلال:: قعمزت. نلبس في شبشبي. ههههههه
منظرك زي المعيزه ههههههه
ريهام: صبيت وقعدت نبحت فيه
معيزه. صار. جيته
حلال:: درتلها يديا اكس في بعضهن تمدي يدك. نتعامل معاك بالكراتيه.
ريهام:. هأ. انا ارقا من اني نمد يدي. بس انا قعدت نوخر ونحكي انا نخشششش. قبلك للحمام. عديت نجري. صكرت علي روحي.
جلال:: واطيه ياريهام لعبتها. صح.
ريهام حلي. وقت عليا. بنطلع
ريهام:: ااااااهه. تجنن الميه.
جلال:: تي هيييياااا. خلاص. مزنوق. ياغبيه. حلي
ريهام:: تهبل. ولا ريحة الشامبو
جلال:: حبيبتي حلي انا المعيز والثور والبقره والكلب. اخري. غير. حلي.
ريهام:: خلاص طالعه هههههه راك تديرها في دبشك بس
جلال::الحركه اللي. فيك هذ. تخش تجري تصكر الحمام
كيف الاطفال
::
ريهام: لبست منشفي.
باهي بعد نطلع. تمسكني. نهارك
جلال:: تي عنديش لك وقت تي افتحي. ورايا موعد. مع محامي خوك. خليه نتاخر. انت السبب اهو قاعد يرن
ريهام:: يي صح. فتحت الباب كان منظره يضحك مقعز علي حاشية الصالون مقابل. الباب. وضام كرعيه في بعضهن
جلال:: امشي من قدامي. عنجد وجك تسهوك. خزززي
خشيت نجري. للحمام.
ريهام:: بشويه علي روحك
جلال:: بصوت عالي
وتي الفطور وانت ساكته. وقت. عليا بسرعه
دوشت وتوضيت
طلعت. خطمت عليها.
اسرعي وقت. عليا.
لبست وصليت خديت شنطي وجيتها في المطبخ
كانت لابسه المنشف مزالت. وعاطيه بظهرها الباب
حطيت الشنطه وجيتها مسكتها
هذا منشف ولا روب طح سعدك
ريهام :: ههههههه. منشف علي شكل روب. جو صح.
جلال:: تي شن مسح وهوا تقول روب قصير وعريان.
المشكله وقت عليا بكل. كان هذا. مطلقتك. يا فنشه
ريهام:: تيشرتك حبيبي. وخر. شعري ميه
وخر. يي. توا تجف برا حمو.
قعمزت علي الطاوله
ريهام:: افتح فمك. العسل وحبة البركه
وهذا الكركم. اغصب روحك واشرب مدخلنيش
توا حليب خالي الدسم. وتمرات.
جلال:: عليك فطور معفن
ريهام:: هذا كلام دكتور التغذيه ولا نسيت
جلال::باهي. هيا طالع. انا وقت. وادعي عبدو يطلع اليوم
ريهام:: رحمه طالعه. اليوم. العشيه نعدي باهي
جلال:: حاضر يابكايه عنجد ليلة امس. باي
~<~>|
زياد:: كل ماتبحت فيا انابشها. مره بفمي. ومره بحواجبي. ومره بعيوني. وهي تتكرس ورا بنت عمها. تبيش تبحت فيا
اخر مره نابشتها. درتلها عيوني حول وطلعت لساني.
جت في وذني كلمتها لبنت عمها
سلاف:: حتي وهوا احول يجنن.
زياذ:: عجبتني الكلمه زدت حناطه. مع خشت زبونه. وامها. قعدن يهدرزن ويسألن.
الزبونه:: اهو محل زياد. سكنت ياماما. زيزو منزل علي الصفحه. بلوزات واو. ياماما. منزل. شنط خيال.
زياد:: خشت عليا خاص ومسكتهن لها
البنت::بجد تاخرنا عليك خفتك تقعد بعتهن
زياذ: ونقدر علي زعلك انت وماما انا. لا قاعدات. لحظه نطلعهن من المخزن
خشيت وطلعت وهي نفس التصبايه. تبحت فيها من فووووووق لعنددددد لوطا
زياذ:: تفضلي.
الزبونه:: مشكور بارك الله فيك وخف علينا التنزيلات البنت بتنهبل من ورا صفحتك
زياد؛: ههههههههههه ديرلك حضر راهو سونه
البنت :: ييي رد بالك هههههه
خلصني وطلعن
ريما::سلاف. يااااكلبه. بنسلح هيا
ساعه وانا في حجرة القياس. نعيط عليها بصوت واطي وهي في. عالم ثاني
زياذ: درتلها بيدي علي حجرة القياس.
بنت عمك. من خشت الزبونه تعيطلك.
وترن عليك
سلاف:: برمت سيبته وخشيت. لريما
ريما::ساعه ياحيوانه. حميت ومليت
سلاف:: الحقير يقول عليا منحله وشايفني باستهزاء ومع المايعه اللي توا يهدرز ويحكي. وعارف مقاسها وايميلها
ريما:: بس يحبك صدقيني نظراته لك اللي شفتهن. توا. اعجاب ومعاهن حب
سلاف:: هذا. يعرف ولا يفهم في الحب. هذا غبي وحمار يعرف يستفز ويعصب غيره وبسسس.
ريما:: خلاص اطلعي خلصيه. في هذين. نلبس ونطلع وقت خلاص
زياد:: رديت نجري. للطاوله.
طلعت. مدت الدبش. وتحكي تبيش تبحت فيا
زياد:: مدت بلوزه مسكت يدها حركت صبعي عليها
ارتبكت فكت يدها
ااا. هذوما زباين عندي. لهم الاولويه. في اي شي ينزل. تحجز وندسه لها
سلاف:: بس انا مستغربه في حاجه انتم عندكم في بنغازي. التفتح. ليش بس جايين عليا
يعني اللي خشت توا هذا تسميه حجاب. لو مش محجبه. احسن علي الاقل الحجاب يحترم انا يوم نقرر نتحجب. معناها بشرع الله مش
سروال بيج.ساقها. باين وبلوزه قصيره. فوشي وووشاح طالعه منه تسريحه للغره ولا كوم قش. تحت الوشاح منفوخ
زياد:: هههههههههه. تشبيه قاتل كوم القش
بس صح. كلا
الكاتبه ريم محمد