الحلقة الثالثة
محمد:: كنت نشتغل. خطمت معدلتش فتتها. بس قصه هذي بتقعد سريب ماشيه. جايه عليك وجيج
شويه وخشن الموظفات صديقاتها. بالحلو.
محمذ::اووووو بكلاوة. شن المناسبه. من اللي انخطبت
البنت:: هههههههه لا ياحصره. مش خطوبه هذي اميره. بمناسبة. اجتيازها الدوره. بامتياز. وردت للعمل. خلاص
محمذ:: حسّيت روحي بنغص في الطرف علي طول. قتلها
اها صح ماشاءالله
البنت :: مش. لو كملت معاها راك توا مروح بدرجة احسن
محمذ::نصيب. وبعدين. لو سمحتي معش تحكي في موضوع شخصي. وطلعت من المكتب.
البنت :تلخبط. بعد. سمع اسمع رديتي
اميره :: توا عدي لأخته.
ريما::لا شكرًا. انا والحلو. مش اصحاب
البنت::هذا حلوان مرت خوك ردت للعمل
ريما::قصدك طليقت خوك
اميره:: ليش زعلتي يارورو. حتي انت من اللي خرب علينا قصدك نحسابك. هاديه. وتفهمي ومقدره. حبنا. مش حابه. اني مرت خوك
ريما::مزعلتش. بس انت غلطت خويا انت. شن اللي تبيه توا منه خلاص نصيب ومفش. خليه العيل عايش متريح
لميس::شويا بنات معلش. ممكن تسيبني انا وصبيتي شويا.
ريما:: انت شن الوقاحه اللي عندك هذي كيف تحكي هكي انا. مش صبيتك. ومحمد هذا طلعيه من راسك. وإلا الموضوع يقعد فيه كلام رجاله
اميره:: يارورو انت ليش تبيش تفهمي عليا انا مزلت نحب محمد ومستعده نحارب عشان يردلي يعني ليش انتم. تشجعو علي خراب البيوت وتشريد ولدنا انا نبي العيل. يعيش. في جو. هادي بين امه وباته.
ولميس هذي هي اللي خشت في النص. وسحبت محمد في صفها للاسف انها خريجة. علم نفس بس نفسيتها سوده. وحقيره
ريما:: ياريت قلبي انا شخصيا كيف لميس. البنت. طيوبه بكل. وبيتك انت اللي خربتيه. تعاملتي مع محمد زي الوسيلة تحقيق حلمك. قعد. ملش اهميه. معاك. هملتي ولدك وحبيبتي روحك ومجازك وبس كرهتي هله ورقتي تسمي ولدك علي اسم باته كنت تسعي. علي. استمرار قطع العلاقه. معانا
لميس كانت صديقه. ويكون في علمك خطبها ومش عارف انها لميس. بس كان يحبها من طرفه وهوا في الغربه كان زي راجل يدور في الحنان والعطف والشي هذا كان فيها. ومش غلط لانك تستاهلي انت اللي ضيعتيه
كنت تقدري. لو انت تحبيه صح. تحاولي. تصلحي. علاقته. باهله. كنت. حاولتي وجيتي شخصيا لبابا. مره واثنين وثلاثة. لين قاللكم تفظلو. نعرف عرم. صبايا تجوزن. بدون رضا الأهل بس كانن. شاطرات وعرفن يكسبن العيله.
انت. فعدتي زي الشيطان. الوسواس. بس تزززن. اقطع علاقتك باتك امك. خوتك. حتي. في مراد. ما عديتي. صبيتي معاه. حتي رحاب. ماعبرتيها سلفتك. واكرمتيها
اميره::هذا كله قايله عليا وسيرتي تاعبين وأنتم. نهدرزو. عليا شكلكم
ريما: موضوعك نسيناه وفتحنا صفحه جديده. مع احميده
تجوز ومراته حامل. ادعي ربي يهنيه وسيبيه في حاله
اميره:: انا نبي ولدي. ليش امك تبيش ترد. عليا.
ريما:: ماما. لاهيه في فرح بنت اختها. واكيد مفطناتش بس حاضر اليوم. تشوفيه العيل. فيديو
اميره: لا. اليوم نبي ناخده. توا يمر. راجل ماما يجيبه بعد العصر
ريما::حاضر بس ارجوك. فوتي محمد. ارجووووووك.
طلعت وسيبتني. بس حسيتها. مش طبيعيه. انسانه فانص. نظرتها. مستفزه كيف بس طاح فيها
علي طول.رنيت علي محمد وقتله خلاص. بنطلع. نتلاقو عند السياره بسرعه نبيك
><~<~
محمد::حقيره خزي. تي عارفها انا. بس منبيش ندوخ راسي بيها مانقدر ادير شي غير هك. تستفز
ريما:: بس انا متسكتلهاش وعطيتها علي راسها
محمد::قويه. ياعسسل ربي يخليك ليا. اسمعي. أنسيت أمس ناخد دبش احمد اليوم العشيه نطلع نجيبهن تمام
ريما: تمام. شفت. تلقاني. ههههههه توا تكي خود. عليوه. فكنا من مشاكلها
لميس:: انزلو. تغدو
ريما::شن غداكم
لميس::انا. خاطري في. مكرونه مبوخه دارتها خالتك العسل عشاني مع انها روحت من السوق متاخر.
محمد::المهم انتن خفن عليها ديروش عليها عصابه
لميس:: لا تطمن. حسستني. خالتك. انسه صفاء. ههههههه
ريما؛:ههههههههه يناعليا. وانت البنت. الكبيره اللي ديما تمرض. تسحون. كيفك
محمد:: ههههههههههه. صح ديما مريضه. وتتفلسف
لميس:: لا باهي. ياريما هوا. هك. بارد. بس انت كنش العشم. ياصبيتي روحي هي معندناش غداء
ريما:: وخري. جايه حوش خالتي. خلاص. اصحاب حوش. توا
نورا:: اهلًا. تفضلو. ليش علي الباب. قاعدين
ريما::ربيبتك طح سعدها كيف متحمله تعيشي معاها هذي. لسان طويل. يناعلي ياخويله ماتستاهلي.
هاجر ::هييي. كنكم مع اختي. انت شن تبي جايه
ريما::حوش خالتي. انت الثانيه مدخلكش
محمد::انت ياغبيه خلاص خفي. حناطه
ريما:: نورا مكرونه قالو. اختك. رايحه راميتنا علي ضرتها. ناكلو. غادي. وحلومه ًامس مكرت مبتش اتطيب.
وكنتك. مسيبه الحوش. تغديت انا وخويا برا. واليوم. مش عارفين شن ناكلو.
محمد::حي علي ام التمثيل.
لميس::هههههههه خلاص خشي. وجعتوني.
ريما::مو قتلك خاشه بدون إذنك حوش خالتي.
هاجر:: خشي. تعالي. تغسلي المواعين معايا هذي رايحه تنباله
~>~>~
رحمه:: اليوم عندي محاضره انا قبل عبدو. هوا القايله نقعد انا مروحه
صبيت الساعه 7 وتيت روحي وغيرت للعيال ودرت فطوره
ونزلت العيال وركبت
رحمه: انت ياحلو. نوض.
عبدو::واعي. من حركتك وغيريها الكندره. اللي في كراعك فيها رنت كعب صدعتي اني طق طق ماشيه جايه.
رحمه:: هههههههه باهي هي راني طالعه. فطورك واتي سخن وافطر نوض خير تاخدك نومه علي المحل
عبدو:: اسمعي جيبي فطوري هنا. متكسل صقع توا نفطر. يسخني نصبي
رحمه::تمام هي
حبيبي افطن بس راك تبزع زي ًامس. تعبت انظف فيه
عبدو::نظفي. ياحنه شن وراك. كملتيها تنسرفي
رحمه:: لاه. رايحه. لسان ياولد حليمه
عبدو:: كنها حليمه يابنت كريمه.
رحمه::ييي وقت عليا نحكو بعد نروح. في حليمه وكريمه
عبدو:: تعالي قربي بس. مفش حبيبت السلام.
رحمه؛: قربت. وياريتني. ماقربت.
هيا بسرعهً وقت. مزال الزحمه
عبدو:: نزلت بان عليا. وجها كويس وعطر فحفح. عليا.
وخرت راسي
وقتلها
عبدو:: خشي اغسلي وجك. وغيري الوشاح والجاكه
رحمه:: رفعت راسي نعم. كنك
عبدو: صبيت من الفراش ومشيت الدولاب. طلعت لبسه
غيري دبشك توا نوصلك. من يوم وغادي مفش سياره
تلعبي من ورايا. توا نوريك. راقد وتشتغلي مظلمه. الدار
رحمه::كنك شن درت انا توا كنت كويس. ردلك الجن ولا شن دوتك
عبدو:: رديت. الطاوله وخديت منديل معطر.
اها. جن. قالي. دير. هكككككككككككك ومسحت خدها بالقوة
رحمه:: اي. بشويه. كنك مجنون هك
عبدو:: خشي اغسلي. وجك لو تبي تعدي
وكريت الوشاح من راسها والزفت هذا معش ديريه هك. العطر. هذا تنسيه. سمعتي. عنجد. عطر. بين الرجاله. اكثر. شي يستفز فيا تخش للمحل. وحده تفحفح عطر
رحمه:: هذا خفيف بعدين شنو نعدي بنتي شينه خو انت تغسل في روحك به
عبدو:: بطلي فلسفه وانت غير. ياشيخه يلي قال الله وقال الرسول. مش قاريه. حديث. بوضح. انه حرام العطر.
زناااااا ومآشيه به بين الرجاله. تلفتي في الانتباه ليش.
رخمه:: باهي. خلاص. توا نغير. بس بطل هبال وتخلف وووطي صوتك. تسع. امك
عبدو:: تخلف. صار انا متخلف. هي وهبل. باهي.
وإمي. خليهاا تسمع. بلكي. تقدر تربيك
رحمه:: تربي من اوزن كلامك. انا متربيه ومش محتاجه. حد. يحكي عليا.
وخلاص باهي منيش ماشيه بكل. اقعد. فيها. هاه. هاه سلحت تريح باهي.
عبدو:: برمت. اعوذ بالله. من الشيطان الرجيم
رحمه وتي روحك. خلاص وقت عليك. توا نشيلك هك نرد نغير.
رحمه::قعدت نبكي. منيش ماشيه خلاص طارت النيه. وطلعت. من الدار. للصاله
جاني اخري
بطلي هبال يارحمه. وهيا اخر محاضره قبل الجزئي تضيعيهاش
رحمه::ضاعت. حياتي كلها جت. علي محاضره. متعوده
عبدو::شن قصدك بالكلمه هذي
رحمه:: مقصدي. شي. بننزل. نركب العيال.
عبدو::لا شن قصدك. بيها. ضاعت حياتك هذي في شنو. معايا. مش عاجبتك حياتك معايا
رحمه::مقلتش هكي انا مَش قصدي شي. وخلاص هي توا نلبس.
عبدو:: لا قصدك. طريقك وجك ونظرتك قصدك.
دق الباب
رحمه::تريحت. اهي ركبت
عبدو:: مشيت حليت.
بينت روحي طبيعي. صباح الخير
حليمه::كنكم صوتكم عالي كنها. معليا صوتها هذي. واصل. لعندي عياطها
عبدو:: اه هههههه. كنت. انابش فيها. داس. عليها تلفونها وهي عصبيه تبيه
حليمه::بلش كذب. كنها. بعد كانت. قطوس مغمضه. تعلمت السواقه. والخشوش وطلوع ومعاهد بدت. تتفرعن. عليك. جاتك
عبدو::قطعت. عليها. جتني مش ناقصها. شي يا أمي لو سمحتي حتي انت. منحبش الكلام هذا. ومنحبش. زعلها. راهو. كنك. جيتي شوري.
حليمه:: وانا نزعل. و. لازم تعرف لما نشوفك. ساكت وصوتها. موازي صوتك. ونشوف. فيها كيف مش معدله كل يوم طالعه وتمر تكر في هل الشكاير. بنزعل وتوجعني. فيك
لمن. قولي. هاه شن دخلك انت تصرف علي فرح اختها. خالتها. وعيالها. من. وانت. من هن.
ليش السريب بنت تجوز بامكانيات هلها ليش الكوش والاثاث. اللي ملش داعي.
عبدو:: امييييييييي صبح. صبح. كنك. عاد معش تدخلي. في ام. حياتي.
حليمه:: ريت. هي. صوتها. عادي يعلا وانت. ساكت بس امك. تنفتر. عليا. ماشي. ياعبدالرحمن. مااااشي.
ونزلت طبقت الباب. خشيت. كانت. تبكي. معدلتش. خشيت غيرت وطلعت
خطمت. وماصبحتش. ركبت سيارتي قعدت نسخن فيها نسيت موبايلي رديت. بناخده
لقيتها نازله وامي تهزب فيها
رحمه:: سمعت كلام امه كله وووجعني. بس حبيت. دفاعه. عليا. قلت. خليني ننزل نجيب العيال. وخلاص.
نزلت. كانت تفطر
رحمه ::صحه
حليمه:: شن دايره العيل علي الصبح. هكي علماتك امك. تردي وتهزبي راجلك. ولا ريت. هل الام اللي بدال ماتنصحك. قعمزي اشقي براجلك. وحافظي علي فلوسه.
رحمه:: قعدت ساكته ومارديتش خديت اسيل وقتلها. نرقدها وننزل نساعدك في الحوش
عبدو:: خشيت خطمت. ركبت نجري وسيبتها عدت للحوش الثاني
نزلت تلاقينا في الجنان صوتها تشكي لخالتها. خبطت الباب وطلعت
كوثر::هي قالت الكلام هذا. عليا وعليك
رحمه:: . خلاص معش. تشري صح عندها . الحق. كل واحد علي قد حاله
كوثر::هي مدخلهاش انا منسرق هذين الحاج هوا اللي مدهن وقالي. شوفي اللي ناقصها
توا. نتفاهم معاها زودتها
رحمه::لالا رد بالك خلاص طنشي الموضوع نبيش وجيج
انا توا بنرقد العيال. و ننزل. نساعدها
~>~>~
عبدو :: مشيت للمحل. قعدت. هك جوي. قلق لعند رِن علياعادل
حكا علي المزرعه. قتله. فيها جو. نقانه. باهي. خلاص.تعال. خود المفتاح. وانا نجيكم المغرب. بعد نصكر
~<~
روحت الغداء لقيتها. تحت مطيبه وقاعده تنشف في المطبخ.
امي عاديه كالعاده تبك وتهزب وترد عاديه
عبدو::السلام عليكم. اااه بنت. بطاطا مقليه صح
حليمه::اه. اليوم. رحمه. دارت بطاطا ودجاج مقلي ورز شعيريه. اللي تحبه
عبدو:: زعمه زبطاته. زيك فش حد يديره كيفك. وقربت حبيت علي راسها سامحيني. علّيت صوتي
حليمه::مسموح حبيبي. عدي غير. وتعال نحطو
خشيت. عليها في المطبخ واضح عيونها زعلانه. بس تبين روحها طبيعيه
عبدو::نخش ولا ممنوع الارض مبلوله
رحمه:: شن تبي خاش.
عبدو: خشيت. قربت من الغاز. وهي تفنص. ماسكه السياقه
عبدو::هيا العاده تقول يوم اللي مراتك تقلي بطاطا
يبقي مد يدك وخود طرف. كليت لالا طرفين. يابووووووي.
لالا كمشه هك. واهربببببببببب طلعت. نجري
رحمه::عاد واجد هكي خديت
عبدو::تي نحن ثلاثه. انا وياك وعليوه بس
باتي يكلش فيها. وحلومه. دبه خلاص دير ريجيم.
رحمه:: لا ريما ومحمد جايين. متغديين هنا. في الطريق قاعدين
عبدو:: مثقل دمهم. بس شويه هكي بعدك مالحه تهبل
رحمه::باهي. خلاص عدي يابيبي. غير
عبدو:: قربت منها اسسسس عيب بيبي. هذي في الشقه
رحمه::عقلك. خضرررررر
بيبي عيل يعني. اركب. هي
عبدو::راه تجي حلومه تقول صوتها موازي صوتك
رحمه::اسفه. صح امبدري. انا
برم طلع وقالي. نحكو. بعدين
><~>~
الغداء
محمد::دايمه. شكرًا.
عبدو::مريح المدام. وكل مره متعب. حد روح بيها بلش دلع صبايا
حليمه::اي والله دلع صبايا. جبت كم بطن. ولا درت هل الطروح. باتكم. كان. يجوه جماعته. وخوته من مغرب ومشرق وندير في البازين والمنابات
محمذ؛:هذك زمان ياامي. بنات توا.غير.
حليمه::شن فيها من غير. لا وانا كنت صغيره. ومراتك عجوز.
مخمد::كنك قلبتي. عليها
حليمه:: لا ماقلبت. بس كلهن رايحات مدرهات كبدي
عبدو:: خلطت يدي. ايوووووا. هكي. العدل. مش جايه علي مراتي بس
حليمه:: اسكت. بسمع باتك. عارف. توا شن يجي يدرلك علي كلامك هذا.
حاج:.نسمع نسمع. الشاهي. ياريما
ريما:: حاضر. صبيت. درت. الشاهي. وجبته لمحمد.
خش مده. له وأحكي في الموضوع.
عبذو::موضوع. شنو
محمد:: بعدين توا نحكي معاك. في موضوعها.
خشيت لباتي وبصعوبه أقنعته وقال.
تمشي. رحاب ودنيا ولميس
طلعت قتلها زعلت.
ريما::رحاب ودنيا. يعدن. ساعه ساعتين ويروحن. انا نبي نزيط هكي. ظلم. اووووف
مخمد:خلاص. ارضي. وبطلي. طروح. سمطيها.
ريما:: ان شاءالله
محمد:: تدعي علي باتك ياغبيه
ريما::بنقول ان شاءالله ربي يهديه. باهي. انت امتي تشري الهديه. أمس وعدت وفتت. واليوم مفروض. عبد ميلاده
محمد: ماهو. لو تصبري تجيك. حاجه سمحه. لو تززززني هك. ناخدلك. اي حاجه. تي. موتيلك. حاجه. صح. بكككل. اصبري. بس. عارفه خيك كيف لما يروق.
ريما:: الصبر. يارب. صابره. بس السبت نبيها قبل الفرح. نعطيها له
محمذ: اووووكي. طالعين. الساعه. كم
عبذو:: انا جاي متاخر. بعد نصكر. المحل
ريما ::مراد طالع توا. توا نعدي. معاهم ماما مش ماشيه بايته عند هلها.
حليمه:: خلاص انا والحاج طالعين تو.
محمذ:: انت والحاج. امي مش قاعده واخده وضعك ياحلومه
عبدو:.ايوا ياامي. خليك هك. كولي الجو علي امهم
حليمه;:ههههههههه.
عبدو:: عجبتها. الكلبوزه.
حاج::عبدالرررررررررحممممممممن
عبدو::من صوته. العالي. لقيت. روحي نفتح في باب الشقه.
رحمه:: هههههههه. ركب يرعش
ريما:: انا بروحي رعشت. من صوته. النغمه هذي. يعني. راني. عصبت. وهوا اكره شي عنده. الدوه هذ
خلاص نتلاقو. نكلم. هومي. مع انها محتي جت
~<~~
عبدو:: طالع انا توا باهي. ساعتين ونلقاك واتيه.
رحمه::بنحكو.
عبدو: حبيبتي. وقت عليا. وعندي موعد مهم. السياره نحكو. باهي. طريق طويله. نلقو حاجه نهدرزو فيها
رحمه::حاضر. باهي. بايتين. صح
عبدو:: انا خاطري فيها بكل. مليت. من جو الروتين. وحاس. روحي. خاطري. نلعب كوره المهم. صقع لبسي العيال. كويس.
هي بوسة السلام. هههههه
ررحمه;اموووواه.
~>~~~
مراد:: تي هيا. ساعه توتن في روحكن ووووقت. راهو. نغير رايي.
رحاب:: نكدددد. خُف. علينا. علي اساس شايلني. للمطار وبتريح علينا الطياره.
مراد:: اصلا احسبيها. هذي. راني. طلعتك. اه. ومبيتك برا. هيجي. عاد.
رحاب:: نعم. هذي ياشاطر. اسمها. مشيه عائلية. مش محسوبه ولا معترفه. بيها.
ريما:: انا واتيه خلاص
مراد:: هيا
شيلن. انا كراعي. مسكت. في يد عليوه وطلعت
رحاب:: تعال هنا. بلاش كذب وطروح
ريما::بارد. هيا. شيلي ياحنه
رحاب::المشكله نصه قربج. امتاعه. العود عليش شايله. ماني عارفه
ريما: حشيشته يدندن بروحه.
<~~|
رحمه:: هيا ننزل
عبدو:: اه هيا.
رحمه:: حطيت العيال وركبت
طولت. حبيبي.
عبدو::شغل. توا. سيبت. ناصر. يصكر.
شنو بتقولي. كنت. وكنت. السياره نهدرزو
رخمه:: بنقولك اسفه. مكنش. لازم. نرد عليك. هكي.
عبدو:: باهي. حتي انا اسف. هكي عصبت. وعيطت.
بس. لاني نحبك ونغار. عليك. حومتي انا لو اشارب. عكس لونه عليك. نغير. معش عرفت شن انلبسك حتي الاسود عاكس. عليك. نبيش حد يبحت. فيك. والعطر. منحباش ديما. نقولك فيها منحبش العطر في الشارع.
رحمه::حقك عليا. وشكرا علي كلامك لامك وكيف دافعت. عليا
عبدو::معلش حبي مدققيش. امي هك. طبعها شين.بس تحبك.
باهي. شن درتي اللي روحت لقيتها رايقه راضيه
رحمه:: شن. درت. غير. بردت وجي وقَعَدت نجيب في قصص واحاديث نفتح فيهن.
قتلها نبي نعزم. خواتك وخوتك. وشن رايك. وهكي. انطلقت.
عبدو:: نجيها. الشاطره. صدقيني. انت هك صح مش هبال لا انت عاقله وبنت ناس. ومفش منك اثنين.
رحمه:: بس انت. غريبه. توقعت تروح. تطنش وجوك. شين
عبذو:: حسّيت روحي. حتي انا كثرت. مفروض جيتك بالهداوه. بس هك. حلو. نتعاركو. ونردو بسرعهً طبيعيين. صح
رحمه::صح.
~<>~>
ريهام:: رنت عليا ماما
جلال: باه. كيف حالها بعدين أنمرو نسلمو. تمام
ريهام::ماما في المزرعه. وكلهم بايتين. غادي. جو. حلو يسهف. بكككككل. شكله
جلال::باهي. خلاص توا نمرو نسلمو عليهم بعد المغرب.
ريهام :: بايتين هما
جلال::هههههههه. باهي. انت خاطرك. تباتي.
ريهام::اها. بكككككل بكككككل. بس لو انت تبيش. عادي
جلال::خلاص. نحطك باتي ونجي نتغدا معاكم
ريهام ::منباتش بروحي. بعدين ليش ماتبات. اهو عادل واسامه قاعدين فيهم جو ومن عمرك.
جلال:: ههههههه يعني نلعب معاهم. من عمري.
مش موضوع. منبيش انا. منحبش نتحشم. وبعدين. نحن مزلنا عرسان. مش حلو نباتو برا
ريهام::يوم. بسسس. عشاني حبيبي. والاستراحة. كبيره. ومفصول. مكان الرجاله. يعني ماتتحشمش
جلال: عشان خاطرك حاضر.
ريهام::نحبك. ياخاطري كله. انت ههههههه
جلال::حلوه هذي خاطري
باهي. ممكن. تتكرمي وتنزلي لعمتك والبنات. وتعطيهن الي شريتيه لهن.
ريهام:: تؤ. معندي عليش نازله. دمهم ثقيل
جلال:: شنو
ريهام:: ههههه نبصر. أرخي . عيونك. طبعا نازله بدون ماتحكي.
جلال:: كنت. بحسب
ريهام:.لا. متحسبش. اول. حاجه لو منحبهمش مش راح نقولها لك. صح
وبعدين. هلك. غاليين عندي
جلال:: عليش غاليين عليك.
ريهام:: لأنهم. هل حبيبي واللي اهتمو. ووكبرو الشخصيه. الحلوه اللي. انا مفتخره بيها
جلال:: اهمم. وشن اخري.
ريهام::ولانهم جدود عيالي. واصل ودم. عيالي. يعني لازم نحبهم.
جلال::بستها علي خدها وشن اخري
رريهام:: ولاني. متربيه صح وهلي ربوني علي الاحترام. والموده
جلال::حبيتها علي راسها. ونعم. التربيه. ربي يخليك ليا يا احلي حاجه. عندي. ربي مايحرمني. منك.
ريهام :: ولا منك ياعمري. باهي. ننزلو. بدري. عشان نلحقو. نمشو
جلال:: هيا. بس البسي واسع. باهي مش غابية طبعا انت. بالعالم اللي تحت
ريهام::ماشاءالله. حاضر
نزلنا
ريهام:: خشينا
جلال:: عدي سلمي علي. عمك يامرا
ريهام:: هههههه
خير ياعمو كيف حالك
عمها:: كيف. حال بوك والشباب
ريهام::الحمدالله كويس.
خشيت. مع البنّات. نهدرز وخش جلال وخوته. وكان. وضعه باين عليه رايق.
سلوي اخته:: سبحان الله.وضعه تغير. قبل اول ماعرف المرض وهوا. مش طبيعي يهزب وديما نوم. ومش طايق حد ويتحسس. توا نجيه. رايق ووج. رد نعوش
بارك الله فيك علي تصبايتك معاه
ريهام؛: هذا حبيبي. وزوجي. ودنيتي كلها. سلوي انت متعرفش قديش نحبه بس اهو كان هبال مني.
اللي زعلته
جلال:: ريهام هيا مش بتطلعي
ريهام ::هي هي
ركبنا. وتيت. الدبش. وطلعنا
في السياره
جلال:: هومي رني شوفي شن ناقص ناخدوه
ريهام:: هي.
امممم. يبوش شي. كله واخدينه.
جلال::متجيش نخشو. فاضيين. نقولك. انزلي. هي
ريهام:: ننزل معاك.
جلال:: اها. هيا.
خشينا للمحل. خودي. عادي معلب. يفسدجش.
ريهام:: واجد. هكي.
جلال::عيله يكمل. هيا
ريهام:: نبي. تي أغنيه. كله. دروس. دينيه. عندك
جلال:: معنديش. عليهن. الأغاني. بس في في الدرج. دسكه نسمع فيها مره مره
ريهام:: راه تطلع. لام كلثوم
جلال:: لالا. ههههههه. حطي واسمعي. الرومانسي. راجلك. اللي هازيه عليه
ريهام:: نشوفو
حطيتها. كانت
كلام كتير جوايا نفسى اقوله ليك
معرفش ايه بيجرالى قصاد عنيك
مبقولش ليه وانا معــــــــــــاك
حرام تضيع من ايديا عشان سكوت
دانا من غيرك انت حبيبى اموت
لو يوم يفوت من غير لقاك
وقلى انا اعمل ايه بقالى ليالى بدارى هوايا
انا معرفش ليه بأسى بعدك يا ريتك معايا
يا ريتنى كنت قولت ليك عللى بحسه فيك
كتير بلوم على نفسى ازاى ابقى معاك
ومابقولكش بحس ايه فهواك بيسكت هوايا جوايا ليه
بروح نفس الكلام اللى اتقابلنا فيه
الاقى كل حاجه باقيه فيه
الا الكلام ونظرة عنيك
وقلى انا اعمل ايه بقالى ليالى بدارى هوايا
انا معرفش ليه بأسى بعدك يا ريتك معايا
يا ريتنى كنت قولت ليك عللى بحسه فيك
قعدت نسمع. في الاغنية وهوا حافظها يغني معاها.
ريهام:: حافظها
جلال:: لاني. انا هك. ديما. نحس فيها تحكي. علّيا. كل مانجيك. نحس روحي نبي نحكي او نكلمك نفس الشي
بس منعرفش. لساني. يرتبط. مش متعود. نحكي.
ريهام؛: بس انا حماره. صدقت لميس. لما قالتلي مش كل شي. كلام. عزل. مرات حب ومايعرفش يعبر المهم. اهتمامه
جلال:: حبيبتي. انت. ههههههههه.
ريهام:: حنرايف. عليك اليوم.
جلال: منك. بيدك. الله يسامحك. مش. نباتو. في شقتنا وفي دويرتنا. وتحت كوبيرطتنا. و
ريهام:: وووو ههههههه الفتحه اللي هلبتها. كنك. مشيت قدام.
جلال:: ليا زمان مَش جاي. من فرح. اشرف
وصلنا. طبعا العيله كلها.
جلال::السلام عليكم
كلهم :: وعليكم. السلام
اسامه:: اهوووو جو. تريحت ياعمي
جلال:: عليش كنكم
عادل:. تي من بدري رنو عليهم. طولو. تحطوش استنو جلال.
جلال:: حتي انتم الخير والبركه.
خديت. كرسي وقعمزت. جنبهم
ريهام:: ييي عليوه. العسل. تعال عميمه
مراد:: امشي. لعمتك
شي رايح دمه ثقيل ونكدي. ماني عارف لمن طالع.
عنجد وجه عليوه. محمد غلبنا في الدوه
رحاب؛:هههههههه مش. عارفه. لمن طالع. الصراحه
محمد:: ديوه بابا تعال. سلم علي عمو. جلال
مراد::ولدك. اليف. تحسه
حاج ::أليف تشوف فيه قطوس
مراد:: يعني. قصدي. اجتماعي. ههههههه
محمد:: اسمع. هذي. انت بس.
شن اسمك انت
ديوه :: علي
كم عمر::
هيا بابا. وريهم. كيف. بيدك
ديوه::هك 1
عادل:: تي. بنتي. صقع عليكم. شوف الحناطه بس
عبدو:: فرحان. اوي. ترقص وفرحان. تي. بنتي انا. نهارها
عادل:: لا انا بنيتي نبيها. تدلع وتلبس. والجاي. الصيف وتوا تشوف ياخالو. بابا بيشريلي مايوه بكيني
حاج: لاحول ولا قوة الا بالله. مهابيل. انا ماشي نسقي الغرس.
اسامه؛ بكيني. ههههههه
عادل:: نسيته بكل. بس شوف. بس الحناطه. قوليله. عطيني بوسه ياخالو.
عبدو:: رايق. شكلك. طول اليوم مقعمز. تعلم فيها
عادل:: مش. غير. جو التكسيد عليها
مراد::حتي انا يعرف. يحكي. احكي. يافرخ. من هذا
محمذ:. مدلعينه لين اععع.
مراد؛. هذي اربع. وعشرين. ساعه. ماسك. فيها. تبيش تضرب بكل
لميس::مش. بالضرب. هيا نحن. نضربوش فيه. بس المسايسه. واشغله بلعبه يحبها
مراذ:: تي نكدي مفش جو. هك. يتشبط. في رقبتي كيف العبيط. تقول. ماغولي.
عبدو:: وجعتني. الكلمه. اللي عارفها مَش مقصوده بس تسهفت. من. الحديث. هذا. بحتت. في ولدي
مش في الجو. بكل. رفعته عندي. وحبيته. صبيت به.نلعب فيه
رحمه:: صبيت وراه. مشيتله.
عبدو:: مركزتش. راني علي الكلمه وراك تزعلي مش قصده. مراد
رحمه:: اكيد. بس هكي. تضايقت
عبدو:: من كلمته. ولا تبي. عيل. منك. طبيعي. كيفهم.
رحمه:: حسّيت بيك. اسفه. لمقدرتش نحمل. لعند توا
عبدو::شن دخلك انت ربي مزال مراد
رحمه:: ربي يرزقنا. حبيبي. هاته. نرقده خير. صقع. هواء
بارد
مراد ورحاب::
مراد:: مش قصدي طلعت هكي.
عبدو:: ههههه عارفك. مزعلتش اصلا. بعدين. قليبي. انا عسسل. اااه.
رحاب:رحمه. معلش. يعرفش يحكي هذا.
رحمه:: عادي ياهبله. مش قصده واضحه. بعدين. كلنا. فينا الكلمه. هذي.
تعالي. نديرو قهوه.
~<~>|
مراد::مدها.
محمد:: خودها. شووووووط. يا أشرف بسرعهً. تي بسرعهً عليش تماطل
اشرف:: نتعب فيه ياغبي
جلال:: تتعب. انت وانا منتعب. ههههههه
اشرف:: واثق
جلال:: كل الثقه.
اشراف: قووووووول وووووه. قتلك مش قدي
محمد:: 2 ووووووووه.
عبدو:. غشش غششش شفتك يااشرف. عاد .
جلال:: تي غش. واضح. لمست يدك
عادل:: اررررررضووووو 2/0
اسامه:. انا خلاص. جهدي. معش نقدر بننسحب.
مراد:: لو انا نلعب. راهو فوزتك ياعبدو
عادل:: انت في كراعك. خليك.
بس حتي انا خلاص. ظهري. معش نقدر.
عبدو:: باهي. وجكم. هي. عدو من لاورا نبي نلعب. العنصر. النسائي.
مراد: اه والله خصوصا اللي في بالي
اسامه:: هههههههههه وعديت. سيبناهم.
اماني منقدرش انا. لميس. عنديش نيه.
رحمه::نبيش.
عبدو::فش. تعالي. تحركي. شويا.
رحمه:: جيته. وشوشتله. سيبهن. حوامل. تحشمن يقولنها وانت. سكنت هيا
عبدو:: اها. لا خلاص معناها فوتي. بكل. مرات حتي انت حامل. تجري وتصيرلك. حاجه.
رحمه:: بطريقة تركيزك هك راح يتاخر الحمل.
عبدو:: حومتي. ديريلي حاجه نأكلها. جعان
رحمه::من عيون حومه. وقلب حومه
عبدو:: الرومانسيه. هذي مش وقتها توا
نبي من يدين حومه بس.
رحمه::علي يعبرك
~<~>|
مراد:: صار نكد. والعيل طالعلي.
رحاب:: هههههه تنكر ماانت. حبيبي النكدي. والشي. هذا معروف
مراد:: باهي يامرت النكدي. ممكن. تجي. جنبي بنشوي
رحاب:: لا نبي نتمشا مع البنات
مراد::بعدها تقولي مش رومانسي. شفتي. من النكد
رحاب::هههههههههههه قصدك. هكي جو رومانسي. ووديتني
مراد؛:ههههههه اها. انا نشوي. وانت جنبي. نهدرزلك وتهدزيلي. نسولفلك. وتسولفيلي.
رحاب:: باهي. خلي سوالفك. لك. جايبني. عند الدخان. ويقولي رومانسي
تي انت والرومانسية مش لبعضكم اصلا.
تي حتي يوم. اللي. ركبت الشقه. لو راجل. رومانسي. وشاطر. راهو. خشيت لقيت الدار. ورد. وشموع. راهو. في النهايه. مديت هديه.
مراد::يكفي. هديتك. سحنتي كراعي.
رحاب::خطرها نفس الكراع اللي طحت عليها. صح. هههههه
مراد:: اها. مسكينه. تعذبت واجد.
خطرها اهو رومانسي. درت المستحيل. عشانك. طحت. وانكسرت وتسجل في التاريخ.
رحاب:: عليش جاي تشوي هنا
مراد:: غادي. باتي يبيش البنه.
رحاب:: باهي. توا. نقول للرجاله يجو. جنبك عشان تكسدش.
مراد:: قبل. نبيك معايا. لكن فكش جو
رحاب:: حبيبي. منقدرش الدخان. موعارف وحمي
مراد:: يلا برضو. فيكش. جو. طيري
رحاب:: الا انت اللي. مفيك. جو. روح
عبدو:: كنك. شن في معصبك. النكد
رحاب:: تعالي قعمزي جنبي نشوي. وينفتر. يحساب روحه داير. جو. ههههه
مراد:: هذي يا عبدو اللي. تكسرت كراعي في سباها ويستر الله تقعدلي. أعاقه دائمه. تقول. عليا نكدي ومفياش جو
عبدو؛:هههههههههههه نقانها صدقت
بس انا جاي. بنقولك رحمه متحشمه وخايفه من امي. شوفيها مقعمزه وخلاص جنبها تبيش تتحرك عدي مسكينه. تمشي. معاكن.
رحاب:: برمت عليه ريت. ريت. يفكر. فيها. ويراقب فيها
مش
مراد: غير. نسلم. انا. عمري ماقصرت.
عبدو:: كنه يحكي هكي
رحاب:: يجنه الحالات. هذين. يحكي زي الصبايا.
~>~~
رحمه؛: كلهن بتمشن. وانا خايفه. نصبي تزعل. قعدت جنبها ونهدرز معاها. لين مليت.
جت رحاب.
عميمه رحمه تعالن صبن معانا نتمشو. لين طاب العشاء
حليمه:: لا انا بنخش نتسطح.
رحمه: مشيت. معاها وووواوووو واخير. مليت.
رحاب:: نجي. راجلك. جاني. وقالي انقضيها
رحمه:: نجيه ياخيه عسسسل. حبيبي. خششت يدي في يدها. وقعدنا نتمشو. ونحكو
رحاب::صقع بكل
رحمه:: النهار كويس. جو ربيع. هك ديما
رحاب:. باهي احكيلي. شن جوك انت وعبدو. وشن جديدك
رحمه::كويس. عسسسسل. مفش حاجه. اصلا. نقولها. عليه. بس. واجد مدقق. عليا في وجي ولبسي.
رحاب:: عادي انت اختصري المشاكل والبسي. زي مايبي
رحمه؛: لا هوا اكثر مشاكله. ميحبش. المكياج حتي الخفيف. ولا يحب. العطر
رحاب:: يابنتي. قولي الحمدالله. مش يطّلع. فيك ويخشش وكل اسبوع يشيل. فيك تشري. نواقص. الشقه وياخد. في رايك ووواضح ومش غامض. ورومانسي وحنون. ووووو
صح
رحمه:: صح. ربي يحفظه
رحاب:: يبقي. اختصري. انت المشاكل. ومتخصريش يابنتي. حتي حرام. تعانديه فيها.
رحمه:: صح. حتي انا. بعد مشكلةًالصبح. قررت معش نعانده
باهي. وعمتك حليمه اللي حاطه عليا
رحاب:: خليك بإسلوبك هذا. وصدقيني توا تهدا. انا اللي جيت قبلك ودنيا. تحكيلي. علي حاجات. زمان. هي واعره. دوه ولسان بس. قلب. طيب.
والدليل. خالتك متفاهمه معاها صح
رحمه:: بس خالتي طيبه معاكن صح.
رحاب:: خالتك عسسسل
رحمه::. باهي انت. شن دايره. مع مراد
رحاب::انا هك نتحمّل. ونمشي. في حالي مره نزعل ومره نعصب ومره. ناخدها بضحكه. ونمشي. نتحمّل. المهم عندي الخيانه. لا.
رخمه؛: كويس هوا توا صح
رحاب::اه لا الخمدالله. يروح. بدري. وديما رايق. تلفون. بدون رقم. سري. وعندي صفحته.
صح. طلوع مزال نكدي. بس الخمدالله. خير من قبل
رحمه::ربي يخليه لكي. وتجيبي. علي خير وسلامه
رحاب: مفش انت. حاجه
رحمه:: هوا يبي. بكل بس مزلت. مفش
رحاب: واعر عليك نحسه. حيكون
رحمه::قلت ووضحت وبكيت. . مبش يقتنع خلاص. يبي. لدرجة بديت نخاف. تخايلي. لقدر الله. فيا حاجه. تي امه تجوزه. وهوا منملاش يدي منه
رحاب:: جايبه انت. من قبل. لا بعيد السو عليك
رحمه: بس خديت واجد حبوب منع الحمل. وتخافي شي حاجه
رحاب:: لا بعيد السو. انا مش مجربتهن مراد يحبهنش
رحمه: طبيعي انت مانع
رحاب:اها ييي. الهبله رشا وين شايله اسامه.
رحمه:: ههههههه شن جوها غادي. منسجمين هلك معاها
رحاب:: الصراحه يارحمه انا كنت رافضه وماما وخواتي. انا كنت. حاستها مش له. يعني. انت. ديما تحبي لخوك البنت السمحه الباربي
بس. لما. جت. بينا. نجيها. خلتنا مطمنين. علي ماما.
تي. قبل كل يوم وخده تمر. تشوف حاجه كان ناقصه ماما يدها تقدرش تحك الحمامات والمطبخ
ولا هلي. عندهم. فلوس. للخدامه. وصبايا خوتي. سلبيات
بس من اول اسبوع لرشا وبدا الحوش فيه. جو.
مسكينه. بين شقتها وحوش هلي وعملها.
حتي الغداء. قعدت معاهم ندمت علي اي تفكير سطحي فكرته في الشكل والمظهر. وفعلا اهم شي الروح الحلوه والنيه التظيفه
رحمه::رشا عسسل. وربي يهنيهم ويرزقهم.
~<~>|
اسامه: نعم شن تبي جايبتيني هنا
رشا:: شي رايفت. عليك.
اسامه::باهي. دزيها في مسج. مش عيب. هكي قدام خوتك.
رشا:: علي اساس واخده. صاحبي. خلينا نتمشو شويه. بعدين اهو. محمد يتمشا مع مراته جت عليا
اسامه:: باهي. شن تبي. تحكيلنا
رشا:: امّم توا رنت. انتصار. وقالت. جت ملقتناش. سيبت. الجوازات مع امك
اسامه:: تمام. باهي.
رشا:: اسمع. راهي مش مريحتني. اسامه. فكك منها. انا اللي. عارفتها
اسامه: كيف يعني
رشا:: هي. ديما تقول. خاطري نتجوز. وهكي. توا. اختلاطها. بيك مش مريحتني. تجي. علي راسي وانا اللي عرفتك عليها
اسامه:: التفكير. الهبل. حوليه. هذي مرا مسكينه. تسترزق. وانا اللي قتلها مدي توا. نشيلهن لصاحبي
رشا:: المهم. معش تتعامل. معاها وراسي.
أسامه::متخفيش. قتلها معش تجي. ودز حد
بس قوليلي. وين علي السروال الامريكي. ماشي. معاك
رشا:: بس شين منظري
اسامه:حلو بالعكس. استمري حبيبتي.
رشا:: اليوم مكليتش شي. غير زبادي وخيار
اسامه:: توا كولي شواية صدر دجاج مَش مشكله. .
~<~>
لمبس:: افطن يامحمد. مش ناقصنا وجيجها
محمد:: وراسك ماني معبرها ولا تقدر ادير حاجه قلت نوقضك بس.
لميس : ربي يستر اميره. لسانها سليط. ترعش.
محمد: دوريهاش. خلاص. انت بكرا. تروحي معايا صح
لميس::ان شاءالله. رايفت علينا
محمذ:: بكل. متقعدش. في الشقه. كساد طول الوقت تحت
لميس:: ربي يخليك. لنا وحسك ديما ماليها.
محمد:: ويخليكم ليا. هيا نعدو جنبهم
~<|>~
جلال:: لقيت ولد مراد يلعب. ودراجته. خربت.
جلال::ريهام لو في. كشفيته. نبرمها له
مراذ: في ياريهام. في درج اللي جنب المطبخ
اسامه:: عليك. الذوق بدل مايقوله تعبش روحك ولا شكرًا. عريس أول جمعه. مشغله
مراد:: اطلع منها.
جلال؛: لا عادي. بديت. نبرم فيها. جديده. فتحت صبعي. قعد. دم ينزل. ارتبكت. بعدت وصبيت
ريهام:: كنت. بارمه. نهدرز مع رحاب. شفتها. فجأه نطت. كرت. ولدها. برمت لقيت دم. وجلال. نازل حايس في يده
في اللحظه. هذي صار ارتباك. موقف شييييييييين. انحط. فيه احراج. ياروحي
كريت مفرش الطاوله ومشيت نجري جيته قعدت نبي نمسك يده وهوا يدف في يدي.
كريت. يده بالقوة. حطيتها. جوا. المفرش. وضغطت عليها. لحظه. كانت. بس عيونه تحكي الدمعه في وسط عينه. وجعني. لدرجة دموعي قعدن ينزلن شميت بوطاس وديتول. برمت. ولقيت. رشا. تبزع فيه وتنشف
فك يده مني وعدا للسياره.
ريهام:: رديت. البلكونه. قعدت نهزب.
انتم شنو عندكمش. ذوق جهلا متحسوش. ليش هكي يارحاب. ليش مش مستاهل. الموضوع. هوا مستحيل يرضا يعدي ولدك هوا. صبا يمسك في الجرح وانت. ليش الطروح بوطاس وديتول. ولابسه. قوانتي. انت جاهله. غبيه.
انا كنت راح انظفه. مكنش محتاج. الشهدره هذي. كنت. صبرتي لين خديته. وبعدنا ونظفتي ولا انا نظفته مني مايتحسسش. ليش. حرام عليكم. واعره. ينزل. دموعه واعره
اسامه: ريهام. امسحيها. في وجي. رشا مش قصدها.
اصلا مش شن نطرها تدير هكي
رشا:: مش قصدي بس. ياريهام عدوه وحتي انت كيف تمسكي يده
ريهام:: هزيت. راسي ونزلت. عديت للسياره. لقيته. يربط. في يده
حبيبي. شنو توا وقف
جلال: كنت مطبس راسي اها. تمام.
ريهام:: تحب نروحو.
جلال: خليك انت. انا. تعبان. بنروح
ريهام: مفش نروح معاك. استنا. توا نجيب دبشي
نزلت. خشيت
رحاب:: حي عليا. زعلانه
رحمه::خشن راضنها. لقيتها طالعه بدبشها
حاج: وين ماشيه.
ريهام:: برمت عليه
مروحين. جلال راسه ويده. تبي دوا من الصيدلية
خاج:: وينه هوا
ريهام:: في السياره
حاج :: توا. نشوفه. تعال يامحمد معايا
جلال:: كنت نسخن في السياره. دق الروشن. فتحت.
حاج:: انزل تعال نبيك
مروحين
جلال:: انا تعبان شوي. ريهام. بتقعد نجيها بكرا
حاج:: تعبان عشان موقف يدك
جلال:: طبست راسي
الحاج:: عندك الحق تنحرج وعندك الحق تزعل. وتتحسس بس. ياوليدي ردت فعل غير مقصوده. عادي. خودها. بالجو. يعني. الانسان يخاف. من الأمراض. والدم. وزي ماانت ممكن تخاف من شخص. ثاني. صح عنده مرض معدي.
وان شاءالله ايام وينتهن. وتكمل. علاجك. ويطلع تحليل نظيف.
طفي سيارتك وتعال معاي. عمتك. قاعده. ادير في شاهي وكاكويه ساخنه. الحقني. جيبه معاك يااحميده
محمد:: تي وراس ريهام تفكها وتجي. معايا.
حرام. تبكي. وتعاركت مع رحاب ورشا.
ورشا انفصل عليها اسامه ورحاب مراد. هزب.
محمد:: تي وراس ريهام تفكها وتجي. معايا.
حرام. تبكي. وتعاركت مع رحاب ورشا.
ورشا انفصل عليها اسامه ورحاب مراد. هزبها. وحوسه صارت تروح. تزيد المشكله. بينهم. ترضاها.
جلال:: بس انا مضايق. وحاس منظري شين
محمذ:: في شنو شين. تي عادي. ياجلو هيا. بس.
جلال:: باهي. كلم ريهام. شويا انا في السياره.
ريهام:: قعدت. مصبيه علي الدروج وقالبه وجي عليهن. اسامه كَر. رشا ونسمع فيه. يهزب فيها
رحاب. شفتها. خشت. تبكي. من مراد
بابا جا
حاج:: افرديها. توا يخش ويسهري وينسا ويغير جو
بس. ياريهام. معش. تاخدك. الحرارة. وتمسكي الدم. بيدك. غلط.
ريهام:: مفطنتش. يابابا. بعدين هوا ينتقل. من مكان مجروح وانا يديا. الخمدالله. انا يدي. مفهاش جرح
حاج:: ولو. خودي احتياطك
ريهام:: حاضر
محمد :: شوفيه يبيك. درتلك جو. يناعليا مصلح. قتله وراس ريهام. ريما وصبينا معاها. وانت اليوم.
وراسك. مافي خو كيفي.
ريهام:: اصلا. يعزك انت بالذات واجد من ايام الخطبه
اسامه:: اعتذريله ولو تبي انا راح نتأسفله
ريهام :: خلاص اسامه انتها الموضوع. توا نشوفه
فتحت السياره وقعمزت
جلال:: قالولي ترعشي وتبكي.
ريهام:: نحبش نشوفك مضايقك. ننخنق معاك
جلال:: ربي يخليك ليا. معلش حتي انا. اوفرت. شوي.
ريهام:: شنو حبيبي. نروحو.
جلال:: لا نزرقو للصيدليه. ناخد اسعافات. نلف يدي.
ريهام:: تمام.
عبدو:: اووووووي وين ماشيين
جلال::٠جايين الصيدليه. بس
~<~>~
رحمه:: بودّي. تذكر. ايام وانا عميه تجيب فيا هنا
عبدو::تذكري يوم اللي جبتك هنا. بعد. يوم الشين
رحمه:: ليش شين. مش هوا كانت بداية. تقربك. مني
عبدو:: يعني. لو كنت طبيعي. مكنش صار. اللي صار بطريقة البشعه. ومكنش نتيجتها. عليوه. هك
رخمه:: خلاص انسا. باهي. اليوم هذك كنه
عبدو::يومها. كنت. حاير في شعوري. خديتك علي صدري وانا
رحمه::وانت شنو
عبذو:: كنت. حاسك. ماسكه. فيا.و حاسك. واثقه فيا بالرغم من. انك طلبتي اني معش نقرب منك.
رحمه:: لاني حسيتك مش بارداتك اللي يرفع ويوضي ويدوش اللي تحمل حمل. وخداه. بالجو. عمره ماحسسني
اني معاقه. كيف منوثقش. فيه كيف مانعذرش.
بس انا الشي اللي حبيته. واللي مفرحني. كيف وريت امك الغطاء. هذك اليوم تحكيلي. كيف. درت. ومتحملتش. فيا
وسمعتك امبدري. تدافع. عليا. انت ياحبيبي. بر الأمان. انت. الأمان كله
عبدو:: لولا الملامه راني بستك من هن ومن هن
غير اللي جايات بس
رشا::ربي يحفظكم. تهبلو.
عبذو:: شن رايك انا رقيق وهيا رقيقه. خايلين
رشا:: لا ياقلبي. ً
حتي انا وراجلي. خايلين
وواثقه في نفسي.
رحمه: ربي يحفظكم هذا. فتراش. فوتيه. شنو. ريهام هدت
رشا::اها. حتي. جلال خطمت نابشتهم. حسيته رد عليا عادي.
عبدو:: باي. مدام. ماشي مع الشباب.
رحمه:: باي.
رشا:: تعالي نكسدو غادي. مع البنات
رشا. :: شنو. يابنات. صوت دندنه
رحاب:: اكيد خيك والعود. امبدري ويراجي. في عمو يرقد
رحمه::بس صوته حلو
رحاب:: هذي اللي فيه كويسه. يغنيلي. ههههههه
رشا:: عات اشرف روحو
ريما::اها صقع. قالو. . يرعشو. علي صغارهم هههههههه
رحاب:: ربي يخليهم لهم
رشا:.جوهم علي شوق انا لما نجيب ندير. اشر منهم
ريما:: عاد الراجل وتبهدلنا. من وراه يبال العيل. يناعليا. متخيله رشا. انا
رشا:: خلاص وقتها. محد يجي شوري راجل وعيل. والحياة بقا لونها بامبي
رخمه:: عبيطه. خلينا نخطمو عجبني صوت مراد
><~
عبدو :: تذكر زمان لما رقصتك
جلال::اها. قعدت متحشم ههههههه.
عبدو:: نديرها توا اخري
جلال::لالا فكني. عنديش راس.
عادل:: غني هذي عيونك جسار
عبدو:: مراد عايش اللحظه تحسه حسسني فنان. عنده احساس
محمذ:: حسيس. ههههههه هيا مراد غني عيونك جسار
عبدو::اه قويه. غنيها. يافنان.
مراد:: شجعوني قبل. هي نبي أقوي تصفيقه
تمام تمام.
احمممم
مراد::
عيونك جسار مفاليت عيونك. جسار
عيونك جسار. سود كبار. بحر واسع مليان اسرار
الأهداب طويله. لنظارك. دارن تظليلة. يرزن سود سماح كحيله
منهن حار دليلي. وانظار سمار
عيونك حرقني منهن ننجي ماظني
ياستار. خدني. وناماني. بحاااار
عبدو: تصفيقه. منور ياابراهيم. الصافي.
جلال:: بس حلوه جايه. منه
مراد:: مشكورين شباب.
عبدو:: عنديش نيه نرقد
محمذ؛: تلعبو. كوره
عبدو::اهن جن النواعم
مراد:: قول النحل.
رحاب:: وضح النحل عشان العسل ولا الزنين
مراد:: استني اهم نشوفو. الاغلبيه. شن رأيهم. المراءه. زنانه بطبعها.
شنو ياعبدو
عبدو:: زنانه وبس اللي عندي. نموسه لما تسكنلك. وزززززز انسا
رحمه:: انا. نموسه
مراد:: وهوا شنو
رحمه؛: صرصور الليل زي اللي يصفر توا.
مراد؛: ههههههههه وانت محمد
محمذ:: مزلنا. في البدايه. ملحقناش. زنين
مراد:: عدول. شنو. اختي
عادل:: نقار الخشب. ههههههههه
اماني;:هههههه عادل. بطل فضايح
محمد:: كيف نقار الخشب
عادل:: متعرفش. تحكي بدون هك يدها فري. في كتفي.
محمذ:: اه صح ديما فيها.
مراد:وجلو
جلال:: اممم. نفس محمد ملحقناش. زنين
بس انا نقول. فراشة. مسالمه ريهام
ريهام: انحرجت.
مراد:: اووووووووو. هذوما مزالو. في مرحلة. الرضا
رحاب ::إسملا عليا انت تجلبتها. المرحلة. هذي
مراذ:: ههههههه. باهي. اسامه . شنوووووووو
.
رشا:: توا يقولك فراشة. مسالمه رشرش
مراد:: شنو أسامه
اسامه:: دبورررر . ززززنين حتي هي
رشا:: دبور في. عينك. يابوبريز.
اسامه: هههههههههه.
مراد::حي علي امه بتتتتتك. عركه. شكله بتصير
رشا:: لا عادي تريح ربي مايجيب. عركه
اسامه::باهي. شن قصة البكيوه
رشا::توا تصير عركه رسمي
عبدو:: الله. ايام. بكيوه.
جدتي. زمان تقوللها رشيوه.
ولما. تعصب تقوللها يا وج البكيوه مسكناها فيها.
.
عبدو: كارطه تلعبو
مراد: مد شوري.
رحمه: باهي. تصبحو. علي خير
خشينا. رقدنا. وسيبناهم يلعبو.
جلال:: جماعه ظلمت عندي.
صبيت. رنيت علي ريهام
ريهام :: حطيت وشاح وجيته
جلال:: مرايف.
ريهام:: وانا اكثر.
جلال::فرشتيلي
ريهام:اها. الفراش هذكا.
جلال:: تصبحي علي حبي
ريهام:: جديده هذي. يارب. ديما. طول. العمر. نعيش في حبك.
جلال:: يلا نعست تصبحي. علي خير.
ريهام :: وانت من أهله
خشيت. رشا:: شن تحكو طح سعدكم. همس مسمعت غير تصبحي علي خير
ريهام:: كلام خاص طح سعدك. ترضيها. نصنت. عليك
رشا:: ياحنه اسومي واضح. لسانه يهبل. بس راجلك. ديما. كاش. في بعضه وعلي قولتك ايام الخطبه بارد. جاني فظول
ريهام;: تطمني عسسسل.
رشا::خطرها تصكرت الشنطه. هههههههههه
ريهام:. عقلك مسوس. ياعمري.
ريما:: شنووو
رشا:: مش شورك كلام متجوزات
ريما:: ماني متجوزه. ياحنه. احكي
رشا::تؤ ممنوع. انت جواز مع وقف التنفيذ. هههههههه
رحمه::من وين نجيبي في كلامك بس
رشا:: هههههه وانا الصادقه وقف تنفيذ
رحاب:: حي كنك يامني. وجك. مش عاجبني
اماني:: خلاص مش قادره. بنرقد وأنتن صداع.
رحاب:: وحمك بكل. صعب
اماني:: بكل. خلاص لولا عادل. راني. مطلعت
رحاب:حبيبتي ربي يسهل عليك
الكاتبه ريم محمد