#بين _الجدران
#ام احمد
السابع عشر
ضربته عل خده لزم ايدها وجره اله ورمقها بنظرة قاتله
اكسرها ايدك اذا مديتيها مرا لخ
ضلت هيه متفاجئة منه يحجي عربي وبطلاقه يعني هو ليش محجى من البدايه وياها عربي
انت عربي
عراقي
ليش ماحكيت معي من بدايه عربي
انت حكيتي الماني جاوبتك بالماني
لو اعرف انك عربي كان تغيرت كثير امور
مابدي ادخل بمشاكلكم
انت كل يوم تسمع مرا عم تنضرب وساكت لك شو انت كنت تكدر توكفو عند حدو
مابقدر
هاي قدرتك خبرت الشرطه عنا
لكن تغدين يموتكي انت وبنتكي
تعرف انهم ياخذو مني بنتي ويعرضوها للتبني
اسمعيني انا اسف فعلا بس ماطقت اساعدكي وربي
الله تخلى عنا هونيك بسوريا وماتوا اهلي قدامي وقلتو اهج مع بنتي وهاي اهنا بالغربه هم اتخلى عني.... ماراح اتخلى عن بنتي
عافته وراحت من سمع كلامها انقهر عليها هيه هاربه من حروب وقتل في بلدها هيه وحيده مثله بالضبط هو هم هارب من بلده ومن ماضيه...... اتخيل للحظه ان وجد سعاده لمن اتعرف عل انعام لكن انعام زادت تعاسته وحزنه وسببت اله جرح كبير في صدره.... سد باب شقته هو متعب لدرجه انه ماعاد يحس بالبروده اسند ظهره عل الباب وبدا ينزل عل ارض اشتاقلها واشتاق لاامه اشتاق لبلده اشتاق حتى لسجانه!! لا حته للي عذبه!! الغربه شعور بالموت وانت حي ترزق!! نام ذيج الليله وهو يحلم انه بنص بلده واهله وقربه حبيبته... دمعته نزلت واسباب نزولها كثرت لدرجة تاهت عليه...... وره ثلاثه ايام رجع ابو تيسير لعائلته بعد ان اخذوا منه تعهد بعدم ضرب وتوفير بيئة ملائمه لطفلته وان اي تبليغ اخر يتم اخذ الطفله منهم........ ظل هو خلال تلث ايام يراقب شقتهم دون ان يسمع اي صوت الهم رغم ان رجال مابطل سكر وظل يوميه يرجع بنص الليل يطوطح اخذته شكوك وبدا يقلق عليها... هو تعلم ان يساعد الناس وهاي مرا بالغربه وحيده لازم يساعدها... انتظر حتى الصباح وانتظر زوجها يخرج لعمله اتاخر عن مدرسته وهو يريد زوجها يخرج لعمله لكن دون فائده ظله يراقب من خلال العين السحريه لكن دون جدوى اتعدت الساعه العاشره دون صوت الهم ظل يخطو داخل شقته ذهابا وايابا... حس صبره خلص قررر ان يذهب اليهم..... وصل لباب شقتهم وكف طويلا واخذ نفس طويل هو ميعرف اصلا اذا دك الباب وطلع زوجها شراح يكوله مع هذا بدا يدك الباب! مرا ومرا ومرارا دون جدوى! دون جواب اخذه وساس وتفكير!..... شيسوي زاد الطرق بصوره هستيريه لحظات وخرج اله ابو تيسير بالداخلي ويفرك بعينه وشعره وريحته كريه ظل هو واكف دون ان ينطق بكلمه واحده
Bitte
Frau Vorhandenen
Bitte
متحمل انتظار اكثر دفعه ودخل للشقه ريحه كريه وبدا يدور بكل مكان عنها بعدها وجدها مقيده وعاريه بالحمام كانت شبه ميته صرخ بعلو صوته واخذها ابين ايديه يصحي بيها فتح حلكها وايدها كانت شبه منتهيه ركض اخذ جرجف ولفها بيها وشالها وركض بيها عل مستشفى ظل يصرخ
Hilf mir Bitte
التموا عليه اطباء وحطوها عل سديه ضلت ملابسه مبتله وكلها دم وقفوا حرس المستشفى وبدوا يسالوه عن اسمها وعن حالتها
Ich weiß es nicht.Namen
قيدوه وتم حجزه حاول وحاول يشرح الهم امر لكن ضعف المانية مالته وصراخه المستمر خلاهم يسجنوه
Sie Einwanderer
عرف انهم راح يعاملوه عل انه مهاجر ومسلم يعني ارهابي بنظرهم
أغبياء انتوا انا انقذتها من زوجها مااعرف اسمها
كل صرخه يصرخها يزادون معه تعنيف وتشديد
ظل ثلاثه ايام محتجز... ظل طول حجزه هو يردد
Dumm Deutsch Dumme Idioten.
دخل بحاله من غضب وبسبب عدم امتلاك زوجة ابو تيسير تامين صحي وايضا مهاجره كلشي جان ضده... ظل حبيس اربعه ايام لمن صحت المرأة وشرحت الهم الصار مع اكاذيب طويله الها انها داخت وكعت بالحمام وانها مجانت مقيده ولا متعرضه للضرب وماقدمت اي دعوة ضد زوجها ولا ضده وطلعته ان كذاب واقواله كلها تصفيط منه..... اطلقو سراحه بعد دفع غرامه لان ظلل سلطات..... وهيه ضلت بالمستشفى رجع عل شقته منهار كره روحه كره كلشي حوله كره غربته كره انه بسبب الي صار بيه بالعراق هو يتحمل هذولي انجاس يعتبروه ارهابي وبلده يعتبروه وهابي ضل يكسر بالغراض الحوله كره عراقيته.... كره جنسيته........ انقطع عن دوام وعن وبالعمل انفصل ظل ايام ياكل وينام... هو عايش بذل بدون سبب..... خلال عشرة ايام رجعت زوجة ابو تيسير للشقه ورجعوا لصراخهم ولشجارهم ظل هو يستمع الهم ويستمع ماكو حل الا ان يتركه يقتلها هيه تستحق القتل ظل جالس عل الكرسي وهو يشرب الحليب ويردد تستحقين ان يقتلج عاهرة........ دقايق واختفى صوتها وظلت بس صوت الطفله تبجي سد اذانه بقوة ميريد يسمع شي.... تعب هو من هل وضع هو داخله يريد يساعدهم بس كلما يساعدهم يزداد الوضع سوءآ.... مع اختفاء صوت المرا وبقاء صوت الطفله بزدياد فقد اعصابه اكثر مكدر يتمالك نفسه اكثر كام عل حيله وقرر هل مرا يساعد عل طريقته الخاصه... ظل يدك الباب الشقه لمن طلع الرجال وكف كباله القى نظره عل داخل الشقه من خلف الرجل وعرف انه صار وقت لوضع حد لهذا الشي هجم عل رجل بكل قوته كان عمر طويل وصاحب اجتاف عريضه اما رجل فهو قزم بالنسبه اله.... ظل يضربه المن سقط رجل عل ارض ونام فوگ خوانيكه ضل يضربه لمن حس ان ايده انملت دم انتبه عل رجل فاقد وعي وجه مكلوب كلاب ضل كاعد عليه ويردد اني مو يكولون عليه ارهابي...... اي ارهابي اني كام من فوكه وضربه برجليه نجس گدرتك عل مرا وطفله...حس براحة من ضربه التاف ويدور عليها شافها فاقده الوعي جاب مي وطشه عليها عاملها هل مرا بعنف اكثر من صحت اتقرب عليها وهمس بااذنه شراح تكولين هل مرا عليه ها Eine.... ضلت هيه تتاوه من وجع كدامه وكف وشاف طفله من بجي نامت بالكاع شالها وحطها عل جربايه بالغرفه وغطاها ورجع عل مرا جانت صحصحت اكثر وبدت تبجي
اطلبي الطلاق انت غبيه
نزلت راسها وبدت تستر بروحها
دار وجه امشي اعقم جروحج
مات كالتها وهيه تباع عل زوجها الي جان فاقد
لا لاتخافين العار ميموت يله امشي معايه
اني اسفه عل ذيك المرا راح اطلب الطلاق وراح اشتكي عليه
بنتكي كن نامت من تعب
عافها وطلع رجع عل شقته بدا يغسل ايديه من دم ونزع قميصه وذبه عل غساله من راد ينزع بنطلون انتبه عليها واكفه وراه
امشي اعطيكي ضمادات
انطاها ضماد انتبه عليها جانت عيونها عل جسمه لمست اثار تعذيب عل جسمه
منو هاكذ عمل بيك
وخر ايديها وكام عل حيله
ارجعي عل شقتك
انت مثلي
ارجعي عل شقتكي
شكرا الك عل كلشي لولاك كان متت اني
اتقربت عليه وطبعت قبله عل خدا وراحت..........
***************
جانت تتخبط كل يوم اكثر كل مرا تحاول تفتح بيها گلبها تشوف انها تتعب اكثر وداخله رافضه اكثر ضلت عيونها متركزه بالمحبس الي جابليها ضلت تفر بيه بااصبعها بعدين نزعته وشمرته عل ميز اذكرت اول مرا من لبسها ياسين حلقتها شكد جانت فرحانه وطايره بيها شلون راح تكدر توصل وياه لنفس احساس ضلت داخله عديد من اسئله ليش مجاي تتقبله رغم انه اصغر من ياسين واحله ورغم الشبه الي ابينهم!! اخذت ابنها ونزلت عل حديقه كانت نسرين خانم اشترت لاانس دراجه وسياره وظل انس يلعب كدامها واشعه الشمس الخفيفه تسلل لكل جزء من بشرتها حست بنعاس وهيه مرتاحه عل كرسي غطت بنومه وهيه تحلم بحبيبها وشلون يداعب خصلات شعرها ويلمس جسدها لحظات واستيقظت وانتبهت عل روحه شلون هيه مشتاقتله.... هو بعده بداخلها عايش لهذا قررت ان تصارح دليار بمشاعرها وتشوف شنو رده فعله
اخذت مبايل وطلبته وعزمها عل عشه... رفضت بس طلبت ان يجي يمها وره العشه
وبالفعل اجه وهو كامل اناقته وعطره فواح وبلحظه رجع بيها الزمن من جانت تشم عطر ياسين شلون جانت تسرح وتدوخ بيه ..... ابتسمتله وهو اتقرب عليها ولزم ايدها شلونج شوكت نزوج
بلعت ريكها وعافت ايديه
اني طلبتك علمود هاي شغله
اي كولي
احنه جمعتنا المصلحه اني جنت احتاج مساعده وانت جنت تريد تقوي مكانتك بالحزب وتكسر شوكة ابو هيرو وهمين مستعده انطيك نص املاك
عل شنو هذا كله
اني ماانكر فضلك عليه وصدقا اني حاولت ان اتقبلك ماكدرت
اهاااا يعني انت تريدين ترفضين عرض الزواج
انت اذا اخذت نص املاك افضل من ان تكون وصي عليها
ابنج هو قاصر يعني ماكو تحويل للاملاك الا يصير ١٨ سنه لو متعرفين هل شي
دليار اني مااكدر ارتبط بيك
ليش شنو ناقصني عن عرفتيهم
شتقصد
لو اني ردتج حلال وزواج متريديني
اوكف لحظه شتقصد
اقصد ذاك مصلاوي جان گاتل نفسه عليج
شبيه
شنو عندج وياه ليش جان ميت عليج
ماعندي شي وياه
ههههههه لعد ساعدج عل سواد عيونج
دليار مااسمحلك افتهمت
هههههههه شوفي احنه راح نزوج وراح تكونين حرمي
خوما كوه
اسمعي الي قدمته الج اكدر اخذه بكل بساطه افتهمتي
يعني انت تكدر تزوج غيري وتعيش حياتك عادي
هههههه اني بعد عجبتيني وابنج راح يصير ابني وراح تكونين زوجتي.... ديمه انت اذا نسيتي الماضي وطويتيه وفتحتيلي قلبج راح تحبيني.... اتقرب عليها ولمس من خدها اني مستعد اصبر بعد بس للصبري حدود
اخذ
هاي شنو
محبسك
انت جاي تتحديني
جاي اكلك مااكدر اخدعك
لزمها من زندها وهزها حيل
اسمعيني الخميس زواجنا وهذا اخر حجي ابينا وربي اشوفج شي مشايفته اذا تصرفتي شي مايعجبني
لزمها من راسها بااثنين ايده وباسها حيل من شفتها... راح تكونين الي من اشبع منج اعوفج
عوفني حقير
اني نيتي وياج غير شي بس انت جبرتيني عل هل شي جنت اريدج زوجه وحبيبه بس من اتزوجج راح اعاملج مثل خادمة الي
تركها ومشى وضلت منهاره وتبجي متعرف شلون تطلع من هل ورطه اجت عليها نسرين خانم
خيرج شصاير
الله يخليج ساعديني
شكو بنتي
ماريد ازوجه
لديار
اي فدوه ساعديني
يمه مو كتلج انسي ماضي وعيشي حياتج وهو رجال يتقشمر بكلمتين
نسرين خانم مااكدرت اتقبله شلون اكون وياه بنفس البيت والفراش
هذا لاانج ليهسه عايشه بالماضي فكري زين واني متاكده اذا حسبتيها صح راح تعيشين حياة ملوك وياه
يريدني خادمه اله
حجي هذا اذا شافج دلليه وتداريه شوفي يكوم يعبدج
ماريده لا يعبدني ولاشي اريد ارجع عل تركيا
اهنا انت معززه مكرمه ليش بعد الغربه
اخذ والدي وابني واسافر واهناك ابدي حياتي من جديد
والله يابنتي اني مااكدر اساعدج الا بالنصيحه وهاي نصيحتي راح تجنبج بطش دليار
بقت هيه بدوامه جبيره ومتعرف شلون تحلها
بيوم الثاني اجتها نسرين خانم بااخبار وتحديد يوم زواجها هو الخميس اي بعد يومين والخبر منتشر عل مواقع تواصل اجتماعي وحتى القاعه محجوزه... ضلت تفكر وتفكر شسوي بس هيه عزمت عل مسايرته لمن تسنح الها الفرصه والهروب الى تركيا.......
بالمساء اجاه دليار ويه باقه ورد
شلونها العروسه
تمام وانت
اذا انت بخير اني هم... كلت امر عليج ونروح نشتري فستان العرس عل فكره اني حجزتلح بصالون كلش راقي وباجر نعقد بالمحكمه
اوكي مثل متريد بس اريد اسويلي جوازات سفر الي وابني
يجرالج بس بعدين من نخلص فتره العرس... غمزلها
يله خلي نطلع سوا
كدام محلات بيع البدلات وكفت طويلا وهيه تشوف مليكانه لابسه البدله البيضه غوركت عينها بالدموع شلون جانت تتمنى ان تلبس البدله وتطلع من بيت ابوها بعز شلون اتحول حلمها لكابوس وانحرمت من حبيبها للابد وهسه هيه كدام البدله البيضه لكن ماكو الها اي رغبه بلبسها ولاتريد ان ترتبط بهل شخص
ديمه ديمه يمعووده وين صافنه صارلي ساعه اصيحج
وكعت من عينها دمعه بدون متحس من شاف دموعها
ليش هاي دموع
ماكو شي خلينا نختار ونرجع
اوكفي ليش تبجين
ماكو شي عوف ايدي
عافته ودخلت المحل..... من رجعت للبيت
ديمه شبيج گالبه خلقتج
مابيه شي مشتاقه لاصديقتي
ياهي
انعام
عزميها عل عرس
متكدر تجي هيه بتركيا
تريدين وره العرس انروح عل تركيا
ان شاء الله اروح هسه اروح انام تعبان هوايه
اي باجر من الصبح اجيج ونعقد
باوعت وبلا اي رده فعل عافته وراحت عل غرفتها........
**********
لحظات هو داخل الهمر ومعصوب العين ومجتف ميعرف ليش اعتقلوا ودوه عل مطار بكل حركه اله جان يتخيل انهم موديه عل بوكا ويم جماعة التنظيمم الفكرة خلته بحاله من هستيريه وظل يصرخ مامسوي شي عوفوني خلال ساعه تم نقله بمروحيه عل قاعده البكر ببلد
ضلوا امريكان يحققون وياه هل انه يعرف هذا مدعو ابو هيثم وانه يشتغل وياه ظل ينكر بكل تحقيق هو ينكر معرفته وانه مجرد سايق تكسي مو اكثر
ظل عند امريكان شهر بين تحقيق وبين تعذيب نفسي علمود يغير اقواله لكن اصر انه ميعرفه وانه مجرد سايق تكسي مو اكثر بعدها تم تسليمهم للقوات العراقيه وتم نقلهم عل مطار الموصل منها عل عمليات من اول يوم اخذو لاابو هيثم من تلاثه الفجر مارجعو اله ويه المغرب جان مخلوع الجتف وينزف من وجه بكل مكان ركض عليه وكومه وخلاه ينتجي عل حايط وكوه يحجي
انا قلتوهم ماعغف ولا اعغف عنك شي وانك مجرد سايق اسمعني مليح لاتغير بااقوالك ابد حتى لو هددوك بمرتك فهمت انت ماتعرفني ولاتعرف انا منو
اشكرك كثيغ
اتحمل وكون غجال
من صارت ١٢ باليل جوي عليه وبدوا يحققون وياه رغم انهم مااذوه مثل ما اذو ابو هيثم الا انه تحقيق وياه طول تلث ايام بدون راحة وبباخص من عرفوا ان اخوه هو اكبر واحد بالتنظيم وظل هو مصر عل اقواله ان ميعرفه وان مجرد سايق تكسي..... وره اسبوع حولوهم عل مكافحه ارهاب وصعدوهم عل قاضي تحقيق وضل فهد مصر اقواله وانطاه القاضي افراج اما ابو هيثم اجله قضيته
من طلع شاف مرته كن جابت بنت وسمتها نبا فرح كثير واخذها من اهلها ورجع عل بيته
نورت بيتك ابو سمر
الله يخلكي شلونج هساع
مليح صغت من اغشعتوك
رونق اني تعبت كثيغ لازم نطلع عاد من الجحيم هذا
ويصب تغوح
عل تركيا
واني وبناتك
مراح يرحمون بحالي كل يوم سجن وضرب واهانه بدون ذنب يذكر
فهد واحنا
الله كغيم مابد يجي يوم نخلص من هل غمه وارجع
يعني انت تغيد تتركنا اني والبنات
لكن اخذكم عل تركيا هو انا دطلع قجغ
ضلت رونق تبجي
لاتكلبيها عليه مناحه ان تتخيلين غاح يعفون عني اغشعي اعتقالات بكل مكان ما اليوم غدا يرجعون عليه
فهد انا اش اغشعتو منك كله مسجون لو مسافر!
انا غاح اخيرك اما تبقين معايه او اطلقكي
هاكذ بكل سهول تطلقني والبنات مافكرت بيهم
انت انظلمتي معايه ولساتك صغيره
انا حبيتوك انت زوجي وروحي انا باقيه معاك لااخر نفس
ظل هو ساكت وهو يشوف مرته واصالتها وياه يمكن هو محظوظ بيها لان جاي تتحمل كلشي علموده
****** **** *.
بعد يوم طويل رجعت انعام عل بيتها تعبانه اخذت حمام ودخلت نامت وابين نايمه وكاعده جانت تسمع مثل همس انتبهت وين هل صوت هذا؟ ومين جاي؟ عرفت حاي من الحمام فتحت الباب وشافت اختها كاعد وتخابر
شجاي تعملين
ماكو شي
منيلج مبايل
انعام اسكتي لاتسمعكي امي
ولي المن جاي تخبرين
امانه لاتقولين لاامي
اطلعي قدامي خلي اغشع اشنو سالفتكي
انطيني هو
والله قلي اخطبكي ونزوج
اشنو تزوجين ولي عمركي ١٧ ولساتك تدرسين
منو هو
مااطيق اقلكي
ولي منو هو لاعب عل عقلكي احكي...... انطين تليفون خلي اغشع
مااطيق
اذا ماعطيتنوه دخبر امي
لا امانه لا تخبريها..... خذيه
منو هذا صخام عل غاسك هذا بلال اخو عمر ولي مين عرفتيه
صاغ شهر معانو
اويلي لعب عليكي
لا قلي اخطبك
وما لگيتي الا اخو عمر تحبيه
انا اعرف شلون اتصرف
انعام الله يخليكي انا احبو وهو يحبني وبس اخلص السنه يتقدملي
طلعتي معانو
لا وربي ولامرا طلعنا
هذا مبايل يبقى عندي فهمتي
اخذت موبايل وطفته وضمته داخلها اتخربط شلون اختها الصغيرة كبرت وراح تزوج والعمر بدا يمشي وهيه لساتها عايشه بالماضي... انعصر گلبها وهيه تذكر ميثم وشلون جانو يلتقون ياريت ترجع ولو للحظه للوره وتشمه وتضمه لصدرها........
لآتبخلوآ عليهہ بآلتصـويت 😘😘😘😘😘
آمـ آحمـد