تم التعديل
بقلم زهرة ايلول
علمتني الأيام مارخص الروح
ومادوخ الراس بالرايد يروح
الهانت عشرتي وياه وفكر بالفراگ
ولو روحي بيده تصير مااكوله لاتروح
علياء خطيه بتلت بيه شكد شايفه حنينات بس مثلها مشفت تروح لبيتها ورها لبيت اهلها وبعدها تجي عليه مقبلت احد يداريني له هي رغم اجوي خواتي وزوجات اخواني بس مقبلت له هي وحتى وره شهر جوي عمامي من العمارة هي قامت بواجبهم شكد حبوها بنات عمي ضلو يمنه اسبوع ورجعو بهذا الاسبوع احس نفسي ماجنت عايشه قبل شكد سولفنه نسيت حتى وجعي بعدها
اجه ابويه يمي ها بويه شون صرتي رديت عليه الحمدلله زينه
الاب مادام صرتي زينه لا زم بعد تدرسين مضل شي على الامتحانات وتبدي
سجى اي اني مكمله بس مراجعه
الاب محتاجه ترحين تاخذين دروس اني اوديج
سجى لا الحمد لله ماعندي شي صعب رغم ناسيه لي درسته بس محبيت اكول له اشوفه مقهور عليه ميعرف شون ينسيني
الاب تمام هسه اريد احجي بموضوعج ردت اجله بس كلت حتى انتي ترتاحين وتهتمين باامتحانات وننسى كل شي سولفي كل شي بدون ماضمين عليه حرف وبدون مزيدين ولا تنقصين حتى اعرف شنو لي صار اول خلي تجي علياء
جتي علياء ابويه تعاي عمي كعدي حتى تكونين شاهد سجى يله احجي كل شي ومثل مكتلج احجي لي صار بدون ماتقدمين لو تاخرين رغم ادري بيج ماعندج هاي سالفه بس كلتها خاف بعدين يصير شي ودكولين نسيت ماادري
سجى بديت اسولف يوم لي صارت المشكله ويه ايناس ووميض وبعدها سوالفت سوالف القديمه حجيت كل لي جان يصير كل زين وميض وكل شينه
لاحرف زاد ولا حرف نقص علياء صافنه وخصوصا مشاكلي القديمه ويه وميض تفاجئت بيهن
الاب هسه انتي شنو تردين
سجى بعد مااكدر اعيش ويا
الاب يعني شنو احجي لا تخافين ولا تستحين مني لي تردي هو لي يصير
سجى اريد انفصل عنه لهنا وكافي
الاب هذا هو واني هم مثلج بس كلت انتي تاخذين قرار اول وشوف اني من البدايه ماقبلت مو نتقاص من وميض بس انتي بعدج صغيره بس الله يرحمه الحجي وامج مردت ازعلهم وغلطت لن انتي لي تأذيتي
واريد منج هاي سنتين تعتبريها درس وماتوفقتي بي مو عيب لي يغلط ويعرف غلطه ولو انتي ماغلطتي وريد هم تنسين كل شي وتهتمين بدراستج اريد معدل مثل اخوانج ومااريد تضيعين تعبي
تجربه لمريتي بيها أن شاء الله متأثر عليج اني اعرفج قويه اكدر اجل هاي سنه لج بس لا مصار شي يستدعي نتاخر علموده سجى متخسر هما لي خسرو كلب حنون وانسانه طيبه وصادقه موهيج لو اني غلطان
سجى اريد ابجي بس استحي من ابويه ذيج الفتره كلها اشبع بجي بحجة عندي الم بس هسه صعبه عليه اضم دموعي لتالي اليل من اكعد على سجادتي اصلي حتى ماكو احد يشوفني هاي الفتره كلها دموعي
منشفت من خسرت الحمل احس خسرت كلشي صح قبل مااخسره نويت انفصل عن وميض او عندي امل ينصلح مااعرف بس جان عندي امل بالحمل هو فرحتي لي منتظرتها صار هواي شكد تحملت حجي ناس
ونقهرت من يسالوني ليش ماعندج طفل ليش لسه مصار عندج هواي تحملت وتالي صار بس ملحكت افرح بي محسيت بي معرفت شعور من اتنسه ولا من يتحرك مطول يمكن فرحتي بي اقل ساعه والباقي كضيته خوف
هسه كل شي خسرت مو ذنبي ولاغلطي بالعكس لكل لام وميض ونطوني عذري اقصد اهلي واهله لن محد عرف شصار ابويه حذر لكل محد يجيب طاري ايناس وامها هم جتي على ابويه وعتذرت منه وطلبت منه يسد سالفه وابويه كال هاي عرضنه مو حلوه بحقنه ولي يسال كولو متوالمو بينهم سجى ووميض
بديت ادرس ذبيت همي على دراسه بعد ماجنت اضوج ادرس وتخبل من الزم كتاب هسه صرت لازمه كتابي نهار وليل كله ابويه معافني يأخذني ويرجعني اخر يوم امتحان رجعت نمت يوم كامل محد كعدني خلال هاي الفتره مشفت بس علياء وعلا وعلاء يجون يمنه
علا تحاول جيب طاري وميض بس اني ماادير بال ورادت تصلح بس اني مقبلت جنت مصممه لن شغله مست كرامتي قبلها جنت اكول يجي يوم ويبطل
سوالفه ماطول يخلي راسه يم راسي بس من حجه عليه بيوم المشكله عرفت هو ينظر لي بعين صغيره مامحترمني طلع لي داخله وذمني وحجه عليه كدام اهلي راد يطلعني اني مهمله وصغيره مومال زواج
صاح عليه ابويه كعدت طبعا امي ابد مدخلت فتح مره ثانيه موضوع وميض
الاب الحمد لله خلصتي امتحانات وان شاء الله نتيجه زينه من خلال الحل من ترجعين كل يوم هسه اني اريد اعيد عليج انتي تردين تنفصلين اني طلبت من علياء توصل له لي طلبتي بس هو رفض وكال زوجتي وريدها مرتين اجه وطردته ويوميا يدز عليه اهله ومعارفنه واصدقاء واني مااقبل ترجعين
اني هاي الفتره ماسويت شي ردت تكملين واعصابج هم تهدى وعيد عليج اذا تردين ترجعين له
سجى بسرعه رديت لا بعدني مصممه على راي اريد انفصل
ابويه والله اني رايد هذا شي وابغض الحلال عند الله طلاق انتي غاليه عليه وميض مايستاهلج انتي تستاهلين لي احسن منه
سجى اني مااريد ازوج اريد اكمل دراستي كافي لي شفته
الاب مااعرف اكو شي اريد تعرفي بس مااكدر انطقه وصعب عليه بس لازم تعرفي خاف لج نيه ترجعين من تسمعي
سجى شنو يابه كول
الاب بنتي انتي من صار عندج اسقاط دكتوره كالت بعد ميصير عدها طفل
سجى اي اعرف هذا شي
الاب مين تعرفين
سجى سمعت امي تحجي هي وعلا عبالهم نايمه رادو ياخذوني لدكتوره وامي طلبت من علا تقنعني حتى يعرفون شنو سبب بس اني محبيت ابين لهم اني ادري ورفضت اروح
الاب يعني متغيرين رايج
سجى لايابه تقصد لن ميصير عندي ارجع لوميض هذا شي لي زاد اصراري لن قبل ماكو سبب وجانت مشاكل
واني راضيه بلي كتبه لي رب العالمين
الاب الله يجبر بخاطرج جنت شايل هم وجبل على ضهري شون اكولج خفت تنهارين
سجى كل لي يجي من رب العالمين خير ان شاء الله
الاب متردين يومين تفكرين
سجى لا مااريد
الحجي اني ادز عليه وتفاهم ويا
سجى ابويه دز عليه وطلب منه ننفصل بهدوء بس وميض رفض حاول يشوفني مقبلت دز علياء وعلاء حاولو ورفضت حتى الحجيه تصلت بيه هو طلب منها ورفضت اسمعه كال لو تموت مااطلكها لا عبالها ميت عليها بس هيج حتى اذلها واجه نقيب عمار وزوجته هم رفضت ابويه واخواني ساندوني لن اني ماقصرت ويا
ابويه كال لنقيب عمار متفيده بنتي مااعرف شنو ثقافه بنسبه لوميض لن هو يكول على بنتي مو مثقفه خلي ياخذ وحده متعلمه من مقامه بنتي لاتعرف تلبس ولاتعرف تخلي مكياج بنتي مقصره بحقه هو نجبر عليها بنتي ساكنه المطبخ هذا هو هيج كال مواحنه بنتي راح ضل هيج متغير طبعها لن اني ربيتها هيج
نقيب عمار حقكم بكل لي دكولو ولي تسوه بس والله يحبها وغلطه صارت لو ادري بي مايريدها مااجي وبنتك تاج على راس ضل مربايه ونعم منها
ابويه بعد ماراحو بيت عمار دخل وكال اذا تردين ارجعي بس اني صممت لن وميض لحد الان هو مااعترف ب غلطه ذمني عد ابويه واخواني تبع نفس
طريقه يلوف عليه سالفه بس اهلي يعرفوني وابويه كال كل لي سوى وبعده يكابر اتصل ابويه ب علاء وطلب ننفصل بهدوء وخله محامي حتى مااروح وشوفه
القاضي معارف ابويه ونمير سمعني وعرف مشكلتي اجلسه الاولى وميض محضر ولا ثانيه لهذا اختصرها القاضي وتم انفصالي عن وميض اربع اشهر معانات لي
اكثر ايامي لي بجيت بيها يوم انفصالي عنه رغم احبه بس حسيت براحه دموعي مدري ليش بهذا اليوم ابد ماوكفت فقدت اعز شي وميض حبيته حب لحد هسه يزيد يوميا ماينقص بس كلامه عني جرحني وقهرني ولي عرفته عنه قبل زواجي منه وحبه هو وايناس
مااعرف ليش هيج صار من زوجنه بدايت زواجي كلشي طبيعي بهاي الاشهر حبيته شفت وميض الهادي الحنون لي يضحك لي يتغزل من يوم ماعرفت يحجي
ويه نور كل شي تخربط رغم ماقصرت بشي ويا صراع بداخلي اريده ومااريده نفصلت عنه حتى ارتاح اذكر ايامي ويا اموت قهر لكل وكف وياي حتى ماانطوي على نفسي اني هم محبيت اشيلهم همي عفتي حزني
بداخلي لي فرحني نجاحي اول مره افرح جنت انحج دائما مااهتم بنتيجه فرحت هواي بعدصار لي قدمت لكليه ولكل مسويلي جو مين ماامشي كالو وأخيرا راح نشوفج طالبه كليه واني امشي وابتسم فرحانه عبالك مسوي فد شي كبير
وميض اربع اشهر مخليت واحد مادخلته وساطه حتى ارجع سجى جنت متصور متنفصل لن ادري بيها تحبني ومتكدر بدوني يوم كاعد بالبيت مجاز جتي علياء وبتها انمار شعجب اليوم طالعه من سجن
انمار والله الصدفه لي طلعتني من غرفتي وسمعت انت وسجى نفصلتو بعد ماكدرت اسكت ولو مااعرف السالفه ولو ادري هيج صاير جان كتلك قبل هذا الوقت بس هسه من سمعت من ماما وهي تحجي ويه خاله علا وسالت وماما سولفت لي خالو تره ايناس تعشق وليد من قبل مايزوجون علاقه بينهم
وميض لا ماكو هيج شي متوهمه
انمار خالو ايناس صديقتي وكل اسرارها عندي وهي لي سولف لي من ايام الكليه تحبه وذبحت نفسها عليه اني ماادري انت كنت وياها علاقه جان حذرتك
وميض صافن معقوله انمار متكذب لكل جان يلمح لشي بس اني جنت اكول لا لن ميحبوها هيج يحجون عليها
انمار خالو تذكر بيوم سويت الحادث واجيت اشوفك هي هنا بوقتها سولفت على احد رايدها وكالت لوليد حتى اجبره يجي يخطبني بوقتها كتلها واذا مااجه ردت عليه اقبل بلي متقدم ردت اعرف منو ضلت تضحك ودكول تعرفي بوقتها مالحيت عليها لن مو بالي انت ومطولت رجعت لبيت جانت عندي دراسه
وميض مااصدك امها جبرتها عليه
انمار خالو امها مقبلت عليه وتمرضت لن موافقت تعرف ابن اختها شنو ايناس هددتهم اذا مقبلو عليه تطلع من البيت وهم تزوجه وامها واخوانها وافقو خاف صير فضيحه لن يعرفون ايناس سويها حتى ذيج الفتره من زعلانه لن عرفت مزوج عليها تريده يعوف ذيج هو حتى اطفال ميريد له سوت مشكله كوه قبل طفل واحد
وميض صافن على حجي انمار وبالي لا هي كالت متريده كالت مااكدر اعيش ويه لساها تحبني حتى هسه امها جبرتها ترجع لن مراح يقبلون اذا تقدمت لها علمود سجى زوجتي لن بنت عمتها
انمار خالو اكولك ايناس جانت مخليتك احتياط خاف وليد يطلاكها انت تزوجها حتى دكول لوليد اني تزوجت ماظليت وتكدر تسال اخوانها ايناس سوت حتى يقبلون بوليد زين خالو ليش علاقتك بيها مكلت عليها حتى خاله علا لي انت مضم عليها شي علاقتك باايناس مكلت لها لن هي طلبت منك
خاله علا كالت انت كتلها مكلت لن ايناس تخجل جانت احد يعرف لي بينكم لا خالو مو تخجل بس حتى لا نبهك وتعرفها على حقيقتها
وميض هيج اني معمي على عيوني معقوله اكو هيج بشر ليش اني حبيتها
من البدايه كذبت عليه وهسه شكد بالبدايه مانطيتها مجال شكد حجيت ويها رجعي على مود ابنج طفل تحملي لخاطره لاتنفصلين وهم كذبت وكالت مااكدر اعيش بدونك حتى اذا انت مرضيت نزوج اني وليد بعد ماارجع له
طلعت رحت يم بيت اهل ايناس اسال امها لكيت بلال موجود اخو ايناس احس رب العالمين ديكشفلي الحقيقه بدون ما اسال
بلال هسه كل شي نتهى انت وسجى مدكولي عليش انت وياها هاي عود العاقله يوميا وحده متخبله هسه لو جابريهن على زواج هم واحد مايحجي
وميض منو عليمن تقصد
بلال على بناتنه سجى وايناس افندي نوب يوميا مشكله وهم تعال حلها
وميض متعوفه شكو ترجعوها له هو هذا هم رجال وتنطو متعرفو يوميا ويه وحده وفضايح مالته
بكل ضني راح يكول بلال اي احنه جبرنها بس
بلال هو احنه رضينه هي دكت رجل لو هو لو انتحر امي يبس حلكها وتمرضت تذكر من اجيت خطبتها وامي بوقتها مريضه من وراها ردنه عالجنه وهي اله هو وهاي يوميا زعلانه انكلها ضلي لاترجعين خلي نجر اذنه تالي تروح تلتقي بي من ورانه وترجع من وحدها بدون مايجي عليها
اخرتها عفنها كنالها بعد معلينه احنه لادكولين تعالو من يسوي شي دام مامخليه كرامه لنفسج عسى ماتذابحون انتي ويا
وميض بلال يسولف واني أحس نضربت براسي رغم نفس الحجي لي كالته انمار بس مااريد اصدك كل هذا صار بسببي خسرت كل شي اني الوحيد لي خسران
رجعت اتصلت على ايناس من اول ماحجيت كالت عفيه وميض مااريد مشاكل ماما حذرتني مااتواصل وياك
وميض ماما لو انتي مهمتج خلصت وياي اني المغفل لي حبيتج عمري مااذيتج كل شي ردتي سويته لج اني ومغمض مغلطت بحقج ليش هيج
إيناس اني ماوعدتك بشي وانت لي جنت تتبرع ولاعمري طلبت منك انت
وميض قاطعتها منو لبدء اني لو انتي و صح اني سويت كل شي عبالي ادميه ومن رجعتي هاي الفتره كم مره صديتج شهرين تبجين دكولين ماكدر اعيش ويا احبك مااكدر انساك بس انتي رجعتي تخربين حياتي ونجحتي انتي متحبين احد سعيد بحياته لن انتي تعيسه
ايناس وميض لاذب فشلك عليه من رخصتك اترجاك بعد لاتتصل مع سلامه
وميض صافن هاي لي خربت حياتي من وراها خسرت سجى هي الوحيده حبتني من كل كلبها اني هم حبيتها بس مادري ليش هيج عاملتها
حبيت ايناس وطلعتها من حياتي بس هي ستغلت حبي لها اني قررت ازوج ايناس لن هي ظلت دكول مشاكلي ويه وليد لن احبك وراح انفصل مااكدر اعيش بدونك مردت اكسر بخاطرها شكد حجيت وياها حتى اخرها كتلها احب سجى اني ومااكدر اتزوج مره ثانيه تالي تطلع جابره اهلها على وليد ليش معرفت من البدايه ليش كل هذا صار
احس من توفه الحجي حياتي تخربطت الله يرحمه حتى مااعرف اصرف بدونه لو موجود جان مصار كل هذا رغم عمري بس احس صدك الحجي من جان يكول انت الوحيد لي اخاف عليه ورغم صار ضليت معاند ومستمر بغلطي حاولت ويه سجى بكل طرق مافاد حتى من يوم
لي طلعت من المستشفى ورحت بعد مشفتها رافضه تشوفني ابوها هو لي مانعها جنت اقنع نفسي ابوها لي ميريدني هو من البدايه ماقبل يزوجها لي وطلب مني مااشوفها عدها
امتحانات بعدها انفصلنه بوقتها ما حضرت اي جلسه جنت متاكد متكدر على فراكي ادريها تحبني ادري ابوها ونمير هم لي طلاكوها جنت اكول فتره وترجع لي بس نصدمت من علياء كالت نفصلتو
بعدهاسمعت طلعت النتائج مال السادس بيومها انتضرت عبالك نتيجه لي اريد بس اعرف
يتبع
بقلم زهرة ايلول
لاتنسون التصويت 😘