مساء الخير عليكم
تعددددددددديل انتباه
رجعت عدلت القصه من جديد
اتمنى بعد مايحدث غلط بتسلسل
واذا شفتو غلط كتبولي بتعليقات
حتى اعرف
رجعت وياكم وقصه جديده وهي قصه من سلسله قصص لطالبات الثانويه قصص حقيقيه انزلها لكم
غرور ضابط(أحباب الروح )
بقلم زهرة ايلول
تعريف
بيت العم والخال الحاج رسول وزوجته عنده اربع اولاد واثنين بنات علاء وعلياء واحمد ومهند وعلا مزوجين الوحيد اعزب هو وميض
عمه مديحه وزوجها ابونميرثلاث اولاد منهم نميرومحمد وثلاثه بنات لكل متزوج بس اخر العنقود سجى طالبه عداديه
العم ثامر متوفي خمس اولاد منهم بلال وميثم وثلاث بنات متزوجين وعدهم دلوعه ايناس انسه وامهم عايشه
الجيران نور وامها ارمله
اصدقاء وميض نقيب عمار صديق مقرب للعائلة
وملازم سجاد وسعد
وميض اعرفكم بنفسي عمري٢٩ سنه ضابط بشرتي بيضه جسمي متروس طويل القامه من سكنه المنصور عندي ثلاث اخوان واخوات اثنين اكثر شخص احبه وروحي من دنيا والدي اعتبره صديقي واخويه قبل لايكون والدي كلمته مسموعه انفذها بدون تردد اول واحد هداني هديه بعد تخرجي من كليه الشرطه كانت نجمه من ذهب لحد الان محتفظ بيها اعز هديه على كلبي اليوم نزولي خفر جنت اول مادخلت للبيت سمعت صوت والدي الحجي يتناقش ويه الحجيه الله يحفظهم
وميض سلام عليكم
الحجي وعليكم السلام ورحمة هلا تو نور البيت
الحجيه الحمد لله على سلامه
وميض البيت منور بيكم بست راس والدتي والحجي
الحجي استريح لو تعبان
وميض خير حجي
الحجي لاهيج مشتاقين لك
وميض ها حجي هو بس سواد الليل كضيته بره كول شعندك
الحجي هسه انت غير تكعد دنسولف
وميض وهاي كعده كول حجي
الحجي انت ماناوي تفرحنه
وميض حجي حلمان بيه
الحجي لا ماحلمان بس كافي اخوانك اصغر منك وزوجتهم وانت يوميا باجر اكو خاف بعد بالك يم نوره
وميض لا على بختك حجي البنيه زوجت وراحت بطريقها
الحجي اي عفيه هسه الحجيه كالت خاف بعدها باله وهلي مايقبل يزوج اني من ماوافقت عليها لن مومن ثوبنه ومااحب شي يأثر على دوامك البنيه يتيمه ماشفنه عليها شي بس امها يوميا مزوجه وخوالها تحفه سمعتهم لهذا كتلك هيج زواج مايليق بيك
وميض اعرف حجي انت تريد مصلحتي وحتى من طلبت منك تتوسط بطلب المعلومات لن اصدقائك انت رفضت اني مزعلت واذا على زواج اطمئن ان شاء الله قريبا تفرحون
الحجي ياالله شنو احنه نشوفلك لو اكو احد
وميض اكو اكو لاتعب نفسك😂😂 اخلي اصعد قبل لاتوكعوني بل حجي
الحجي ها هيج صارت زين شوف منو يروح يخطب لك
