تم التعديل
بقلم زهرة ايلول ٧
ياعصرة محنه بجف گلب مشتاك
ويابوسة حبيب العفه لازمته❤
الحجي ها عريسنا بعدك وين تطلع
وميض حجي مااتاخر ساعه ورجع خلي اتصل بعمار اشوف شكو ماكو
الحجي يله ادخل انام تصبحون على خير
وميض ردينه عليه وانت من اهل الخير اتصلت رد عليه عمار احجي ويه عمار اشرت لسجى تجي تكعد يمي جتي كعدت بمسافه عني جريتها لحضني هي تحوص تخاف ليرجع الحجي
عمار تعال تكدر تجي حتى لو بليل
وميض اي عادي بس خو ماكو شي
عمار لا سجل حضور القضيه صار بيها جهات عليا
وميض ها على حظي عبالي تخلص مبينه طول اجي بليل هسه الحجي مالي خلكه
عمار شنو هذا صوت لي يمك بالك مو يمي
وميض لاوياك يله شويه واجي نهيت ويه عمار وباوعت لسجى شبيج تدفعيني
سجى عيب خاف احد يجي
وميض واني شسويت زوجتي وحاظنها ومنو يجي خالج راح نام وبس احنه وشبيج نطبختي عقاب لج جريتها وعضيت خدها
سجى وميض وخر وجعت خدي عفيه
وميض هذا عقاب حتى تبطلين خجل وهاي بوسه صلح 💏 يله كومي نصعد اغير ملابسي صعدنه واني اغير شفت سجى صافنه عليه
سجى شو ملابس طلعه
وميض اكول راح اروح لدوام ساعه واجي
سجى يادوام هسه باليل
وميض اي بس مااريد الحجي يعرف راح اطلع بدون علمه انتي لاتنزلين اني مااتاخر
سجى خاف يسالني شكول له
وميض كتلج لاتنزلين هو إذاشافج نازله يسال انتي نامي لاتنتضريني يله اني رايح
سجى الله وياك
وميض مشيت ومشت ورايه وكتلها وين
سجى اوصلك لباب وشمر وراك مي
وميض هههههههه ماندل الباب يعني يله نامي تصبحين على خير نزلت بدون مااطلع صوت
سجى هذا وين رايح وشعنده دوام ليش ميريد خالو يعرف عززا خاف هذا مراح لدوام يمه ويطلع مثل بلال اخو ايناس مزوج بسر ضليت كاعده مكدرت انام افتر بالغرفه ساعه ساعتين وميض ماكو
شيطان وسوس لي حظي نوب حتى رقم الدائره مااعرفه ياربي شسوي اتصل على علياء تنطيني رقم ساعه بيش هسه باوعت على ساعه يوووو ٣ساعه خلي انزل بلكي الكه رقمه مكتوب نزلت دورت مالكيته باوعت ٣وربع صارت من خوفي وبالي يودي ويجيب بله اني جابني على هل ضيم صدك ابويه من كال بعدها صغيره هسه هذا وين راح صعدت من خوف لن وحدي كمت ابجي واني امشي بالممر اتخيل اشكال والوان واني الله مصركعني جان تنمد ايد على كتفي
اخترعت بس انداريت شفته وميض
