الحلقة الخامسه❤️
رحمه:: ركبت في السياره. وهوا فرن وطلع. بسرعهً. وقعد معصب ويتعارك مع السيارات يبي يطّلع.
عبدو:: يا اختي. اطلعي. منها اهي واسعه.
غبيه. تعرفش تسوق تركب سياره. ليش
جت سياره. ثانيه. صكرت. عليا.
طلعت راسي. من السياره
تي. وخر. ربي موسعها وراك عليش جاي. من هنا
الشاب:: حل. عني يا..
عبدو::
برمت. طلعت
تي روح. ترا ياولد. ..
وفرنت طلعت.
رحمه:: هييي شن الكلام هذا
عبدو:بحتت فيها. صكرررري. فمك
رحمه:: في عقلي متخلف وقليل أدب. كيف. يسب مكان مليان رجاله كبار وبنات واصلا انا جنبه. مش مستاهل. يعصب هكي
قعدت ساكته وهوا. طاير ومايبيش. يحكي. من جامعة قاريونس. لعند. الفويهات. وهوا. عالقها. وووومن الاعصاب. مع انه الجو. بارد. شعره. قعد ميه وليس. من العرق.
وصلنا. نزلت
عبدو:: نفتح في الباب. وقتلها
فوق علي طول.
رحمه:: نازل مش راد للمحل.
عبدو:: مرديتش عليها. خشينا. كانت. امي وكوثر. في الجنان. يحكن.
قتلها. متحبحتيش. في حد وقدامي. اركبي
حليمه:: اهو. عبدو جا توا. يشيلنا.
تعال. قتلك
عبدو:: درتلها. بصبعي بعدين.
وركبنا.
رحمه:: قعدت. نرعش نركب علي الدروج. ونرعش. بالذات. لما سيبني نركب علي الدروج وسبقني. ركب قدامي وهوا ساكت.
وصلت. خشيت.
عبدو:: ركبت. وخليت الشقه مفتوحه.
قعدت مصبي في الصاله.
خشت
رحمه:: خشبت كان. مصبي. عند المكتبه.
عبدو شوف. حبيبي. انا كنت.
عبدو::انا. اللي ششششششن قااااااااااااااايل
رحمه:: قعدت ساكته.
عبدو::ردي شن قااااااايل.
رحمه::مرديتش اخري
عبدو:: رديتي بكوشه. توا
رحمه:: رفعت عيوني فيه جيت بنحكي قطع عليا بعياطه
شن قاااااايل. مَش قايل. منبيش تصباي. مش قتلك ماتحكيش مع حد مش. قتلك. حتي ولوووووووو. صبيتي. يبقي في مجمع.
ثاني مره ولنفس الشخص. مصبيه معاه بروحك
وثاني مررررره نشوف. الانسجام. منك. مصبيه قريبه. منه. ماسكين نفس المذكره راسه قريب من راسك. يرفع في راسه ويبحت فيك تشرحي.
هذا. كله. شن تسميه. هذا كله غللطططط ولا لا احكي.
رحمه:: قعدت نبكي. وقتله.
مو انت تهدرز مع البنات. مو انت. تصبي معاهن. ولما تشوفني. ادير. روحك محرج. ومش ناوي. تصبي
مو انا نمشي وعمري. مادرت مشكله وعياط. هكي
عبدو::ررررررررررررحمههههههه وقَعَدت نخبط علي الطاوله
متبرررررريش متقلبيش. الموضوع هكي.
وين عرف احمد. اللي يسال خوك. كيف عرفه
احكي بطلي زنين وأحكي. ولا انا نقولك انا عرفت. ونهارك. يقعد زي ما حللت
رحمه:: عبدو تعوذ من الشيطان وأهدأ. مش مستاهل. الموضوع خلاص انا اسفه حقك عليا. انحرجت بسسس
صدقني كنت. بنهرب. منه بس أحرجني. وكنت جنب البنات. بس دوشه بعدت خطوات. وهنا. ورايا
عبدو:: انت عاندتي المره اللي فاتت. صح. لما شفتك معاه وقتلك ليش عطيتيه. رقمك
رديتي عليه صحححح. وقابل احمد صح.
رحمه: اها. كله احمد انا رنيت. وقتله. خود رقم خويا بس.
عبدو::وأخمد كيف طرطور. يرضا ياخد رقم شاب منك.
انت. الواضح صدقت فيك امي بديتي تتفرعني وكلامي قعد ملش اعتبار
رحمه:: لالا مش هكي. وخلاص. اسفه. اسفه. صبيت. جيته حبيت راسه. معش تتكرر مني.
عبدو:: وخري ترا.
وطلعت.
رحمه:: عليك بخت بختي مجنون. وخديت شنطي بالقوه طاحت. الفازه طاحت. دارت صوت. عالي علي الارض.
فجأة انفتح الباب وخش. اخري. قرب مني كنت مطبسه. نلم فيها.
عبدو:: كنت معصب. نازل. علي الدروج. سمعت التكسيره. زدت تنرفزت رديت للشقه
جيتها نزلت. عليها
عليش. تكسري فيها غلطانه ومزلتي تعصبي وتكسري.
بان عليا الكحل. في عيونها. بني. نفس لون عيونها. انت بعنادك هذا. بتطريني نستخدم اُسلوب جديد.
كحل. وعطر. وكريمه. تمام بكل
و
اسمعي الوشاح هذاااا معش. تلبسيه. ملون. اليوم. وتي روحك. نجي. نشيلك. تاخدي وشاحات طوال. هذي
مخنوووووقه هككككك. تخنقي فيا معاه.
وصبيت.
رحمه:: نحبش المحارم الطوال. حرام. عليك شينات
عبدو:: شينات اللي لابستيهن توا.
رحمه:: شن العقده اللي عندك من الاوشحه ليشششش بس. مركز عليهن. اكثر من لبسي. مو خواتك يلبسن. صبايا خوتك. عمرك ما تكلمت. لعند. أمس كلهن ألوان الا انا ملبسني. رصاصي. زي البنت. النكديه. الحزينه ديما ألوان شهب
عبدو:: . ااااااوووووف
يارحمه كنك قعدتي هكي. كنك. تغيرتي. رحمه. انا اللي قعدت نلبس فيك سروال. انا اللي قنعتك بالوشاح. كنت مش مقتنعه شن غير. رايك.
رحمه: يعني انا لعبه عندك. انت تقرر. امتي تلبسني وأمتي. تسلحه ليا
انا نكرررررره حد يتحكم فيا
عبدو:: صبيت وتي روحك. بعد العصر. نشيلك السوق
برمت لقيت امي. خاشه. وفي يدها اسيل
عبدو:: زمطت ريقي. وبحتت في رحمه.
رحمه:: شن بيفكني من لسانها. شن يبي يخلصني. منها.
حليمه::كنه صوتكم عالي. وعليش العياط. والتكسير
عبدو:: طاحت. مني. مش قاصد
هههههه يلا مش يقولو كسر الشر.
رحمه: بحتت فيه. وابتسمت
حليمه:: صدقتك. أمسك بنتك. ومره ثانيه. لما اناديك تعال عبرني. مش. تجري مع. المحروصه
عبدو:: خديت. البنت كنتش تعبتي روحك راكبه. حتنزل امها تاخدها. كانت
حليمه:: توزع فيا. تلز في فيا
رحمه:: جيتها. لالا. قصده علي كرعيك. بس
عبدو:: مديت. البنت لرحمه. وطلعت.
حليمه:: شن دوتك انت. بتهبلي العيل. شن دايره. اللي. صوت عياطه واصل الجنان
رحمه:: شي هكي مشكله عاديه.
حليمه:: او باهي. بس بنقولك المشاكل العاديه. كاثرات
ووليدي جوزته يتريح مش. كملها وراك معاناة مِم مرضك. لمشاكلك وصرفك
رحمه:بحتت. فيها قعدت ساكته. كنها هذي نزلت. وسيبتني.
اووووووف صبرني. يارب.
غيرت دبشي ونزلت. مشيت حوش. خالتي
كوثر :: كنكم حسيتكم. متعاركين في خشتكم
رحمه:: هكي. مشكله. عاديه. بس بنسالك. حليمه امتي خشت
كوثر ::ههههههه حلوه. حليمه
خشت قبل نزلت عبدو بشوي. في نفس الوقت بلكي
رخمه:: اوووف الحمدالله. يعني مش سامعه شي
كوثر:: مزالت تعزقلك في الكلام
رحمه::بكل لعند توا صرف. صرف درهت كبدي
كوثر:: حتي انتم. معش. تمرو عليها محملين حطي حاجتك. وانزلي
رحمه؛؛: مو طبيعيه مطلع الدروج قصه في وسط الصاله
وهي ديما تراقب في الصاله
كوثر :: يلا وسعي بالك حبيبتي
باهي اليوم جايه لامك صح
رحمه:: مش عارفه. مو عندي مشوار اناوعبدو
كوثر:: اليوم بنديرو مقروض. وامس درنا الحمص.
ضروري تجي اليوم كلهم يسألو. عليك.
رحمه:: مقدرتش ًامس نرفض المزرعه عبدو كان يبي. وهوا اللي. خاطره فيها
كوثر:: باهي. بس خلاص. الاسبوع هذا خليك مع امك. وامل. انت اللي. متجوزه ومفروض. يدك بيدهن
رحمه::حاضر.
<~<~<~~
ريهام::نضت الصبح نشيطه. خشيت للمطبخ وتيت الفطور. ورديت غيرت دبش النوم لبست. فستان. قصير كم شتوي. رفعت شعري. لبست سيلبر صوف في كرعيا
وخديت العسل وجيته
ريهام:: جلال. صبي وقت عليك
جلال:: ميلت راسب. عمشت. عيوني
تنحنحت اححححححم
الساعه كم
ريهام:: عشره. هيا صبي
جلال:: تثاوبت. هاااااووووه اعوذ بالله من الشيطان الرجيم
ريهام::افتح فمك هيا
جلال:: عسسسل. اخري. تي. مش نوضتيني. وعطيتيني علي الفجر
ريهام:: هذكا بحبة البركة هذا بالكركم. افتح فمك هي
جلال::فتحت فمي.
طعمته شينه.
ريهام:: حبيبي خلي عندك قناعه مايحول المر الا اللي امر منه. عشان تصح. لازم تاخد اي حاجه وهذا. بابا قالي كويس بكل. صاحبه عنده منحل ويعالج به
جلال:: صبيت. نجيك انت وبابا خطرها. صباح الخير
ريهام::صباح الورد. هيا الفطور واتي. خش وتي روحك. وقت عليك
فطرنا
جلال:: يلا باي بستها علي راسها
يبيي قريب نسيت التلفون يافنشه خديته وطلعت
ريهام:: جلال دارلي بعينه شنو.
قتله. طولش حبيبي.
جلال:: مش مطول. باي يافراشة السلام ههههههه
طلعت. للجامعه. رايق. جوي واضح حلو وصلت للمكتب وقَعَدت نهدرز مع اصحابي.
كلهم. شن جوك ياعريس وكلام كله منابشات. حقيره كالعاده. انا نحبش الدوه هذي ننسحب ونختمها. بعصبية نسكتهم. ديما هك طبعي نحبش الهدرزه السخيفه من قبل حتي نتجوز يبال خشو علي بصاره. خاصه. اووووف
قعمزت علي مكتبي. رنت
ريهام:: كسسساد روح
جلال:: حبيبي. مش حنطول. ارقدي انت
ريهام:: عارف شن دايره. توا
جلال:: شنو
ريهام:: ماسكه بيجامتك ونشم. فيها انحبك اول مره تبعد عليا ثلاث ساعات
جلال: هومي خاطري نروح. بس نص ساعه ونمشي
للمكتب. نمر عليه.
ريهام:: شن صار في موادي
جلال:: مزالت. بكرا قالو
صكرت وانا حاس روحي اسعد راجل في الدنيا لو بس ربي يكمل عليا بالشفاء. يااااارب اجبر. بخاطري. وتمم شفايا
ريهام:: اول يوم نقعد بروحي. الصبح. اووووف. مليت وكساد.
صبيت عنديش ما ندير. شقه. نظيفه. وملل.
نبدأ في الغداء وخلاص
الثلاجه. فيهش غير حلويات
الفريز في صدور دجاج بس.
شن اندير بيهن. اوووف
رنيت علي اماني
اماني::ايوا هومي
ريهام::نوضتك طح سعدك الساعه 12
اماني::اها تعبانه مش راقده الليل
ريهام::ربي يسهل عليك باهي ياحلوه. شن دايره غداك
اماني::عادل مش جاي علي الغداء معزوم
ريهام::اووووف فكش جو. نبي نستفيد منك قبل هي وجك
رنيت علي رشا
رشا:: توا كيف خشيت للحوش.
ريهام:: اها ربي يعطيك الصحه. باهي شن دايره غداك
رشا:: اسامه يبي طاجين بطاطا كنك
ريهام:: اوووف. باهي شن اندير انا عنديش خضره
وعندي بس صدور دجاج
رشا:: اها ملك غير من برا واطلعي خلاص اشري مصروف
ريهام :: هي هذ قبل خاطري. نفاجأه
رشا:؛ جربته الشعور. هذا. ومزلت طاهقه به ههههههههه
ريهام:: مرت راجل. عاد هههههه
رشا؛:هومي. زعلان مني جلال صح
ريهام::تبي الحق واجعته بس عادي قالي تركزيش
رشا:: يناعليا عليك فضيحه عارفه ًامس الليل كله اسامه يهزب فيا. رقدت نبكي. منه. قالي. حركتك. غبيه وجاهله احرجتيني. معاك
ريهام::عادي متركزيش وانت رقعيها. اعزمينا. ههههههههههه
رشا::بارده. ههههههه اكيد تبيش كلام. يلا هومي لازم نصكر. نكمل. الحوش.
ريهام؛: رنيت عليه.
جلال:: لا مطيبيش. جايب معايا. خلاص وصلت اصلا
ريهام: هييي بدري. وصكرت علي وجه
خدتني للدوا تلفونات. وهوا جا. بدري ومبرمتش
علي روحي خشيت نجري للدار. غيرت ولبست. استرتش اسود وعليه شرت أمريكي
وفوقه فانيليا صوف. خضرا خش عليا وانا نبرم علي شعري
جلال:: فنوشتي. وينك
ريهام:. في دار حبيبي
شنو فنوشه اللي مسكت فيها
جلال:: وشنو. السماحه هذي عسسسسل ياناس.
بس ياهومي جو ربيع. فكينا من الصوف
ريهام:: هههههه شن اندير صقع.
خش خدا دبشه وغير ورد للحمام. بعدها. جاني
مزلتي تعالي المطبخ نبيك
مشيت معاه
تورته عليش. شن المناسبه
جلال:.المناسبه انه حبيبت قلبي. صفت كل موادها.
مبروك. يا عمري
ريهام::تحكي جد. مش قتلي بكرا
جلال::هك نبيها مفاجأه
ريهام::عقبال. خشتك عليا. بتورتة شفاك يارب
جلال :: يارب ياعمري
<~>~
اسامه:: اليوم أووووفففف طولت في طلبيه هذي انتصار
رنيت عليها. ردت قالت. معندهاش من يجيبها وتراجي في خوها طول
انا سكنن طلبات عندي ناس موصيين منها قتلها خلاص توا نجي انا ناخدهن وتيهم ليا
وصلت درست رنيت. حل عيل. صغير.
جت وراه وشفتها
كانت بدون حجاب. مركزتش. في الشكل قد ماركزت في المنظر والجسم. كانت لابسه. سروال اسود وعليه كت ابيض. جسمها حلو. عيطت وخشت. انا برمت وجي. وجيت جنب الباب.
جتني لابسه. لبست الصلاة
انتصار:: خير اسامه كيف حالك
اسامه:: اهلًا معلش. مفروض صبيت جنب الباب
انتصار: حصل خير. هذا ولدي. حل متعلم الحركه هذ
اسامه:: اه. افطني. يديرها. يخش عليكم شي حد
انتصار:: بكل ديما خايفه منها النقطه هذي بعدك انا وياه بروحنا عايشيين.
اسامه::ربي يحفظكم ممكن الطلبيه وقت. الزباين
انتصار::حاضر هي.
خشت جابتها
يدي جت علي يدها. ارتبكت. وجلدي رعش.
وخرت ونزلت.
طول الطريق منظرها بين عيوني. اعوذ بالله من الشيطان الرجيم.
روحت الحوش.
رشا:: اسومي كنك
اسامه:: شي حبيبي. بس مرايف عليك. تبيش تقيلي
رشا:: بنمشي للنادي توا
اسامه:: خليك. اليوم معايا.
رشا:: حبيبي. وقت وضروري. منبيش نضيع وقت شفت كيف رايحه ماسكه
اسامه ::باهي. طولش.
خشيت. مضايق بين عيوني صورتها وصوتها
صبيت طلعت برا الشقه. قعمزت مع أمي عشان معش نشرف نفس اللي شفته
ثاني يوم نفس الشي. محصلتش من. يجيبه عديت انا
رنيت فتح ولدها. بنفس الطريقه. كانت لابسه فستان اسود قصير. صدره مفتوح مقدرتش نبرم قعدت متنح نبحت. عيطت. ونفس الجو خشت وجتني. بلبست الصلاة
انتصار:: كيف حال رشا
اسامه:: كويسه. وين الطلبيه. خديتها ونفس الشي. نحس في روحي انا اللي حاب نجي ناخد شن قاعد يصير معايا مش فاهم.
بس اللقطه تتكرر يوميا. وكل يوم ولدها يفتح بطريقه هذي
رشا:: حبيبي مش طبيعي رايح. كنك. ههههههه
اسامه::بلكي من الخلطه اللي تعطي فيها ليا هههههه
رشا:: لالا الخلطه. هذي شور. فتح الشهيه
اسامه:: برمت. عليها شنوووو. فتح شهيه وأنا نقول كني قعدت نسلحب في السندوتشين مره وخده ووزني زايد. خزي عليك ليش
رشا:: اصلك عصعوص واجد. وانا. نبيك تقعد دبه. ههههههه عشان معش حد يبحت فينا. ويقول مش له
اسامه::هههههههه هبله. باهي ياحبي مفش نص اخري
رشا::من عيوني. حلوه معجونه. نديرلك هههههههه
~<~<~
عبدو:: طلعت معصب. عديت للمحل رنت تبي تمشي لهلها. قتلها مفش. مشي
رنيت عليها. العشيه.
رحمه:: كملت. يومي. نبكي. ومتنكده رِن عليا. العشيه. هيا انزلي. نمشو. السوق. عدينا. وانا قالبه وجي
عبدو::افردي وجك عليش قالبتيه
رحمه::لما تفرد وجك انت قبل
عبدو::انا عادي تهيالي
رحمه:؛لا. وجك يجيب. ستين قبلي اي عادي
عبدو:: واللي مراته. تدير. زيك. تبي وجه يجيب الربيع. مثلا
انت غلطانه وقالبه وجك هذي غريبه. الصراحه
وحمه:: باهي وقتلك اسفه. عليش. السوق. انا دبشي كويس محترم مش محتاج تغيير
عبدو:: انزلي. المحل هذا امبدري. شفت فيه بلوزات طوال
رحمه:: يعني متعب روحك ومسيب شغلك أدور في نفس الموضوع. شاغل بالك
عبدو::تعبك راحه.
رحمه:: انا نحكي جد ليش هكي. مش لدرجة
عبدو:: نزلت وسيبتها في السياره. درتلها بيدي هيا
نزلت مزالت قالبه وجها
خشينا المحل. شلتها. للصفه البلوزات. هذي وهذي وهذي. خشي قيسيهن
رخمه:: شنو هذا جو مدرسه. اسود وأزرق داكن. ورصاصي. كنك انت
عبدو:: وانت ساكته. خشي
رحمه:: قستهن. طوال واجد وانا قصيره. منظري. شييييين. قعد.
جاني ايوا. حلوه بكل. خلاص هيا
معطنيش فرصه للنقاش
طلعنا. خداهن.
رحمه؛: طلعت. نبكي. شنو جو عدم الثقه هذا وأسلوبه. الجديد. هذا
قعدت ساكته نبيش. نحكي معاه نزل عند محل الاوشحه. هيا انزلي
نزلت.
نفس الأسلوب خدا عرررررررم اوشحه يعرم. فيهن خدا ألوان. شينه انا منحبهنش. ألوان عجائز. تلبسهن امه مش. انا
ركبنا. في السياره
عبدو::كنك ساكته.
مش عاجبك. ولاشنو
رحمه::مبيتش نرد. درس علي محل احذيه
عبدو:: انزلي خودي كنادر. مدامات جو. الكويشات والدبش امتاع. البنات الصغار هذا فكينا منه
رحمه: هنا عيطت. وانفصلت. خلاص. معش فيها. سكوووت
حتي هذي بتدخل. فيها. كنك. انت كندره. شن دخل كبير وصغير. بعدين. انا من قالك. كبيره. مزلت صغيره ومعش. تتحكم. فيا بالطريقه. هذي لو سمحت
عبدو::رحمه انززززلي. قلت.
رحمه:: منيش نازله. منيش نازله. متخلينيش نرن علي اخمد ياخدني من الشاررررع هنننننن
عبدو::هي هي هي. نزلي يديك عنجد وجك نزلي يديك. في السياره راك ياماما
رحمه:: عبدو حرام عليك. أسلوبك مستفزززز حركاتك. ليش هكي مش لدرجة.
عبدو:: تنزلي ولا نحلف. حتي فرح اختك. مانك حاضرتيه
رحمه::بحتت فيه وعيوني. دمووووع. ينزلن.
وصلت بالتهديد.
حاضر. توا ننزل. أومرك تنقذ.
عبدو:: لاحول. ولاقوة الا بالله. العلي العظيم.
مش أوامر. ياحبيبتي. بس. معش نبي ستايلك هذا. يارحمه. باينه زي البنت الصغيره. والشباب أنذال وسخين
تي وانا. معاك كلهم عيونهم عليك. حتي منابشات. ولا كأنك متجوزه.
رحمه:: انا شن ذنبي. انا لبسي محترم. طبيعة جسمي. صغير شن اندير.
وجي صغير. شن دخلني
عبدو:: وانت تزيدي فيه بطريقة الوشاح. المستفزه. بالكويشات. والكنادر.
صدق مراد. لما قالي مدلعهاش واجد تحصل. فيها تركب عليك. ومعش تقدر. عليها. اهو صدق
كم مره قايل. العطر ممنوع كم مره قايل الوشاح. معش تديريه هك
كم مره قايل ممنوع المكياج
انت شي. ولا معتبرتيني اديري وتخففي علي اساس تخدعي. فيا بس باين. تظلمي في الشقه الصبح تشتغلي علي ضي الهادي. بالعاني
اليوم. وجك مكياج وعطر فايح. تعاندي فيا ليش. راجل وعندك. شن. تبي تلبزي
رحمه:: صار هكي. قعدت ندور في الرجاله.
تمام باه. بتنزل. للمحل ولا تروح
عبدو:: اووووف ولعت وبرمت روحت
خشينا امي قاعده. درت روحي جوي سمح
رحمه؛: باين عليا عيوني دموع. خشيت عنديش نيه نجامل. صبيت. خديت العيال. وبنركب.
حليمه: متعاركين اخري
رحمه::بحتت فيها. ومرديتش. خلاص زعمت كبدي تدخل واجد وتراقب. فينا
انتبهت. لعبدو رد عليها
عبدو:: هههههه لا مش متعاركين بس الهبله. تبكي. معش حصلت فستان. زي البيبي. تبكي
حليمه؛: عندك امتاع فرح ريهام ليش تشري. فساد محد شافه البسيه
رحمه:: صح ممكن هوا نلبسه. باهي تصبحو علي خير وركبت
عبدو: ركبت. وراها
خشيت غيرت. وجيتها
عبدو:: حومتي. خلينا نقعمزو. نحكو
رحمه:: نبيش نحكي معاك وحول
عبدو:: ياحبي. انا لاني. نحبك. هكي درت.
رحمه:: تعبش روحك تحكي وخشيت لدار المعيشه وطبقت الباب بالقوة.
عبدو::جيت وراها طبقت الباب في وجي
خشيت عليها. عليش الحركه هذي
رحمه؛: قعدت نبكي
نبي نعدي لهلي
جيتها. حومتي اسف خلاص نحكو. فيه موضوع. الدبش. يا نقنعك. ياتقنعيني شن رايك
رحمه:: نبيش. خلاص اطلع برا وبنرن. علي احمد يشيلني. نبات. غادي. مفروض. مصبيه مع ماما انا. مش ليا ثلاث مسيبتها.
عبدو::قعمزي وانت ساكته وبعد درتيها. وعلي. قلبت وحم حتي بكرا. مفش مشي. باهي.
طلعت. نزلت. جوي شين. عند. امي.
لقيت عادل. حاط. اماني. جايه. بايته.
طلعت كسدت معاه حسّيت جوه شين
عبدو:: كنك. حاسك مش تمام. في حاجه
عادل:: شن نقولك. العمل. الشركة عطتنا اعفاء.
عبدو:: عليش. كيف هكي
عادل::عندهم عجز مالي وهما شركة خاصه. قلصت الوظائف
وانا شن ندير. انت شايف. الحياة كيف صعبه ومفش وظائف وانا في رقبتي ثلاثه. توا. عمل العشيه ميسدش واصلا. ما يعتمدش عليه
عبدو؛: ربي يفرج عليك. انت طيب وربي. مستحيل يصكرها في وجك. هونها تهون. ياغالي.
عادل::يارب. اسمع راهو اختك عندهاش علم. نبيش نضايقها وهي مسكينه اللي فيها مكفيها
عبدو:: من عيوني. توا شن بدير
عادل ::نبي نرد نبرم ندور غلي شغل. في هل الشركات.
عبدو:: تعال اشتغل. معايا. ياراجل. وبطل تصكير راس
عادل:: بالعربي ياعبدو. هكي نحن خوت واصحاب نبيش
نقعد تحت. يدكم. ونغلط يصير. فيها حسس الشغل مع البراني خير من النسيب نبيش نخسرو بَعضنا
عبدو:: بطل هبال انت واحد منا خونا وصاحب رزق رزق مراتك. هذا مش ملكي انا وخوتي بس
عادل:: بارك الله فيك. ان شاءالله توا نحصل تشغلش بالك
يلا. سلام توا
عبدو::موضوعه شغل بالي. عادل يعز عليا وووواجد ومن اكثر الناس اللي صبت معايا. تضايقت وخشيت. جنب اماني.
عبدو:: مني. قولي لامك تخف علي رحمه بهدلتها وهي هاديه عارفتيها تعرفش ترد تصوري تعاير فيها بجيتها. زمان فقرها وكيف جتني
اماني :: لالالالا معقوله ماما كنها انهبلت يسمعها. بابا. يوريها
عبدو:: باهي قوليه لها الكلام هذا
ركبت. لقيتها واخده. العيال ومخدتها وراقده في دار المعيشه
رقتها ليا جيتها.
عبدو::رحمه صبي ارقدي في فراشك
رحمه:: نبيش وحتي هذي بتتحكم فيا
عبدو:: رحمه منحبش الحركة هذي زعلانه مني عطيني ظهرك ومتحكيش معايا بس تسيبي الفراش نحبهاش
رحمه: وانا نحبها ومش ديمه لاصقه فيك ولاصق فيا
شكله. المفروض. نبتعدو شويا لان مشاكلنا كثرن
عبدو:: اوووف قعمزت. جنبها مشاكل عاديه هيا بلش دلع.
حسيتها مصكره. راسها ومضايقه رديت لداري. وخشيت الفراش. قعدت نتخيل في يلي درته انا طول اليوم عصبيتي وتصرفي وكلامي. شكلي زودتها اووووف
ثاني يوم
نضت. دار مظلمه والشقه هاديه بحتت الساعه 11 حي عليا. عندها محاضره. الساعه. 10 هيا
صبيت وقلت نهارها تقعد عدت طلعت. لقيتها تفطر
عبدو: صباح الخير.
رحمه::صباح الخير.
عبدو :: ليش مانوضتيني مش عندك محاضره
رحمه:: عنديش نيه نمشي
عبدو:: تعوذي من الشيطان. الله يخليك وفكينا من النكد
رحمه::مبيتش نرد
عبدو:: نعنك والله مارديتي. باهي خشيت. لبست ونزلت بدون فطور
~<~~~|
مراد:: ليا كم يوم. مكبد. زياده علي رحاب. السبب
رحاب:: حبيبي بس خاطري نعرف سبب تغيرك. هكي الايام هذي
مراد:: لان عندي جوهره وانا مش مقدرها
يوم المزرعه. كنت نصلح في الماتوري وانت كنت مقعمزه مع رشا ورا الخزان تندريش عليا سمعت. كلام واجد. عليا
الحديث
رشا:: خلاص سامحتيه
رحاب:: وانا نقدر منسامحش بعدين. خلاص الواضح. نزوه ونبيش نكثر. عليه ويطفش. مني
رشا:: وين عدا الكلام معش نحبه ومايستهلش حبي
مش مقدر تعبي وووو الكلام اللي صدعتي راسي به
رحاب:.كلام وحده هبله تعرفش تحكي.
تي مزالت نبي ندلعه. ونوكله بيدي ولو نقدر حتي نجبره ههههه نديرها
خوك. هذا عيوني اللي نشوف بيهن. نحبه يارشا وفرحانه. اللي عليوه طلع نسخته في كل حاجه حتي الطبع
رشا::هههههههه هبله طبعه اااعععع. مش خويا بس منحبش طبعه. نكدي. وبارد. وعديم مسؤوليه
رحاب::معش تحكي عليه. هك انا بس نحكي. غيري يحكي. ولو حتي عميمه وعمو. نزعل منهم
رشا:: تذكري في ايام خطبتكم.
رحاب:: نتذكر في كل دقيقه. فيها من اول يوم خشيت للمحل.
باهي. نقولك. سر ههههههه حتي مراد يعرفاش
رشا: شنو
رحاب:: انا مكنتش. خاشه. صدفه للمحل. اول مره. كان فرح رباب اختي. وجيت معاها بتاخد هديه عمتها كنت في ثالثه. ثانوي. عارفتيه جو محرمه بيضه وزي طويل. اسود. جو. تاكسي ههههههه
المهم. نزلت معاها بالغصب. نبيش ننزل
شفته يناعليا. تعبت. وحسيت روحي. بنموت. نابشني منابشه عاديه. هكي. بعيونه. يناعليا العكرشه في خده هذي نتعب معاها. لما يضحك.
وهوا لسانه حلو. وباله واسع. الصبايا اختي قعدت اطلع
وهوا يوزن ووشرينا روحنا. خلاص. منكلبه قعدت ايامها
المره الثانيه. رباب حصلت فلوس. خطرلها. بتشري. خاتم عملي. لروحها. روحت بيا من المدرسه نزلت معاها حسّيت بثقه قلت اكيد منظري سمح. اللي نابشني. وانا بالزي
نزلت ونفس الشي. قعد يحكي. ويبحت.
روحت وخلاص معش شفته. وانا عقلي في الدكان. كان هوا قريب يتخرج قال لأختي.
اول ماخشيت للجامعه اول. فرصه حصلت فلوس مبلغ. توا انا معنديش علي الذهب بكل ههههه بس جمعت فلوسي وقتلها بنشري حاجة ذهب. مقصوده. نعدي للمحل. وشفته يناعليا. كنت وقتها ناقصه بكل. ولابسه. لَبْس. بنت هك. غير. ودايره حواجبي. عكس لما جيته من قبل مشبوكات في بعضهن. المره هذي حسيته هك منابشته غير. تاريته هذك المرات هازي عليا. اني بنت صغيره. ومنظري براءه
بعد فتره اتفقت مع صاحبتي هههههه نتلاقو في المحل خشيت انا قبل. وبعد شوي خشت هيا ودرنا الحديث. امتاع المكتبه المركزيه. ووووووخلاص. جاني. حاولت نخليه يتعب باش نوافق. بس صبيتك مكبّده. علي طول. رنيت. عليه. يناعليا يا رشا من اول. مكالمه. صح كلها كلام تعارف بس تهبل. خلاص حصَّلته
هههههه وعلي قولتك قعدت ماسكه فيه بيديا وسنوني.
رشا: معقوله. تخشي. محل تعجبي بشخص تصري عليه هك
رحاب: انا نخش ديما محلات. بس عمري. مابحتت. ولاعبرت. خوك. حاجه غير. هك.
رشا؛: هوا نصيب. اصلا. ربي يحفظكم
رحاب:: بس ميعرفش راهو. اني البنت الدبوبه اللي لابسه تاكسي. سألني من اللي جت مع رباب. قتله بنت خالتي ههههههه تشبهني وصوري وانا شابه. منحبش نوريهم له.
رشا:: ومش عارف انك مخططه انت وصاحبتك طح سعدك. ديما يقول. صدفه
رحاب:: ها املا. نقوله وخوك طبعه نكدي حصله يقعد يشك تي ساد مزال لو خشيت معاه مكان عنده جو. نزلي راسي تحكيش مع صاحب المحل. وطي صوتك.
رحاب::مراد حبيبي. كنت. نكذب. عليها هك جو تمشاي وقت. يعني معقوله انا
مراد:: بست يديها. يعني انا حبتني مراهقه وقعد حب صادق
تي هوا صح غلط اللي درتيه. بس صار خلاص ونصيب
حبيت الكلام. يومها والاهم طريقة كلامك ووصفك ليا.
حبيت.حبك ليا
رحاب:: لو نندري انك. بعد تعرف بتقلب عسسسسل زياده هك راني قته لك من زمان.
مراد:: هههههه لالا حبي. متفرحيش واجد مش جديد عليك طبعي. نقعد كم يوم كويس ونرد النكد. مجنون. علي قولتك
رخاب:: يبقي طالما راضي عليا السفره بسرررررعه هههههه
مراد:: بجد الليل كله. نبحت. هذي الدبوبه اللي جتني في المحل. هههههههه شينه كنت. وشنباتك تقول. شاب. بادي يبلغ. نفسها مراتي.
رحاب::خزي عليك ههههههه بس صح زمان ماما ممنوع. الفتله والحواجب لين تجوزن خواتي قعدت نعدي معاهن بالسرقة عليها
مراد:: نازل نكسد مع امي. تنزلي
رحاب:: هي. اكيد نازله. علي قلبك. مفش مهرب مني. حطيت يدي في يده وقتله هي
مراد: هيا ياشنابو. ههههههههه
رحاب:: جوه عسسل ورايق. ربي بدومها عليا. الايام هذي. مش غير. يهبل.
مراد:: خلالاص تفرررررررقووو توا انا رازن. فكيت. يدي ونزلت
مخمد:: تلاقينا. علي المدخل. وووين النكدي رايق يارحاب شن قصته هل الايام
رحاب:: ههههههه. مش عارفه. ربي بدومها عليه.
مراد::دقي علي الخشب. قعدت. نخبط علي لوح الدروج
ريما:: كنك ياهبل. بطل خبيط
مراذ:: تي يحسدو فيا علي ابتسامتي منقهرين من العكريشات. هذين الخطوط السمحه. اللي عندي
رحاب::في سري. حي عليا انغر الهبل
غيرت الموضوع. وين عليوه
ريما:: خداه عبدو يكسد مع ولده
مراد:: المشكله. فرخي. بارد مفش جو. يقعد يتخوف ويدره كبدهم.
ريما:: تعشيتو
رحاب::نازلين مبردين. عندك.
ريما:: وانا ماشيه مبرده غادي اماني بايته. نبي نتعشا معاها
مخمد :: اصبري. انا معشيكم. اليوم. هيجو. خديت الراتب
ريما:: سمعت بطليقته اللي ردت للعمل. معانا
مراد:: حكالي. وقتله. افطن. وتجنب الاحتكاك بيها
محمد:: واخد حذري لعند اليوم. جتني. طلعت وسيبتها
رحاب:: شنو يااحميده. هيا. العشاء
محمد:: اه ييي. هي. طالع كلمي عات أشرف وعبدو.
~<|<~|
محمد :: اليوم خشت عليا اميره. اُسلوب جديد. متبعته نفس اُسلوب اللي تعرفت بِه عليها. البنت الاجتماعيه. اللي دمها خفيف الخدومه الرايقه
طلعت وسيبت المكتب
حسّيت نظرات. المواطفين فيها. كلام. مش. فاهم. شن يقصدو. بالتلميحات. امتاعهم
روحت انا وريما
ريما:: انت عاطي اميره وجه ولا هدرزت معاها
محمد:: لالا عليش
ريما؛:كلام البنات يدل علي انه كأنكم. جو نظرات وفي احتمال تحن. وياخيه خليك واسطة خير والعيل يتربا بين باته وامه وأنتم قادرين يردها علي مراته وكلام هك
محمد:: حسّيت حتي انا في جو. مش مفهوم. بس مرات هك تخمينات
ريما:: دير نقل من القسم. وريح راسك.
مخمد::منقدرش تي انا ملصق. تلصيق بعد غيابي. والفصل. كويس اللي ردوني.
روحت. خشيت لقيت لمييس. تبكي وعيونها حمر
محمد:: كنك تحسي في حاجه
لميس:: اها. نحس في قلبي. نحس. فيه بادي ينجرح وقاعده ضاغطه. عليه نبيش ينزف.
محمذ::حبيبي اهدي وقوليلي. كنك. شن الألغاز. اللي تحكي فيهن شن في
لميس:: انت. اليوم. شارب. أنت وأميره. قهوه في مكتبها. صح تستغفل فيا. وتلعب من ورايا. صح
محمد::من قالها لك. مفش منه الكلام هذا
لميس:: لا في منه اهي صوره شووووف. نكذب انا
محمد:: هذي في مكتب زميل ثاني. وهي خشت قعمزت في مكتب. اللي جنبه.وانا علي طول طلعت وين الدليل. اتي نشرب معاها كنك انت هبله. مشغله جواسيس عليا
لميس::هذي فاعلة خير نعرفهاش تدز فيهن وتقولي. في اخبارك
محمد::خرابت بيوت انت الصادقه هذي وحده من صحباتها هي مشغلتهن. ورراها في كل مكان.
معقوله يعني. تصدقي اني. نرد لوحده شفت المر معاها
معقوله تصدقي نجرحك او نزعلك. ميسو. حطي الرقم في الحظر. ريحي راسك وراسي. معش تصدقي حد وخليك مع قلبك. وعقلك. شوفي محمد وين توا.محمد لك انت وبس
انا لك انت وعيالي بس
لميس:: نزل عليا ومسح دموعي. صبي حبيبي.
لميس:: وين
محمذ:: عازمك علي الغداء انت واضح نفسيتك. تعبانه
وتبي نقاها
~<~~~
اخمد:: أمس حلمت بيك
ريما:: شنو حلمت خير
اخمد::حلمت. حلمت بيك لابسه فيلو هذك اللي مره مسكتيه وعجبك في فرح محمد
وجايه شوري
قعدت انادي عليك. ريماااااااااا
وانت تقولي احمدددددددددددد
قربت منك وقتلك. وأخيرا حبيبتي بنلتمو في شقتنا. بعد صبر ومعاناة
ريما؛: كمل عليك. حلمة تهبل
احمد:: قربت منك بستك علي فمك وطووووووووولنا.بعدها وخرت. بحتنا لقينا خواتك ورجالتهن وعيالهن وخواتي. انا كذلك.
طلعت ليمة من جيبي ومديتها لك. خديتيها وقعدتي تمصي فيها وأنا كذلك وهما جو رومانسيه وعيال. يلعبو فيهم
ريما:: باهي بعدها
اخمد:: بعدها طاح عَلِينا شوال ليم. ونظت. كملت مص. ليمتي. ههههههههههه
ريما::يابليد قصدك تبصر. خزي عليك انسجمت
احمد :. هههههههههههه انا بروحي انسجمت. وانا نحكي
ريما:: بنقدم علي قرض وسلق. بابا في الشقه وريحنا خلاص
احمذ::نعم كنك هبله تي انا متفق مع باتك يوم نكمل حقها تتحول باسمي. وهكي. مستحيل. نديرها.
خلاص هانت. وربي يفرجها. ماعلينا غير الصبر
ريما:: ربي يفرجها. باهي. اقتراح. ليش ماتاجر الشقه. ومبلغ يساعد
اخمد::خليها. ساهله. باهي. جايه بكرا
ريما::اها بس لو شفتك يقعد سريع.
احمد ::سريع عينك. بنشبع شوفتك.
ريما؛: شكلك جعان
احمد::ميت جوه. امتي بسسسس. يجي بكرا
ريما:: خلاص مزال علي الفجر. ساعتين. العصر. نجي
~<~>~
عبدو::لنا يومين. تطنش عليا
رحمه:: هك مدره كبدي. نبيش نحكي معاه بارد مستفز
رحمه:: كنت. نوتي في دبشي. بكرا. خلاص فاتحة اسماء وبنعدي نبات
عبدو:: خشيت جنبها
قعمزت.
شن اديري
رحمه:: شن شايف
عبدو:: كريتها قعمزتها علي حجري
اسف حقك عليا
رحمه:: اسف علي شنو. علي حرمانك ليا كم يوم نمشيش لهلي. وقت محتاجيني. ولا اسف علي اُسلوب الشك هذا والنقص.
ولا اسف علي اُسلوب التحكم. الجديد ولا علي عياطك ولاشنو بالزبط
عبدو:: بست يدها اسف عليهن كلهن سامحيني
معقوله يعني بنشك فيك غيره مجنونه بس.
رحمه:: توصل لدرجة تلبسني لَبْس. هكي.
تي وحده من الاوشحه امك عندها منه. جو هذا منحبش ومنحبش حد يتحكم. فيا. عقده بابا. معش نحب. حد يكررها وانت اللي بنيت شخصيتي تجي فجأه تتحكم فيا هك
عبدو: خلاص اسف. معش ندير. هكي وعد. بس ردي للدار ارقدي. وردي. احكي معايا الشقه حزينه شينه وانت هك هاديه تبيش تحكي معايا
رحمه؛: والدبش الغبي اللي. خليتني نعدي به هذا
عبذو؛: نحكو فيه.
المهم توعديني مكياج لا وعطور لا
رحمه:: وعد.
عبدو::بكرا بتباتي غادي
رحمه:: اه مش ساد الايام. هذي
عبدو:: اسف حبيبتي راجلك. طلع مش شخصيه ما انت تبي
رحمه:: اها شخصيه دكتاتوريه مستفزه
عبدو:: شخصيه غيوره وعندها حب التملك.
صبت. مسكت. يدها
وين ماشيه
رحمه:: شوية بس توا نجي
عبدو:: شنو هذا. رحمه
الكاتبه ريم محمد