#الفصل_الثاني_البارت_الحادي_والعشرين_والاخير
#رواية_أوكـــســجــيــن
#بقلم_فـجـر_الـمسـاري
#رواية_حقيقيه
#قصص_نور_قلبي
وها نحن نشد رحالنا علئ وشك نهايه قصه
حب اجهض قبل ان يولد…
عشنه ويه صابرين قصه حبها وحياتها بكل تفاصيلها كانت مرارتها اكثر من سعادتها
بس اثبتت انها كد الحمل ومسوليه وربت 3 اولاد
حاربت المجتمع كان مصدر قوتها اولادها…
كملت دراستها وحققت طموحها…
المراءه قويه هي الي تسند الرجل مو هوه الي يسندهه… .
الله هو السند… ..
……………………… ..
رشــا… .
ليش هيج يوسف تسوي… بيه
يوسف اني من بدايه كتلج… اتزوج عليج
برضاتج او غضب عنج…
وانتي ضلين بيتج معززه ومكرمه وهيه بيت
اعرفكم بنفسي اسمي رشا من تزوجت يوسف
عمري 17 سنه يتيمه الاب ولام تربيت وعشت بيت
عمي بغداد صارت قسمتي ويه يوسف ازوجنه
باول يوم زواج حسيته ماراغبني سكتت
ومرت الايام وحملت وصار عندي ولد وبعدهه
بنيه يوسف زين ويايه ممقصر عليه بشي
لا اني ولا اولاده بس احسه ويايه جسد بس
روحه وعقله وكلبه بغيير مكان ..
تعرفون شكد صعبه من ينام يمج وباله وتفكيره
بغير مكان لو يكعد مفزوع بالليل ويصيح صابرين
شكد سكتت وغلست وبيوم واجههته واعترف
حبيبته سالته وينها وليش متزوجها… كال
اتزوجت الله يستر عليها ..
كلت ينسه بمرور الوقت صرت اهتم بنفسي اكثر
وبي بس مانسه وبيوم اجاني وكال راح اتزوج
تدرون شكد صعبه ع المره من زوجهه يتزوج عليها
تعاركت وياه وعاف البيت وطلع ويومين
مااجه بات بيت اخوانه…
بعدهه رجع وسمعت صابرين رافضه زواج منه
ارتاحيت بسس هو اكيد ماراح يبطل ويحاول
بعدهه سمعت وده ناس هواي وهم ماوافقت
خفت على بيتي واولادي…
قرررت اروح احجي وياهه علمود ينتهي موضوع
نهائيا…
بعد ما طلع يوسف واتاكدت انووو اليوم ماراح
يرجع للبيت لان راح تجي بضاعه للمحل ..
ماما اسراء… هاااا ماما
الجدر علئ الطباخ ديري بالج عليه عندي شغله
راح اطلع وارجع واذا اجه ابوج او احد سال عليه
كووليلهم راحت للبيت لخياطه ام عامررر
صارررر ماما ..
وديري بالج على اخوج الصغيرغيث نايم لا يكعد
ويروح على ماطور المي… حبيبتي…
لبست عبايه وبوشي وطلعت حتى لااحد يعرفني
ويرووح يكول ليوسسف ..
والله يصخمني ويعزيني… .
دكيت الباب طلع ولد صغير عمره ب 6 سنوات
وين ماما… جوه صيحليها… فات شويه
واجتي صابرين ..
اني شايفتها من بعيد بسس ابد مملتقين رغم
صداقه عدنان ويوسف مع بعض،…
ام محمد… ايي اتفضلي
عندي حجايه وياج .. فتت جوه كعدت رفعت
البوشي ..
اني زوجه يوسف ..
صابرين… 😳اتفاجات
اسمعيني اجيت ليوم لا اعاتب ولا الومج
انتي ام 3 اطفال وزوجه ثانيه وتعرفين شكد
صعبه من المرة زوجها يتزوج عليها انتي اكثررر
وحده راح تحسسين بالي احس بي ..
صابرين… لزمت ايدي رشا وكالت .. الله يخليج
لا توافقين… .لا تزوجين يوسف والله راح يعوفني
كلي اذا يتزوج…
اني يتيمه وين اروح اني وجهالي…
ضلت تبجي وتحجي كسرت قلبي ..
مسحي دموعج اني رفضت يوسف وليوم راح
احجي وياه وانهي الموضوع…
تشكرت مني… .وراحت
-عمتي طلعت هاي منووو. زوجه يوسف .
شرايده… تكول لا تزوجين يوسف…
حاولت اشغل روحي بشغل البيت وافكررر
شون اتصرف ويه يوسف… .لليل صعدت اتمددت
واني افكررر ..
كمت اخذت تلفوني واتصلت عليه ..
يوسف دك تليفوني…
شفتها صابرين… طلعت بره للحديقه،..
رشا جنه كاعدين ع تلفزيون بعد العشا دك
تلفونه شفته فرررح عرفت صابرين اتصلت عليه
اخذه وطلع بره للحديقه ..
رحت باوعت من شباك للمطبخ شفته يحجي
ويفتررر بالحديقه شويه وصار عصبي وكام يصيح
وياشررر بايده…
صابرين… دكيت على يوسف راسا فتح خط
كال… الوووو… .الوووو
يوسف انت مو تريد رد نهائي… ايي
اني ماموافقه هذا اخررر كلام وياريت بعد
لا تفتح الموضوع مرة ثانيه…
انت انتهيت من حياتي من يوم ازوجت عدنان
اني ماافكررر بالزواج مره ثانيه اولادي كل حياتي
مع السلامه وسديته…
مؤلم أن تكون مُقيد بمَاضيّ ذهبتّ سعادتك مَعه.💔😢
حبي الاول يوسف بس حياتي الحاليه هم اولادي
.. قطعت علاقتي
بيوسف نهائيا وحظرت رقمه…وماعرف اخباره…
جنت مرات اشوفه بالمنطقه من بعيد بالصدفه
مثل اول مررره…شفته…
ومرررت الايام والسنوات… .
التهيت بحياتي واولادي ومرض عمتي ام عدنان
اشووو الوضع صار ميطمن على اساس يكولون
دخول داعش لانبار وصايره بينهم وبين جيش
اشتباكات وهسه منع تجوال بالانبار ..
يارب سترك…
طبعا خالتي وزوجها قبل هاي الاحداث رجعوا
سافروا لعمان بعد متخرجوه اولادهم علي وياسين
وصاروا اطباء وتزوجوا من عراقيات…
بالليل كالوا داعش طبت لانبار الصبح كعدت
على اصواتهم بالشوارع وجوامع يدعون لدين
باسم الدوله الاسلاميه ..
ولااسلام بريئ من شكولهم… .
جانوا داعش يفترون بشوارع بسياراتهم
لو يمشون والسلاح بايديهم لابسين دشاديش قصيرة سود
ولحايه طويله لحيه صخل اعوذ بالله
والوجوه متروسه حقد وكره . … .وقسوه…
خفت ماعرف شسوي وين اررووح…
عمتي مقبلت تعوف بيتها ومنطقتها تكول اموت
هنااا…
حالتها كلش اتزمت وضربتها جلطه خابرت ولدها
اجوي اخذوهه بقت يومين بالمستشفى وتوفت
الله يرحمها…
طبعا محمد ممنعته من هديل وكل عطله يروح
لبيت جده ويبقئ هناك لو يتصل بهديل … .
جان يكولي… ليش مابقت مثلج… ليش ماربتني
ماما امك منعرف شنووو ظروفها
اني عندي شهادتي وراتبي… يمكن جانت مجبوره
محمد شخصيته غامضه وهادئه ويحمل هواي من
صفات عدنان…
بيوم دخول داعش على الانبار…
اتحاصرنه ببيوتنه لا نكدر نطلع ولا نطب
الناس حيل اتذت… .
وعشنه برعب فضيع… .وخووف مالي كلوبنه ..
مااعرف وين ارووح وشسوي… .دموعي نزلت
حضنت اولادي…
محمد ماما لا تنقهرين… حبيبي اني مخايفه
من الموت خايفه عليكم… والله اموت اذا صار بيكم شي غيررررر…
كامت الناس تطلع من المدينه… ..
اني خفت على اولادي… ..
جيرانه بيت ام ضرغام راح يطلعون… .الفجر
فكرت اطلع واياهم ..
لبست عباتي وبوشي وطلعت رحت عليهم
حتى اطلع وياهم… .
كالوا راح نطلع باجرررر الفجررر..
ومناخذ شي بس لفلوس وذهب ومستمسكات
حتى لا يحسون علينه مهزومين… .
رجعت للبيت واني صفنه جيبني وصفنه توديني
محمد… ماما شبيج… ماكو شي قبل الفجررر طالعين ..
وين ماما… .. بعدين تعرف…
كمت سويت عشا هالموجود وتعشينه
لميت كل المستمسكات واخذت لفلوس وذهب
لبسته حتى لا يشكوون…
بقيت لليل كله بخوف وقلق… .
قبل لفجر طلعنه احنه وبيت ام ضرغام بسياره
بيكام ام الصدرين نسوان وجهال اخذنه ابو ضرغام
بالطريق مضلم ويخوف واني متت خوف وحاضنه
اولادي على ياساعه يكتلونه هذوله وحوش
بس يتصنعون الدين ولاسلام برء منهم ..
بخوف ورعب وكفت سياره مسافه نزل ابو ضرغام
كال نزلوا نزلنه …
اكووو سيطرات داعش وصعبه مراح نكدر نطلع
راح نروووح مشي وفعلا نزلنه بقينه نمشي
وصلنه القائم ومن قائم انطينه فلوس وطلعنه لسوريا… حسيت براحه المهم خلصنه برواحتنا
بقيت كم يوم مخيمات نازحين عراقيين بسوريا
بعدهه طلعت تركيا خلال هالفتره كدرت اتواصل
ويه خالتي جانو يدزولي فلوس كدرت احصل
جوازات ورحت لعمان…
بقيت سنتين بعمان طبعا جهال اتبهذلوا واني
مدرسه ولازم ارجع لوظيفتي… .
رجعت بقيت باربيل سنه وحده من تحسنت
الاوضاع رجعت لرمادي طبعا البيت مهدوم
ونوعا ما واثار طلق نار…
صلحته وكعدنه بي ورجعت لوظيفتي ومشت
حياتنه عاديه .. طبعا هذا مختصر كلش قليل
لقصتي من الي عشته…
هسه اني الحمدلله عايشه بيتي وبين اولادي
عندي سيارتي خاصه وظيفتي ومستقله بنفسي
وممحتاجه الاحد ..
رحمه ويوسف هسه ثالث متوسط امتحنوا
وينتظرون النتائج… .
ومحمد سادس وليوم راح يمتحن احياء
ادعوله… .حلمه يطلع معدل وينقبل بكليه
عسكرية مثل ابوه عدنان .. يحقق حلمه
واني ارفض اكووون زوجه ثانيه لاي رجل
واعيش نفس التجربه مره ثانيه اولادي هم حياتي .. وسندي بالدنيا ..
اوكسسسسجيني اولادي النفس مالتي… هما
ربي يحفظهم الي ..
يوسف حب مراهقه وانتهئ بالنسبه الي
وبعدهه عدنان زوجي الله يرحمه اما الان اولادي
هما كلشي الي بالدنيا…
هناك بعض البشررر… .
مـوجـودون فـي قـلـوبـنـا . .
ولـكـن لآ يـمـكـن أن يــتـواجـدو فـّي حـيـاتـنـا
حـقـيـقـة مـؤلـمـة ولـكـن عـلـيـنـا تـقـــبـــلهــآ . .
يارب اكون ماطولت عليكم وعجبتكم قصتي
واشكررر الي نقلت قصتي ومعاناتي… .
تمر.. الحياة..بين حلم.. وأمنية.. ولا يحدث..
الا ما... كتب الله... لنا.... عيون تحلم.. وقلب....
يتمنى. ..
واشكررر صديقتي ام حسوني تعبت وياي هواي
في امان الله حبايبي اختكم فجر المساري… .
🌹🌹🌹🌹🌹🌹 2019/7/4تم… دمتم بخير…