رواية_أوكـــســجــيــن بقلم_فـجـر_الـمسـاري

الفصل الثاني البارت ١٠

#الفصل_الثاني_البارت_العاشر
#رواية_أوكـــســجــيــن
#بقلم_فـجـر_الـمسـاري
#رواية_حقيقيه
#قصص_نور_قلبي

  مساء الورد والياسمين 🌺🌺🌺🌺

‏لن أخُبرك أننَي أحتاجُك، ولنَ أتحُدث بَصراحة مُعك، لن تٌشاهدني أتألمَ مًرة أخُرِى ولنَ نتخُاصم أبدًا، سَأكون هَادئ للحُد الذَي يشعّرك بأننَي لسُت موَجود."

يله يمه روووحي غسلي فوك وغيري ملابسج

وحطيلج شويه كحله بعيونج وحمرة ..

خطية عدنان تعبان ويريدج... بسس مطلعت

الاربعين ماكدر ..جات تضحك عليه وتكولي ميخالف ياعيني عود ورا الاربعين عرسوا... خجلت

صار وجهي ينطي الوان...

يله هسه صعدي لو اضربج بالطاوه رفعته عليه

شوفي شكلج جنج طالعة من القبر... وضحكت

بوستها وصعدت غسلت وبدلت ورتبت نفسي

جان ماكوو كهرباء جنا على ضوه الشمعة لبست

تراك مريح وتعطرت وحطيت كحلة هههه ومكياج

خفيف ونزلت شفته لعدنان ديصلي بالهول

وعمي كاعد يمه من شافني ابتسم ..وكال

اي هسه رجعتلج الحياه الحمدلله يارب

من رجعلج عدنان بالسلامه خبلتنا بجي عليك

بالاثناء عدنان جان يخلص الصلاه ولف سجاده

رفع راسه باوعلي وابتسم...

عمي جان يكول يالله بنيتي متنه جوع...

صبينه الاكل وكعدنه ناكل صح جان بسيط

خبز ومن المواد الموجودة ..تعشينه على ضوه

الفانوس غاز ولمبات النفط...

وعدنان... يسولف عن وحدته جانت بالجنوب

وشون ضلوا يقاتلون بسس مشكلة جانت الاسلحة

قديمة وقصف شديد ومن شافوهم اتقدموا

اجتهم اوامر بالانسجاب وانسجب كل لجيش

واخذه احد اصدقائه بيتهم بالعمارة ضالين

خاتلين بالمزرعة هناك الى ان سمعوا بالسقوط

وبمساعدة. شيوخ من محافظه عبروا لمحافظة

الئ ان وصل لرمادي...

جان يحجي ودمعته بطارف عينه وغصه بكلبه

حقه مو سهله عليه ..

صابرين... ميخالف المهم انت سالم...

الله يسلمج...

كملنا عشه فتت لمطبخ داغسل لمواعين وجان