#الفصل_الثاني_البارت_الثالث_عشر
#رواية_أوكـــســجــيــن
#بقلم_فـجـر_الـمسـاري
#رواية_حقيقيه
#قصص_نور_قلبي
اني عطت كتله ماريد هيه كوه ماريدك توصلني
جان يرفع اصبعه وياشرلي اششش اسكتي
لا اطلع قهري بيج… خزرته ..
اي مووو اني مكفخه الك
مسح وجهه بثنين ايديه …
استغفر الله شون ابتلي بيها هسه…
امشي كدامي صعدي بسيارة… ماروووح عمووو
يوصلني ..
جرني من ايدي وصعدني بسياره وسد لباب
واندار وصعد حرك ومشينه…يسوق بسرعه
شغل مسجل اغاني قديمه… واني ابجي… صاح
مووو كافي عاد تبجين قابل راح اكلج
اسكتي لخاطر محمد… بسس تبجين شبيج يوولي
جنج جاهل… شخليتي لجهال ..
كافي موو راح تنسين الي قريتي وترسبين وشيخلصنا عاد…. ضحك…
شكد فطيره طلع كلينس… هاج اخذي مسحي
دموعج…
وصلنه للمعهد اخذت كتبي وجنطتي فتحت باب
لسياره اريد انزل .. صاح .. صابرين
انداريت… راح انتظرج… لا خاف اتاخررر ارجع
وبعدين عوود مرررلي… مقبل
لا انتظرررج… نزلت وفتت للمعهد
شفت لبنات صديقاتي سلمت عليهم…
صار وكت الامتحان فتنه لقاعه نمتحن
والحمدلله جانت الاسئله سهله وجاوبت بسس
جنه الكل نفسته تعبانه ومخنوكين بسبب ضياع
الوطن بيد المحتل…
كملت وطلعت شفت عدنان ينتظرني واكف خارج
سياره… على الجهه الثانيه… اوووف شعره كسخته نظاراته شمسيه
للصبح مجنت منتبهه مدري هسه صار بعيوني حلوو
سمعت بنات اثنين وحده تكول لثانيه شوفي شوفي هذا الصاك… والثانيه تكللها دباعي الكيك
تعالي تعالي خل نروح نحجي وياه ..ضليت ساكته
وصافنه يمه شون جررريئات ..
بقيت واكفه ورا شجره جبيره صايره باب المعهد
داشوف… راحووو لبنات الاثنين ..
السلام عليكم…
عدنان وعليكم السلام ..
احنه اول مره نشوفك هنا عندك خط ..
أنت تقرأ
رواية_أوكـــســجــيــن بقلم_فـجـر_الـمسـاري
ChickLitعفت بية وجع شمعة اعله صينية عرس بالليل اوج بروحي بس الناس متونسة... قصة حب والم وفراق حقيقية... . #رواية_أوكـــســجــيــن #بقلم_فـجـر_الـمسـاري #الرواية_حقيقية #قصص_نور_قلبي.
