السلام عليكم اخر بارت عاد سلمو 😒
# شيخ & العشگ
° BS___BS كاتبة
البارت الاخير خايبين راح اشتاقلكم 😭🥺
قراءة ممتعة
. . . . . . . . . . . . .
سما . . شنو ليش توديني على اهلي
جاسر . . مو تريدين تطلكين هاهيه روحي يم اهلج لبين ما افكر بالموضوع
سما . . بس اني
جاسر . . اشش اريد انام تعبان
سما بنفسه . . عززه هذا من كله عقله صدك يريد يطلكني زين اني حامل شنو ماهامه اووف يربي شسويت اني
ضلت سما كاعده و تفكر بحجي جاسر صدك يطلكه اي اكيد يطلكه هي الي طلبت بلسانه هل شي
نامت سما و باله يم باجر شنو ضامله و يم هذا البارد الي نايم يمه و مامهتم و لا فرح بحمله
. . . . . . . . .
سجى . . عززه مريم هيج سوت
شيخة . . اي و الله يمه لبنيه تخبلت لان ماكو بنيه عاقله تسوي بنفسه هيج
سجى . . لا هاي صدك خبله . . زين جاسر شسويه
شيخة . . طرده من البيت و عساس يكول العمج بس الشيخ ماقبل هو باجر يروح يكله
سجى . . اي حيل بيه وين الله و يكتله و نخلص منه هل ادبسزز
شيخة . . عوفيه هسه و كومي ودي صينية العشة سما خطية خاف تنام و هي ماكلت
سجى . . يبوو نسيته هاي الفاهية
شيخة . . ولج عيب مرت اخوج شنو فاهية
سجى . . و الله فاهية مشوفين مريم لعبت بيه جوبي
شيخة . . هي مريم حيه و هاي لبنيه على نياته تتعامل ويه الناس
سجى . . اووف يمه مي بارد و نزل على كلبي دشوف باجر عمي شنو راح يسوي بيه
شيخة . . الله كريم كومي عاد لبنيه هسه نامت صار ساعة تاني
سجى . . اي اي كمت
شالت سجى الصينية مال عشة لسما و جاسر و صعدت جانت باب الغرفة مردود دفرته على الخفيف برجله و فاتت
سجى بصوت ناصي . . سما سما . . يالله نامت ولج سما
كعد جاسر اندار عليه . . هاا سجى
سجى . . ياا كعدتك بس جبت أكل السما شو نامت
جاسر . . اي نامت نزلي وياج
سجى . . و انت خوية متأكل
جاسر . . لا حبيبتي نزلي ماشتهي
سجى . . ماشي
طلعت سجى و سدت الباب وراها باوع جاسر على سما و اندار إنطاها ظهرة ونام
. . . . . . . . . . . . . . .
ياسر . . الوو
لمى . . هلاو حبيبي
ياسر . . حبيبج مو . جا متسئلين على حبيبج توج تذكرتيني
لمى . . عززه قبل شوية جنت احجي وياك
ياسر . . شوكت ذكريني
لمى . . قبل شوية من سديت التلفون بوجهك
ياسر . . صدك ذكرتيني ولج شلون سدين التلفون بوجهي
لمى . . لانك واحد مايستحي
ياسر . . اني ماستحي
لمى . . اي انت
ياسر . . ههههه ماستحي لان كلتج مشتاقلج و نفسي اخضنج
لمى . . اي ماتستحي
ياسر . . جا لو اكلج انطيني بوسه جان سويتي
لمى . . ياااسر و الله اسد التلفون
ياسر . . ههههه ماشي ماشي حبيبي راح اسكت
لمى . . اي احسن
ياسر . . زين اكلج
لمى . . كول
ياسر . . سما حامل
لمى . . يااه شنو صدم جذب و الله عليك الله صدك
ياسر . . هههه ولج شوية شوية شبيج خايبة هههه اي صدك قبل شوية اجت من المستشفى و هناك عرفو حامل
لمى . . ياااي اروح اكول الاهلي باي
ياسر . . ولج تعاي ولج . . سدته خرب يومج شكد احبج
. . . . . . . . . . . . . . .
ياسر . . الوو
لمى . . هلاو حبيبي
ياسر . . حبيبج مو . جا متسئلين على حبيبج توج تذكرتيني
لمى . . عززه قبل شوية جنت احجي وياك
ياسر . . شوكت ذكريني
لمى . . قبل شوية من سديت التلفون بوجهك
ياسر . . صدك ذكرتيني ولج شلون سدين التلفون بوجهي
لمى . . لانك واحد مايستحي
ياسر . . اني ماستحي
لمى . . اي انت
ياسر . . ههههه ماستحي لان كلتج مشتاقلج و نفسي اخضنج
لمى . . اي ماتستحي
ياسر . . جا لو اكلج انطيني بوسه جان سويتي
لمى . . ياااسر و الله اسد التلفون
ياسر . . ههههه ماشي ماشي حبيبي راح اسكت
لمى . . اي احسن
ياسر . . زين اكلج
لمى . . كول
ياسر . . سما حامل
لمى . . يااه شنو صدم جذب و الله عليك الله صدك
ياسر . . هههه ولج شوية شوية شبيج خايبة هههه اي صدك قبل شوية اجت من المستشفى و هناك عرفو حامل
لمى . . ياااي اروح اكول الاهلي باي
ياسر . . ولج تعاي ولج . . سدته خرب يومج شكد احبج
. . . . . . . . . . . . . . .
بيت اهل سما
كل العائلة متجمعة الاب علي و الام خولة و عمر و ابنه انمار و مها و رجله هم بايتين يمهم
و كاعدين يتفرجون على فيلم مثل العادة مصري شوية و نزل حيدر من غرفته كعد وياهم
حيدر . . يا جماعة الخير عندي موضوع وياكم
علي . . خير يابة كول
حيدر . . يابة خلينه نروح للبصرة و نطلب ايد بسمة بت عمتي
خولة . . صدك يمه
حيدر . . اي جيكت اموري و أني جاهز نطلب ايده و نقرة الفاتحة و نسوي خطبة
عمر . . حيلك حيلك خل نكول للجماعة بل الاول شمو مستعجل
علي . . اي يابه كلام اخوك صحيح لازم ننطي خبر الرجل عمتك و يحضرون همه امورهم يله
حيدر . . ان شاء الله
حيدر رجل مها . . مبروك يابه يوم الي نزفك و نخلص منك
حيدر . . هههه تسلم يوم الإبتك الي جاي
بهل أثناء نزلت لمى دبج من الركض على الدرج
حيدر . . هوش هوش بقرة نازلة
خولة . . ولج على كيفج انزلي رجلج مصار فترة من تعافت
لمى . . مو مهم هسه جايبتلكم خبر بمليون
حيدر . . الي هوه
لمى . . انطيني المليون اكلك
حيدر . . نعلون عندي تريدين
لمى . . بابه شوف حيدر شلون يحجي وياي
علي . . حيدر لا تحجي هيج ويه اختك
حيدر . . لعد خل تحجي
لمى . . ماشي بس شتطوني
عمر . . ولج كولي عاد
لمى . . ههههه ماشي ماشي . . احم احم سما حامل
خولة . . صلوات صدك يمه تحجين
لمى . . اي هسه ياسر كال
علي . . اي ألف الحمد لله تتربة بعزهم و دلالهم ان شاء الله
حيدر . . زين اكلج خبر بمليونين
لمى . . كول
حيدر . . بهل فترة نروح نخطب بسمة
لمى . . يااه صدك حبيبي مبروك . . و راحت حضنته
بهل اثناء نزلت حلا مرت عمر
لمى . . اجيتي بوكتج تعاي اكلج خبر بمليون
حيدر . . لا لا اني اكلج خبر بمليونين
حلا . . زين شنو رأيكم اكللكم اني خبر ب3 ملايين
عمر . . شنو الخبر حبيبي
حلا . . اني حامل
خولة . . ما شاء الله ما شاء الله . . الله يزيد نسلكم مبروك يمه عمور
عمر . . الله يبارك بيج يمه . . بس حلا شوكت عرفتي
حلا . . اليوم الصبح و جنت انتظركم تتجمعون عمود اكللكم
لمى . . هييه صار عدنه 3 حوامل
حلا . . ليش منو بعد حامل
لمى . . مها و انتي و سما
حلا . . سما حامل شوكت
لمى . . مو دكلج خبر بمليون يحظي
حلا . . وبعد ابو المليونين شنو
حيدر . . هذا يمي الخبر . . راح اخطب قريبا هههه
حلا . . مبروك ان شاء الله
حيدر . . يبارك بيج يوم الرجلج هههه
عمر . . استر عليه ولك ماريد
حلا . . ههههه شيخلصه مني اذا زوج
عمر . . و داعتج مو خبل عمود اسويه هي مره و تورطنه
حلا . . يااه تورطت
عمر . . هههه دشاقة شبيج احلا ورطه وربي
حلا . . هههه عبالي
عمر . . احبج اني والله
لمى . . يبوو مو جنتو توم و جيري تتعاركون ليش انكلبتو عصافير حب حلا يضحك عليج ترى بهل حجي
عمر . . ولج معليج انتي
الكل . . ههههه
خولة . . يارب يديم هل فرحة علينه
الكل . . امين يارب
. . . . . . . . . . . . . .
فهد . . شنو عيد ولك منو تزوج
سرمد . . فهد شوف اني و الله لا اعرفه و لا حاجي وياها و بس كم مره شفته من تصاوبت و هاهيه و اني جيت ناسبك لأن انت انسان شريف و متربي و اخلاقك هي الي تحجي عنك و اني جاي اطلب ايد اختك لان من تربيتك
فهد . .
سرمد . . احجي لا توترني اكثر
فهد . . خجلتني شكلك
سرمد . . موافق لا
فهد . . خلي اشوف الجماعة و انت سأل علينه يا اخي يجوز نطلع مو زينين
سرمد . . لا ماسأل اني جيت و اعرف من منو طالب
فهد . . ماشي دكوم ولي هسه اريد انام و لا تشوفني وجهك لحد ماردلك خبر
سرمد . . طرده محترمة ماشي
فهد . . هههه ولك و الله تعبان شبيك متحس
سرمد . . هسه شكايل اني راح اولي . . زين شوكت تبدي دوام
فهد . . خلي اكوم على حيلي و اعرس وراها اداوم
سرمد . . ماشي . تصبح على خير
فهد . . و انت بخير
طلع سرمد فقرر فهد ينام توه ديغفه طبت عليه ريم
ريم . . فهد كاعد
فهد . . اييي ليش انتو مو عيب تخلوني انام
ريم . . منو انتوو
صفن فهد شوية و كال . . ريم منو جان يمي قبل شويه
ريم . . صاحبك
فهد . . منو صاحبي
ريم . . و شمدريني بصحبانك اني . . عززه فهد بس لا فقدت الذاكرة
فهد . . لا مابيه شي بس عوفيني اريد انام
ريم . . ماشي خلي ألم الستكاين و نام
لمتهن و طلعت رجع دينام دك تلفونه
فهد . . شكو اليوم حالفين مانام شنو سالفتكم
شاف المتصل سجى
فهد . . اخخ الله نسيته . . فتح الخط قبل لا يحجي اجاه صوت سجى يرعد
سجى . . ادري مثل الواحد الي مامصدك يخلص من شغلة رجعتني لبيت اهلي لا خابرت لا طمنت وصلت لا يجوز متت بالطريق يجوز نخطفت بالغلط شيل تلفونك و دك حبيبتي وصلتي لا بالغلط ماسويته صدك جذب فهد هيج متريدني انت
فهد . . اوف اوف لسان شاجور هذا
سجى . . نوب يقلد شكد مستفز انت
فهد . . دسمعي
سجى . . شكو
فهد . . احبج
سجى . . جذاب
فهد . . اني جذاب
سجى . . اي جذاب شلون تحبني و انت لا تحجي ولا تسأل عليه
فهد . . خايبة الي يسمعج يكول عايفج شي سنتين لو مو من كم ساعة جنتي هنا يمي انت طلعتي اجه صاحبي و قبل شوية طلع دنام انتي دكيتي
سجى . . هاا دتنام يعني دكلي روحي
فهد . . شوف اني شحجي وهيه شتحجي . . سجى حبيبي شبيج اليوم مو طبيعية
سجى . . ولك احبك خايب افهم احبك و اريد احجي وياك بكل ساعة بكل دقيقة بكل ثانية
فهد . . بس هذا خبال حبيبتي مو حب
سجى . . لا حب
فهد . . لا مو حب من تجين يمي اكلج شنو الحب
سجى . . كول هسه
فهد . . لا ميصير مترهم على التلفون
سجى . . هيه وحده من الثنين لو انت دتحجي شي عيب لو اني صايرة ادبسزز و هيج جاي افهمه
فهد . . ههههه لا اني جاي احجي شي عيب
سجى . . عززه فهد
فهد . . هههه و الله تعاي و اعلمج الحب شنو اخليج دكولين التوبة بعد احب
سجى . . شهل حجي فهد
فهد . . هو هذا الحب عندي زين تعاي اكلج الحب بليل العرس شلون يصير و . . الووو هههه سدته نسوان متجي له هيج خايبات انتن مو مال عين و اغاتي و هسه اكدر انام بدون ازعاج
. . . . . . . . . . . . . .
ثاني يوم الصبح بيت الشيخ هاشم على الريوك
الكل كاعد يتريك و الهدوء جان سيد الموقف كمل جاسر و كام
جاسر . . الحمد الله . يله سما كملي و تحضري عندي شغل اكضيه و اوديج
الحجية . . وين مودي الفرخة ولك جويسر
جاسر . . حبوبة على اهله تريد تشوفهم و هم نكللهم بخبر حمله
الحجية . . شوف جويسر تأخذ بيدك تشوف اهله و ترجعه بيدك يا ويلك ترجع بدونه للبيت ما فوتك فاهم
جاسر . . اني يمته كلت راح ابقيه
الحجية . . خاف بالك تبقيه دير بالك و هاي سالفة تريد تشوف اهله مو عليه مو زغار انتو
جاسر . . ماشي حبوبة وصل كلامج لا تلمحين . . يله اني طالع في امان الله
الكل . . الله وياك
طلع جاسر كلمو ريوك و لمن السفرة دتصعد سما تحضر نفسه صاحه الشيخ
الشيخ هاشم . . بنيتي سما تعال اريدج بكلمة
سما . . أي عمو جاية . . راح عليه جان كاعد بالصالة
كعدت بصفه . . اي عمو
الشيخ هاشم . . شوفي بنيتي الي صار البارحة انسي اعتبري ماصار و جاسر ابني صحيح ضايج هسه بس هو حنين و يرضه
سما . . ان شاء الله عمو
الشيخ هاشم . . بس اكلج شغلة بنيتي مو كلشي تسمعي تصدكي و لا كلشي تشوفي يعني صدك هذا الشي مرات الشغلات الي تصير لازم نلكيله مبرر ليش صارت ليش دصير شنو الصار
لازم نعرف المقصد من الشي الي ديصير و منتسرع بالحكم مو اقل شغلة تصير طلكني و طلكني ميصير بنيتي هل كلمة لازم مو بسهولة دكوليه و خاصة هسه راح يصير عدكم طفل
مو حلو الزعل و خاصة بهل فترة لازم تكون هاي احلا ايامكم يعني ما صارلكم 5 اشهر مزوجين و انتي حامل هاي احلا فترة بزواج قابل تكضوه كل زعل
سما . . عمو هو حته بحملي ما فرح
الشيخ هاشم . . من هو كلج ما فرح انتي ما شفتي وجهه الصبح من جنت اباركله جان طاير من الفرح بس هو ابني و هيج من يضوج من شخص يرضه عليه يله يشوفه ضحكته
سما . . مو خوش طبع
الشيخ هاشم . . ههههه هو هيج شسويله ابدله قابل
سما . . هههه لا عمو مو هيج
الشيخ هاشم . . ماشي بنتي كومي تحضري ماضل وكت هسه يجي جاسر
سما . . ماشي عمو
صعدت سما لغرفته سبحت و بدلت و كعدت تاني جاسر يجي نص ساعة و اجه
جاسر . . اطب اسبح و راها نروح
مانتظر رده اخذ المنشفة و طب
سما . . اوي زعلان مو اني اعرف شلون اراضيك
شوية و طلع جاسر بالبنطرون الأسود و قميص الأبيض مكتوب عليه بالأسود و شايل المنشفة ينشف شعره
وكف كدام المراية مشط شعرة و لبس الساعة و خله عطر و لبس شفقة سودة خله المحفظة بجيبه و تلفون و المفتاح بيده شال المناظر
و اندار على سما الي جانت مركزة بكل حركة و تفصيله يسويه
جاسر . . اعرف حلو لا تصفنين يله امشي
مشه و عافه
سما . . منو كلك حلو شلون مغرور
جاسر . . شني خبلتج بجمالي و صرتي تحجين ويه روحج امشي بويه تاخرنه
سما . . جايه يل مغرور
جاسر . . شني متاخذين جنط وياج
سما . . ليش راح نبات
صفن عليه جاسر شوية وحجه . . امشي هسه بعدين نشوف تباتين لو لا
سما . . حبوبة متقبل ابات
جاسر . . كتلج امشي بعدين اني زوجج مو حبوبة
سما . . بس
قاطعة جاسر . . انزلي كدامي
نزلت من الغرفة و جاسر وراها سلمو على الاهل و ركبو السيارة و راحو لبغداد
. . . . . . . . . . . . . .
بيت فهد
ريم . . يمه اروح اكعد فهد يتريك
حمدية . . لا يمه شوفي بالاول اذا كاعد صيحي و إذا نايم عوفي خطية تعبان
ريم . . ماشي
راحت ريم للاستقبال دكت الباب على كيف و فاتت
ريم بصوت ناصي . . فهد . فهد كاعد
فهد . . هاا اي كاعد
ريم . . اي زين جا تعال تريك
فهد . . صيحي ابو الفضل يجي يساعدني اكوم
ريم . . ماشي
طلعت ريم و صاحت على ابو الفضل اجه سند فهد و ساعدة يروح للحمام و يغسل و اخذه للمطبخ يتريك
فهد . . صباح الخير
الكل . . صباح النور
ريام . . هلا بهل طول خوية يسعد صباحك
فهد . . و صباحج خيتي شلونج
ريام زينة بشوفتك
فهد . . دومج خوية بتج وين
ريام . . بالغرفة هسه اجيبلك ياها
فهد . . خيتي امانة عليج اذا خليه عوفيه
ريام . . دقيقة خل اشوفه
حمدية . . اصبلك جاي يمه
فهد . . اي حجيه صبي خلي نتريك لو تريكتو قبلي
ابو الفضل . . لا امي ماقبلت أله بوجودك نتريك
فهد . . جا صبو شني متانين
ريام . . هاك حبيبي لكيته كاعده شكلة تدري راح ادور عليه كعدتلك
فهد . . يمه فدووه حبيبه خالو . . شكد صار عمره
ريام . . شهرين و جم يوم
فهد . . خايبة هاي ماتكبر شني
ريام . . هههه خله صغيرة نلعب عليه
حمدية . . يمه اخذي لبنيه خلي اخوج يأكل
فهد . . اخذيه تنام و من تكعد جيبيه
ريام . . ماشي
اخذت ريام الطفلة ودته بالغرفة خلت ملهيه بحلكه و رجعت يمهم
فهد . . ماطول كلنه كاعدين عندي موضوع وياكم
حمدية . . خير يمه شني الموضوع
فهد . . البارحة طلبو مني ايد ريم
حمدية . . صدك يمه منو ناس نعرفهم
فهد . . اي حجيه نعرفهم كلش زين
ريام . . منو
فهد . . صاحبي سرمد طلبه و كتله اخذ رأيهم و ارجعلك خبر . . شنو رايج ريم
ريم . . هااا عززه ريام بتج جاي تبجي اكوم اشوفه
عافتهم و كامت بسرعه للغرفة
ريام . . ولج جذابة تعاي بنتي نامت
حمدية . . عوفيه يمه مستحيه
فهد . . انتي شني دكولين حجيه
ابو الفضل . . و الله اني عن نفسي موافق سرمد خوش سرمد
فهد . . خاب انجب انت الحجيه
ابو الفضل . . اي اني اخوه و انطي رأيي
فهد . . هاا حجيه شكلتي
ابو الفضل . . مو دكلك موافق
فهد . . تسكت لو شلون وياك
ابو الفضل . . ماشي سكتنه
حمدية . . انت شنو شوف
فهد . . و الله سرمد خوش ولد خلق و اخلاق ما يتعاب الولد يشتغل و شايل نفسه اني موافق بس بقت الشغلة يمكم
حمدية . . ماشي يمه احجي وياها و اشوف
فهد . . يمه لا تجبريه اذا متريد خلص مو غصب
حمدية . . صخام ولك اني اجبره
فهد . . هههه لا يمه مقصدي بس على راحته عوفيه
حمدية . . لا يمه شعلية بيه اهم شي هي راضيه و مقتنعه
فهد . . هاهيه جا . . بسم الله
بدو يتريكون ويدردشون بأمور عادية
. . . . . . . . . . . . .
بسيارة جاسر جانت سما كاعدة و ضايجة من الطريق و جاسر هم ميحجي وياها طكت روحه
سما . . جاسر .!!
جاسر . . ماكو رد
سما . . جاسر دحجي وياك جاوبني
جاسر . . هااا
سما . . عفية والله ضايجة من الطريق عاد احجي وياي ونسني
جاسر . . شني كايليلج عليه ركاص لو اهز جتف عمود اونسج نامي بوية و من نوصل اكعدج
سما . . اهووو
جاسر . . اششش راح اضربج على حلكج والله
سما . . تضربني
جاسر . . استغفر الله العظيم سما اسكتي
سما . . لا ماسكت و اريدك تحجيلي ليش ضايج مني
جاسر . . سما عوفيني بحالي
سما . . اشو ماعوفك و هسه تجحيلي لو والله اخبصك بصوتي و اثبرك و
قاطعة جاسر بصوته العالي . . شحجيلج . . احجيلج على صدمتي بيج و انتي تطلبين الطلاق لو صدمتي بيج و انتي تتهميني انو اخونج ويه بت عمي خونتيني سما طلعتي متثقين بيه حرامات حبي لج متستاهلي
سما . . ما ستاهله مو يعني متحبني
جاسر . . المصيبة انو احبج
سما . . لعد شتريدني اسوي و اني شفتك بعيني و هاي مريم الكلبة هم شفته
جاسر . . شنو شفتي سما شنو كله الشفتي مو حقيقة و انتي سمعتي هذا الحجي من مريم . . من البداية كتلج ديربالج من مريم مو سهلة تراه جاي تخطط الشي كتلج لو لا
سما . . اي
جاسر . . جا شكو سما محذرج منه و انتي بأول خطه له وكعتج
سما . . لا رد
جاسر . . احجي كليلي شسوي بيج هسه
سما . . شسوي بيه
جاسر . . لا رد
سما . . راح ذبني بالشارع مو
جاسر . . لا تمسلتين بالحجي
سما . . ادري بيك خبل سوية
جاسر . . لا جفصين بالحجي و اسكتي تعبان مناقصج
سما . . و شكو تعبان قابل انت الحامل
جاسر . . استغفر الله العظيم هم رجعت جفص
سما . . راح اسكت
جاسر . . اي احسن
سما . . راح انام
جاسر . اي احسن
سما . . اهووو
جاسر . . اي احسن
سما بعياط . . خبل مغرووور مستفزز
جاسر بالكوه ضام ضحكته . . اي احسن
سما . . اي لا تضحك بلكي تغص بيه
جاسر . . معليج و نامي كافي ازعاج
سما . . زين عادي اسئلك سؤال سخيف
جاسر . . اذا سخيف شكو سائلته
سما . . اي ضايجة شسوي
جاسر . . اي يابة اسئلي خلي اشوف
سما . . انت ليش متضحك
جاسر . . لا حولة ولا قوة إلا بالله
سما . . و الله جديات ماشوفك تضحك هواي
جاسر . . مو زين شايفه غيرج يتمنه
سما . . رجعنه للغرور
جاسر . . اذا ما عاجبج المغرور لتحجين وياه
سما . . اي انت تكيف ماحجي وياك لهل درجة كارهني
جاسر . . لا حولة ولا قوة إلا بالله سمااا اسكتي
سما . . واذا ما سكتت
جاسر . . اشوف اقرب حايط و فوت بي و عسانا بالموت اثنينه
سما . . اسم الله
جاسر . . اذا خايفة على نفسج عيج اسكتي
سما . . خايفة عليك اني و خايفة على ابنه
جاسر . . ماشي اسكتي
سما . . ليش متريد تحجي وياي
جاسر . . اخخخ الله ولج راح تجلطيني
سما . . ماريد اجلطك اريد اراضيك
جاسر . . عمي حته هيج مراضى ماريد
سما . . يعني مراح ترضه
جاسر . . حبيبي والله راضي ما زعلان منج
سما . . صدك
جاسر . . خايبة دكلج و الله
سما . . اوك لعد راح انام تعبت من نوصل كعدني
جاسر . . دكومي كومي وصلنه
سما . . صدك محسيت بالطريق
جاسر . . اي انتي شكو عليج اني الي ردت انجلط
سما . . كلت شي حبيبي
جاسر . . لا دكلج الحمد لله على السلامة و صلنه بأمان
. . . . . . . . . . . .
العصر بيت الشيخ هاشم
ياسر بصوت عالي . . سجى ولج سجى
سجى و تنزل ركض من الدرج . . هاا هاا خوية
ياسر . . لج النتائج مال سادس يكولون طالعة
سجى . . صخام شعدهم مستعجلين ماصارلنه هواي من كملنه
ياسر . . شمدريني هسه محمد ابن عمج جاسم كلي راح يشوف مال خواته . . ولج اذا طلع معدلج قليل اعلكج والله
سجى . . شوف الرعب يا الله هسه وكتك . . ياسر حباب طلعهن و شوف اذا خوش معدل كلي و اذا مو زين بدون مقدمات راستن علكني
ياسر . . دصعدي جيبي الحاسبة خلي من فوك خلي نشوف شمصخمه
سجى . . اي هسه
صعدت سجى جابت الحاسبة و هيه كلبة راح يوكف من الخوف و توتر تدعي بكلبه يكون معدلة عالي
سجى . . ياربي والله ماريد هندسة نفط و لا معمارية ولا مدني عاد ميكانيك هم حلوة يارب
ياسر . . دجيبي ام الميكانيك خلي نشوف معدلة يمكن تربية متجيبين
سجى . . لا مو لهل درجة مجاوبة اني
ياسر . . دكولي والله .
سجى . . اووف مادري دشوفه عاد
ياسر . . دنتظري جاي يحملن يتأخرن يله يطلعن
سجى . . اووف راح اموت
ياسر . . لا ولج لا تموتين هسه خلي اشوف النتيجة يله اذا مو زينة عمود اني اموتج
سجى . . بيش طالبني يمعود . . هاا طلعت
ياسر . . اي ولج
سجى . . يمه صدك اخخ عليك الله شوف زين
ياسر . . دكفي خلي اشوف اسمج وين
سجى . . يارب ماكو
ياسر . . دنجبي مو ثولتيني . . اكلج شسمه ابوج
سجى . . عززه
ياسر . . هاشم هاشم تذكرت
سجى . . ولك لا تلعب بعصابي كلي شفته لا
ياسر . . سجى محمد سجى عابد هههه ياته اسمج منور سجى هاشم هههه
سجى . . اي بشر
ياسر . . يبوو شني ابشر شنو مصخمه ولج ..
سجى . . شنو شكو شكد
ياسر بعياط . . ولج هذا شنو
سجى . . ش شنو
ياسر . . منين جبتي معدل 93 عززه بعينج انتي مو مامجاوبة
سجى . . جذاب هههه صدك لو تشاقة كللووووش خلي اشوفه
ياسر . . هههه شوفي ياته
سجى . . عززه اي والله هههه فديتني شطورة اروح اكول للشيخ واخذ هديتي و لا عبالك ناسيتك حضر هديتي هسه اجيك
ياسر . . خايبة و اني شعلية والله حلوة ناس تنجح و ناس تبتلي
سجى . . كوم شوف خطيبتك شكد معدلة بس اكلك لاتزعل مراح تجيب مثل معدلي
ياسر . . دمشي خايبة صار ساعة ماقريت و مامجاوبة و تدعين لوكية بس بهيج امور تذكرين ربج
سجى . . لا عبالك اليوم تضوجني اليوم سعادتي مانطيه لاحد و تنطيني هدية يعني تنطيني
راحت سجى و عافت ياسر يدك على لمى يشوف شكد طلعت معدل
سجى . . يابة . . بوية . . شيخنه . . يمعود وينك
الشيخ هاشم . . وجع ولج نصي حسج ادبسزز شتريدين
سجى . . اي غير فرحانة و جيت افرحك
الشيخ هاشم . . يا الله بشنو تفرحيني
سجى . . بتك الي هيه اني و بكل فخر و اعتزاز جابت معدل 93
الشيخ هاشم . . صدك بوية
سجى . . اي و الله هسه طلعنه اني و ياسر النتائج و معدلي 93
الشيخ هاشم و باس راس سجى . . عفية بنيتي مبروك ان شاء الله اشوفج احلا مهندسة
سجى . . بوجودك يارب
الشيخ هاشم وطلع من جيبة فلوس و نطاهن ال سجى . . عفية بنيتي رفعتي راسي بالسلف
سجى . . راسك دومه مرفوع شيخنه
الشيخ هاشم . . جا روحي على حبوبتج و شيخه كليلهن
سجى . . ياه بوية شمدريك بعدني ماكتلهن
الشيخ هاشم . . هههه اعرفج من صغرج انه اول واحد تجين دكليله
سجى . . هههه اي ولله صح . . ماشي رايحة اكللهن
راحت سجى دور على حبوبته و امه طبت بغرفه حبوبته مالكته بصالة ماكو
سجى بصياح . . يييممه وينج
الحجية . . وحمه تعاي جاي بالمطبخ
سجى . . هاا انتن هنا
الحجية . . لا غاد مو تشوفين كاعدين
سجى . . يااا شبيكم اليوم وياي هاي عود جايه افرحجن
شيخة . . خير يمه على شنو نفرح
سجى . . قبل شوية طلعنه النتائج اني و ياسر
الحجية . . اي و شمصخمه
سجى . . مامصخمه طلعت معدل 93
الحجية . . يابويه فلك الطرج ساقطة
سجى . . عززه حبوبه شنو ساقطة اسم الله عيب همين دكولين بله احد يسمعج شنو يفكر عاد كولي راسبة المهم حبوبه مالي راسبة معدلي عالي ويجيب هندسة معماري هم
الحجية . . خايبة انجبي تعلمني شحجي . . و هل حزه شرايدة
سجى . . حبوبة اكلج ناجحة على الاقل باركيلي
الحجية . . يمصخمه ماكلتي نجحتي
شيخة . . حجية هي طلعت معدل عالي يعني نجحت . . الف مبروك بنيتي اكوم اجيبلج هديتج
سجى باست راس شيخة . . يبارك بيج يمه الله يخليج الي
الحجية . . تعاي جاي مصركه خلي احبنج
راحت سجى على الحجية و بوسته
الحجية . . روحي لحجرتي تلاكين بالطبكه بُقجه صغيرة جيبيه و تعاي
سجى . . ماشي
راحت سجى لغرفة الحجية و جابت البُقجه و جتي
سجى . . هاج حبوبه
الحجية . . يسموه تفضلي مو هاج مثل الهوش
سجى . . ههههه ماشي
فتحت الحجية البُقجة كدام سجى و كلتله
الحجية . . شوفي يمه ياهي التعجبج اخذيه
سجى . . صدك حبوبه
الحجية . . جا اشاقة وياج ولج
جان بالبُقجة ذهب ضامته الحجية اشياء بسيطة كلادة و اساور و محبس و تراجي
سجى . . راح اخذ التراجي
الحجية . . ليش يمه الكلادة احلا
سجى . . لا حبوبه اني احب هل تراجي لان من المرحوم جدي هدية لج مو
الحجية . . اي والله يمه المرحوم جابهن بس ما يغلن عليج و بالمبارك اشوف ان شاء الله احلا دكتورة
سجى . . مهندسة حبوبه
الحجية . . الي تريدي لا دوخيني
شيخة . . هاج يمه . . خلت بيد سجى ملاوي اثنين . . مبروك حبيبتي
سجى . . فديتج يمه يبارك بيج
الحجية . . ولج خايبة كلتي للمصركع رجلج
سجى . . لا حبوبه هسه اكله
الحجية . . من تحاجي كليله حبوبتي تريدك خل يمر علينه من يطيب
سجى . . شتريدين منه حبوبة
الحجية . . سالفة بيني و بينه لا تدخلين
سجى . . ماشي من احاجي اكله
. . . . . . . . . . . . .
يم جاسر و سما وصلو لبغداد و جان جاسر بعد يسوق و كام يفوت بمناطق بعيدة عن بيت اهل سما
انتبهت سما للطريق تغير مو طريق بيت اهله
سما . . جاسر وين رايحين
جاسر . . تعبان اول شي نروح للبيت نرتاح و العصر اوديج الاهلج
سما . . يا بيت عززه
جاسر . . خايبة بيتي شبيج مو جيبتج مره شفتي
سما . . يبوو و الله نسيت سالفته . . اي عفية اني هم تعبانة و اذا هسه اروح الاهلي راستن انام من التعب
وكف جاسر السيارة يم العمارة و نزل و اشر على سما تنزل
نزلت و اخذه و صعدو للشقة مالتهم وصلو يم الباب و جاسر جان ديفتح بيه
سما . . اكلك هسه اكيد كله تراب شلون نسينه
هيه كالت هيج جاسر فتح الباب و فات و هيه وراه و انصدمت من شكل الشقة منظفة و لا بيه ذرة تراب
سما و تباوع لجاسر صفح . . منو منظف البيت
جاسر . . شمدريني
سما . . شنو شمدريك يعني عادي عندك تجي وره فتره تلكيه نظيفة هيج حته تراب ماكو عبالك ولا متروكه
جاسر . . اني وصيت صاحبي كاعد بالشقة الي جوانه انو يجيب احد ينظفة يمكن اهله او عاملة جايب هيج قصدي
سما . . اي عبالي
جاسر . . لا تكعدين تحليلين بدماغج اشياء خيالية
سما . . ما كاعدة احلل
جاسر . . تراه اعرفج . . كاله و فات للغرفة
راحت وراه سما لكته فاتح الكنتور و طلع هدوم
سما . . شنو راح تسبح
جاسر . . اي ليش عندج مانع
سما . . لا عبالي اني اسبح
جاسر . . يله تعاي
سما . . وين
جاسر . . اسبحي
سما . . لا انت فوت و اني وراك
جاسر . . اني ما كلت سوا قصدي كبلي تفكيرج ابد مو تمام
سما . . عززه اني تفكيري مو تمام
جاسر . . اي انتي . . كاله و فات من يمه و طلع راح للحمام
سما . . عزه شلون رجال يحجي حجي ويذبة براسي ويسوي روحة بريء اووف بس اعشقه
جاسر . . اني هم اعشقج كلبي
سما بصدمه اندارت لكته واكفة وراها و مجتف ايده وره ظهره
سما . . ااا انت مو طبيت تسبح شطلعك
جاسر . . من حسن حظي نسيت المنشفة عمود اسمع هل كلام الحلو
سما . . شسمعت
جاسر ويخلي ايده على حنجه . . تعشقيني يولي
سما بخجل هزت راسه ب أي
جاسر و نزل ايد . . بس مرتي متقبل احد يعشقني . . كاله و مشه اخذ المنشفة
سما . . منو مرت
جاسر وكف كدامه . . وحده
سما . . مني
جاسر . . وحده كلش حلوة و تخبل و تغار عليه هم . . كاله و تعداه و فات
سما راستن لزمته من ايده و وكفت كباله باوعت بوجهه و باسته بخده و همست بأذنه
سما بهمس . . انت الي فاهم شحده الي تفكر تاخذك مني بسنوني اكطعه . . بتعدت عنه و هي منزله راسه
ضل جاسر صافن عليه و على الحركه الي سوته
تقرب عليه و رفع راسه بيده لكاها تبجي
جاسر . . اشش اشش خايبة شو تبجين توج املخ و اكطع و هسه تبجين بوخه انتي بس حجي
سما و تشهك بالبجي . . ما ماريد و وحده ت تشاركني بيك ا اموت والله
جاسر و جره لحضنه و حضنه قوية . . اوف اوف اوف كله هذا لان كتلج مرتي تخبل و تغار عليه يثولة هيه مني مرتي مو انتي بربج هم عندج عقل انتي
سما دافنه راسه بصدره . . يعني جان قصدك اني
جاسر و باسه من راسه . . اووف يريحه هلي اي انتي قصدي شعندي غيرج اني و شسوه بدونج احبل اجيب
سما . . هههه لا متحبل و لا تجيب
جاسر . . اووف فطيرة على هاي تضحكين . . زين اكلج
سما . . كول حبيبي
جاسر . . يروح حبيبج مشتاقلج
سما . . شكد
جاسر . . خير من الله مشتاقلج
سما . . اني هم مشتاقتلك
جاسر . . شكد
سما . . بكد رحمه الله
جاسر . . فدواتك ربي دتعاي
( تصالحو 😒)
. . . . . . . . . . . . . . . . . . . .
العصر بغداد
سما طلعت من الحمام و المنشفة بيده تنشف شعره باوع على السرير جاسر نايم راحت يمه
سما . . لك جاسر اكعد عاد
جاسر . . اممم
سما . . اي دكعد صار ساعة دكلي اممم كوم اسبح اريد اروح اشوف اهلي
فتح جاسر تك عين و باوع عليه
جاسر . . شهل جمال كلبي
سما . . حلوة
جاسر . . تخبلين
سما . . دكوم لعد لا عبالك تضحك عليه بهل حجي دكوم يعني دكوم اروح ابدل من اكمل ألكاك كايم تسبح
جاسر . . خلي بليل اوديج مابيه حيل هسه
سما . . شنو بليل لعد شوكت نرجع للبيت
جاسر . . خايبة جا احنه وين
سما . . قصدي البصرة
جاسر . . شنو ضجتي مني تريدين ترجعين عبالي نبقه كم يوم وحدنه
سما . . صدك
جاسر . . اي كلبي خل نبقه كم يوم تراه بس ارجع راح ابدي الزم المشيخة و بنهاية الشهر ألتحق للشغل
يعني شبعي مني بس نرجع ماتشوفيني بعد
سما . . لا عفية جاسر
جاسر . . شني هو لا
سما . . لا تلتحق
جاسر . . جا منين تأكلين انتي و جهالج
سما . . يا جهال بعد واحد و توه صار
جاسر . . تريدين بنيه لو ولد
سما . . انت شتريد
جاسر . . اني عندي اهم شي تمام الخلق و اي شي يجي من الله نعمة
سما . . اي طبعا بس اني اتمناه ولد
جاسر . . ليش ولد غير بنيه عمود تتونسين وياها
سما . . ولد يشبهك عمود من تلتحق ما شتاقلك
جاسر . . لا اني هيج اغار بطلت ماريد جهال
سما . . هو شنو الي بطلت راح يجي بالطريق
جاسر . . يمكن بنيه
سما . . لا ولد اني متأكدة
جاسر . . الله كريم هسه كومي بدلي لو بطلتي متروحين
سما . . يااه شوف شلون لهيتني كوم اسبح يله
جاسر . . اني الي لهيتج خلفله عليج
سما . . هههه يله كوم عاد
جاسر . . اااي كايم شبيج ثبرتيني
كام جاسر اخذ المنشفة و راح للحمام
راحت سما للكنتور فتحته لكت فساتين جان جاسر مشتريهن له و كم حذاء و منسق كم شال وياهن اختارت فستان بسيط
لبسته وكفت كدام لمراية تشوف نفسه بي
بهل لحظه طلع جاسر من الحمام شافه كام يصوفر
اندارت عليه سما و ابتسمت
سما . . حلو
جاسر . . اووف يخبل .. بس كأنو صاير عندج كرش
هذا من الحمل
سما . . عززه يا حمل يا كرش ويني وين الكرش حته بعدني بشهر الاول متبين بطني . . عززه جاسر سمنت مو
جاسر . . اشش يمعود لا تبجين دشاقة وياج شبيج لا كرش و لا شي تخبلين و الله
سما . . لا تشاقة بعد . . و نعيما حبيبي
جاسر . . الله ينعم عليج . شوفي خمس دقايق اني مكمل اريدج قبل لا اكمل ألكاج مكملة و جاي تنتظريني ماشي
سما . . شنو
جاسر . . شني شنو بس تتأخرين ماروح تراه
سما . . اي خوش حجه و الله معليه ابدل على راحتي و راها نروح
جاسر . . كتلج اني بعد
سما . . حلسر عفية مالحك
جاسر . . احسن ما جاي تحجين ابدي جان هسه مكملة
راحت سما على السريع للمراية لمت شعرة و بدت تخلي مكياج بسيط ويه الفستان كملت بسرعة و راحت على الكنتور تختار شال
اخذت واحد و راحت ركض سويته بدون دنابيس مجرد لبست كاب و خلت الشال رفعته من فوك و لفته على ركبته بطريقة تركية
اندار على جاسر لكته مكمل و واكف وراها
جاسر . . كملت
سما . . هههه اني هم
جاسر . . عفية يله مشينه
سما . . دقيقة اجيب جنطتي و الحذاء
راح جاسر كبله لبس حذاءه و وكف ينتضره يم باب الشقة شوية و جتي
سما . . يله حبيبي
جاسر تقرب عليه و حضنه . . يروح حبيبج خلينه بليل تروح
سما و دفعته من صدره بخفه و راحت على الباب . . معليه اليوم اروح يعني اروح من عساي اطلع وحدي . . فتحت الباب و تريد تطلع
جاسر بسرعة لزمه من ايده و جره عليه من جره انسدت الباب قوي
جاسر . . وين رايحة وحدج شني مو زلمةة مو بعينج انه
سما . . لا والله مو هيج انت زلمة حبيبي بس مو شلعت افادي متقبل تروح
جاسر . . من اكلج اخذج يعني اخذج سما لا تسوين حركات مال جهال . . حجه و مشه تعداها . . اندار عليه . . شني شلعت افادج منين متعلمه هل حجي
سما . . حبوبه هيج دكول
جاسر . . لا تمشين بعد وياها . . ويله مشينه
اندار فتح الباب جان يشوف صاحبة الي بالشقة الي جواه واكف كدام الباب من شفه مد ايده وره ظهره دفع سما بخفه منعه انو تطلع
جاسر . . هاا محمد
محمد بصفنه . . جيت دشوفك
جاسر . . شبيك مسلهم
محمد . . مو قبل شوية فتحت الباب و نركعت قوي مادري شصار
جاسر . . هاا هاي اني جنت فاتحة و الهوا قوي سده
محمد . . هوا بشهر الخامس
جاسر . . اي تصير تصير لا تشغل بالك و هسه مرخصتك طالع
محمد . . لا حبيبي اخذ راحتك نازل اني عود بغير وكت امرلك
جاسر . . الله وياك
نزل محمد و عيون جاسر لحكته لحد ما خفته من كدامه اندار على سما لكاها خاتله وره الباب و لازمه ايده حيل
جاسر . . يله بويه امشي نروح
جره من ايده الي شابكه ايده و نزلو سوا
. . . . . . . . . . .
بيت اهل سما
لمى . . خوخه كلتي لسما على معدلي
خولة . . لا ولج ما خابرته اليوم عود من تخابر انتي كليله
بهل اثناء اندكت الباب مال البيت
خولة . . لمى شوفي منو على الباب
اخذت لمى شال من وره الباب مال مطبخ و طلعت تشوف منو يدك الباب
لمى . . منوو
سما . . افتحي لج
لمى . . سمااا
فتحت الباب لكت سما واكفة كدامه و جاسر واكف شوية بعيد عنه
لمى . . تعال تفضلو تفضلو
فاتو و لمى سدت الباب
سما . . حبيبتي شلونج . . وكامت تبوس بيه
لمى . . الحمد الله بخير تونه جنه بطاريج . . اندارت على جاسر . . شلونك شيخ اخبارك
جاسر . . الحمد الله بخير الوالد هنا مو
لمى . . لا والله طالع بس عمر و حيدر جوه فوتو فوتو . . ماما هاي سما و رجله جوي
خولة . . يااه صدك هلا يمه شو ماكلتي راح تجين
سما و بوست امه . . مفاجئة سويته . . و عندي مفاجئة ثانية هم
خولة . . يمه عوفي المفاجئات و كليلي شلونج ويه الحمل
سما . . شنو عززه تدرون منو كللكم عود كلت اسويه مفاجئه خرب حظي
خولة . . اي ياسر حماج كال ال لمى و هي كالت
سما . . شكد خبيث اني اعلمه
بهل اثناء نزلو حلا و عمر شايل انمار و حيدر
عمر . . هلا هلا بالغالية نور البيت و الله شلونج اخبارج
سما . . يمه فديتك حبيبي . . راحت بوسته و سلمت عليه . . الحمد الله تمام اني انت شلونك
عمر . . بخير بشوفتج
حيدر . . و اني متسئلين عليه
سما . . يمه شلون ماسئل عليج جم حيدوري عندي اني شلونك يول
حيدر و سلم عليه . . بخير حبيبتي
عمر . . رجلج وين
لمى . . طببته بالاستقبال كاعد
عمر . . ماشي اروح اشوفه بس هاا اليوم سهره للصبح كوومه حجي عدنه
الكل . . اكيد
عمر . . هههه عفية يله حيدر لحكني لا تظل يم النسوان
حيدر . . دمشي لك وراك جاي
راحو يشوفون جاسر و سما كملت سلمت على حلا و اخذت انمار تبوس بي
لمى . . لج مكنالج
سما . . شنو شكو شصاير
لمى و كرصت حلا . . احجيله
سما . . شنو ولج شكو كولن
حلا . . هههه اني حامل
سما . . لا يا فطيرة صدك
حلا . . هههه اي و الله
سما . . هههه عرستي ويه عرسي من اصير حامل انتي هم تطلعين
حلا . . هههه خبلة اني شعلية
سما . . مبروك كلبي ان شاء الله بنوته حلوة تشبهج
حلا . . اي و الله اني اريد بنيه
خولة . . ان شاء الله يمه ينطيجن الي تتمننه
سما . . ان شاء الله
ظلن يحجن وي دردشن سوالف من اشهر كله تطلع هسه
شوية جان يسمعن صوت علي ابو سما جاي من الاستقبال
علي . . سما يابه سما تعاي
لمى . . هذا صوت ابويه
خولة . . شوكت اجه
سما . . فدوه شكد مشتاقتله اروح اشوفه
راحت سما للاستقبال لكت عمر و انمار بحضنه و بصفه حيدر و كدامهم جاسر و ابوه
من شافتهم هيج و همه كلهم يباعون عليه عيونه كامت دمع و راستن راحت على ابوه حضنته
علي . . هههه بويه ليش تبجين . . هههه شمسويلج رجلج
جاسر . . هههه كلشي ممسويله والله
علي . . شبيج يابه ليش البجي هههه هلكد مشتاقتلي
سما و رفعت راسه تبوس ابوه . . اي مشتاقتلك
علي و باسه من راسه . . الله يحفظج بنيتي لا تبجين هههه ولج بللتيني
كامت سما من حضنه باوع على جاسر لكته كاعد حاجبة بس مسوي نفسه طبيعي
حيدر . . دكومي دلوعة راح تصيرين ام و بس تبجين الله يساعدك جاسر
جاسر . . عادي تعودت اني
سما . . معليك انت
علي . . شنو ام عمر مراح تجيبين شي نشربه
خولة . . لا شلون محضريهن دقيقة
علي . . اي عفية
ضلت سما كاعدة يمهم يحجون بعدين لمى و حلا جابن الجاي و الكيك وياه و كلهم كعدو سوا يحجون
جاسر تعلق بأنمار كلش و أنمار اللوكي يعوف ابوه ويروح على جاسر لان يلعب وياه
صارت الدنيه تغورب كامن البنات يسون عشه و سما هم وياهن تساعدهن
شوية و اجه علي ابوه سما
علي . . هاا خما محتاجات شي
خولة . . لا عيني كلشي موجود بس خلي حيدر يروح يجيب صمون
علي . . اي دزيته هسه راح يطلع
بهل اثناء دخل عمر
علي . . يابه روح يم الرجال ليش عفته وحده
عمر . . هههه لا يابه بس يريد مرته . سما روحي شوفي رجلج
سما خجلت من اهله . . هاا اي هسه
طلعت سما من يمهم راح للاستقبال لكت جاسر كاعد و بحضنه انمار ديلعب وياه
سما . . هاا حبيبي
جاسر . . كلبي تعاي
راحت سما يمه كعدت بصفه
جاسر . . اول شي اخذيلي طريق للحمام اتوضه لان راح يأذن و ثاني شي اريدج تجبيلي جاهل مثل هذا خايبة ينكرط شني
سما . . هههه شفته هذا تربيتي
جاسر . . ياشفته متت عليه شوفي لخدود نوب ميستغرب الكواد يذب ميانه
سما . . ههههه عززه لك لا تغلط عليه
جاسر . . هاي من المحبة عادي يله كلبي اخذيلي طريق
سما . . اي تمام . . نزلت تشيل انمار
جاسر . . لا يمعودة شدسوين خاف مو زين عليج انتي حامل
سما . . هههه لا حبيبي لا تخاف ميأذيني
جاسر . . جا زين
راحت سما سوتله طريق للحمام و صاحته فات
شوية طلع متوضي جانت سما واكفة تنتظره
جاسر . . وين اصلي
سما . . بعده مأذن بس لمصلايات موجودة بالاستقبال
جاسر . . ماشي
راح جاسر للاستقبال و سما طبت للمطبخ
عمر . . هاا توضه
سما . . اي روح يمه تراه راح يموت ابنك
عمر . . هههه ابني الزفر ميريدني اكله بابا تعاي يكلي نانا
سما . . ههههه خلفة زفره
عمر . . هههه رحمة والديج عود نشوف خلفتج شلون تطلع
سما . . لك اسكت جاسر يكلي اريد جاهل مثل انمار
عمر . . هههه انعجب بي
سما . . اي والله كلش
بهل اثناء اجه حيدر من السوك جايب صمون
خولة . . تأخرت يمه
حيدر . . اني شعلية قابل اني جنت اخبز غير ابو الفرن كوومه عليه
خولة . . المهم هسه اذن
حيدر . . اي توه
خولة . . لعد روحو يم رجل اختكم يله انصلي و نصب عشه
علي و حيدر . . ماشي
راحو توضوه و صلو جماعة ويه ابوهم و جاسر
من كملو صاح علي على خولة تجيب العشه
خولة . . يله بنات صبن بسرعة
حلا . . اي عمه بس خل يجي حيدر يفرش السفرة
خولة . . لمى صيحي
راحت لمى صاحت حيدر اجه اخذ السفرة فرشه و راح نوب اجه هو و عمر نقلو الاكل شوية شوية لحد ما كملو
خولة . . يله بنات جيبن المي و الخبز و الحكني نتعشه
حلا شاوت سما . . خاف رجلج ميقبل هيج ناكل سوا
سما . . لا لا عادي والله هناك احنه هم ناكل سوا مرات يجن خته و رجله عادي يقبل لان كلهم كرايب بس من يصيرون يعني زلم هواي لا ميقبل
حلا . . هاا خوش لعد يله امشي
راحن كعدن وياهم سما كعدت بين ابوه و بين جاسر
من كعدت جاسر خله ايده على ظهره و حجه بصوت ناصي
جاسر . . تعبتي حبيبي
سما . . لا كلبي مابيه شي
علي . . يا عمري انتو دسمع اكلو هسه بعدين احجو
جاسر . . احم احم لا عمي بس دشوفه خما تعبت
الكل كام يضحك بهدوء و ستمرو بالاكل
سما تشاور جاسر . . فضحتنه
جاسر . . اششش اكلي
كملو اكل و البنات شالن السفرة و جابن الجاي و راحن يغسل لماعين و يسولفن هنه و ديحجن طبت عليهن مهاا
مها . . خيانة تسوون تجمع و مدكلولي
سما . . هههه شجابج
مها . . امي خابرتني و كالت انج جيتي كتله الحيدر و جابني
سلمن على بعض و تباوسن و كعدت مها ترتاح لان هيه هم حامل
شوية و حضرن صينيه مال فواكه و اخذنه و راحن للاستقبال سما سلمت على رجل اخته و مها كذلك سملت على جاسر
و كعدو يأكلون و يحجون النسوان وحدهن ماخذات ركن و الزلم هم وحد يحجون
طولت السهره لل 11 شاف جاسر ساعة و كام
جاسر . . يله من رخصتكم لازم نروح
علي . . وين ابني بهل ليل رايح خليكم و باجر الصبح ارجعو
جاسر . . لا عمي احنه باقين اسبوع بغداد و موجودين بالشقة
علي . . ليش شقة و بيتي موجوده
جاسر . . عمي السقة الي مالتي
علي . . ميخالف ابني جان جبته و جيت يمنه عليش هناك
جاسر . . صارت بعد يله سما دروح
خولة . . دباتو يمنه
جاسر . . عمه و الله عندي شغلة باجر من اروح اجيبه يمكن
خولة . . على راحتك يمه
جاسر . . تسلم راحتج عمه يله سما
سما . . اي هسه
راحت سما تلف شاله و تجيب جنطته
لمى . . مو عساس تباتين و نسهر
سما . . شمدريني عود باجر اقنعه و اجي ابات مسمعتي اسبوع باقين هنا
لمى . . اوك ماشي
حيدر . . يله لج لا تضلين تحجين الرجال طلع و انتي بعدج ماكملتي
سما . . كملت طالعة يله
اخذ سما جنطته و لبست حذاءه و طلعت بالحديقة لكت جاسر واكف بره و اهله كلهم واكفين يمه
جاسر . . يله في امان الله تصبحون على خير
الكل . . الله وياك انت من اهلو
سلمو على سما و طلعت لحكت جاسر للسيارة و ركبو و راحو
سما . . عبالي ابات يمهم
جاسر . . باجر ان شاء الله حبيبي
سما . . صدك و انت
جاسر . . اني باجر عندي شغل هنا شوية باقي اخلصه و يمكن اتأخر هم ف باتي يم اهلج و ثاني يوم اجي اخذج و عود قبل لا نرجع للبصرة هم اجيب تشوفيهم
سما . . شنو شغلك هنا مكلت
جاسر . . اتصل بيه صاحبي يكلي على قضية فرح
سما . . يا خطية وين صارت صدك
جاسر . . بنهاية هذا الشهر يخلص حكمة و تطلع
سما . . ست اشهر مرت بسرعة
جاسر . . عليج حبيبتي مو عليه
سما . . الله يساعده
جاسر . . ويساعد الجميع ان شاء الله
وصلو للشقة و صعدو فاتو لشقتهم سما راحت تبدل
و جاسر راح يعمر اركيله
كمل جاسر الاركيلة و اخذه للصالة كدام التلفزيون و كعد يشرب شوية و جتي يمه سما الي جانت لابسه دشداشة
سما . . شوكت لحكت تسويه
جاسر . . صار نص ساعة من جايين حبيبي بس انتي تأخرتي من بدلتي
سما . . اي و الله تعبانه عبالي انام
جاسر مد ايده لزم ايده و كعده بصفه . . شبيج كلبي خما شي يوجعج
سما . . لا ما بيه بس هيج نعست
جاسر . . تعاي نامي على رجلي هسه اكمل النركيله و نام
سما . . شدشوف
جاسر . . لكيت هذا الفيلم طالع حلو شكله خلي نشوفه
سما . . اممم
ضلو يباعون و سما مخليه راسه على رجل جاسر و مدده وهو خلص الاركيله و لازم شعره يلعب بي
سما . . جاسر
جاسر . . عيوني
سما . . نعست حكوم انام
جاسر . . ماشي اطفي تلفزيون و لحكج
راحت سما للغرفه و مددت رادت تنام اجه جاسر
جاسر . . حبيبتي خما نمتي
سما . . لا بعد
جاسر . . اريد اسئلج . . كاله و تمدد يمه
سما . . تسئل . . كالته و نامت على صدره
جاسر هو ويلعب بشعر سما . . ليش كمتي تبجين من طبيتي للاستقبال اعرف مو لان مشتاقه لابوج يعني ادري مشتاقتله بس اكو شي ثاني
سما . . هههه اي صح
جاسر . . اي احجيلي
سما . . من طبيت و شفتكم انت و بابا و عمر و حيدر كلكم كاعدين سوا نوب من طبيت و كلكم باوعتو عليه هيج حسيت بأمان و حنيه و انتو كلكم سند الي واكفين بظهري لهذا ما سيطرت و كمت ابجي
جاسر باس راسه . . هههه كلبي ام دميعة الله يحفظج الي يا حنونة
سما . . جاسر
جاسر . . روحه
سما . . نعسانه
جاسر . . اي كلبي نامي اكفي اطفي الضوه . . طفه جاسر الضوه و حضن سما و نامو
. . . . . . . . . . . .
بعد مرور 3 اشهر
جان جاسر واكف بكل هيبة لابس دشداشة بيضه و غتره بيضه و عبايه سودة على جتفه و ساعة الذهبية بيده و سبحه بين اصابيعه و جفيه بجيب الدشداشة
واكف كدامه فهد بقاطة الاسود مال عرس اي عرس
اليوم عرس سجى و فهد الفرحة على كل الوجوه
الكل فرحان الشيخ شيخه الحجية سما جاسر ياسر
سارة سرى ريم ريام ابو الفضل حمدية كلهم فرحانين
و الفرحة الجبيرة بكلب فهد و سجى
فهد الي جان يحب سجى من هو مراهق بس ضم حبه بكلبه خاف يخسر صديق عمره جاسر
لحد ما كبر و صار ضابط امنية حياته تحققت و بقت عنده بس سجى الامنية الي بكلبه
جان كل ميفكر يتقدم خطوة ويطلبه يخاف يرفض من جاسر على انو صاحبه و مخلي عينه على اخته
توكل على الله و ضل يدعي تصير من نصيبه الامنية الوحيدة الي ضلت بكلبه و الله سبحانه و تعالى ما خيب ظنه صارت من نصيبه
رغم ظروف الي مر بيهن و الاسباب الي تخلي ميزوج ابد العقم يأس من نفسه انو تصير سجى من نصيبه
بس تجريء و طلبه و الشيخ هاشم يطول بعمره ما رده خايب وافق و اليوم الكل جاي يشهد على زواجهم تتويج حب فهد لسجى
جان جاسر واكف و لازم ايد سجى بيده تقدم بيه على فهد الي هم جاسر لزم ايده و خلي ايد سجى بيده و شد عليه
جاسر . . لا تفلت ايده بيوم هاي منطيك عمري و اذا سوتيله شي اعتبر مأذيني الي
فهد . . بعيوني و بنص الكلب أخليه إطمن من ايدك بيدي امانه ليوم الحساب كدام الله و هاي الناس
جاسر . . هذا عشمي بيك صاحبي يله اخذ مريتك و روحو
اندار جاسر على سجى باسه من راسه و شاوره
جاسر . . خايبة لا تبجين يروح لخريط الي بوجهج غير فهيدان ينهزم يبوو ننفضح بين العربان
سجى . . ههههه
فهد . . يله حبيبة مشينه و رانه طريق
اخذ فهد سجى بالسيارة سوده مضلله بس همه بيه و وراهم الزفه بس سيارات قليلة لان راح يأخذه لفندق بكربله
مشه جاسر للمضيف بعد ما فضت العالم كرايب فهد من العرس و راحو راح للديوان لكه الشيخ هاشم كاعد وحده و صافن
جاسر . . حياك يا شيخ
الشيخ هاشم . . كوه حيلك بويه
جاسر . . شني وحدك كاعد هني كوم غاد للبيت
الشيخ هاشم . . راحت شمعة بيتي يجاسر
جاسر . . يبويه كل بت هذا مصيره بيت زلمته بعدين انت زوج خياتي الاثنين ما حزنت مثل هل حزه
الشيخ هاشم . . هاي صغيرتهن قطعة من كلبي فرحتي بيه لان الاخيرة
جاسر . . بويه فهد خوش فهد و راح يدير باله عليه و اني ضامنه
الشيخ هاشم . . تعلمني بفهيدان تربية ايدي مخاف عليه وياه بس تحز بيه فراكه
جاسر . . افه وينج شيخه بتج اخذت مجانج بكلب الشيخ
الشيخ هاشم . . كلكم اعزاز على كلبي
بهل اثناء دخل ياسر
ياسر . . افه يا شيخ عندك كلب لو كوستر كلنه بي
الشيخ هاشم . . هههه انت تجي بس وكت التمضحك
ياسر . . افه يا شيخ اعجبك
جاسر . . اي اي ابو شعر خلي نفوت حبوبه جانت تسأل عليك ابو جاسر
الشيخ هاشم . . فوتو جاي وراكم
ياسر . . مو تشرب جكاير من ورانه عيب
جاسر . . و الله عندك فد سوالف امشي
راحو جاسر و ياسر طبو للبيت طبعا البيت هوسه من الجهال لان خواتهم هنا و بنات العم و بنات العمه و خالة و الخال
العشيرة كله هنا حمحم جاسر يريد يفوت على حبوبته جان يشوف مريم دتنزل من فوك و مبين عليه متوتره و بس تتلفت
جاسر بصوت عالي . . هاي شعده هنا
على صوته الكل لتمت ديعرفون شكو ( فضول 😒)
شيخه . . شكو يمه شبيك
جاسر . . شيخه هاي شسوي هنا . و أشر على مريم
شيخة . . يمه عيب غير جتي ويه عمك و مرته قابل اطرده
جاسر . . اي طرديه انه كلت بعد ماتفوت للبيت يمه حيه هاي حيه
الحجية . . شبيك ولك تصركعت على منو
جاسر . . حبوبتي مريم ماريده بهل بيت
مرت عمه ام مريم . . يا عمه السالفة صارت ماعولت تنساها و لبنيه تزوجت و راحت السالفة بوكته
جاسر . . لا ماراحت و ماريده بالبيت
الحجية . . جويسر شني صرت شيخ و نسيت منو جبيرك ليكون بيت الخلفك و طرد بكيفك هذا بيتي و انه اشوف منو يكعد بي و منو يروح
هي خلصت حجيه جان يسمعون صوت سما من فوك
سما بصوت عالي رج البيت . . جاااسر لحكني جاااسر
. . . . . . . . . . . . . .
بيت اهل سما
جانن حلا و لمى ديحضرن بالعشه و انمار يلعب يمهن
شوية و اجت خولة لابسه عبايته و بخبوصه بنفسه
لمى . . هاا خوخه وين طالعة
خولة . . لج حيدر رجل اختج خابرني اختج اليوم تجيب و هسه صاير عده وجع راح نأخذه للمستشفى لحد متولد
لمى . . يااه صدك زين اجي وياج
خولة . . لا شسوي بيج هناك هو رجله موجوده و اخته وياه و اني كلش كافي مارايحين العرس
كالته و طلعت لان جان حيدر واكف بالسيارة بره ينتظره
لمى . . ولج حلا اذا صار موعد ولادتج اني اروح وياج
حلا . . شكو رايحة ماعدنه عرس
لمى . . و الله معلية اروح
حلا . . لج خبلة هسه اني جبت و ماكتلج
لمى . . اي خاف سويه ادري بيج و بأوقاتج هسه بالفجرية و تجيبين ديري بالج تكعديني
حلا . . عشتو رجلي موجود هههه
بهل اثناء اجه علي و الوِلد ( من اكول علي عبالك صديقي 😁) جايبين مسواك
حلا . . الله يساعدكم
علي . . ويساعدج عمي راحت عمتج
حلا . . اي اجه حيدر اخذه
حيدر . . اني ماجيت على احد عززه امي نخطفت
حلا . . هههه قصدي حيدر رجل مها
حيدر . . ليش شكو
لمى . . مها دجيب
حيدر . . خااالي راح يجون بعد زعاطيط للعائلة
علي . . دعوله الله يسهل عليه و دكوم بسلام
الكل . . ان شاء الله
. . . . . . . . . . . . . . .
سما بصوت عالي رج البيت . . جااسر لحكني جاااسر
صعد جاسر ركض سوية الدرج شبختين و العائلة كله وراه تركض طب للغرفة يدور عليه ماكو باوع على الحمام لكه بابه مفتوح شوية راستن دفعه و فات
بس ماخله احد يفوت وراه
جاسر بعياط . . لحد يفوت فاهمين
باوع على سما الي جانت كاعدة بالحمام و لازمه راسه بي دم و داير ميدوره كله دم و كاعدة تبجي راح عليه جاسر و لزمه من راسه
جاسر . . شبيج كلبي شصار وياج شني هذا الدم
سما و تناشك بالبجي . . مادري بس بطني توجعني عفية اخذني للمستشفى خاف ابني بي شي
جاسر . . اي اي هسه . . كام من يمه و فتح الباب و طلع . . سرى فوتي يمه و سارة جيبي هدوم نظيفة
كولو الياسر يحضر السيارة راح نطلع و الباقين انزلو شعدكم هنا ( يقصد بنات عمه و كذا )
شيخة . . خير يمه شبيه مريتك
جاسر ويمسح وجهه . . مادري شيخه مادري لكيت الدم مغطيه و دكول بطنه توجعه يمكن الطفل بي شي
شيخة . . اسم الله شجاه اخذه للمستشفى
جاسر . . اي يمه اي
طلعت سما من الحمام سانداته سارة و سرى
جاسر . . لبسنه العباية راح نطلع وحده منجن وياها للمستشفى بسرعة
لبسنه العباه و راحت وياها سرى نزله جاسر هو شايله بسرعة و ركبه بسيارة
جاسر . . بسرعة خوية على المستشفى
ياسر . . اي يله
ركبو و بسرعة انطلق ياسر جانت سما هادئة بس تون بدون صوت
وصلو للمستشفى نزله جاسر و شاله دخل بيه و ياسر ساعده صاح الممرضات جني اخذنه و سرى وياها
خابر جاسر على الدكتورة الي جانت تراجع يمه سما و كلتله راح تجي ربع ساعة و جتي الدكتورة كلله جاسر الي سما و طبت تفحصه
جانو جاسر و ياسر واكفين بره بالرده ينتظرون و جاسر راح جاي و لا كعد و دكتورة تأخرت جوه
توجه جاسر على الباب مال غرفة يريد يدكه فتحته الدكتورة
جاسر . . هاا بشري شبيه سما
الدكتورة و تباوع لجاسر بشك . . مرتك متعرضه لضرب على بطنه و بقوة و بشكل مستمر الله ستر جان راح الطفل بس الحمد لله النزيف جان قليل و ملحكين عليه
جاسر . . الضرب محد ضاربه
الدكتورة . . جا شلون هيج نزفت مبين اثار الضرب على بطنه المهم هيه هسه بخير و جان عده ضربه ثانيه براسه يمكن قديمة و مفتوحة عقمته و لفيته كتبتله بعض الدوا خلي تأخذهن و الحمد لله على سلامته
راحت الدكتورة و عافت جاسر بحيرته منو ضارب سما ضل صافن و يفكر لحد ما تذكر من طب هو و ياسر و شاف مريم بت عمه تنزل من الدرج و جانت خايفة و متوتره بس تتلفت عرفه هيه
جاسر . . اي هيه ماكو غيره
ياسر . . مني
جاسر . . مريم
ياسر . . لا جاسر لا تصير حقود لبنيه تزوجت و راحت السالفة لا تتهمه
جاسر . . اني لا صاير حقود و لا شي اني متأكد انت شفته من اول مطبينه من صارت كباله جانت نازله من فوك و من عيطت عليه محد نزل وراها لان هيه الوحيدة الي جانت فوك و الدكتورة دكول سما مضروبة جا منو ضربة غيره
ياسر . . اي يمكن
جاسر . . مو يمكن اكيد شوف ياسر انت ابقه هنا و اني رايح
ياسر . . وين رايح يمعود
جاسر . . خليك هنا و لاتعوفهن وحدهن راجعلك
طلع جاسر من المستشفى ركب السيارة و طلقه راستن على البيت طول الطريق جان يتوعد لمريم بحساب عسير ( نرجع و نكول عسير لو ببسي 😂)
لحد ما وصل للبيت نزل راستن حته عاف السيارة ماسده نزل ركض للبيت طب و صاح بعلو صوته
جاسر بعصبية و عياط . . مررريييمم
الي بالبيت كلهم جوي يركضون يشوفون شبي
الشيخ هاشم . . شبيك تعيط
جاسر . . شفت ياشيخ كتلك و كتلكم هل حيه لا تفوتوه للبيت حيه هاي مو بنيه محد صدكني فوته رادت تكتل ابني هسه ارتاحيتو
شيخة . . شنو يمه شبيه سما شمسوية مريم
جاسر . . خلي تجي طلعوه و اني اكللكم شسوت
حجت بت عمته . . مريم ماكو من قبل لا تأخذ مريم للمستشفى هي لبست عباته و راحت لبيت ابوه
جاسر . . العارة الكلبة عباله راح تخلص مني
الشيخ هاشم . . فهمني شمسوية
جاسر . . صاعدة على سما للغرفة و ضاربته بطنه تريد تموت الولد
الشيخ هاشم . . منو يكول هيه يمكن مرتك واكعة لو شي ابني
جاسر . . لا بويه الدكتورة كالت سما متعرضه لضرب و من جينه انه و ياسر محد جان فوك غيره انه و ياسر شفناه بعينه نازله من فوك خايفة و تتلفت
و هسه وينه هاا وينه نهزمت عمود لا طيح بيدي
هاا حبوبتي هذا مو بيت الخلفوني مو اي صح ماكدر اطرد بكيفي منه ابني راد يموت و مريتي الله يعلم شجان صار بيه من وره هل عارة و دكليلي مو بيت الخلفوك طالع انه منه و تارك لكم
طلع جاسر من البيت بدون ميسمع من احد و شيسمع محد محجه محد له عين يحجي همه الي سمحو لمريم تفوت و هي جانت ممنوعه من الفوته
لمدة 3 اشهر الفاتت و بس سمحوله الشيخ و الحجية جتي و رادت تكتل ابن جاسر رغم هيه زوجت و زوجه يحبه بس الحقد الي شايلته تجاه جاسر و سما عماها و طغه عليه
طلع جاسر من البيت ركب سيارته و رجع للمستشفى
ركن سيارته و نزل بس ماطب للمستشفى ضل بره يشتم هوا شوية و دخل
لكه ياسر كاعد كدام الغرفة و ديلعب بجهازة من شافه وكف و اجه عليه
ياسر . . وين رحت يخويه خوفتني عليك
جاسر . . لا تخاف رجعت للبيت طلعت حركه كلبي و جيت
ياسر . . شسويت
جاسر . . ماسويت شي الكلبة بت عمك انهزمت مالكيته عباله راح تخلص مني و رجعه للبيت بعد مارجع
ياسر . . ليش وين تروح
جاسر . . اكعد بغداد بشقتي
ياسر . . ليش شصار اكعد احجيلي
جاسر . . خويه لبيت الي كلمتي تنكسر بي مالي كعد بي جا انه شيخ لو زعطوط اكللهم مريم متفوت للبيت يفوتوه انه ادري بيه حيه و كايل لحبوبتي
من اجي اكلله ليش دكلي مو بيت الخلفوك ماشي تاركه لهم مالي كعده بي و حته المشيخة ماريده خلي ياخذه محمد بن عمي هو اولي بيه
ياسر . . لا دكول هيج يشيخ انت شيخنه و حشه الي يحجي عليك ويكول زعطوط كلمتك مسموعه و الكل يحترمه بس انت تعرف حبوبه كلبه رهيف
و ماتحب تفرق بين الكرايب و تلكاها هسه كلبه موجد كليك و على سما و هسه لان عصبي دكول هيج انه ادري بيك الديرة هي النفس و ريه بالنسبة لك ماتتركه
جاسر . . الله كريم خوي الله كريم
ياسر . . فوت شوف مريتك تراه سئلت عليك قبل لا تجي
جاسر . . ماشي روح انت اني باقي
ياسر . . لا اني هم باقي يمك
جاسر . . ماشي
فات جاسر للغرفة لكه سما مدده بس فاتحة عيونه و جاي تحجي ويه سرى الي كاعدة كدامه على الكرسي
جاسر . . شلونه مريتي
بتسمت سما . . تمام هسه احسن
جاسر تقريب كعد يمه . . الحمد الله خما اكو شي يوجعج
سما هزت راسه بلا
سرى . . يله اني طالعة اكول لياسر يجيب اكل لان جعت و سما هم عده دوا لازم تأخذه
جاسر . . زين تسوين
طلعت سرى و عافتهم
جاسر . . اي احجيلي شصار وياج
سما . . جنت كاعدة اغسل لهدوم مالاتك الي كتلي اغسليهن و حسيت على حركة و راي عبالي انت كمت دشوفك شتريد ماحسيت غير ضربة على راسي
و وكعت بس مافقدت الوعي لا ضليت احس بس ماكدر افتح عيوني او احجي صار ضرب على بطني قوي جنت اريد افتح اشوف منو شنو يصير بس ماكدرت
شوية و بطل الضرب و سمعت احد طلع ضليت اتوجع بس ماكدر افتح عيوني شوي شوية كدرت افتحه شفت نفسي دنزف صح عليك راستن
جاسر . . يعني ماشفتي منو ضربج
سما . . لا و الله ماشفت بس اني كتلة السرى انو حسيت مره لان شعره طخ بيه جان طويل و ضافرته يمكن
جاسر . . اخخ الله هيه مريم
سما . . عززه مريم
جاسر . . خلي تولي ارتاحي ماعليج بهل سوالف هسه و نامي اذا تكدرين عمود ترتاحين بس بالاول تعشي
سما . . ماشي
. . تسريع الاحداث ثاني يوم الصبح
طلعت سما من المستشفى و رجعوه للبيت جانت الحجية محضرتله ذبيحه على سلامته و سلامة ابن جاسر
ستقبلوه بفرح و ابتسامه بس جاسر جان كالب وجهه و مثكل عليهم كعده يمهم و راح للديوان
شيخة . . سودة عليه لحد هسه معصب منه
الحجية . . مو منكم مني اعرفه هل جويسر . . كامت الحجية و مشت
شيخة . . وين حجية
الحجية . . اراضي هل مصكوع تراه عزيز كلبي ماقبل زعله مني
شيخة . . لا حجية خليج انه اصيحه راضي
الحجية . . لا يمه خليج انه رايحتله للديوان
طلعت الحجية بشيلته و العوجيه و تمشت للديوان على كيفه لان متكدر تمشي هواي
شافه ياسر اجه يركض . . وين وين حبوبه تردين
الحجية . . على اخوج المسودن
ياسر . . اني اصيحه لج ليش طلعتي
الحجية . . مالي بحاجه احد انه اكدر امشي و اريد افوتله بنص ديوانه
فاتت الحجية للديوان الي جانو كاعدين بي الشيخ هاشم و الشيخ جاسر و عمامه
من شافه جاسر راستن نسه زعله و راحله
جاسر . . افه افه حبوبتي خيرج واجعج شي بيج شي جايه لهين كولي انه اجيج
الحجية . . ما تجيني يا جويسر نفسك عزيزة و زعلان مني و اني مايهون عليه زعلك اجيتك برجلي ليمك و اكلك ماعاش يشيخ الي يكسر كلمتك بنص بيتك
جاسر . . افه حبوبتي مازعلان منج انه
الحجية قاطعت كلامه . . لا يمه زعلان و جيت اراضيك
جاسر . . جيتج للديوان على راسي حبوبتي يله انسندي عليه ارجعج
الحجية شاورت جاسر . . خايب انه مو علمودك جيت انه طول عمري اريد اشوف الديوان و الشيخ كاعد بي بس جدك المصكوع مايقبل و رحمني من هل شي و لكيته فرصه بيك و جيته شني و راح تضيفني كوه يشيخ
هيه كملت طكه جاسر بضحكه قوية خله الكل يباوع عليه اولا مصدومين من ضحكته هو ميسويه ويضحك بالديوان مو نوب ضحكه عالية طالعه من كلبه مبينه غمازته 😂ثانيا انو تصالح ويه الحجية الكل فرح لهل شي و عمه ابو مريم دخل و كله من تشوفه نوب بيتك او صوبه موته اني مالي دخل بيه
مريم من هاي السوايه بعد ماجتي لا لبيت اهله و لا للديره حته و جاسر ما نسه سواته و لا راح ينسه
. . . . . . . . . . . . . . .
بعد مرور كم شهر
جان جاسر واكف كدام غرفه العمليات ينتضر الدكتورة تطلع تبشره بولود ابنه الاول
اي ابنه سما طلعت حامل بولد و اليوم موعد ولادته تعسرت بالبداية بس الله يسهله
طلعت الدكتورة و بشرت جاسر بسلامته الطفل و امه و راحت و راها طلعت الممرضة شايله الطفل منظفته و انطته الجاي الي انطاها بقشيش ( نسيت ليش ينطو 😂 )
اخذ جاسر الطفل من ايد الممرضة و شاله بيد جان سمين و عنده خدود ما شاء الله عليه شاله و قربه يمه
جاسر . . الله اكبر الله اكبر . . اشهد ان لا اله إلا الله
. . كمل جاسر تكبير بأذنه . . سميتك كرم سميتك كرم
قصة سما و جاسر انتهت هنا
اكو احداث مكتبته لان بيه امور خاصة سما ماحبت تشاركهن الي بينهن عرس سجى و خطوبة حيدر
عرس ياسر و لمى ماقبلو يكتبو بس بشكل سريع احب اكلله ياسر و لمى ازوجو وره حادث سما مال حمام بشهر و سجى صارت حامل ببنيه
حيدر و بسمة بعدهم مخطوبين و ريم اخت فهد زوجت من سرمد عن جديد مبروك لهم
هنا نكون خلصنه قصتنه نهاية غير متوقعة للجميع
ان شاء الله تكون عجبتكم بسيطة القصة بس حبت سما تشاركه وياكم
اتمنى تنطوني رايكم بيه
القصة اني ماكتبته من اجل التوعية او بيه دروس كتبته من اجل الترفيه و هم بيه كم درس بسيط
كلولي شنو الدروس او العبر الي شفتوه بالرواية
. . . . . . . . . . . . . .
انتهت قصته حبايب صحيح طولت هواي بس كلش ستمتعب بيه و بيكم تعودت عليكم والله 🥺 راح اشتاقلكم اسفة على كل التقصير الي بدر مني بس لظروف تحكم اتمنى و من كلبي تكون القصة عجبتكم
ان شاءالله اشوفكم برواية جديدة و ابطال جديدين و قصة جديدة تحياتي لكم اني بسبس تصبحون على خير