#بين _الجدران
#ام احمد
الثالث عشر
ضلت واگفه گبال الباب وهو وراها مرت دقايق وهيه واكفه هو ميعرف ليش متدك الباب شتنتظر... طال وقوفها.. وهو كثرت تساؤلاته اندارت عليه شاف بعيونها دموع وكل تصرف الها كان بالنسبه اله مبهم وغير مفهوم مشت وعافته واكف
ام انس مغاح دكين الباب
لا
عزا ليش؟ لكن عليش جينا لهون؟
خلينا نرجع؟
يبوي نغجع اشبيكي جنيتي؟
ظلت صافنه عليه... انتبه عل نفسه
ماقصدي لكن عليش جينا
ابو سمر قصه طويله وابن هاي عائله الي هو زوجي مات ويايه فااكيد اهله هسه حاقدين عليه
الله يرحمو
خلينا نرجع
لا مانغجع
ظلت مستغربه من رده فعله
اغشعي انا مافهمتو عل عمر مليح بس اذا انت عندكي حق عند ذولي اطلعو من عيونهم
استغربت عليه شلون مستعد يسوي هل شي لفتاة ميعرفها صار يومين بس
خايفه
لا تخافين انا معاج
لمعت عيونها وهيه تشوفه وياها مع انه مايعرف شي عنها
طيب راح ادك الباب
اتقربت ودكت الباب اما هو فظل وراه واكف ينتظر
دقايق وطلع الهم رجال ستيني
حاول يتفاهمون وياه معرفو لان ميعرف عربي ورجل مصر عل طردهم
مكدر يسكت هو يشوف رجال يطرد بيها لزمه من خوانيكه ومطله بالكاع ظل رجال يصرخ لمن طلعت الهم مرا بالخمسين من عمرها اجت عل رجال تخلصه من ايد فهد... ضلت ديمه تباع عل مرا واذكرتها اي هيه اخت ياسين اذكرت من اجت وخطبتها امتلت عيونها دموع وراحت عليها وكفت كبالها وهيه تبجي ظلت مرا الجبيرة تباع عل ديمه بااستغراب
منو انتوا
احجي عربي ماتفهمين احنه عرب
عرب
اي ضلت مرا تباع عل ديمه وتباع عل ابنها خاتل وراها
بااخير نطقت
منو انتوا وشتريدون
انا انا ديمه
نزعت مرا الجبيره مناظرها واتقربت منها
ديما
اي
حطت المرا ايديها عل حلكها وبدت تبجي وتنوح بالكردي
اما فهد ظل واكف وهو يباع عليها وعل دموعها وشلون كامشه ابنها بقوه
ضلت مرا جبيره تبجي وهيه كاعده بالكاع بعدين انتبهت عل انس وضلت تباع عليه شويه وشويه عل ديمه زحفت عل ركبها واتقربت يم انس الي بدوره ختل وره امه
هذا هذا منو؟
اتقربت ديمه يمها وكمشت ايديها اي هو ابن ياسين
ما ان كملت جملتها حتى بدت المرا تحضن باانس وتبجي وضل انس يصرخ يريد يوخر منها
ابن ياسين اويلي ابن الغالي اخويه
كامت ديمه تبجي ورجال الستيني هم كام يبجي ويواسي بزوجته... ظلت نسرين خانم حاضنه انس وتبوس بيه بعدها كامت وحضنت ديما ودخلتهم لجوا البيت
اما هو ظل واكف ميعرف شيسوي يعوفها ويروح لو يبقه وينتظر لحظات وطلع عليه رجال ياشرله ان يدخل الجوه البيت
لقاء مليئ بالدموع والذكريات الحزينه بعد ساعه تمالكت نسرين نفسها وحاولت ان تستجمع معلوماتها عن اللغه العربيه
وين جنت؟ وليش انهزمت؟
خاله لو باقيه قتلوني اهلي! اني وياسين انهزمنا وصار ابينا الي صار يعني مجنت باكر راح تثبت عليه التهمه
(ظل فهد يسمع كلماتها ونحيبها)
شلون انهزمت
الله سخري ضابط وهزمني
ظل ياسين سته أشهر يله اتوفى
سامحينا
بنتي انت جنت صغير بس اخويه يفهم وجبير... هو حبك بس معرف شلون يصرف وهاي نتيجة
منو هذا رجال(تاشر عل فهد)
ضلت ديمه ساكته متعرف شتكول خافت من ان تسيئ بها الظن... هو شاف ارتباكها وحيرتها تلافى الموقف وكال
اني اخوها..... ضلت هيه ساكته هو كمل اني الوحيد السامحتها والوكفت وياها وحميتها....... كامت السيده نسرين وباسته من راسه وهيه تردد قربان دايا قربان دايا
خاله اني اليوم اجيت علمود شغله ابني
شبيه
اريد اسوي اله جنسيه واسم ابوه يشيله
ماعنده بيان
عنده بس ممصدقته... واني بجنسيتي بعدني ممزوجه
لاتخاف انا اساعدك
صدك خاله
اي ابن ياسين راح يسجل اني ماعندي اولاد راح يكون ابني هو
مافهمت
اسجله بااسمي
ضلت ساكته... راحت عل ابنها وضمته وكالت بس اني اريد يشيل اسم حبيبي
حس فهد بحزنها والمها واذكر من راح عل حبيبته وشاف ابنها واتمنى الولد منه ويشيل اسمه مكدر يسكت
اغشعي ولد ابن ياسين واحنه نعمل اله تحليل DNAونثبت نسبه لاابوه
هذا اجراء قانوني ومحكمه وشرطه وروحه وجيه والقضيه ينراد الها اشهر
اي واحنه اش عدنا قاعدين هوني..... جر اله كرسي وكعد
استغربت ديما من اندفاعه وابتسمت اله
(نسرين) طيب راح نمشي بيها ونشوف كلها محلوله لان هو اصلا ياسين مسجل هو متزوج تبقى هويتج انا راح اشوف ابن عمي يمكن يكدر يساعدنا
ارتسمت عل ملامحها الفرحه وهيه تعرف ان ابنها راح يصير عنده جنسيه
بدت نسرين تحضر الهم غرفه الضيوف بيتها الجبير ومرتب واثاثه حلووو وراقي
هاي الغرفه الكم
ظلوا اثنينهم مصدومين لان راح يكونون بغرفه لوحدهم... حسوا ان كذبتهم هاي جابت الهم نتائج مامتوقعيها.... رن مبايله وشاف رقم رونق
خير اشكو!
ويصت صغت
بعدني هون
ماترجع
لا
لكن وانا وعليش ضال هونيك
عدنه شغل
دظل معاها لوحدك
استغفر الله ولكي حغام عليكي هيه بجهه وانا بجهة يله غوحي عندي شغل
سده والي بداخله مجاي يفهمه هو ليش هيجي جاي يسوي...... لوين يريد يوصل.... بعد ان اتعشوا راحوا كلمن لمكانه
استقرت وياه فد غرفه حست بارتباك قره هل شي بعيونها
انا كثيغ اسف اني كذبت هل كذبه
مصار شي
انا ماغتوا ياخذون عليكي نظره ماتمام وانكي جيتي لهون وحدكي
خنفله عليك... انت انسان شهم وابن حموله
انا دنام هوني عل كنبايه وانت نامي عل تخت معا ابنكي
اخذ راحتك تسلم ابو سمر(هدوئها وهو عباره عن كتله من نار)
اخذت ابنها باابعد مكان وره جربايه ونيمت ابنها عل جربايه وهيه نامت بصف الجربايه... هو دار ظهرها عليها حتى تامنله اكثر ضلت كلماتها تتردد باله من تحجي سالفتها لنسرين خانم ظل يفكر معقوله هيه مسلمه روحها بلا زواج وهيه جانت مسجونه كل عل شي ممبين عليها هيه شكل بريئ وهادئ مامعقوله جانت مسجونه ضلت افكار تعصف بيه لمن اخذته نومه طويله... ماحسوا اله للعشره الصبح
لمت روحها وعدلت نفسها شالت راسها شافته نازع قميصه دارت وجها عنه بس انتبهت عل جسمه اثار تعذيب
انتبه عليها لبس قميصه اسف متعلم انام بالفانيله
عادي تفوت عل حمام
لا راح اطلع ادخن جكاره
عافها وطلع
اخذت حمام وطلعت عل مطبخ تنتظر نسرين خانم
نزلت نسرين من درج مبتسمه الوجه
بيانيت باش قربان
ابتسمت صباح النور
نتريك ونروح عل ابن عمي مسؤول بالحزب وجبير راح يساعدنا
بعد الفطور ركبوا بالسياره والطريق كله ابتسامة مافارقت شفته واخيرا اكبر مشكله بحياتها راح تنحل
بعد عدت من اجراءات دخلو عل مكتب دليار هو عضو جبير بااحد احزاب الكرديه
من دخلوا للمكتب انصدمت ديمه بيه لولا عيونه الملونه جان جزمت انه ياسين بلحمه وشحمه... ضلت هيه واكفه مصدومه وعيونها انترست دموع وهيه كدام هذا الشخص
هو لاحظ دموعها وكفتها... رجل ضل يسلم عل نسرين خانم... جان طويل صاحب نظره ثاقبه ولحيه وشارب خفيفتين وجه ابيض وجسم متناسق امبين عليه ابن خير.... هو بالنسبه فهد عملاق لان فهد جان مو طويل وعرج رجليه يخليه ايبن اقصر
اتفضلوا اني دليار طبعا اعرف احجي عربي بدون اغلاط
اتقدم نحو ديمه بالابتسامة وحط ايديه عل راس انس حجتلي بنت عمي كلشي صار وان شاء الله محلوله
مشكور نزلت راسها منه خافت يلاحظ دموعها
اتفضل اااا اسمك
ابو سمر
اتفضل انتم اليوم ضيوفي
ابو سمر امانه بعد الغداء اذا عندك شغل ارجع عل شغلك فاام انس بحمايتي
حس فهد بااهانه والغضب اتملكه وهويشوف هذا الطاوس شلون يباوع عل ديمه
ماعندي شغل انا ام انس جت معايه وترجع معايه
براحتك ندخل للمهم احنا اذا ثبتنا نسب انس راح نواجه هيرو خانم مرت ياسين
فزت ديمه عل اسم ليش
ابنها هيرو يرث كلشي تقريبا
الي اعرفه ياسين ماعنده شي
لا هذا بعهد صدام هسه اعتبر ياسين من مظلومين الي ماتوا عل ايد النظام وانطوه اراضي واملاك ولاتنسين ابنج راح يورث بعد عمرا طويله طبعا نسرين خانم
تقصد ان ياسين صاحب املاك
اكيد من اصحاب ملايين
حزت بنفسها شلون زوجها عنده املاك وهيه صارلها ست سنوات بالغربه عاشت بضيق وتقشف واشتغلت لمن ظهرها انقسم من شغل واتحملت ضيم وقهر واهنا زوجها عنده املاك وفلوس ومرته اولى عايشه بنعيم
ام انس وين سرحتي
اني الي اريده حق ابني
ابو هيرو انسان متنفذ واكيد مراح يرضون احد يجي يشاركهم
متحمل فهد سكوت بالقانون ناخذ حقنا ومربع هم
تمام شغله راح تكون طويله وعريضه وانت وابنك راح تكوني عندي ضيفه عزيزه
حس فهد ان هذا الطاوس نافش ريشه للمره ثانيه يطرده بس بصورة غير مباشره.......
بعد غداء فاخر وبذخ واضح حست ديمه بحزن عميق كل هل ترف والفلوس وهيه وابنها ماعدهم حتى لبس بيه خير واكل جان اغلبه معلبات......
اما هو فحس انه غير مرحب بيه وان اهتمام لديمه كان ورائه اسباب مكدر يعوفها داخله يرفض التخلي عنها همه اغراب بالنسبه الها وبااخص هذا دولار مدري شسمه ماحبه وكره... وره يومين اجت ديمه عليه
ابوسمر اني عطلتك عل شغلك هوايه
لا ماكو اي تعطيل المهم شغلتك تتصيغ
ان شاء الله... لا تاخذه بغير شي بس انت تكدر ترجع عل الموصل
اغشعي انا كان تركتك من اول مغا بس انا مارتحتو لهذا الطاوس
ههههههه
ضحكتك حلوه كثيغ
حست ان نظراته الها بيها معنى
تعرف ابو سمر انت ساعدتني بدون حتى متعرف قصتي ولاتعرفني تذكرني بشخص اخر هم ساعدني بدون مايعرفني
الحمدلله... الدنيا بعدها بخير....
دليار هم ساعدني
هذا مساعدته اكيد وراها شي
لا شيريد مني اني مجرد لاشيئ بالنسبه اله
لا انتِ شي ثمين ونفيس
انتبهت عل عيونه بيهن لمعه غريبه ارتبكت رادت تكوم لزم ايدها
انتظري ماقصدي شي
ابو سمر اترك ايدي
اسمعيني بس انا من اغشعتوكي معغف حسيتو بشي غريب كنيني اعغفكي من زمان
اوهام مين تعرفني
معغف
وخرت ايديه
لاتسيئ بيه الظن
معروفك ماانساه بس اعتقد لهنا وكافي ارجع عل مرتك وبنتك
انت ليش تغيدين ارجع..... اوف معغف اشبيه اسف اذا ازعجتك
مصار شي... بس افضل انك ترجع
ليش
افضل بدون سبب
غدا انا غيح عل موصل
ظل بغرفته يروح ويجي يريد يرسي عل بر لمن سمع صوت جلبه برا مد راسه شاف مرا اربعينه عل صوتها طلعت ديمه وفهد بنص الصاله ولانهم مايفهمون اللغه الكرديه ضلوا صافنين عليها وميعرفون منو هيه من شافت ديمه اجت وهجمت عليها رادت تضربها وكف فهد ابينهم دقايق من فوضى ومحد بيهم يعرف منو هاي المرا اربعينه
دخل عليهم دليار وضل يهدي بيها لمن اتحولت عل العربيه وظلت تصرخ
هاي همجيه جايبها وتريد تخليها ويه راسي هاي المشرده الملوعب بيها
من سمع فهد كلامها
هيه انت احترمي نفسج هاي تاج راسكي
انت منو جاي علينا تريد تاخذ فلوسنا
هيه لسانكي ضبيه لا اكسر غاسكي
همج رعاع ارجعوا عل مدينتكم
انت منو ها
انا شي رسمي والقانوني اماهذه وحده (تاشر عل ديمه) هذه وحده رخيصه بواكه مال رياجيل
من كلامها بدت ديمه تبجي
هيه كافي انلصمي
اجاها دليار يسكت بيها
اسمعوني هذه مراح تشاركني بشي وابني هو ابن الشرعي لياسين فهمتوا محد بيكم يكدر ياخذ منا فلس احمر فهمتو.... وانت ياخماطه رياجيل ارجعي عل اهلج
انت دليار افندي لاتخلينا نتخارب علمود وحده مشرده
ومثل مادخلت طلعت كلامها خله ديمه تبجي وتنهار
ديمه اوكفي اوكفي
الله يخليك اريد ابقه وحدي
معليكي بكلامها
لا صح اني وحده مشرده وحده غبيه ضيعت شبابي بسبب غلطه
ضلت تبجي اتقرب منها يكفي مردتي قلبي
انت ماتعرف انا شعانيت هناك وشجرعت هو وعدني بحياتي جميله مات وعافني للضيم والقهر... ضل يتقرب
اكثر ولزم ايدها يكفي مو ذنبكي انه مات
فهد اني تعبت (اول مرا تكول اسمه هو سمعه مثل سمفونيه) ضلت تبجي وتكول تعبت مكدر الا يضمها الصدره حس قربها مثل مي يروي العطشان اذكر معاناته بالسجن وماعنده احد يشكيله عرف انها تعاني مثل معاناته هيه الان وحيده مثل وحدته....دموعها بللت قميصه لزم وجه ومسح دمعتها اشششششش قطعتي قلبي دموعج غاليه لاتخليها تنزل اوعدكي مراح اخلي احد ينزل دمعتكي
وخرت منه ودارت ظهرها اله وكالت
غيرك گالها وراح سكن قبور
هذا قدر الله
قدر دمرني خلاني اشيب واني بعز شبابي... انا اسفه لان لمتك بشي ماذنبك
ماعليكي.... انا مثلكي عانيتو كثيغ واحس بالمكي
فهد
عيونه
سكتت وضلت تباع عليه... لمعت عيونه واندفاعه لمساعدتها كلها أشياء تدل عل شي واحد
انت ليش تساعدني
اتقرب منها لان معاناتج نفس معاناتي اثنينا اتعذبنا
انت تعذبت
كثيغ
عرجك هذا نتيجة تعذيب
عرجي نقطه بحر من عذابي... انا مثلكي ماحضيتو بالي احبها
ليش
القدر بعدها عني وازوجت غيري.... كنت اموت باليوم الف موته من افكر انها مع غيري
اوووف الله يعينك.... وبعدين شصار
ازوجتوا وسافرت عل تركيا
كنت بتركيا
اي
للحظات ضل هو ساكت ويتفحص بملامحها زين اتقرب عليها انتِ انتِ كنتي هونيك
وين
اي انتِ ذيك البنت الي انصدمتو بيها
مااعرف شجاي تكول
هونيك بالمطر كنتي بالبارك وانصدمتي بيه
لا مامعقوله
اتقرب عليها انا من غشعتوكي اول مغا حسيتو اني اعغفكي... الله جمعنا مرا لخ سويه.... لزم ايديها ديمه انت اكيد جاي تحسين بنفس شعوري
فهد الله يخليك انا غلطت مرا وحبيت شخص مزوج لان مجنت اعرف انه مزوج تريد مني هسه اغلط نفس الغلطه لا هل مرا اعرف انك مزوج
عمري كله ماحبيتها انا
لا مامشكلتي انك ماحبيتها الله يخليك ارجع عل بيتك
كل هل اقدار تجمعنا دليل عل انا لبعض
مرتك حامل
ديمه تعغفين الله محلل اربعه.... لزم ايديها
وخرت منه لا ارجع عل بيتك..... دارت ظهرها اله
اسمعيني انا راجع عل بيتي بس انتِ معايه
فهمتي مراح اتخله عنكي.........
ام احمد
آلمـفروضـ بآرحهہ آنشـرهہ بسـ نت خلصـ عندي 12 بآليل
گمـت فعلت نت عل سـيمـ گآرت نشـرت بآلبيج بسـ آلوآتبآد مـفتح عندي لهہذآ آذآ فد يومـ مـآنشـرت رحوآ عل آلبيج مـآلتي تلگوهہآ مـوجودهہ
آسـمـ آلبيج قصـصـ عرآقيه آمـ آحمـد