تم التعديل
بقلم زهرة ايلول ١٤
وين انت عن عيني رحت وين
وبيا مكان انت صرت وين
وين الكاك وين ويمتى
شو صارت اخبارك سكتة
علياء اني اروح امي بالها ضل يمج عود اتصل اطمئن عليج ومن شوفين الم يزيد كولي حتى لو تتصلين عليه نوديج للمستشفى يله رايحه بوستها وباوع عليها شون علامات الضرب مبينه عليها زين والله ابوها ساكت اني لك وميض
طلعت وبس اريد اوصل لبيت ماكو طالع صارت ساعه ١١وشرف طبعا سولفت للحجيه ونقهرت وشبعت بجي اول مدخل ديصعد
علياء تعال وين صاعد
وميض علياء راسي يوجعني سدي الموضوع لا لكيتي عزززا وتردين تشبعين لطم
علياء ليش هيج سويت ولادكول توهمت لو فهمت غلط اني اكول حرامات بيك سجى ماتستاهل انت تلوك لك ايناس
وميض يعني مو اكبر مني بالعمر يحق لج هيج تحجين ويايه
علياء لا احجي من اشوفك تمشي عوج لازم انبهك لن احبك لن انت ابني قبل لاتكون اخويه دار وجه ديصعد كتله تدري شون جانت فرحانه رجعت ركض دتبشرك
ودكولك سويت تحليل وطلعت حامل
وميض لتفتت على علياء وياي تحجين
علياء هو اكو غيرك
وميض منو حامل
علياء شون ضربتها وهي ماعدها ذنب شراح دكول ل ابوها اخوانها عمتك لي دمعتها بعينها منضرك كدامهم
وميض منو الحامل شبيج
علياء يعني منو حامل اكو غيرها تبشرك سجى
وميض نزلت ومشيت على علياء هاي شوكت مين عرفتي هسه كالو لج
علياء مو رحنه لسوك مرينه وسوت تحليل رجعت فرحانه طريق كله ماكو على لسانها غير وميض وانت محضر لها مفاجئه انت وحبك القديم
وميض علياء لاتلعبين بعصابي تحجين صدك
علياء وهيج شي بي كذب لو شقى
وميض لعد ليش مكالت لي
علياء المفاجئه لي محضرها انت لها نست دكولك على كولتها نسيت حتى اسمي
وميض خلي اروح عليها
علياء لاتروح نامت عدها الم بطنها وضهرها وكول لك تره نمير حالف يمين بس عمك محذره يوصل لك يعني لاعبالك ياخذوك بالحضان لو يمشوها وحتى هي دكول اخر يوم جان بينه هو بطريق واني بطريق لن منضرها ولعلامات لي بجسمها دكول يهودي ولزم مسلم خليها باجر روح
وميض كعدت احس هسه صحيت على نفسي عبالك جنت نايم الحجيه ساكته وتباوع عليه علياء كل شويه دكولي هيج كالت انت كايل لها شون هيج دكول شون
دكول الحجي جبرك عليها انت وافقت بدون ضغط اني ساكت بالي مو يمها صارت بالوحده مكدرت كتلها راح اروح مااتحمل بعد هسه كعدت علياء دنيا ليل خاف نامو
وميض اشوف مااكدر اضل بعد
علياء يله اجي وياك الحجيه نايمه اخذ مفتاح البيت
وميض شايل نسخه طلعنه
علياء وميض كل شي يحجون يسوه تسكت سمعت لو لا ولاترد اعتذر ولو مااعرف باي عين راح تدخل بيتهم وانت مفسخ بتهم
وميض هسه رايح اتعارك شبيج وصلنه ونفتحت باب بيت عمتي طلعت عمتي وسجى كوه تمشي وابو نمير وراهم
علياء ها خير سجى كولشي ولا لي بالي صار
عمه عدها نزف
علياء خرب ضميرك وميض
أبو نمير انت شجابك انت وجهك مااريد اشوفه وحسابك بعدين اشوفك شون تمد ايدك عليها
علياء يله اجي وياكم صعدنه وميض رجع للبيت من وصلنه لمستشفى شفت سياره وميض ورانه نزلنه ساعه نريد دكتوره دكتور ماكو وميض كام يصيح يله طلعت دكتوره حضرتها نايمه مبينه جديده متعينه بساع دخلت سجى كشفت عليها عدها اسقاط ساعه واحنه منعرف عن
سجى شي ممرضه تطلع وممرضه تدخل شكو محد يكول بعدها طلعت سجى وجها اصفر رغم ماجنت ضخمه بس سبحان الله لوجه ذبل بكم ساعه دخلوها غرفه خاصه جتي دكتوره سالنه عنها كالت خسرت
طفل النزف كوه كدرنه نوكفه له شويه جان خسرتوها الحمل داخل بشهر الثالث ورحم متاذي مضروبه قوي المريضه كدمات على جسمها مو مال واكعه من درج ابو نمير لا من درج اني والدها شون صحتها هسه طفل فدوه لها
دكتوره حجي حمدو الله اكيد مسويه شي زين ربك نجاها من الموت نكتب لها عمر جديد دكتوره تحجي وسمعت صوته احد يحجي بس منتبهت عليه دكتوره وياريت تراجع دكتوره لن المريضه بسبب لي صاير لها ومتاكده مضروبه بعد ميصير عدها حمل هي هيج كالت مااشوف غير وميض نسحب
ونضرب كله ودك بوكسيات باوعت نمير ثاري جاي وتلازم ويه وميض ابو نمير وكف بينهم ودكتوره طردتهم لن مرضى موجودين واني طلعت وصلت
وميض لباب لمستشفى وميض انت من كل عقلك تضارب ويا شكتلك وصيتك عود شنو انت شون تمد ايدك عليه اقلها راعي مشاعرهم وهو اكبر منك انت شصاير لك مدكولي تخبلت
وميض شنو اعوفه يضربني ونوب يطردني زوجتي تره
علياء وين جان عقلك من ضربتها لك بطلين دم مخلين لها وتدري شنو ميصير عدها طفل بعد شيسون لك ياخذوك بحضنهم وميض طفله بعدها شون هيج سوي حتى مااكدر ادعي عليك يله روحي اني ابقى
لصبح رجعنه مقبلت ضل سجى طلعنه على مسوليتنه دخلنه لبيتهم خطيه تلوب مااعرف شنو لي يوجعها الم مو طبيعي اني شايفه لي سقط بس مو هيج اخذت علاجها وكوه اكلت نامت كلت لعمه اروح لبيتنه هسه بالهم ظل واشوف امي
طلعت واني شابه بيه نار مااعرف شنو اسوي كون اروح اسوي هوسه ل ايناس بس مكدرت دخلت لكيت وميض كاعد بالمطبخ خال ايده على راسه ونفاضت الجكاير متروسه رفع راسه
وميض شون صارت
علياء بعدها الم عدها يزيد ماينقص اريد ادعي عليك بس لساني معكود اخويه وابني انت
وميض خلي اوديها دكتوره
علياء مقبلت عمتك وكعت عليه دخيل دم وابوها مكدرو عليها امي عرفت
وميض اي عرفت
علياءليش هيج صار شكد انتضرنه حتى نشوفه لهل طفل تالي بيدنه نروحه ليش صار اذا مامكتوب يعيش تالي يروح استغفر الله لا اعتراض على حكم رب العالمين شراح سوي نمير نار صاير وحلف مترجع بعد
وميض مفهمت دكتوره كالت بعد ميصير عدها طفل ليش شنو صار
علياء هو انتو خليتونه نفتهم صغار لو شايفكم احد وانتو واحد يضرب ثاني
وميض هواني لو ابن عمتج مو زين سكتت له
علياء ياكوات عينك وميض شجرالك ليش هيج صاير بنتهم رادت تموت تعرف شنو نزف يعني بعداد الاموات بس ربك رفع عنها دورت على دكتوره صبح ملكيتها طالعه عبالي اسالها
وميض زوجتي شنو يطردني وترجع لاتخافين تحبني متكدر تبعد عني
علياء لمن تعرف زوجتك ليش هيج سويت ليش ضربتها وانت غلطان جان مااضرب اني متعجبه انت ايدك مترفعها على مره شون رفعتها مادري هل لبنيه حظها وياك ماكاعد ليش انت تتخبل من رجال يضرب مره انت شون سويتها مادري
وميض سدي الموضوع هم راح تفتحي والله متدرين صاير بيه فقدت لن رادت تحجي
علياء عيبك تغلط بحق غيرك وماتعتذر نوب زيد بل غلط
وميض علياء كافي والله ماناقص بس انطيني مجال وبعدها شتردين تحجين احجي
علياء عفته كملت شغل البيت واخذت الحجيه رغم مريضه بس اصرت تشوف سجى لن تحبها
دخلنه لكيت سجى بحضن عمتي تبجي وكابلتها امي وعمتي شبعوني بجي وياهن طمنت امي عليها وراحت لن متكدر تكعد عدها فقرات ضهرها رجعت لبيت وميض بسياره وصلها امي ابد ما حجت ويه وميض كالت لي بي يكفي هسه تلكي ياكل بنفسه
وميض رجع على بيت عمتي من دخل وشافته سجى طلبت يطلع ابو نمير نايمه تعبان ليل كله سهران ويانه بالمستشفى
وميض عمه من رخصتج اريد احجي وياها لوحدنه
سجى مابيها تحجي مقبلت يضل
وميض كعدت قريب عليها على سرير عمتي وعلياء طلعن شون صرتي
سجى اطلع مااريد اشوفك تقتل القتيل وتمشي بجنازته اطلع بره وياريت طلكني
وميض ماكو طلاك انسي يومين واجي اخذج
سجى اطلع بره وتحلم ارجع بعد اطلع مالي حيل الحجي
وميض تحبيني متكدرين بدوني يله اني اروح شويه واجي محتاجه شي
البعض لا يبكي بسبب ضعفه وإنما لأنه ظل #قوياً .. لفترة أطول من قدرته على #التحمل 💔
سجى درت وجهي مرديت عليه جان بدي اكوم اكطعه بسنوني اريد اصيح اطلع حركت كلبي شكد تحملت شكد داريته شكد حبيته بني ادم يخازي مايجازي
شتحمل الم جسد لو الم الروح جان الم قوي عندي مكدرت ارد حيل ماعندي تقرب لي راد يبوس راسي وخرت منه دير بالك توصل لي بس شكله مادري شون جان
طلع ورجعت امي وعلياء محجو شي علياء جانت بوقتها مصدومه عبالك بنتها مو زوجه اخوها اني مرت عشر ايام واني متحمله الم جانو يسالوني اكلهم خف علمود لايطلبون مني اروح لدكتوره واسمع من جديد لي صار لي شويه تحسنت علياء خطيه بتلت بيه شكد شايفه حنينات بس مثلها مشفت تروح لبيتها ورها لبيت اهلها وبعدها تجي عليه مقبلت احد يداريني له هي رغم اجوي خواتي وزوجات اخواني
يتبع
بقلم زهرة ايلول
لاتنسون التصويت 😘