#الفصل_الثاني_البارت_الثامن
#رواية_أوكـــســجــيــن
#بقلم_فـجـر_الـمسـاري
#رواية_حقيقيه
#قصص_نور_قلبي
صابرين… الاحداث راح احجيها بسسرعة لان بوكتها
كمت اداوووم بالمعهد بالرمادي وتعرفت على
بنات بنفس منطقتنا… وصارووو صديقاتي…
كمت ارووح وارجع وياهم قبلها جان عدنان
ياخذني ويرجعني ..
صار عندي صديقات سوالف وضحك بهل فتره
دخل العراق بوضع انذار بسبب تهديدات
الامريكية على العراق وضغوطات الامريكية
والكل متخوف من الوضع وشنوو راح يصير .
عدنان هاي الفترة جان مقسم وقته بيني وبين
هديل وبين دووامه .. ماانكررر جننت اغاررر منهاا
كلش لان يفضلها بكلشي علي . ..
لان جانت حامل وهي ماشاء الله لسسان عليها
وتعرف شون تجيبه الها .
واني جننت اطلع حركت كلبي بالدراسة ادرس
وايام اكضيها بس ابجي خصوصا من اشوفه
اول ميجي من دووام يصعدلها ملهوف عليها
وهو مبتسم .
لو من اشوفهم كاعدين بالحديقه ضحك وسوالف
مرات احسسدهه .…
و جان من يصير يومي يتهرب ويتحجج يوم
هديل تعبانه ميكدر يعوفها بوحدها يخاف
عليها وعلى النونو عشتووو… اسكتت
شحجي و شكول اذا حجيت وتعاركت وياه راح
يكول اني الي ذابة نفسي عليه واني ماريد انزل
نفسي اله…
لو يسوي نفسه قلق بسبب الوضع البلد…
ومن جان يجي جان يدير ظهره وينام…
طبعا خالتي هالفتره تواصلي باهلي فقط
بالتلفون الارضي لبعد مسافه وبسبب دووامي ودووام عدنان وياهه
صابرين يمه وينج… .اي عمه جايه
مديت راسي من الدرج اكلها… يمه امج على
التلفون من سمعت فرحت نزلت ركض…
عمتي راحت فاتت لغرفتها واني كعدت احجي
وياهه…
الووو…
الوووو شلونج خاله شلون بابا
ولج صح الي سمعته تحجي صايره نار
بلعت ريك كتلها شنو خاله سمعتي…
ولج صح عدنان متزوج عليج يمصخمه…
كتلها اي…
عزززه بعينج من شوكت ليش ماكلتي ماحجيتي
كامت تحجي وترزل بيه… وكالت هسه اجي
اخذج وبيتنا مفتوح الج
ارجعي وعوفي … بس اني مكدرت صعبه
كتلها لا مارجع ..
لان بعدني عروس مصار على زواجي غير شهرين
واطلك وناس مترحم .. المهم…
ومررت الايام جنت ارجع من دوووام ودراسة وتنظيف وطبخ…
جنت من تجيني الشهريه اتخبل واكعد ابجي
بيني وبين نفسي اريد طفل بس مكدرت ابين
اله اني افكر بالاطفال…
..،… يوم الخميس والجمعة…… .
البيت يصير ملتقى الاخوة والاخوات ويصير حجي
وتصنيف عليه واسمعهم شون يذبولي بالحجي
لان قبلت يتزوج ويبسمرون جنت ابتسم واسكت شرد اكول واحجي اذا يشوفون بعينهم اخوهم شون شايلها بالصلوات
عبالك بس هي حامل بالعالم وشتريدين وشطلبين … وهديل هالفترة كامت تجي
للبيت وتتامر وتضحك جنت ماديرلها بال
وتسوي نفسها تعبانه ومن يرحون الجموع الغفيرة
يوم الجمعة ينكسر ظهري بالتنظيف البيت جبير
وبس اني وحدي…
التهيت بدراستي بالمعهدوبديت بالتطبيق
احلئ ايام حياتي طبقت بمدرسة ابتدائية قريبة
جنت كلش فرحانه كمت البس ملابس اشكال
و مكياج حسيت تغييرت نفسيتي وحسيت بكياني وجودي اله معنى . طبعا تواجد
عدنان قليل يجي،..للبيت…
-- كعدت سويت ريوك مثل كل يوم سمعت صوت
عمتي كعدت صبحت عليها وبست راسها وهي
تدعيلي بذريه… صالحه…
حطيت ريوك اتريكنه صعدت بدلت ونزلت
طلعت وسديت الباب شفت سيارة عدنان باب
المشتمل… رفعت حاجبي واحجي بيني وبين
روحي هذا شوكت نزل من دووام…
اي ميكدر على فراك الخنفسانه… واني ادردم
شفته طلع بسيارته درت وجهي…
ومشيت اجه يمشي بسيارة قريب عليه صاح
صابرين… .صابرين… التفتت عليه…
بدون ماحجي… .
وقف سياره و كال صعدي اوصلج
… صعدت ومشينه
ضل يسولف عن وضع البلد واني ساكته
اندار عليه كلي بيج شي كتله
لا ماكوو شي…
ليش ساكته…
- وصلنه للمدرسة اجيت انزل واسمعه يكول ليوم اجي
اتعشه يمكم مشتهي دولمه من ايدج ..
.. هلا بيك البيت بيتك تدلل… ونزلت
خلص دوام المدرسة ورجعت للبيت اتمشى
لان قريبه علينه مو بعيده…
فتت للبيت ماكووو احد صنطه يمكن عمتي وعمي
طالعين لو نايمين…
-صعدت فوك ع سريع بدلت ونزلت غسلت
لكيت عمتي خطيه طابخه مركه فاصوليه حميتها
وسويت زلاطه وخضره وماكو احد…
-كعدت شويه وفاتت عمتي وعمي اسمعهم يحجون
كلت شكووو ياستار…
طلعت من المطبخ… شافتني عمتي ها يمه جيتي
اي يمه …
كالت يمه حضري الغده صبيت الغده وكعدنه ناكل
واشوفهم مو ع بعضهم…
عمه اكووو شي صاير شي ..
لا عمه ماكووو… .سكتت
كملنه شلت لمواعين وغسلتهم جنت مخليه جاي
ع طباخ خدر صبيته واخذته الهم…
طبعا البيت اسكن بي بس اني وعمي وعمتي
اخوان عدنان الي ممتزوجين يجون زياره ويرحون
لان واحد يدرس بغداد وثاني يشتغل وعنده بيت
وحده وخاطب…
كملت وتذكرت عدنان مشتهي دولمه فتحت ثلاجه
خليت راسي بيها اشوف شنو عدنه وشنو ماعدنه
لكيت عدنه طماطه وخيار وباتنجان وفلفل ولحم
بس سلق ماكووو…
عمه… هااا يمه بيج شي… لا عمه
دنكت وكتلها ليوم عدنان لصبح وصلني لمدرسه
ابتسمت…
وكلي ليوم اجي اتعشه عدكم ومشتهي دولمه
وماعدنه سلق وكم حاجه محتاجه وياه ..
روحي يمه جيبيلي عباتي من الغرفه وكوليلي
شمحتاجه اجيبلج ويايه…
كتلها على شغلات وراحت ..
نص ربع واجتي لان ابو المخضر مو بعيد علينه
اخذتهم منها… وفتت للمطبخ وبديت احضر
لدولمه وسويت وياهه بورك…
كملت فتت سبحت ونمت مكعدت لساعه4 للعصر
نزلت خليت جدر دولمه ع نار وسويت زلاطه
للمغرب اجه عدنان…
اسمعه يحجي ويه اهله اني جنت بالمطبخ
طلعت سلمت عليه… رد السلام مبتسم
بس عمي وعمتي ساكتين… حسيت اكوو شي
بعدهه كعدنه كلنه نتعشه…
عدنان ياكل ويحجي الله شكد طيبه عاشت ايدج
-صابرين الف عافيه ..
اتعشينه وكملنه… وشربنه جاي
عدنان… باوعلي وكال اني جاي اودعج خاف يصير
شي ابريلي الذمه… واني صافنه عليه
واني ماعرف شنووو الموضوع…
كال باجر التحق واحتمال مارجع بعد شهر…
ودعنه واني ابجي واهله يبجون ودعيله ربي
يرجعه بسلامه
لان بوكتها صارت حرب وقصف بالمحافظات
ودخول امريكا… بات بيومها يمي…
وكلي حضريلي جنطتي وخليت ملابسه وكم حاجه
محتاجها كلي عليها…
وخليتها يم الكنتور … صاحلي تعاي…
رحت يمه فتحلي ايده وحضني ع صدره
شكد مشتاقتله ومشتاقه لعطره لانفاسه
لنبرة صوته لكلشي بي .. ..
بلحظتها من حضني حسيت بالامان وياه
وغمضت عيوني تمنيت هالحلم مينتهي…
عدنان… .اتحبيني…
تفاجات من كلامه رفعت راسي باوعت بعيونه
باوع بعيني وكال اتحبيني ..
شفت بعيونه نظره غريبه ماعرف حب لو شفقه
اقترب باسني من خدي… ووو….
كعدت الفجر ع صوت طكطكته فتحت عيوني
شفته لابس بدلته العسكريه…
شافني ابتسم… وكال ظلي نايمه ..
كتله اسويلك ريوك ..كال ماريد…
ومن الفجر ودعني طلع…
واسمعه جوه يودع باهله ..
باوعت من شباك غرفتي شفته راح على هديل
بقيت واكفه بالساعتين يله طلع…
طلعت وراه تودعه ركب سيارته وراح…
مرجعت نمت غسلت وكعدت صليت دعيت ربي
يحفظه الي ولاهله…
مررر اسبوع على روحه عدنان لدووام بيوم
واني راجعه من المدرسه شفت سياره واكفه
باب البيت بيضه استغربت منووو ..
فتت جوه شفت هديل بالهول كاعده وياهه
رجال جبير بالعمر. ولد وعمي وعمتي كاعدين
سلمت وفتت جوه…
واسمه يكول بنتي راح اخذها يمي عود من
يرجع زوجها ترجع ..
ماعوفها وحدهه…
عمي جاوبه… بنتك وبكيفك بس هسه هي
مسؤله من رجال شون تطلع بدون علمه
جاوبه ابوهه ..بيت اهلها مو بيت غريب
اخذهه وطلع ..
بعد مراحووو طلعت سالت عمتي
كالت هذا ابوهه لهديل اجه من لنجف ياخذهه
تريد هناك يم اهلها تجيب…
كتلها الله يكومهه بالسلامه ..
--- وانقطعت اخبارهه عنه بالاثناء ..
جان عدنه راديون صغير جنت افتحه على اذاعة
مورتكالوا…
جانت تبث اخبار قطعات عسكريه وتحركات الجيش…
بهل فترة انقطعت وسائل الاتصال ..وانقطع اتصال
باهلي ماعرف عنهم شي… وبعدنان ..
ماكوو خطوط وكهرباء انقطعت بقينه على الفانوس والشموع متت من الخوف والبجي..
جنت اكعد بغرفتي اكثر وكتي اصلي واقرا قران
بس القلق والخوف تملكني والاخبار متبشر بالخير
ومعظم محافظات نزحت لجنوب لان جانت اكثر
امان… والاوضاع متوتره…
وشهداء .. والقصف شديد على مواقع عسكرية
بالرمادي وحتى اكوو عوائل راحوا بيها
خلال هالفترة عشنه بقلق وخوف ورعب
داخل البيوت وشوارع خاليه من اي حركه الناس
خايفه ..
بالليل جنت نايمه بغرفتي حسيت على نفسي
مثل حرارة وشي نزل مني والم جنت لابسه
دشداشه كدري لون اصفر موردة اباوع على جسمي
غركانه بالدم…
خفت سترك ياربي… جريت نفسي بلكوه ونزلت
وصلت لدرج مكدرت بعد كمت اعيط واصيح
على صوتي كعدت عمتي وعمي اجوي علي يركضون ..
صاحت شبيج يامصخمه تعيطين وقت الفجر
كتلها عمة لحكيلي مدري شنو هالدم
راح امووت الالم موتتني ..
جان تضرب على صدرها وصاحت عزززه
العزززاج يامصخمة ..
ولج انتي حامل ومتدرين… بنفسج ..وصخمتي
وين اوديج بهالليل وكله قصف ونار مشتعله
والطرق مكطوعة ..
-كمت اصيح راح اموووت خاله من الوجع…
اخذتني فوتتني للحمام وغسلتلي ولبستني هدوم
واخذتني هي وعمي لغرفتهم نومتني على المندر
واني الوب من الوجع متت حسيت روحي
راح تطلع ..الم فضيع ..
طلعت شويه واجتي بيدهه كلاص ..
كالت كعدي ساعدتني كعدت و شربتني منه كالت هاي اعشاب
تفيدج وانطتني حبوب وبقت كاعده يم راسي
وتقرا ايات .. لصبح…
يتبع…… .
بقلم الكاتبه فجر المساري
أدمن قصص نور قلبي