بقلمي
الكاتبة غدير الحيدري
....
مساء الخير
كل تعاليقكم اقراهه
وفديت اليتفاعلون😍
ويفدوني المضغوطين
واعلان قصص اخرى ممنوع
وتجاوز علية ممنوع
وتململ من استراحاتي هم ممنوع
ع كولة رضوى
طق جق بلووووك
قراءة متروسة جوملاستييك
...
لا تقترب مني ابداََ
فجرحك عاد يؤلمني
وما عادت تلك الضمادة توقف نزف الروح
فكل شيء قد اباح
وقد باح دمي
...
راحيل
بعد ماضميت راسي بالمخدة
احس روحي بدت تطلع مني بهدوء
صار لازم اواجه الحياة
واتقبل الواقع
ماحسيت غير زيد رفعني بقوة
عيونة حمرة متروسة دموع
تأبى النزول
نتر واحس صوتة مبحوح
زيد:شنو هاي انتييي انتيي غلطانة
هزيت راسي بمعنى لا
ودموعي تنزل
هو تخبل صار يضرب ع راسة
زيد:شنووو لا شنووو لا انتي استغبيتينيييي
مسحت دموعي
وشهكت
راحيل:من اني وصغيرة تعرضت للاغتصاب
زيد:وترديني اصدكج هسة؟
غطيت وجهي بأيدي
ارتجف وابجي
جرني بقوة
زيد:ترديييين اصدكج هسةةة ليش ما كلتيلي قبل ليييش كسرتي فرحتي؟
صرت ابجي
والزم ايدة
راحيل:زيد والله خفت وهالموضوع شكل عندي عقدة زيد والله كنت صغيرة وواحد حقير ندسني
زيد:مااصدكج لان اللي تكولي كذب لو صح كلامج تواجهييييني
كام من السرير
وكعد بالكاع
خلة راسه بين رجلة
زيد:كل ذاك خوفج ماكان خجل او شرف مثل ماتوقعت كانت حيلةةةة لج انة غبيييي ووكعني مكرج
راحيل:وحق ربي اني مظلومة وردت ابتعد عنك بس انت اصريت والحيت
كام واجة يمي
زيد:اصريييت لان حبيتج لان عشكتج وشفت خوفج كلت مستورررة ولج طلعتيي..
صرخت
راحيل:لااااا زيييد لا تكمل وتظلمني اكثر راح تتندم ع كلامك
زيد:انطيني اثبااات ورقة صخاام تدل ان كلامج صح
وكعت دموعي
راحيل:ماعندي غير امي واختي ومروان همة اللي يثبتولك الحقيقة
زيد:تضحكين علية انتييي ولج تضحكييين ع زيييد ولج مااانخلقتي بعيييني
ضربني راشدي بقوة
وكعت دموعي بحرارة ع خدي
رفعني من شعري وكال
زيد:حتى لو كنتي مظلووومة شنو المانعج تجين وتصارحيني؟ هذا دليل انتي مستغفلتنييي وكل ظنج انة طفل
صرت ابجي
دفعني وخلة ايدة ع راسة
كال بقهر
زيد:راحيل انتي كسرتي ظهري مو بس فرحتي الانسانة النقية اللي حلمت بيهه طلعت مو نقية واكو قبلي واحد شايفهه وماخذ كلشي بيهه وبالحرااام
راحيل:كننت طفلة
صاح بية بقوة
زيد:وللللج سديييي حلكككج ولج اسكتتتتي مكيف بيج واستغبيتيني ماانكسر كلبج من شفتي غبائي؟ انة شكول للعالم؟ شكول لأهلي؟
باوعلي
ودموع محبوسة بعينة
زيد:لو الكلام اللي تكولي صح كان امج كالت لبيبي كان اجيتوني وانحل الموضوع بس كلة كذب وانة ساعدتكم ع الكذب
رجع كعد بالكاع
ومر الليل وهو صافن
ماكدر ينام
واني بس ابجي
اكيد راح يفضحني
ياربي ساعدني
وللصبح غفيت
اسمع صوت المي الظاهر هو بالحمام
كمت من مكاني
طلع من الحمام وخزرني
نصيت راسي
نتر
زيد:كومي سبحي اتصلوا علينة
خليت الشرشف ع جسمي
كمت دخلت للحمام
فتحت الدوش علية
وكمت ابجي
كملت سبح وطلعت
شفتة كاعد ع السرير
رحت يمة
كعدت بالكاع كدامة
لزمت ايدة والدموع بعيني
همست
راحيل:انت مصدكني
جر نفس
وسحب ايدة مني
كال
زيد:انتي كسرتي ظهري وخليتيني مو رجال كدام روحي لتخافين راح اضم سرج لحد مااموت وراح انام وتنام الحسرة وياية بس لا تضمنين فد يوم ارجع زيد القديم
كام وتركني
زيد:زيد اللي حبج وتمناج اللي كان يعتبر خوفج حرص وبعدج عنة شرف ورفضج الة دلال وضحت الامور كدامي والاشياء اللي حبيتج بسببهه كرهتهه وكرهت موقفي ان تقربتلج وقبلي واحد
ماكدر يكمل كلامة
جر حسرة وكال
زيد:انتظرج برا
طلع وعافني
ضربت وجهي
شسويتي بروحج راحيييل
غبييية غبييية
كمت ولبست الكوستم الابيض
والشال وخليت مكياج خفيف
لازم امثل
لبست العباية ولملمت الاغراض
رتبت كلشي وطلعت
لكيتة صافن
اول ماشافني جر حسرة
وكام
اجانة اخو حسين
ومكيف بينة وباركلي
اخذنة للبيت
واول ماوصلنة ذبحوا خواريف
وهلاهل وبيبي تطش جكليت
اباوع لزيد بغير عالم
دخلنة جوة وبيبي نطت الوكعة
بهار تأشر لزيد
بس زيد ما مهتم
كام ع بيبي وكال الهه بهدوء
زيد:اسرار علاقتي براحيل محد الة دخل بيهه ومااقبل انطيكم اي شي يخص علاقتنة فهمي جنتج هالشي
اباوع لأمي تبتسم
كل ظنهه ان زيد مقتنع ببنتهه
دخلت للغرفة مكانهه يم الدرج
وذيج الغرفة الفوك تركهه
كانت مرتبة واحدث موديل
زيد طلع ما بقى
اجت امي تريد تستفسر
لزمت ايدهه وهمست
راحيل:خابري راسيل وكولي ماكو شي واني مااكدر اسولف عن علاقتي الزوجية بزيد
زهرة:يعني خير؟
هزيت راسي
وهي بوستني وطلعت
كعدت ع السرير
اتذكر فرحتة وحبة الي
اخ يازيد شكد اذيتك
ياريت لو تسامحني
ويرجع كولشي مثل ما كان
بس شلون ارجع فرحتك؟
تغدينة
وبوقتهه عزيمة وهوسة
وخوالي كلهم اجو
سارة تريد تقلعني وبهار كذلك
هو محد دمرني غير انتو
اجة زيد ودخل للغرفة
كمت دخلت ورا كبل
وسديت الباب
لكيتة داينزع قميصة
كال
زيد:راح انام ومااريد احد يكعدني او يزعجني اني اكعد براحتك
باوعتلة
دار وجهه وكال
زيد:طفي الضوة يلا
طفيت الضوة
وهو راح تمدد ع السرير
نام ع بطنة بدون قميص او فانيلة
بس بالشورت
الجو بارد خفت لا يستبرد
فتحت التدفئة
ورحت تمددت يمة ع السرير
كنت نعسانة
مديت ايدي وتلمست ظهرة
حسيتة تشنج
يعني مو نايم وحاس بية
تقربت
وخليت راسي ع ظهرة
غمضت عيوني ووكعت دمعة مني
همست
راحيل:اني مثل ماتوقعت انت اني ماخذلت التوقعات اني بس كنت ضحية لشي مو ذنبي بي يمك لكيت حياتي وانزاح خوفي بس ماكدرت اواجهك بنقصي اختنك من اتذكر ذيج اللحظات
جر حسرة
كال
زيد:راحيل رااسي راح ينفجر ارحميني عاد اريد انام
راحيل:راح اسكت بس راح يجي يوم تسمعني بي
مارد
شوي وسمعتة صار يشخر
صرت اغفي وغمضت عيوني
حسيت ع الباب انفتحت فجأة
بس لزمت نفسي ومافتحت عيوني
اسمع بنت خالي تكول
:عمة بهااار خبصتينة ع الغرفة شوفي العرسان بسابع نومة
بهار:ايي دشوفوهه شلون نايمة ع ظهرة حيطير منهه عبالك امري لله
طلعوا وسدو الباب
فتحت عيوني مصدومة
هاي شبيهه بهار
شنو هالحركات هاي
جريت نفس بتعب
كمت وقفلت الباب
ورجعت للسرير ونمت
ماحسينة للمغرب
بيبي تدك الباب علينة
حبوبة:كومو يا عبدة الشياطين اكو واحد ينام المغرب ولكم من الظهر لهية كوموا
صاح زيد
زيد:اي اي بيبي فهمنة
حبوبة:شمالك حابس الفرخة من الظهر كوم ولك لا انعل الخلفوك
كام ولبس بسرعة
وفتح الباب واني افرك بعيني
كالت بيبي
حبوبة:امشي اسبح وصلي
زيد:شبيج بيبي الواحد ينام ينخبص شكووو
حبوبة:دااكول امشي اسبح وصلي وانتي ولج انطي راحة لنفسج
جريت نفس
حيل بالهه رايح بعيد حيل
زيد دخل يسبح
واني ارتب الغرفة
طلع صلى واني هم صليت
وتعشينة
ومر هاليوم ببرود زيد
ومااعرف اذا الايام كلهه راح تصير هيج
وممكن احلامي وامنياتي كانت زيف ووهم
ولازم اتحمل
اليوم تأخر زيد بالرجوع للبيت
واني كعدت انتظر
دخل للغرفة
كأنما ماموجودة
غير ملابسة وراح للسرير
اني ادري هو مو هيج
واعرف شنو اللي غيرة
بس لازم اسعى حتى يرجعلي
زيد القديم اللي عيونة تلمع بالحب
كان نايم ووجهه ع جهة المراية
رحت وكعدت بالكاع يم السرير
مقابل وجهه
مديت ايدي وتلمست شعرة
ونزلت ع خدة وركبتة
همست
راحيل:زيد
مارد الي لكن اعرف
كان صاحي
همست والدموع بعيوني
راحيل:كنت طفلة بالابيدائية ببيتنة اللي بالحلة اختنكت من البيت وطلعت اشم هوى برا صرت امشي مابين البساتين والعب لحد ماالتكيت بشخص يتحرك بعد توازن عرفتة مو زين لان كان يشبه ابوية من يرجع للبيت ويضرب امي
وكعت دموعي ع خدي
وشهكت
راحيل:كان ضخم لزمني وصرت لعبة بيدة اصرخ واريد ابتعد اعرف بقدوم الخطر بس مااعرف شنو نوعة وو شككك ملابسي واني الملم بروحي بكل حياء واصرخ ماكان اللي يسمع صدى صراخي لحد مااظلمت الدنيا بعيني وواجهت اقسى شعور
مسحت دموعي
راحيل:خفت اواجهك خفت تأذيني او ماتصدك او تفضحني وتتركني خفت اكسر ذيج الفرحة وسكتت لحد ماكسرت نفسي
تلمست وجهه
راحيل:زيد.. انت مصدكني موو؟
دار نفسة ع الجهه الثانية
ونطاني ظهرة
بمعنى ان هو مامهتم لكلامي
ولا مصدك
هنا احس الدنيا اسودت بعيني من جديد
واختنكت
خليت ايدي ع ركبتي ودموعي تنزل
اني نحسس
اني كل شخص يقربلي يأذيني
وروحي تتأذى
اني مو انسانة طبيعية
دواخل روحي تتكسر يوم بعد يوم
ومااعرف بأي كسرة اموت
كل اللي اعرفة ان البشر اذوني
واخذت من الخياة مايكفي
يكفي ان اعز شي راح مني غصب
واللي احبة مامصدك
سحبت نفسي بعيد
وكعدت بالزاوية
راسي بين رجلي
وخلصتهه بجي للصبح
كيف؟؟؟
.....
بغداد
زهرة
الساعة ال9 ليلا
كملت حنة وزفة اخوية زيد
جلال اصر ان نرجع وماقبلت
وبقيت لثاني يوم
اجو زيد وراحيل يخبلون
رحولة تجنن بالنزاكة
وزيد بعد اخوية
فرحنة بيهم وتغدينة
امي كدام الكرايب تحمد بجلال
ع شنو؟ ماادري
خطية امي ماتبطل نظرتهه السطحية
عبالهه كلشي يلمع ذهب
المغرب بيبي داهمت زيد بغرفتة
وجلال داهمني بأتصال
فتحتلة خط كال
جلال:حضري ملابسج واغراضج نص ساعة ونرجع لبغداد
زهرة:بس بعد اهلي مهوسين واريد انظف وي امي
جلال:زهرررة كافي
همست
زهرة:شبيك تصيح
جلال:باجر عندي دوام
زهرة:جلال روح لدوامك وخليني هالايام هنا
جلال:ترا ماتزوجتج حتى تكعدين يم امج اذا فاهمة الزواج هيج ابقي يمهه من الاصل
عقدت حاجبي
هذا شبي؟
كال
زيد:نص ساعة ونطلع
وانغلق الخط
خاب صخونة لهالعجرفة
كمت الملم بأغراضي
وامي مكيفة لأن حروح
هاي شبيهه؟
بيبي توصيني بجلال وبعيالي
اهووو ميحتاجون توصية
تراكسودي لاعب طوبة بيهم
كملت وطلعت
شفتة واكف برا
يشرب جكاير ويسولف بالفون
تعديتة وصعدت للسيارة
خليت الاغراض ليورة وكعدت
هو سلم ع اهلي واجة معصب
حرك السيارة وهو يصيح
جلال:انتيييي شنو؟
زهرة:شنو؟
جلال:شنو معناهه تجتازيني وتصعدين للسيارة يكيفج؟
زهرة:وهل يحاسب المرء على فعل شيء لا يعلمه؟
عقد حاجبة
جلال:شنو يعني؟
زهرة:يعني مااكدر تحاسبني لان من الاساس ماشفتك
كلت هالكلمة وانعلك الجو
راد يسويلنة حادث
والطريق كلة كضيتة سينفونية خاصة
للمغني جلال
وصلنة للبيت ساعة9
استقبلتنة ام جلال
وباركتلي ع عرس اخوية
جلال دخل للغرفة ضايج
احسة حينفجر
اخذت الاغراض ودخلت للغرفة
رتبتهه بمكانهه وبدلت
لبست تراك لولو كاتي
هو يخزر بية
وانة اسوي نفسي مامهتمة
لحد ما جرني من معصم ايدي بقوة
جلال:اني اعرف شنو اللي ممكنج مني
رفعت حاجبي
زهرة:شنووو؟
جلال:اني طالع وارجع ب12 حضري نفسج حتى كولشي ينتهي واشوف عذرج وين؟
طلع وعافني
صفنت
هذا من كل عقلة يحجي
والله لو يمووت
كعدت انظف بالغرفة
ودخلت سبحت
لبست تراك جوزي
وخليت قناع بوجهي
لل12 دخل جلال
باوعلي وكال
جلال:داتتحضرين
زهرة:انت واثق بنفسك هواااي خليهه ببالك مااقبل ع نفسي انجبر ولا اقبلهه ع روحي انهان واسكت عن الاهانة
جر نفس
ونزع قميصة
جلال:انت مداتفسرين الامور عدل
ضحكت
زهرة:يمكن صح لان من توصل الجروح لمشاعري انعمي
جلال:خلي نحلهه بهدوء
زهرة:قسما بالله الم امة محمد عليك لا تشوفني ساكتة وكاعدة اللي سويتة بيوم الزفة اكبر اهانة الي ولمشاعرييي
نتر
جلال:لا تصيحييين
زهرة:اصيح واكلب الدنيااا لان ما عدت اتحمل كلامك وتصرفاتك
جلال:ترا مارفضت انجلينا جولي
دمعت عيوني
زهرة:انتتت يكفي رفضت بشر يكفي ان نقصت مني وكعدت تسولف عن حبيبتك وتدري شي؟ لو بيك خير ما تتركك بس عرفتك ميت ضمير وشتريد تسوي سووي ماخايفة
فتح عيونة مصدوم
قبص ايدة بس ماكال شي
شال مخدة وبطانية وخلاهه بالكاع
شلت القناع وغسلت وجهي
ورجعت لكيتة متدد بالكاع
باوعلي مادرت بال
فتحت الكنتور
طلعت دشداشة قصيرة
لبستهه بالحمام
وطلعت مشطت شعري
كال
جلال:هاي شلون هيج شعرج طويل
زهرة:اسأل رب العالمين
ذبيت المشط ع الميز بقوة
ووكفت ع السرير مثل المخبلة
زهرة:بعد لا تحاول تحجي وياية تجنبني احسن
جلال:اكلج شو طالعة عينج انتي ترا اكوم اكسرج بس اني مااضرب ولا ضارب مرة بحياتي لذلك احترمي
ضحكت
زهرة:مو بس الايد اللي تضرب مرات اللسان والتصرفات
تمددت بالسرير ونمت
بنص الليل حسيتة يتلمس بوجهي
جمدت وبدون مااحس ع نفسي
ضربتة ع ايدة
هو رجع كبل لفراشة
عبالة نايمة ماحسيت
بعدك ماشفت شي مني
باشا جلال
...
بغداد
الساعة ال9 صباحا
راسيل
فرحة عن فرحة تختلف
ومن تنجمع المواقف
تنتج الك سيناريو كامل عن طبيعة البشر
اللي حولك
لازم تكون دقيق الملاحظة
وتنتبه ع اللي يبقى
وع اللي يروح
حضرت عرس راحيل
فرحت الهه هواي
رغم كولشي صار بسرعة
بس حبيت فرحتهه
ولمحت الحب الكبير اللي بعيون زيد الهه
لكن الفرحة ماتكمل
خوفي عليهه كان غالب
خصوصا ان اعرف طبيعة الناس هنا
بدون تفاهم قتل
ومايصدكون
وسالفة راحيل صار الهه هواي
حتى تقرير طبي او اي شي ماكو
وهالشي زادني خوف
وملحة شهم الزايدة اذتني
كل شوي صايحني
واروحلة مايريد شي
مجرد شخص ينغص علية الفرح
واللي زاد قهري قرارة المفاجئ
ان نرجع لبغداد بيوم زفة راحيل
وجبرني ع هالشي
هنا كرهت الزواج وساعة الزواج
وكرهت روحي اكثر
طاقتي نفذت
ومدااكدر احمل
اتعرض لأجهاد اتعرض لموت ع البطيء
بس محد يحس
منو يحس واني ابتسم
واخفي واخفي واخفي
الى متى ماادري
وهاي اني
تعودت كل مااكعد الكاه ماكو
بس الكة عطرة وريحة جكايرة بية
الكة خيباتي متعلقة ع جدار الامنيات
واثار روحي ع السرير
كمت
وصرت اباوع
هو هذا الزواج اللي حلمت بي؟
قتل موت مشاعر غصب وجبر
اخ من الجبر
جريت الفرشة وشمرتهه بعيد
كعدت بالكاع وصرت ابجي
اكو كتمان بروحي
وحالة نفسية سيطرت علية
ومجددا سكتت
وكمت عدلت كل شي وسبحت
واذن وصليت
وتغديت بوحدي
رجال نهار كامل مااشوفة
اشوفة بالليل فقط
ومااكدر ارفع عيني بعينة
حكم القوي ع الضعيف
اخ من الدنيا
لليل
وبعد ماماتت مشاعري الف موتة
اجة شهم
ابتسم وكال
شهم:خير شو ضايجة؟
راسيل:شهم نفسيتي تدمرت
شهم:كل العندج واللي بين ايدج ونفسيتج تدمرت؟
راسيل:شهم انت..
قاطعني
شهم:اني راح اختارلج كولشي حتى تتغير نفسيتج
جريت نفس بتعب
واحس الكسر اللي بروحي جبير
حيل جبير
بقيت كاعدة ع السرير
ومنصية راسي
وهو يكلب بالكنتور
كال
شهم:راسيل ليش ماحملتي؟
زفرت بملل
راسيل:امر الله
ضحك
وانشمر شريط حبوب المانع بالارض
فتحت عيوني مصدومة
كال
شهم:وهذا شنو شغلة؟
راسيل:هه هذا مو مانع ه. هذا حبوب اكتئاب
شهم:وليش خايفة وترجفين خلاص مصدكج
دمعت عيوني
اقترب مني ورفع الحبوب
صار يباوع عليهه
شهم:اني غلطان ههه بس شوفي الله يحبني ونقذني كنت انطي من نفس هاي الحبوب للعواهر اللي اروحلهم حتى متحبل وتذب الطفل براسي بس طلع حبوب اكتئاب هههههه مو؟
وكعت دموعي
همست
راسيل:شوف شهم
شهم:منين جبتيهن؟
راسيل:ششهم
صاح بصوت عالي
هز اركان الغرفة
شهم:منيييين جبتيهن وردة موو؟؟
صرخت بخوف
راسيل:لالا مو وردة اني من رحت للعمارة دزيت بنت خالي وجابتهه الي اني وردة معليهه
اقترب مني
كال
شهم:ليش تخادعيني من جديد
مسحت دموعي
شهم:ليش راسيل ليش؟
كلت بخوف
راسيل:ظلمك جبرني والحياة اللي عشتهه جبرتني تريد اجيب طفل يعيش نفس دماري؟
ضربني راشدي بقوة
وكعت ع السرير
جرني من شعري ويضرب راسي بالسرير
شهم:ولج شكددد مااكول تربيتي تطلعين مخادععععة ولج انتي عكربة تللللسع حقييييرة
صرت ابجي واصرخ
راسيل:ملييييت ظلمك مليييت طلكني وخلصني من هذا الدمااااار
صار يضرب بية بجنون
ولزم الحزام وورم جسمي بي
واني اصرخ
راسيل:اضررررب بععععد خلي تنطبع رجولتك ع جسمي اثررر خلي اكرهك اكثرر اضرررب اني عدوتك
جرني من شعري
وجهي متروس دم
همست
راسيل:طلكني
شهم:تحلميييييين اني مااعوفج
جرني بقوة
وشمرني ع الارض
كعد ع السرير ولزم راسة
شهم:ماتردين طفلللل مني تسوين كل هاي السواييية ولج تستغفلييييني يا مخااااادعة
كانت الدموع تنزل وتحركني
وهو تخبل
كسر الغرفة
شهم:كل مااكووول اسااامحج تكسريني بشي اكبببر ولج وين اولي من خداعج ويييين
همست
راسيل:طلكني وخلصني واخلللص
شهم:اطلكج؟ اطلكج مووو؟
ورث جكارة واجة طفاهه بركبتي
صرت اصرخ
احس ماعندي قدرة للتحمل
وفقدت الوعي
حسيت الصبح علية
يجرجر بية
شهم:كووومي يلا كووومي
رفعني من الارض عبارة عن ركام
شمرني بالحمام
شهم:اسبحي يلاااا اليوم متبقين هنا
بس المي ينذب فوكاية
واني مااحس
طلعني ولبسني الملابس
لم كل الاغراض
وجرني
نزلنة جوة البيت فارغ
اخذني بالسيارة لمنطقتهم
والمفاجأة كان باني شقة يم بيت الست وفاء
صعدني فوك
وشمر الغراض بالارض
مسحت دموعي
كال
شهم:هنااااا كبرج هنااااا
ومرت الايام
ترسم ساعاتها ع دماري
واتلاشى وي الوقت شوي شوي
الشقة مقفلة من كل النواحي
هوى مابيهه
فعلا كبر
ومااكتفى بدماري وحالتي النفسية
صار يتقربلي كل يوم
وازيد ضعف ووهن
اخر شي
لزم شعري بقوة
كال
شهم:امنت بيج بس ماتستحقين الامانة وراح تشوفين الدمار ع اصولة بعدج ماشفتي شي
غمضت عيوني
ششوف دشوف اكثر
شتشوفني الايام؟
وثاني يوم تحديدا ساعة 11
سمعت صوت الشقة انفتحت
سمعت صوت شهم
وويا صوت ضحكة مرة!!
كانت ضحكتهه مشبوهه
وترنيماتهه بأذني لحد هذا اليوم
كمت ودموعي تنزل بقوة
فتحت الباب
شفتة دخل للغرفة اللي كدامي
والبنية ويا
وكعت دموعي
وهو التفت وباوعلي ورفع تك حاجب
هنا احس نهارت قواي
ووكعت للارض
وماذا؟؟؟
....
بأعتقادكم ان الظلم ينتصر؟
العدالة قادمة
والنهاية واضحة
لكن نصبر ونكول تهون
اعرف قصص اصعب واقوى
ولأشخاص مقربين مني وتخيلوا
باجر استراحة ماانزل بارت
قدروني❤🌸
انتظروووونا
ولتنسون التصويييت