بقلمي
الكاتبة غدير الحيدري
....
نظرة منك كانت حياة
ونظرة مني كانت موت
لك ولأمالك
حطمت كل ماتتمنى
وقاست بي الايام ان تقطع اوتار الشوق
بسكين الوصال
.....
بزوايا السجن
كانت اكو روح تصارع
مابين خيبة وفشل
مابين تعب وارق
مابين شوق وعشق
وضغوطات العالم من كل النواحي
اول مرة اقع ضحية بشي اني مامسوي
عيونهه هي اللي تنقذني
تنقذني من الحيرة والندم
من الالم
من كل شي بروحي يصطدم
كنت اتلوى مابين الكل
ع حلم ضايع
ع فرحة ماتمت
ع انكسار واضح صرت اشوفة بعيون الكل
وراحت ذيج الايام
وراحت ذيج الثقة
وصارت ذكريات
بخانات ذكرياتي كانت عيونهه تختلف
العيون اللي اشوفهه هسة مو هي
هاي زهراء او لا؟
دخلت وبيدي الكلبشات
تعبان والوجع راسم بوجهي خريطة
كانت واكفة بعباتهه وشالهه الاسود
بكل شموخ واني داخل بكل ذلة
ابوهه واخوهه واكفين
والمحامي بالباب
وكفت كدامهه
باوعتلهه بشوق
وكأن اريد اختبي بروحهه
نظراتهه كانت جامدة
ماكانت زهراء اللي اعرفهه
باوعت ع ابوهه
ورجعت باوعتلي
كعدت ع الكرسي
كعدت كدامهه
باوعت ع ابوهه وكلت
عمران:عمي ليش جايب زهراء لهنا
زهراء:كلامك وي زهراء مو وي ابوهه
عمران:انتي تسدين حلكج
زهراء:ههه خوش اسلوب يناسبك ويناسب المكان اللي انت بي
غمضت عيوني بقوة
كان اول سهم تطلقة لقلبي الحياة
يلا عادي
عمران:كم مرة اكولهه ان اني مظلوم
كال اخوهه
:تضحك علينة انتتتت
السيد:كرار اسكت خليهم يتفاهمون
عمران:زهراء ليش جاية
باوعت بعيني وهي تخزر
وبعيونهه دمعة قهر وغضب
كالت
زهراء:هي كلمة وحدة كولهه وخلصني من ماضيك
عقدت حاجبي
عمران:جاهز حتى اكول الف كلمة المهم ماتبقين ماخذة هاي النظرة عادي
زهراء:مااريد الالف اريدك تطلكني
فتحت عيوني مصدوم
كل هالفترة كنت اعتقد طلب الطلاق من اهلهه
احس الدم جمد بعروقي
واختنكت
عمران:زهراء شبيج
زهراء:كنت مريضة وصحيت كنت واهمة وادركت
عمران:واهمة بشنو؟
زهراء:بيك توقعتك تتوب بس طلعت توقعاتي غلط والعوج يبقى عوج
غمضت عيوني
مرات من لذعة الكلام ماتكدر تسيطر ع روحك
نصيت راسي مخنوك
عمران:انتي مامصدكة بية
زهراء:لا
عمران:اني ميهموني كلهم انتي اللي تهميني اني من شفتج غيرت كولشي بحياتي زه..
زهراء:اذا عندك غير كلام كولة هالكلام تعلمت علية
YOU ARE READING
عنقودية الواقع (أجنة)
Romanceللكاتبة غدير الحيدري كسالف الأمم تركت جرحا غادقا كلما مر بي الزمان يعتق اضمرت بالروح الف مشنق رميتني طفلا عنقوديا خارج الرحم قد تعلق تعلقت امنياتي خارج الواقع انا من اضعت روحي كطفلا احمق اردتك مسندا يستند الرحال على السّيار دارت بي الأمواج عكس التيا...
