#الفصل_الثاني_البارت_الخامس
#رواية_أوكـــســجــيــن
#بقلم_فـجـر_الـمسـاري
#رواية_حقيقيه
#قصص_نور_قلبي
عدنان... بفتره تخرجي من كليه عسكريه داومت
محافظات... تحديدا بالنجف دووامي ..
خلالها تعرفت على هواي اصدقاء بس اني بطبعي
مجنت احب اختلط هواي...
كان عندي صديق مقرب اسمه... هادي...
اتعرفت عليه بنفس الوحده اني وياه...
تقريبا بنفس عمري ... وبمرور الايام قوت علاقتنه...
وبيوم جنت بدوووام... اي يمه ان شاء الله...
نهايه الاسبوع انزل والله مشتاقلكم ومشتاق
لاكلج الطيب...
بعد مكملت سديت التلفون ..
هادي ..جنك ع اكل اليوم معزووم يمي .
متقصرر خاف اسوي عليكم زحمه...
ولك يازحمه... تعال تعال وعوف رسميات
زحمه ورحمه... تعال ضوك اكل الحجيه...
هادي... اني طالع وانت تندل البيت تعال...
عدنان طبعا هاي موو اول مره اروح لبيت هادي
اذكر مره وصلته بسيارتي لبيتهم...
من تخربط والده... اخذنا للمستشفى...
وبعدهه مره رحت تحمدتله بالسلامه... اوويلي
لو ادرري مارايح ولا شايفها...
سمره الملامح سوداء العيون اخذت قلبي
من اول نظره... دخلت قلبي ومطلعت ...
خل نروووح نلحك ع العزومه واحجيلكم الباقي ..
مقداد... وين صرت...
اجه نعم سيدي... اني راح اطلع ساعتين وارجع
اذا احد سال عليه... ماشي
ماشي سيدي ..
طبعا رحت بدلت لبست مدني... بنطرن وقميص
وحرك السياره ومشيت... وصلت لبيتهم ودكيت
الباب بلحظتها تمنيت هيه تفتحه الي...
صاااار هواي مشايفها من اخرر مره...
انفتحت الباب طلع هادي .. ياولحظ... هادي
اي هادي لعد منوو يفتحلك لباب امي... ههه
امشي ضابظنه الدوووام ماثرر عليك ..
عدنان اي والله كلش .
طبيت جوه وكعدت سولفنه شويه اني وابوه
بعدهه صبوه الغده خيرات من الله...
بعد مكملت طلعت لطارمه اغسل...
عاى المغسله سمعت صوتها اتفضل ضيفنه
انداريت وشفتها مدت ايدها وانطتني خاولي
اخذته منها ..شلونج هديل ..هي مدنكه
رفعت راسها وكالت الحمد لله... طلع هادي
ركضت طبت جوه...
بعدهه شربنه جاي وطلعت وتفكيري كله بيها
صار كم شهررر هي بالي...
هديل... من سمعت عدنان ليوم معزوم عدنه على
الغده طرت من الفرح ... كلشي سويت
هادي جاب سمجه شوي واني سويت مرك بانيه
وتمن ابيض وزلاطه وطرشي ولبن وخضره
وخبزت خبز حاااررر... بالتنور...
طبعا احنه منطقه ريفيه...
كملت غده طبيت سبحت وحطيت كحله لعيوني
ورتبت نفسي... وطلعت من الغرفه اندكت باب
باوعت على كيف من باب المطبخ صاير
اول متفوت للبيت .. شفته فات وهو يضحك
ويه هادي... اخذ رووحي... بضحكته...
اول مره شفته بملابس عسكريه ورتبه ع جتفه
ضابط وهيبته وكشخته...
بيوم ماتخربط ابوي اجه ويه هادي واخذوا
للمستشفى...
صاحت امي علي هديل انطيني عباتي ... جايه يمه
جبت عبايه وطلعت مجنت ادري بي موجود
وانطيتهيا واني ممنتبهه ع وجوده جنه مخبوصين
بابوي...
هادي وين رايحه يمه ضلي هنا...
ناخذه اني وعدنان... باوعت شفته واكف بالباب
يمه... ركضت جوه...
عدنان مررت الايام ويوم عن يوم يكبر حب هديل
بكلبي... قررت الاجازه الجايه افاتح اهلي بالموضوع .. واخطبها...
باجر نزلتي لاهلي... جهزت جنطتي وطلعت الصبح بعد الصلاه حتى اوصل بسرعه...
بعدكم ساعه من تعب طريق وحررر وصلت
لديرتنا... اووف ياريحه هلي... العراق كله ارضي
وطني بس المكان الي بي اهلك يختلف...
وصلت لبيتنه وطفيت سيارة ونزلت اجيت ادك
الباب انفتحت واشوف الحجيه كبالي...
هلا يمه حضنتها وبوست راسها وايدها ...
فتت جوه والكل موجودين اخواتي واخواني...
بعد مسلمت على الكل وكعدت شالقضيه ..
اليوم الكل مجموعين...
يايمه غير فرحانين بجيتك صار شهر مشايفيك
روح يمه غسل وبدل... يله كومن صبن الغده
اخيجن جوعان...
اي والله يمه ميت من الجوووع
فتت سبحت وبدلت لبست دشداشه وطلعت
صبوا الغده... كعنه كلنه اتغدينه وبعدهه شربنه
جاي وسوالف وضحك...
ومر على اجازتي يومين اليوم بعد العشا قررت
افاتج امي وابوي بموضوع هديل...
طلعت يم اصدقائي العصر لليل رجعت ..
اتعشينه وكملنه...
حجي حجيه عندي ححي وياكم... كول ابني
اري اتزوج... امي كللللوش...
خلي ادورلك ع مره... لا يمه المره موجوده
بنت منووو... ارووح اخطبها... يمه البنيه اخت
ولد صديقي وعاجبتني...
بعد محجيتلهم الموضوع رفضـوها...
ومرت الايام وحاولت بكل وسيله مقبلوا ..
ومرت السنين...
ونفس الحال متغييير... امي رادت تزوجني
بكل وسيله مقبلت اني احب هديل...
خلال هالست سنوات تكررت روحاتي لبيت هادي
وتعرفت ع هديل اكثر وصارحتها بحبي
وحجيت الها عن موقف اهلي ورفضهم الها...
وبيوم رجعت من الاجازه الحجيه كالت لو تزوج
لو اغضب عليك ليوم الدين... انجبرت اقبل
منووو هالعروس... .
صابرين... الي حجه عنها يوسف اني خليت اختك
تسال عنها خوش بنيه وحبابه... بعدهه واقبتها
من بعيد بدون متعرف شفت معدهه شي...
ورحنه نخطبها من اهلها...
جنت اتهرب منها... وبيوم خطوبه من فتت البسها
الحلقه مباوعت عليها... تمنيت تكون هديل
موو صابرين ..
ثاني يوم من التحققت قررت اتزوج هديل بدون
علم اهلي...
بعد مااتحمل تضيع مني... طلبتها من اهلها
وافقوا...
وبعدهه بااسبوع اتزوجنه وفتحتلها بيت يم اهلها
حجيتلهم عن صايرين...
هديل ..تزوج عليه عدنان...
ياعيني انتي مو تعرفين السبب اني ماريدها
بس امي جبرتني عليها .
وصارت بيومها عركه شكبرهه بيني وبين هديل
راحت يم اهلها...
رغم اني مفهمها عاقد عليها قبل لا نتزوج
اني وياهه... .
رحت لاهلها وراضيتها...
ومشت حياتنه...
بعد سنه خطوبه صارر زواجي من صابرين...
صابرين... فات هوه يسبح واني بديت احضر
بالجنط كملت وبدلت لبست ملابس حلوة وخليت
مكياج ... ماحبيت ابين مكسورة او ضعيفة ..
اني ضيعت حبي استحق الي يصيرلي...
طلع عدنان من الحمام فات للغرفه وهو يصوفر
ويباوعلي بس اني ماباوعتله احاول اشغل نفسي
باي شي...
ماعرف شنو الي خلاني هيج اتصرف يمكن
كذبه عليه بزواجه من هديل...
شبيج صابرين زعلانه تريدين نجدد الاقامة
بالفندق وهو يضحك...
خررب حظي على شنوو انجدد.. احجي بكلبي
ضجت منه... بدون مباوعله كتله لا نرجع احسن
وماحس غير جرني لحضنه ...
كال باوعيلي... باوعتله ..
عدنان صدكيني ماراح اقصر وياج وراح اسعدج
بالاكدر عليه...
بلحظتها ردت ابجي بحظنة جنت كلش مقهورة
بس كلت لا مااخلي يشوف دموعي وكسره كلبي
وخرت منه...
وكتله الله كريم خلي نطلع من وكت ورانا طريق طويل واهلك هسه ينتظرونا...
بدل وكملنا كل شي... ونزلنا سلم المفاتيح
لاستعلامات وطلعنه لسيارة وصلنه يم سيارة
فتح صندوق وخله الجنط،...
واني كعدت ليكدام... سد صندوق واجه صعد
بالسيارة ومشينا...
وطول الطريق كل مايسالني على شي اجاوبه
بكلمتين اي او لا...
ماحبيت اشاركه باي موضوع هوه حس عليه
منزعجة سسكتت...
اني ظليت عيني على جامه السيارة وتفكيري
مشوش شلون راح اعيش وياهم شون راح اتصرف
وياهم راح يحبوني وشلون حياتي راح تكون وياه
واكيد راح تكون تفرقة بالتعامل ..صح
هو كلي ماراح افرق بينكم بسسس... مستحيل
اكووو رجال بالدنيا يكون عادل بتعامله مع زوجاته
لازم يكون اكوو طرف خسسران وهذا الطرف... .اني ..
لان اعرفه يحب هديل واكيد راح يفضلها عليه
لان يحبها... بقيت افكر لحد ماوصلنا لرمادي .
قطع افكاري صوت عدنان...
... صاح صابرين ..وصلنا ..انتبهت هذا بيتهم
نزلنا ودخلنا بيتهم جان جبير مسافه قبل
البيت وحديقه جبيره... استقبلونه بالذبايح
والهلاهل اباوع الكل فرحانين .. كلت خوش استقبال هم راح يستقبلون ست هديل... هيج
استقبال مثلي...
فكرت من الافضل اكسب حب اهله واحترامهم
وبعدين ياعدنان الا اخليك تحبني بسس اصبرلي
بوستني امه واخواته ونسوان اخوانه ..
تلكونه وفتنه جوه... كعدنه
خالتي ام عدنان... كالتله يله يمه اخذ مريتك
واصعد فوك ارتاحووو...
صعدنه اني وياه...
هو صعد الجنط،وياه للغرفة خلاهم...
وطلع...
اني هم غيرت ملابسي لبست كلابية لون احمر
بيها شغل كلش حلوو ورتبت نفسي ..
وخليت شال على راسي... شويه
انفتحت الباب ودخل عدنان للغرفة باوعلي صفن
دار وجهه راح لكنتور فتحه وطلع دشداشه
هو ينزع ملابسه اني درت وجهي...
كمل را د يطلع...
صحت عدنان والتفتت عليه وكلي... نعم
شوكت ناوي تحجي لاهلك عن زواجك من هديل
صفن وسكت ورجع كال هسه مخبوصين وناس
فايته وطالعة من يروحون الناس ونبقى
اني وياج واهلي عوود احجي...
كتله كل شي بوكته حلووو...
اجه اقترب مني لزمني من جتفي وكال اشكرك
ياربي من هديتني هيج مره تفهمني...
اندكت الباب صاح منوو...
اني شمس... فوتي فوتي... كالت نزلوا جهز الغده
شمس مرت اخوه حسين...
باوعلي وكال يله... نزلنا اثنينه... بنزلتنه من الدرج شافتنه امه كامت تهلهل...
حسين ..كافي يمه لو عرس الحجي اليوم
متسوين هيج...
كلتله شحده يتزوج... ضحك وكله هاا حجي
شتكول... سكوت علامه الرضا...
كله شعندي غير ام عدنان...
انمدت السفره كعدنه الكل وتغدينا ماكو احد غريب
اخواته واخوانه ونسوانهم وابوه وامه ..
كعدت بصفه وكل شويه خازرني ماعرف ليش
وامه تفصخ باللحم وتخلي كدامي تكلي
يمه اكلي لا تستحين احنه صرنه اهلج ..
اني امج وهذا ابوج تاشر على عمي...
كلت شويه وكمت من وره عدنان مدري شبي
فتت للمطبخ ساعدت البنات بغسل لمواعين
هما ماقبلوا بس اني كتلهم متعودة...
سمعت عدنان صاح صابرين... تعالي ورايه
غسلت ايدي ..والبنات يضحكون
يكولون ميكدر على فراكج...
اي والله لو يدرون ميشتهيني ..
صعدت اول مفتحت باب الغرفه سحبت ايدي
صحت اخخخ ايدي عدنان شبيك...
انتي شبيج... مو داخزرج... متفهمين
شسويت اني...
شالج مره ثانيه تلبسي عدل شعره وحده متطلع
من راسج والله قسما عظما اكص راسج ..
وبعد هاي شنووو...
شنوو سويت... تضحكين... ويه اخواني
هما هم اخواني... شنوو تغار منهم...
بس مرة ثانيه لا تعيديها لا اكص لسانج...
صاير اعصاب و يحجي عافني وطلع...
بقيت كاعده بغرفتي بعد منزلت... لفيت راسي
ونمت مكعدت للمغرب عدنان ماكوو...
بدلت وخليت شال على راسي ونزلت لان حمويني
موجودين... عيب
كالوا العشا يجيبونه من المطعم...
جابوا كباب ومقبلات ودجاج شوي وسمجة شوي
اكلنه كملنه وشربنه جاي...
صاحلي عمي ونطاني شده فلوس كال هاي بياضج
اشرتلي عمتي اخذيها .. اخذتها واتشكرته
وعمتي ام عدنان انطتني كلادة ذهب ..مقصروا
بعدهه كلمن راح لبيته...
بقيت كاعده بس اني وعمي وعمتي وعدنان
اني كمت واترخصت منهم وصعدت الغراض للغرفة
وعدنان يحجي وياهم مواضيع عادية وعن دوامة
بدلت لبست تراك وشلت شعري بالقراصة
نزلت نظفت المطبخ ومسحت الكاونتر ..
حسيت هذا بيتي... والله عوضني بيهم ..
لازم احافظ على هذا البيت... كملت وسويت جاي
واخذته الهم للصالة... كاعدين
عمتي... كالت ياعيني عليج من اول يوم
استلمتي البيت...
باوعت على عدنان باوعلي عرفتة شيريد مني ..
انداريت على عمتي كتلها...
عمه انتي موبس عمتي امي ..وعمي ابوية
الله شاهد حبيتكم من اول يوم دخلت بي للبيت
وهذا بيتي راح احافظ عليه...
عدنان جان كاعد على التخم ويهزز برجله ..وساكت
وراح اكون عد حسن ضنكم ومافشلكم ويه عدنان
عمه عدنان يريد يكللكم موضوع ..
هنا عاد عدنان عدل كعدته...
امه باوعتله وجان تزعج عينها ( تخزر بي )
وابوه كاعد جان يخوط باستكان الجاي...
عمتي جان تكول... ولج يمه ياموضوع احجي ..
جان عدنان يوكف وكللها يمه لهنا وكافي ..
اني مو صغير اني ضابط ..وعندي جنود امرهم
وانهي،عليهم،... وحياتي بعد ماريد احد
يتدخل بيها... ..اني متزوووج من هديل.
وهي هسه حامل... .
وراح باجر الصبح اجيبها لهنا وراح تكعد بالمشتمل
لا تشوفكم ولا تشوفوها...
هنا امه صاحت بي وكامت تحجي عليه وترزلة
وابوة يحجي ويرزل بي...
وصارت هوسة وصياح .. عدنان خله وطلع...
يتبببع .. ...
بقلم الكاتبه فجر المساري
أدمن قصص نور قلبي
مؤلم جداً ، أن لا يشعُر بِـ إختناقك أحد ، رُغم أنك تُشارك الجميع بِـ / أوجاعهم .🥺💔