#بين _الجدران
#ام احمد
العاشر
انتهت فترة حبس الانفرادي رجع للعنبر مالته الكل تباوع عليه بخوفه ورعب واصلا ماكو احد يتجرأ يحجي وياه
كأن عل رؤسهم الطير..... كل حواليه يعرف الي صار زائد بعض البهارات من شخص لااخر واحد يكول گتل ثلاثه ولاخ يكول كتل اربعه وعل منوال لكن محد تجرأ وسأله منهم عن الحادثه وشنو أسبابه بنظرهم ان هو رجل خطير
داخله يعرف ان حربه مانتهت بعد ولازم يضل عل حذر حس انه صار غير شخص... شخص ثاني مستعد يقتل مات الخوف بداخله فتره الحبس انفرادي خلته رجل اخر گلبه قسى حتى حبيبته صار من يذكرها قبل يتيه ويتعذب هسه لا صارت مجرد ألم وغصه وراسنا يبعدها عن فكره.... وحدته خلته يتخذ من جوامد أصدقاء إله مرات يشكي همه والم للسرير وللحايط وحتى الحصى الي بالساحه... من يكعدون ياكلون محد يكعد يمه ويشاركه الحديث... قتلته الوحده اشتاق لصديقه ابو عبدالله
كعد بالساحه وضل يراقب أمريكي شلون يروح ويجي اتمنى يعرف انكليزي ويحجي وياه جان وقت الغروب وكل وساحه فارغه... حس بحركه وراه راسنا التاف وشافهم كباله ملثمين فرزن راسنا واحد بيهم وعرفه من عيونه رجع انتبه عل أمريكي الي جان واكف شافه اختفى عرف انهم جايين ينتقمون منه
اش تغيدون
سلامتك شبيك كبيت
ويصب غاح جندي
اختفى
قتلتمو
لا يابه هذا أمريكي اذا نقتل ناخذ اعدام
كدرتكم عل عراقي.... اش تغيد مني
نعقد هدنه ابينا
انتم غوحو عن دربي انا مااوصلكم
جيد جداً يعني متباوكين
اي كلمن بدغبه انتم بدغب واني بدغب... بس اعغف اي تعرض الي ماسكت عنو انا هساع غير قبل اعغفت
صرت رجال... نحنا انريد واحد مثلك
لاع ماصيغ منكم عل قص لوزتي
فهمنا (مد ايده للتصافح)
ظل هو واكف يتصافح معاهم لو لا بس عقله يگله لو يردون سلام جان ماجوك ملثمين
شبيك نتصافح ليش خايف
عليش مغطين وجوهكم
أتقدم نحوه وهو ماد ايديه واثنين الي وياه حوطوه من وره حس بشي
اش تغيدون تعملون
گلتك نتصافح
ضلت عيونه عل وراه وحركاتهم
انا اعغف اختفاء الجندي ورانه شي وهاي جيتكم وراها مشكله
لحظات ولزم ايديها ثنينهم واثنين الرجال وراه ثبتوه عل كاع
ملاعين والدين عوفوني
حط رجليه عل راسه
انا قتلولك الي ضدنا يموت
اي اقتلني
لاع مااقتلك بعدين اخوك يزعل علينا ضربوه
ضلوا يضربوه عل بطنه وعل صدره بس كأنما تقصد أن ميخلو بيها أثر قوي..... اكثر من ضربه عل اضلاعه كفيله ان تنهار قوته حطوه باايده حربه مليانه دم وطبعوه بصماته عل حربه ضل راسه جوه رجليه تعرف هاي شنو
عوفوني انذال گو.....
وخر رجليه ونزل راسه يم اذنه وهمس بااذنه هاي الحربه مال الجندي الي اختفى وابتسم ابتسامة ماكرة وكال
عوفوه همه راح يكملون شغلنا(يقصد أمريكان) عافوا وراحو حاول يكوم ميكدر صدره ياذيه انتجه عل حايط وكوه گام عل حيله شاف الحربه كلها دم شمرها وماهي الا لحظات حتى طوقوه أمريكان بعد أن ضربوه ضرب مبرح.... فقد الوعي كل الي يذكره هو عصي وركلات الي تنهال عل جسمه....
ظل محبوس بغرفه ظلمه تلث ايام معصوب العين ومربط الايدين والرجلين حته حمام ميروح وراها رشو عليه مي بارد ثلج واخذوا عل تحقيق
كلاب انذال انا ماعملتو شي اتركوني
اكعد
انت متهم بااعتداء عل جندي امريكي وقتله
ما انا
لا تكذب بصماتك عل عل حربه
والخلقني ماانا همه
منو همه
خرا التنظيم همه
وشنو مصلحتهم
مااعغف انا ماقتلتو الجندي كنت قاعد عل غفله هو اختفى بعدها همه طلعولي ملثمين انا شكيتوا بيهم
وشرادو منك
عل اساس ندخل بصلح
تعرف اذا ثبت ادانتك تاخذ اعدام
قلتولكم ماقتلتو وربي ماانا
كل ادله ضدك اولا انت كنت باانفرادي واغلب حجيك جنت تهدد بااذيتنا وثانيا بصماتك عل سلاح
عمي اهجم عل جندي أمريكي مدجج بالسلاح واقتلو وانا اعزل اشبيكم انتم واني نصه مااطلع
انت قبل قتلت اثنين مسلحين
كنت عدافع عن نفسي
تحول للمحكمه وينظر باامرك
الله عل ظالمين الله ينتقم منكم
خذوه.......
*************
ميثم ويصبت كل هل فترا كنت
انعام خفتوا عل نفسي هساع اروح وبعدين ارجعلج
لاتغوح امانه ضل يمي
مااطيق لازم اطلع هساع
عافها وراح ايام وهيه تنتظره ماكو اي خبر عنه وبذاك اليوم مشؤوم سمعت عياط من بيت عمتها جان صوت عمتها وبنات عمتها طلعت مثل مخبله من بيتهم وشافت عمتها حاضنه كونيه وبناتها يلطمن وزوج عمتها يحاول ياخذ الكونيه منها مشت الهم حافيه بخوفه وخطواط مهزوزه غير مباليه للحراره الكاع الملتهبه.... قبل ماتعرف شنو بالكونيه جان جسمها كله يهتز ودموعها ينزلن من شافها رجل عمتها تتقرب عليهم صاح بيها لاتتقربين
هيه مادارت بال وظلت تتقدم لمن وصلت لعمتها منهاره وكامشه الكونيه مدت ايدها تريد تاخذ منها الكونيه
(زوج عمتها) غوحي منا ارجعي عل بيتكي
اغيد اغشع
(عمتها) ولكي غاح الزين غاح يماه ذبحونو الله ينتقم منهم
الصدمه خلتها تتشنج وماتكدر بعد تتحرك وعينها عل كونيه اخذتها وقبل متفتحها كمشها رجل عمتها
لا تفتحيها ثواني وحست بملمس شعره المتيبسه بسبب الدم عليها وريحه الدم خلوها تفقد وماتحس بحواليها
انعام انعام وينج!
خير
يلا امشي نروح وين جنتي صافنه
ماكو شي... يله امشي
وعدت ديمه صديقتها وكملت طريقها عل شغلها وصلت وضلت تشتغل بتفاني جانت متحمسه هوايه لان اليوم اول راتب الها وراحت حتى تستلمه شافت اخو عمر سلمت عليه وشافته مهمموم عل غير عادته اتشجعت وسالته
شلونك استاذ بلال
الحمدلله (أتعجب انها تعرفه)
اني اعرفك لان استاذ عمر شغلني اهنا من شهر وهو هوايه ساعدني ويجي يمنا يزورنا
اهلا وسهلا بيج
لعد هو شوكت يرجع
شافته دنج راسه وأبين عليه الحزن
خير استاذ اكو شي
عمر اعتقلوه
شنو!! شوكت؟
صار عشره ايام
الله يفرجها عليه يارب
عافته ومشت حتى راتبها مااستلمته.... خبر صدمها اذكرت يوم اخذوها الشرطه كلشي إله علاقه بالسجن يرعبها يدمر من نفسيتها
رجعت للبيت وهيه تذكر كل لحظه رعب مرت بيها وشلون فقدت ياسين وفقدت أهلها وبلدها بسبب تصرف غبي وغير محسوب إله حساب ظلت كاعده يم ام انعام متريد تروح عل سرداب لان بس تروح ذكريات راح تحطمها وماهي الا لحظات واجت انعام
سلام
سلام
شو مامريتي عليه
مكدرت
خيرج جنج شايفه عفريت
عمر
خير رجع من السفر
لا
شبيج يمعوده
الشاب اعتقلوه
شنوو! ليش اشعمل؟ احكي اشعمل؟
مااعرف. شلون عرفتي؟
اخوه كلي
سكت انعام وحست بشي داخله بدا يوجعها كعدت عل قنفه وبددت تهز برجليها الغريب انها اليوم جانت تذكره شلون طلب منها فرصه اذكرت عيونه وعتمه الهاله الحوله شخص راد منها امل بالحياة وهيه وهبته رماد شخص الحزن سيطر على حياته رغم أنها متعرف شي عنه بس الي يشوفه ويشوف لبسه هيئته السواد الي بكل شغله لا بل هو كلشي اسود جان حتى عطره جان من تشمه تحس بيه بحه حزن احساسها بتأنيب الضمير
انعام وين سرحتي
بدت تبجي
انعام شبيج
مابيه بس ليش القهر يلاحقني
ياقهر هذا انتِ تحجين عليه رجال طلب منج فرصه
اسكتي اني نحس اي اني نحس اي واحد يحبني يموت
لاتفاولين عل رجال ان شاء الله يطلع
اني شؤوم شؤوم
هذا قدر انت مادخلج باليصار يله اني اروح
الله وياج
********.
حط راسه عل جدار يتحسسه هو مقيد ونفسه ضعيف كوه يجره بسبب ألم يحسسه لو بس يفتحون عينه ويشوف حواليه ريحه زنزانه لاتطاق مايعرف ليل من نهار حاول يمد رجليه مكدر لان اكو وياه كومه ناس سرح للماضي ويذكر
عمر وينك(اتقرب اخوه عليه بلال بعيون كلها دمع)
اشبيك بلال (حضنه قوي وحس باايده تضغط عليه) احكي اش بيك
اخويه ذبحوه التنظيم
اش قاعد تقول
ابوي خبر وقلي اهدء
لا لا مااصدق هل حكي كله عمره اثنعش شلون يذبحو
عمر اهدء
انا سبب انا قتلتو
لا هذا قدر وصاغ
انا راجع عل موصل
جنيت شي حتى يقتلوك الك هم
مااتترك امي وحدها
عمر اعقل أبويه انت
ضلوا واحد حاضن لاخ ويبجون
رجع لواقعه بعد أن حس ان راح يختنك من حسره ونفس ضاق عليه أكثر حس انه راح يشوف اخوه الصغير ويلتقي بيه.......
**********
ضلت ايام ماتفارق سجادتها وغرفتها تصلي وتدعي الله ينجي ابنها وفلذه كبدها متمسكه باامل ضعيف ماعاد تهتم اذا زوجها طب او طلع هيه تريد ابنها هيه ام مفجوع من قبل خمس سنين من اخذ التنظيم ابنها الصغير وبعد ايام ذبحوه ورموه كدام الساحه مال بيتهم... متريد بعد تفقد ابنها الجبير بدت تلوم بروحها هيه خابرته وبدت تبجي عل ابوها لهذا هو رجع علمودها
مر شهر وشهريين ماكو اي اخبار عن ابنها عيونها الزرقاء ذبلت من بجى
وينكي مريم
خير اشكو
محامي يقول دغشعونو خمس ورقات واذا تغيدون مايتعذب جيبوا دفتر
اي خلي
اي جيبي
ويي مين اجيبلك
والله معغف مين
زتها عل مغا ياعيب والله
مين اجيب ا لكن
احسن ما زت فلوسك عل موزينات
مريم جفي شغ احسن عندك جيبي ماعندك خلص
دبيع ذهبي واغوح عل اخوتي واغشع ينطوني حصتي بالبيت
بدت مريم تلم فلس عل فلس وراحت عل اخوتها انطوها حصتها من البيت وره اسبوعين نطو الفلوس للمحامي حتى يوقفون عن عمر العذاب وراها راحت عل بغداد وشافته والطريق كله تحسب وتندعي من الله تكون كدامه قويه وماتبجي من شوف حالو التعبان
وره ساعات التقت معاه بدت الدموع تنزل دون وعاتها وهيه تشوف ابنها وضعه وهيئته ظلت ربع ساعه حاضنته وتبجي وهو جان يحتاج الها مثل طفل مفطوم ويدور بحضنها عل دفو
امي لاتبكي دموعك غاليه عليه
فداك امك فداك يابعد روحي... بس تطلع نهج من هل بلد
امي اغيد تخبرين عل اخويه وتقليلو سكت لحظه
اش اقلو
امي يسأل عن البنت احبها
وهو يعغفها
لاع اكو بنت جديده اسمها ديمه يسالها هيه
ول ابني انت بااي حال وتسال عنها
امي الله يخليكي خلي يستفسر عنها
لاتخاف غاح قلو
جبت لك ملابس واكل معايه... جاي يعاملوك مليح
اي صاغ اسبوع ماياذوني
تفرج ياابني تفرج
ودعت ابنها بقلب ملجوم
بذاك اليوم كدرت عيونها تاخذ النوم وحست براحه لأنها كدرت تشوف ابنها وتقر عينها بيه
***********
ضلت يوميه تروح تسأل عنه وتستفسر عليه متريد يصير بيه شي
استاذ بلال طمني
اووو عندي أخبار تجنن الج
صدك تحجي
اي امي غشعتو واطمنت علينو
الحمدلله واحزري اش قال
شقال
سأل عليكي
خجلت من حجيه وتوردة خدودها
اذكرني وهو بهل وضع
اي اول سؤال كان عليكي
سلملي كثيغ عليه
الله يسلمك
رجعت عل شغلها وهيه طايره من الفرح شلون بهل وضع مالته ومنساها شكد يحبها لعد اول مرا تحس بشي يتحرك داخلها من يوم الي مات بيه ميثم وگلبها مات لكن هسه هذه كلمات حركت داخلها وبدت تحس بطعم للحياة بذاك اليوم كله ضلت مبتسمه ورجعت للبيت باست امها وتفتر بالشقه بخفه وابتسامه تارسه وجها
اندكت الباب ودخلت ديمه هيه وابنها
اجيتي بوكتج
شلونكم.... شلونج خاله
هلا بيج بنتي اشنو اليوم ماغحتي عل شغل
لا مارحت
ليش
شافت انعام صديقتها مو عل بعضها اتغيرت ابتسامتها وراحت عليها
شبيج
اني اني
شبيج ديمه(نزلت انس من حضنها وبدأ يفتر حواليها)
قررت ارجع عل اهلي
شنو!!
اي هاهيه لازم ارجع
ديمه يكتلوج
كعدت عل ركبها وبدت تبجي
ديمه خيرج
اني جنت اعرف وحده صديقتي ويايه بالمدرسه وقبل يومين شفت اسمها عل صفحتي مكتوب أشخاص قد تعرفهم
اي وبعدين مسحت دموعها وضمت ابنها لحضنها
ديمه احجي
صادقتها ودخلت سلمت عليها هيه عرفتني وضلت تسأل بيه بالبدايه خفت اجاوبها بعدين سألتها عل اهلي
اي وشكالتج
كالت ابوج وراج اتمرض وضل مشلول (ضمت ابنها لحضنها بشده بحيث طفل كام يبجي)
ديمه عوفي طفل جاي تاذيه
انعام امي ماتت وابويه اخوتي ذبوه بدار العجزه
حطت ايديها عل حلكها وهيه تسمع هل كلام تعرف صديقتها شكد تحب ابوها وشكد تسولف شلون جان مدللها
ديمه انت إذا رجعتي راح يكتلوج اخوتج
لا ارجع إداري أبويه بسببي هذا حالهم
ظلت تصرخ وتبجي
اتقربت عليها انعام وحضنتها
اش كافي لاتبجين
تعبت اني تعبت اريد اموت
اصمله عليج حبيبتي ابجي ارتاحي طلعي الهم بكلبج كله
اتقرب عليها انس وحضنها وكعد يبجي
انعام اني دمرت نفسي ودمرت اهلي
كافي تلومين روحج مراح يفيدج بشي بعد صار الي صار
كامت ديمه عل حيلها اني راجعه عل بغداد بعد قررت.....
ام احمد